| ᠪᠠᠭᠰᠢ ᠬᠦᠮᠦᠨ ᠤ ᠬᠢᠴᠢᠶᠡᠯ ᠵᠢᠭᠠᠬᠤ | ᠤᠷᠡ ᠴᠢᠳᠠᠪᠤᠷᠢ ᠶᠢᠨ ᠳᠤᠬᠠᠢ ᠦᠭᠦᠯᠡᠬᠦ ᠨᠢ | | ᠰᠤᠷᠭᠠᠭᠤᠯᠢ ᠶᠢᠨ ᠵᠢᠭᠠᠨ ᠰᠤᠷᠭᠠᠯᠲᠠ ᠪᠤᠯ ᠳᠤᠰᠬᠠᠢ ᠮᠡᠷᠭᠡᠵᠢᠯ ᠪᠦᠬᠦᠢ ᠬᠢᠴᠢᠶᠡᠯ ᠤᠨ ᠪᠠᠭᠰᠢ ᠪᠠᠷ | ᠤᠳᠤᠷᠢᠳᠤᠭᠠᠴᠢ ᠪᠤᠯᠭᠠᠭᠰᠠᠨ ᠰᠤᠷᠤᠭᠴᠢ ᠪᠠᠷ ᠰᠤᠷᠬᠤ ᠶᠢᠨ ᠭᠤᠤᠯ ᠪᠡᠶᠡ ᠪᠤᠯᠭᠠᠭᠰᠠᠨ ᠰᠤᠷᠭᠠᠭᠤᠯᠢ ᠶᠢᠨ | ᠬᠦᠷᠢᠶᠡᠨ ᠤ ᠳᠤᠰᠬᠠᠢ ᠨᠢᠭᠡᠨ ᠭᠠᠵᠠᠷ ᠲᠤ ᠶᠠᠪᠤᠭᠳᠠᠳᠠᠭ ᠨᠢᠭᠡᠨ ᠤᠨᠴᠠᠭᠠᠢ ᠠᠵᠢᠯᠯᠠᠭᠠ ᠪᠤᠯᠤᠨᠠ᠃ ᠠᠳᠡ | ᠬᠡᠯᠡᠵᠦ ᠪᠠᠶᠢᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠭᠦᠷᠢᠶᠡᠨ ᠤ ᠳᠤᠰᠬᠠᠢ ᠨᠢᠭᠡᠨ ᠭᠠᠵᠠᠷ ᠭᠡᠳᠡᠭ ᠨᠢ ᠬᠢᠴᠢᠶᠡᠯ ᠤᠨ ᠭᠡᠷ᠂ | ᠲᠤᠷᠰᠢᠯᠲᠠ ᠶᠢᠨ ᠳᠠᠰᠤᠭ᠂ ᠤᠩᠰᠢᠯᠭᠠ ᠶᠢᠨ ᠦᠷᠦᠭᠡ᠂ ᠦᠵᠡᠭᠦᠯᠭᠡ ᠶᠢᠨ ᠭᠡᠷ᠂ ᠬᠦᠳᠡᠯᠭᠡᠭᠡᠨ ᠤ ᠲᠠᠯᠠᠪᠤᠷ ᠵᠡᠷᠭᠡ | ᠶᠢ ᠵᠢᠭᠠᠵᠦ ᠪᠠᠶᠢᠭᠠ ᠶᠤᠮ᠂ ᠳᠡᠭᠡᠪᠡᠯ ᠤᠨᠴᠠᠭᠠᠢ ᠠᠵᠢᠯᠯᠠᠭᠠ ᠬᠡᠳᠡᠭ ᠨᠢ ᠳᠠᠷᠤᠢ ᠳᠤᠭᠲᠠᠭᠰᠠᠨ ᠬᠠᠷᠠᠯᠲᠠ ᠵᠤᠷᠢᠯᠭᠠ | ᠲᠠᠢ ᠪᠠᠷ ᠬᠢᠴᠢᠶᠡᠯ ᠤᠨ ᠪᠠᠭᠰᠢ ᠶᠢᠨ ᠵᠢᠯᠤᠭᠤᠳᠤᠯᠭᠠ ᠬᠠᠪᠰᠤᠷᠤᠯᠭᠠ ᠪᠠ ᠴᠢᠩᠭᠠ ᠨᠢᠬᠳᠠ ᠵᠤᠬᠢᠶᠠᠨ | ᠪᠠᠶᠢᠭᠤᠯᠤᠯᠳᠠ ᠶᠢᠨ ᠳᠤᠤᠷᠠ ᠰᠤᠷᠤᠭᠴᠢ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠦ ᠠᠩᠬᠠᠷᠤᠯ ᠢᠶᠠᠨ ᠲᠦᠪᠯᠡᠷᠡᠭᠦᠯᠦᠨ ᠤᠶᠤᠨ ᠲᠠᠷᠢᠬᠢ | ᠪᠠᠨ ᠬᠦᠳᠡᠯᠭᠡᠨ ᠰᠤᠨᠤᠰᠴᠦ ᠤᠶᠢᠯᠭᠠᠨ᠂ ᠣᠩᠰᠢᠵᠦ ᠰᠤᠨᠢᠷᠬᠠᠨ᠂ ᠶᠠᠷᠢᠵᠦ ᠢᠯᠡᠳᠭᠡᠨ᠂ ᠪᠢᠴᠢᠵᠦ ᠨᠠᠶᠢᠷᠠᠭᠤᠯᠤᠨ᠂ | ᠭᠠᠷ ᠬᠦᠳᠡᠯᠭᠡᠨ ᠤᠷᠤᠯᠳᠤᠵᠦ ᠵᠤᠬᠢᠶᠠᠵᠦ ᠪᠦᠲᠦᠭᠡᠬᠦ ᠪᠠᠷ ᠳᠠᠮᠵᠢᠨ᠂ ᠰᠤᠶᠤᠯ ᠮᠡᠳᠡᠯᠭᠡ ᠪᠠ ᠮᠡᠷᠭᠡᠵᠢᠯ ᠴᠢᠳᠠᠪᠤᠷᠢ | ᠶᠢ ᠰᠤᠷᠴᠦ ᠡᠵᠡᠮᠰᠢᠬᠦ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠤ ᠤᠨᠴᠠᠭᠠᠢ ᠠᠵᠢᠯᠯᠠᠭᠠ ᠪᠤᠯᠤᠨᠠ᠃ ᠡᠨᠡᠬᠦ ᠳᠤᠰᠬᠠᠢ ᠭᠠᠵᠠᠷ | ᠲᠤ ᠤᠨᠴᠠᠭᠠᠢ ᠠᠵᠢᠯᠯᠠᠭᠠ ᠶᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠦ ᠬᠦᠢᠴᠡᠳᠭᠡᠳᠡᠭ ᠪᠠᠭᠰᠢ ᠨᠠᠷ ᠵᠠᠪᠠᠯ ᠬᠢᠴᠢᠶᠡᠯ ᠵᠢᠭᠠᠬᠤ ᠤᠷᠠ | ᠴᠢᠳᠠᠪᠤᠷᠢ ᠲᠠᠢ ᠪᠠᠶᠢᠬᠤ ᠬᠡᠷᠡᠭᠲᠠᠢ ᠶᠤᠮ᠃ ᠳᠤᠤᠷᠠ ᠪᠢ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠶᠢᠨ | ᠬᠢᠴᠢᠶᠡᠯ ᠵᠢᠭᠠᠬᠤ ᠤᠷᠡ ᠴᠢᠳᠠᠪᠤᠷᠢ ᠶᠢᠨ ᠳᠤᠬᠠᠢ ᠳᠤᠪᠴᠢ ᠦᠬᠦᠯᠡᠵᠦ ᠪᠠᠭᠰᠢ ᠨᠠᠷ ᠤᠨ ᠯᠠᠪᠯᠠᠬᠤ ᠵᠦᠢᠯ ᠪᠤᠯᠭᠠᠶᠠ᠃ | | 1. ᠳᠣᠮᠳᠠᠳᠣ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠪᠤᠯᠤᠭᠰᠠᠳ ᠶᠠᠭᠤᠨ ᠤ ᠡᠮᠦᠨᠡ ᠵᠢᠭᠠᠬᠤ ᠭᠡᠵᠦ ᠪᠠᠶᠢᠭᠠ | ᠮᠠᠲ᠋ᠧᠷᠢᠶᠠᠯ ᠳᠠᠭᠠᠨ ᠬᠦᠨ ᠨᠡᠪᠲᠡᠷᠡᠵᠦ᠂ ᠲᠡᠭᠦᠨ ᠤ ᠳᠤᠲᠤᠭᠠᠲᠦ ᠳᠤ ᠠᠭᠤᠯᠤᠭᠳᠠᠵᠦ ᠪᠠᠶᠢᠭᠠ ᠨᠠᠷᠢᠨ ᠵᠦᠢᠯ ᠤᠳ | ᠢ ᠵᠠᠳᠠᠯᠤᠨ ᠲᠤᠶᠠᠴᠢᠵᠦ᠂ ᠦᠪᠡᠷ ᠤᠨ ᠢᠶᠠᠨ ᠰᠠᠶᠢᠨ ᠮᠡᠳᠡᠵᠦ ᠬᠢᠵᠦ ᠴᠢᠳᠠᠳᠠᠭ ᠶᠠᠭᠤᠮᠠ ᠪᠠᠨ ᠪᠤᠯᠭᠠᠨ ᠠᠪᠬᠤ | ᠬᠡᠷᠡᠭᠲᠠᠢ ᠪᠦᠭᠡᠳ ᠰᠤᠷᠤᠭᠴᠢ ᠳᠤ ᠵᠢᠭᠠᠬᠤ ᠳᠤ ᠪᠦᠷᠢᠨ ᠪᠠᠲᠤᠯᠠᠭᠠ ᠲᠠᠢ ᠪᠠᠶᠢᠬᠤ ᠬᠡᠷᠡᠭᠲᠠᠢ᠃ ᠡᠭᠦᠨ ᠤ ᠳᠠᠭᠠᠤ | ᠳᠤ ᠦᠪᠡᠷ ᠤᠨ ᠵᠢᠭᠠᠵᠦ ᠪᠠᠶᠢᠭᠠ ᠬᠢᠴᠢᠶᠡᠯ ᠲᠦᠷᠦᠯ ᠤᠨ ᠢᠶᠠᠨ ᠬᠢᠴᠢᠶᠡᠯ ᠤᠨ ᠪᠠᠷᠢᠮᠵᠢᠶᠠ ᠳᠤ ᠪᠠᠨ ᠰᠠᠶᠢᠨ | ᠨᠡᠪᠲᠡᠷᠡᠭᠰᠡᠨ ᠪᠠᠶᠢᠬᠤ ᠬᠡᠷᠡᠭᠲᠠᠢ᠃ ᠡᠨᠡ ᠪᠤᠯ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠪᠤᠯᠤᠭᠰᠠᠳ ᠤᠨ ᠪᠡᠶᠡ | ᠳᠡᠭᠡᠷᠡ ᠪᠠᠶᠢᠬᠤ ᠬᠠᠮᠤᠭ ᠦᠨᠳᠦᠰᠦᠨ ᠨᠦᠭᠦᠴᠡᠯ ᠮᠦᠨ᠃ ᠠᠷᠠᠳ ᠤᠨ ᠦᠭᠡᠨ ᠳᠤ ︽ᠦᠪᠡᠷ ᠢᠶᠠᠨ ᠮᠡᠳᠡᠬᠦ | ᠦᠭᠡᠢ ᠪᠠᠷ ᠬᠦᠮᠦᠨ ᠳᠤ ᠶᠠᠭᠠᠬᠢᠵᠦ ᠵᠢᠭᠠᠬᠤ ᠪᠤᠢ︖︾ ᠬᠡᠳᠡᠭ ᠪᠠ ︽ᠨᠢᠭᠡ ᠬᠦᠮᠦᠨ ᠬᠡᠷᠪᠡ ᠪᠤᠰᠣᠳ ᠲᠤ ᠨᠢᠭᠡ | ᠰᠢᠨᠠᠭᠠ ᠤᠰᠤ ᠦᠭᠬᠦ ᠭᠡᠪᠡᠯ ᠦᠪᠡᠷᠲᠡᠭᠡᠨ ᠵᠠᠪᠠᠯ ᠨᠢᠭᠡ ᠰᠠᠭᠤᠯᠭᠠ ᠤᠰᠤ ᠪᠡᠯᠡᠳᠭᠡᠭᠰᠡᠨ ᠪᠠᠶᠢᠬᠤ ᠭᠡᠷᠡᠭᠲᠡᠢ︾ | ᠭᠡᠳᠡᠭ ᠨᠢ ᠳᠠᠷᠤᠢ ᠡᠨᠡ ᠶᠤᠰᠤ ᠪᠤᠯᠠᠢ᠃ | 2. ᠪᠠᠭᠰᠢ ᠪᠤᠯᠤᠭᠰᠠᠳ ᠵᠠᠪᠠᠯ ᠬᠢᠴᠢᠶᠡᠯ ᠢᠶᠠᠨ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠰᠠᠶᠢᠲᠤᠷ ᠪᠡᠯᠡᠳᠭᠡᠬᠦ ᠶᠠᠪᠤᠳᠠᠯ ᠪᠤᠯᠤᠨᠠ᠂ | ᠶᠡᠷᠦ ᠶᠢᠨ ᠦᠭᠡᠨ ᠳᠤ ᠪᠡᠯᠡᠳᠭᠡᠯ ᠲᠠᠢ ᠪᠤᠯ ᠪᠡᠷᠬᠡᠳᠡᠬᠦ ᠦᠭᠡᠢ ᠭᠡᠳᠡᠭ᠂ ᠡᠶᠢᠮᠦ ᠠᠴᠠ ᠦᠪᠡᠷ ᠤᠨ ᠵᠢᠭᠠᠬᠤ ᠭᠡᠵᠦ | ᠪᠠᠶᠢᠭᠠ ᠬᠢᠴᠢᠶᠡᠯ ᠢᠶᠠᠨ ᠤᠷᠢᠳᠴᠢᠯᠡᠨ ᠰᠠᠶᠢᠨ ᠪᠡᠯᠡᠳᠭᠡᠭᠦ ᠪᠤᠯ ᠨᠢᠭᠡᠨ ᠪᠠᠭᠰᠢ ᠬᠦᠮᠦᠨ ᠤ ᠬᠢᠴᠢᠶᠡᠯ ᠵᠢᠭᠠᠬᠤ ᠤᠷᠠ | ᠴᠢᠳᠠᠪᠤᠷᠢ ᠪᠠᠷ ᠰᠠᠶᠢᠨ ᠪᠤᠯᠬᠤ ᠵᠢᠨᠤᠷᠢᠳᠠᠯ ᠨᠦᠭᠦᠴᠡᠯ ᠪᠤᠯᠤᠨᠠ᠃ ᠪᠠᠭᠰᠢ ᠬᠦᠮᠦᠨ ᠤ ᠵᠢᠭᠠᠵᠦ ᠪᠠᠶᠢᠭᠠ | ᠬᠢᠴᠢᠶᠡᠯ ᠢᠶᠠᠨ ᠰᠠᠶᠢᠲᠤᠷ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠪᠡᠯᠡᠳᠭᠡᠭᠦ ᠶᠢᠨ ᠦᠨᠳᠦᠰᠦᠨ ᠬᠡᠳᠦᠨ ᠱᠠᠭᠠᠷᠳᠠᠯᠭᠠ ᠪᠠ ᠠᠯᠬᠤᠮ | ᠳᠠᠷᠠᠭᠠ ᠭᠡᠪᠡᠯ ᠬᠢᠴᠢᠶᠡᠯ ᠤᠨ ᠲᠦᠰᠦᠪ ᠢ ᠰᠠᠶᠢᠲᠤᠷ ᠪᠡᠯᠡᠳᠭᠡᠨ ᠪᠢᠴᠢᠬᠦ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠬᠢᠴᠢᠶᠡᠯ ᠤᠨ | ᠲᠦᠰᠦᠪ ᠲᠤ᠄ ︵1︶ ᠰᠣᠷᠤᠯᠭᠠ ᠶᠢᠨ ᠵᠢᠯ ᠤᠨ ᠬᠢᠴᠢᠶᠡᠯ ᠤᠨ ᠲᠦᠰᠦᠪ ᠢ ᠪᠡᠯᠡᠳᠭᠡᠬᠦ᠂ ᠡᠨᠡ ᠨᠢ ᠪᠦᠬᠦᠯᠢ | ᠨᠢᠭᠡ ᠰᠤᠷᠤᠯᠭᠠ ᠶᠢᠨ ᠵᠢᠯ ᠤᠨ ᠵᠢᠭᠠᠬᠤ ᠠᠭᠤᠯᠭᠠ ᠶᠢᠨ ᠲᠦᠰᠦᠪ ᠢ ᠵᠢᠭᠠᠵᠦ ᠪᠠᠶᠢᠨᠠ᠃ ⑵ ᠰᠣᠷᠤᠯᠭᠠ ᠶᠢᠨ | ᠬᠤᠭᠤᠴᠠᠭᠠᠨ ᠤ ᠵᠢᠭᠠᠬᠤ ᠬᠢᠴᠢᠶᠡᠯ ᠤᠨ ᠲᠦᠰᠦᠪ ᠢ ᠪᠡᠯᠡᠳᠭᠡᠬᠦ᠂ ᠡᠨᠡ ᠨᠢ ᠪᠦᠬᠦᠯᠢ ᠨᠢᠭᠡ ᠰᠤᠷᠤᠯᠭᠠ ᠶᠢᠨ | ᠬᠤᠭᠤᠴᠠᠭᠠᠨ ᠤ ᠵᠢᠭᠠᠬᠤ ᠬᠢᠴᠢᠶᠡᠯ ᠤᠨ ᠲᠦᠰᠦᠪ ᠢ ᠵᠢᠭᠠᠵᠦ ᠪᠠᠶᠢᠨᠠ᠃ ⑶ ᠨᠢᠭᠡᠴᠡ ᠶᠢᠨ ᠵᠢᠭᠠᠬᠤ ᠲᠦᠰᠦᠪ ᠢ | ᠪᠡᠯᠡᠳᠭᠡᠬᠦ᠂ ᠡᠨᠡ ᠨᠢ ᠪᠦᠯᠦᠭ ᠨᠢᠭᠡᠴᠡ ᠶᠢᠨ ᠵᠢᠭᠠᠬᠤ ᠠᠭᠤᠯᠭᠠ ᠪᠠᠨ ᠨᠠᠷᠢᠨ ᠨᠢᠬᠳᠠ ᠲᠦᠯᠦᠪᠯᠡᠨ ᠪᠡᠯᠡᠳᠭᠡᠬᠦ ᠶᠢ | ᠵᠢᠭᠠᠵᠦ ᠪᠠᠶᠢᠨᠠ᠃ ⑷ ᠬᠢᠴᠢᠶᠡᠯ ᠤᠨ ᠴᠠᠭ ᠤᠨ ᠵᠢᠭᠠᠬᠤ ᠠᠭᠤᠯᠭᠠ ᠶᠢᠨ ᠲᠦᠰᠦᠪ ᠢ ᠪᠡᠯᠡᠳᠭᠡᠬᠦ᠂ ᠡᠨᠡ ᠨᠢ | ᠪᠠᠭᠰᠢ ᠶᠢᠨ ᠬᠢᠴᠢᠶᠡᠯ ᠤᠨ ᠴᠠᠭ ᠳᠡᠭᠡᠷᠡ ᠪᠠᠨ ᠬᠡᠷᠡᠭᠯᠡᠬᠦ ᠬᠢᠴᠢᠶᠡᠯ ᠤᠨ ᠪᠡᠯᠡᠳᠭᠡᠮᠵᠢ ᠶᠢᠨ ᠬᠠᠮᠤᠭ ᠤᠨ ᠴᠢᠬᠤᠯᠠ | ᠬᠠᠮᠤᠭ ᠤᠨ ᠵᠢᠵᠢᠭ ᠦᠨᠳᠦᠰᠦᠨ ᠵᠦᠢᠯ ᠪᠤᠯᠬᠤ ᠪᠦᠭᠡᠳ ᠪᠠᠭᠰᠢ ᠶᠢᠨ ᠬᠢᠴᠢᠶᠡᠯ ᠢᠶᠠᠨ ᠵᠢᠭᠠᠬᠤ ᠶᠢᠨ ᠴᠢᠬᠤᠯᠠ | ᠬᠡᠷᠡᠭᠯᠡᠬᠦᠷ᠂ ᠰᠤᠷᠤᠭᠴᠢ ᠶᠢᠨ ᠬᠢᠴᠢᠶᠡᠯ ᠳᠡᠭᠡᠷᠡ ᠶᠠᠭᠤᠮᠠ ᠤᠯᠵᠦ ᠰᠤᠷᠬᠤ ᠶᠢᠨ ᠠᠮᠠᠨ ᠬᠦᠨᠡᠰᠦ ᠨᠢ ᠪᠤᠯᠳᠠᠭ᠃ | ᠡᠭᠦᠨ ᠢ ᠳᠠᠷᠤᠢ ᠺᠤᠨᠰᠫᠧᠺᠡᠲ ᠭᠡᠵᠦ ᠬᠡᠯᠡᠳᠡᠭ᠃ ᠪᠠᠭᠰᠢ ᠪᠤᠯᠤᠭᠰᠠᠳ ᠺᠤᠨᠰᠫᠡᠺᠡᠲ ᠪᠢᠴᠢᠬᠦ ᠳᠡᠭᠡᠨ ᠺᠤᠨᠰᠫᠡᠺᠡᠲ | ᠲᠠᠬᠢ ᠵᠢᠭᠠᠬᠤ ᠠᠭᠤᠯᠭᠠ ᠶᠢᠨ ᠢᠶᠠᠨ ᠬᠠᠷᠠᠯᠲᠠ ᠵᠤᠷᠢᠯᠭᠠ᠂ ᠭᠤᠤᠯᠳᠠᠯᠭᠠ᠂ ᠬᠦᠴᠢᠷᠳᠡᠯᠭᠡ ᠪᠠᠨ ᠮᠦᠷᠳᠡᠨ | ᠲᠣᠳᠤᠷᠬᠠᠢ ᠳᠤᠭᠳᠠᠭᠠᠵᠦ᠂ ᠵᠢᠭᠠᠬᠤ ᠶᠠᠪᠤᠴᠠ᠂ ᠠᠷᠭᠠ ᠪᠠᠨ ᠨᠠᠷᠢᠨ ᠨᠢᠮᠪᠠᠢ ᠲᠦᠰᠦᠪᠯᠡᠨ ᠪᠡᠯᠡᠳᠭᠡᠬᠦ ᠬᠡᠷᠡᠭᠲᠡᠢ | ᠪᠠᠶᠢᠳᠠᠭ᠃ ᠪᠠᠭᠰᠢ ᠬᠦᠮᠦᠨ ᠬᠢᠴᠢᠶᠡᠯ ᠤᠨ ᠪᠡᠯᠡᠳᠭᠡᠮᠵᠢ ︵ᠺᠤᠰᠫᠧᠺᠡᠲ︶ ᠶᠢ ᠨᠠᠷᠢᠯᠢᠭ ᠪᠢᠴᠢᠬᠦ ᠪᠤᠯ ᠪᠠᠭᠰᠢ ᠶᠢᠨ | ᠮᠡᠳᠡᠯᠭᠡ ᠴᠢᠳᠠᠪᠤᠷᠢ ᠶᠢᠨ ᠬᠦᠷᠢᠶᠡ ᠬᠡᠪᠴᠢᠶᠡ ᠦᠷᠭᠡᠵᠢᠵᠦ᠂ ᠮᠡᠷᠭᠡᠵᠢᠯ ᠪᠤᠯᠪᠠᠰᠤᠷᠠᠯ ᠤᠨ ᠬᠢᠷᠢ ᠲᠦᠪᠰᠢᠨ ᠡᠳᠦᠷ | ᠢᠷᠡᠬᠦᠶᠡ ᠨᠡᠮᠡᠭᠳᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠭᠰᠢ ᠶᠢᠨ ᠬᠢᠴᠢᠶᠡᠯ ᠵᠢᠭᠠᠬᠤ ᠤᠷᠠ ᠠᠪᠢᠶᠠᠰ ᠤᠯᠠᠮ ᠪᠠᠳᠠᠷᠠᠵᠦ | ᠬᠢᠴᠢᠶᠡᠯ ᠢᠶᠠᠨ ᠪᠦᠲᠦᠮᠵᠢᠲᠠᠢ ᠤᠷᠤᠬᠤ ᠳᠤ ᠳᠤᠲᠠᠭᠳᠠᠵᠦ ᠪᠤᠯᠤᠰᠢ ᠦᠭᠡᠢ ᠬᠤᠪᠤᠷ ᠨᠠᠨᠳᠢᠨ ᠬᠠᠪᠰᠣᠷᠣᠮᠵᠢ | ᠮᠠᠲ᠋ᠧᠷᠢᠶᠠᠯ ᠪᠤᠯᠳᠠᠭ ᠮᠦᠷᠲᠡᠭᠡᠨ ᠮᠦᠨᠴᠦ ᠨᠢᠭᠡᠨ ᠰᠢᠯᠢᠳᠡᠭ ᠰᠠᠶᠢᠨ ᠪᠠᠭᠰᠢ ᠪᠤᠯᠬᠤ ᠶᠢᠨ ᠬᠠᠮᠤᠭ ᠤᠨ ᠦᠨᠳᠦᠰᠦᠨ | ᠵᠦᠢᠯ ᠨᠢ ᠪᠤᠯᠳᠠᠭ᠃ ᠳᠠᠷᠬᠠᠨ ᠬᠦᠮᠦᠨ ᠢᠶᠠᠷ ᠠᠪᠴᠤ ᠬᠡᠯᠡᠪᠡᠯ ᠺᠤᠨᠰᠫᠧᠺᠡᠲ ᠨᠢ ᠲᠠᠷᠬᠠ ᠬᠢᠭᠦ ᠳᠤ ᠲᠤᠲᠠᠭᠳᠠᠵᠤ | ᠪᠤᠯᠬᠤ ᠦᠭᠡᠢ ᠭᠤᠤᠯ ᠪᠠᠭᠠᠵᠢ ᠨᠢ ᠪᠤᠯᠳᠠᠭ᠃ | 3. ᠵᠢᠭᠠᠬᠤ ᠪᠠᠭᠠᠵᠢ ᠶᠢ ᠠᠰᠢᠭᠯᠠᠬᠤ ᠳᠠᠭᠠᠨ ᠵᠢᠭᠠᠬᠤ ᠠᠭᠤᠯᠭᠠ ᠶᠢᠨ ᠢᠶᠠᠨ ᠬᠡᠷᠡᠭᠴᠡᠭᠡ ᠶᠢ ᠨᠢ | ᠦᠨᠳᠦᠰᠦᠯᠡᠨ ᠴᠢᠳᠠᠮᠠᠭᠠᠢ ᠬᠡᠷᠡᠭᠯᠡᠵᠦ ᠦᠢᠯᠡᠳᠦᠯ ᠢ ᠨᠢ ᠪᠦᠷᠢᠨ ᠬᠦᠢᠴᠡᠳ ᠪᠠᠳᠠᠷᠠᠭᠤᠯᠵᠦ ᠴᠢᠳᠠᠬᠤ ᠬᠡᠷᠡᠭᠲᠠᠢ᠃ | ᠵᠢᠭᠠᠬᠤ ᠪᠠᠭᠠᠵᠢ ᠳᠤ ᠵᠢᠷᠤᠭ ᠰᠡᠭᠦᠳᠡᠷ᠂ ᠺᠠᠷᠲ᠂ ᠵᠠᠭᠪᠤᠷ᠂ ᠳᠤᠰᠬᠠᠯᠲᠠ ᠶᠢᠨ ᠮᠠᠰᠢᠨ ᠵᠡᠷᠭᠡ ᠠᠴᠠ ᠭᠠᠳᠠᠨᠠ᠂ | ᠤᠳᠤᠬᠠᠨ ᠤ ᠳᠠᠪᠰᠢᠭᠰᠠᠨ ᠳᠡᠭᠡᠲᠦ ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯ ᠤᠨ ᠵᠢᠭᠠᠬᠤ ᠪᠠᠭᠠᠵᠢ ᠲᠤᠨᠤᠭ ᠪᠤᠯᠬᠤ ᠠᠯᠤᠰ ᠡᠵᠡᠮᠳᠡᠬᠦ | ᠤᠯᠠᠨ ᠵᠠᠭᠤᠴᠠᠲᠦ ᠲᠤᠤᠷ ᠰᠦᠯᠵᠢᠶᠡ ᠵᠡᠷᠭᠡ ᠶᠠᠩᠵᠦ ᠪᠦᠷᠢ ᠶᠢᠨ ᠪᠠᠶᠢᠳᠠᠭ᠃ ᠪᠠᠭᠰᠢ ᠨᠠᠷ ᠡᠳᠡᠭᠡᠷ ᠵᠦᠢᠯ ᠢ | ᠬᠢᠴᠢᠶᠡᠯᠯᠡᠭᠡ ᠳᠡᠭᠡᠨ ᠠᠰᠢᠭᠯᠠᠵᠦ ᠬᠡᠷᠡᠭᠯᠡᠬᠦ ᠳᠡᠭᠡᠨ ᠵᠢᠭᠠᠵᠦ ᠪᠠᠶᠢᠬᠤ ᠠᠭᠤᠯᠭᠠ ᠳᠠᠭᠠᠨ ᠵᠤᠬᠢᠴᠠᠭᠤᠯᠤᠨ | ᠳᠤᠬᠢᠷᠠᠭᠤᠯᠵᠦ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠳᠡᠭᠡᠷᠡ᠂ ᠳᠣᠮᠳᠠ᠂ ᠳᠣᠣᠷᠠ ᠤᠨ ᠪᠠ ᠳᠣᠮᠳᠠᠳᠣ ᠰᠣᠷᠭᠠᠭᠤᠯᠢ ᠶᠢᠨ | ᠬᠡᠬᠦ ᠰᠣᠷᠣᠯᠭᠠ ᠶᠢᠨ ᠱᠠᠲᠦ ᠦᠶᠡ ᠶᠢᠨ ᠤᠨᠴᠠᠯᠢᠭ ᠲᠤᠨᠢ ᠳᠤᠬᠢᠷᠠᠭᠤᠯᠤᠨ ᠴᠢᠳᠠᠮᠠᠭᠠᠢ ᠪᠠᠷ ᠵᠠᠷᠤᠵᠦ ᠬᠡᠷᠡᠭᠯᠡᠨ | ᠲᠡᠬᠦᠨ ᠤ ᠦᠢᠯᠡᠳᠦᠯ ᠬᠡᠷᠡᠭᠴᠡᠭᠡ ᠶᠢ ᠨᠢ ᠬᠦᠢᠴᠡᠳ ᠪᠠᠳᠠᠷᠠᠭᠤᠯᠵᠦ ᠵᠢᠭᠠᠨ ᠰᠣᠷᠭᠠᠯᠳᠠ ᠶᠢᠨ ᠭᠤᠤᠯ ᠨᠢᠭᠡᠨ | ᠭᠤᠭᠴᠤᠭᠠ ᠪᠤᠯᠬᠤ ᠬᠢᠴᠢᠶᠡᠯᠯᠡᠭᠡ ᠳᠡᠭᠡᠨ ᠦᠢᠯᠡᠴᠢᠯᠡᠭᠦᠯᠭᠦ ᠶᠠᠪᠤᠳᠠᠯ ᠪᠤᠯᠤᠨᠠ᠃ | 4. ᠵᠢᠭᠠᠬᠤ ᠠᠷᠭᠠ ᠵᠠᠪᠠᠯ ᠠᠮᠢᠳᠤᠯᠢᠭ ᠮᠦᠷᠲᠡᠭᠡᠨ ᠰᠢᠨᠡᠴᠢᠯᠡᠯᠲᠡ ᠲᠠᠢ ᠪᠠᠶᠢᠵᠦ ᠪᠤᠲᠠᠲᠦ ᠪᠠᠶᠢᠳᠠᠯ ᠠᠴᠠ | ᠡᠭᠦᠰᠬᠦ ᠬᠡᠷᠡᠭᠲᠠᠢ᠃ ᠤᠳᠤᠬᠠᠨ ᠤ ᠵᠢᠭᠠᠬᠤ ᠠᠷᠭᠠ ᠶᠢᠨ ᠬᠤᠪᠢ ᠳᠤ ᠵᠤᠷᠰᠢᠯ ᠤᠨ ᠵᠢᠭᠠᠨ ᠰᠤᠷᠭᠠᠬᠤ ᠠᠷᠭᠠ᠂ | ᠴᠢᠳᠠᠪᠤᠷᠢ ᠳᠤᠨᠢ ᠳᠤᠬᠢᠷᠠᠭᠤᠯᠤᠨ ᠵᠢᠭᠠᠨ ᠰᠣᠷᠭᠠᠬᠤ ᠠᠷᠭᠠ᠂ ᠰᠡᠩᠭᠡᠷᠡᠭᠦᠯᠦᠨ ᠵᠢᠭᠠᠨ ᠰᠣᠷᠭᠠᠬᠤ ᠠᠷᠭᠠ᠂ | ᠰᠦᠪᠡᠭᠴᠢᠯᠡᠨ ᠵᠢᠭᠠᠨ ᠰᠤᠷᠭᠠᠬᠤ ᠠᠷᠭᠠ᠂ ᠵᠢᠭᠠᠬᠤ ᠶᠠᠪᠤᠴᠠ ᠶᠢ ᠪᠦᠷᠢᠨᠰᠢᠭᠦᠯᠦᠨ ᠵᠢᠭᠠᠬᠤ ᠵᠠᠭᠪᠤᠷ᠂ | ᠣᠷᠢᠳᠴᠢᠯᠠᠨ ᠰᠤᠷᠬᠤ ᠪᠠᠷ ᠵᠢᠭᠠᠨ ᠰᠤᠷᠭᠠᠬᠤ ᠠᠷᠭᠠ᠂ ᠪᠠᠭᠠ ᠳᠤᠭᠤᠶᠢᠯᠠᠩ ᠢᠶᠠᠷ ᠬᠤᠷᠰᠢᠨ ᠰᠣᠷᠣᠯᠴᠠᠬᠤ ᠠᠷᠭᠠ | ᠂ ᠰᠡᠳᠬᠢᠴᠡ ᠶᠢᠨ ᠮᠦᠷᠭᠦᠯᠳᠦᠭᠡᠨ ᠤ ᠵᠢᠭᠠᠨ ᠰᠣᠷᠭᠠᠬᠤ ᠠᠷᠭᠠ ᠪᠠ ᠰᠣᠷᠤᠯᠭᠠ ᠶᠢᠨ ᠬᠠᠭᠤᠳᠠᠰᠤᠨ ᠳᠤ ᠬᠢᠬᠦ | ᠠᠷᠭᠠ ᠵᠡᠷᠭᠡ ᠡᠳᠦᠢ ᠳᠡᠳᠦᠢ ᠵᠢᠭᠠᠬᠤ ᠠᠷᠭᠠ ᠭᠠᠷᠴᠦ ᠢᠷᠡᠵᠦ ᠪᠠᠶᠢᠨᠠ᠃ ᠡᠭᠦᠨ ᠳᠤ ᠠᠯᠢ ᠠᠷᠭᠠ ᠶᠢ ᠨᠢ | ᠬᠡᠷᠡᠭᠯᠡᠭᠰᠡᠨ ᠴᠤ ᠵᠠᠪᠠᠯ ᠰᠤᠷᠤᠭᠴᠢ ᠶᠢᠨ ᠨᠠᠰᠤᠨ ᠤ ᠣᠨᠴᠠᠯᠢᠭ᠂ ᠤᠨ ᠤ ᠤᠨᠴᠠᠯᠢᠭ᠂ ᠰᠣᠷᠭᠠᠭᠤᠯᠢ ᠶᠢᠨ | ᠤᠨᠴᠠᠯᠢᠭ᠂ ᠬᠢᠴᠢᠶᠡᠯ ᠲᠦᠷᠦᠯ ᠤᠨ ᠤᠨᠴᠠᠯᠢᠭ ᠲᠤ ᠳᠤᠬᠢᠷᠠᠭᠤᠯᠤᠨ ᠪᠤᠲᠠᠲᠦ ᠤᠷᠴᠢᠨ ᠳᠤᠭᠤᠷᠢᠨ ᠳᠠᠭᠠᠨ | ᠵᠤᠬᠢᠴᠠᠭᠤᠯᠤᠨ ᠠᠮᠢᠳᠤᠯᠢᠭ ᠢᠶᠠᠷ ᠬᠡᠷᠡᠭᠯᠡᠬᠦ ᠬᠡᠷᠡᠭᠲᠠᠢ ᠪᠠᠶᠢᠳᠠᠭ᠃ ᠭᠡᠪᠡᠴᠦ ᠶᠡᠷᠦᠩᠭᠡᠢ ᠨᠢᠭᠡ ᠶᠤᠰᠤ ᠵᠢᠷᠤᠮ ᠪᠤᠯ | ᠵᠠᠪᠠᠯ ᠪᠠᠭᠰᠢ ᠠᠴᠠ ᠤᠳᠤᠷᠢᠳᠤᠨ ᠳᠠᠭᠠᠭᠤᠯᠵᠦ ᠤᠶᠤᠨ ᠰᠡᠳᠬᠢᠭᠦᠢ ᠶᠢ ᠨᠢ ᠳᠠᠶᠢᠴᠢᠯᠠᠨ ᠳᠠᠷᠢᠬᠢ ᠪᠠᠨ ᠬᠦᠳᠡᠯᠭᠡᠨ᠂ | ᠰᠡᠳᠬᠢᠨ ᠪᠤᠳᠤᠯᠬᠢᠯᠠᠬᠤ ᠶᠢ ᠨᠢ ᠬᠦᠨᠳᠦᠳᠭᠡᠨ᠂ ᠲᠡᠲᠡᠨ ᠤ ᠰᠣᠷᠣᠯᠴᠠᠬᠤ ᠤᠷᠮᠠ ᠪᠠᠬᠠ ᠶᠢ ᠨᠢ ᠳᠠᠳᠠᠵᠦ᠂ ᠪᠦᠬᠦ | ᠰᠣᠷᠣᠭᠴᠢ ᠳᠤ ᠬᠠᠨᠳᠣᠭᠤᠯᠬᠤ ᠳᠡᠭᠡᠷᠡ ᠰᠠᠭᠤᠷᠢᠯᠠᠬᠤ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠬᠢᠴᠢᠶᠡᠯᠯᠡᠭᠦ ᠳᠡᠭᠡᠨ ᠵᠠᠪᠠᠯ ᠰᠤᠷᠤᠭᠴᠢ | ᠶᠢ ᠰᠣᠷᠬᠤ ᠶᠢᠨ ᠭᠤᠤᠯ ᠪᠠᠶᠢᠷᠢᠨ ᠳᠤ ᠪᠠᠶᠢᠯᠭᠠᠵᠦ ᠵᠢᠭᠠᠬᠤ ᠶᠢ ᠴᠠᠭ ᠢᠮᠠᠭᠳᠠ ᠠᠩᠬᠠᠷᠤᠨᠠ᠃ ᠪᠠᠭᠰᠢ ᠠᠴᠠ | ᠰᠢᠭᠤᠳ ᠵᠢᠭᠠᠵᠦ ᠦᠭᠬᠦ ᠪᠤᠶᠤ ᠰᠤᠷᠤᠭᠴᠢ ᠪᠠᠨ ᠤᠷᠤᠯᠠᠨ ᠬᠢᠵᠦ ᠦᠭᠬᠦ ᠶᠢ ᠲᠡᠪᠴᠢᠬᠦ ᠬᠡᠷᠡᠭᠲᠠᠢ᠃ ᠰᠤᠷᠤᠭᠴᠢ | ᠶᠢᠨ ᠰᠡᠳᠬᠢᠨ ᠪᠤᠳᠤᠵᠦ᠂ ᠶᠠᠷᠢᠵᠦ ᠬᠡᠯᠡᠵᠦ᠂ ᠦᠪᠡᠷᠲᠡᠭᠡᠨ ᠭᠠᠷ ᠬᠦᠳᠦᠯᠦᠨ ᠤᠷᠤᠯᠳᠤᠵᠦ ᠬᠢᠭᠦ ᠡᠷᠬᠡ ᠪᠠ ᠴᠠᠭ ᠢ | ᠨᠢ ᠦᠭᠬᠦ ᠬᠡᠷᠡᠭᠲᠠᠢ ᠶᠤᠮ᠃ ᠪᠠᠭᠰᠢ ᠠᠴᠠ ᠵᠦᠪᠭᠡᠨ ᠦᠪᠡᠷ ᠤᠨ ᠬᠡᠯᠡᠭᠦ ᠵᠤᠬᠢᠰᠲᠠᠢ ᠵᠦᠢᠯ ᠢᠶᠠᠨ ᠵᠤᠬᠢᠬᠤ ᠴᠠᠭ | ᠤᠨ ᠳᠣᠳᠣᠷᠠ ᠭᠦᠢᠴᠡᠳᠭᠡᠪᠡᠯ ᠪᠤᠯᠴᠢᠬᠠᠨᠠ᠃ ᠡᠨᠡᠬᠦ ᠠᠷᠭᠠ ᠪᠤᠯ ᠰᠢᠨᠡ ᠬᠢᠴᠢᠶᠡᠯᠯᠡᠭᠡ ᠶᠢᠨ ᠦᠭᠡᠷᠴᠢᠯᠡᠯᠲᠡ ᠶᠢᠨ | ᠭᠤᠤᠯ ᠵᠠᠷᠴᠢᠮ ᠪᠤᠯᠬᠤ ᠰᠣᠷᠤᠭᠴᠢ ᠶᠢ ᠭᠤᠤᠯ ᠪᠠᠶᠢᠷᠢᠨ ᠳᠤ ᠪᠠᠶᠢᠯᠭᠠᠵᠦ᠂ ᠪᠠᠭᠰᠢ ᠠᠴᠠ ᠣᠳᠣᠷᠢᠳᠣᠨ | ᠳᠠᠭᠠᠭᠤᠯᠵᠦ ᠰᠣᠷᠣᠭᠴᠢ ᠶᠢᠨ ᠤᠶᠤᠨ ᠳᠠᠷᠢᠬᠢ ᠶᠢ ᠨᠢ ᠬᠦᠳᠡᠯᠭᠡᠨ ᠰᠡᠳᠬᠢᠨ ᠪᠤᠳᠤᠭᠤᠯᠵᠦ ᠬᠡᠳᠦᠭᠦᠯᠡ ᠪᠠᠨ | ᠬᠤᠷᠰᠢᠨ ᠬᠡᠯᠡᠯᠴᠡᠵᠦ ᠬᠢᠵᠦ ᠪᠦᠲᠦᠭᠡᠬᠦ ᠳᠠᠯᠳᠠ ᠬᠦᠴᠦᠨ ᠢ ᠨᠢ ᠨᠡᠭᠡᠭᠡᠨ ᠦᠭᠴᠦ ᠳᠠᠰᠬᠠᠯ ᠪᠤᠯᠪᠠᠰᠤᠷᠠᠯ ᠢᠶᠠᠷ | ᠰᠢᠵᠢᠮ ᠪᠤᠯᠭᠠᠨ ᠵᠢᠭᠠᠬᠤ ᠶᠠᠪᠤᠳᠠᠯ ᠪᠤᠯᠤᠨᠠ᠃ | 5. ᠪᠠᠭᠰᠢ ᠬᠦᠮᠦᠨ ᠤ ᠬᠢᠴᠢᠶᠡᠯ ᠵᠢᠭᠠᠬᠤ ᠪᠠᠶᠢᠳᠠᠯ ᠤᠨ ᠬᠤᠪᠢ ᠳᠤ ᠠᠪᠴᠦ ᠬᠡᠯᠡᠪᠡᠯ᠂ ᠪᠠᠶᠠᠰᠣᠩᠭᠤᠢ᠂ | ᠴᠤᠭ ᠵᠢᠪᠬᠤᠭᠠ ᠲᠠᠢ᠂ ᠰᠡᠳᠬᠢᠯ ᠰᠠᠨᠠᠭᠠ ᠠᠭᠤᠵᠢᠭᠤ ᠳᠠᠶᠢᠪᠤᠭᠤ᠂ ᠪᠠᠷᠢᠭᠳᠠᠵᠦ ᠰᠠᠨᠳᠤᠷᠬᠤ ᠦᠭᠡᠢ ᠴᠢᠯᠦᠭᠡᠲᠠᠢ | ᠪᠠᠶᠢᠬᠤ᠃ ᠳᠤᠬᠢᠷᠠᠮᠵᠢ ᠲᠠᠢ ᠪᠤᠰᠤ ᠬᠤᠪᠴᠠᠰᠣ ᠬᠤᠨᠠᠷ᠂ ᠬᠦᠳᠡᠯᠦᠯ ᠪᠠᠷᠢᠯ ᠴᠢᠷᠠᠢ ᠶᠢᠨ ᠢᠯᠡᠷᠡᠯ ᠢ ᠭᠠᠷᠭᠠᠬᠤ | ᠦᠭᠡᠢ᠂ ᠱᠤᠭ ᠶᠦᠮᠦᠷᠯᠢᠭ ᠢᠶᠠᠷ ᠰᠤᠷᠤᠭᠴᠢ ᠶᠢᠨ ᠬᠢᠴᠢᠶᠡᠯ ᠰᠣᠨᠣᠰᠬᠤ ᠣᠷᠮᠠ ᠶᠢ ᠨᠢ ᠳᠠᠳᠠᠬᠤ ᠪᠠᠷ ᠵᠢᠭᠠᠬᠤ | ᠬᠡᠷᠡᠭᠲᠡᠢ᠃ ᠬᠢᠴᠢᠶᠡᠯᠯᠡᠭᠡ ᠶᠢᠨ ᠦᠭᠡ ᠬᠡᠯᠡᠯᠭᠡ ᠳᠣᠲᠤ ᠣᠶᠢᠯᠭᠠᠮᠵᠢᠲᠠᠢ ᠣᠷᠣᠰᠣᠮᠠ ᠪᠤᠯᠪᠠᠰᠣᠷᠠᠩᠭᠤᠢ ᠪᠠᠶᠢᠬᠤ ᠪᠠ | ᠪᠠᠷᠢᠮᠵᠢᠶᠠ ᠠᠪᠢᠶᠠ ᠪᠠᠷ ᠶᠠᠷᠢᠬᠤ ᠶᠢ ᠴᠢᠬᠤᠴᠢᠯᠠᠨᠠ᠃ ᠦᠭᠡ ᠶᠢ ᠲᠣᠳᠣ ᠣᠶᠢᠯᠭᠠᠮᠵᠢᠲᠠᠢ ᠬᠡᠯᠡᠵᠦ᠂ ᠦᠭᠦᠯᠡᠪᠦᠷᠢ | ᠶᠢ ᠬᠦᠢᠴᠡᠳ ᠬᠡᠯᠡᠬᠦ ᠶᠢ ᠠᠩᠬᠠᠷᠤᠨᠠ᠃ ᠦᠭᠡ ᠶᠢᠨ ᠡᠷᠭᠦᠯᠲᠡ ᠪᠠ ᠤᠳᠬᠠ ᠶᠢᠨ ᠡᠷᠭᠦᠯᠲᠡ ᠶᠢ ᠲᠤᠳᠤ | ᠭᠠᠷᠭᠠᠬᠤ ᠶᠢ ᠠᠩᠬᠠᠷᠤᠨᠠ᠃ ᠵᠠᠪᠠᠯ ᠵᠦᠪ ᠣᠩᠰᠢᠵᠦ᠂ ᠵᠦᠪ ᠶᠠᠷᠢᠵᠦ᠂ ᠵᠦᠪ ᠪᠢᠴᠢᠬᠦ ᠬᠡᠷᠡᠭᠲᠠᠢ ᠪᠦᠭᠡᠳ ᠠᠷᠪᠢᠨ | ᠳᠠᠪᠳᠠᠨ ᠨᠣᠷᠣᠰᠢᠬᠤ ᠶᠢ ᠬᠢᠴᠢᠶᠡᠨᠡ᠃ ᠰᠠᠮᠪᠠᠶᠠ ᠶᠢᠨ ᠪᠢᠴᠢᠯᠭᠡ ᠴᠡᠪᠡᠷ ᠳᠤᠲᠤ᠂ ᠲᠦᠷᠢᠮᠵᠢᠭᠦᠨ ᠪᠠᠶᠢᠵᠦ᠂ | ᠰᠣᠷᠣᠭᠴᠢ ᠶᠢᠨ ᠬᠠᠷᠠᠵᠦ ᠣᠶᠢᠯᠭᠠᠬᠤ᠂ ᠳᠡᠮᠳᠡᠭᠯᠡᠯ ᠬᠢᠭᠦ ᠳᠤᠨᠢ ᠲᠦᠭᠦᠮ ᠦᠵᠡᠭᠦᠯᠦᠭᠰᠡᠨ ᠪᠠᠶᠢᠬᠤ ᠬᠡᠷᠡᠭᠲᠠᠢ᠃ | ᠰᠠᠮᠪᠠᠷᠠ ᠪᠠᠨ ᠬᠢᠴᠢᠶᠡᠯ ᠲᠦᠷᠦᠯ ᠤᠨ ᠢᠶᠠᠨ ᠪᠠᠶᠢᠳᠠᠯ ᠳᠤ ᠵᠤᠬᠢᠴᠠᠭᠤᠯᠤᠨ ᠡᠪᠲᠠᠢ ᠲᠦᠰᠦᠪᠯᠡᠨ ᠠᠰᠢᠭᠯᠠᠬᠤ ᠶᠢ | ᠠᠩᠬᠠᠷᠤᠨᠠ᠃ ᠰᠠᠮᠪᠠᠷᠠ ᠠᠴᠠ ᠰᠣᠷᠣᠭᠴᠢ ᠬᠢᠴᠢᠶᠡᠯ ᠤᠨ ᠪᠠᠨ ᠳᠤᠬᠠᠢ ᠣᠯᠠᠨ ᠮᠡᠳᠡᠯᠭᠡ ᠶᠢ ᠰᠣᠷᠴᠦ ᠡᠵᠡᠮᠰᠢᠵᠦ | ᠮᠡᠳᠡᠵᠦ ᠠᠪᠳᠠᠭ ᠪᠦᠭᠡᠳ ᠪᠠᠭᠰᠢ ᠳᠤ ᠴᠤ ᠳᠠᠪᠳᠠᠨ ᠶᠠᠷᠢᠬᠤ ᠪᠤᠶᠤ ᠵᠢᠭᠠᠭᠰᠠᠨ ᠬᠢᠴᠢᠶᠡᠯᠭᠡ ᠶᠢᠨ ᠢᠶᠠᠨ ᠳ᠋ᠦᠩᠨᠡᠯᠲᠡ | ᠶᠢ ᠬᠢᠭᠦ ᠳᠤ ᠲᠦᠢᠯ ᠤᠨ ᠳᠤᠰᠠᠲᠠᠢ ᠪᠠᠶᠢᠳᠠᠭ᠃ 6. ᠬᠢᠴᠢᠶᠡᠯ ᠵᠢᠭᠠᠬᠤ ᠳᠠᠭᠠᠨ ᠬᠢᠴᠢᠶᠡᠯ ᠤᠨ | ᠭᠤᠤᠯᠳᠠᠯᠭᠠ ᠪᠠᠨ ᠵᠠᠪᠠᠯ ᠴᠢᠩᠭᠠ ᠠᠳᠬᠤᠨ᠂ ᠶᠡᠷᠦᠩᠭᠡᠢ ᠭᠤᠤᠯᠳᠠᠯᠭᠠ ᠳᠤ ᠰᠠᠭᠤᠷᠢᠯᠠᠭᠳᠠᠨ ᠭᠡᠳᠦ ᠬᠡᠳᠦᠨ ᠳᠡᠳ᠋ | ᠭᠤᠤᠯᠳᠠᠯᠭᠠ ᠪᠠᠨ ᠳᠤᠪᠤᠶᠢᠯᠭᠠᠵᠦ ᠵᠢᠭᠠᠬᠤ ᠬᠠᠷᠠᠯᠲᠠ ᠳᠤᠳᠤ ᠪᠠᠶᠢᠵᠦ᠂ ᠬᠢᠴᠢᠶᠡᠯᠯᠡᠭᠦ ᠰᠡᠳᠭᠢᠮᠵᠢ ᠣᠷᠠᠯᠢᠭ | ᠲᠤᠳᠤ ᠪᠠᠶᠢᠬᠤ ᠶᠢ ᠤᠨᠴᠠ ᠠᠩᠬᠠᠷᠤᠨᠠ᠃ ᠳᠠᠷᠤᠢ ᠭᠢᠴᠢᠶᠡᠯ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠰᠤᠷᠤᠭᠴᠢᠳ ᠲᠤ ᠮᠡᠳᠡᠭᠦᠯᠵᠦ᠂ | ᠤᠶᠢᠯᠭᠠᠭᠤᠯᠵᠦ᠂ ᠡᠵᠡᠮᠰᠢᠭᠦᠯᠵᠦ᠂ ᠬᠢᠵᠦ ᠴᠢᠳᠠᠭᠤᠯᠬᠤ ᠭᠡᠰᠡᠨ ᠵᠦᠢᠯ ᠢᠶᠠᠨ ᠲᠤᠳᠤ ᠪᠤᠯᠭᠠᠵᠦ᠂ ᠵᠢᠭᠠᠬᠤ | ᠰᠡᠳᠬᠢᠮᠵᠢ ᠪᠤᠳᠠᠲᠠᠢ ᠪᠦᠭᠡᠳ ᠳᠣᠲᠣᠷᠬᠠᠢ ᠪᠠᠶᠢᠪᠠᠯ ᠵᠢᠭᠠᠬᠤ ᠦᠷᠡ ᠳ᠋ᠦᠩ ᠳᠡᠭᠡᠨ ᠬᠦᠷᠴᠦ ᠴᠢᠳᠠᠨᠠ᠃ ᠡᠰᠡ | ᠲᠡᠶᠢᠮᠦ ᠪᠤᠯ ᠬᠠᠷᠠᠯᠲᠠ ᠪᠠᠨ ᠪᠡᠶᠡᠯᠡᠭᠦᠯᠵᠦ ᠴᠢᠳᠠᠬᠤ ᠦᠭᠡᠢ ᠪᠤᠶᠤ ᠪᠤᠷᠤᠭᠤ ᠵᠢᠭᠠᠬᠤ ᠤᠴᠢᠷ ᠭᠠᠷᠴᠤ ᠮᠡᠳᠡᠨᠡ᠃ | ᠬᠢᠴᠢᠶᠡᠯ ᠤᠨ ᠠᠭᠤᠯᠭᠠ ᠲᠠᠢ ᠪᠠᠨ ᠳᠡᠮᠡᠢ ᠬᠠᠮᠢᠶᠠ ᠦᠭᠡᠢ ᠪᠤᠶᠤ ᠨᠡᠶᠢᠴᠡᠭᠦ ᠦᠭᠡᠢ᠂ ᠤᠨᠤᠪᠴᠢᠲᠠᠢ ᠪᠤᠰᠣ ᠵᠦᠢᠯ ᠢ | ᠶᠠᠷᠢᠬᠤ ᠪᠤᠶᠤ ᠠᠰᠠᠭᠤᠯᠳᠠ ᠳᠣᠷᠠᠳᠬᠤ ᠶᠢ ᠡᠷᠡᠰ ᠲᠡᠪᠴᠢᠨᠡ᠃ 7. ᠪᠠᠭᠰᠢ ᠬᠦᠮᠦᠨ ᠦᠷᠭᠦᠯᠵᠢ ᠦᠪᠡᠷ | ᠤᠨ ᠮᠡᠳᠡᠯᠭᠡ ᠴᠢᠳᠠᠪᠤᠷᠢ ᠪᠠᠨ ᠳᠡᠭᠡᠭᠰᠢᠯᠡᠭᠦᠯᠭᠦ ᠶᠢ ᠵᠤᠷᠢᠵᠦ ᠶᠠᠪᠤᠬᠤ ᠬᠡᠷᠡᠭᠲᠠᠢ ᠪᠠᠶᠢᠳᠠᠭ᠃ ᠨᠡᠶᠢᠭᠡᠮ ᠲᠡᠭᠡᠷᠡᠬᠢ | ᠬᠦᠮᠦᠰ ᠪᠠᠭᠰᠢ ᠬᠦᠮᠦᠨ ᠢ ᠶᠡᠭᠡ ᠮᠡᠳᠡᠯᠭᠡ ᠪᠤᠯᠪᠠᠰᠤᠷᠠᠯ ᠮᠡᠷᠭᠡᠵᠢᠯ ᠴᠢᠳᠠᠪᠤᠷᠢ ᠪᠠᠷ ᠦᠷᠭᠡᠨ ᠭᠡᠵᠦ ᠦᠵᠡᠳᠡᠭ᠃ | ᠭᠡᠪᠡᠴᠦ ᠶᠠᠭᠤ ᠪᠦᠬᠦᠨ ᠢ ᠮᠡᠳᠡᠴᠢᠬᠡᠳᠡᠭ᠂ ᠴᠢᠳᠠᠴᠢᠬᠠᠳᠠᠭ ᠪᠠᠭᠰᠢ ᠭᠡᠵᠦ ᠲᠤᠩ ᠬᠤᠪᠤᠷ ᠶᠤᠮ᠃ ᠤᠳᠤᠬᠠᠨ ᠤ | ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠲᠡ ᠶᠢ ᠳᠠᠭᠠᠵᠦ ᠪᠠᠭᠰᠢ ᠨᠠᠷ ᠤᠨ ᠮᠡᠳᠡᠯᠭᠡ ᠴᠢᠳᠠᠪᠤᠷᠢ ᠮᠡᠷᠭᠡᠵᠢᠯ ᠪᠤᠯᠪᠠᠰᠤᠷᠠᠯ ᠨᠢ ᠵᠠᠪᠠᠯ | ᠳᠠᠭᠠᠵᠦ ᠳᠡᠶᠢᠯᠭᠦ ᠶᠢ ᠱᠠᠭᠠᠷᠳᠠᠳᠠᠭ ᠲᠤᠯᠠ ᠳᠡᠳᠡᠨ ᠤ ᠮᠡᠳᠡᠯᠭᠡ ᠴᠢᠳᠠᠪᠤᠷᠢ ᠨᠢ ᠡᠳᠦᠷ ᠠᠴᠠ ᠡᠳᠦᠷ ᠲᠤ᠂ ᠤᠨ | ᠠᠴᠠ ᠣᠨ ᠳᠤ ᠨᠡᠮᠡᠭᠳᠡᠵᠦ ᠳᠡᠭᠡᠭᠰᠢᠯᠡᠭᠦ ᠭᠡᠷᠡᠭᠷᠠᠢ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠳᠠᠷᠤᠢ ᠪᠠᠭᠰᠢ ᠪᠤᠯᠤᠭᠰᠠᠳ ᠤᠨ ᠦᠪᠡᠷ | ᠤᠨ ᠴᠢᠷᠮᠠᠶᠢᠯᠳᠠ ᠪᠠ ᠦᠷᠭᠦᠯᠵᠢ ᠶᠢᠨ ᠴᠢᠨᠠᠷ ᠲᠠᠢ ᠰᠤᠷᠴᠦ ᠰᠤᠳᠤᠯᠬᠤ ᠠᠴᠠ ᠢᠷᠡᠳᠡᠭ᠃ ᠳᠣᠮᠳᠠᠳᠣ ᠪᠠᠭᠠ | ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠪᠤᠯᠤᠭᠰᠠᠳ ᠨᠢ ᠵᠠᠪᠠᠯ ᠨᠢᠭᠡ ᠵᠦᠢᠯ ᠳᠤ ᠴᠠᠭᠠᠷᠠᠵᠦ ᠤᠯᠠᠨ ᠵᠦᠢᠯ ᠢ ᠮᠡᠳᠡᠵᠦ | ᠴᠢᠳᠠᠭᠰᠠᠨ ᠶᠡᠷᠦᠩᠭᠡᠶᠢᠯᠡᠭᠰᠡᠨ ᠴᠢᠨᠠᠷ ᠤᠨ ᠮᠡᠳᠡᠯᠭᠡ ᠴᠢᠳᠠᠪᠤᠷᠢ᠂ ᠭᠡᠪ ᠪᠤᠯᠪᠠᠰᠤᠷᠠᠯ ᠢ ᠪᠤᠢ ᠪᠤᠯᠭᠠᠵᠦ ᠪᠠᠶᠢᠪᠠᠯ | ᠲᠠᠭᠠᠷᠠᠬᠤ ᠶᠤᠮ᠃ ᠶᠡᠷᠦᠩᠭᠡᠶᠢᠯᠡᠭᠡᠳ ᠬᠡᠯᠡᠪᠡᠯ᠂ ᠬᠢᠴᠢᠶᠡᠯ ᠤᠨ ᠲᠢᠩᠬᠢᠮ ᠤᠨ ᠦᠷᠡ ᠠᠰᠢᠭ ᠢ | ᠰᠠᠶᠢᠵᠢᠷᠠᠭᠤᠯᠤᠨ ᠰᠢᠯᠢᠳᠡᠭᠵᠢᠭᠦᠯᠵᠦ᠂ ᠵᠢᠭᠠᠨ ᠰᠣᠷᠭᠠᠯᠳᠠ ᠶᠢᠨ ᠶᠠᠰᠣ ᠴᠢᠨᠠᠷ ᠢ ᠳᠡᠭᠡᠭᠰᠢᠯᠡᠭᠦᠯᠭᠦ ᠳᠤ ᠳᠣᠮᠳᠠᠳᠣ | ᠪᠠᠭᠠ ᠰᠣᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠶᠢᠨ ᠬᠢᠴᠢᠶᠡᠯ ᠢᠶᠠᠨ ᠰᠠᠶᠢᠨ ᠵᠢᠭᠠᠵᠦ ᠴᠢᠳᠠᠬᠤ ᠤᠷᠠ ᠴᠢᠳᠠᠪᠤᠷᠢ ᠨᠢ ᠴᠢᠬᠤᠯᠠ | ᠪᠤᠯᠳᠠᠭ᠃ ᠪᠠᠰᠠ ᠡᠨᠡᠬᠦ ᠤᠷᠠ ᠴᠢᠳᠠᠪᠤᠷᠢ ᠢ ᠦᠪᠡᠷ ᠤᠨ ᠪᠡᠶᠡ ᠳᠡᠭᠡᠨ ᠪᠤᠢ ᠪᠤᠯᠭᠠᠬᠤ ᠳᠤ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ | ᠬᠡᠳᠦᠨ ᠲᠠᠯᠠ ᠶᠢᠨ ᠨᠦᠬᠦᠴᠡᠯ ᠢ ᠪᠦᠷᠢᠯᠳᠦᠭᠦᠯᠭᠦ ᠴᠢᠬᠤᠯᠠ ᠲᠠᠢ ᠭᠡᠵᠦ ᠦᠵᠡᠵᠦ ᠪᠠᠶᠢᠨᠠ᠃ | | ᠢᠷᠡᠯᠳᠡ — ︽ᠬᠤᠯᠪᠤᠭᠠ︾ ᠰᠦᠯᠵᠢᠶᠡ |