| ᠲᠤᠰ ᠳ᠋ᠤᠭᠠᠷ ᠲᠤ ᠪᠠᠨ ᠪᠢᠳᠡ ︽ᠳ᠋ᠠᠨᠠᠪᠠᠯ︾ ᠭᠡᠬᠦ ᠬᠤᠷᠴᠢᠨ ᠠᠷᠠᠳ ᠤᠨ ᠲᠠᠭᠤᠨ ᠤ ᠲᠤᠬᠠᠢ ᠰᠤᠨᠢᠷᠬᠠᠯᠳᠠᠢ | ᠵᠤᠭᠤᠭ ᠠᠴᠠ ᠨᠢ ᠬᠤᠪᠢᠶᠠᠯᠴᠠᠬᠤ ᠪᠠᠷ ᠪᠤᠯᠤᠯᠠ᠃ ᠬᠤᠷᠴᠢᠨ ᠠᠷᠠᠳ ᠤᠨ ᠲᠠᠭᠤᠤ ︽ᠳ᠋ᠠᠨᠠᠪᠠᠯ︾ ᠭᠡᠪᠡᠯ | ᠤᠯᠠᠨ ᠢᠶᠠᠷ ᠢᠶᠠᠨ ᠪᠦᠷ ᠠᠨᠳᠠᠬᠤ ᠦᠭᠡᠢ ᠶᠤᠮ᠃ ᠬᠤᠷᠴᠢᠨ ᠠᠷᠠᠳ ᠤᠨ ᠲᠠᠭᠤᠤ ᠭᠡᠬᠦ ᠠᠴᠠ ᠤᠯᠠᠩᠬᠢ ᠲᠠᠭᠤᠤ ᠶᠢ | ᠤᠯᠠᠮᠵᠢᠯᠠᠵᠤ ᠲᠠᠭᠤᠯᠠᠬᠤ ᠶᠠᠪᠤᠴᠠ ᠳᠤ ᠡᠯᠡ ᠵᠦᠢᠯ ᠤᠨ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠵᠤ ᠪᠤᠷᠤᠭᠤ ᠲᠠᠭᠤᠯᠠᠵᠤ ᠪᠠᠶᠢᠭᠠ | ᠦᠵᠡᠭᠳᠡᠯ ᠤᠯᠠᠨ ᠪᠤᠢ᠃ ︽ᠳ᠋ᠠᠨᠠᠪᠠᠯ︾ ᠭᠡᠳᠡᠭ ᠲᠠᠭᠤᠤ ᠪᠤᠯ ᠬᠤᠷᠴᠢᠨ ᠠᠷᠠᠳ ᠤᠨ ᠲᠠᠭᠤᠤ ᠲᠤᠳᠤᠷᠠᠬᠢ | ᠰᠤᠩᠭᠤᠳᠠᠭ ᠪᠦᠳᠦᠭᠡᠯ ᠮᠦᠨ᠃ ᠭᠡᠪᠡᠴᠤ ᠡᠨᠡ ᠲᠠᠭᠤᠤ ᠶᠢ ᠴᠦ ᠪᠤᠷᠤᠭᠤ ᠲᠠᠭᠤᠯᠠᠭᠰᠠᠨ ᠦᠵᠡᠭᠳᠡᠯ ᠤᠷᠤᠰᠢᠵᠤ | ᠪᠤᠢ᠃ | ᠊᠊᠊᠊᠊᠊ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤ ᠪᠤᠯ ᠦᠯᠢᠭᠡᠷᠲᠤ ᠲᠠᠭᠤᠤ ᠶᠢᠨ ᠨᠤᠳᠤᠭ ᠭᠡᠵᠦ | ᠠᠯᠳᠠᠷᠰᠢᠵᠠᠢ᠃ ᠮᠠᠨ ᠤ ᠨᠤᠳᠤᠭ ᠲᠤ ᠰᠧᠡᠭ ᠸᠠᠩ ᠤᠨ ᠲᠠᠭᠤᠤ᠂ ᠪᠢᠡᠭᠳᠤ ᠸᠠᠩ ᠤᠨ ᠲᠠᠭᠤᠤ᠂ ᠵᠠᠨᠠ | ᠪᠠᠯᠵᠢᠨᠢᠮᠠ ᠶᠢᠨ ᠲᠠᠭᠤᠤ᠂ ᠳ᠋ᠠᠨᠠᠪᠠᠯ ᠤᠨ ᠲᠠᠭᠤᠤ ᠵᠡᠷᠭᠡ ᠠᠷᠠᠳ ᠤᠨ ᠲᠠᠭᠤᠤ ᠮᠠᠰᠢ ᠤᠯᠠᠨ ᠪᠠᠶᠢᠨᠠ᠃ | ᠠᠷᠠᠳ ᠤᠨ ᠲᠠᠭᠤᠤ ᠶᠢ ᠲᠠᠭᠤᠯᠠᠬᠤ ᠶᠠᠪᠤᠴᠠ ᠳᠤ ᠵᠠᠷᠢᠮ ᠲᠠᠭᠤᠤ ᠶᠢ ᠪᠤᠷᠤᠭᠤ ᠲᠠᠭᠤᠯᠠᠵᠤ ᠪᠠᠶᠢᠭᠠ | ᠠᠰᠠᠭᠤᠳᠠᠯ ᠤᠷᠤᠰᠢᠵᠤ ᠪᠤᠢ᠃ ᠤᠨᠴᠠᠭᠠᠢᠢᠯᠠᠨ ᠲᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠤᠨ ᠤ ᠡᠬᠢᠨ ᠤ ᠦᠶᠡ ᠪᠠᠷ | ᠠᠷᠠᠳ ᠤᠨ ᠲᠠᠭᠤᠤ ᠰᠠᠶ᠋ᠢ ᠡᠬᠢᠯᠡᠵᠦ ᠲᠡᠯᠭᠡᠷᠡᠬᠦ ᠦᠶᠡᠰ ᠵᠠᠷᠢᠮ ᠲᠠᠭᠤᠴᠢᠨ ︽ᠳ᠋ᠠᠨᠠᠪᠠᠯ︾ ᠭᠡᠳᠡᠭ ᠲᠠᠭᠤᠤ ᠶᠢ | ᠪᠤᠷᠤᠭᠤ ᠲᠠᠭᠤᠯᠠᠭᠰᠠᠨ ᠦᠵᠡᠭᠳᠡᠯ ᠢᠯᠡᠷᠡᠵᠡᠢ᠃ ᠲᠡᠶᠢᠮᠦ ᠠᠴᠠ ᠳ᠋ᠠᠨᠠᠪᠠᠯ ᠪᠠ ᠵᠢᠨᠰᠢᠶᠠᠩ ᠤᠨ ᠬᠤᠶᠢᠴᠢᠰ ᠨᠢ ᠡᠨᠡ | ᠲᠠᠭᠤᠤ ᠳᠤ ᠲᠦᠢᠯ ᠢᠶᠠᠷ ᠲᠤᠷᠠ ᠦᠭᠡᠶᠢᠴᠡᠵᠦ ᠪᠠᠶᠢᠵᠠᠢ᠃ ᠲᠡᠭᠡᠪᠡᠯ ᠶᠠᠭᠤ ᠶᠢ ᠨᠢ ᠪᠤᠷᠤᠭᠤ ᠲᠠᠭᠤᠯᠠᠵᠤ ᠪᠠᠶᠢᠭᠰᠠᠨ | ᠪᠤᠢ︖ ᠭᠡᠪᠡᠯ᠂ ᠬᠠᠮᠤᠭ ᠡᠷᠳᠡ ᠲᠠᠭᠤᠯᠠᠭᠳᠠᠵᠤ ᠪᠠᠶᠢᠭᠰᠠᠨ ︽ᠳ᠋ᠠᠨᠠᠪᠠᠯ︾ ᠭᠡᠳᠡᠭ ᠲᠠᠭᠤᠤ ᠲᠤᠳᠤᠷᠠ ︽ᠪᠠᠭᠠ | ᠡᠷᠡ ᠪᠠᠯᠳᠠᠨᠫᠧᠷᠯᠠᠢ︾ ᠭᠡᠵᠦ ᠲᠠᠭᠤᠯᠠᠭᠰᠠᠨ ᠦᠭᠡ ᠪᠠᠶᠢᠨᠠ᠃ ᠡᠨᠡ ᠪᠤᠯ ᠪᠤᠷᠤᠭᠤ ᠲᠠᠭᠤᠯᠠᠭᠰᠠᠨ ᠵᠦᠢᠯ ᠮᠦᠨ᠃ | ᠵᠢᠨᠰᠢᠶᠡᠩ ᠤᠨ ᠨᠦᠬᠦᠷ ᠨᠢ ᠭᠤᠤᠯᠳᠤ ᠬᠡᠳᠡᠭ ᠨᠡᠷᠡ ᠲᠠᠢ᠃ ᠪᠠᠯᠳᠠᠨᠫᠧᠷᠯᠠᠢ ᠭᠡᠳᠡᠭ ᠨᠢ ᠲᠡᠭᠦᠨ ᠤ ᠡᠪᠦᠭᠡ ᠶᠢᠨ ᠬᠢᠨ | ᠨᠡᠷᠡ ᠮᠦᠨ᠃ ᠨᠦᠬᠦᠷ ᠢ ᠨᠢ ᠡᠪᠦᠭᠡ ᠪᠠᠷ ᠨᠢ ᠰᠤᠯᠢᠵᠤ ᠲᠠᠭᠤᠯᠠᠭᠰᠠᠨ ᠤᠴᠢᠷ ᠠᠴᠠ ᠦᠷᠡ ᠬᠤᠶᠢᠴᠢᠰ ᠨᠢ | ᠶᠠᠷᠢᠶᠠᠨ ᠦᠭᠡᠢ ᠲᠤᠷᠠ ᠦᠭᠡᠶᠢᠴᠡᠬᠦ ᠶᠤᠮ᠃ | ᠪᠢ ᠬᠠᠷᠢ ᠭᠠᠵᠠᠷ ᠬᠦᠷᠴᠦ ᠨᠤᠳᠤᠭ ᠢᠶᠠᠨ ᠬᠡᠯᠡᠪᠡᠯ᠂ ᠮᠢᠨᠤ ᠬᠠᠷᠢᠭᠤ ᠳᠤ᠄ ︽ᠠ᠂ ᠳ᠋ᠠᠨᠠᠪᠠᠯ ᠲᠠᠢ ᠨᠢᠭᠡ | ᠨᠤᠳᠤᠭ ᠤᠨ ᠬᠦᠮᠦᠨ ᠰᠢᠳᠡ︕︾ ᠡᠰᠡᠭᠦᠯᠡ ︽ᠵᠢᠨᠰᠢᠶᠠᠩ ᠲᠠᠢ ᠨᠢᠭᠡ ᠠᠶᠢᠯ ᠤᠨ ᠬᠦᠮᠦᠨ ᠰᠢᠳᠠ︕︾ ᠭᠡᠵᠦ | ᠶᠠᠷᠢᠳᠠᠭ᠃ ᠳ᠋ᠠᠨᠠᠪᠠᠯ ᠤᠨ ᠠᠪᠤ ᠮᠠᠩᠭᠦᠢ ᠳᠠᠶᠢᠹᠦ᠋ ᠪᠤᠯ ᠮᠤᠩᠭᠤᠯᠵᠢᠨ ᠭᠡᠭᠡᠨ ᠰᠦᠮᠡ ᠳᠤ ᠮᠤᠩᠭᠤᠯ ᠡᠮᠨᠡᠯᠭᠡ | ᠰᠤᠷᠤᠭᠰᠠᠨ ᠬᠦᠮᠦᠨ ᠶᠤᠮ᠃ ᠲᠡᠷᠡ ᠦᠶᠡ ᠳᠤ ᠮᠤᠩᠭᠤᠯᠵᠢᠨ ᠭᠡᠭᠡᠨ ᠰᠦᠮᠡ ᠨᠢᠭᠡ ᠪᠦᠯᠦᠭ ᠮᠤᠩᠭᠤᠯ ᠡᠮᠨᠡᠯᠭᠡ | ᠰᠤᠷᠤᠭᠰᠠᠨ ᠡᠮᠴᠢ ᠶᠢ ᠬᠦᠮᠦᠵᠢᠭᠦᠯᠦᠭᠡᠳ ᠬᠤᠷᠴᠢᠨ ᠨᠤᠳᠤᠭ ᠲᠤ ᠲᠤᠮᠢᠯᠠᠵᠤ ᠪᠠᠶᠢᠵᠠᠢ᠃ ᠮᠠᠩᠭᠦᠢ ᠲᠠᠶᠢᠹᠦ᠋ ᠪᠤᠯ | ᠶᠠᠭ ᠰᠠᠶ᠋ᠢᠬᠠᠨ ᠡᠨᠡ ᠲᠤᠳᠤᠷᠠᠬᠢ ᠨᠢᠭᠡ ᠨᠢ ᠮᠦᠨ᠃ ︽ᠲᠠᠶᠢᠹᠦ᠋︾ ᠭᠡᠳᠡᠭ ᠨᠢ ᠮᠠᠨ ᠤ ᠡ᠊ᠨᠳᠡᠬᠢ ᠬᠡᠯᠡᠯᠭᠡ᠂ ᠡᠮᠴᠢ | ᠭᠡᠰᠡᠨ ᠦᠭᠡ ᠶᠤᠮ᠃ ᠵᠠᠷᠢᠮᠠᠳ ᠨᠢ ᠬᠡᠯᠡᠬᠦ ᠳᠤ ᠪᠠᠨ ᠳ᠋ᠠᠨᠠᠪᠠᠯ ᠤᠨ ᠠᠪᠤ ᠮᠠᠩᠭᠦᠢ ᠲᠠᠶᠢᠹᠦ᠋ ᠪᠤᠯ ᠬᠤᠶᠠᠷ ᠡᠬᠡᠨᠡᠷ | ᠠᠪᠤᠭᠰᠠᠨ ᠭᠡᠨᠡ᠃ ᠮᠠᠩᠭᠦᠢ ᠲᠠᠶᠢᠹᠦ᠋ ᠶᠢᠨ ᠨᠤᠳᠤᠭ ᠨᠢ ᠲᠠᠯᠦ ᠶᠢᠨ ᠠᠶᠢᠯ᠂ ᠤᠳᠤ ᠶᠢᠨ ᠠᠭᠤᠯᠠ ᠪᠠᠯᠭᠠᠰᠤ ᠶᠢᠨ | ᠲᠠᠯᠦ ᠶᠢᠨ ᠠᠶᠢᠯ ᠭᠠᠴᠠᠭᠠ᠃ ᠲᠦᠷᠦᠭᠦᠦ ᠡᠬᠡᠨᠡᠷ ᠲᠠᠢ ᠪᠠᠨ ᠲᠠᠯᠦ ᠶᠢᠨ ᠠᠶᠢᠯ ᠳᠤ ᠰᠠᠭᠤᠵᠤ᠂ ᠬᠤᠶᠠᠳᠤᠭᠠᠷ | ᠡᠬᠡᠨᠡᠷ ᠢᠶᠠᠨ ᠠᠪᠤᠭᠰᠠᠨ ᠤ ᠲᠠᠷᠠᠭᠠ ᠵᠢᠯᠳᠤ ᠶᠢᠨ ᠠᠶᠢᠯ ᠳᠤ ᠰᠠᠭᠤᠭᠰᠠᠨ ᠭᠡᠨᠡ᠃ ᠢᠡᠭᠭᠢᠵᠦ ᠪᠤᠳᠤᠪᠠᠯ ᠳ᠋ᠠᠨᠠᠪᠠᠯ | ᠵᠢᠯᠳᠤ ᠶᠢᠨ ᠠᠶᠢᠯ ᠳᠤ ᠲᠦᠷᠦᠭᠰᠡᠨ ᠨᠢ ᠲᠠᠭᠠᠷᠠᠨᠠ᠃ ᠵᠠᠷᠢᠮ ᠬᠦᠮᠤᠨ ᠤ ᠬᠡᠯᠡᠬᠦ ᠪᠠᠷ ᠲᠡᠷᠡ ᠮᠤᠩᠭᠤᠯᠵᠢᠨ ᠭᠡᠭᠡᠨ | ᠰᠦᠮᠡ ᠠᠴᠠ ᠪᠠᠨ ᠪᠤᠴᠠᠵᠤ ᠢᠷᠡᠭᠰᠡᠨ ᠤ ᠲᠠᠷᠠᠭᠠ ᠰᠢᠭᠤᠳ ᠵᠢᠯᠳᠦ ᠶᠢᠨ ᠠᠶᠢᠯ ᠳᠤ ᠪᠡᠷᠢ ᠠᠪᠤᠭᠠᠳ ᠰᠠᠭᠤᠵᠠᠢ | ᠭᠡᠵᠦ ᠬᠡᠯᠡᠵᠦ ᠪᠤᠢ᠃ ᠢᠡᠭᠭᠢᠭᠡᠳ ᠳ᠋ᠠᠨᠠᠪᠠᠯ ᠢ ᠵᠢᠯᠳᠤ ᠶᠢᠨ ᠠᠶᠢᠯ ᠳᠤ ᠲᠦᠷᠦᠭᠰᠡᠨ ᠭᠡᠨᠡ᠃ ᠡᠶᠢᠮᠦ ᠠᠴᠠ ᠳ᠋ᠠᠨᠠᠪᠠᠯ | ᠪᠤᠯ ᠵᠢᠯᠳᠦ ᠶᠢᠨ ᠠᠶᠢᠯ ᠤᠨ ᠭᠡᠳᠡᠭ ᠨᠢ ᠮᠠᠳᠠᠭ ᠦᠭᠡᠢ᠃ ᠡᠨᠡ ᠲᠤᠬᠠᠢ ᠲᠠᠯᠦ ᠶᠢᠨ ᠠᠶᠢᠯ ᠭᠠᠴᠠᠭᠠ ᠶᠢᠨ 90 | ᠬᠦᠷᠴᠤ ᠪᠠᠶᠢᠭᠠ ᠨᠠᠶᠢᠳᠠᠨᠵᠠᠪ ᠨᠠᠰᠤᠳᠠᠨ ᠲᠠᠢ ᠪᠢ ᠤᠯᠠᠨᠳᠠ ᠶᠠᠷᠢᠯᠴᠠᠵᠤ ᠦᠡᠭᠭᠡᠷᠡᠵᠡᠢ᠃ ᠡᠨᠡ ᠬᠦᠮᠦᠨ ᠪᠤᠯ | ᠳ᠋ᠠᠨᠠᠪᠠᠯ ᠤᠨ ᠰᠠᠳᠤᠨ ᠨᠢ ᠪᠤᠯᠤᠨᠠ᠃ | ᠲᠡᠭᠡᠪᠡᠯ ᠵᠠᠷᠢᠮ ᠬᠦᠮᠦᠨ ᠵᠢᠨᠰᠢᠶᠠᠩ ᠢ ᠪᠠᠰᠠ ᠵᠢᠯᠳᠦ ᠶᠢᠨ ᠠᠶᠢᠯ ᠤᠨ ᠬᠦᠮᠦᠨ ᠭᠡᠵᠦ ᠬᠡᠯᠡᠵᠦ ᠪᠠᠶᠢᠨᠠ᠃ | ᠦᠨᠡᠨ ᠢ ᠬᠡᠯᠡᠪᠡᠯ ᠵᠢᠨᠰᠢᠶᠠᠩ ᠪᠤᠯ ᠵᠢᠯᠳᠦ ᠶᠢᠨ ᠠᠶᠢᠯ ᠤᠨ ᠬᠦᠮᠦᠨ ᠪᠢᠰᠢ᠃ ᠵᠢᠯᠳᠦ ᠶᠢᠨ ᠠᠶᠢᠯ ᠤᠨ ᠠᠷᠤ | ᠲᠡᠭᠡᠷᠡ ᠨᠢ ᠤᠪᠤᠭᠠ ᠶᠢᠨ ᠠᠶᠢᠯ ᠭᠡᠵᠦ ᠪᠠᠶᠢᠨᠠ᠃ ᠤᠪᠤᠭᠠ ᠶᠢᠨ ᠠᠶᠢᠯ 1984 ᠤᠨ ᠠᠴᠠ ᠡᠮᠦᠨᠡ | ᠤᠯᠠᠭᠠᠬᠤᠳᠤ ᠰᠤᠮᠤᠨ ᠳᠤ ᠪᠠᠭᠳᠠᠭᠳᠠᠵᠤ ᠪᠠᠶᠢᠵᠠᠢ᠃ 1984 ᠤᠨ ᠠᠴᠠ ᠰᠡᠭᠦᠯᠡᠷ ᠪᠠᠶᠢᠭᠤᠯᠤᠮᠵᠢ ᠶᠢᠨ | ᠦᠭᠡᠷᠡᠴᠢᠯᠡᠯᠲᠡ ᠶᠢᠨ ᠲᠠᠷᠠᠭᠠ ᠤᠪᠤᠭᠠ ᠶᠢᠨ ᠠᠶᠢᠯ ᠭᠠᠴᠠᠭᠠ ᠶᠢ ᠠᠭᠤᠯᠠ ᠪᠠᠯᠭᠠᠰᠤᠨ ᠳᠤ ᠤᠷᠤᠭᠤᠯᠵᠤ᠂ | ᠠᠭᠤᠯᠠ ᠪᠠᠯᠭᠠᠰᠤ ᠶᠢᠨ ᠨᠢᠭᠡ ᠭᠠᠴᠠᠭᠠ ᠪᠤᠯᠵᠠᠢ᠃ ᠵᠢᠨᠰᠢᠶᠠᠩ ᠪᠤᠯ ᠡ᠊ᠨᠳᠡᠬᠢ ᠬᠦᠮᠦᠨ ᠮᠦᠨ᠃ ᠵᠢᠨᠰᠢᠶᠠᠩ ᠤᠨ | ᠬᠤᠶᠠᠷ ᠡᠭᠡᠴᠢ ᠨᠢ ᠪᠠᠰᠠ ᠮᠠᠨ ᠤ ᠵᠢᠯᠳᠤ ᠶᠢᠨ ᠠᠶᠢᠯ ᠳᠤ ᠪᠠᠶᠢᠵᠠᠢ᠃ ᠨᠢᠭᠡ ᠨᠢ ᠲᠡᠭᠡᠷᠡ ᠵᠢᠯᠳᠤ ᠳᠤ ᠪᠠᠶᠢᠵᠦ᠂ | ᠨᠦᠭᠦᠭᠡ ᠨᠢ ᠲᠤᠤᠷᠠ ᠵᠢᠯᠳᠤ ᠳᠤ ᠪᠠᠶᠢᠭᠰᠠᠨ ᠶᠤᠮ᠃ ᠤᠪᠤᠭᠠ ᠶᠢᠨ ᠠᠶᠢᠯ ᠪᠠ ᠵᠢᠯᠳᠤ ᠶᠢᠨ ᠠᠶᠢᠯ | ᠬᠤᠭᠤᠷᠤᠨᠳᠤ ᠪᠠᠨ ᠬᠤᠷᠢᠭᠠᠳ ᠭᠠᠵᠠᠷ ᠵᠠᠢ ᠲᠠᠢ᠂ ᠲᠡᠷᠡ ᠮᠦᠷᠳᠡᠭᠡᠨ ᠵᠢᠨᠰᠢᠶᠠᠩ ᠤᠨ ᠬᠤᠶᠠᠷ ᠡᠭᠡᠴᠢ ᠨᠢ | ᠵᠢᠯᠳᠤ ᠶᠢᠨ ᠠᠶᠢᠯ ᠳᠤ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠳ᠋ᠠᠨᠠᠪᠠᠯ ᠵᠢᠨᠰᠢᠶᠠᠩ ᠠᠭᠤᠯᠵᠠᠵᠤ ᠤᠴᠠᠷᠠᠬᠤ ᠲᠤᠬᠢᠶᠠᠯ ᠤᠯᠠᠨ ᠪᠠᠶᠢᠵᠠᠢ᠃ | ᠢᠡᠭᠭᠢᠭᠡᠳ ᠲᠡᠷᠡ ᠬᠤᠶᠠᠭᠤᠯᠠ ᠲᠠᠨᠢᠯᠴᠠᠭᠰᠠᠨ ᠪᠠᠶᠢᠨᠠ᠃ | ᠳ᠋ᠠᠨᠠᠪᠠᠯ ᠬᠤᠰᠢᠭᠤᠨ ᠴᠡᠷᠢᠭ ᠲᠤ ᠪᠠᠶᠢᠭᠰᠠᠨ ᠦᠶᠡ ᠳᠤ ᠪᠠᠨ ᠴᠢᠯᠦᠭᠡ ᠭᠤᠶᠤᠭᠠᠳ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠵᠤ | ᠭᠤᠷᠪᠠᠨ ᠵᠢᠯ ᠰᠠᠭᠤᠵᠠᠢ᠃ 1916 ᠤᠨ ᠳᠤ᠂ ᠳ᠋ᠠᠨᠠᠪᠠᠯ ᠬᠤᠷᠢᠨ ᠭᠤᠷᠪᠠ ᠲᠦᠷᠪᠡᠳᠡᠢ᠃ ᠲᠡᠷᠡ ᠦᠶᠡᠰ ᠤᠷᠤᠭ | ᠬᠤᠷᠢᠮ ᠲᠡᠭᠡᠷᠡ ᠲᠠᠶᠢᠵᠢ ᠬᠦᠮᠦᠨ ︵ᠮᠠᠨ ᠤ ᠦᠭᠡ ᠪᠠᠷ ᠬᠡᠯᠡᠪᠡᠯ ᠪᠦᠯᠬᠦᠮ ᠤᠨ ᠲᠠᠷᠤᠭᠠ︶ ᠰᠠᠶ᠋ᠢ ᠤᠷᠤᠭ ᠤᠨ | ᠲᠠᠭᠠᠭᠤᠯᠤᠭᠴᠢ ᠪᠤᠯᠳᠠᠭ᠃ ᠡᠨᠡ ᠦᠶᠡ ᠳᠤ ᠳ᠋ᠠᠨᠠᠪᠠᠯ ᠶᠠᠭ ᠰᠠᠶ᠋ᠢᠬᠠᠨ ᠬᠤᠰᠢᠭᠤᠨ ᠴᠡᠷᠢᠭ ᠠᠴᠠ ᠪᠠᠨ ᠴᠢᠯᠦᠭᠡ | ᠭᠤᠶᠤᠭᠠᠳ ᠨᠤᠳᠤᠭ ᠲᠤ ᠪᠠᠨ ᠪᠤᠴᠠᠵᠤ ᠢᠷᠡᠭᠡᠳ ᠪᠠᠶᠢᠵᠠᠢ᠃ ᠲᠡᠭᠡᠭᠡᠳ ᠲᠡᠷᠡ ᠪᠦᠯᠬᠦᠮ ᠤᠨ ᠲᠠᠷᠤᠭᠠ ᠪᠠᠷ | ᠪᠤᠭᠤᠳᠤ ᠠᠶᠢᠯ ︵ᠤᠳᠤ ᠪᠤᠯ ᠤᠪᠤᠭᠠ᠂ ᠰᠦᠭᠡᠭ᠂ ᠪᠤᠭᠤᠳᠤ ᠭᠤᠷᠪᠠᠨ ᠠᠶᠢᠯ ᠨᠡᠶᠢᠯᠡᠭᠡᠳ ᠠᠭᠤᠯᠠ | ᠪᠠᠯᠭᠠᠰᠤ ᠶᠢᠨ ᠰᠦᠭᠡᠭ ᠭᠠᠴᠠᠭᠠ ᠪᠤᠯᠵᠠᠢ᠃ ᠤᠤᠯ ᠳᠤ ᠪᠠᠨ ᠤᠯᠠᠭᠠᠬᠤᠳᠤ ᠰᠤᠮᠤᠨ ᠳᠤ ᠪᠠᠭᠳᠠᠭᠳᠠᠵᠤ ᠪᠠᠶᠢᠬᠤ | ᠦᠶᠡᠰ ᠡᠨᠡ ᠭᠤᠷᠪᠠᠨ ᠠᠶᠢᠯ ᠠᠰ ᠠᠰ ᠲᠤ ᠪᠠᠨ ᠨᠢᠭᠡ ᠭᠠᠴᠠᠭᠠ ᠪᠠᠶᠢᠵᠠᠢ︶ ᠤᠨ ᠵᠢᠮᠢᠰ ᠭᠡᠰᠡᠨ ᠦᠬᠢᠨ ᠢ | ᠠᠭᠤᠯᠠ ᠪᠠᠯᠭᠠᠰᠤ ᠶᠢᠨ ᠤᠯᠠᠭᠠᠨᠨᠠᠷᠠ ᠭᠠᠴᠠᠭᠠᠨ ᠤ ᠰᠢᠪᠡᠭᠡᠨ ᠠᠶᠢᠯ ᠲᠤᠭᠤᠢᠢᠯᠠᠩ ᠤᠨ ᠵᠡᠭᠦᠨ ᠡᠮᠦᠨᠡᠬᠢ ᠪᠤᠭᠤᠳᠤ | ᠠᠶᠢᠯ ︵ᠡ᠊ᠨᠳᠡ ᠪᠠᠰᠠ ᠨᠢᠭᠡ ᠪᠤᠭᠤᠳᠤ ᠠᠶᠢᠯ ᠪᠠᠶᠢᠵᠠᠢ︶ ᠤᠨ ᠵᠠᠩ ᠤᠪᠤᠭᠳᠤ ᠶᠢᠨ ᠳᠤ ᠬᠦᠷᠭᠡᠭᠰᠡᠨ ᠭᠡᠨᠡ᠃ | ᠦᠬᠢᠨ ᠢᠶᠠᠨ ᠬᠦᠷᠭᠡᠵᠦ ᠤᠴᠢᠭᠠᠳ ᠲᠤᠰᠢᠶᠠᠵᠤ ᠦᠭᠭᠦᠭᠡᠳ ᠪᠤᠴᠠᠬᠤ ᠦᠶᠡ ᠳᠤ ᠪᠠᠨ ᠤᠷᠤᠭ ᠤᠨ ᠬᠤᠶᠠᠷ | ᠲᠠᠯᠠ ᠶᠢᠨ ᠡᠳᠡᠭᠡᠳ ᠮᠤᠷᠢᠨ ᠲᠡᠭᠡᠷᠡ ᠠᠴᠠ ᠮᠠᠯᠠᠭᠠᠢ ᠪᠤᠯᠢᠶᠠᠯᠴᠠᠳᠠᠭ ᠵᠠᠩᠰᠢᠯ ᠲᠠᠢ᠃ ᠲᠠᠷᠤᠢ ᠮᠤᠷᠢᠨ ᠨᠢᠷᠤᠭᠤᠨ | ᠲᠡᠭᠡᠷᠡ ᠠᠴᠠ ᠨᠢᠭᠡᠨ ᠨᠢᠭᠡᠨ ᠤ ᠪᠠᠨ ᠮᠠᠯᠠᠭᠠᠢ ᠶᠢ ᠪᠤᠯᠢᠶᠠᠬᠤ ᠶᠤᠰᠤᠨ ᠪᠤᠯᠤᠨᠠ᠃ ᠡᠨᠡ ᠶᠠᠪᠤᠴᠠ ᠳᠤ ᠳ᠋ᠠᠨᠠᠪᠠᠯ | ᠮᠠᠯᠠᠭᠠᠢ ᠪᠤᠯᠢᠶᠠᠯᠴᠠᠵᠤ ᠪᠠᠶᠢᠭᠠᠳ ᠮᠤᠷᠢᠨ ᠠᠴᠠ ᠪᠠᠨ ᠬᠠᠶᠠᠭᠳᠠᠵᠤ᠂ ᠮᠤᠷᠢᠨ ᠳᠤ ᠪᠠᠨ ᠴᠢᠷᠦᠭᠳᠡᠭᠡᠳ ᠨᠠᠰᠤ | ᠪᠠᠷᠠᠭᠰᠠᠨ ᠭᠡᠨᠡ᠃ ᠪᠠᠰᠠ ᠵᠠᠷᠢᠮ ᠬᠦᠮᠦᠨ ᠤ ᠬᠡᠯᠡᠬᠦ ᠪᠠᠷ᠂ ᠳ᠋ᠠᠨᠠᠪᠠᠯ ᠤᠨ ᠦᠰᠢᠶᠡ ᠲᠠᠢ ᠬᠦᠮᠦᠨ ᠨᠢ | ᠡᠮᠡᠭᠡᠯ ᠤᠨ ᠬᠢᠨ ᠤᠯᠤᠩ ᠢ ᠨᠢ ᠲᠠᠰᠤᠯᠵᠤ ︵ᠤᠯᠤᠩ ᠢ ᠨᠢ ᠪᠦᠭᠦᠳᠡ ᠶᠢ ᠲᠠᠰᠤᠯᠤᠭᠰᠠᠨ ᠦᠭᠡᠢ᠂ ᠪᠦᠭᠦᠳᠡ ᠶᠢ | ᠲᠠᠰᠤᠯᠤᠭᠰᠠᠨ ᠪᠤᠯ ᠤᠯᠤᠩ ᠨᠢ ᠲᠤᠭᠳᠠᠵᠤ ᠲᠡᠶᠢᠯᠬᠦ ᠦᠭᠡᠢ᠂ ᠪᠠᠷᠤᠭ ᠬᠠᠭᠠᠰ ᠢᠯᠡᠭᠦᠦ ᠶᠢ ᠨᠢ ᠲᠠᠰᠤᠯᠤᠭᠠᠳ | ᠲᠠᠯᠪᠢᠴᠢᠬᠠᠵᠠᠢ︶ ᠡᠮᠡᠭᠡᠯ ᠨᠢ ᠬᠦᠷᠪᠡᠵᠦ ᠮᠤᠷᠢᠨ ᠳᠤ ᠪᠠᠨ ᠴᠢᠷᠦᠭᠳᠡᠭᠡᠳ ᠨᠠᠰᠤ ᠪᠠᠷᠠᠭᠰᠠᠨ ᠭᠡᠨᠡ᠃ ᠳ᠋ᠠᠨᠠᠪᠠᠯ ᠤᠨ | ᠨᠠᠰᠤ ᠪᠠᠷᠠᠭᠰᠠᠨ ᠲᠤᠬᠠᠢ ᠤᠯᠠᠨ ᠶᠠᠩᠵᠤ ᠶᠢᠨ ᠶᠠᠷᠢᠶᠠ ᠪᠤᠢ᠃ ᠳ᠋ᠠᠨᠠᠪᠠᠯ ᠠᠷᠢᠬᠢ ᠤᠤᠭᠤᠵᠤ ᠪᠠᠶᠢᠬᠤ ᠦᠶᠡ ᠳᠤ ᠨᠢ | ᠬᠦᠮᠦᠨ ᠢᠷᠡᠭᠡᠳ ᠲᠡᠭᠦᠨ ᠢ ᠫᠤᠤᠳᠠᠭᠠᠳ ᠠᠯᠠᠴᠢᠬᠠᠵᠠᠢ ᠭᠡᠵᠦ ᠪᠠᠰᠠ ᠵᠠᠷᠢᠮ ᠬᠦᠮᠦᠨ ᠬᠡᠯᠡᠵᠦ ᠪᠠᠶᠢᠨᠠ᠃ ᠶᠠᠭᠤ | ᠴᠤ ᠭᠡᠰᠡᠨ ᠳ᠋ᠠᠨᠠᠪᠠᠯ 1916 ᠤᠨ ᠤ 2 ᠰᠠᠷᠠ ᠳᠤ ᠦᠬᠢᠨ ᠬᠦᠷᠭᠡᠵᠦ ᠤᠴᠢᠭᠠᠳ ᠪᠤᠭᠤᠳᠤ ᠳᠤ ᠨᠠᠰᠤ ᠪᠠᠷᠠᠵᠠᠢ᠃ | ᠳ᠋ᠠᠨᠠᠪᠠᠯ ᠤᠨ ᠤᠡᠭᠭᠤᠨ ᠨᠢ ᠵᠢᠯᠳᠤ ᠶᠢᠨ ᠠᠷᠤ ᠳᠤ ᠪᠠᠶᠢᠨᠠ᠃ ᠤᠡᠭᠭᠤᠨ ᠲᠡᠭᠡᠷᠡ ᠨᠢ ᠪᠢᠳᠡ ᠪᠠᠰᠠ ᠤᠴᠢᠵᠤ | ᠦᠡᠭᠭᠡᠷᠡᠵᠡᠢ᠃ | ᠳ᠋ᠠᠨᠠᠪᠠᠯ ᠤᠨ ᠲᠠᠭᠤᠤ ᠪᠤᠯ ᠰᠡᠭᠦᠯᠡᠷ ᠨᠢ ᠵᠤᠬᠢᠶᠠᠭᠳᠠᠵᠤ ᠲᠠᠭᠤᠯᠠᠭᠳᠠᠭᠰᠠᠨ ᠶᠤᠮ᠃ ᠵᠠᠷᠢᠮ ᠬᠦᠮᠦᠨ | ᠬᠡᠯᠡᠬᠦ ᠳᠡᠭᠡᠨ ᠠᠯᠳᠠ ᠭᠡᠳᠡᠭ ᠬᠤᠭᠤᠷᠴᠢ ᠲᠤᠰ ᠲᠠᠭᠤᠤ ᠶᠢ ᠵᠤᠬᠢᠶᠠᠭᠰᠠᠨ ᠭᠡᠨᠡ᠃ ᠠᠯᠳᠠ ᠪᠤᠯ ᠮᠠᠨ ᠤ ᠬᠤᠶᠢᠳᠤ | ᠬᠤᠰᠢᠭᠤᠨ ᠤ ᠭᠤᠷᠭᠤᠤᠯᠳᠠᠢ ᠶᠢᠨ ᠨᠡᠷᠡᠳᠦ ᠬᠤᠭᠤᠷᠴᠢ ᠮᠦᠨ᠂ ᠵᠠᠨᠠ ᠪᠠᠯᠵᠢᠨᠢᠮᠠ ᠲᠠᠢ ᠨᠢᠭᠡ ᠠᠶᠢᠯ ᠤᠨ ᠬᠦᠮᠦᠨ᠃ | ᠵᠠᠷᠢᠮᠠᠳ ᠨᠢ ᠲᠤᠰ ᠲᠠᠭᠤᠤ ᠶᠢ ᠵᠢᠷᠭᠠᠯᠠᠩ ᠤᠨ ᠸᠠᠩ ᠤᠨ ᠤᠷᠳᠤᠨ ᠤ ᠪᠢᠴᠢᠭᠡᠴᠢ ᠵᠤᠬᠢᠶᠠᠯᠠ ᠭᠡᠵᠦ ᠬᠡᠯᠡᠵᠦ | ᠪᠠᠶᠢᠨᠠ᠃ ᠪᠠᠰᠠ ᠵᠠᠷᠢᠮ ᠬᠦᠮᠦᠨ ᠡᠨᠡ ᠲᠠᠭᠤᠤ ᠶᠢ ᠳ᠋ᠠᠨᠠᠪᠠᠯ ᠲᠠᠢ ᠬᠠᠮᠳᠤ ᠶᠠᠪᠤᠭᠰᠠᠨ ᠬᠤᠰᠢᠭᠤᠨ ᠴᠡᠷᠢᠭ ᠤᠨ | ᠪᠠᠶᠢᠯᠳᠤᠭᠴᠢᠳ ᠵᠤᠬᠢᠶᠠᠭᠰᠠᠨ ᠭᠡᠵᠦ ᠬᠡᠯᠡᠵᠦ ᠪᠠᠶᠢᠨᠠ᠃ ᠶᠠᠭᠤ ᠴᠤ ᠭᠡᠰᠡᠨ ᠠᠷᠠᠳ ᠤᠨ ᠲᠠᠭᠤᠤ ᠶᠤᠮ ᠴᠢᠨᠢ ᠳ᠋ᠠ᠂ | ᠲᠤᠳᠤᠷᠬᠠᠢ ᠵᠤᠬᠢᠶᠠᠭᠴᠢ ᠦᠭᠡᠢ ᠪᠠᠶᠢᠳᠠᠭ᠃ ᠬᠤᠷᠴᠢᠨ ᠠᠷᠠᠳ ᠤᠨ ᠲᠠᠭᠤᠤ ᠪᠤᠯ ᠬᠤᠷᠴᠢᠨᠴᠤᠳ ᠤᠨ ᠤᠨᠴᠠᠭᠠᠢ | ᠲᠡᠤᠬᠡᠨ ᠴᠠᠭ ᠦᠶᠡ ᠳᠠᠬᠢ ᠠᠮᠢᠳᠤᠷᠠᠯ ᠬᠦᠭᠡᠭᠡᠴᠡᠯᠳᠦᠯ ᠢ ᠦᠨᠡᠨ ᠮᠦᠨ ᠢᠶᠠᠷ ᠨᠢ ᠲᠡᠮᠳᠡᠭᠯᠡᠵᠦ ᠲᠤᠰᠬᠠᠭᠰᠠᠨ | ᠲᠡᠤᠬᠡᠨ ᠬᠠᠭᠤᠳᠠᠰᠤ ᠮᠦᠨ᠃ ᠡᠶᠢᠮᠦ ᠠᠴᠠ ᠪᠢᠳᠡ ᠬᠤᠷᠴᠢᠨ ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ ᠢᠶᠠᠨ ᠡᠴᠢᠨᠡ ᠬᠦᠨ | ᠤᠳᠬᠠ ᠤᠴᠢᠷ ᠢ ᠵᠦᠪ ᠲᠠᠨᠢᠵᠤ ᠵᠦᠪ ᠤᠢᠢᠯᠠᠭᠠᠵᠤ ᠵᠦᠪ ᠲᠠᠭᠤᠯᠠᠬᠤ ᠨᠢ ᠬᠤᠷᠴᠢᠨ ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ | ᠬᠦᠭᠵᠢᠯᠲᠡ ᠳᠤ ᠨᠡᠩ ᠠᠰᠢᠭᠳᠠᠢ ᠶᠤᠮ᠃ ᠲᠡᠷᠡ ᠮᠦᠷᠳᠡᠭᠡᠨ ᠲᠡᠭᠦᠨ ᠢ ᠪᠠᠨ ᠤᠯᠠᠮᠵᠢᠯᠠᠨ ᠬᠦᠭᠵᠢᠭᠦᠯᠬᠦ ᠰᠢᠨᠡ | ᠭᠠᠷᠤᠭᠠ ᠲᠡᠭᠡᠷᠡ ᠨᠡᠩ ᠢᠳᠡᠷᠡᠭᠦᠨ ᠢᠶᠠᠷ ᠤᠷᠤᠭᠰᠢᠯᠠᠵᠤ ᠴᠢᠳᠠᠬᠤ ᠶᠤᠮ ᠡ᠃ | | | ᠦᠪᠦᠷ ᠮᠤᠩᠭᠤᠯ ᠤᠨ ᠵᠤᠬᠢᠶᠠᠯᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠭᠡᠰᠢᠭᠦᠨ | ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠲᠡᠤᠬᠡ ᠰᠤᠶᠤᠯ | ᠰᠤᠳᠤᠯᠤᠨ ᠡᠮᠬᠢᠳᠭᠡᠬᠦ ᠨᠡᠶᠢᠭᠡᠮᠯᠢᠭ ᠤᠨ ᠨᠠᠷᠢᠨ ᠪᠢᠴᠢᠭ ᠤᠨ ᠲᠠᠷᠤᠭᠠ | ᠦᠯᠵᠡᠶᠢᠸ᠋ᠴᠢᠷ | |