| ᠮᠤᠩᠭᠤᠯ ᠦᠨᠳᠣᠰᠣᠳᠡᠨ ᠦᠪᠡᠷ ᠤᠨ ᠢᠶᠠᠨ ᠵᠠᠩ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ ᠠᠴᠠ ᠡᠷᠲᠡ ᠢᠵᠠᠭᠤᠷ ᠠᠴᠠ ᠪᠠᠨ | ᠦᠪᠯᠡᠨ ᠤᠯᠠᠮᠵᠢᠯᠠᠭᠰᠠᠨ ᠲᠡᠭᠷᠢ ᠭᠠᠵᠠᠷ ᠢ ᠲᠠᠬᠢᠬᠤ᠂ ᠭᠠᠯ ᠣᠰᠣ ᠪᠠᠨ ᠲᠠᠬᠢᠬᠤ᠂ ᠤᠪᠤᠭᠠ ᠱᠠᠩᠰᠢ ᠲᠠᠬᠢᠬᠤ ᠁ | ᠵᠡᠷᠭᠡ ᠶᠢᠨ ᠠᠯᠢ ᠤᠯᠠᠨ ᠶᠤᠰᠤ ᠵᠠᠩᠰᠢᠯ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ ᠠᠯᠤᠰ ᠬᠤᠯᠠ ᠶᠢᠨ ᠠᠶᠠᠨ ᠵᠠᠮ ᠳᠤ | ᠮᠤᠷᠳᠠᠬᠤ ᠳᠤ ᠴᠦ ᠰᠠᠷᠬᠤᠳ ᠢᠶᠠᠨ ᠰᠦᠷᠴᠢᠵᠦ᠂ ᠰᠠᠴᠤᠯᠢ ᠪᠠᠨ ᠮᠢᠯᠢᠶᠠᠳᠠᠭ᠃ ᠡᠨᠡ ᠨᠢ ᠲᠠᠷᠦᠢ ᠦᠪᠡᠷ ᠢ ᠪᠠᠨ | ᠰᠠᠶᠢᠨ ᠰᠠᠶᠢᠬᠠᠨ ᠤ ᠬᠦᠰᠡᠯ ᠰᠡᠳᠭᠢᠯᠭᠡ ᠪᠠᠨ ᠪᠡᠶᠡᠯᠡᠬᠦᠯᠬᠦ ᠶᠢ ᠵᠦᠩᠨᠡᠵᠦ ᠪᠠᠶᠢᠭᠠ ᠵᠠᠩ ᠵᠠᠩᠰᠢᠯ ᠪᠣᠯᠣᠨᠠ᠃ | ᠡᠷᠲᠡ ᠳᠤ ᠮᠤᠩᠭᠤᠯᠴᠤᠳ ᠪᠡᠶᠡ ᠳᠡᠭᠡᠨ ᠶᠡᠷᠦᠨᠢ ︽ᠭᠠᠯ︾ ᠠᠪᠴᠤ ᠶᠠᠪᠤᠳᠠᠭ᠃ ᠡᠨᠡ ︽ᠭᠠᠯ︾ ᠨᠢ ᠭᠠᠯ | ᠡᠭᠦᠰᠭᠡᠭᠦᠷ ᠴᠠᠬᠢᠭᠤᠷ ᠴᠢᠯᠠᠭᠤ ᠭᠡᠳᠡ ᠬᠢᠳᠤᠭᠠ ᠪᠤᠯᠤᠨᠠ᠃ ᠴᠠᠬᠢᠭᠤᠷ ᠭᠡᠳᠡ ᠶᠢ ᠬᠠᠯᠠᠭᠤᠨ ᠭᠠᠯ᠂ ᠲᠤᠯᠠᠭᠠᠨ | ᠢᠯᠴᠢ ᠶᠢᠨ ᠪᠠᠯᠭᠡ ᠲᠡᠮᠳᠡᠭ ᠢᠶᠠᠷ ᠦᠵᠡᠵᠦ᠂ ᠦᠷᠭᠡᠨ ᠠᠭᠤᠳᠠᠮ ᠲᠠᠯᠠ ᠨᠣᠳᠤᠭ ᠲᠤ ᠪᠠᠨ ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠬᠤ | ᠳᠤ ᠪᠠᠨ ︽ᠭᠠᠯ︾ ᠢᠶᠠᠨ ᠪᠡᠶᠡ ᠳᠤ ᠪᠠᠨ ᠠᠪᠴᠦ ᠶᠠᠪᠤᠵᠦ᠂ ᠬᠦᠢᠳᠡᠨ ᠨᠤᠶᠢᠳᠡᠨ ᠳᠤ ᠭᠠᠯ ᠲᠦᠯᠡᠵᠦ ᠪᠡᠶᠡ ᠪᠠᠨ | ᠲᠤᠯᠠᠭᠠᠴᠢᠬᠤ ᠪᠠ ᠲᠠᠮᠠᠬᠢ ᠲᠠᠳᠠᠵᠦ ᠪᠡᠶᠡ ᠪᠠᠨ ᠬᠠᠯᠠᠰᠬᠠᠳᠠᠭ ᠶᠤᠮ᠃ | ᠮᠤᠩᠭᠤᠯᠴᠤᠳ ᠬᠢᠳᠤᠭᠠ ᠶᠢ ᠬᠤᠤᠷᠲᠠᠨ ᠲᠠᠶᠢᠰᠣᠨ ᠤ ᠲᠠᠷᠤᠯᠭᠠ ᠭᠡᠵᠦ ᠦᠵᠡᠳᠡᠭ ᠠᠴᠠ ᠦᠳᠡᠯᠥᠭᠰᠡᠨ ᠵᠠᠯᠠᠭᠤ | ᠦᠭᠡᠢ ᠭᠠᠳᠠᠭᠰᠢ ᠭᠠᠷᠪᠠᠯ ᠪᠦᠰᠡᠨ ᠠᠴᠠ ᠪᠠᠨ ᠬᠢᠳᠤᠭᠠ ᠰᠠᠯᠭᠠᠯ ᠦᠭᠡᠢ ᠰᠦᠢᠷᠡᠳᠡᠭ ᠵᠠᠩᠰᠢᠯ ᠲᠠᠢ᠃ ᠡᠷᠡ | ᠬᠦᠮᠥᠨ ᠬᠢᠳᠤᠭᠠ ᠪᠠᠨ ᠪᠠᠷᠠᠭᠤᠨ ᠲᠠᠯᠠ ᠳᠠᠭᠠᠨ ᠵᠡᠬᠦᠵᠦ᠂ ᠬᠡᠳᠡ ᠪᠠ ᠭᠠᠩᠰᠠ᠂ ᠲᠠᠮᠠᠬᠢᠨ ᠣᠭᠤᠳᠠ ᠪᠠᠨ ᠵᠡᠬᠦᠨ | ᠲᠠᠯᠠ ᠳᠠᠭᠠᠨ ᠵᠡᠬᠦᠳᠡᠭ᠃ ᠭᠡᠭᠦ ᠳᠡᠭᠡᠨ ᠡᠪᠣᠭᠡᠴᠣᠳ ᠪᠠ ᠵᠠᠯᠠᠭᠤᠴᠤᠳ ᠤᠨ ᠵᠡᠬᠦᠬᠦ ᠭᠡᠳᠡ ᠬᠢᠳᠤᠭᠠ᠂ ᠳ᠋ᠠᠢ | ᠲᠠᠮᠠᠬᠢᠨ ᠤᠭᠤᠳᠠ ᠨᠢ ᠦᠩᠭᠡ ᠪᠣᠳᠤᠭ ᠪᠠ ᠬᠢᠴᠡ ᠶᠢᠨ ᠲᠠᠯᠠ ᠪᠠᠷ ᠪᠦᠷᠢᠨ ᠢᠯᠭᠠᠭᠠ ᠵᠦᠷᠢᠶᠡ ᠲᠠᠢ ᠪᠠᠶᠢᠳᠠᠭ᠃ | ᠲᠠᠮᠠᠬᠢᠨ ᠤᠭᠤᠳᠠ ᠶᠢ ᠮᠤᠩᠭᠤᠯᠴᠤᠳ ᠲᠦᠢᠯ ᠢᠶᠠᠷ ᠡᠷᠬᠢᠮᠯᠡᠳᠡᠭ᠃ ᠲᠠᠮᠠᠬᠢᠨ ᠤᠭᠤᠲᠠ ᠨᠢ ᠨᠠᠪᠴᠢᠨ ᠲᠠᠮᠠᠬᠢ | ᠪᠠᠨ ᠬᠢᠳᠡᠭ ᠤᠭᠤᠳᠠ ᠶᠢ ᠬᠡᠯᠡᠨᠡ᠃ ᠲᠠᠮᠠᠬᠢᠨ ᠤᠭᠤᠳᠠ ᠶᠢ ᠶᠠᠩᠵᠦ ᠪᠤᠯᠭᠠᠨ ᠢᠶᠠᠷ ᠬᠢᠳᠡᠭ᠃ ᠵᠡᠭᠡᠷᠡ ᠵᠡᠷᠭᠡ | ᠶᠢᠨ ᠬᠡᠬᠡᠷᠡ ᠶᠢᠨ ᠠᠮᠢᠳᠡᠨ ᠤ ᠠᠷᠠᠰᠦ ᠪᠤᠶᠤ ᠦᠭᠡᠷ ᠮᠠᠯ ᠤᠨ ᠴᠠᠪᠢ ᠰᠣᠭᠤ ᠶᠢᠨ ᠵᠦᠭᠡᠯᠡᠨ ᠠᠷᠠᠰᠣ᠂ ᠬᠤᠨᠢᠨ | ᠠᠷᠠᠰᠣ ᠶᠢ ᠵᠦᠭᠡᠯᠡᠷᠡᠳᠡᠯᠡ ᠡᠯᠳᠡᠵᠦ᠂ ᠡᠪ ᠶᠠᠩᠵᠤᠳᠠᠢ ᠤᠭᠤᠳᠠ ᠪᠤᠯᠭᠠᠵᠦ ᠣᠶᠣᠬᠤ ᠳᠤ ᠪᠠᠨ ᠢᠷᠦᠭᠠᠷ ᠲᠤ ᠨᠢ | ᠨᠢᠮᠭᠡᠨ ᠰᠣᠷ ᠢ ᠨᠠᠷᠢᠨ ᠵᠦᠰᠣᠵᠦ᠂ ᠰᠠᠴᠤᠭ ᠮᠤᠨᠴᠤᠭ ᠪᠤᠯᠭᠠᠨ ᠬᠢᠭᠰᠡᠨ ᠠᠷᠠᠰᠣᠨ ᠤᠭᠤᠳᠠ ᠪᠠᠶᠢᠨᠠ᠃ ᠠᠮᠠᠰᠠᠷ | ᠲᠡᠭᠡᠷᠡ ᠨᠢ ᠦᠯᠵᠡᠢ ᠵᠠᠩᠬᠢᠶᠠ ᠵᠡᠷᠭᠡ ᠪᠡᠯᠭᠡ ᠲᠠᠢ ᠶᠠᠭᠤᠮᠠ ᠵᠠᠩᠭᠢᠳᠳᠠᠭ᠃ ᠤᠭᠤᠳᠠᠨ ᠲᠡᠭᠡᠷᠡ ᠪᠠᠰᠠ ᠭᠠᠩᠰᠠ | ᠶᠢᠨ ᠰᠢᠪᠤᠭᠦᠷ ᠪᠠ ᠴᠢᠬᠢᠨ ᠤᠬᠤᠴᠢᠭᠤᠷ᠂ ᠰᠢᠳᠦᠨ ᠴᠢᠭᠴᠢᠯᠡᠬᠦᠷ ᠢᠶᠠᠨ ᠬᠤᠯᠪᠤᠴᠢᠬᠠᠳᠠᠭ᠃ | ᠪᠦᠰ ᠪᠤᠶᠤ ᠲᠤᠷᠭᠠ ᠲᠤᠷᠳᠤᠩ ᠢᠶᠠᠷ ᠲᠠᠮᠠᠬᠢᠨ ᠤᠭᠤᠳᠠ ᠬᠢᠬᠦ ᠳᠡᠭᠡᠨ ᠲᠡᠭᠡᠷᠡ ᠨᠢ ᠵᠠᠪᠠᠯ ᠬᠠᠳᠬᠤᠮᠠᠯ ᠪᠤᠶᠤ | ᠨᠠᠭᠠᠮᠠᠯ ᠬᠤᠸᠠᠷ ᠤᠶᠤᠨᠠ᠃ ᠬᠤᠸᠠᠷ ᠲᠠᠢ ᠤᠭᠤᠳᠠᠨ ᠳᠤ ᠵᠠᠪᠠᠯ ᠫᠢᠶᠤᠤᠳᠠᠢ ᠬᠢᠨᠡ᠃ ᠫᠢᠶᠤᠤᠳᠠᠢ ᠶᠢᠨ ᠲᠤᠭᠠ | ᠨᠢ ᠬᠤᠶᠠᠷ᠂ ᠲᠦᠷᠪᠡ᠂ ᠵᠢᠷᠭᠤᠭᠠ᠂ ᠨᠠᠢᠮᠠ ᠶᠢᠨ ᠪᠦᠷ ᠪᠠᠶᠢᠵᠦ ᠪᠤᠯᠤᠨᠠ᠃ | ᠵᠢᠷᠭᠤᠭᠠ᠂ ᠨᠠᠢᠮᠠᠨ ᠫᠢᠶᠤᠤᠳᠠᠢ ᠲᠠᠢ ᠤᠭᠤᠳᠠ ᠶᠢ ᠣᠯᠠᠩᠭᠢ ᠳᠤ ᠪᠠᠨ ᠰᠢᠨᠡ ᠬᠦᠷᠭᠡᠨ ᠳᠤ ᠵᠡᠬᠦᠯᠭᠡᠳᠡᠭ᠃ | ᠵᠠᠷᠢᠮ ᠶᠡᠭᠡ ᠯᠠᠷᠵᠠ ᠰᠣᠷᠳᠣᠭᠤ ᠲᠠᠢ ᠶᠡᠷᠦ ᠶᠢᠨ ᠬᠦᠮᠥᠨ ᠴᠦ ᠡᠶᠢᠮᠥ ᠤᠭᠤᠳᠠ ᠶᠢ ᠵᠡᠭᠦᠴᠢᠭᠡᠳᠡᠭ᠃ ᠡᠶᠢᠮᠥ | ᠤᠭᠤᠳᠠ ᠶᠢ ᠪᠤᠯ ᠶᠡᠷᠦ ᠶᠢᠨ ᠤᠭᠤᠳᠠ ᠠᠴᠠ ᠪᠠᠨ ᠶᠡᠭᠡ ᠪᠦᠭᠡᠳ ᠬᠤᠶᠠᠷ ᠲᠠᠯᠠ ᠳᠤᠨᠢ ᠪᠦᠷ ᠬᠤᠸᠠᠷ ᠣᠶᠣᠬᠤ | ᠪᠠ ᠭᠠᠭᠴᠠ ᠲᠠᠯᠠ ᠳᠤᠨᠢ ᠬᠤᠸᠠᠷ ᠣᠶᠣᠭᠰᠠᠨ ᠴᠦ ᠪᠤᠯᠤᠨᠠ᠃ ᠶᠡᠷᠦ ᠶᠢᠨ ᠲᠠᠮᠠᠬᠢᠨ ᠤᠭᠤᠳᠠ ᠶᠢ ᠪᠤᠯ ᠨᠠᠷᠢᠨ | ᠦᠵᠦᠭᠦᠷᠯᠡᠵᠦ ᠲᠤᠮᠲᠠ ᠠᠴᠠ ᠲᠡᠭᠡᠭᠰᠢ ᠬᠡᠰᠡᠭ ᠲᠤ ᠪᠣᠰᠤᠭᠠ ᠠᠮᠠᠰᠠᠷ ᠭᠠᠷᠭᠠᠳᠠᠭ᠃ ᠡᠷᠡᠭᠳᠡᠶᠢᠴᠣᠳ ᠪᠤᠯ | ᠲᠠᠮᠠᠬᠢᠨ ᠤᠭᠤᠳᠠᠨ ᠳᠠᠭᠠᠨ ᠡᠯᠬᠦᠬᠦᠷ ᠬᠢᠵᠦ ᠵᠡᠬᠦᠨ ᠲᠠᠰᠢᠶᠠ ᠲᠡᠭᠡᠷᠡ ᠪᠠᠨ ᠰᠦᠢᠷᠡᠳᠡᠭ᠃ ᠡᠮᠡᠭᠳᠡᠢ ᠬᠦᠮᠥᠨ ᠪᠤᠯ | ᠤᠭᠤᠳᠠᠨ ᠳᠠᠭᠠᠨ ᠡᠯᠬᠦᠬᠦᠷ ᠬᠢᠳᠡᠭ ᠦᠭᠡᠢ᠃ ᠶᠡᠷᠦ ᠶᠢᠨ ᠦᠶᠡ ᠳᠤ ᠤᠯᠠᠩᠭᠢ ᠨᠢ ᠰᠣᠭᠤ ᠶᠢᠨ ᠲᠤᠪᠴᠢᠨ ᠠᠴᠠ | ᠪᠠᠨ ᠡᠯᠬᠦᠵᠦ ᠵᠡᠬᠦᠵᠦ ᠶᠠᠪᠤᠳᠠᠭ᠃ ᠪᠠᠰᠠ ᠵᠠᠷᠢᠮ ᠨᠢ ᠬᠠᠷᠮᠠᠨ ᠳᠠᠭᠠᠨ ᠬᠢᠴᠢᠭᠡᠳᠡᠭ ᠴᠦ ᠪᠤᠢ᠃ ᠤᠭᠤᠳᠠᠨ | ᠡᠯᠭᠦᠭᠦᠷ ᠲᠤ ᠶᠠᠩᠵᠦ ᠶᠢᠨ ᠡᠳ᠋ ᠢᠶᠠᠷ ᠬᠢᠭᠰᠡᠨ ᠡᠯᠬᠦᠬᠦᠷ ᠪᠠᠶᠢᠳᠠᠭ᠃ ᠵᠢᠩᠭᠢᠨᠢ ᠬᠠᠰ ᠡᠯᠬᠦᠬᠦᠷ ᠪᠤᠯ ᠬᠤᠷᠴᠢᠨᠴᠤᠳ | ᠤᠨ ᠬᠠᠶᠢᠷᠯᠠᠵᠦ ᠡᠷᠬᠢᠮᠯᠡᠳᠡᠭ ᠡᠳ᠋ ᠪᠤᠯᠤᠨᠠ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠮᠥᠩᠭᠦᠨ ᠡᠯᠭᠦᠭᠦᠷ᠂ ᠤᠵᠢᠷᠭᠠᠨ | ᠰᠡᠶᠢᠯᠥᠮᠡᠯ᠂ ᠮᠥᠩᠭᠦᠨ ᠵᠤᠭᠤᠰ᠂ ᠵᠡᠰ᠂ ᠭᠠᠣᠯᠢ ᠵᠡᠷᠭᠡ ᠪᠠᠷ ᠬᠢᠭᠰᠡᠨ ᠡᠯᠬᠦᠬᠦᠷ ᠴᠦ ᠪᠠᠶᠢᠳᠠᠭ᠃ | ᠬᠦᠮᠥᠰ ᠤᠨ ᠠᠮᠢᠳᠦᠷᠠᠯ ᠤᠨ ᠦᠭᠡᠷᠡᠴᠢᠯᠡᠯᠲᠡ ᠬᠦᠭᠵᠢᠯᠲᠡ ᠶᠢ ᠢᠳᠡᠭ ᠢᠳᠡᠭ ᠢᠶᠠᠷ ᠲᠠᠭᠠᠯᠳᠣᠨ | ᠵᠤᠬᠢᠴᠠᠯᠳᠣᠭᠤᠯᠵᠦ ᠪᠦᠰ ᠢᠶᠠᠷ ᠬᠢᠳᠡᠭ ᠠᠴᠠ ᠦᠩᠭᠡᠲᠦ ᠲᠤᠷᠭᠠ ᠲᠤᠷᠳᠣᠩ ᠢᠶᠠᠷ ᠡᠰᠬᠡᠨ ᠣᠷᠠᠯᠠᠵᠦ ᠤᠶᠤᠭᠠᠳ | ᠦᠭᠡᠳᠡ ᠠᠮᠠᠰᠠᠷ ᠲᠠᠢ᠂ ᠪᠡᠯᠭᠡ ᠲᠡᠮᠪᠠᠷᠢᠯ ᠲᠠᠢ ᠲᠠᠮᠠᠬᠢᠨ ᠤᠭᠤᠳᠠ ᠪᠤᠯᠭᠠᠨ ᠭᠡᠷᠡᠭᠯᠡᠬᠦ ᠪᠤᠯᠵᠠᠢ᠃ | ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠮᠤᠩᠭᠤᠯᠴᠤᠳ ᠶᠡᠷᠦ ᠨᠢ ᠬᠤᠪᠴᠠᠰᠦ ᠬᠤᠨᠠᠷ᠂ ᠵᠠᠰᠠᠯ | ᠴᠢᠮᠡᠭᠯᠡᠯ ᠤᠨ ᠵᠠᠩ ᠦᠢᠯᠡ ᠪᠠᠨ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠦᠢᠯᠡ ᠶᠢᠨ ᠴᠢᠬᠤᠯᠠ ᠨᠢᠬᠡᠨ ᠬᠡᠰᠡᠭ ᠪᠤᠯᠭᠠᠨ ᠦᠵᠡᠳᠡᠭ᠃ | ︽ᠬᠦᠮᠥᠨ ᠡᠮᠥᠰᠭᠡᠯ ᠢᠶᠠᠷ᠂ ᠮᠠᠯ ᠮᠢᠬᠠ ᠪᠠᠷ︾ ᠭᠡᠳᠡᠭ ᠢᠶᠠᠷ ᠬᠤᠪᠴᠠᠰᠣ ᠬᠤᠨᠠᠷ᠂ ᠵᠠᠰᠠᠯ ᠴᠢᠮᠡᠭᠯᠡᠯ ᠨᠢ ᠪᠠᠶᠢᠭᠠᠯᠢ | ᠶᠢᠨ ᠠᠭᠤᠷ ᠠᠮᠢᠰᠬᠤᠯ᠂ ᠴᠠᠭ ᠦᠶᠡ᠂ ᠪᠠᠶᠠᠷ ᠨᠠᠶᠢᠷ᠂ ᠦᠢᠯᠡᠳᠪᠤᠷᠢᠯᠡᠯ ᠲᠠᠢ ᠵᠤᠬᠢᠴᠠᠵᠦ᠂ ᠬᠦᠮᠥᠨ ᠳᠤ ᠰᠦᠷ | ᠵᠢᠪᠬᠤᠭᠠ ᠨᠡᠮᠡᠵᠦ᠂ ᠵᠠᠰᠠᠯ ᠦᠵᠡᠯ ᠢ ᠨᠡᠮᠡᠭᠳᠡᠭᠦᠯᠥᠨ᠂ ᠤᠶᠤᠨ ᠰᠣᠶᠣᠯ ᠳᠤ ᠰᠠᠯᠤᠰᠢ ᠦᠭᠡᠢ ᠪᠦᠷᠢᠯᠳᠦᠭᠦᠨ | ᠵᠦᠢᠯᠡᠰ ᠪᠤᠯᠤᠨᠠ᠃ ᠮᠤᠩᠭᠤᠯ ᠢᠷᠦᠭᠡᠯ ᠮᠠᠭᠳᠠᠭᠠᠯ ᠳᠤ᠄ | ︽ᠲᠡᠭᠵᠢᠷᠡᠬᠦ ᠲᠦᠷᠦ ᠶᠢᠨ ᠲᠡᠪᠡᠯ \ ᠲᠡᠭᠡᠭᠦᠷ ᠨᠢ ᠡᠮᠥᠰᠬᠦ ᠬᠦᠷᠮᠡ | ᠮᠠᠨᠳᠣᠬᠤ ᠲᠦᠷᠦ ᠶᠢᠨ ᠮᠠᠯᠠᠭᠠᠢ \ ᠮᠠᠯᠠᠭᠠᠢ ᠲᠡᠭᠡᠷᠡ ᠨᠢ ᠵᠠᠯᠠᠭᠠ | ᠪᠦᠳᠦᠬᠦ ᠲᠦᠷᠦ ᠶᠢᠨ ᠪᠦᠰᠡ \ ᠪᠦᠷᠢᠨ ᠬᠢᠴᠡ ᠲᠠᠢ ᠬᠢᠳᠤᠭᠠ | ᠳ᠋ᠦᠢᠭᠡᠷ ᠮᠥᠩᠭᠦᠨ ᠲᠤᠤᠬᠠᠢ \ ᠲᠤᠷᠪᠠᠨ ᠫᠢᠶᠤᠤᠳᠠᠢ ᠲᠠᠢ ᠬᠠᠪᠳᠠᠭᠠ | ᠡᠪᠤᠳᠦᠭ ᠲᠤ ᠡᠮᠥᠰᠬᠦ ᠲᠤᠤᠬᠤᠤ \ ᠦᠯᠮᠡᠢ ᠳᠤ ᠡᠮᠥᠰᠬᠦ ᠤᠶᠢᠮᠤᠰᠤ | ᠦᠷᠭᠡᠨ ᠣᠷᠲᠣ ᠪᠦᠰᠡ \ ᠦᠬᠡᠳᠡ ᠠᠮᠠᠰᠠᠷ ᠲᠠᠢ ᠤᠭᠤᠳᠠ ᠁︾ ᠭᠡᠭᠦ ᠮᠡᠳᠦ ᠪᠠᠷ ᠡᠷᠡᠭᠲᠡᠢ᠂ ᠡᠮᠡᠭᠲᠡᠢ᠂ | ᠨᠠᠰᠣ ᠵᠢᠯ ᠤᠨ ᠢᠯᠭᠠᠯ ᠢᠶᠠᠷ ᠡᠮᠥᠰᠴᠦ ᠵᠡᠭᠦᠳᠡᠭ᠃ | ᠪᠦᠰᠡ ᠪᠦᠰᠡᠯᠡᠬᠦ ᠨᠢ ᠮᠤᠩᠭᠤᠯᠴᠣᠳ ᠤᠨ ᠬᠤᠪᠴᠠᠰᠣ ᠵᠠᠰᠠᠯ ᠤᠨ ᠴᠢᠬᠤᠯᠠ ᠨᠢᠭᠡᠨ ᠬᠡᠰᠡᠭ ᠮᠥᠨ᠃ ᠪᠦᠰᠡ | ᠭᠡᠰᠡᠨ ᠨᠢ ᠲᠡᠷᠯᠢᠭ ᠡᠮᠥᠰᠬᠦ ᠳᠤ ᠪᠦᠰᠡᠯᠡᠬᠦᠷ ᠢᠶᠠᠷ ᠢᠶᠠᠨ ᠤᠷᠢᠶᠠᠳᠠᠭ ᠭᠡᠳᠦᠨ ᠠᠯᠳᠠ ᠣᠷᠳᠣ ᠪᠦᠰ ᠢ ᠬᠡᠯᠡᠵᠦ ᠪᠤᠢ | ᠃ ᠪᠦᠰᠡ ᠳᠤ ᠭᠤᠷᠪᠠᠨ ᠠᠯᠲᠠ᠂ ᠲᠠᠪᠤ ᠵᠢᠷᠭᠤᠭᠠᠨ ᠠᠯᠲᠠ ᠪᠦᠰᠡ ᠪᠤᠢ᠃ ᠪᠦᠰᠡ ᠨᠢ ᠲᠤᠩ ᠤᠯᠠᠨ ᠭᠡᠷᠡᠭᠴᠡᠭᠡ | ᠲᠠᠢ ᠪᠠᠶᠢᠳᠠᠭ᠃ ᠠᠭᠲᠠ ᠶᠢᠨ ᠨᠢᠷᠤᠭᠤᠨ ᠲᠡᠭᠡᠷᠡ ᠪᠡᠶᠡ ᠶᠢ ᠲᠤᠯᠠᠭᠠᠯᠠᠵᠦ᠂ ᠵᠢᠪᠠᠷ ᠢ ᠬᠠᠯᠬᠠᠯᠠᠵᠦ᠂ ᠪᠡᠶᠡ ᠶᠢᠨ | ᠲᠤᠳᠤᠷ ᠡᠷᠭᠡᠳᠡᠨ ᠤ ᠲᠤᠷᠭᠢᠵᠦ ᠭᠡᠮᠳᠦᠬᠦ ᠶᠢ ᠬᠠᠮᠠᠭᠠᠯᠠᠳᠠᠭ᠃ ᠮᠥᠨ ᠪᠡᠶᠡ ᠲᠦᠷᠭᠦ ᠶᠢ ᠴᠢᠮᠡᠳᠡᠭ᠃ ᠰᠠᠭᠠᠳᠠᠭ | ᠬᠤᠮᠰᠠᠭᠠ᠂ ᠭᠡᠳᠡ ᠬᠢᠳᠤᠭᠠ᠂ ᠬᠥᠬᠦᠷ ᠤᠨ ᠲᠠᠯᠢᠩ᠂ ᠲᠠᠮᠠᠬᠢ ᠶᠢᠨ ᠤᠭᠤᠲᠠ ᠵᠡᠷᠭᠡ ᠶᠢ ᠪᠦᠰᠡᠨ ᠳᠤ ᠠᠭᠰᠠᠨ | ᠰᠣᠶᠢᠷᠠᠬᠤ ᠲᠤᠯᠠ ᠪᠦᠰᠡ ᠶᠢ ᠡᠷᠡ ᠬᠦᠮᠥᠨ ᠤ ᠰᠦᠷ ᠰᠦᠯᠲᠡ ᠭᠡᠵᠦ ᠲᠡᠭᠡᠳᠦᠯᠡᠨ ᠦᠵᠡᠳᠡᠭ᠃ | ᠮᠣᠩᠭᠤᠯᠴᠣᠳ ᠤᠨ ᠣᠯᠠᠩᠭᠢ ᠡᠷᠡᠴᠤᠤᠯ ᠪᠦᠰᠡᠨ ᠳᠤ ᠪᠠᠨ ᠭᠠᠩᠰᠠ ᠤᠭᠤᠲᠠ ᠵᠡᠭᠦᠳᠡᠭ᠃ ᠭᠠᠩᠰᠠ ᠪᠤᠯ | ᠨᠠᠪᠴᠢᠨ ᠲᠠᠮᠠᠬᠢ ᠲᠠᠳᠠᠬᠤ ᠪᠠᠭᠠᠵᠢ ᠮᠥᠨ᠂ ᠪᠠᠰᠠ ᠳ᠋ᠠᠢ ᠭᠡᠳᠡᠭ᠃ ᠭᠠᠩᠰᠠ ᠨᠢ ᠲᠤᠯᠤᠭᠠᠢ ︵ᠲᠤᠭᠤᠭᠠ︶᠂ ᠡᠰᠢ | ᠂ ᠰᠢᠯᠪᠢ ︵ᠰᠣᠷᠣᠭᠤᠯ︶ ᠢᠶᠠᠷ ᠪᠦᠷᠢᠯᠳᠤᠨᠡ᠃ ᠭᠠᠩᠰᠠ ᠲᠠᠮᠠᠬᠢ ᠶᠢᠨ ᠤᠭᠤᠲᠠ ᠨᠢ ᠭᠤᠶᠤᠯᠠᠯ ᠴᠢᠮᠡᠭᠯᠡᠯ ᠤᠨ | ᠡᠳ᠋ ᠢᠶᠠᠷ ᠪᠠᠷᠠᠬᠤ ᠦᠬᠡᠢ᠂ ᠬᠦᠮᠥᠰ ᠤᠨ ᠬᠤᠭᠤᠷᠤᠨᠳᠣᠬᠢ ᠨᠡᠶᠢᠭᠡᠮ ᠤᠨ ᠬᠠᠷᠢᠴᠠᠭᠠ ᠶᠢ ᠡᠶᠡ ᠨᠠᠶᠢᠷᠳᠠᠢ ᠪᠤᠯᠭᠠᠬᠤ | ᠪᠦᠭᠡᠳ ᠭᠠᠩᠰᠠ ᠪᠠ ᠲᠠᠮᠠᠬᠢ ᠶᠢᠨ ᠤᠭᠤᠳᠠ ᠨᠢ ᠡᠷᠡᠭᠲᠡᠢ᠂ ᠡᠮᠡᠭᠲᠡᠢ ᠮᠤᠩᠭᠤᠯ ᠵᠠᠯᠠᠭᠤᠴᠤᠳ ᠤᠨ ᠢᠨᠠᠭ ᠤᠨ | ᠵᠠᠭᠤᠴᠢ ᠪᠤᠯᠳᠠᠭ ᠠᠴᠠ ᠮᠤᠩᠭᠤᠯᠴᠤᠳ ᠲᠤᠩ ᠬᠦᠨᠳᠦᠳᠭᠡᠨ ᠦᠵᠡᠳᠡᠭ᠃ | ︽ᠮᠤᠩᠭᠤᠯ ᠬᠦᠮᠥᠨ ᠪᠡᠯᠭᠡ ᠪᠠᠷ᠂ ᠮᠤᠯᠤᠤᠷ ᠡᠷᠲᠡᠨᠢ ᠪᠡᠨᠡ ᠪᠠᠷ︾ ᠭᠡᠵᠦ ᠮᠤᠩᠭᠤᠯ ᠤᠨ ᠦᠭᠡᠨ ᠳᠤ | ᠪᠠᠶᠢᠳᠠᠭ᠃ ᠡᠨᠡ ᠨᠢ ᠲᠠᠷᠦᠢ ᠮᠠᠨ ᠤ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠪᠡᠯᠭᠡ ᠲᠡᠮᠪᠡᠷᠢᠯ ᠢ ᠲᠤᠶᠢᠯ ᠢᠶᠠᠷ ᠡᠷᠬᠢᠮᠯᠡᠳᠡᠭ | ᠭᠡᠰᠡᠨ ᠰᠠᠨᠠᠭᠠ ᠶᠢ ᠲᠤᠰᠬᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡᠬᠦ ᠵᠠᠩ ᠵᠠᠩᠰᠢᠯ ᠠᠴᠠ ᠪᠤᠯᠵᠦ ᠶᠡᠷᠦᠨᠢ ᠡᠳᠦᠷ ᠲᠤᠳᠤᠮ ᠤᠨ | ᠠᠵᠢᠯ ᠠᠮᠢᠳᠦᠷᠠᠯ ᠤᠨ ᠲᠤᠮᠲᠠ᠂ ᠠᠶᠤᠯ ᠪᠠᠷᠳᠠᠭᠠ ᠶᠢᠨ ᠲᠠᠪᠠᠭᠠᠨ ᠳᠤ᠂ ᠦᠬᠦᠵᠦ ᠰᠡᠭᠡᠭᠦ ᠶᠢᠨ ᠵᠠᠩᠭᠢᠯᠠᠭᠠ ᠶᠢᠨ | ᠦᠶᠡ ᠳᠤ ᠴᠦ ᠦᠢᠯᠡ ᠬᠦᠳᠡᠯᠥᠯ᠂ ᠦᠬᠡ ᠬᠡᠯᠡ ᠳᠤ ᠬᠦᠷᠲᠡᠯᠡ ︽ᠪᠡᠯᠭᠡ︾ ᠶᠢ ᠡᠷᠬᠢᠮᠯᠡᠨᠡ᠃ ᠡᠬᠦᠨ ᠤ | ᠲᠤᠬᠠᠢ ᠪᠣᠳᠠᠳᠠᠶᠢᠴᠢᠯᠠᠨ ᠬᠡᠯᠡᠪᠡᠯ — ᠵᠠᠮ ᠶᠠᠪᠤᠵᠦ᠂ ᠠᠶᠠᠨ ᠬᠦᠬᠡᠬᠡᠵᠦ ᠪᠠᠶᠢᠭᠠᠳ ᠮᠠᠯᠠᠭᠠᠢ ᠤᠯᠵᠠᠯᠠᠵᠦ | ᠠᠪᠣᠪᠠᠯ᠂ ᠭᠤᠷᠪᠠ ᠢᠰᠭᠦᠯᠥᠭᠡᠳ ᠪᠠᠰᠠ ᠠᠪᠬᠤ ᠦᠭᠡᠢ᠃ ᠤᠴᠢᠷ ᠨᠢ ᠮᠠᠯᠠᠭᠠᠢ ᠪᠤᠯ ᠬᠡᠳᠦᠶᠢᠪᠡᠷ ᠲᠡᠷᠢᠬᠦᠨ ᠳᠤ | ᠵᠡᠬᠦᠳᠡᠭ ᠪᠤᠯᠪᠠᠴᠦ ᠤᠷᠤᠭᠤ ᠬᠠᠷᠠᠭᠰᠠᠨ ᠵᠠᠳᠠᠭᠠᠢ ᠰᠠᠪᠠ᠂ ᠮᠠᠭᠤ ᠢᠷᠸᠠ ᠭᠡᠵᠦ ᠬᠡᠯᠡᠨᠡ᠃ ᠬᠡᠷᠪᠡ ᠤᠭᠤᠳᠠ | ᠤᠯᠵᠠᠯᠠᠵᠦ ᠠᠪᠤᠪᠠᠯ ᠢᠰᠬᠦᠯᠵᠦ ᠲᠡᠭᠡᠷᠡᠬᠦ ᠴᠦ ᠦᠭᠡᠢ ᠪᠠᠷ ᠡᠷᠬᠢᠮᠯᠡᠨ ᠠᠳᠬᠤᠵᠦ ᠠᠪᠳᠠᠭ ᠤᠨ ᠤᠴᠢᠷ ᠨᠢ | ᠦᠬᠡᠳᠡ ᠠᠮᠠᠰᠠᠷ ᠲᠠᠢ᠂ ᠡᠰᠡᠷᠡᠭ ᠰᠠᠪᠠ ᠬᠡᠮᠡᠨ ᠪᠡᠯᠭᠡᠳᠡᠳᠡᠭ ᠠᠴᠠ ᠪᠣᠯᠣᠭᠰᠠᠨ ᠶᠣᠮ᠃ | ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠤ ᠵᠠᠩ ᠵᠠᠩᠰᠢᠯ ᠳᠤ ᠦᠭᠡᠳᠡ ᠠᠮᠠᠰᠠᠷ ᠲᠠᠢ ᠤᠭᠤᠲᠠ ︵ᠲᠠᠮᠠᠬᠢ ᠶᠢᠨ ᠤᠭᠤᠲᠠ︶ | ᠨᠢ ᠪᠡᠯᠭᠡ ᠲᠡᠮᠪᠡᠷᠢᠯ ᠲᠠᠢ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠬᠠᠶᠢᠷᠠ ᠲᠤᠷᠠᠯᠠᠯ ᠢᠶᠠᠨ ᠢᠯᠡᠳᠭᠡᠬᠦ᠂ ᠰᠠᠨᠠᠭᠠ ᠰᠡᠳᠭᠢᠯᠭᠡ ᠪᠠᠨ | ᠮᠡᠳᠡᠭᠳᠡᠬᠦ ᠡᠷᠭᠢᠮ ᠡᠳ᠋ ᠪᠤᠯᠤᠭᠰᠠᠭᠠᠷ ᠢᠷᠡᠵᠡᠢ᠃ | ᠬᠦᠮᠥᠨ ᠲᠦᠷᠦᠯᠬᠢᠳᠡᠨ ᠤ ᠬᠡᠪᠰᠢᠭᠰᠡᠨ ᠶᠤᠰᠤ ︽ᠬᠡᠤᠬᠡᠨ ᠲᠦᠷᠦᠪᠡᠯ ᠬᠠᠷᠢ ᠳᠤ ᠤᠴᠢᠵᠦ᠂ ᠬᠦᠤ | ᠲᠦᠷᠦᠪᠡᠯ ᠪᠡᠷᠢ ᠪᠤᠭᠳᠤᠯᠤᠨ᠂ ᠬᠠᠭᠠᠨ ᠤ ᠬᠦᠩᠵᠦ ᠪᠤᠯᠤᠭᠰᠠᠨ ᠴᠦ ᠬᠠᠷᠢ ᠳᠤ ᠣᠴᠢᠬᠤ ᠶᠤᠰᠤᠲᠠᠢ︾ ᠭᠡᠳᠡᠭ | ᠢᠶᠠᠷ ᠨᠠᠰᠣᠨ ᠳᠤ ᠬᠦᠷᠦᠭᠰᠡᠨ ᠬᠡᠤᠬᠡᠨ ᠪᠤᠯ ᠬᠦᠷᠭᠡᠨ ᠰᠤᠩᠭᠤᠬᠤ ᠣᠴᠢᠷ ᠲᠠᠢ ᠪᠢᠯᠡ᠃ | ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠤ ᠬᠡᠣᠬᠡᠨᠴᠣᠳ ᠦᠪᠡᠷ ᠤᠨ ᠤᠯᠠᠮᠵᠢᠯᠠᠯ ᠵᠠᠩᠰᠢᠯ ᠢᠶᠠᠷ ᠢᠶᠠᠨ ᠦᠪᠡᠷ ᠤᠨ ᠦᠵᠡᠵᠦ | ᠲᠤᠭᠤᠭᠰᠠᠨ ᠰᠡᠳᠬᠢᠯ ᠤᠨ ᠬᠦᠮᠥᠨ ᠳᠡᠭᠡᠨ ᠲᠠᠮᠠᠬᠢ ᠶᠢᠨ ᠤᠭᠤᠲᠠ ᠤᠷᠠᠯᠠᠨ ᠤᠶᠤᠵᠦ᠂ ᠬᠠᠶᠢᠷᠯᠠᠨ ᠰᠠᠨᠠᠵᠦ | ᠪᠠᠶᠢᠭᠠ ᠰᠡᠳᠭᠢᠯᠭᠡ ᠪᠠᠨ ᠢᠯᠡᠳᠭᠡᠳᠡᠭ᠃ ᠮᠥᠨ ᠡᠨᠡ ᠤᠭᠤᠳᠠ ᠪᠠᠨ ᠨᠦᠬᠦᠬᠡ ᠡᠳᠡᠭᠡᠳ ᠲᠡᠭᠡᠨ ᠪᠡᠯᠡᠭᠯᠡᠬᠦ ᠳᠤ | ᠪᠠᠨ ᠬᠡᠯᠡᠵᠦ ᠲᠠᠭᠤᠯᠠᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ | ︽ᠡᠷᠪᠡᠬᠡᠢ ᠬᠤᠸᠠᠷᠲᠠᠢ ᠦᠭᠡᠳᠡᠩ ᠲᠤᠷᠭᠠᠨ ᠤᠭᠤᠲᠠ ᠪᠠᠨ | ᠭᠡᠭᠡ ᠴᠢᠮᠠ ᠳᠠᠭᠠᠨ ᠤᠶᠤᠭᠰᠠᠨ ᠶᠤᠮ ᠡ ᠬᠦᠢ | ᠠᠢ ᠳ᠋ᠠ︕ ᠭᠡᠭᠡ ᠶᠠ ᠬᠦᠢ︕ | ᠡᠭᠡᠴᠢ ᠲᠡᠭᠦᠦ ᠠᠬᠠ ᠲᠡᠭᠦᠦ ᠶᠢᠰᠦᠭᠦᠯᠡ ᠠᠴᠠ ᠪᠠᠨ ᠰᠢᠷᠪᠠᠳᠦᠭᠡᠳ | ᠡᠷᠬᠢᠨ ᠳᠤ ᠰᠠᠭᠤᠭᠠᠳ ᠤᠶᠤᠭᠰᠠᠨ ᠶᠤᠮ ᠡ ᠬᠦᠢ | | ᠠᠷᠪᠠᠨ ᠫᠢᠶᠤᠤᠲᠠᠢ ᠲᠠᠢ ᠠᠷᠳᠠᠢ ᠲᠤᠷᠭᠠᠨ ᠤᠭᠤᠳᠠ ᠪᠠᠨ | ᠠᠬᠠ ᠴᠢᠮᠠ ᠳᠤ ᠪᠠᠨ ᠤᠶᠤᠭᠰᠠᠨ ᠶᠤᠮ ᠡ ᠬᠦᠢ | ᠠᠢ ᠳ᠋ᠠ︕ ᠬᠡᠬᠡ ᠶᠠ ᠬᠦᠢ︕ | ᠠᠬᠠ ᠲᠡᠭᠦᠦ ᠡᠭᠡᠴᠢ ᠲᠡᠭᠦᠦ ᠠᠷᠪᠠᠭᠤᠯᠠ ᠠᠴᠠ ᠪᠠᠨ ᠰᠢᠷᠪᠡᠳᠦᠭᠡᠳ | ᠠᠷᠭᠠᠯ ᠤᠨ ᠬᠠᠰᠢᠶᠠᠨ ᠳᠤ ᠣᠶᠣᠭᠰᠠᠨ ᠶᠤᠮ ᠡ ᠬᠦᠢ︕︾ ᠬᠡᠵᠦ ᠲᠠᠭᠤᠯᠠᠳᠠᠭ᠃ ᠡᠨᠡ ᠨᠢ ᠬᠡᠤᠬᠡᠨ ᠠᠴᠠ | ᠦᠵᠡᠵᠦ ᠲᠤᠭᠤᠭᠰᠠᠨ ᠬᠦᠮᠥᠨ ᠳᠡᠭᠡᠨ ᠤᠭᠤᠳᠠ ᠤᠶᠤᠵᠦ ᠦᠭᠳᠡᠭ ᠵᠠᠩ ᠵᠠᠩᠰᠢᠯ ᠢ ᠪᠦᠷᠢᠨ ᠲᠤᠳᠤ ᠬᠠᠷᠠᠭᠤᠯᠵᠦ | ᠪᠠᠶᠢᠨᠠ᠃ ᠬᠡᠤᠬᠡᠨ ᠠᠴᠠ ᠶᠠᠭᠤᠨ ᠤ ᠡᠮᠥᠨᠡ ᠵᠠᠪᠠᠯ ᠤᠭᠤᠳᠠ ᠤᠶᠤᠵᠦ ᠦᠭᠳᠡᠭ ᠤᠨ ᠤᠴᠢᠷ ᠨᠢ ᠭᠡᠪᠡᠯ᠄ ᠲᠠᠮᠠᠬᠢ | ᠶᠢᠨ ᠤᠭᠤᠲᠠ ᠪᠤᠯ ᠦᠭᠡᠳᠡ ᠠᠮᠠᠰᠠᠷ ᠲᠠᠢ᠂ ᠦᠯᠵᠡᠢ ᠪᠡᠯᠭᠡ ᠲᠠᠢ ᠪᠠᠶᠢᠳᠠᠭ ᠲᠤ ᠤᠷᠤᠰᠢᠨᠠ᠃ ᠲᠡᠶᠢᠮᠥ | ᠮᠦᠷᠳᠡᠭᠡᠨ ᠪᠠᠰᠠ ᠪᠤᠰᠤᠳ ᠠᠴᠠ ᠨᠢᠭᠤᠵᠦ ᠬᠠᠪᠴᠢᠵᠦ ᠤᠶᠤᠵᠦ ᠬᠢᠬᠦ ᠳᠤ ᠵᠢᠵᠢᠭ ᠪᠦᠭᠡᠳ ᠬᠢᠯᠪᠡᠷ ᠲᠤᠯᠠ | ᠬᠠᠮᠢᠭᠠ ᠠᠪᠴᠦ ᠶᠠᠪᠤᠭᠰᠠᠨ ᠴᠦ ᠲᠦᠭᠦᠮ ᠲᠦᠲᠡ ᠪᠠᠶᠢᠳᠠᠭ ᠠᠴᠠ ᠪᠤᠯᠤᠭᠰᠠᠨ ᠶᠤᠮ᠃ | ᠤᠭᠤᠳᠠ ᠤᠶᠤᠭᠰᠠᠨ ᠬᠡᠤᠬᠡᠨ ᠤ ᠬᠠᠶᠢᠷᠠ ᠰᠡᠳᠭᠢᠯᠭᠡ ᠪᠠᠨ ᠣᠭᠤᠳᠠᠨ ᠳᠠᠭᠠᠨ ᠰᠢᠩᠭᠡᠭᠡᠬᠦ ᠪᠠᠷ ᠠᠷᠳᠠᠢ | ᠲᠤᠷᠭᠠᠨ ᠲᠡᠭᠡᠷᠡ᠂ ᠣᠯᠠᠭᠠᠨ ᠶᠠᠭᠠᠨ ᠬᠤᠸᠠᠷ ᠢ ᠤᠷᠭᠤᠵᠦ ᠪᠠᠶᠢᠬᠤ ᠪᠠᠷ ᠤᠷᠠᠯᠠᠭᠠᠳ᠂ ᠠᠯᠠᠭ ᠡᠷᠢᠶᠡᠨ ᠡᠷᠪᠡᠬᠡᠢ | ᠶᠢ ᠠᠪᠤᠯᠴᠠᠭᠤᠯᠤᠨ ᠨᠣᠴᠤᠯᠳᠤᠭᠤᠯᠤᠨ ᠡᠷᠭᠢᠯᠳᠦᠬᠦᠯᠵᠦ᠂ ᠠᠷᠭᠠ ᠪᠢᠯᠢᠭ ᠤᠨ ᠨᠠᠷᠠᠨ ᠰᠠᠷᠠᠨ ᠢ ᠭᠡᠷᠡᠯᠳᠦᠵᠦ | ᠪᠠᠶᠢᠬᠤ ᠪᠠᠷ ᠤᠶᠤᠭᠠᠳ᠂ ᠨᠠᠢᠮᠠᠨ ᠦᠩᠭᠡ ᠶᠢᠨ ᠫᠢᠶᠤᠤᠲᠠᠢ ᠪᠠᠷ ᠯᠠᠪᠠᠷᠢ ᠪᠤᠯᠭᠠᠨ ᠴᠢᠮᠡᠭᠡᠳ ᠦᠵᠡᠵᠦ ᠲᠤᠭᠤᠭᠰᠠᠨ | ᠰᠡᠳᠭᠢᠯ ᠤᠨ ᠬᠦᠮᠥᠨ ᠳᠡᠭᠡᠨ ᠵᠡᠬᠦᠯᠭᠡᠳᠡᠭ᠃ ᠨᠦᠬᠦᠬᠡ ᠡᠳᠡᠭᠡᠳ ᠨᠢ ᠤᠭᠤᠳᠠ ᠶᠢ ᠪᠦᠰᠡᠨ ᠳᠡᠭᠡᠨ ᠵᠡᠬᠦᠭᠰᠡᠨ ᠤ | ᠰᠡᠬᠦᠯᠡᠷ ᠬᠡᠤᠬᠡᠨ ᠤ ᠰᠡᠳᠭᠢᠯᠬᠡ ᠶᠢ ᠪᠦᠷᠢᠨ ᠣᠶᠢᠯᠠᠭᠠᠵᠦ᠂ ᠬᠡᠵᠢᠶᠡᠲᠡ ᠰᠠᠯᠤᠰᠢ ᠦᠬᠡᠢ ᠪᠠᠷ ᠬᠠᠮᠲᠦ ᠪᠠᠶᠢᠬᠤ ᠮᠡᠳᠦ | ᠰᠡᠳᠬᠢᠯ ᠲᠦᠷᠦᠭᠳᠡᠬᠦᠯᠳᠡᠭ ᠣᠴᠢᠷ ᠲᠠᠢ ᠪᠢᠯᠠ᠃ | ᠡᠶᠢᠮᠥᠷᠬᠦ ᠬᠦᠨ ᠵᠤᠵᠠᠭᠠᠨ ᠬᠠᠶᠢᠷᠠ ᠰᠡᠳᠭᠢᠯᠭᠡ ᠪᠠᠨ ᠢᠯᠡᠳᠭᠡᠭᠦ ᠤᠭᠤᠳᠠ ᠪᠠᠨ ᠰᠢᠳᠡᠵᠦ ᠤᠶᠤᠬᠤ ᠳᠤ | ᠨᠤᠳᠤᠭ ᠤᠷᠤᠨ ᠤ ᠬᠢᠳᠡᠯ ᠤᠶᠤᠳᠠᠯ ᠤᠨ ᠦᠩᠭᠡ ᠪᠤᠳᠤᠭ᠂ ᠶᠡᠭᠡ ᠪᠠᠭᠠ᠂ ᠲᠦᠷᠰᠦ ᠬᠡᠯᠪᠡᠷᠢ ᠨᠢ ᠪᠠᠰᠠ ᠠᠳᠠᠯᠢ | ᠪᠤᠰᠣ ᠪᠤᠯᠪᠠᠴᠤ ᠦᠨᠳᠣᠰᠣᠨ ᠳᠡᠭᠡᠨ ᠲᠡᠮᠡᠢ ᠵᠦᠷᠢᠶᠡ ᠦᠬᠡᠢ ᠪᠠᠶᠢᠳᠠᠭ᠃ | ᠤᠭᠤᠳᠠᠨ ᠤ ᠪᠠᠶᠠ ᠶᠢ ᠦᠵᠡᠵᠦ ᠰᠣᠩᠭᠤᠭᠰᠠᠨ ᠦᠩᠭᠡ ᠶᠢᠨ ᠲᠤᠷᠭᠠ ᠠᠴᠠ ᠨᠠᠢᠮᠠᠨ ᠢᠮᠠᠬᠤ ᠠᠴᠠ ᠨᠢᠭᠡ | ᠲᠤᠬᠤᠢ ᠶᠢ ᠠᠪᠴᠦ᠂ ᠭᠠᠳᠠᠷᠯᠠᠬᠤ ᠲᠤᠷᠭᠠ ᠶᠢᠨ ᠢᠶᠠᠨ ᠬᠤᠸᠠᠷ ᠬᠠᠳᠬᠤᠵᠦ ᠰᠢᠪᠡᠬᠦ ᠬᠡᠰᠡᠭ ᠤᠨ ᠲᠤᠳᠤᠷᠠ ᠲᠠᠯᠠ | ᠳᠤᠨᠢ ᠳ᠋ᠠᠩ ᠨᠢᠮᠭᠡᠨ ᠪᠦᠰ ᠢᠶᠠᠷ ᠲᠠᠪᠬᠤᠷᠯᠠᠨ ᠨᠠᠭᠠᠵᠦ ᠬᠠᠳᠠᠭᠠᠭᠠᠳ ᠪᠠᠭ᠋ᠠᠨ ᠬᠠᠳᠠᠭᠤ ᠪᠤᠯᠭᠠᠵᠦ ᠬᠠᠳᠬᠤᠮᠠᠯ | ᠬᠤᠸᠠᠷ ᠢᠶᠠᠨ ᠰᠢᠪᠡᠵᠦ ᠤᠷᠠᠯᠠᠨᠠ᠃ ᠬᠠᠳᠬᠤᠮᠠᠯ ᠬᠤᠸᠠᠷ ᠲᠤ ᠶᠠᠮᠠᠷ ᠨᠢᠭᠡᠨ ᠣᠷᠭᠤᠮᠠᠯ ᠠᠮᠢᠳᠠᠨ᠂ ᠦᠰᠦᠭ | ᠵᠢᠷᠤᠭ᠂ ᠬᠤᠸᠠᠷ ᠴᠡᠴᠡᠭ ᠪᠦᠷ ᠪᠠᠶᠢᠵᠦ ᠪᠤᠯᠤᠨᠠ᠃ ᠡᠭᠦᠨ ᠢᠶᠠᠨ ᠦᠩᠭᠡ ᠶᠢᠨ ᠲᠤᠷᠭᠠᠨ ᠣᠳᠠᠰᠣ ᠪᠠᠷ ᠨᠢᠭᠡ | ᠨᠢᠬᠡ ᠵᠡᠭᠦᠦ ᠪᠠᠷ ᠰᠢᠪᠡᠵᠦ ᠤᠶᠤᠬᠤ ᠲᠤᠯᠠ ᠲᠤᠶᠢᠯ ᠤᠨ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠶᠢ ᠡᠷᠬᠢᠮᠯᠡᠳᠡᠭ ᠠᠴᠠ ᠢᠯᠡᠭᠦᠦ ᠴᠠᠭ | ᠭᠡᠷᠡᠭᠰᠡᠨᠡ᠃ ᠤᠭᠤᠳᠠ ᠶᠢᠨ ᠬᠠᠳᠬᠤᠮᠠᠯ ᠬᠤᠸᠠᠷ ᠢ ᠤᠷᠠᠯᠠᠵᠦ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ ᠳ᠋ᠠᠩ ᠨᠢᠮᠭᠡᠨ ᠪᠦᠰ ᠢᠶᠠᠷ | ᠪᠦᠷᠢᠨ ᠢ ᠲᠤᠳᠤᠷᠯᠠᠵᠦ᠂ ᠭᠤᠤᠯ ᠣᠶᠣᠳᠠᠯ ᠪᠠ ᠢᠷᠦᠭᠠᠷ ᠢ ᠨᠢ ᠪᠢᠳᠡᠭᠦᠯᠡᠨ ᠱᠠᠭᠯᠠᠵᠦ ᠤᠶᠤᠭᠠᠳ ᠣᠷᠪᠠᠭᠤᠯᠣᠨ | ᠭᠠᠷᠭᠠᠨᠠ᠃ | ᠫᠢᠶᠤᠤᠳᠠᠢ ᠬᠢᠬᠦ ᠳᠤ ᠦᠩᠭᠡ ᠪᠦᠷᠢ ᠶᠢᠨ ᠲᠤᠷᠭᠠ ᠠᠴᠠ ᠨᠢᠭᠡ ᠠᠴᠠ ᠬᠤᠶᠠᠷ ᠢᠮᠠᠬᠤ ᠦᠷᠭᠡᠨ᠂ ᠤᠭᠤᠳᠠᠨ | ᠤ ᠪᠠᠨ ᠬᠢᠷᠢ ᠦᠨᠳᠦᠷ ᠢᠶᠠᠷ᠂ ᠲᠤᠷᠤᠭᠰᠢ ᠬᠠᠨᠳᠣᠬᠤ ᠲᠠᠯᠠ ᠶᠢ ᠨᠠᠷᠢᠬᠠᠨ ᠢᠶᠠᠷ ᠡᠰᠬᠡᠵᠦ ᠣᠶᠣᠭᠠᠳ ᠣᠷᠪᠠᠭᠤᠯᠤᠨ | ᠭᠠᠷᠭᠠᠵᠦ ᠣᠷᠠᠯᠠᠨᠠ᠃ ᠲᠠᠷᠠᠭᠠ ᠨᠢ ᠤᠭᠤᠳᠠᠨ ᠤ ᠪᠡᠶᠡ ᠶᠢᠨ ᠲᠡᠭᠡᠷᠡ ᠬᠠᠭᠠᠰ ᠲᠤ ᠫᠢᠶᠤᠤᠳᠠᠢ ᠪᠠᠨ ᠰᠡᠪ ᠢ ᠨᠢ | ᠲᠠᠷᠤᠵᠦ ᠤᠶᠤᠵᠦ ᠲᠤᠬᠢᠷᠠᠭᠤᠯᠤᠨᠠ᠃ ᠫᠢᠶᠤᠤᠲᠠᠢ ᠪᠠ ᠤᠭᠤᠲᠠ ᠶᠢᠨ ᠪᠠᠶᠠ ᠲᠠᠢ ᠲᠠᠷᠤᠭᠤᠯ ᠣᠭᠤᠰᠣᠷ ᠢᠶᠠᠷ | ᠰᠢᠳᠡᠵᠦ ᠤᠭᠤᠰᠤᠷᠯᠠᠨᠠ᠃ ᠣᠭᠤᠳᠠᠨ ᠤ ᠠᠮᠠᠰᠠᠷ ᠤᠨ ᠬᠡᠰᠡᠭ ᠢ ᠹᠢᠩ ᠭᠧᠽᠢ ︵ᠨᠤᠭᠤᠯᠪᠤᠷᠢ︶ ᠲᠠᠷᠤᠵᠦ | ᠲᠠᠷᠤᠰᠢᠭᠤᠯᠵᠦ᠂ ᠵᠡᠬᠦᠬᠦ ᠤᠭᠤᠰᠤᠷ ᠬᠢᠵᠦ ᠪᠦᠬᠦ ᠤᠶᠤᠳᠠᠯ ᠢᠶᠠᠨ ᠲᠠᠭᠤᠰᠬᠠᠨᠠ᠃ | ᠡᠨᠡᠬᠦ ᠬᠠᠶᠢᠷᠠ ᠲᠤᠷᠠᠯᠠᠯ ᠢᠶᠠᠨ ᠰᠢᠩᠭᠡᠭᠡᠭᠰᠡᠨ ᠲᠠᠮᠠᠬᠢᠨ ᠤᠭᠤᠳᠠᠨ ᠳᠠᠭᠠᠨ ᠤᠪ ᠤᠯᠠᠭᠠᠨ ᠨᠠᠪᠴᠢᠨ ᠲᠠᠮᠠᠬᠢ ᠪᠠᠨ | ᠬᠢᠬᠡᠳ ᠰᠡᠳᠬᠢᠯ ᠤᠨ ᠬᠦᠮᠥᠨ ᠳᠡᠭᠡᠨ ᠪᠡᠯᠡᠭ ᠪᠤᠯᠭᠠᠨ ᠦᠭᠬᠦ ᠳᠡᠭᠡᠨ᠄ | ︽ᠬᠠᠰ ᠤᠨ ᠰᠢᠯᠪᠢ ᠲᠠᠢ ᠢᠦᠢ ᠱᠢ ᠳ᠋ᠠᠢ ᠪᠠᠨ | ᠨᠠᠰᠢ ᠪᠠᠨ ᠦᠭ ᠳ᠋ᠧ ᠠᠬᠠ ᠮᠢᠨᠢ ᠬᠦᠢ | ᠬᠠᠢ ᠨᠠᠨ ᠭᠠᠵᠠᠷ ᠤᠨ ᠬᠠᠢ ᠶᠠᠨ ᠲᠠᠮᠠᠬᠢ ᠪᠠᠨ | ᠨᠤᠴᠤᠭᠠᠭᠠᠳ ᠦᠭᠬᠦᠶᠡ ᠴᠢᠮᠠ ᠳᠠᠭᠠᠨ ᠬᠦᠢ | ᠬᠠᠷᠠᠩᠭᠤᠢ ᠰᠦᠨᠢ ᠶᠢᠨ ᠵᠡᠭᠦᠳᠦᠯᠥᠭᠡᠳ ᠲᠡᠭᠡᠭᠰᠡᠨ ᠵᠡᠬᠦᠳᠦ ᠠᠴᠠ ᠪᠠᠨ | ᠬᠠᠭᠠᠰ ᠢ ᠨᠢ ᠴᠢᠮᠠ ᠳᠠᠭᠠᠨ ᠬᠡᠯᠡᠵᠦ ᠦᠭᠬᠦᠶᠡ | ᠬᠠᠶᠢᠷᠠ ᠶᠢᠨ ᠰᠡᠳᠬᠢᠯ ᠬᠠᠯᠠᠭᠤᠨ ᠰᠠᠨᠠᠭᠠ ᠪᠠᠨ | ᠭᠡ ᠭᠡ ᠴᠢᠮᠠ ᠳᠠᠭᠠᠨ ᠲᠠᠯᠪᠢᠭᠰᠠᠨ ᠶᠤᠮ ᠡ ᠬᠦᠢ | | ᠦᠨᠳᠦᠷ ᠰᠢᠯᠪᠢ ᠲᠠᠢ ᠢᠦᠢ ᠱᠢ ᠳ᠋ᠠᠢ ᠪᠠᠨ | ᠡᠶᠢᠰᠢ ᠪᠠᠨ ᠦᠭ ᠳ᠋ᠧ ᠠᠬᠠ ᠮᠢᠨᠢ ᠡ ᠬᠦᠢ | ᠸᠧᠢ ᠨᠠᠨ ᠭᠠᠵᠠᠷ ᠤᠨ ᠤᠯᠠᠭᠠᠨ ᠲᠠᠮᠠᠬᠢ ᠪᠠᠨ | ᠨᠤᠴᠤᠭᠠᠭᠠᠳ ᠦᠭᠬᠦᠶᠡ ᠴᠢᠮᠠ ᠳᠠᠭᠠᠨ ᠠ ᠬᠦᠢ | ᠦᠴᠦᠭᠡᠳᠦᠷ ᠰᠦᠨᠢ ᠶᠢᠨ ᠵᠡᠬᠦᠳᠦᠯᠥᠭᠡᠳ ᠲᠡᠭᠡᠭᠰᠡᠨ ᠵᠡᠭᠦᠳᠦ ᠠᠴᠠ ᠪᠠᠨ | ᠦᠵᠦᠭᠦᠷ ᠠᠴᠠ ᠨᠢ ᠴᠢᠮᠠ ᠳᠠᠭᠠᠨ ᠬᠡᠯᠡᠵᠦ ᠦᠭᠬᠦᠶᠡ ᠬᠦᠢ | ᠦᠨᠡᠨ ᠰᠠᠨᠠᠭᠠ ᠬᠠᠶᠢᠷᠠ ᠶᠢᠨ ᠰᠡᠳᠭᠢᠯ ᠢᠶᠠᠨ | ᠭᠡ ᠭᠡ ᠴᠢᠮᠠ ᠳᠠᠭᠠᠨ ᠲᠠᠯᠪᠢᠭᠰᠠᠨ ᠶᠤᠮ ᠡ ᠬᠦᠢ ᠁︾ ᠭᠡᠵᠦ ᠲᠠᠭᠤᠯᠠᠳᠠᠭ᠃ | ᠲᠠᠮᠠᠬᠢᠨ ᠤᠭᠤᠳᠠ ᠪᠣᠯ ᠲᠠᠷᠦᠢ ᠬᠤᠷᠴᠢᠨ ᠮᠤᠩᠭᠤᠯ ᠵᠠᠯᠠᠭᠤᠴᠤᠳ ᠤᠨ ᠢᠨᠠᠭ ᠠᠮᠠᠷᠠᠭ ᠬᠠᠶᠢᠷᠠ ᠰᠡᠳᠭᠢᠯ | ᠤᠨ ᠰᠢᠵᠢᠮ ᠬᠤᠯᠪᠤᠭᠠᠰᠣ ᠮᠥᠨ᠃ ᠬᠤᠷᠴᠢᠨ ᠮᠤᠩᠭᠤᠯᠴᠣᠳ ᠤᠨ ᠦᠶᠡ ᠤᠯᠠᠮᠵᠢᠯᠠᠵᠦ ᠢᠷᠡᠭᠰᠡᠨ ᠵᠠᠰᠠᠯ ᠴᠢᠮᠡᠭ | ᠤᠨ ᠲᠡᠷᠢᠬᠦᠨ ᠮᠦᠷᠲᠡᠭᠡᠨ ᠬᠠᠷᠢᠯᠴᠠᠭᠠ ᠶᠠᠪᠤᠯᠴᠠᠭᠠ ᠶᠢᠨ ᠰᠣᠳᠣᠨ ᠵᠠᠭᠤᠴᠢ ᠬᠤᠯᠪᠤᠭᠠᠰᠤ ᠮᠥᠨ᠃ ᠴᠠᠭ ᠦᠶᠡ | ᠶᠢᠨ ᠰᠦᠷ ᠵᠢᠪᠬᠤᠭᠠ ᠦᠩᠭᠡ ᠭᠠᠯᠪᠢᠷ ᠮᠥᠨ᠃ | |