ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠣᠶᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠪᠢᠯᠠᠭᠤ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2024/8/5
    ᠮᠤᠩᠭᠤᠯ ᠦᠨᠳᠣᠰᠣᠳᠡᠨ ᠤ ᠡᠷᠲᠡ ᠲᠡᠭᠡᠲᠦ ᠦᠶ᠎ᠡ ᠠᠴᠠ ᠡᠬᠦᠳᠦᠨ ᠬᠡᠷᠡᠭᠯᠡᠭᠰᠡᠨ ᠪᠢᠯᠠᠭᠤ ᠪᠤᠯ ᠠᠪᠴᠦ ᠶᠠᠪᠤᠬᠤ ᠳᠤ ᠬᠦᠩᠭᠡᠨ᠂ ᠡᠵᠡᠯᠡᠬᠦ ᠤᠷᠤ ᠪᠠᠭ᠎ᠠ ᠪᠠᠶᠢᠵᠦ᠂ ᠪᠡᠶ᠎ᠡ ᠪᠠᠨ ᠬᠠᠮᠠᠭᠠᠯᠠᠬᠤ ᠵᠡᠪᠰᠡᠭ ᠪᠤᠯᠵᠤ ᠬᠡᠷᠡᠭᠯᠡᠭᠳᠡᠭᠰᠡᠭᠡᠷ ᠢᠷᠡᠭᠰᠡᠨ ᠶᠤᠮ᠃ ᠠᠳᠣᠭᠤ ᠮᠠᠯ ᠬᠠᠷᠢᠭᠤᠯᠬᠤ᠂ ᠠᠩ ᠬᠦᠷᠦᠭᠡ ᠠᠪᠠᠯᠠᠬᠤ᠂ ᠨᠠᠭᠠᠳᠣᠮ ᠲᠤᠭᠯᠠᠭᠠᠮ ᠤᠨ ᠪᠠᠭᠠᠵᠢ  ᠪᠠᠷ ᠠᠰᠢᠭᠯᠠᠨ ᠦᠶ᠎ᠡ ᠤᠯᠠᠮᠵᠢᠯᠠᠨ ᠬᠡᠷᠡᠭᠯᠡᠭᠰᠡᠭᠡᠷ ᠢᠷᠡᠭᠰᠡᠨ ᠮᠠᠯᠵᠢᠯ ᠨᠡᠬᠦᠳᠡᠯ ᠤᠨ ᠰᠣᠶᠣᠯ ᠪᠤᠯᠤᠨ᠎ᠠ᠃ ᠤᠳᠤᠬᠢ ᠡᠷᠡᠨ᠎ᠡ ᠣᠯᠢᠮᠫᠢᠺ ᠪᠠ ᠴᠡᠷᠢᠭ ᠤᠨ ᠬᠤᠯᠠ ᠰᠢᠳᠡᠯᠲᠡ ᠪᠤᠯᠤᠨ ᠭᠷᠠᠨᠠᠲ ᠰᠢᠳᠡᠯᠲᠡ ᠶᠢᠨ ᠤᠷᠤᠯᠳᠣᠭᠠᠨ ᠨᠢ ᠮᠤᠩᠭᠤᠯᠴᠤᠳ ᠤᠨ ᠪᠢᠯᠠᠭᠤ ᠶᠢᠨ ᠤᠷᠤᠯᠳᠤᠭᠠᠨ ︵ᠴᠤᠬᠢᠬᠤ︶ ᠠᠴᠠ ᠡᠬᠦᠰᠦᠯᠲᠡᠢ ᠠᠴᠠ ᠪᠢᠯᠠᠭᠤ ᠨᠢ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠬᠦᠮᠥᠨ ᠲᠦᠷᠦᠯᠬᠢᠳᠡᠨ ᠤ ᠪᠤᠯᠪᠠᠰᠣᠨ ᠳᠤ ᠡᠷᠭᠦᠭᠰᠡᠨ ᠡᠭᠦᠳᠦᠨ ᠪᠦᠳᠦᠭᠡᠯᠲᠡ ᠮᠥᠨ᠃    ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠳᠤ ᠪᠢᠯᠠᠭᠤ ᠰᠢᠳᠡᠬᠦ ᠨᠠᠭᠠᠳᠤᠮ ᠤᠳᠤ ᠪᠤᠯᠳᠠᠯ᠎ᠠ ᠦᠷᠭᠡᠨ ᠢᠶᠠᠷ ᠲᠠᠷᠬᠠᠨ ᠲᠡᠯᠭᠡᠷᠡᠭᠰᠡᠭᠡᠷ  ᠪᠠᠶᠢᠵᠤ᠂ ᠶᠡᠭᠡ ᠪᠠᠭ᠎ᠠ ᠨᠠᠶᠢᠷ ᠨᠠᠭᠠᠳᠤᠮ ᠳᠤ ᠨᠢᠬᠡ ᠲᠦᠷᠦᠯ ᠵᠦᠢᠯ ᠪᠣᠯᠤᠨ ᠲᠠᠰᠤᠷᠠᠯ ᠦᠬᠡᠢ ᠤᠷᠤᠯᠳᠤᠭᠰᠠᠭᠠᠷ ᠪᠠᠶᠢᠨ᠎ᠠ᠃    ᠪᠢᠯᠠᠭᠤ ᠶᠢᠨ ᠲᠦᠷᠦᠯ ᠵᠦᠢᠯ    ᠬᠠᠶᠠᠮᠠᠯ ᠪᠢᠯᠠᠭᠤ — ᠪᠠᠶᠢᠭᠠᠯᠢᠯᠢᠭ ᠭᠤᠬᠢᠷ ᠤᠷᠭᠤᠭᠰᠠᠨ ᠬᠠᠶᠢᠯᠠᠰᠣ᠂ ᠲᠡᠯᠳᠦ᠂ ᠣᠳᠠᠨ ᠮᠣᠳᠣ ᠪᠠᠷ ᠬᠢᠳᠡᠭ᠃ ᠠᠳᠬᠤ ᠠᠴᠠ ᠪᠦᠳᠦᠬᠦᠨ ᠰᠢᠭ ᠢ ᠡᠷᠢᠵᠦ ᠰᠣᠩᠭᠤᠭᠤᠳ ᠬᠠᠳᠠᠭᠠᠭᠰᠠᠨ ᠤ ᠲᠠᠷᠠᠭ᠎ᠠ ᠰᠦᠬᠡ᠂ ᠬᠠᠳᠣᠭᠤᠷ᠂ ᠬᠠᠷᠤᠭᠤᠯ ᠢᠶᠠᠷ ᠴᠠᠪᠴᠢᠨ ᠭᠤᠬᠢᠷ ᠤᠨ ᠠᠷᠦ ᠲᠠᠯ᠎ᠠ ︵ᠨᠢᠷᠤᠭᠤ︶ ᠶᠢ ᠦᠪᠦᠷ ᠲᠠᠯ᠎ᠠ ︵ᠭᠡᠳᠡᠰᠦ︶  ᠠᠴᠠ ᠨᠢᠮᠭᠡᠨ ᠰᠢᠭ ᠵᠠᠰᠠᠵᠦ ᠬᠠᠪᠳᠠᠭᠠᠶᠢᠷᠠᠭᠤᠯᠤᠨ᠂ ᠪᠠᠷᠢᠭᠤᠯ ︵ᠡᠰᠢ︶ ᠵᠦᠭ ᠲᠤ ᠪᠠᠨ ᠨᠠᠷᠢᠬᠠᠨ ᠢᠶᠠᠷ ᠵᠠᠰᠠᠵᠦ ᠠᠳᠬᠤᠨ ᠪᠠᠷᠢᠬᠤ ᠳᠤ ᠡᠪ ᠲᠡᠮ ᠲᠠᠢ ᠪᠤᠯᠭᠠᠳᠠᠭ᠃    ᠲᠤᠰ ᠪᠢᠯᠠᠭᠤ ᠶᠢᠨ ᠲᠠᠪᠠᠭᠤᠯᠢᠭ ᠲᠠᠯ᠎ᠠ ᠠᠪᠠᠯᠠᠬᠤ ᠳᠤ ᠠᠩ ᠬᠦᠷᠦᠭᠡ ᠶᠢ ᠰᠢᠳᠡᠵᠦ ᠴᠤᠬᠢᠪᠠᠯ ᠪᠢᠯᠠᠭᠤ ᠶᠢᠨ ᠢᠷᠲᠦ ᠮᠦᠷᠦ ᠪᠠᠷ ᠠᠯᠠᠵᠦ ᠰᠢᠷᠬᠠᠳᠠᠭᠤᠯᠬᠤ ᠨᠢ ᠰᠠᠶᠢᠨ᠃    ᠮᠠᠳᠠᠮᠠᠯ ᠪᠢᠯᠠᠭᠤ — ᠪᠦᠳᠦᠬᠦᠨ ᠨᠠᠷᠢᠨ ᠨᠢ ᠲᠡᠩᠴᠡᠯᠳᠦᠭᠰᠡᠨ ᠬᠠᠶᠢᠯᠠᠰᠣ᠂ ᠣᠳᠠ ︵ᠰᠠᠯᠠᠭ᠎ᠠ ᠪᠢᠰᠢ᠂ ᠰᠠᠭᠤᠷᠢᠯᠢᠭ ᠣᠷᠭᠤᠭ᠎ᠠ︶ ᠶᠢ ᠰᠣᠩᠭᠤᠵᠦ᠂ ᠬᠦᠮᠥᠨ ᠤ ᠬᠦᠴᠦ ᠪᠠᠷ ᠮᠠᠳᠠᠵᠦ ᠭᠤᠬᠢᠷᠯᠠᠭᠰᠠᠨ ᠪᠢᠯᠠᠭᠤ᠃    ᠲᠠᠪᠠᠭᠤᠯᠢᠭ ᠲᠠᠯ᠎ᠠ ᠨᠢ ᠰᠢᠳᠡᠪᠡᠯ ᠤᠨᠤᠪᠴᠢ ᠰᠠᠶᠢᠲᠠᠢ᠃    ᠮᠤᠨᠠᠲᠦ ᠪᠢᠯᠠᠭᠤ — ᠪᠠᠶᠢᠭᠠᠯᠢᠯᠢᠭ ᠤᠷᠭᠤᠴᠠ ᠲᠠᠢ ᠬᠠᠶᠢᠯᠠᠰᠣ᠂ ᠣᠳᠠ᠂ ᠲᠠᠯᠲᠦ᠂ ᠬᠠᠷᠭᠠᠨ᠎ᠠ ︵ᠬᠦᠢᠯᠡᠰᠦᠨ ᠮᠤᠳᠦ︶ ᠶᠢ ᠡᠷᠢᠵᠦ ᠪᠢᠯᠡᠭᠤᠨ ᠲᠤᠯᠤᠭᠠᠢ ᠨᠢ ᠭᠠᠵᠠᠷ ᠲᠤ ᠪᠤᠯᠠᠭᠳᠠᠭ᠎ᠠ ᠨᠢᠳᠤᠷᠭᠠᠨ ᠬᠢᠷᠢ ᠮᠤᠨᠠ ︵ᠯᠠᠩᠳᠦ︶ ᠲᠠᠢ ᠪᠢᠯᠠᠭᠤ᠃    ᠲᠠᠪᠠᠭᠤᠯᠢᠭ ᠲᠠᠯ᠎ᠠ ᠨᠢ ᠰᠢᠳᠡᠯᠲᠡ ᠶᠢᠨ ᠵᠠᠢ ᠬᠤᠯᠠ᠂ ᠤᠨᠤᠪᠠᠯ ᠲᠣᠰᠣᠯᠲᠠ ᠶᠢᠨ ᠴᠡᠭ ᠲᠡᠵᠢᠭ ᠲᠤᠯᠠ ᠬᠦᠴᠦ  ᠲᠠᠢ᠃    ᠠᠰᠬᠠᠨ ᠪᠢᠯᠠᠭᠤ — ᠦᠪᠡᠷ ᠤᠨ ᠬᠦᠴᠦ ᠲᠤᠷᠪᠢ ᠪᠠ ᠲᠤᠷ᠎ᠠ ᠰᠣᠨᠢᠷᠬᠠᠯ ᠠᠴᠠ ᠪᠠᠨ ᠪᠦᠳᠦᠬᠦᠨ ᠨᠠᠷᠢᠨ᠂ ᠤᠷᠲᠦ ᠤᠬᠤᠷ ᠢ ᠨᠢ ᠲᠤᠬᠢᠷᠠᠭᠤᠯᠵᠦ ᠬᠠᠶᠢᠯᠠᠰᠣ᠂ ᠣᠳᠠ᠂ ᠲᠠᠯᠲᠦ ᠶᠢ ᠰᠣᠩᠭᠤᠵᠦ ᠬᠡᠷᠡᠭᠯᠡᠨ᠎ᠡ᠃    ᠲᠠᠪᠠᠭᠤᠯᠢᠭ ᠲᠠᠯ᠎ᠠ ᠨᠢ ᠮᠠᠲ᠋ᠧᠷᠢᠶᠠᠯ ᠡᠯᠪᠡᠭ᠂ ᠵᠠᠰᠠᠵᠦ ᠵᠤᠬᠢᠶᠠᠬᠤ ᠶᠢᠨ ᠴᠢᠬᠤᠯᠠ ᠦᠬᠡᠢ᠃ ᠲᠤᠳᠠᠭᠳᠠᠯ ᠲᠠᠢ ᠲᠠᠯ᠎ᠠ ᠨᠢ ᠤᠨᠤᠰᠢ ᠪᠠᠷ ᠠᠶᠠᠲᠠᠢ᠃    ᠬᠤᠩᠭᠤ ᠪᠢᠯᠠᠭᠤ — ᠭᠤᠬᠢᠷ ᠪᠢᠯᠠᠭᠤ ᠶᠢᠨ ᠲᠤᠯᠤᠭᠠᠢ ᠶᠢᠨ ᠦᠵᠦᠭᠦᠷ ᠨᠢᠭᠡ ᠰᠡᠨᠲ᠋ᠢᠮᠧᠲᠷ ᠤᠨ ᠵᠠᠢ ᠦᠯᠡᠳᠡᠭᠡᠵᠦ ᠨᠦᠬᠡ ᠴᠣᠭᠤᠯᠣᠨ᠎ᠠ᠃    ᠬᠡᠷᠢᠶ᠎ᠡ ᠪᠤᠶᠤ ᠱᠠᠭᠠᠵᠠᠭᠠᠢ ᠶᠢᠨ ᠦᠡᠳᠡᠭᠡᠨ ᠤ ᠪᠦᠳᠦᠬᠦᠨ ᠦᠵᠦᠭᠦᠷ ᠢ ᠬᠤᠷᠤᠭᠤ ᠬᠢᠷᠢ ᠠᠪᠴᠦ ᠰᠢᠩᠭᠡᠨ ᠢ  ᠨᠢ ᠭᠠᠷᠭᠠᠨ ᠠᠷᠢᠯᠭᠠᠭᠠᠳ ᠬᠡᠪ ᠪᠤᠯᠭᠠᠨ ᠭᠠᠵᠠᠷ ᠲᠤᠳᠤᠷᠠᠬᠢ ᠠᠮᠠᠰᠠᠷ ᠢ ᠨᠢ ᠵᠡᠷᠭᠡᠴᠡᠬᠦᠯᠥᠨ ᠲᠡᠭᠰᠢᠬᠡᠨ ᠪᠤᠯᠠᠨ᠎ᠠ᠃ ᠣᠯᠣᠰᠣᠨ ᠣᠳᠠᠰᠣᠨ ᠬᠢᠷᠢ ᠲᠡᠮᠥᠷ ᠤᠳᠠᠰᠣ ᠶᠢ ᠮᠠᠳᠠᠵᠦ ︿Ω﹀ ᠬᠡᠯᠪᠡᠷᠢ ᠪᠠᠷ ᠦᠨᠳᠡᠭᠡᠨ ᠬᠠᠯᠢᠰᠦᠨ ᠠᠮᠠᠰᠠᠷ  ᠲᠤ ᠬᠦᠳᠡᠯᠥᠰᠢ ᠦᠬᠡᠢ ᠪᠠᠷ ᠤᠭᠰᠠᠷᠠᠵᠦ ᠲᠠᠯᠪᠢᠨ᠎ᠠ᠃     ᠲᠤᠭᠤᠯᠭ᠎ᠠ ᠶᠢ ᠬᠠᠶᠢᠯᠤᠭᠤᠯᠵᠦ ᠦᠨᠳᠡᠭᠡᠨ ᠬᠠᠯᠢᠰᠦᠨ ᠲᠤᠳᠤᠷ᠎ᠠ ᠪᠠᠨ ᠴᠢᠳᠬᠤᠨ᠎ᠠ᠃ ᠦᠨᠳᠡᠭᠡᠨ ᠬᠠᠯᠢᠰᠦ ᠲᠤᠭᠤᠯᠭᠠᠨ ᠤ ᠬᠠᠯᠠᠭᠤᠨ ᠳᠤ ᠰᠢᠳᠡᠵᠦ ᠰᠠᠷᠨᠢᠭᠰᠠᠨ ᠴᠦ ᠭᠠᠳᠠᠭᠤᠷ ᠨᠢ ᠬᠤᠮᠠᠭ ᠰᠢᠷᠦᠢ ᠪᠠᠶᠢᠬᠤ ᠲᠤᠯᠠ ᠲᠤᠭᠤᠯᠭᠠᠨ ᠬᠠᠶᠢᠯᠤᠰᠢ ᠰᠡᠳᠡᠷᠡᠵᠦ ᠭᠤᠭᠤᠵᠢᠨ ᠲᠤᠳᠠᠭᠠᠬᠤ ᠦᠭᠡᠢ᠂ ᠲᠡᠮᠡᠢ ᠤᠳᠠᠯ ᠦᠬᠡᠢ ᠬᠦᠷᠦᠵᠦ ᠬᠠᠳᠠᠭᠤᠷᠠᠭᠠᠳ ᠬᠡᠷᠢᠶ᠎ᠡ ᠱᠠᠭᠠᠵᠠᠭᠠᠢ ᠶᠢᠨ ᠵᠢᠷᠤᠭᠡᠨ ᠬᠡᠯᠪᠡᠷᠢᠲᠡᠢ ᠪᠤᠯᠵᠦ ᠲᠡᠮᠥᠷ ᠤᠳᠠᠰᠣᠨ ᠰᠡᠨᠵᠢᠨ ᠠᠴᠠ ᠨᠢ ᠰᠣᠷ  ᠢᠶᠠᠷ ᠪᠢᠯᠠᠭᠤ ᠶᠢᠨ ᠲᠤᠯᠤᠭᠠᠢ ᠳᠠᠬᠢ ᠨᠦᠭᠡᠨ ᠠᠴᠠ ᠬᠡᠯᠬᠢᠵᠦ ᠪᠠᠬᠢᠯᠡᠨ᠎ᠡ᠃    ᠲᠠᠪᠠᠭᠤᠯᠢᠭ ᠲᠠᠯ᠎ᠠ ᠨᠢ ᠲᠤᠰ ᠵᠦᠢᠯ ᠤᠨ ᠪᠢᠯᠠᠭᠤ ᠬᠤᠩᠭᠤ ᠲᠠᠢ ᠲᠤᠯᠠ ᠰᠢᠳᠡᠪᠡᠯ ᠲᠤᠰᠤᠯᠲᠠ ᠬᠦᠨᠳᠦᠴᠡ  ᠲᠠᠢ᠂ ᠠᠩ ᠬᠦᠷᠦᠭᠡ ᠠᠯᠠᠵᠦ ᠨᠢᠳᠣᠯᠠᠬᠤ ᠨᠤᠷᠮ᠎ᠠ ᠦᠨᠳᠦᠷ᠃    ᠲᠤᠳᠠᠭᠳᠠᠯ ᠲᠠᠢ ᠲᠠᠯ᠎ᠠ ᠨᠢ ᠮᠠᠯ ᠤᠨᠤᠭ᠎ᠠ ᠬᠠᠷᠢᠭᠤᠯᠬᠤ ᠳᠤ ᠭᠡᠷᠡᠭᠯᠡᠳᠡᠭ ᠦᠭᠡᠢ᠂ ᠬᠦᠨᠳᠦ ᠲᠤᠰᠤᠯᠲᠠ ᠲᠠᠢ ᠣᠴᠢᠷ ᠠᠴᠠ ᠮᠠᠯ ᠤᠨᠤᠭ᠎ᠠ ᠶᠢ ᠰᠢᠷᠬᠠᠳᠠᠭᠤᠯᠵᠦ ᠮᠡᠳᠡᠨ᠎ᠡ᠃    ᠪᠢᠯᠠᠭᠤ ᠬᠡᠷᠡᠭᠯᠡᠵᠦ ᠵᠠᠷᠤᠬᠤ ᠶᠤᠰᠣ    ᠪᠢᠯᠠᠭᠤ ᠨᠢ ᠮᠤᠩᠭᠤᠯᠴᠣᠳ ᠤᠨ ᠠᠵᠢᠯ ᠠᠮᠢᠳᠦᠷᠠᠯ ᠤᠨ ᠲᠤᠳᠠᠭᠳᠠᠵᠦ ᠪᠤᠯᠤᠰᠢ ᠦᠭᠡᠢ ᠴᠢᠬᠤᠯᠠ ᠬᠡᠷᠡᠭᠰᠡᠯ ᠪᠤᠯᠳᠠᠭ ᠢᠶᠠᠷ ᠢᠶᠠᠨ ᠠᠳᠣᠭᠤ ᠮᠠᠯ᠂ ᠬᠤᠨᠢ ᠢᠮᠠᠭ᠎ᠠ ᠬᠠᠷᠢᠭᠤᠯᠬᠤ ᠪᠠ ᠬᠡᠬᠡᠷ᠎ᠡ ᠭᠠᠳᠠᠨ᠎ᠠ ᠠᠵᠢᠯᠯᠠᠬᠤ ᠳᠤ ᠪᠠᠨ ᠪᠡᠶ᠎ᠡ  ᠠᠴᠠ ᠪᠠᠨ ᠰᠠᠯᠭᠠᠯ ᠦᠭᠡᠢ ᠠᠪᠴᠦ ᠶᠠᠪᠤᠳᠠᠭ ᠨᠢ ᠨᠢᠭᠡ ᠲᠠᠯ᠎ᠠ ᠪᠠᠷ ᠮᠠᠯ ᠤᠨᠤᠭ᠎ᠠ ᠪᠠᠨ ᠡᠷᠬᠢᠬᠦᠯᠵᠦ ᠬᠤᠮᠢᠬᠤ ᠪᠠᠭᠠᠵᠢ ᠪᠤᠯᠬᠤ ᠪᠠᠷ ᠦᠯᠥ ᠪᠠᠷᠠᠨ ᠨᠦᠬᠦᠭᠡ ᠲᠠᠯ᠎ᠠ ᠪᠠᠷ ᠬᠡᠬᠡᠷ᠎ᠡ ᠶᠢᠨ ᠨᠤᠬᠠᠢ ᠲᠤᠬᠢᠶᠠᠯᠳᠣᠨ ᠬᠦᠮᠥᠨ᠂ ᠮᠠᠯ ᠳᠤ ᠠᠶᠦᠯ ᠲᠤᠯᠭᠠᠷᠠᠪᠠᠯ ᠪᠡᠶ᠎ᠡ ᠪᠠᠨ ᠬᠠᠮᠠᠭᠠᠯᠠᠬᠤ ᠳᠤ ᠲᠦᠢᠯ ᠤᠨ ᠰᠠᠶᠢᠨ ᠮᠦᠷᠲᠡᠭᠡᠨ ᠪᠡᠯᠡᠬᠡᠨ ᠵᠡᠪᠰᠡᠭ ᠪᠤᠯᠳᠠᠭ᠃ ᠪᠠᠰᠠ ᠨᠢᠭᠡ ᠨᠢ ᠦᠭᠡᠷ᠎ᠡ ᠠᠵᠢᠯ ᠬᠢᠵᠦ ᠪᠠᠶᠢᠭᠰᠠᠨ ᠴᠦ ᠲᠠᠣᠯᠠᠢ ᠭᠤᠷᠭᠤᠤᠯ ᠬᠠᠷᠭᠤᠪᠠᠯ ᠪᠢᠯᠠᠭᠤ ᠪᠠᠷ ᠢᠶᠠᠨ ᠴᠤᠬᠢᠵᠦ ᠠᠯᠠᠳᠠᠭ᠃ ᠡᠶᠢᠮᠥ ᠠᠴᠠ ᠮᠤᠩᠭᠤᠯᠴᠣᠳ ᠬᠡᠬᠡᠷ᠎ᠡ ᠭᠠᠳᠠᠨ᠎ᠠ ᠪᠤᠶᠤ ᠲᠤᠪᠤ ᠤᠳᠤᠷ᠂ ᠠᠶᠠᠨ ᠵᠠᠮ ᠳᠤ ᠪᠠᠨ ᠪᠡᠶ᠎ᠡ ᠠᠴᠠ ᠪᠠᠨ ᠰᠠᠯᠭᠠᠳᠠᠭ ᠦᠬᠡᠢ᠃ ᠪᠢᠯᠠᠭᠤ ᠶᠢ ᠰᠤᠶᠢᠷᠠᠬᠤ ᠳᠤ ᠪᠠᠨ ᠲᠤᠯᠤᠭᠠᠢ ᠶᠢ ᠨᠢ ᠲᠡᠭᠡᠭᠰᠢ ᠬᠠᠷᠠᠭᠤᠯᠤᠨ᠎ᠠ ᠃ ᠮᠤᠷᠢᠨ ᠲᠡᠭᠡᠷ᠎ᠡ ᠭᠠᠨᠵᠤᠭᠠᠯᠠᠪᠠᠯ ᠲᠤᠯᠤᠭᠠᠢ ᠠᠴᠠ ᠨᠢ ᠭᠠᠨᠵᠤᠭᠠᠯᠠᠨ᠎ᠠ᠃    ᠵᠠᠷᠤᠬᠤ ᠦᠬᠡᠢ ᠦᠶ᠎ᠡ ᠳᠤ ᠵᠠᠪᠠᠯ ᠪᠠᠷᠠᠭᠤᠨ ᠬᠠᠨ᠎ᠠ ᠲᠡᠭᠡᠷ᠎ᠡ ᠲᠤᠰᠬᠠᠢ ᠡᠯᠬᠦᠬᠦᠷ ᠲᠡᠭᠡᠷ᠎ᠡ ᠬᠠᠳᠠᠭᠠᠯᠠᠨ᠎ᠠ᠃ ᠪᠢᠯᠠᠭᠤ ᠶᠢ ᠭᠠᠳᠠᠨ᠎ᠠ ᠲᠤᠳᠤᠨ᠎ᠠ ᠲᠤᠷ᠎ᠠ ᠪᠠᠷ ᠬᠠᠶᠠᠵᠦ ᠮᠠᠯ ᠤᠨᠤᠭ᠎ᠠ ᠳᠤ ᠬᠢᠰᠬᠢᠬᠦᠯᠬᠦ ᠪᠤᠶᠤ ᠪᠠᠭᠠᠰᠣ ᠰᠢᠭᠡᠰᠦ ᠪᠢᠯᠳᠠᠨ ᠪᠤᠵᠠᠷᠯᠠᠬᠤ ᠶᠢ ᠲᠠᠰᠣ ᠴᠡᠭᠡᠷᠯᠡᠨ᠎ᠡ᠃ ᠪᠢᠯᠠᠭᠤ ᠶᠢᠨ ᠲᠡᠭᠡᠬᠦᠷ ᠬᠦᠮᠥᠨ ᠠᠯᠬᠤᠵᠦ ᠭᠠᠷᠪᠠᠯ ᠡᠵᠡᠨ ᠤ ᠬᠡᠶᠢᠮᠣᠷᠢ ᠨᠢ ᠬᠡᠪᠳᠡᠵᠡᠢ ᠭᠡᠳ ᠠᠩ ᠬᠦᠷᠦᠭᠡᠨ ᠳᠤ ᠲᠠᠬᠢᠵᠦ ᠬᠡᠷᠡᠭᠯᠡᠬᠦ ᠦᠬᠡᠢ ᠪᠠᠶᠢᠳᠠᠭ᠃ ᠵᠠᠷᠢᠮ ᠠᠩᠴᠢᠳ ᠠᠪᠠᠯᠠᠬᠤ ᠳᠤ ᠪᠠᠨ ᠪᠢᠯᠠᠭᠤ ᠪᠠᠨ ᠮᠢᠯᠢᠶᠠᠬᠤ ᠪᠤᠶᠤ ᠠᠯᠠᠭᠰᠠᠨ ᠠᠩ ᠤᠨ ᠴᠢᠰᠦ ᠪᠠᠷ ᠮᠢᠯᠢᠶᠠᠳᠠᠭ᠃    ᠪᠢᠯᠠᠭᠤ ᠪᠢᠯᠠᠭᠤᠳᠠᠨ ᠤᠷᠤᠯᠳᠣᠬᠤ ᠲᠤᠭᠯᠠᠭᠠᠮ ᠤᠨ ᠲᠦᠷᠦᠯ ᠵᠦᠢᠯ    ᠪᠢᠯᠠᠭᠤ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠪᠠᠯᠠᠷᠯᠢᠭ ᠦᠶ᠎ᠡ ᠶᠢᠨ ᠪᠠᠭᠠᠵᠢ ᠵᠡᠪᠰᠡᠭ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ ᠮᠤᠩᠭᠤᠯᠴᠣᠳ ᠤᠷᠤᠰᠢᠭ᠎ᠠ ᠭᠠᠵᠠᠷ ᠤᠷᠤᠨ ᠳᠤ ᠨᠡᠶᠢᠳᠡᠮ ᠲᠦᠬᠡᠮᠡᠯᠵᠡᠨ ᠬᠡᠷᠡᠭᠯᠡᠭᠳᠡᠨ ᠵᠠᠷᠢᠮ ᠭᠠᠵᠠᠷ ᠤᠷᠤᠨ ᠤ ᠰᠣᠷᠭᠠᠭᠤᠯᠢ ᠶᠢᠨ ᠲᠠᠮᠢᠷ ᠤᠨ ᠬᠢᠴᠢᠶᠡᠯ ᠳᠤ ᠴᠦ ᠨᠢᠬᠡᠨ ᠠᠭᠤᠯᠭ᠎ᠠ ᠪᠠᠷ ᠵᠢᠭᠠᠳᠠᠭ ᠪᠠᠶᠢᠨ᠎ᠠ᠃    ᠪᠢᠯᠠᠭᠤ ᠰᠠᠶᠢᠨ ᠪᠢᠯᠠᠭᠤᠳᠠᠬᠤ ᠨᠢ ᠲᠠᠮᠢᠷᠴᠢᠳ ᠤᠨ ᠪᠢᠷ᠎ᠠ ᠴᠢᠳᠠᠯ ᠲᠠᠢ ᠰᠠᠶᠢᠨ ᠡᠷ᠎ᠡ ᠶᠢᠨ ᠲᠡᠮᠳᠡᠭ ᠪᠤᠯᠵᠦ ᠨᠢᠳᠦ ᠬᠤᠷᠴᠠ᠂ ᠭᠠᠷ ᠪᠤᠰᠢᠭᠤ᠂ ᠮᠡᠷᠭᠡᠵᠢᠯ ᠣᠷ᠎ᠠ ᠲᠡᠮ ᠲᠦᠰᠦᠭᠡᠳᠡᠢ ᠶᠢᠨ ᠰᠢᠯᠭᠠᠭᠤᠷ ᠪᠤᠯᠳᠠᠭ᠃    ᠴᠠᠭᠠᠷᠢᠭ ᠴᠤᠬᠢᠬᠤ — ᠬᠤᠶᠠᠷ ᠲᠤᠭᠤᠶᠢᠯᠠᠩ ᠤᠨ ᠬᠦᠮᠥᠰ ᠦᠭᠡᠳᠡ ᠦᠭᠡᠳᠡ ᠠᠴᠠ ᠪᠠᠨ ᠡᠰᠡᠷᠭᠦᠯᠡᠨ ᠵᠤᠬᠢᠬᠤ ᠵᠠᠢ ᠲᠠᠢ ᠵᠤᠭᠰᠣᠭᠰᠠᠨ ᠤ ᠲᠠᠷᠠᠭ᠎ᠠ᠂ ᠨᠢᠭᠡ ᠲᠠᠯ᠎ᠠ ᠶᠢᠨ ᠬᠢᠨ ᠨᠦᠬᠦᠬᠡ ᠡᠳᠡᠭᠡᠳ ᠤᠨ ᠵᠦᠭ ᠲᠡᠮᠥᠷ ᠴᠠᠭᠠᠷᠢᠭ ᠢᠶᠠᠷ ᠪᠦᠮᠪᠦᠷᠢᠬᠦᠯᠥᠨ᠎ᠡ᠂ ᠡᠨᠡ ᠲᠠᠯ᠎ᠠ ᠶᠢᠨ ᠬᠦᠮᠥᠰ ᠪᠢᠯᠠᠭᠤ ᠪᠠᠷ ᠪᠦᠮᠪᠦᠷᠢᠭᠡ ᠴᠠᠭᠠᠷᠢᠭ ᠢ ᠪᠣᠴᠠᠭᠠᠵᠦ ᠦᠩᠭᠦᠷᠢᠳᠦᠬᠦᠯᠥᠨ᠎ᠡ᠃ ᠭᠡᠷᠪᠡ ᠴᠠᠭᠠᠷᠢᠭ ᠢ ᠴᠣᠬᠢᠨ ᠤᠨᠠᠭᠠᠵᠦ ᠲᠡᠶᠢᠯᠬᠦ ᠦᠬᠡᠢ᠂ ᠴᠠᠭᠠᠷᠢᠭ ᠦᠪᠡᠷᠳᠡᠭᠡᠨ ᠤᠨᠠᠪᠠᠯ ᠴᠠᠭᠠᠷᠢᠭ ᠪᠦᠮᠪᠦᠷᠢᠬᠦᠯᠥᠭᠰᠡᠨ ᠡᠳᠡᠭᠡᠳ ᠤᠨ ᠬᠦᠮᠥᠰ ᠤᠨᠠᠭᠰᠠᠨ ᠭᠠᠵᠠᠷ ᠲᠤ ᠲᠠᠪᠰᠢᠨ ᠢᠷᠡᠵᠦ᠂ ᠴᠠᠭᠠᠷᠢᠭ ᠢᠶᠠᠨ ᠵᠠᠯᠭᠠᠵᠦ ᠪᠦᠮᠪᠦᠷᠢᠬᠦᠯᠥᠨ᠎ᠠ᠃ ᠡᠨᠡ ᠮᠡᠳᠦ ᠬᠠᠷᠢᠯᠴᠠᠨ ᠭᠠᠵᠠᠷ ᠡᠵᠡᠯᠡᠵᠦ ᠢᠯᠡᠬᠦᠦ ᠭᠠᠵᠠᠷ ︵ᠨᠤᠳᠤᠭ︶ ᠡᠵᠡᠯᠡᠭᠰᠡᠨ  ᠢ ᠨᠢ ᠢᠯᠠᠭᠰᠠᠨ ᠢᠶᠠᠷ ᠪᠤᠳᠤᠵᠦ ᠨᠠᠭᠠᠳᠳᠠᠭ᠃    ᠭᠤᠷᠭᠤᠤᠯ ᠴᠤᠬᠢᠵᠦ ᠤᠨᠤᠭᠠᠬᠤ    ᠨᠢᠭᠡ ᠬᠦᠮᠥᠨ ᠨᠢ ᠪᠢᠯᠠᠭᠤ ᠪᠠᠨ ᠢᠳᠡ ᠮᠡᠳᠡᠨ ᠲᠡᠭᠡᠭᠰᠢ ᠴᠣᠬᠢᠭᠰᠠᠨ ᠤ ᠲᠠᠷᠠᠭ᠎ᠠ ᠪᠤᠰᠤᠳ ᠨᠢ ᠠᠭᠠᠷ ᠲᠡᠭᠡᠷᠡᠬᠢ ᠪᠢᠯᠠᠭᠤ ᠶᠢ ᠭᠠᠵᠠᠷ ᠲᠤ ᠤᠨᠠᠬᠤ ᠠᠴᠠ ᠡᠮᠥᠨ᠎ᠡ ᠴᠣᠬᠢᠵᠦ ᠣᠨᠠᠭᠠᠨ᠎ᠠ᠃ ᠭᠡᠷᠪᠡ ᠪᠢᠯᠠᠭᠤ ᠤᠨᠤᠭᠳᠠᠪᠠᠯ ᠤᠤᠯ ᠬᠦᠮᠥᠨ ᠵᠠᠯᠭᠠᠭᠠᠳ ᠰᠢᠳᠡᠨ᠎ᠡ᠂ ᠤᠨᠤᠭᠠᠵᠦ ᠲᠡᠶᠢᠯᠥᠭᠰᠡᠨ ᠦᠭᠡᠢ ᠪᠤᠯ ᠨᠦᠬᠦᠬᠡ ᠬᠦᠮᠥᠨ ᠨᠢ ᠪᠢᠯᠠᠭᠤ ᠪᠠᠨ ᠲᠡᠭᠡᠭᠰᠢ ᠰᠢᠳᠡᠭᠡᠳ ᠪᠣᠰᠣᠳ ᠢᠶᠠᠷ ᠴᠤᠬᠢᠭᠤᠯᠤᠨ᠎ᠠ᠃ ᠡᠨᠡ ᠨᠠᠭᠠᠳᠣᠮ ᠳᠤ ᠪᠢᠯᠠᠭᠤ ᠬᠤᠭᠤᠷᠠᠬᠤ ᠶᠠᠪᠤᠳᠠᠯ ᠵᠦᠩᠳᠡᠬᠡᠨ ᠭᠠᠷᠳᠠᠭ ᠠᠴᠠ ᠡᠨᠡᠬᠦ ᠨᠠᠭᠠᠳᠣᠮ ᠨᠢ ᠪᠢᠯᠠᠭᠤ ᠴᠤᠬᠢᠬᠤ ᠤᠷ᠎ᠠ ᠲᠡᠮ ᠢ ᠰᠢᠯᠭᠠᠬᠤ ᠪᠠᠷ ᠪᠠᠷᠠᠬᠤ ᠦᠬᠡᠢ ᠪᠢᠯᠠᠭᠤ ᠶᠢᠨ ᠶᠠᠰᠣ ᠴᠢᠨᠠᠷ ᠢ ᠴᠦ ᠰᠢᠯᠭᠠᠳᠠᠭ᠃    ᠳ᠋ᠢᠩᠭ᠎ᠠ ᠴᠣᠬᠢᠬᠤ    40 ᠰᠡᠨᠲ᠋ᠢᠮᠧᠲᠷ ︵1.2 ᠲᠤᠬᠤᠢ︶ ᠣᠷᠲᠦ ᠰᠢᠰᠢ ᠶᠢᠨ ᠲᠤᠯᠤᠭᠠᠢ ᠶᠢᠨ ᠤᠭ ︵ᠦᠶ᠎ᠡ ᠠᠴᠠ ᠲᠡᠭᠡᠭᠰᠢ︶ ᠱᠣᠭᠠᠢ ᠪᠤᠶᠤ ᠠᠰᠬᠠᠨ ᠪᠤᠷᠭᠠᠰᠣ ᠶᠢ ᠬᠡᠯᠡᠯᠴᠡᠵᠦ ᠲᠤᠬᠢᠷᠠᠭᠰᠠᠨ ᠲᠤᠭ᠎ᠠ ᠪᠠᠷ ᠬᠦᠮᠥᠨ ᠪᠦᠷᠢ ᠲᠡᠩᠴᠡᠬᠦᠦ ᠲᠤᠭ᠎ᠠ  ᠲᠠᠢ ᠭᠠᠷᠭᠠᠵᠦ ᠴᠤᠭ ᠲᠤᠨᠢ ᠪᠤᠰᠬᠠᠵᠦ ᠪᠤᠯᠠᠵᠦ ᠵᠤᠭᠰᠣᠭᠠᠭᠠᠳ ᠭᠠᠳᠠᠭᠤᠷ ᠨᠢ ᠵᠤᠬᠢᠬᠤ ᠵᠠᠢ ᠪᠠᠷ ᠴᠠᠭᠠᠷᠢᠭᠯᠠᠨ ᠬᠦᠷᠢᠶᠡᠯᠡᠨ᠎ᠡ᠂ ᠲᠤᠯᠭᠠᠭᠳᠠᠭᠰᠠᠨ ᠵᠠᠢ ︵30᠂ 35᠂ 40᠂ 45᠂ 50 ᠮᠧᠲᠷ︶ ᠠᠴᠠ ᠪᠢᠯᠠᠭᠤᠳᠠᠭᠠᠳ ᠪᠣᠰᠬᠠᠭᠰᠠᠨ ᠳ᠋ᠢᠩᠭ᠎ᠠ ᠶᠢ ᠵᠢᠷᠤᠭᠠᠰᠣᠨ ᠬᠦᠷᠢᠶᠡᠨ ᠠᠴᠠ ᠴᠤᠬᠢᠨ ᠭᠠᠷᠭᠠᠪᠠᠯ ᠲᠡᠷᠡ ᠬᠦᠮᠥᠨ ᠳ᠋ᠢᠩᠭ᠎ᠠ ᠶᠢ ᠠᠪᠤᠨ᠎ᠠ᠃ ᠴᠤᠬᠢᠭᠳᠠᠨ ᠤᠨᠠᠭᠰᠠᠨ ᠳ᠋ᠢᠩᠭ᠎ᠠ ᠬᠦᠷᠢᠶᠡᠨ ᠵᠢᠷᠤᠭᠠᠰᠤᠨ ᠲᠡᠭᠡᠷ᠎ᠡ ᠭᠡᠪᠳᠡᠵᠦ ᠪᠠᠶᠢᠪᠠᠯ ᠭᠠᠷᠤᠭᠰᠠᠨ ᠦᠬᠡᠢ ᠪᠠᠷ ᠪᠤᠳᠤᠨ᠎ᠠ᠃ ᠦᠯᠡᠳᠡᠭᠰᠡᠨ ᠳ᠋ᠢᠩᠭ᠎ᠠ ᠶᠢ ᠲᠠᠬᠢᠵᠦ ᠪᠤᠰᠬᠠᠨ ᠨᠦᠬᠦᠬᠡ ᠬᠦᠮᠥᠨ ᠴᠣᠬᠢᠨ᠎ᠠ᠃ ᠠᠯᠢ ᠨᠢ ᠪᠢᠯᠠᠭᠤᠳᠠᠭᠠᠳ ᠤᠨᠤᠵᠦ ᠲᠡᠶᠢᠯᠬᠦ ᠦᠭᠡᠢ ᠪᠤᠯ ᠨᠦᠬᠦᠬᠡ ᠨᠢ ᠲᠠᠷᠠᠭᠠᠯᠠᠨ ᠴᠤᠬᠢᠵᠦ ᠡᠴᠤᠰ ᠲᠤᠨᠢ ᠬᠠᠮᠤᠭ ᠠᠷᠪᠢᠨ ᠴᠤᠬᠢᠵᠦ ᠭᠠᠷᠭᠠᠭᠰᠠᠨ ᠢ ᠨᠢ ᠢᠯᠠᠭᠰᠠᠨ ᠢᠶᠠᠷ ᠪᠤᠳᠤᠳᠠᠭ᠃ ᠳ᠋ᠢᠩᠭ᠎ᠠ ᠶᠢᠨ ᠤᠷᠤᠭᠤᠯᠬᠤ ᠲᠤᠭ᠎ᠠ᠂ ᠴᠣᠬᠢᠬᠤ ᠵᠠᠢ᠂ ᠬᠦᠷᠢᠶᠡᠨ  ᠤ ᠶᠡᠭᠡ ᠪᠠᠭ᠎ᠠ ᠶᠢ ᠨᠠᠭᠠᠳᠣᠭᠰᠠᠳ ᠭᠡᠯᠡᠯᠴᠡᠨ ᠲᠤᠭᠳᠠᠭᠠᠨ᠎ᠠ᠃     ᠲᠤᠩᠭᠤ ᠴᠣᠬᠢᠬᠤ    ᠪᠢᠯᠠᠭᠤ ᠨᠢ ᠭᠠᠵᠠᠷ ᠲᠤ ᠡᠭᠴᠡ ᠴᠤᠬᠢᠨ ᠲᠤᠩᠭᠤᠷᠴᠠᠭᠤᠯᠵᠦ ᠪᠢᠯᠠᠭᠤ ᠡᠬᠢᠯᠡᠵᠦ ᠲᠤᠰᠤᠭᠰᠠᠨ ᠴᠡᠭ ᠠᠴᠠ ᠲᠤᠩᠭᠤᠷᠴᠠᠭᠯᠠᠵᠦ ᠪᠠᠶᠢᠭ᠎ᠠ ᠪᠢᠯᠠᠭᠤ ᠶᠢ ᠴᠤᠬᠢᠨ ᠤᠨᠠᠭᠠᠨ᠎ᠠ᠃ ᠨᠠᠭᠠᠳᠬᠤ ᠠᠷᠭ᠎ᠠ ᠨᠢ ᠭᠤᠷᠭᠤᠤᠯ ᠴᠤᠬᠢᠬᠤ ᠲᠠᠢ ᠠᠳᠠᠯᠢ᠃    ᠮᠠᠨᠤᠤᠯ ᠴᠤᠬᠢᠬᠤ    ᠪᠤᠰᠬᠠᠭᠰᠠᠨ ᠮᠠᠨᠤᠤᠯ ᠢ ᠬᠡᠯᠡᠯᠴᠡᠨ ᠲᠤᠬᠢᠷᠠᠭᠰᠠᠨ ᠵᠤᠬᠢᠬᠤ ᠵᠠᠢ ᠠᠴᠠ ᠵᠤᠭᠰᠤᠭ᠎ᠠ ᠪᠠᠷ ᠪᠤᠶᠤ ᠮᠤᠷᠢᠨ ᠲᠤᠪᠳᠣᠯᠤᠭ᠎ᠠ ᠪᠠᠷ ᠴᠣᠬᠢᠨ ᠤᠨᠤᠬᠤ ᠲᠤᠭᠯᠠᠭᠠᠮ᠃ ᠡᠨᠡ ᠨᠢ ᠭᠤᠤᠯᠳᠠᠭᠤ ᠢᠳᠡᠷ ᠵᠠᠯᠠᠭᠤᠴᠤᠳ ᠲᠤᠭᠯᠠᠳᠠᠭ᠃    ᠬᠤᠯᠠ ᠰᠢᠳᠡᠬᠦ    ᠲᠤᠭᠳᠠᠭᠰᠠᠨ ᠬᠦᠷᠢᠶ᠎ᠡ ᠴᠡᠭ ᠲᠤ ᠲᠣᠭᠳᠠᠭᠠᠭᠰᠠᠨ ᠲᠦᠷᠢᠮ ᠶᠤᠰᠤᠭᠠᠷ ᠬᠤᠯᠠ ᠪᠢᠯᠠᠭᠤᠳᠠᠨ ᠢᠳᠡ ᠬᠦᠴᠦ᠂ ᠲᠡᠮ ᠮᠡᠷᠭᠡᠵᠢᠯ ᠢᠶᠠᠨ ᠠᠳᠠᠯᠢᠳᠬᠠᠨ ᠰᠢᠯᠭᠠᠷᠠᠭᠤᠯᠬᠤ ᠲᠤᠭᠯᠠᠭᠠᠮ᠃   ᠪᠢᠯᠠᠭᠤ ᠴᠣᠬᠢᠬᠤ ᠣᠷᠣᠯᠳᠣᠭᠠᠨ ᠤ ᠶᠤᠰᠤ   ᠪᠢᠯᠠᠭᠤ ᠴᠣᠬᠢᠬᠤ ᠤᠷᠤᠯᠳᠣᠭᠠᠨ ᠳᠤ ᠬᠤᠯᠠ ᠪᠢᠯᠠᠭᠤᠳᠠᠬᠤ ᠪᠠ ᠮᠠᠨᠤᠤᠯ ᠴᠤᠬᠢᠬᠤ ᠬᠤᠶᠠᠷ ᠬᠡᠯᠪᠡᠷᠢ ᠪᠠᠷ ᠭᠤᠤᠯᠯᠠᠨ ᠶᠠᠪᠤᠭᠳᠠᠳᠠᠭ᠃   ᠬᠤᠯᠠ ᠪᠢᠯᠠᠭᠤᠳᠠᠬᠤ ᠣᠷᠣᠯᠳᠣᠭᠠᠨ — ᠣᠷᠣᠯᠴᠠᠬᠤ ᠲᠠᠮᠢᠷᠴᠢᠳ ᠤᠨ ᠲᠠᠰ ᠲᠠᠷᠠᠭ᠎ᠠ ᠶᠢ ᠬᠢᠨᠠᠭᠴᠢ ᠠᠴᠠ ᠰᠢᠪᠠᠭ᠎ᠠ ᠲᠠᠳᠠᠭᠤᠯᠤᠨ ᠲᠤᠭᠳᠠᠭᠠᠨ᠎ᠠ᠃ ᠲᠠᠮᠢᠷᠴᠢᠳ ᠪᠦᠷᠢ ᠭᠤᠷᠪᠠ ᠣᠳᠠᠭ᠎ᠠ ᠪᠢᠯᠠᠭᠤᠳᠠᠵᠦ ᠪᠤᠯᠤᠨ᠎ᠠ᠃ ᠰᠢᠳᠡᠭᠰᠡᠨ ᠵᠠᠢ ᠶᠢᠨ ᠬᠤᠯᠠ ᠤᠶᠢᠷ᠎ᠠ ᠪᠠᠷ ᠨᠡᠷᠡᠰ ᠤᠨ ᠲᠠᠷᠠᠭᠠᠯᠠᠯ ᠢ ᠲᠤᠭᠳᠠᠭᠠᠵᠦ᠂ ᠬᠠᠮᠤᠭ ᠠᠯᠣᠰ ᠵᠠᠢ ᠰᠡᠳᠡᠭᠰᠡᠨ  ᠨᠢ ᠲᠦᠷᠦᠬᠦᠨ ᠳᠤ ᠵᠢᠭᠰᠠᠭᠠᠭᠳᠠᠨ᠎ᠠ᠃    ᠪᠢᠯᠠᠭᠤᠳᠠᠬᠤ ᠳᠤ ᠪᠠᠨ ᠲᠠᠮᠢᠷᠴᠢᠳ ᠡᠬᠢᠯᠡᠨ ᠪᠢᠯᠠᠭᠤᠳᠠᠬᠤ ᠱᠣᠭᠤᠮ ᠪᠤᠶᠤ ᠤᠷᠳᠤᠳᠬᠠᠯ ᠱᠣᠭᠤᠮ ᠢ ᠬᠦᠨᠳᠡᠵᠦ ᠪᠤᠯᠬᠤ ᠦᠬᠡᠢ᠂ ᠬᠦᠨᠳᠡᠪᠡᠯ ᠲᠤᠭᠳᠠᠭᠠᠯ ᠢ ᠵᠦᠷᠢᠴᠡᠭᠰᠡᠨ ᠢᠶᠠᠷ ᠪᠤᠳᠤᠵᠦ ᠣᠷᠣᠯᠳᠣᠭᠠᠨ ᠢ ᠨᠢ ᠬᠦᠴᠦᠨ ᠦᠭᠡᠢ ᠪᠤᠯᠭᠠᠨ᠎ᠠ᠃ ᠰᠢᠳᠡᠯᠲᠡ ᠳᠤ ᠲᠤᠰᠠᠯᠠᠵᠦ ᠬᠦᠶᠦᠬᠦ ᠳᠤ ᠪᠠᠨ ᠬᠦᠶᠦᠬᠦ ᠵᠠᠮ ᠤᠨ ᠬᠤᠶᠠᠷ ᠬᠦᠪᠡᠬᠡᠨ ᠤ ᠵᠢᠷᠤᠭᠠᠰᠣ ᠶᠢ ᠲᠠᠪᠠᠵᠦ ᠪᠤᠯᠬᠤ ᠦᠬᠡᠢ᠂ ᠪᠢᠠᠯᠠᠭᠤ ᠶᠢᠨ ᠲᠤᠰᠤᠯᠲᠠ ᠡᠷᠭᠡᠪᠰᠢ ᠲᠤᠭᠳᠠᠭᠠᠭᠰᠠᠨ ᠦᠨᠴᠦᠭ ᠱᠣᠭᠤᠮ  ᠤᠨ ᠲᠣᠳᠣᠷ᠎ᠠ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠪᠢᠯᠠᠭᠤ ᠭᠠᠵᠠᠷ ᠲᠤᠰᠤᠭᠰᠠᠨ ᠤ ᠬᠤᠶᠢᠨ᠎ᠠ ᠲᠠᠮᠢᠷᠴᠢᠳ ᠪᠢᠯᠠᠭᠤᠳᠠᠬᠤ ᠱᠣᠭᠤᠮ  ᠤᠨ ᠬᠦᠷᠢᠶᠡᠨ ᠠᠴᠠ ᠤᠬᠤᠷᠢᠨ ᠭᠠᠷᠤᠨ᠎ᠠ᠂ ᠬᠢᠨᠠᠭᠴᠢ ᠶᠢᠨ ᠲᠤᠬᠢᠶ᠎ᠠ ᠦᠭᠬᠦᠭᠰᠡᠨ ᠠᠴᠠ 90 ᠰᠧᠺᠥ᠋ᠨᠳ᠋ ᠤᠨ ᠲᠤᠳᠤᠷ᠎ᠠ ᠭᠤᠷᠪᠠᠨ ᠪᠢᠯᠠᠭᠤ ᠪᠠᠨ ᠰᠢᠳᠡᠵᠦ ᠲᠠᠭᠤᠰᠬᠠᠨ᠎ᠠ᠂ ᠴᠠᠭ ᠢ ᠵᠤᠷᠢᠭᠤᠲᠠ ᠤᠷᠳᠤᠳᠬᠠᠬᠤ ᠶᠢ ᠵᠦᠪᠰᠢᠶᠡᠷᠡᠬᠦ ᠦᠭᠡᠢ᠂ ᠭᠤᠷᠪᠠ ᠣᠳᠠᠭᠠᠨ ᠤ ᠰᠢᠳᠡᠯᠳᠡ ᠶᠢᠨ ᠬᠠᠮᠤᠭ ᠬᠤᠯᠠ ᠶᠢᠨ ᠨᠢᠭᠡ ᠪᠠᠷ ᠬᠢᠷᠢ ᠪᠦᠬᠦᠮᠵᠢ ᠶᠢ ᠲᠤᠭᠳᠠᠭᠠᠨ᠎ᠠ᠃ ᠤᠷᠤᠯᠳᠤᠭᠠᠨ ᠳᠤ ᠨᠢᠭᠡᠳᠦᠯᠳᠡᠢ ᠪᠠᠯᠡᠳᠭᠡᠭᠰᠡᠨ ᠪᠢᠯᠠᠭᠤ ᠶᠢ ᠭᠡᠷᠡᠭᠯᠡᠳᠡᠭ᠃    ᠮᠠᠨᠤᠤᠯ ᠴᠤᠬᠢᠬᠤ ᠤᠷᠤᠯᠳᠣᠭᠠᠨ — ᠮᠠᠨᠤᠤᠯ ᠴᠣᠬᠢᠬᠤ ᠲᠡᠰ ᠲᠠᠷᠠᠭ᠎ᠠ ᠶᠢ ᠬᠢᠨᠠᠭᠴᠢ ᠶᠢᠨ ᠭᠠᠵᠠᠷ ᠠᠴᠠ ᠰᠢᠪᠠᠭ᠎ᠠ ᠲᠠᠳᠠᠵᠦ ᠳ᠋ᠣᠭᠠᠷᠯᠠᠨ᠎ᠠ᠃ ᠮᠠᠨᠤᠤᠯ ᠨᠢ ᠴᠤᠬᠢᠬᠤ ᠴᠡᠭ ᠠᠴᠠ 30 ᠮᠧᠲᠷ ᠤᠨ ᠵᠠᠢ ᠶᠢᠨ ᠬᠦᠨᠳᠡᠯᠡᠨ ᠱᠣᠭᠤᠮ 10 ᠰᠡᠨᠲ᠋ᠢᠮᠧᠲᠷ ᠵᠠᠶᠢᠳᠠᠢ ᠵᠡᠷᠭᠡᠴᠡᠬᠦᠯᠥᠨ ᠪᠤᠰᠬᠠᠭᠰᠠᠨ ᠰᠠᠭᠤᠷᠢ ᠨᠢ ᠬᠤᠶᠠᠷ ᠢᠮᠠᠬᠤ᠂ ᠤᠷᠤᠢ ᠦᠵᠦᠭᠦᠷ ᠨᠢ 1.2 ᠢᠮᠠᠬᠤ ᠪᠦᠳᠦᠬᠦᠨ᠂ ᠦᠨᠳᠦᠷ ᠨᠢ 40 ᠰᠡᠨᠲ᠋ᠢᠮᠧᠲᠷ ᠭᠤᠷᠪᠠᠨ ᠠᠰᠬᠠᠨ ᠮᠤᠳᠤ ᠪᠤᠯᠤᠨ᠎ᠠ᠃ ᠲᠠᠮᠢᠷᠴᠢᠳ ᠪᠦᠷᠢ ᠭᠤᠷᠪᠠ ᠣᠳᠠᠭ᠎ᠠ ᠪᠢᠯᠠᠭᠤᠳᠠᠨ᠎ᠠ᠃ ᠱᠠᠭᠠᠷᠳᠠᠯᠭ᠎ᠠ ᠨᠢ ᠬᠤᠯᠠ ᠪᠢᠯᠠᠭᠤᠳᠠᠬᠤ ᠲᠠᠢ ᠠᠳᠠᠯᠢ᠂ ᠲᠠᠮᠢᠷᠴᠢᠳ ᠤᠨ ᠣᠯᠬᠤ ᠬᠤᠪᠢ ᠢ ᠲᠣᠭᠳᠠᠭᠠᠬᠤ ᠳᠤ ᠪᠠᠨ ᠭᠤᠷᠪᠠᠨ ᠮᠠᠨᠤᠤᠯ ᠢ ᠨᠢᠬᠡ ᠯᠠ ᠪᠢᠯᠠᠭᠤ ᠳᠤ ᠤᠨᠤᠭᠠᠭᠰᠠᠨ ᠪᠤᠯ 12 ᠬᠤᠪᠢ᠂ ᠲᠤᠮᠳᠠᠬᠢ ᠶᠢ ᠤᠨᠤᠭᠠᠭᠰᠠᠨ ᠪᠤᠯ 6 ᠬᠤᠪᠢ᠂ ᠬᠠᠵᠠᠭᠤ ᠶᠢᠨ ᠨᠢᠭᠡ ᠶᠢ ᠤᠨᠤᠭᠠᠪᠠᠯ 3 ᠬᠤᠪᠢ᠂ ᠬᠤᠶᠠᠷ ᠮᠠᠨᠤᠤᠯ ᠢ ᠴᠤᠭ ᠲᠤ ᠣᠨᠣᠭᠠᠪᠠᠯ 9 ᠬᠤᠪᠢ ᠤᠯᠭᠤᠨ᠎ᠠ᠃ ᠤᠯᠤᠭᠰᠠᠨ ᠬᠤᠪᠢ  ᠶᠢᠨ ᠤᠯᠠᠨ ᠴᠦᠬᠡᠨ ᠢᠶᠠᠷ ᠲᠠᠮᠢᠷᠴᠢᠳ ᠤᠨ ᠳ᠋ᠣᠭᠠᠷ ᠢ ᠲᠤᠭᠳᠠᠭᠠᠳᠠᠭ᠃ ᠬᠡᠷᠪᠡ ᠬᠡᠳᠦᠨ ᠲᠠᠮᠢᠷᠴᠢᠳ ᠤᠨ ᠬᠤᠪᠢ ᠲᠡᠩᠴᠡᠭᠦᠦ ᠪᠤᠯ ᠮᠠᠨᠤᠤᠯ ᠢ ᠨᠢᠭᠡ ᠯᠠ ᠪᠢᠯᠠᠭᠤᠨ ᠳᠤ ᠴᠣᠬᠢᠵᠦ ᠤᠨᠠᠭᠠᠭᠰᠠᠨ ᠤ ᠣᠯᠠᠨ ᠴᠦᠬᠡᠨ ᠢᠶᠠᠷ ᠲᠡᠰ ᠳ᠋ᠣᠭᠠᠷ  ᠢ ᠲᠤᠭᠳᠠᠭᠠᠨ᠎ᠠ᠃
  
ᠢᠷᠡᠯᠲᠡ᠄ ᠦᠪᠦᠷ ᠮᠤᠩᠭᠤᠯ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠪᠠ ᠪᠤᠳᠠᠰ ᠤᠨ ᠰᠤᠶᠤᠯ ᠤᠨ ᠦᠪ ᠤᠨ ᠴᠤᠪᠤᠷᠠᠯ ᠪᠢᠴᠢᠭ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号