| ᠥᠯᠥᠭᠡᠢ ᠪᠣᠯ ᠡᠪᠦᠭᠡ ᠳᠡᠭᠡᠳᠦᠰ ᠤᠨ ᠮᠢᠨᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠣᠨᠴᠠ ᠮᠡᠷᠭᠡᠵᠢᠯ ᠢᠶᠠᠷ ᠰᠤᠳᠤᠯᠵᠤ | ᠪᠦᠲᠦᠭᠡᠭᠰᠡᠨ ᠡᠷᠬᠢᠮ ᠨᠠᠨᠳᠢᠨ ᠥᠪ ᠶᠤᠮ᠃ | ᠮᠣᠩᠭᠤᠯᠴᠤᠳ ᠤᠨ ᠨᠢᠯᠬᠠ ᠬᠡᠦᠬᠡᠳ ᠢᠶᠠᠨ ᠡᠷᠡᠭᠦᠯ ᠲᠣᠷᠨᠢᠭᠤᠨ ᠥᠰᠬᠡᠬᠦ ᠶᠢᠨ ᠣᠨᠴᠠᠭᠠᠶ ᠵᠦᠢᠯ ᠤᠨ ᠪᠦᠲᠦᠭᠡᠯ | ᠶᠤᠮ᠃ ᠥᠯᠥᠭᠡᠢ ᠨᠢ ᠥᠪᠡᠷ ᠤᠨ ᠭᠡᠬᠦ ᠶᠣᠰᠣ ᠵᠠᠩᠰᠢᠯ ᠲᠠᠢ᠂ ᠡᠷᠬᠢᠮᠯᠡᠵᠦ ᠵᠢᠷᠤᠮᠯᠠᠬᠤ ᠤᠯᠠᠮᠵᠢᠯᠠᠯ ᠲᠠᠢ᠃ | ᠮᠣᠩᠭᠤᠯᠴᠤᠳ ᠥᠯᠥᠭᠡᠢ ᠶᠢ ᠡᠷᠬᠢᠮ ᠳᠤ ᠦᠵᠡᠳᠡᠭ᠃ ᠬᠡᠦᠬᠡᠳ ᠢᠶᠠᠨ ᠥᠯᠥᠭᠡᠶᠢᠳᠡᠨ ᠥᠰᠬᠡᠨᠡ᠃ ᠶᠡᠷᠦ ᠳᠡᠭᠡᠨ | ᠨᠢᠯᠬᠠ ᠬᠡᠦᠬᠡᠳ ᠢ ᠭᠤᠷᠪᠠ ᠪᠤᠶᠤ ᠳᠣᠯᠣᠭᠠᠨ ᠬᠤᠨᠤᠭ ᠳᠡᠭᠡᠷᠡ ᠨᠢ ᠥᠯᠥᠭᠡᠢ ᠳᠤ ᠣᠷᠣᠭᠤᠯᠤᠨᠠ᠃ ᠥᠯᠥᠭᠡᠢ ᠪᠠᠨ | ᠠᠷᠴᠠ ᠬᠦᠵᠢ ᠪᠠᠷ ᠠᠷᠢᠭᠤᠳᠬᠠᠵᠤ᠂ ᠢᠷᠦᠭᠡᠯ ᠪᠡᠯᠭᠡᠳᠡᠯ ᠤᠩᠰᠢᠨᠠ᠃ ᠬᠡᠦᠬᠡᠳ ᠢ ᠥᠯᠥᠭᠡᠢ ᠳᠤ ᠣᠷᠣᠭᠤᠯᠬᠤ ᠳᠤ | ᠭᠡᠷ ᠪᠦᠯᠢ ᠪᠠᠷ ᠢᠶᠠᠨ ᠴᠤᠭᠯᠠᠷᠠᠳᠠᠭ᠃ | ᠮᠣᠩᠭᠤᠯᠴᠤᠳ ᠥᠯᠥᠭᠡᠢ ᠶᠢ ᠬᠠᠶᠢᠯᠠᠰᠤ᠂ ᠨᠠᠷᠠᠰᠤ᠂ ᠦᠷᠢᠯ᠂ ᠮᠣᠶᠢᠯ᠂ ᠽᠠᠨᠳᠠᠨ ᠮᠣᠳᠣ ᠮᠡᠲᠦ ᠶᠢᠨ ᠬᠤᠪᠣᠷ | ᠴᠤᠬᠠᠭ ᠮᠣᠳᠣ ᠪᠠᠷ ᠬᠢᠳᠡᠭ᠃ ᠡᠳᠡᠭᠡᠷ ᠨᠢ ᠬᠡᠦᠬᠡᠳ ᠢᠶᠠᠨ ᠬᠠᠲᠠᠭᠤ ᠴᠢᠭᠢᠷᠠᠭ᠂ ᠤᠷᠳᠤ ᠨᠠᠰᠤᠯᠠᠬᠤ ᠶᠢ ᠵᠥᠩᠨᠡᠨ | ᠪᠡᠯᠭᠡᠳᠡᠭᠰᠡᠨ ᠰᠠᠨᠠᠭᠠ ᠶᠢ ᠢᠯᠡᠳᠬᠡᠳᠡᠭ᠃ | | ᠥᠯᠥᠭᠡᠢ ᠶᠢ ᠳᠠᠩ ᠠᠷᠠᠯ ᠲᠠᠢ᠂ ᠳᠠᠪᠬᠤᠷ ᠠᠷᠠᠯ ᠲᠠᠢ ᠬᠢᠳᠡᠭ᠂ ᠪᠠᠰᠠ ᠪᠠᠩᠵᠠ ᠶᠢᠨ ᠥᠯᠥᠭᠡᠢ ᠬᠢᠬᠦ ᠴᠦ ᠪᠤᠶ᠃ | ᠳᠠᠩ ᠠᠷᠠᠯ ᠬᠢᠵᠦ᠂ ᠮᠠᠲᠠᠮᠠᠯ ᠮᠣᠳᠣ ᠪᠠᠷ ᠤᠯᠠ ᠮᠣᠳᠣ ᠵᠣᠬᠢᠶᠠᠭᠰᠠᠨ ᠢ ᠶᠡᠷᠦ ᠳᠡᠭᠡᠨ ᠳᠠᠩ ᠠᠷᠠᠯ ᠲᠠᠢ ᠥᠯᠥᠭᠡᠢ | ᠭᠡᠳᠡᠭ᠃ ᠣᠯᠠᠩᠬᠢ ᠳᠠᠭᠠᠨ ᠲᠠᠯᠳᠤ᠂ ᠴᠠᠷᠠᠰᠤ ᠶᠢ ᠮᠡᠳᠡᠨ ᠬᠠᠳᠠᠭᠠᠵᠤ᠂ ᠥᠩᠭᠡ ᠭᠠᠷᠲᠠᠯᠠ ᠵᠦᠯᠭᠦᠨ ᠬᠥᠳᠡᠯᠭᠡᠬᠦ ᠳᠤ | ᠬᠥᠩᠭᠡᠨ ᠪᠣᠯᠭᠠᠳᠠᠭ᠃ | ᠳᠠᠪᠬᠤᠷ ᠠᠷᠠᠯ ᠬᠢᠵᠦ᠂ ᠮᠣᠳᠣᠨ ᠬᠠᠪᠲᠠᠰᠤ ᠶᠢ ᠬᠠᠭᠠᠰ ᠰᠡᠷᠡᠨ ᠭᠡᠯᠪᠡᠷᠢ ᠲᠠᠢ ᠬᠢᠷᠦᠭᠡᠳᠡᠨ ᠤᠯᠠ ᠮᠣᠳᠣ | ᠵᠣᠬᠢᠶᠠᠭᠰᠠᠨ ᠥᠯᠥᠭᠡᠢ ᠶᠢ ᠳᠠᠪᠬᠤᠷ ᠠᠷᠠᠯ ᠲᠠᠢ ᠥᠯᠥᠭᠡᠢ ᠭᠡᠳᠡᠭ᠃ ᠨᠢᠯᠬᠠ ᠬᠡᠦᠬᠡᠳ ᠬᠡᠳᠦᠨ ᠰᠠᠷᠠ ᠪᠤᠯᠬᠤ ᠳᠤ | ᠳᠠᠪᠬᠤᠷ ᠠᠷᠠᠯ ᠲᠠᠢ ᠥᠯᠥᠭᠡᠢ ᠳᠤ ᠥᠯᠥᠭᠡᠶᠢᠳᠡᠳᠡᠭ᠃ ᠡᠨᠡ ᠨᠢ ᠭᠢᠯᠪᠠᠷᠬᠠᠨ ᠬᠥᠷᠪᠡᠬᠦ ᠦᠭᠡᠢ᠂ ᠲᠣᠩᠭᠤᠯᠵᠠᠬᠤ | ᠦᠭᠡᠢ ᠪᠠᠶᠢᠳᠠᠭ᠃ | ᠪᠠᠩᠵᠠ ᠶᠢᠨ ᠥᠯᠥᠭᠡᠢ ᠶᠢ ᠳᠦᠷ ᠴᠠᠭ ᠬᠡᠷᠡᠭᠯᠡᠳᠡᠭ᠃ ᠡᠨᠡ ᠥᠯᠥᠭᠡᠢ ᠨᠢ ᠬᠢᠬᠦ ᠳᠤ ᠳᠦᠭᠦᠮ᠂ ᠬᠡᠦᠬᠡᠳ ᠢ | ᠥᠯᠥᠭᠡᠶᠢᠳᠡᠬᠦ ᠳᠤ ᠭᠢᠯᠪᠡᠷ ᠡᠪᠯᠡᠭᠦᠯᠦᠭᠰᠡᠨ ᠠᠷᠭᠠ ᠪᠣᠯᠣᠨᠠ᠃ ᠪᠦᠬᠦᠯᠢ ᠮᠣᠳᠣᠨ ᠥᠯᠥᠭᠡᠢ ᠭᠡᠳᠡᠭ ᠨᠢ ᠬᠤᠶᠠᠷ | ᠲᠠᠯᠠ ᠶᠢᠨ ᠠᠷᠠᠯ ᠢ ᠪᠢᠲᠡᠭᠦᠦ ᠬᠠᠪᠲᠠᠰᠤ ᠶᠢ ᠣᠭᠲᠣᠯᠣᠨ ᠳᠤᠮᠳᠠ ᠨᠢ ᠬᠤᠶᠠᠷ ᠪᠤᠶᠤ ᠭᠤᠷᠪᠠᠨ ᠤᠬᠤᠮᠠᠯ ᠲᠠᠢ᠂ | ᠬᠠᠭᠠᠰ ᠰᠠᠷᠠᠨ ᠭᠡᠯᠪᠡᠷᠢ ᠲᠠᠢ ᠬᠢᠷᠦᠭᠡᠳᠡᠨ ᠤᠯᠠ ᠮᠣᠳᠣ ᠵᠣᠬᠢᠶᠠᠭᠰᠠᠨ ᠬᠡᠰᠡᠭ ᠲᠠᠢ ᠪᠠᠨ ᠮᠣᠳᠣᠨ ᠴᠠᠪᠠᠤ ᠪᠠᠷ | ᠪᠠᠬᠢᠯᠡᠭᠰᠡᠨ ᠥᠯᠥᠭᠡᠢ ᠶᠢ ᠬᠡᠯᠡᠳᠡᠭ᠃ | ᠥᠯᠥᠭᠡᠢ ᠨᠢ ᠶᠡᠷᠦ ᠳᠡᠭᠡᠨ ᠠᠷᠠᠯ᠂ ᠢᠯᠠᠤ᠂ ᠬᠠᠷᠠᠭᠠ᠂ ᠲᠠᠲᠠᠭᠠ᠂ ᠪᠦᠰᠡᠯᠡᠭᠦᠷ᠂ ᠳᠡᠪᠢᠰᠬᠡᠷ᠂ ᠬᠤᠴᠢᠯᠭᠠ ᠵᠡᠷᠭᠡ ᠪᠠᠷ | ᠪᠦᠷᠢᠯᠳᠦᠨᠡ᠃ ᠥᠯᠥᠭᠡᠢ ᠨᠢ ᠣᠯᠠᠩᠬᠢ ᠳᠠᠭᠠᠨ ᠬᠤᠶᠠᠷ ᠲᠣᠬᠤᠢ ᠳᠣᠯᠣᠭᠠᠨ ᠢᠮᠠᠬᠤ ᠤᠷᠳᠤ᠂ ᠨᠢᠭᠡ ᠲᠣᠬᠤᠢ | ᠬᠤᠶᠠᠷ ᠢᠮᠠᠬᠤ ᠥᠷᠭᠡᠨ ᠪᠠᠶᠢᠳᠠᠭ᠃ | ᠳᠠᠪᠬᠤᠷ ᠠᠷᠠᠯ ᠲᠠᠢ ᠥᠯᠥᠭᠡᠢ ᠬᠢᠬᠦ ᠳᠤ ᠥᠯᠥᠭᠡᠢ ᠶᠢᠨ ᠬᠡᠮᠵᠢᠶᠡ ᠲᠠᠢ ᠪᠠᠨ ᠠᠳᠠᠯᠢᠬᠠᠨ ᠳᠥᠷᠪᠡᠨ ᠤᠷᠳᠤ ᠮᠣᠳᠣ᠂ | ᠳᠥᠷᠪᠡᠨ ᠢᠯᠠᠤ ᠳᠣᠯᠣᠭᠠᠨ ᠢᠮᠠᠬᠤ ᠶᠢᠨ ᠤᠷᠳᠤ ᠨᠠᠢᠮᠠᠨ ᠭᠤᠳᠣᠢ ᠮᠣᠳᠣ ᠬᠡᠷᠡᠭᠯᠡᠨᠡ᠃ | ᠳᠠᠩ ᠠᠷᠠᠯ ᠲᠠᠢ ᠥᠯᠥᠭᠡᠢ ᠬᠢᠬᠦ ᠳᠤ ᠥᠯᠥᠭᠡᠢ ᠶᠢᠨ ᠬᠡᠮᠵᠢᠶᠡ ᠲᠠᠢ ᠠᠳᠠᠯᠢᠬᠠᠨ ᠬᠤᠶᠠᠷ ᠤᠷᠳᠤ ᠮᠣᠳᠣ᠂ ᠬᠤᠶᠠᠷ | ᠢᠯᠠᠤ᠂ ᠳᠥᠷᠪᠡᠨ ᠮᠠᠲᠠᠮᠠᠯ ᠮᠣᠳᠣ ᠬᠡᠷᠡᠭᠯᠡᠳᠡᠭ᠃ ᠥᠯᠥᠭᠡᠢ ᠪᠠᠨ ᠢᠯᠡᠤᠯᠡᠭᠰᠡᠨ ᠤ ᠳᠠᠷᠠᠭᠠ ᠪᠠᠷ ᠨᠢ ᠥᠯᠥᠭᠡᠢ ᠶᠢᠨ | ᠠᠷᠠᠯ ᠳᠡᠭᠡᠷᠡ ᠨᠢ ᠲᠡᠮᠦᠷ ᠢ ᠤᠯᠠᠶᠢᠯᠭᠠᠨ ᠰᠣᠯᠢᠮᠠᠯ ᠲᠡᠮᠳᠡᠭ ᠲᠠᠯᠪᠢᠬᠤ ᠪᠥᠭᠡᠳ ᠠᠷᠠᠯ ᠤᠨ ᠦᠵᠦᠭᠦᠷ ᠲᠤᠨᠢ | ᠰᠣᠯᠢᠮᠠᠯ ᠲᠡᠮᠳᠡᠭ ᠲᠠᠯᠪᠢᠨᠠ᠃ ᠪᠠᠰᠠ ᠰᠢᠷᠲᠡᠨ ᠥᠩᠭᠡᠯᠡᠬᠦ ᠴᠦ ᠪᠤᠶ᠃ | ᠥᠯᠥᠭᠡᠢ ᠶᠢᠨ ᠲᠣᠯᠣᠭᠠᠢ ᠶᠢᠨ ᠦᠵᠦᠭᠦᠷ ᠲᠤ ᠬᠠᠷᠠᠭᠠ ᠬᠢᠨᠡ᠃ ᠡᠨᠡ ᠨᠢ ᠨᠠᠷᠢᠨ ᠲᠠᠯᠲᠤ᠂ ᠴᠠᠷᠠᠰᠤ ᠵᠡᠷᠭᠡ ᠪᠠᠷ | ᠮᠡᠳᠡᠵᠦ ᠲᠠᠲᠠᠭᠰᠠᠨ ᠮᠣᠳᠣ ᠶᠢ ᠬᠡᠯᠡᠳᠡᠭ᠃ ᠬᠠᠷᠠᠭᠠ ᠶᠢ ᠤᠯᠠᠭᠠᠨ ᠪᠤᠶᠤ ᠤᠯᠠᠭᠠᠨ ᠡᠷᠢᠶᠡᠨ ᠪᠥᠰ ᠢᠶᠠᠷ ᠪᠢᠲᠡᠭᠦᠯᠡᠨ | ᠣᠶᠣᠨᠠ᠃ ᠬᠠᠷᠠᠭᠠ ᠠᠴᠠ ᠨᠢ ᠲᠠᠲᠠᠭᠠ ᠶᠢ ᠭᠤᠷᠪᠠ ᠰᠠᠯᠠᠭᠠᠯᠠᠨ ᠤᠶᠠᠵᠤ᠂ ᠳᠣᠯᠤᠭᠠ ᠵᠠᠩᠭᠢᠳᠴᠤ ᠭᠠᠤᠯᠢᠨ | ᠵᠣᠭᠤᠰ ᠢ ᠬᠡᠯᠬᠢᠨ ᠡᠯᠭᠦᠳᠡᠭ᠃ ᠲᠠᠲᠠᠭᠠ ᠨᠢ ᠭᠤᠣᠯᠳᠠᠭᠤ ᠳᠡᠭᠡᠷᠡ ᠨᠢ ᠪᠦᠲᠡᠭᠡᠯᠭᠡ ᠪᠦᠲᠡᠭᠡᠬᠦ ᠪᠠᠷ ᠪᠡᠯᠡᠳᠬᠡᠭᠰᠡᠨ | ᠶᠤᠮ᠃ ᠪᠦᠲᠡᠭᠡᠯᠭᠡ ᠨᠢ ᠡᠪᠦᠯ ᠤᠨ ᠬᠦᠢᠲᠡᠨ ᠳᠤ ᠲᠠᠭᠠᠷᠠᠬᠤ ᠦᠭᠡᠢ᠂ ᠵᠤᠨ ᠢᠯᠠᠭᠠ ᠪᠠᠲᠠᠭᠠᠨᠠ ᠶᠢ ᠰᠡᠷᠭᠡᠶᠢᠯᠡᠬᠦ | ᠦᠢᠯᠡᠳᠦᠯ ᠲᠠᠢ᠃ | ᠬᠡᠦᠬᠡᠳ ᠤᠨ ᠳᠡᠷᠡ ᠳᠤ ᠬᠠᠷᠠ ᠮᠣᠩᠭᠤᠯ ᠪᠤᠶᠤ ᠰᠢᠯᠦᠬᠡᠢ ᠬᠢᠵᠦ ᠳᠡᠷᠡᠯᠡᠭᠦᠯᠦᠨᠡ᠃ ᠡᠨᠡ ᠨᠢ ᠬᠡᠦᠬᠡᠳ ᠤᠨ | ᠲᠣᠯᠣᠭᠠᠢ ᠶᠢ ᠲᠡᠭᠰᠢᠬᠡᠨ ᠰᠠᠶᠢᠬᠠᠨ ᠪᠤᠯᠭᠠᠬᠤ᠂ ᠪᠡᠶᠡ ᠠᠰᠬᠠᠨ ᠪᠤᠯᠬᠤ ᠳᠤ ᠲᠤᠰᠠᠲᠠᠢ ᠶᠤᠮ᠃ | ᠥᠯᠥᠭᠡᠢ ᠶᠢᠨ ᠪᠦᠰᠡᠯᠡᠭᠦᠷ ᠢ ᠰᠤᠷ ᠢᠶᠠᠷ ᠬᠢᠳᠡᠭ᠃ ᠨᠢᠯᠬᠠ ᠬᠡᠦᠬᠡᠳ ᠨᠢ ᠥᠬᠢᠨ ᠪᠣᠯ ᠪᠦᠰᠡᠯᠡᠭᠦᠷ ᠰᠤᠷ ᠤᠨ | ᠭᠤᠭᠴᠤᠭᠠ ᠶᠢ ᠨᠠᠭᠠᠮᠠᠯ ᠬᠠᠳᠬᠤᠮᠠᠯ ᠲᠠᠢ ᠤᠷᠠᠨ ᠨᠠᠷᠢᠯᠢᠭ ᠬᠢᠨᠡ᠃ ᠡᠨᠡ ᠨᠢ ᠥᠬᠢᠨ ᠢ ᠪᠠᠨ ᠤᠷᠠᠨ ᠪᠣᠯᠤᠭ ᠭᠡᠵᠦ | ᠵᠥᠩᠨᠡᠭᠰᠡᠨ ᠰᠠᠨᠠᠭᠠ ᠶᠢ ᠢᠯᠡᠳᠬᠡᠵᠦ᠂ ᠥᠬᠢᠨ ᠬᠥᠮᠥᠨ ᠢ ᠡᠩᠬᠦᠷᠡᠶᠢᠯᠡᠨ ᠬᠠᠶᠢᠷᠠᠯᠠᠬᠤ ᠮᠣᠩᠭᠤᠯ ᠬᠥᠮᠥᠨ ᠤ | ᠵᠠᠩᠰᠢᠯ ᠢ ᠢᠯᠡᠷᠡᠭᠦᠯᠵᠦ ᠪᠤᠶ᠃ | ᠥᠯᠥᠭᠡᠢ ᠶᠢᠨ ᠪᠦᠰᠡᠯᠡᠭᠦᠷ ᠢ ᠵᠣᠬᠢᠶᠠᠬᠤ ᠳᠤ ᠵᠡᠭᠦᠨ ᠲᠠᠯᠠ ᠶᠢᠨ ᠮᠥᠷᠥ ᠶᠢ ᠠᠰᠯᠠᠭᠤᠯᠤᠨ ᠨᠢᠭᠡ ᠦᠵᠦᠭᠦᠷ ᠢ | ᠨᠢ ᠤᠶᠠᠵᠤ᠂ ᠨᠥᠭᠦᠭᠡ ᠦᠵᠦᠭᠦᠷ ᠢ ᠨᠢ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠠᠷᠠᠯ ᠢ ᠣᠷᠢᠶᠠᠯᠭᠠᠨ ᠤᠶᠠᠵᠤ ᠲᠠᠯᠪᠢᠨᠠ᠃ ᠡᠨᠡ | ᠨᠢ ᠬᠡᠦᠬᠡᠳ ᠤᠨ ᠬᠥᠳᠡᠯᠵᠦ ᠲᠡᠶᠢᠴᠢᠭᠢᠨᠡᠬᠦ ᠶᠢ ᠬᠢᠴᠢᠶᠡᠵᠡᠢ᠃ | ᠥᠯᠥᠭᠡᠢ ᠶᠢᠨ ᠢᠶᠠᠨ ᠳᠣᠲᠣᠷᠠ ᠨᠢᠮᠭᠡᠨ ᠬᠠᠪᠲᠠᠰᠤ ᠲᠠᠯᠪᠢᠵᠤ᠂ ᠳᠡᠭᠡᠷᠡ ᠨᠢ ᠰᠠᠭᠠᠭ ᠤᠨ ᠬᠠᠯᠢᠰᠤ | ᠤᠭᠤᠲᠠᠯᠠᠭᠰᠠᠨ ᠬᠥᠬᠡ ᠪᠤᠶᠤ ᠴᠠᠭᠠᠨ ᠳᠡᠪᠢᠰᠬᠡᠷ ᠢ ᠲᠠᠯᠪᠢᠨᠠ᠃ ᠡᠭᠦᠨ ᠢ ᠵᠠᠷᠢᠮ ᠭᠠᠵᠠᠷ ᠲᠤ ᠪᠠᠰᠠ ︽ᠬᠠᠩ | ᠬᠡᠦᠳᠡᠢ︾ ᠭᠡᠵᠦ ᠬᠡᠯᠡᠳᠡᠭ᠃ ᠡᠨᠡ ᠨᠢ ᠵᠥᠭᠡᠯᠡᠨ ᠲᠠᠭᠠᠲᠠᠢ ᠪᠥᠭᠡᠳ ᠵᠤᠨ ᠤ ᠴᠠᠭ ᠰᠡᠷᠢᠭᠦᠴᠡᠬᠦ ᠦᠢᠯᠡᠳᠦᠯ ᠲᠠᠢ | ᠶᠤᠮ᠃ | ᠬᠡᠦᠬᠡᠳ ᠢ ᠵᠤᠨ ᠳᠠᠭᠠᠨ ᠳᠠᠩ ᠬᠤᠴᠢᠯᠭᠠ ᠲᠠᠢ ᠥᠯᠥᠭᠡᠶᠢᠳᠡᠵᠦ᠂ ᠨᠠᠮᠤᠷ ᠲᠠᠭᠠᠨ ᠳᠠᠪᠬᠤᠷ ᠬᠤᠴᠢᠯᠭᠠ ᠲᠠᠢ᠂ | ᠡᠪᠦᠯ ᠳᠡᠭᠡᠨ ᠬᠥᠪᠥᠩ ᠬᠤᠴᠢᠯᠭᠠ ᠳᠠᠪᠬᠤᠴᠠᠭᠤᠯᠤᠨ᠂ ᠬᠥᠯ ᠤᠨ ᠦᠵᠦᠭᠦᠷ ᠨᠢ ᠬᠤᠷᠠᠭᠠ ᠢᠰᠢᠭᠡ ᠶᠢᠨ ᠠᠷᠠᠰᠤ ᠶᠢ | ᠳᠤᠯᠠᠭᠠᠯᠠᠨ ᠳᠡᠪᠢᠰᠦᠨᠡ᠃ | ᠬᠡᠦᠬᠡᠳ ᠢ ᠴᠢᠭᠢᠭ ᠢ ᠨᠢ ᠭᠠᠷᠭᠠᠭᠰᠠᠨ ᠴᠠᠭᠠᠨ ᠰᠢᠷᠣᠢ᠂ ᠬᠤᠮᠠᠭ ᠳᠡᠪᠢᠰᠴᠦ ᠥᠯᠥᠭᠡᠶᠢᠳᠡᠨᠡ᠃ | ᠥᠯᠥᠭᠡᠶᠢᠳᠡᠬᠦ ᠠᠴᠠ ᠤᠷᠢᠳ ᠰᠢᠷᠣᠢ ᠪᠠᠨ ᠪᠦᠯᠢᠶᠡᠰᠬᠡᠨ ᠬᠠᠯᠠᠭᠤᠯᠤᠨᠠ᠃ ᠰᠢᠷᠣᠢ ᠶᠢᠨ ᠴᠢᠭᠢᠭ ᠢ ᠨᠢ ᠰᠠᠶᠢᠨ | ᠭᠠᠷᠭᠠᠬᠤ ᠦᠭᠡᠢ ᠪᠣᠯ ᠬᠡᠦᠬᠡᠳ ᠤᠨ ᠪᠡᠶᠡ ᠳᠤ ᠰᠢᠷᠬᠠ ᠭᠠᠷᠳᠠᠭ᠃ ᠰᠢᠷᠣᠢ ᠳᠤ ᠥᠯᠥᠭᠡᠶᠢᠳᠡᠪᠡᠯ ᠴᠢᠭᠢᠭ | ᠨᠣᠶᠢᠲᠠᠨ ᠢ ᠰᠢᠩᠭᠡᠭᠡᠵᠦ᠂ ᠪᠡᠶᠡ ᠮᠠᠬᠠᠪᠤᠳ ᠴᠢᠭᠢᠷᠠᠭ᠂ ᠠᠷᠠᠰᠤ ᠴᠠᠭᠠᠨ᠂ ᠵᠢᠰᠦ ᠴᠡᠪᠡᠷᠬᠡᠨ ᠰᠠᠶᠢᠬᠠᠨ ᠪᠤᠯᠳᠠᠭ᠃ | ᠬᠡᠦᠬᠡᠳ ᠢ ᠥᠯᠥᠭᠡᠶᠢᠳᠡᠬᠦ ᠳᠤ ᠪᠡᠶᠡ ᠶᠢ ᠨᠢ ᠲᠡᠭᠰᠢᠬᠡᠨ᠂ ᠭᠠᠷ ᠬᠥᠯ ᠢ ᠨᠢ ᠵᠢᠭᠳᠡ ᠲᠠᠯᠪᠢᠨᠠ᠃ ᠬᠥᠯ ᠤᠨ ᠶᠠᠰᠤ᠂ | ᠨᠢᠷᠤᠭᠤ ᠶᠠᠰᠤ ᠲᠡᠭᠰᠢ ᠪᠤᠯᠬᠤ ᠶᠢ ᠠᠩᠬᠠᠷᠤᠨᠠ᠃ ᠪᠦᠰᠡᠯᠡᠭᠦᠷ ᠢ ᠨᠢ ᠴᠢᠩᠭᠠ ᠴᠤ ᠪᠢᠰᠢ᠂ ᠰᠤᠯᠠ ᠴᠤ ᠪᠢᠰᠢ | ᠵᠣᠬᠢᠴᠠᠭᠤᠯᠤᠨ ᠲᠠᠲᠠᠨᠠ᠃ ᠪᠦᠰᠡᠯᠡᠭᠦᠷ ᠰᠤᠷ ᠢ ᠲᠠᠲᠠᠬᠤ ᠳᠤ ᠬᠤᠶᠠᠷ ᠲᠠᠯᠠ ᠶᠢᠨ ᠠᠷᠠᠯ ᠳᠡᠭᠡᠷᠡ ᠰᠤᠷ ᠭᠤᠭᠴᠤᠭᠠ | ᠤᠶᠠᠵᠤ᠂ ᠭᠤᠭᠴᠤᠭᠠ ᠪᠠᠨ ᠰᠦᠪᠡᠯᠡᠨ ᠲᠠᠲᠠᠬᠤ ᠴᠤ ᠪᠤᠢ᠃ | ᠬᠡᠦᠬᠡᠳ ᠢᠶᠠᠨ ᠥᠯᠥᠭᠡᠶᠢᠳᠡᠪᠡᠯ ᠠᠷᠭᠠᠳᠠᠨ ᠤᠨᠲᠠᠭᠤᠯᠤᠨᠠ᠃ ᠶᠡᠷᠦ ᠳᠡᠭᠡᠨ ᠥᠯᠥᠭᠡᠢ ᠶᠢ ᠨᠠᠭᠠᠰᠢ ᠴᠠᠭᠠᠰᠢ | ᠰᠠᠵᠢᠯᠠᠭᠤᠯᠤᠨ ᠬᠥᠳᠡᠯᠭᠡᠬᠦ ᠶᠢ ᠠᠷᠭᠠᠳᠠᠬᠤ ᠭᠡᠳᠡᠭ᠃ ᠬᠡᠦᠬᠡᠳ ᠢ ᠥᠯᠥᠭᠡᠢ ᠠᠴᠠ ᠲᠠᠶᠢᠯᠦᠨ ᠠᠪᠬᠤ ᠳᠤ ᠳᠠᠪᠤᠰᠠᠩ | ᠳᠡᠭᠡᠷᠡ ᠨᠢ ᠬᠥᠩᠭᠡᠬᠡᠨ ᠳᠠᠪᠰᠢᠵᠤ᠄ ︽ᠳᠠᠪᠤᠰᠠᠩ ᠴᠢᠩᠭᠠ᠂ ᠳᠠᠪᠤᠰᠠᠩ ᠴᠢᠩᠭᠠ︾ ᠭᠡᠵᠦ ᠬᠡᠯᠡᠳᠡᠭ᠃ | ᠥᠯᠥᠭᠡᠢ ᠶᠢ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠬᠤᠭᠤᠰᠤᠨ ᠲᠠᠯᠪᠢᠬᠤ ᠦᠭᠡᠢ᠂ ᠬᠡᠦᠬᠡᠳ ᠢᠶᠠᠨ ᠥᠯᠥᠭᠡᠶᠢᠳᠡᠬᠦ ᠦᠭᠡᠢ | ᠦᠶᠡᠰ ᠳᠣᠲᠣᠷᠠ ᠨᠢ ᠰᠦᠬᠡ ᠪᠢᠯᠠᠭᠤ ᠶᠢ ᠲᠠᠯᠪᠢᠳᠠᠭ᠃ | ᠬᠤᠭᠤᠰᠤᠨ ᠥᠯᠥᠭᠡᠢ ᠶᠢ ᠠᠷᠭᠠᠳᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠥᠯᠥᠭᠡᠢ ᠶᠢ ᠭᠠᠳᠠᠨᠠ ᠬᠤᠨᠣᠭᠤᠯᠬᠤ ᠦᠭᠡᠢ᠂ ᠵᠠᠪᠠᠯ | ᠭᠡᠷ ᠲᠡᠭᠡᠨ ᠣᠷᠣᠭᠤᠯᠬᠤ ᠬᠡᠷᠡᠭᠲᠡᠢ᠃ ᠥᠯᠥᠭᠡᠢ ᠶᠢ ᠭᠡᠷ ᠠᠴᠠ ᠠᠪᠴᠤ ᠭᠠᠷᠬᠤ ᠪᠤᠶᠤ ᠠᠪᠴᠤ ᠣᠷᠣᠵᠤ ᠢᠷᠡᠬᠦ ᠳᠤ | ᠬᠠᠷᠠᠭᠠ ᠲᠠᠢ ᠲᠠᠯᠠ ᠪᠠᠷ ᠨᠢ ᠠᠪᠴᠤ ᠶᠠᠪᠤᠳᠠᠭ᠃ ᠥᠯᠥᠭᠡᠢ ᠶᠢ ᠬᠡᠷᠡᠭᠯᠡᠬᠦ ᠦᠭᠡᠢ ᠦᠶᠡᠰ ᠲᠠᠲᠠᠭᠠ᠂ ᠳᠡᠪᠢᠰᠬᠡᠷ ᠢ ᠨᠢ | ᠠᠪᠴᠤ᠂ ᠪᠦᠰᠡᠯᠡᠭᠦᠷ ᠰᠤᠷ ᠢ ᠨᠢ ᠡᠪᠬᠡᠵᠦ ᠬᠠᠨᠠ ᠳᠤ ᠡᠯᠭᠦᠬᠦ ᠪᠤᠶᠤ ᠳᠡᠭᠡᠷᠡ ᠲᠠᠯᠪᠢᠨᠠ᠃ | | ᠥᠯᠥᠭᠡᠢ ᠶᠢ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠢ ᠬᠥᠮᠥᠰ ᠲᠤ ᠵᠢᠭᠡᠯᠡᠭᠦᠯᠬᠦ ᠦᠭᠡᠢ᠃ ᠪᠤᠰᠤᠳ ᠤᠨ ᠥᠯᠥᠭᠡᠢ ᠶᠢ | ᠵᠢᠭᠡᠯᠡᠬᠦ ᠳᠤ ᠬᠡᠦᠬᠡᠳ ᠣᠯᠠᠨ᠂ ᠡᠷᠡᠭᠦᠯ ᠪᠦᠲᠦᠨ ᠥᠰᠦᠭᠰᠡᠨ ᠠᠶᠢᠯ ᠤᠨ ᠬᠢᠨ ᠢ ᠰᠣᠩᠭᠤᠨᠠ᠃ ᠬᠠᠳᠠᠭ ᠪᠠ ᠴᠠᠭᠠᠨ | ᠢᠳᠡᠭᠡᠨ ᠲᠠᠢ ᠬᠦᠷᠴᠦ ᠵᠠᠯᠠᠳᠠᠭ᠃ | ᠮᠣᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠶᠣᠰᠣ ᠪᠠᠷ ᠬᠡᠦᠬᠡᠳ ᠤᠨ ᠥᠯᠥᠭᠡᠢ ᠶᠢ ᠨᠠᠭᠠᠴᠤ ᠨᠢ ᠬᠦᠷᠭᠡᠳᠡᠭ᠃ | ᠨᠠᠭᠠᠴᠤ ᠶᠢᠨ ᠭᠡᠷ ᠨᠢ ᠬᠡᠳᠦᠨ ᠬᠤᠰᠢᠭᠤ ᠠᠯᠤᠰ ᠪᠣᠯ ᠡᠬᠡ ᠶᠢᠨ ᠬᠢᠨᠢ ᠮᠥᠷᠭᠦᠭᠦᠯᠦᠭᠰᠡᠨ ᠨᠠᠭᠠᠴᠤ ᠨᠢ ᠬᠦᠷᠭᠡᠳᠡᠭ᠃ | ᠥᠯᠥᠭᠡᠢ ᠬᠦᠷᠭᠡᠬᠦ ᠳᠡᠭᠡᠨ ᠬᠠᠷᠠᠭᠠ ᠶᠢᠨ ᠮᠣᠳᠣᠨ ᠳᠤ ᠭᠠᠤᠯᠢᠨ ᠵᠣᠭᠤᠰ ᠳᠡᠭᠦᠵᠢᠯᠡᠬᠦ ᠪᠤᠶᠤ ᠪᠢᠴᠢᠬᠠᠨ | ᠤᠭᠤᠲᠠᠨ ᠳᠤ ᠴᠠᠭᠠᠨ ᠪᠤᠳᠠᠭᠠ ᠳᠡᠭᠦᠵᠢᠯᠡᠵᠦ ᠥᠭᠬᠦ ᠶᠣᠰᠣ ᠲᠠᠢ᠃ ᠬᠡᠦᠬᠡᠳ ᠥᠯᠥᠭᠡᠢ ᠠᠴᠠ ᠭᠠᠷᠤᠭᠰᠠᠨ ᠤ | ᠳᠠᠷᠠᠭᠠ ᠳᠡᠷᠡ ᠶᠢᠨ ᠪᠤᠳᠠᠭᠠ ᠶᠢ ᠨᠢ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠢ ᠰᠠᠴᠤᠬᠤ ᠦᠭᠡᠢ᠂ ᠬᠡᠦᠬᠡᠳ ᠤᠨ ᠳᠡᠷᠡ ᠶᠢᠨ ᠪᠤᠳᠠᠭᠠ | ᠭᠡᠵᠦ ᠲᠤᠰᠠᠭᠠᠷ ᠨᠢ ᠲᠠᠷᠢᠳᠠᠭ᠃ ᠪᠤᠰᠤᠳ ᠬᠥᠮᠥᠨ ᠥᠯᠥᠭᠡᠢ ᠶᠢ ᠨᠢ ᠵᠢᠭᠡᠯᠡᠭᠡᠳ ᠪᠡᠯᠭᠡ ᠦᠭᠡᠢ ᠤᠴᠢᠷ | ᠲᠣᠬᠢᠶᠠᠯᠳᠤᠪᠠᠯ ᠪᠤᠴᠠᠭᠠᠨ ᠠᠪᠬᠤ ᠦᠭᠡᠢ᠃ ᠲᠡᠷᠡ ᠠᠶᠢᠯ ᠳᠤᠨᠢ ᠥᠭᠴᠢᠬᠡᠳᠡᠭ᠃ ᠮᠣᠩᠭᠤᠯᠴᠤᠳ ᠶᠡᠷᠦ ᠳᠡᠭᠡᠨ | ᠪᠠᠭᠠ ᠶᠡᠭᠡ ᠬᠤᠶᠠᠷ ᠥᠯᠥᠭᠡᠢ ᠪᠡᠯᠡᠳᠬᠡᠳᠡᠭ᠃ ᠬᠡᠦᠬᠡᠳ ᠲᠠᠪᠤ ᠵᠢᠷᠭᠤᠭᠠᠨ ᠰᠠᠷᠠ ᠪᠤᠯᠬᠤ ᠦᠶᠡᠰ ᠪᠠᠭᠠ | ᠥᠯᠥᠭᠡᠢ ᠠᠴᠠ ᠨᠢ ᠶᠡᠭᠡ ᠥᠯᠥᠭᠡᠢ ᠳᠤ ᠣᠷᠣᠭᠤᠯᠳᠠᠭ᠃ ᠣᠯᠠᠩᠬᠢ ᠳᠠᠭᠠᠨ ᠣᠢ ᠬᠡᠲᠦᠷᠡᠲᠡᠯᠡ ᠥᠯᠥᠭᠡᠶᠢᠳᠡᠬᠦ ᠨᠢ | ᠡᠩ ᠤᠨ ᠤᠴᠢᠷ ᠪᠢᠯᠡ᠃ | ᠥᠯᠥᠭᠡᠢ ᠳᠤ ᠭᠤᠷᠪᠠᠨ ᠳᠥᠭᠦᠮ ᠲᠠᠯᠠ ᠲᠠᠢ ᠶᠤᠮ᠃ ᠨᠢᠭᠡ ᠳᠤ᠂ ᠨᠡᠭᠦᠳᠡᠯ ᠣᠲᠣᠷ ᠢᠶᠠᠷ ᠶᠠᠪᠤᠬᠤ ᠳᠤ | ᠳᠥᠭᠦᠮ᠃ ᠬᠡᠦᠬᠡᠳ ᠢᠶᠠᠨ ᠥᠯᠥᠭᠡᠶᠢᠳᠡᠭᠡᠳ ᠬᠠᠮ ᠲᠡᠷᠭᠡᠨ ᠳᠡᠭᠡᠨ ᠲᠡᠭᠡᠭᠡᠵᠦ ᠶᠠᠪᠤᠵᠤ ᠪᠤᠯᠳᠠᠭ᠃ ᠲᠡᠮᠡᠭᠡᠨ | ᠠᠴᠢᠶᠠᠨ ᠳᠡᠭᠡᠷᠡ ᠪᠠᠨ ᠠᠴᠢᠭᠠᠳ ᠶᠠᠪᠤᠵᠤ ᠴᠤ ᠪᠣᠯᠣᠨᠠ᠃ ᠬᠤᠶᠠᠷ ᠲᠤ᠂ ᠬᠡᠦᠬᠡᠳ ᠢᠶᠠᠨ ᠥᠯᠥᠭᠡᠶᠢᠳᠡᠵᠦ | ᠲᠠᠯᠪᠢᠭᠠᠳ ᠠᠷᠰᠠᠷ ᠠᠵᠢᠯ ᠪᠤᠶᠤ ᠳᠣᠲᠣᠨᠠ ᠭᠠᠳᠠᠨᠠᠬᠢ ᠠᠵᠢᠯ ᠢᠶᠠᠨ ᠬᠢᠬᠦ ᠳᠤ ᠳᠥᠭᠦᠮ᠃ ᠮᠠᠯ ᠠᠬᠤᠢ ᠪᠠᠨ | ᠳᠣᠳᠣᠮᠳᠠᠬᠤ᠂ ᠭᠠᠯ ᠲᠣᠭᠤᠭᠠ ᠶᠢᠨ ᠠᠵᠢᠯ ᠢᠶᠠᠨ ᠬᠢᠬᠦ ᠳᠤ ᠬᠠᠷᠰᠢ ᠲᠣᠷᠤᠮ ᠦᠭᠡᠢ᠃ ᠭᠤᠷᠪᠠ ᠳᠤ᠂ ᠦᠢᠯᠡ | ᠤᠲᠠᠰᠤ ᠣᠶᠣᠬᠤ ᠳᠤ ᠳᠥᠭᠦᠮ᠂ ᠬᠡᠦᠬᠡᠳ ᠨᠢ ᠰᠡᠷᠡᠪᠡᠯ ᠬᠥᠯ ᠢᠶᠠᠷ ᠢᠶᠠᠨ ᠥᠯᠥᠭᠡᠢ ᠶᠢ ᠨᠢ ᠰᠠᠵᠢᠯᠠᠭᠤᠯᠵᠤ | ᠠᠷᠭᠠᠳᠠᠨ ᠣᠶᠣᠳᠠᠯ ᠢᠶᠠᠨ ᠲᠠᠰᠤᠯᠳᠠᠭᠤᠯᠤᠯ ᠦᠭᠡᠢ ᠬᠢᠳᠡᠭ᠃ ᠨᠠᠰᠤᠲᠠᠳ ᠤᠨ ᠶᠠᠷᠢᠬᠤ ᠪᠠᠷ ᠥᠯᠥᠭᠡᠢ ᠨᠢ ᠭᠤᠷᠪᠠᠨ | ᠰᠠᠶᠢᠨ ᠲᠠᠯᠠ ᠲᠠᠢ᠃ ᠨᠢᠭᠡ ᠳᠤ᠂ ᠬᠡᠦᠬᠡᠳ ᠢ ᠬᠠᠯᠠᠭᠤᠨ ᠰᠢᠷᠣᠢ ᠳᠤ ᠥᠯᠥᠭᠡᠶᠢᠳᠡᠪᠡᠯ ᠠᠷᠬᠠᠭ ᠭᠡᠮ ᠰᠠᠭᠤᠬᠤ ᠦᠭᠡᠢ᠃ | ᠬᠡᠦᠬᠡᠳ ᠰᠢᠭᠡᠰᠦ ᠳᠤ ᠴᠢᠭᠢᠭᠲᠦᠬᠦ ᠦᠭᠡᠢ᠂ ᠦᠷᠭᠦᠯᠵᠢ ᠰᠢᠷᠣᠢ ᠶᠢ ᠨᠢ ᠰᠣᠯᠢᠳᠠᠭ ᠠᠴᠠ ᠰᠡᠴᠡᠨ ᠰᠡᠷᠭᠦᠯᠡᠩ | ᠪᠤᠯᠳᠠᠭ᠃ ᠬᠤᠶᠠᠷ ᠲᠤ᠂ ᠬᠡᠦᠬᠡᠳ ᠤᠨ ᠲᠠᠭᠠᠷᠠᠵᠤ ᠪᠡᠭᠡᠷᠡᠬᠦ ᠠᠴᠠ ᠰᠡᠷᠭᠡᠶᠢᠯᠡᠳᠡᠭ᠃ ᠡᠪᠦᠯ ᠤᠨ ᠴᠠᠭ ᠵᠤᠵᠠᠭᠠᠨ | ᠬᠤᠴᠢᠯᠭᠠ ᠪᠠᠷ ᠣᠷᠢᠶᠠᠵᠤ ᠰᠠᠶᠢᠲᠤᠷ ᠳᠤᠯᠠᠭᠠᠯᠠᠪᠠᠯ ᠵᠢᠪᠠᠷ ᠠᠪᠬᠤ ᠦᠭᠡᠢ᠂ ᠬᠠᠯᠠᠭᠤᠨ ᠲᠠᠭᠠᠲᠠᠢ ᠤᠨᠲᠠᠳᠠᠭ᠃ | ᠭᠤᠷᠪᠠ ᠳᠤ᠂ ᠵᠤᠨ ᠤ ᠴᠠᠭ ᠰᠡᠷᠢᠭᠦᠨ ᠣᠨᠴᠠᠯᠢᠭ ᠲᠠᠢ᠃ | ᠨᠢᠭᠡ ᠳᠤ᠂ ᠬᠡᠦᠬᠡᠳ ᠢᠶᠠᠨ ᠥᠷᠯᠥᠭᠡ᠂ ᠦᠳᠡ᠂ ᠣᠷᠣᠢ ᠭᠤᠷᠪᠠ ᠤᠳᠠᠭᠠ ᠲᠡᠶᠢᠯᠵᠤ ᠠᠪᠤᠭᠠᠳ ᠳᠠᠪᠤᠰᠤ ᠲᠠᠢ | ᠪᠦᠯᠢᠶᠡᠨ ᠤᠰᠤ ᠪᠠᠷ ᠪᠦᠭᠦ ᠪᠡᠶᠡ ᠶᠢ ᠨᠢ ᠤᠬᠢᠶᠠᠵᠤ ᠥᠭᠲᠡᠭ᠃ ᠡᠨᠡ ᠨᠢ ᠬᠡᠦᠬᠡᠳ ᠤᠨ ᠠᠷᠠᠰᠤ ᠮᠢᠬᠠ ᠶᠢ | ᠴᠢᠭᠢᠷᠠᠭᠵᠢᠭᠤᠯᠬᠤ᠂ ᠰᠢᠷᠬᠠ ᠶᠢ ᠰᠡᠷᠭᠡᠶᠢᠯᠡᠨ ᠪᠡᠶᠡ ᠳᠡᠭᠡᠷᠡᠬᠢ ᠰᠢᠷᠠ ᠦᠰᠦ ᠶᠢ ᠨᠢ ᠠᠷᠢᠭᠤᠳᠬᠠᠬᠤ | ᠳᠠᠪᠠᠭᠤᠯᠢᠭ ᠲᠠᠢ᠃ ᠬᠤᠶᠠᠷ ᠲᠤ᠂ ᠬᠡᠦᠬᠡᠳ ᠢ ᠥᠯᠥᠭᠡᠢ ᠠᠴᠠ ᠨᠢ ᠳᠡᠶᠢᠯᠵᠤ ᠠᠪᠤᠮᠠᠭᠴᠠ ᠳᠣᠷᠣᠭᠰᠢ ᠬᠠᠨᠳᠤᠭᠤᠯᠤᠨ | ᠲᠡᠪᠡᠷᠢᠵᠦ ᠨᠢᠷᠤᠭᠤ ᠶᠢ ᠨᠢ ᠰᠠᠶᠢᠬᠠᠨ ᠢᠯᠢᠵᠦ ᠥᠭᠭᠦᠨᠡ᠃ ᠡᠨᠡ ᠨᠢ ᠬᠡᠦᠬᠡᠳ ᠤᠨ ᠥᠰᠦᠯᠲᠡ ᠶᠢ ᠲᠦᠷᠭᠡᠳᠬᠡᠬᠦ | ᠳᠠᠪᠠᠭᠤᠯᠢᠭ ᠲᠠᠢ᠃ ᠬᠡᠦᠬᠡᠳ ᠤᠨ ᠬᠤᠴᠢᠯᠭᠠ ᠶᠢ ᠡᠳᠦᠷ ᠤᠨ ᠭᠡᠲᠦ ᠰᠣᠯᠢᠵᠤ᠂ ᠡᠭᠡᠭᠡᠵᠦ ᠤᠬᠢᠶᠠᠨ | ᠬᠠᠲᠠᠭᠠᠳᠠᠭ ᠠᠴᠠ ᠠᠷᠢᠭᠤᠨ ᠴᠡᠪᠡᠷ ᠪᠠᠶᠢᠳᠠᠭ᠃ ᠭᠤᠷᠪᠠ ᠳᠤ᠂ ᠥᠯᠥᠭᠡᠢ ᠳᠤ ᠥᠯᠥᠭᠡᠶᠢᠳᠡᠵᠦ ᠥᠰᠦᠭᠰᠡᠨ | ᠬᠡᠦᠬᠡᠳ ᠤᠨ ᠮᠥᠷᠥ ᠲᠡᠭᠰᠢᠬᠡᠨ᠂ ᠬᠥᠯ ᠠᠰᠬᠠᠨ ᠨᠢ ᠪᠤᠰᠤᠳ ᠦᠨᠳᠦᠰᠦᠲᠡᠨ ᠠᠴᠠ ᠣᠨᠴᠠ ᠢᠯᠭᠠᠭᠠ ᠲᠠᠢ᠃ ᠵᠠᠷᠢᠮ | ᠡᠷᠳᠡᠮᠲᠡᠨ ᠰᠤᠳᠤᠯᠭᠠᠲᠠᠳ ᠤᠨ ᠦᠵᠡᠬᠦ ᠪᠠᠷ ᠮᠣᠩᠭᠤᠯ ᠬᠥᠮᠥᠨ ᠠᠴᠠ ᠨᠢᠰᠬᠡᠯᠴᠢ ᠣᠯᠠᠨ ᠭᠠᠷᠳᠠᠭ ᠨᠢ ᠥᠯᠥᠭᠡᠢ | ᠯᠦᠭᠡ ᠰᠢᠭᠤᠳ ᠬᠤᠯᠪᠤᠭᠠ ᠲᠠᠢ ᠭᠡᠳᠡᠭ᠃ ᠳᠠᠷᠤᠢ ᠬᠠᠷᠠᠴᠠ ᠰᠠᠶᠢᠨ᠂ ᠴᠢᠰᠤᠨ ᠳᠠᠷᠤᠯᠲᠠ ᠲᠡᠭᠰᠢ᠂ ᠡᠷᠭᠢᠵᠦ | ᠬᠥᠷᠪᠡᠬᠦ ᠳᠤ ᠶᠠᠮᠠᠷ ᠴᠤ ᠰᠠᠭᠠᠳ ᠦᠭᠡᠢ ᠵᠡᠷᠭᠡ ᠣᠨᠴᠠᠯᠢᠭ ᠲᠠᠢ᠃ | ᠮᠣᠩᠭᠤᠯ ᠥᠯᠥᠭᠡᠢ ᠳᠤ ᠥᠪᠡᠷ ᠤᠨ ᠬᠢᠨᠢ ᠨᠢᠭᠤᠴᠠ ᠶᠣᠰᠣ ᠪᠠᠶᠢᠳᠠᠭ᠃ ᠨᠢᠭᠡ ᠳᠤ᠂ ᠥᠯᠥᠭᠡᠢ ᠶᠢᠨ ᠬᠠᠷᠠᠭᠠ ᠶᠢᠨ | ᠠᠷᠤ ᠳᠤ ᠳᠣᠯᠣᠭᠠᠨ ᠭᠠᠤᠯᠢᠨ ᠵᠣᠭᠤᠰ ᠳᠡᠭᠦᠵᠢᠯᠡᠵᠦ ᠪᠠᠶᠢᠬᠤ ᠨᠢ ᠠᠯᠢᠪᠠ ᠮᠠᠭᠤ ᠶᠠᠭᠤᠮᠠᠰ ᠤᠨ ᠳᠠᠷᠤᠯᠭᠠ | ᠪᠣᠯᠤᠭᠰᠠᠨ ᠨᠢᠭᠤᠴᠠ ᠳᠣᠮ ᠲᠠᠢ᠃ ᠬᠤᠶᠠᠷ ᠲᠤ᠂ ᠬᠠᠷᠠᠭᠠ ᠶᠢᠨ ᠲᠠᠲᠠᠭᠠ ᠰᠤᠷ ᠢ ᠳᠣᠯᠤᠭᠠ ᠵᠠᠩᠭᠢᠳᠴᠤ ᠪᠠᠶᠢᠬᠤ | ᠨᠢ ᠳᠣᠯᠣᠭᠠᠨ ᠪᠠᠭᠠᠲᠤᠷ ᠬᠡᠦᠬᠡᠳ ᠢ ᠬᠠᠮᠠᠭᠠᠯᠠᠵᠤ ᠪᠠᠶᠢᠬᠤ ᠨᠢᠭᠤᠴᠠ ᠳᠣᠮ ᠲᠠᠢ᠃ ᠭᠤᠷᠪᠠ ᠳᠤ᠂ ᠥᠯᠥᠭᠡᠢ ᠶᠢᠨ | ᠬᠠᠷᠠᠭᠠ ᠶᠢᠨ ᠠᠷᠤ ᠳᠤ ᠠᠪᠠᠢ᠂ ᠲᠤᠩ᠂ ᠭᠠᠷᠰᠢᠪᠠᠢ ᠵᠡᠷᠭᠡ ᠶᠢ ᠳᠡᠭᠦᠵᠢᠯᠡᠬᠦ ᠨᠢ ᠬᠡᠦᠬᠡᠳ ᠤᠨ ᠰᠢᠳᠦ ᠪᠠᠨ | ᠬᠠᠪᠢᠷᠬᠤ ᠶᠢ ᠳᠣᠮᠨᠣᠵᠤ ᠪᠠᠶᠢᠳᠠᠭ᠃ ᠨᠤᠮᠤ ᠰᠤᠮᠤ ᠳᠡᠭᠦᠵᠢᠯᠡᠬᠦ ᠨᠢ ᠮᠠᠭᠤ ᠶᠠᠭᠤᠮᠠᠰ ᠣᠶᠢᠷᠠᠳᠬᠤ ᠶᠢ ᠰᠡᠷᠭᠡᠶᠢᠯᠡᠵᠦ | ᠪᠤᠢ᠃ | ᠥᠯᠥᠭᠡᠢ ᠬᠢᠬᠦ ᠳᠤ ᠭᠤᠷᠪᠠ ᠶᠢ ᠰᠣᠩᠭᠤᠨᠠ᠃ ᠨᠢᠭᠡ ᠳᠤ᠂ ᠮᠣᠳᠣ ᠶᠢ ᠰᠠᠶᠢᠲᠤᠷ ᠰᠣᠩᠭᠤᠨᠠ᠃ ᠦᠷᠢᠯ᠂ ᠮᠣᠶᠢᠯ | ᠵᠡᠷᠭᠡ ᠦᠷᠡ ᠲᠠᠢ ᠮᠣᠳᠣ ᠪᠠᠷ ᠬᠢᠳᠡᠭ᠃ ᠬᠤᠶᠠᠷ ᠲᠤ᠂ ᠡᠳᠦᠷ ᠢ ᠰᠣᠩᠭᠤᠨᠠ᠃ ᠥᠯᠵᠡᠢ ᠪᠡᠯᠭᠡ ᠲᠠᠢ ᠡᠳᠦᠷ ᠢ | ᠰᠣᠩᠭᠤᠨ ᠥᠯᠥᠭᠡᠢ ᠬᠢᠯᠭᠡᠨᠡ᠃ ᠭᠤᠷᠪᠠ ᠳᠤ᠂ ᠮᠣᠳᠣᠴᠢᠨ ᠰᠣᠩᠭᠤᠨᠠ᠃ ᠥᠯᠥᠭᠡᠢ ᠶᠢ ᠬᠥᠮᠥᠨ ᠪᠣᠯᠭᠠᠨ ᠢᠶᠠᠷ | ᠬᠢᠯᠭᠡᠬᠦ ᠪᠢᠰᠢ᠂ ᠡᠮᠡ ᠦᠷᠡ ᠲᠠᠢ ᠪᠦᠷᠢᠨ ᠪᠦᠲᠦᠨ ᠬᠥᠮᠥᠨ ᠢ ᠰᠣᠩᠭᠤᠵᠤ ᠬᠢᠯᠭᠡᠨᠡ᠃ ᠮᠣᠳᠣᠴᠢᠨ ᠢᠶᠠᠨ | ᠬᠦᠨᠳᠦ ᠪᠠᠷ ᠵᠠᠯᠠᠵᠤ᠂ ᠥᠯᠥᠭᠡᠢ ᠪᠠᠨ ᠬᠢᠭᠰᠡᠨ ᠤ ᠳᠠᠷᠠᠭᠠ ᠭᠠᠷ ᠮᠢᠯᠢᠶᠠᠬᠤ ᠶᠣᠰᠣ ᠲᠠᠢ ᠶᠤᠮ᠃ | ᠮᠣᠩᠭᠤᠯᠴᠤᠳ ᠠᠩᠬᠠᠨ ᠠᠴᠠ ᠪᠠᠨ᠄ | ᠦᠷᠢᠯ ᠤᠨ ᠰᠠᠶᠢᠬᠠᠨ ᠮᠣᠳᠣ ᠪᠠᠷ | ᠥᠯᠥᠭᠡᠢ ᠬᠢᠭᠰᠡᠨ ᠠᠪᠤ ᠮᠢᠨᠢ | ᠥᠷᠯᠥᠭᠡ ᠦᠳᠡᠰᠢ ᠶᠢᠨ ᠬᠦᠢᠲᠡᠨ ᠳᠤ | ᠡᠩᠬᠦᠷᠡᠶᠢᠯᠡᠵᠦ ᠥᠰᠬᠡᠭᠰᠡᠨ ᠡᠵᠢ ᠮᠢᠨᠢ ᠁ ᠭᠡᠵᠦ ᠬᠦᠨᠳᠦᠳᠬᠡᠨ ᠳᠠᠭᠤᠯᠠᠭᠰᠠᠭᠠᠷ ᠢᠷᠡᠪᠡ᠃ | ᠥᠯᠥᠭᠡᠢ ᠪᠣᠯ ᠮᠣᠩᠭᠤᠯ ᠬᠥᠮᠥᠨ ᠪᠦᠭᠦᠨ ᠢ ᠦᠶᠡ ᠤᠯᠠᠷᠢᠨ ᠥᠰᠬᠡᠭᠰᠡᠨ ᠥᠷᠥᠭᠡᠯ ᠪᠤᠰᠤᠳ | ᠦᠨᠳᠦᠰᠦᠲᠡᠨ ᠳᠤ ᠬᠤᠪᠣᠷᠬᠠᠨ ᠡᠷᠳᠡᠨᠢ ᠶᠤᠮ᠃ ᠥᠯᠥᠭᠡᠢ ᠪᠠᠨ ᠬᠠᠶᠢᠷᠠᠯᠠᠨ ᠥᠪᠯᠡᠵᠦ᠂ ᠶᠣᠰᠣ ᠵᠦᠢ ᠶᠢ ᠨᠢ ᠮᠡᠳᠡᠬᠦ | ᠪᠣᠯ ᠮᠣᠩᠭᠤᠯ ᠬᠥᠮᠥᠨ ᠪᠦᠭᠦᠨ ᠤ ᠨᠠᠭᠠᠲᠤ ᠵᠠᠬᠠ ᠶᠢᠨ ᠰᠤᠷᠭᠠᠯ ᠰᠤᠷᠲᠠᠯ ᠮᠥᠨ᠃ | |