ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠣᠶᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠴᠤᠤᠳᠦ ᠬᠦᠮᠦᠰ ᠤᠨ ᠲᠤᠰᠬᠠᠢ ᠨᠡᠮᠳᠡᠷ — ᠮᠢᠩᠭᠠᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019/3/22
      ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠦ ᠬᠤᠰᠢᠭᠤᠨ ᠤ       ᠲᠡᠦᠭᠡᠨ ᠳᠠᠬᠢ ᠴᠤᠤᠳᠦ ᠬᠦᠮᠦᠰ ᠤᠨ ᠲᠤᠰᠬᠠᠢ ᠨᠡᠮᠳᠡᠷ                  ᠮᠢᠩᠭᠠᠨ        ᠮᠢᠩᠭᠠᠨ᠂ ᠲᠦᠷᠦᠵᠦ ᠦᠭᠦᠭᠰᠡᠨ ᠴᠠᠭ ᠦᠶ᠎ᠡ ᠨᠢ ᠲᠤᠳᠤᠷᠬᠠᠢ ᠦᠭᠡᠢ᠃ ᠪᠤᠷᠵᠢᠬᠢᠳ ᠤᠪᠤᠭᠳᠡᠨ᠂ ᠬᠤᠷᠴᠢᠨ ᠠᠶᠢᠮᠠᠭ ᠤᠨ ᠠᠬᠠᠯᠠᠭᠴᠢ ᠶᠢᠨ ᠨᠢᠬᠡ ᠨᠢ ᠮᠥᠨ᠂ ᠶᠤᠸᠠᠨ ᠤᠯᠤᠰ ᠤᠨ ᠡᠪᠦᠭᠡ ᠬᠠᠭᠠᠨ ᠴᠢᠩᠭᠢᠰ ᠤᠨ ᠲᠡᠬᠦᠦ ᠬᠠᠪᠤᠳᠦ ᠬᠠᠰᠡᠷ ᠤᠨ ᠠᠷᠪᠠᠨ ᠲᠤᠯᠤᠳᠤᠭᠠᠷ ᠦᠶ᠎ᠡ ᠶᠢᠨ ᠤᠮᠪᠤᠯᠤ ᠨᠢ ᠪᠤᠯᠤᠨ᠎ᠠ᠃ ᠮᠢᠩᠭᠠᠨ ᠪᠤᠯ ᠬᠤᠷᠴᠢᠨ ᠠᠶᠢᠮᠠᠭ ᠤᠨ ᠲᠦᠷᠦᠬᠦᠦ ᠤᠤᠪᠠ ᠶᠢᠨ ᠦᠶᠡᠯᠢᠳ ᠠᠪᠠᠭ᠎ᠠ ᠨᠢ ᠪᠤᠯᠬᠤ ᠪᠦᠬᠡᠳ ᠮᠠᠩᠭᠤᠰ ︵ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠲᠤᠮᠳᠡᠳᠦ ᠬᠤᠰᠢᠭᠤᠨ ᠤ ᠲᠠᠶᠢᠵᠢ ᠶᠢᠨ ᠲᠡᠭᠡᠳᠦᠰ︶᠂ ᠬᠤᠩᠭᠤᠷ ︵ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠡᠮᠦᠨᠡᠳᠦ ᠬᠤᠰᠢᠭᠤᠨ ᠤ ᠲᠠᠶᠢᠵᠢ ᠶᠢᠨ ᠲᠡᠭᠡᠳᠦᠰ︶ ᠲᠠᠢ ᠲᠦᠷᠦᠭᠰᠡᠨ ᠠᠬ᠎ᠠ ᠲᠡᠬᠦᠦ᠂ ᠬᠤᠶᠠᠳᠤᠭᠠᠷ ᠨᠢ ᠪᠠᠶᠢᠵᠦ᠂ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠦ ᠬᠤᠰᠢᠭᠤᠨ ᠤ ᠲᠠᠶᠢᠵᠢ ᠶᠢᠨ ᠲᠡᠭᠡᠳᠦᠰ ᠨᠢ ᠪᠤᠯᠤᠨ᠎ᠠ᠂ ᠬᠤᠵᠢᠮ ᠤᠨ ᠬᠦᠮᠦᠰ ᠲᠡᠬᠦᠨ ᠢ ᠮᠢᠩᠭᠠᠨ ᠲᠠᠷᠬᠠᠨ ᠪᠠᠭᠠᠳᠤᠷ ᠨᠤᠶᠠᠨ ᠭᠡᠵᠤ ᠲᠠᠭᠤᠳᠠᠳᠠᠭ᠃     ᠮᠢᠩᠭᠠᠨ ᠤ ᠠᠮᠢᠳᠦᠷᠡᠵᠦ ᠪᠠᠶᠢᠭᠰᠡᠨ ᠴᠠᠭ ᠦᠶ᠎ᠡ ᠨᠢ ᠶᠠᠭ ᠰᠠᠶ᠋ᠢᠬᠠᠨ 16 ᠳ᠋ᠤᠭᠠᠷ ᠵᠠᠭᠤᠨ ᠤ ᠰᠡᠬᠦᠯᠴᠢ ᠪᠤᠯᠤᠨ 17 ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠬᠢ ᠪᠠᠶᠢᠵᠦ᠂ ᠮᠢᠩ ᠤᠨ ᠲᠦᠷᠦ ᠶᠢᠨ ᠨᠤᠶᠠᠷᠬᠠᠯ ᠢᠯᠵᠡᠷᠡᠵᠦ᠂ ᠮᠤᠩᠭᠤᠯ ᠠᠶᠢᠮᠠᠭ ᠤᠨ ᠢᠵᠠᠭᠤᠷᠳᠡᠳ ᠤᠷᠳᠦ ᠬᠤᠭᠤᠴᠠᠭ᠎ᠠ ᠰᠡᠳᠡᠷᠡᠵᠦ᠂ ᠲᠤᠳᠤᠭᠠᠳᠦ ᠳᠠᠭᠠᠨ ᠬᠢᠮᠦᠷᠡᠯᠳᠦᠨ᠂ ᠬᠠᠷᠢᠯᠴᠠᠨ ᠦᠵᠡᠯᠴᠡᠵᠦ ᠪᠠᠶᠢᠪᠠ︔ ᠵᠢᠶᠠᠨ ᠵᠸᠦ ᠶᠢᠨ ᠵᠦᠷᠴᠢᠨ ᠦᠨᠳᠦᠰᠦᠳᠡᠨ ᠮᠠᠨᠳᠦᠵᠦ᠂ ᠵᠦᠷᠴᠢᠨ ᠦᠨᠳᠦᠰᠦᠳᠡᠨ ᠤ ᠡᠯ᠎ᠡ ᠠᠶᠢᠮᠠᠭ ᠢ ᠨᠢᠬᠡᠳᠭᠡᠨ᠂ ᠭᠤᠪᠢ ᠶᠢᠨ ᠡᠮᠦᠨᠡᠬᠢ ᠮᠤᠩᠭᠤᠯ ᠢ ᠡᠷᠬᠡᠰᠢᠶᠠᠯ ᠳᠡᠭᠡᠨ ᠤᠷᠤᠭᠤᠯᠤᠨ᠂ ᠮᠢᠩ ᠤᠨ ᠲᠦᠷᠦ  ᠶᠢ ᠲᠤᠪᠳᠦᠯᠵᠦ ᠪᠠᠶᠢᠭᠰᠠᠨ ᠴᠠᠭ ᠦᠶ᠎ᠡ ᠪᠤᠯᠤᠨ᠎ᠠ᠃     ᠮᠢᠩ ᠤᠨ ᠲᠦᠷᠦ ᠶᠢᠨ ᠸᠠᠨ ᠯᠢ ᠶᠢᠨ ᠬᠤᠷᠢᠨ ᠨᠢᠬᠡᠳᠦᠭᠡᠷ ᠤᠨ ︵1593 ᠤᠨ︶ ᠤ ᠶᠢᠰᠦᠨ ᠰᠡᠷ᠎ᠡ ᠳᠤ᠂ ᠬᠤᠷᠴᠢᠨ ᠠᠶᠢᠮᠠᠭ ᠤᠨ ᠵᠠᠷᠭᠤᠴᠢ ︵ᠶᠡᠭᠡ ᠰᠢᠬᠦᠭᠴᠢ︶ ᠮᠢᠩᠭᠠᠨ᠂ ᠤᠩᠭᠤᠳᠡᠢ ᠪᠤᠯᠤᠨ ᠮᠠᠩᠭᠤᠰ ᠲᠠᠢ ᠬᠠᠮᠳᠤ ᠨᠢᠬᠡ ᠲᠦᠮᠡᠨ ᠮᠤᠩᠭᠤᠯ ᠮᠤᠷᠢᠳᠦ ᠴᠡᠷᠢᠭ ᠢ ᠲᠠᠭᠠᠭᠤᠯᠤᠨ ᠶᠡᠭᠡ᠂ ᠬᠠᠳᠡ᠂ ᠠᠭᠤᠯᠠ᠂ ᠾᠦᠢ ᠹᠠ᠂ ᠬᠤᠷᠴᠢᠨ ᠮᠤᠩᠭᠤᠯ᠂ ᠰᠢᠪᠡᠭᠡ᠂ ᠭᠤᠤᠯᠴᠠ᠂  ᠵᠦᠱᠯᠢ᠂ ᠨᠠᠶᠠᠨ ᠶᠢᠰᠦᠨ ᠠᠶᠢᠮᠠᠭ ︵ᠪᠠᠰᠠ ᠶᠢᠰᠦᠨ ᠤᠯᠤᠰ ᠭᠡᠳᠡᠭ︶ ᠵᠢᠶᠠᠨ ᠵᠸᠦ ᠳᠤ ᠨᠤᠷᠬᠠᠴᠢ ᠶᠢ ᠲᠤᠪᠳᠤᠯᠬᠤ ᠲᠠᠶᠢᠨ ᠳᠤ ᠤᠷᠤᠯᠴᠠᠭᠠᠳ ᠲᠡᠶᠢᠯᠦᠭᠳᠡᠪᠠ᠃ ᠲᠠᠷᠠᠭ᠎ᠠ ᠵᠢᠯ ᠨᠢ ᠮᠢᠩᠭᠠᠨ ᠵᠢᠶᠠᠨ ᠵᠸᠦ ᠳᠤ ᠡᠯᠴᠢ ᠲᠤᠮᠢᠯᠠᠨ ᠨᠤᠷᠬᠠᠴᠢ ᠲᠠᠢ ᠡᠪᠰᠡᠪᠡ᠃      ᠸᠠᠨ ᠯᠢ ᠶᠢᠨ ᠲᠦᠴᠢᠳᠤᠭᠡᠷ ᠤᠨ ︵1612 ᠤᠨ︶ ᠳᠤ᠂ ᠨᠤᠷᠬᠠᠴᠢ ᠮᠢᠩᠭᠠᠨ ᠤ ᠦᠬᠢᠨ ᠪᠤᠷᠵᠢᠬᠢᠨ ᠤᠪᠤᠭᠳᠦ ᠶᠢ ᠤᠬᠠᠭᠠᠨ ᠲᠠᠢ ᠮᠡᠷᠬᠡᠨ ᠭᠡᠵᠤ ᠰᠤᠨᠤᠰᠤᠭᠠᠳ ᠡᠯᠴᠢ ᠲᠤᠮᠢᠯᠠᠨ ᠪᠡᠯᠡᠭ ᠬᠦᠷᠭᠡᠯᠭᠡᠪᠡ᠃ ᠮᠢᠩᠭᠠᠨ ᠦᠬᠢᠨ ᠢᠶᠠᠨ ᠬᠦᠷᠬᠡᠨ ᠢᠷᠡᠭᠰᠡᠨ ᠳᠤ ᠨᠤᠷᠬᠠᠴᠢ ᠦᠪᠡᠷ ᠤᠨ ᠪᠡᠶ᠎ᠡ ᠪᠠᠷ ᠢᠶᠠᠨ ᠬᠦᠨᠳᠦ ᠪᠠᠷ ᠤᠭᠳᠤᠨ ᠠᠪᠴᠦ᠂ ᠶᠡᠭᠡ ᠬᠤᠷᠢᠮ ᠲᠠᠯᠪᠢᠨ ᠮᠢᠩᠭᠠᠨ ᠤ ᠦᠬᠢᠨ ᠲᠠᠢ ᠤᠷᠤᠭ ᠪᠠᠷᠢᠯᠳᠦᠨ᠂ ᠹᠦᠵᠢᠨ ᠬᠠᠳᠦᠨ ᠡᠷᠬᠦᠮᠵᠢᠯᠡᠪᠡ᠃      ᠸᠠᠨ ᠯᠢ ᠶᠢᠨ ᠲᠦᠴᠢᠨ ᠲᠡᠪᠤᠳᠤᠭᠠᠷ ᠤᠨ ︵1617 ᠤᠨ︶ ᠤ ᠴᠠᠭᠠᠨ ᠰᠡᠷ᠎ᠡ᠂ ᠮᠢᠩᠭᠠᠨ ᠪᠠᠶ᠎ᠠ ᠪᠠᠷ  ᠢᠶᠠᠨ ᠵᠢᠶᠠᠨ ᠵᠧᠦ ᠳᠤ ᠬᠦᠷᠴᠦ ᠨᠤᠷᠬᠠᠴᠢ ᠲᠠᠢ ᠠᠭᠤᠯᠵᠠᠪᠠ᠃ ᠨᠤᠷᠬᠠᠴᠢ ᠬᠠᠳᠡᠮ ᠠᠪᠤ ᠪᠠᠨ ᠢᠷᠡᠬᠦ ᠶᠢ ᠰᠤᠨᠤᠰᠤᠭᠠᠳ ᠤᠯᠠᠨ ᠬᠠᠳᠤᠨ ᠪᠤᠯᠤᠨ ᠬᠦᠪᠡᠬᠦᠳ ᠢᠶᠠᠨ ᠲᠠᠭᠠᠭᠤᠯᠤᠨ ᠬᠤᠳᠡ ᠠᠴᠠ ᠵᠠᠭᠤᠨ ᠭᠠᠵᠠᠷ ᠤᠨ ᠠᠯᠤᠰ  ᠠᠴᠠ ᠤᠭᠳᠤᠨ᠂ ᠮᠤᠷᠢᠨ ᠲᠡᠭᠡᠷ᠎ᠡ ᠠᠴᠠ ᠶᠤᠰᠤ ᠭᠦᠢᠴᠡᠳᠭᠡᠵᠦ᠂ ᠬᠡᠬᠡᠷ᠎ᠡ ᠬᠤᠷᠢᠮ ᠤᠨ ᠰᠢᠷᠡᠭᠡ ᠵᠠᠰᠠᠨ ᠵᠠᠮ ᠤᠨ ᠴᠢᠯᠡᠭᠡ ᠶᠢ ᠨᠢ ᠲᠠᠶᠢᠯᠵᠦ ᠦᠭᠭᠦᠭᠰᠡᠨ ᠪᠠᠶᠢᠨ᠎ᠠ᠃ ᠮᠢᠩᠭᠠᠨ ᠠᠷᠪᠠᠨ ᠲᠡᠮᠡᠭᠡ᠂ ᠵᠠᠭᠤᠨ ᠮᠤᠷᠢ᠂ ᠵᠠᠭᠤᠨ ᠦᠬᠡᠷ ᠬᠦᠬᠡᠬᠡᠵᠦ᠂ ᠪᠠᠰᠠ ᠢᠰᠡᠬᠡᠢ᠂ ᠠᠷᠪᠠᠨ ᠭᠤᠷᠪᠡᠨ ᠲᠡᠷᠭᠡ ᠪᠤᠷᠴᠠ᠂ ᠬᠤᠶᠠᠷ ᠲᠡᠷᠭᠡ ᠰᠦᠨ ᠪᠤᠭᠤᠷᠰᠤᠭ ᠪᠤᠯᠤᠨ ᠰᠢᠷ᠎ᠡ ᠲᠤᠰᠤ ᠲᠡᠭᠡᠭᠡᠪᠦᠷᠢᠯᠡᠨ ᠢᠷᠡᠵᠦ ᠨᠤᠷᠬᠠᠴᠢ ᠳᠤ ᠪᠡᠯᠡᠭᠯᠡᠪᠡ᠃ ᠮᠢᠩᠭᠠᠨ ᠢ ᠬᠤᠳᠡ ᠳᠠᠭᠠᠨ ᠠᠪᠴᠦ ᠤᠷᠤᠭᠰᠠᠨ ᠤ ᠲᠠᠷᠠᠭ᠎ᠠ᠂ ᠨᠤᠷᠬᠠᠴᠢ ᠡᠳᠦᠷ ᠪᠦᠷᠢ   ᠶᠡᠭᠡ ᠪᠠᠭ᠎ᠠ ᠬᠤᠷᠢᠮ ᠲᠠᠯᠪᠢᠨ ᠵᠤᠴᠢᠯᠡᠵᠦ᠂ ᠨᠢᠬᠡ ᠰᠡᠷ᠎ᠡ ᠰᠠᠭᠤᠯᠭᠠᠪᠠ᠃ ᠮᠢᠩᠭᠠᠨ ᠢ ᠪᠤᠴᠠᠬᠤ ᠦᠶᠡᠰ᠂ ᠨᠤᠷᠬᠠᠴᠢ ᠭᠤᠴᠢᠨ ᠭᠠᠵᠠᠷ ᠬᠤᠯᠡ ᠭᠠᠷᠳᠡᠯ᠎ᠡ ᠮᠤᠷᠳᠠᠭᠤᠯᠤᠨ᠂ ᠲᠦᠴᠢᠨ ᠡᠷᠦᠬᠡ ᠠᠯᠪᠠᠳᠦ᠂ ᠲᠦᠴᠢᠨ ᠬᠤᠤᠰ ᠬᠤᠶᠠᠭ ᠪᠤᠯᠤᠨ ᠶᠡᠭᠡ ᠤᠯᠠᠨ ᠲᠤᠷᠭ᠎ᠠ ᠲᠤᠷᠳᠤᠩ ᠵᠡᠷᠭᠡ ᠡᠳ᠋ ᠪᠤᠳᠡᠰ ᠪᠡᠯᠡᠭᠯᠡᠪᠡ᠃ ᠮᠢᠩᠭᠠᠨ ᠪᠤᠴᠠᠭᠠᠳ ᠲᠡᠮᠡᠢ ᠤᠳᠠᠭᠰᠠᠨ ᠦᠭᠡᠢ ᠨᠠᠰᠤ ᠪᠠᠷᠠᠪᠠ᠃     ᠮᠢᠩᠭᠠᠨ ᠤ ᠶᠡᠭᠡ ᠬᠦᠪᠡᠬᠦᠨ ᠳ᠋ᠦᠩᠭᠦᠷ ᠢᠯᠳᠦᠴᠢ ᠴᠡᠷᠢᠭ ᠤᠨ ᠭᠠᠪᠢᠶ᠎ᠠ ᠪᠠᠶᠢᠭᠤᠯᠤᠭᠠᠳ ᠴᠢᠩ ᠤᠯᠤᠰ ᠤᠨ ᠲᠠᠶᠢᠽᠦ᠋ᠩ ᠤᠨ ᠡᠬᠢᠨ ᠤ ᠤᠨ ︵1636 ᠤᠨ︶ ᠳᠤ ᠲᠦᠷᠦ ᠳᠤ ᠲᠦᠰᠢᠶ᠎ᠡ ᠬᠦᠩ ᠡᠷᠬᠦᠮᠵᠢᠯᠡᠭᠳᠡᠵᠦ᠂ ᠲᠡᠬᠦᠨ  ᠤ ᠠᠪᠠᠭ᠎ᠠ ᠬᠤᠩᠭᠤᠷ ︵ᠪᠢᠩᠳᠦ ᠵᠢᠶᠦ᠋ᠨ ᠸᠠᠩ︶ ᠲᠠᠢ ᠪᠠᠨ ᠨᠢᠬᠡ ᠬᠤᠰᠢᠭᠤᠨ ᠳᠤ ᠨᠤᠳᠤᠭᠯᠠᠨ᠂ 1643 ᠤᠨ  ᠳᠤ ᠨᠠᠰᠤ ᠪᠠᠷᠠᠪᠠ᠃ 1648 ᠤᠨ ᠳᠤ ᠲᠦᠷᠦ ᠶᠢᠨ ᠪᠡᠶᠢᠯᠡ ᠪᠠᠷ ᠨᠡᠬᠡᠮᠵᠢᠯᠡᠨ ᠡᠷᠬᠦᠮᠵᠢᠯᠡᠭᠳᠡᠵᠦ᠂ ᠲᠡᠬᠦᠨ ᠤ ᠬᠦᠪᠡᠬᠦᠨ ᠵᠠᠩᠭᠢᠯᠦᠨ ᠢ ᠦᠶ᠎ᠡ  ᠵᠠᠯᠭᠠᠮᠵᠢᠯᠠᠭᠤᠯᠪᠠ᠃ ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ ᠲᠤᠯᠤᠳᠤᠭᠠᠷ ᠤᠨ ︵1650 ᠤᠨ ︶ ᠳᠤ᠂ ᠴᠢᠩ ᠤᠨ ᠲᠦᠷᠦ ᠮᠢᠩᠭᠠᠨ ᠤ ᠭᠠᠪᠢᠶ᠎ᠠ ᠶᠢ ᠲᠤᠷᠠᠰᠴᠦ᠂ ᠲᠡᠬᠦᠨ ᠤ ᠤᠮᠪᠤᠯᠤ ᠲᠦᠷᠦ ᠶᠢᠨ ᠪᠡᠶᠢᠯᠡ ᠵᠠᠩᠭᠢᠯᠦᠨ ᠢ ᠲᠦᠷᠦ ᠶᠢᠨ ᠵᠢᠶᠦ᠋ᠨ ᠸᠠᠩ ᠡᠷᠬᠦᠮᠵᠢᠯᠡᠨ᠂ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠦ ᠬᠤᠰᠢᠭᠤᠨ ᠤ ᠬᠤᠰᠢᠭᠤ ᠵᠠᠰᠠᠭ ᠪᠤᠯᠭᠠᠵᠦ᠂ ᠦᠶ᠎ᠡ ᠵᠠᠯᠭᠠᠮᠵᠢᠯᠠᠬᠤ ᠪᠠᠷ ᠵᠠᠷᠯᠢᠭ ᠪᠠᠭᠤᠯᠭᠠᠪᠠ᠃     ᠮᠢᠩᠭᠠᠨ ᠠᠷᠪᠠᠨ ᠭᠤᠷᠪᠡᠨ ᠬᠦᠪᠡᠬᠦᠨ ᠲᠠᠢ᠂ ᠲᠡᠬᠦᠨ ᠤ ᠲᠤᠳᠤᠷ᠎ᠡ ᠭᠤᠷᠪᠡᠨ ᠬᠦᠪᠡᠬᠦᠨ ᠨᠢ ᠬᠦᠪᠡᠬᠦᠨ ᠦᠭᠡᠢ᠂ ᠪᠤᠰᠤᠳ ᠠᠷᠪᠠᠨ ᠬᠦᠪᠡᠬᠦᠨ ᠨᠢ ᠨᠠᠢᠮᠠᠨ ᠨᠤᠳᠤᠭ ᠪᠤᠯᠤᠨ ᠬᠤᠶᠠᠷ ᠠᠶᠢᠮᠠᠭ ᠢ ᠬᠤᠪᠢᠶᠠᠨ ᠵᠠᠬᠢᠷᠴᠦ᠂ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠦ ᠬᠤᠰᠢᠭᠤᠨ ᠤ ᠡᠯ᠎ᠡ ᠭᠠᠵᠠᠷ ᠢᠶᠠᠷ ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠵᠦ ᠪᠠᠶᠢᠪᠠ᠃          ᠢᠷᠡᠯᠳᠡ —  ︽ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠦ ᠬᠤᠰᠢᠭᠤᠨ ᠤ ᠤᠶᠢᠯᠠᠯᠭ᠎ᠠ︾
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2 ᠬᠥᠮᠦᠨ ᠤᠯᠤᠰ ᠤᠨ ᠲᠠᠰ ᠤᠨ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠤᠨ ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠶ ᠁
ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠦᠪᠡᠷᠳᠡᠭᠡᠨ ᠵᠠᠰᠬᠠᠤ ᠤᠷᠤᠨ ᠤ ᠲᠡᠰ ᠤᠨ ︽ᠪᠣᠳᠠᠰ ᠤᠨ ᠁
ᠬᠤᠷᠴᠢᠨ ᠵᠡᠬᠦᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠬᠤᠰᠢᠭᠤᠨ ᠲᠡᠰ ᠤᠨ ︽ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ︾᠁
ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠬᠤᠰᠢᠭᠤᠨ ᠲᠡᠰ ᠤᠨ ︽ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠁
ᠬᠠᠭᠤᠴᠢᠳ ᠤᠨ ᠣᠨᠢᠰᠤᠭ᠎ᠠ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号