| ᠨᠠᠮᠤᠷ ᠭᠡᠵᠤ ᠁ | | | —— ᠵᠠ᠊᠂ ᠷᠢᠨᠴᠢᠨ | | | ᠨᠠᠮᠤᠷ ᠭᠡᠵᠤ | ᠦᠩᠭᠡ ᠨᠢ ᠤᠩᠭᠤᠭᠰᠠᠨ ᠲᠠᠰᠢᠨᠵᠠ ᠶᠢᠨ ᠰᠡᠮᠡᠷᠭᠡᠢ ᠬᠤᠷᠮᠤᠢ ᠶᠤᠮ | ᠬᠤᠨᠢᠶᠠᠰᠤᠨ ᠳᠤ ᠨᠢ ᠡᠬᠦᠷᠯᠡᠭᠰᠡᠨ ᠬᠤᠩᠭᠤᠷ ᠰᠠᠯᠬᠢᠨ ᠤ ᠤᠷᠤᠭᠤᠯ ᠤᠨ ᠤᠷᠤᠮ ᠶᠤᠮ | ᠨᠠᠮᠤᠷ ᠭᠡᠵᠤ | ᠢᠳᠡᠭᠡᠰᠢᠭᠰᠡᠨ ᠰᠦ ᠲᠠᠢ ᠴᠠᠢ ᠶᠢᠨ ᠬᠠᠩ ᠲᠠᠳᠠᠭᠰᠠᠨ ᠦᠨᠦᠷ ᠶᠤᠮ | ᠴᠠᠢ ᠰᠦᠯᠡᠬᠦ ᠲᠠᠩᠬᠢᠯ ᠪᠦᠰᠡᠬᠦᠢ ᠶᠢᠨ ᠨᠢᠭᠤᠷ ᠲᠤ ᠤᠶᠢᠭᠰᠠᠨ ᠪᠠᠭ᠋ᠠᠳᠤᠯ ᠤᠨ ᠭᠡᠭᠡ ᠶᠤᠮ | | ᠨᠠᠮᠤᠷ ᠭᠡᠵᠤ | ᠬᠠᠭ ᠤᠨ ᠨᠠᠭᠤᠷ ᠲᠤ ᠤᠩᠬᠤᠯᠢᠭᠰᠠᠨ ᠦᠳᠡᠰᠢ ᠶᠢᠨ ᠲᠤᠯᠤᠩ ᠶᠤᠮ | ᠨᠠᠮ ᠬᠦᠮ ᠨᠤᠶᠠᠯᠠᠭᠰᠠᠨ ᠪᠦᠳᠦᠨ ᠭᠡᠭᠡᠷᠡ ᠶᠢᠨ ᠠᠮᠢᠰᠬᠤᠭᠠ ᠶᠤᠮ | ᠨᠠᠮᠤᠷ ᠭᠡᠵᠤ | ᠭᠠᠷᠪᠤ ᠶᠡᠭᠡ ᠠᠪᠠᠭᠠ ᠶᠢᠨ ᠪᠠᠭᠠᠬᠢᠭᠤᠯᠬᠤ ᠨᠠᠪᠴᠢᠨ ᠲᠠᠮᠠᠬᠢ ᠶᠢᠨ ᠡᠭᠡᠬᠦᠨ ᠤᠳᠤᠭᠠ ᠶᠤᠮ | ᠰᠢᠷ ᠰᠢᠷ ᠤᠩᠭᠤᠰᠬᠤ ᠤᠯᠠᠰ ᠤᠯᠠᠰ ᠪᠤᠳᠤᠯᠭᠠᠰᠢᠷᠠᠯ ᠶᠤᠮ | | ᠨᠠᠮᠤᠷ ᠭᠡᠵᠤ | ᠪᠠᠩᠵᠠᠯ ᠢᠶᠠᠨ ᠲᠠᠶᠢᠯᠵᠤ ᠦᠯᠦ ᠲᠦᠪᠳᠡᠬᠦ ᠭᠡᠦᠭᠡᠨᠴᠦᠳ ᠤᠨ ᠡᠷᠭᠡᠯᠡᠬᠦᠢ ᠤᠯᠠᠷᠢᠯ ᠶᠤᠮ | ᠪᠠᠳᠠᠷᠠᠩᠭᠤᠢ ᠵᠤᠨ ᠳᠤ ᠬᠤᠷᠭᠤᠳᠠᠬᠤ ᠨᠢᠭᠤᠴᠠ ᠰᠡᠳᠬᠢᠯ ᠤᠨ ᠬᠢᠨᠢ ᠤᠨᠢᠰᠤᠭᠠ ᠶᠤᠮ | ᠨᠠᠮᠤᠷ ᠭᠡᠵᠤ | ᠮᠤᠷᠢᠳ ᠤᠨ ᠬᠦᠯᠦᠰᠦ ᠦᠨᠦᠷᠳᠦᠭᠰᠡᠨ ᠤᠶᠠᠭᠠᠨ ᠤ ᠵᠦᠭᠡᠯᠡᠨ ᠰᠢᠷᠤᠢ ᠶᠤᠮ | ᠵᠠᠮ ᠤᠨ ᠲᠤᠭᠤᠰᠤᠨ ᠳᠤ ᠬᠦᠪᠦᠭᠰᠡᠨ ᠰᠢᠷᠠ ᠪᠦᠷᠦᠢ ᠶᠤᠮ | | | ᠨᠠᠮᠤᠷ ᠭᠡᠵᠤ | ᠪᠤᠭᠤᠨᠢ ᠵᠢᠯᠤᠭᠤ ᠲᠡᠭᠡᠷᠡ ᠬᠤᠷᠠᠮᠳᠤᠭᠰᠠᠨ ᠴᠠᠭ ᠬᠤᠭᠤᠴᠠᠭᠠᠨ ᠤ ᠭᠡᠮᠨᠡᠯ ᠶᠤᠮ | ᠴᠢᠮᠦᠭᠡ ᠨᠢ ᠲᠦᠬᠦᠷᠡᠩ ᠠᠷᠪᠠᠢ ᠭᠡᠭᠡᠷᠡ ᠶᠢᠨ ᠰᠢᠨᠡᠳ ᠤᠨ ᠰᠠᠷᠠᠨ ᠶᠤᠮ | ᠨᠠᠮᠤᠷ ᠭᠡᠵᠤ | ᠡᠯᠪᠡᠭ ᠬᠤᠷᠢᠶᠠᠯᠳᠠ ᠵᠦᠭ ᠰᠤᠩᠭᠠᠭᠰᠠᠨ ᠮᠢᠩᠭᠠᠨ ᠬᠤᠤᠰ ᠭᠠᠷ ᠶᠤᠮ | ᠡᠷᠬᠢᠵᠦ ᠲᠤᠭᠤᠷᠢᠭᠰᠠᠭᠠᠷ ᠲᠡᠩᠴᠡᠬᠦᠷᠢ ᠪᠠᠨ ᠤᠯᠤᠭᠰᠠᠨ ᠬᠦᠨᠳᠦᠴᠡ ᠶᠤᠮ | | ᠨᠠᠮᠤᠷ ᠭᠡᠵᠤ | ᠪᠢᠴᠢᠭᠡ ᠦᠭᠡᠢ ᠮᠠᠰᠢ ᠤᠯᠠᠨ ᠰᠢᠯᠦᠭ ᠶᠤᠮ | ᠪᠢᠴᠢᠭᠡᠳ ᠬᠤᠷᠢᠶᠠᠵᠤ ᠪᠠᠶᠢᠭᠠ ᠮᠠᠰᠢ ᠤᠯᠠᠨ ᠰᠢᠯᠦᠭ ᠶᠤᠮ | ᠨᠠᠮᠤᠷ ᠭᠡᠵᠤ ᠁ | | | | 2024.9.18 | |