| | ᠬᠤᠷᠰᠢᠭᠰᠠᠨ ᠡᠮᠨᠡᠯᠭᠡ ᠳᠤ ᠪᠠᠨ ᠤᠷᠤᠯᠴᠠᠶᠠ | | — — ᠦᠯᠵᠡᠶᠢᠸ᠋ᠴᠢᠷ | ᠬᠤᠭᠤᠷ ᠴᠤᠭᠤᠷ ᠢᠶᠠᠨ ᠬᠦᠭᠯᠡᠶᠡ | ᠬᠤᠯᠪᠤᠭᠠ ᠰᠢᠯᠦᠭ ᠢᠶᠠᠨ ᠡᠭᠦᠰᠭᠡᠶᠡ | ᠬᠤᠷᠰᠢᠭᠰᠠᠨ ᠡᠮᠨᠡᠯᠭᠡ ᠶᠢᠨ ᠠᠴᠢ ᠲᠣᠰᠠ ᠶᠢ | ᠬᠤᠲᠠᠯᠠ ᠲᠦᠮᠡᠨ ᠳᠤ ᠪᠠᠨ ᠮᠡᠳᠡᠭᠦᠯᠦᠶᠡ | ᠠᠷᠠᠯᠲᠤ ᠬᠤᠭᠤᠷ ᠢ ᠪᠠᠨ ᠬᠦᠭᠯᠡᠬᠦᠶᠡ | ᠠᠶᠠᠯᠭᠤ ᠳᠠᠭᠤ ᠨᠢ ᠰᠤᠨᠤᠰᠬᠠᠯᠲᠠᠢ | ᠠᠷᠠᠳ ᠤᠨ ᠬᠤᠷᠰᠢᠭᠰᠠᠨ ᠡᠮᠨᠡᠯᠭᠡ ᠨᠢ | ᠠᠷᠠᠳ ᠪᠢᠳᠡᠨ ᠳᠤ ᠪᠠᠨ ᠬᠦᠷᠢᠶᠡᠯᠡᠯᠲᠡᠢ | ᠲᠠᠪᠤᠨ ᠲᠠᠷᠢᠶᠠᠨ ᠤ ᠦᠷᠡ ᠶᠢ ᠢᠳᠡᠭᠰᠡᠳ | ᠲᠠᠬᠤᠤᠯ ᠡᠪᠡᠳᠴᠢᠨ ᠬᠦᠷᠬᠦ ᠦᠭᠡᠢ ᠭᠡᠵᠦ ᠦᠭᠡᠢ ᠶᠤᠮ | ᠲᠠᠬᠤᠤᠯ ᠡᠪᠡᠳᠴᠢᠨ ᠬᠦᠷᠦᠭᠰᠡᠨ ᠤ ᠰᠡᠭᠦᠯᠡᠷ | ᠲᠤᠯᠤᠭᠳᠠᠵᠤ ᠵᠤᠪᠠᠭ᠋ᠤ ᠨᠢ ᠠᠮᠠᠷ ᠦᠭᠡᠢ ᠰᠢᠤ | ᠬᠤᠷᠰᠢᠭᠰᠠᠨ ᠡᠮᠨᠡᠯᠭᠡ ᠳᠤ ᠪᠠᠨ ᠤᠷᠤᠯᠴᠠᠪᠠᠯ ᠳ᠋ᠠ | ᠬᠠᠭᠤᠴᠢᠨ ᠠᠷᠬᠠᠭ ᠢᠶᠠᠨ ᠵᠠᠰᠠᠭᠤᠯᠤᠨᠠ ᠰᠢᠤ | ᠬᠠᠭᠤᠴᠢᠨ ᠠᠷᠬᠠᠭ ᠠᠴᠠ ᠪᠠᠨ ᠰᠠᠯᠤᠭᠠᠳ | ᠬᠠᠨᠤᠮᠵᠢᠲᠠᠢ ᠰᠠᠶᠢᠬᠠᠨ ᠠᠮᠢᠳᠤᠷᠠᠨᠠ ᠰᠢᠤ | ᠬᠤᠷᠰᠢᠭᠰᠠᠨ ᠡᠮᠨᠡᠯᠭᠡ ᠳᠤ ᠪᠠᠨ ᠤᠷᠤᠯᠴᠠᠪᠠᠯ ᠳ᠋ᠠ | ᠬᠦᠭᠰᠢᠨ ᠵᠠᠯᠠᠭᠤ ᠦᠭᠡᠢ ᠠᠴᠢ ᠬᠦᠷᠲᠡᠬᠦ ᠶᠤᠮ | ᠬᠦᠮᠦᠰᠭᠡ ᠰᠢᠲᠠᠮᠠ ᠵᠠᠩᠭᠢᠯᠠᠭᠠ ᠶᠢᠨ ᠦᠶᠡ ᠳᠤ | ᠬᠠᠷᠮᠠᠨ ᠠᠴᠠ ᠪᠠᠨ ᠠᠪᠬᠤ ᠰᠢᠭ᠋ ᠪᠡᠯᠡᠬᠡᠨ ᠶᠤᠮ | ᠨᠠᠶᠠ ᠬᠦᠷᠦᠭᠰᠡᠨ ᠨᠠᠰᠤᠲᠠᠨ ᠨᠢ ᠭᠡᠳ | ᠨᠠᠭᠤᠢ ᠬᠠᠷᠠᠭᠠᠯᠵᠠᠯᠠᠯ ᠬᠦᠷᠲᠡᠬᠦ ᠶᠤᠮ | ᠨᠢᠯᠬᠠ ᠪᠠᠭᠠ ᠬᠡᠤᠬᠡᠳ ᠤᠳ ᠢ ᠪᠠᠨ | ᠨᠡᠩ ᠢᠯᠡᠭᠦᠦ ᠬᠠᠯᠠᠮᠵᠢᠯᠠᠬᠤ ᠶᠤᠮ | ᠬᠤᠷᠳᠤᠨ ᠲᠦᠷᠭᠡᠨ ᠬᠦᠳᠡᠯᠵᠡᠭᠡᠶᠡ | ᠬᠤᠷᠰᠢᠭᠰᠠᠨ ᠡᠮᠨᠡᠯᠭᠡ ᠳᠤ ᠪᠠᠨ ᠤᠷᠤᠯᠴᠠᠵᠠᠭᠠᠶᠠ | ᠬᠤᠶᠠᠷ ᠰᠠᠷᠠ ᠶᠢᠨ ᠬᠤᠷᠢ ᠶᠢᠰᠦᠨ ᠠᠴᠠ ᠡᠮᠦᠨᠡ | ᠬᠤᠶᠢᠰᠢᠯᠠᠯ ᠦᠭᠡᠢ ᠲᠤᠰᠢᠶᠠᠵᠠᠭᠠᠶᠠ | ᠬᠦᠮᠦᠨ ᠪᠦᠷᠢ ᠳᠦᠷᠪᠡᠨ ᠵᠠᠭᠤ | ᠬᠡᠲᠦᠷᠡᠭᠰᠡᠨ ᠶᠡᠭᠡ ᠲᠤᠭᠠ ᠪᠢᠰᠢ | ᠬᠦᠨᠳᠦ ᠡᠪᠡᠳᠴᠢᠯᠡᠭᠰᠡᠨ ᠤ ᠰᠡᠭᠦᠯᠡᠷ | ᠬᠡᠨ ᠠᠯᠢ ᠨᠢ ᠴᠤ ᠪᠠᠲᠤᠯᠠᠭᠠ ᠲᠠᠢ ᠰᠢᠤ | ᠨᠢᠭᠡᠳᠦᠭᠡᠷ ᠰᠠᠷᠠ ᠶᠢᠨ ᠨᠢᠭᠡᠨ ᠠᠴᠠ | ᠨᠡᠶᠢᠳᠡᠮ ᠬᠠᠷᠠᠭᠠᠯᠵᠠᠯᠠᠯ ᠬᠦᠷᠲᠡᠬᠦ ᠶᠤᠮ | ᠨᠢᠭᠡ ᠪᠦᠳᠦᠨ ᠵᠢᠯ ᠢᠶᠠᠷ ᠢᠶᠠᠨ | ᠨᠠᠨᠳᠢᠨ ᠳᠡᠮᠵᠢᠯᠭᠡ ᠶᠢ ᠨᠢ ᠣᠯᠬᠤ ᠶᠤᠮ | ᠡᠨᠡ ᠵᠢᠯ ᠠᠴᠠ ᠡᠬᠢᠯᠡᠭᠡᠳ ᠬᠦᠢ | ᠡᠭᠦᠳᠡᠨ ᠡᠮᠨᠡᠯᠭᠡ ᠴᠤ ᠬᠠᠷᠠᠭᠠᠯᠵᠠᠯᠠᠯ ᠲᠠᠢ | ᠡᠮᠨᠡᠯᠭᠡ ᠳᠤ ᠰᠠᠭᠤᠬᠤ ᠦᠭᠡᠢ ᠪᠤᠯᠪᠠᠴᠤ | ᠡᠭᠡᠭᠡ ᠠᠳᠠᠯᠢ ᠬᠠᠷᠠᠭᠠᠯᠵᠠᠯᠠᠯ ᠬᠦᠷᠲᠡᠨᠡ ᠰᠢᠤ | ᠦᠷᠬᠦᠯᠵᠢᠯᠡᠨ ᠭᠤᠷᠪᠠᠨ ᠵᠢᠯ ᠤᠷᠤᠯᠴᠠᠭᠰᠠᠳ ᠤᠨ | ᠡᠮᠨᠡᠯᠭᠡ ᠶᠢᠨ ᠬᠠᠷᠠᠭᠠᠯᠵᠠᠯᠠᠯ ᠢ ᠨᠢ ᠨᠡᠮᠡᠭᠳᠡᠭᠦᠯᠬᠦ ᠶᠤᠮ | ᠦᠷᠬᠦᠯᠵᠢᠯᠡᠨ ᠲᠠᠪᠤᠨ ᠵᠢᠯ ᠪᠤᠯᠤᠭᠰᠠᠳ ᠤᠨ | ᠡᠮᠨᠡᠯᠭᠡ ᠶᠢᠨ ᠬᠠᠷᠠᠭᠠᠯᠵᠠᠯᠠᠯ ᠨᠢ ᠤᠯᠠᠮ ᠶᠡᠭᠡ ᠶᠤᠮ | ᠬᠤᠷᠰᠢᠭᠰᠠᠨ ᠡᠮᠨᠡᠯᠭᠡ ᠳᠤ ᠪᠠᠨ ᠤᠷᠤᠯᠴᠠᠬᠤ ᠴᠠᠭ | ᠰᠠᠷᠠ ᠶᠢᠨ ᠬᠤᠭᠤᠴᠠᠭᠠ ᠪᠠᠰᠠ ᠦᠭᠡᠢ ᠯᠠᠢ ᠰᠢᠤ | ᠬᠦᠮᠦᠨ ᠪᠦᠬᠦᠨ ᠬᠦᠳᠡᠯᠦᠯᠴᠡᠭᠡᠳ | ᠬᠤᠷᠳᠤᠨ ᠲᠦᠷᠭᠡᠨ ᠲᠤᠰᠢᠶᠠᠭᠠᠷᠠᠢ ᠳ᠋ᠠ | ᠠᠯᠪᠠᠨ ᠤ ᠬᠦᠮᠦᠰ ᠠᠴᠠ ᠠᠰᠲᠠᠭᠠᠨ ᠨᠢ ᠬᠦᠢ | ᠠᠯᠳᠠᠯ ᠦᠭᠡᠢ ᠲᠣᠰᠢᠶᠠᠬᠤ ᠶᠤᠮ ᠰᠢᠤ | ᠠᠮᠢ ᠪᠠᠨ ᠪᠢᠳᠡᠭᠡᠢ ᠬᠤᠤᠳᠤᠭᠤᠯ ᠳ᠋ᠠ | ᠠᠰᠢᠭ ᠢ ᠨᠢ ᠦᠨᠡᠬᠡᠷ ᠬᠦᠷᠲᠡᠨᠡ ᠰᠢᠤ | ᠡᠳᠦᠷ ᠡᠳᠦᠷ ᠦᠩᠭᠡᠷᠡᠵᠦ ᠯᠠ ᠪᠠᠶᠢᠨᠠ | ᠦᠲᠡᠯᠦᠭᠡ ᠵᠠᠯᠠᠭᠤ ᠦᠭᠡᠢ ᠪᠤᠳᠤᠵᠤ ᠦᠵᠡᠭᠡᠷᠡᠢ | ᠡᠳᠦᠷ ᠴᠠᠭ ᠨᠢ ᠦᠩᠭᠡᠷᠡᠪᠡᠯ ᠳ᠋ᠠ | ᠡᠷᠭᠢᠭᠡᠳ ᠲᠣᠰᠢᠶᠠᠬᠤ ᠳᠤ ᠬᠦᠴᠢᠷ ᠪᠣᠯᠣᠨᠠ ᠰᠢᠤ | ᠲᠦᠷᠪᠡᠨ ᠵᠠᠭᠤᠨ ᠵᠤᠭᠤᠰ ᠢᠶᠠᠨ ᠠᠷᠪᠢᠨ ᠭᠡᠵᠦ | ᠲᠡᠭᠡᠵᠦ ᠪᠢᠲᠡᠭᠡᠢ ᠪᠤᠳᠤᠭᠠᠷᠠᠢ | ᠲᠦᠷᠦᠭᠰᠡᠨ ᠪᠡᠶᠡ ᠴᠢᠨᠢ ᠬᠠᠶᠢᠷᠠᠨ ᠰᠢᠤ | ᠲᠦᠪᠡᠭᠳᠡᠵᠦ ᠭᠠᠴᠢᠭᠳᠠᠪᠠᠯ ᠠᠮᠠᠷ ᠦᠭᠡᠢ ᠰᠢᠤ | ᠬᠤᠷᠰᠢᠭᠰᠠᠨ ᠡᠮᠨᠡᠯᠭᠡ ᠭᠡᠳᠡᠭ ᠴᠢᠨᠢ ᠬᠦᠢ | ᠬᠤᠲᠠᠯᠠ ᠲᠦᠮᠡᠨ ᠤ ᠪᠠᠨ ᠲᠦᠰᠢᠯᠭᠡ ᠶᠤᠮ | ᠡᠪᠡᠳᠴᠢᠨ ᠡᠮᠬᠡᠭ ᠲᠤ ᠨᠡᠷᠪᠡᠭᠰᠡᠳ ᠢ ᠪᠠᠨ | ᠡᠷᠭᠦᠭᠡᠳ ᠠᠪᠬᠤ ᠬᠦᠴᠦᠨ ᠲᠠᠢ ᠶᠤᠮ | ᠶᠠᠳᠠᠭᠤ ᠵᠦᠳᠡᠭᠦᠦ ᠠᠬᠠ ᠳᠡᠭᠦᠦ ᠮᠢᠨᠢ | ᠶᠠᠭᠠᠬᠢᠭᠰᠠᠨ ᠴᠤ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ ᠳ᠋ᠠ | ᠶᠠᠮᠠᠷ ᠬᠦᠴᠢᠷ ᠪᠠᠶᠢᠭᠰᠠᠨ ᠴᠤ | ᠶᠠᠪᠤᠳᠠᠯ ᠪᠣᠯᠭᠠᠵᠤ ᠬᠦᠨᠳᠦᠳᠭᠡᠬᠦ ᠶᠤᠮ ᠰᠢᠤ | ᠠᠶᠤᠯ ᠭᠠᠮᠰᠢᠭ ᠲᠠᠭᠠᠷᠠᠭᠰᠠᠳ | ᠠᠶᠤᠵᠤ ᠵᠤᠪᠠᠭ᠋ᠤ ᠤᠴᠢᠷ ᠦᠭᠡᠢ | ᠠᠷᠠᠳ ᠤᠨ ᠡᠮᠨᠡᠯᠭᠡ ᠶᠢᠨ ᠰᠠᠶᠢᠨ ᠢᠶᠠᠷ | ᠠᠮᠤᠷ ᠲᠦᠪᠰᠢᠨ ᠵᠢᠷᠭᠠᠬᠤ ᠶᠤᠮ | ᠡᠪᠡᠳᠴᠢᠨ ᠡᠮᠬᠡᠭ ᠬᠦᠷᠦᠭᠰᠡᠨ | ᠡᠭᠡᠯ ᠠᠷᠠᠳ ᠤᠨ ᠢᠶᠠᠨ ᠲᠦᠰᠢᠯᠭᠡ ᠶᠤᠮ | ᠡᠷᠡᠭᠦᠯ ᠲᠡᠩᠬᠡᠯᠡᠭᠦᠨ ᠪᠤᠯᠭᠠᠬᠤ | ᠡᠭᠦᠷᠢᠳᠡ ᠮᠠᠨ ᠤ ᠪᠠᠨ ᠪᠠᠲᠤᠯᠠᠭᠠ ᠶᠤᠮ | ᠡᠷᠡᠭᠦᠯ ᠰᠠᠷᠠᠭᠤᠯ ᠶᠠᠪᠤᠶᠠ ᠭᠡᠪᠡᠯ ᠬᠦᠢ | ᠬᠤᠷᠰᠢᠭᠰᠠᠨ ᠡᠮᠨᠡᠯᠭᠡ ᠳᠤ ᠪᠠᠨ ᠤᠷᠤᠯᠴᠠᠵᠠᠭᠠᠶᠠ | ᠡᠪᠡᠳᠴᠢᠨ ᠡᠮᠬᠡᠭ ᠠᠴᠠ ᠪᠠᠨ ᠰᠠᠯᠤᠭᠠᠳ | ᠡᠭᠦᠷᠢᠳᠡ ᠵᠢᠷᠭᠠᠯᠲᠠᠢ ᠠᠮᠢᠳᠤᠷᠠᠵᠠᠭᠠᠶᠠ | | | | | 2024ᠣᠨ ᠤ 2 ᠰᠠᠷᠠ ᠶᠢᠨ 6 ᠤ ᠡᠳᠦᠷ |