| ᠬᠤᠯᠪᠤᠭᠠ | | ᠨᠠᠶᠢᠷ ᠤᠨ ᠵᠤᠳ | | — — ᠦᠯᠵᠡᠶᠢᠸ᠋ᠴᠢᠷ | | | | ᠬᠤᠭᠤᠷ ᠴᠤᠭᠤᠷ ᠢᠶᠠᠨ ᠴᠢᠳᠠᠬᠤ ᠦᠭᠡᠢ ᠪᠣᠯᠪᠠᠴᠤ ᠳ᠋ᠡ | ᠬᠤᠯᠪᠤᠭᠠ ᠨᠢᠭᠡ ᠶᠢ ᠪᠠᠨ ᠬᠡᠯᠡᠶᠡ ᠳ᠋ᠡ | ᠬᠤᠳᠠ ᠬᠦᠳᠡᠭᠡ ᠦᠭᠡᠢ ᠰᠠᠮᠠᠭᠤᠷᠠᠵᠤ ᠪᠠᠶᠢᠬᠤ | ᠬᠤᠷᠢᠮ ᠨᠠᠶᠢᠷ ᠠᠴᠠ ᠨᠢ ᠬᠤᠯᠪᠤᠶᠠ ᠳ᠋ᠠ | ᠴᠠᠰᠤ ᠰᠢᠭᠤᠷᠭᠠ ᠨᠢ ᠬᠡᠲᠦᠷᠡᠪᠡᠯ ᠳ᠋ᠠ | ᠴᠠᠭᠠᠨ ᠵᠤᠳ ᠨᠢ ᠪᠣᠯᠳᠠᠭ ᠪᠠ | ᠴᠠᠭᠠᠲᠠᠢ ᠨᠠᠭᠠᠲᠠᠢ ᠲᠠᠨᠢᠭᠳᠠᠬᠤ ᠦᠭᠡᠢ | ᠴᠠᠷᠢᠭᠤᠨ ᠶᠠᠷᠰᠢᠭ ᠪᠣᠯᠳᠠᠭ ᠪᠠ | ᠬᠤᠷᠠ ᠪᠣᠷᠤᠭᠠᠨ ᠨᠢ ᠪᠠᠭᠤᠬᠤ ᠦᠭᠡᠢ ᠪᠣᠯ | ᠬᠠᠷᠠ ᠵᠤᠳ ᠨᠢ ᠪᠣᠯᠳᠠᠭ ᠪᠠ | ᠬᠤᠨᠢ ᠮᠠᠯ ᠤᠨ ᠰᠦᠷᠦᠭ ᠨᠢ ᠳ᠋ᠠ | ᠬᠤᠬᠢᠷᠠᠵᠤ ᠰᠦᠢᠳᠦᠭᠡᠳ ᠪᠠᠷᠠᠳᠠᠭ ᠪᠠ | ᠪᠠᠶᠢᠭᠠᠯᠢ ᠶᠢᠨ ᠵᠤᠳ ᠠᠴᠠ ᠬᠡᠴᠡᠭᠦᠦ ᠨᠢ ᠳ᠋ᠠ | ᠪᠠᠶᠠᠷ ᠨᠠᠶᠢᠷ ᠤᠨ ᠵᠤᠳ ᠯᠠ ᠪᠠᠶᠢᠨᠠ | ᠪᠠᠳᠠᠭ ᠰᠢᠯᠦᠭ ᠲᠤ ᠪᠠᠨ ᠬᠤᠷᠢᠶᠠᠩᠭᠤᠶᠢᠯᠠᠭᠠᠳ | ᠪᠠᠷᠤᠭ ᠢ ᠨᠢ ᠲᠠᠨ ᠳᠤ ᠪᠠᠨ ᠬᠡᠯᠡᠵᠦ ᠦᠭᠭᠦᠶᠡ | ᠪᠠᠶᠠᠷ ᠨᠠᠶᠢᠷ ᠭᠡᠳᠡᠭ ᠴᠢᠨᠢ | ᠪᠠᠶᠠᠷ ᠪᠣᠯᠬᠤ ᠳᠤ ᠪᠠᠨ ᠲᠠᠭᠠᠷᠠᠬᠤ ᠶᠤᠮ | ᠪᠠᠭ᠋ᠠᠨ ᠠᠬᠠᠲᠠᠭᠠᠳ ᠤᠳᠣ ᠴᠢᠨᠢ | ᠵᠤᠳ ᠪᠣᠯᠣᠭᠠᠳ ᠵᠤᠪᠠᠭᠠᠵᠤ ᠪᠠᠶᠢᠨᠠ | ᠨᠠᠰᠤᠨ ᠪᠠᠶᠠᠷ ᠤᠨ ᠨᠠᠶᠢᠷ ᠨᠢ ᠳ᠋ᠠ | ᠡᠳᠦᠷ ᠡᠳᠦᠷ ᠦᠷᠬᠦᠯᠵᠢᠯᠡᠵᠦ ᠪᠠᠶᠢᠨᠠ | ᠨᠠᠭᠤᠢ ᠵᠠᠯᠠᠭᠤ ᠨᠢ ᠪᠣᠯᠪᠠᠴᠤ ᠳ᠋ᠠ | ᠨᠠᠶᠢᠷ ᠢᠶᠠᠨ ᠡᠷᠬᠢᠯᠡᠭᠡᠳ ᠪᠠᠶᠠᠷᠯᠠᠵᠤ ᠪᠠᠶᠢᠨᠠ | ᠭᠤᠴᠢᠨ ᠲᠤᠯᠤᠭᠠᠨ ᠤ ᠪᠠᠶᠠᠷ ᠯᠠ ᠭᠡᠳ | ᠭᠤᠷᠪᠠ ᠲᠠᠪᠤᠨ ᠰᠢᠷᠡᠭᠡ ᠪᠡᠯᠡᠳᠭᠡᠵᠦ ᠪᠠᠶᠢᠨᠠ | ᠭᠤᠸᠠ ᠵᠢᠮᠢᠰ ᠠᠷᠢᠬᠢ ᠨᠤᠭᠤᠭᠠ | ᠭᠤᠶᠤ ᠰᠠᠶᠢᠬᠠᠨ ᠵᠠᠰᠠᠵᠤ ᠪᠠᠶᠢᠨᠠ | ᠳᠦᠴᠢ ᠶᠢᠰᠦᠨ ᠤ ᠪᠠᠶᠠᠷ ᠯᠠ ᠭᠡᠳ | ᠳᠦᠷᠪᠡ ᠲᠠᠪᠤᠨ ᠰᠢᠷᠡᠭᠡ ᠪᠠᠵᠠᠭᠠᠵᠤ ᠪᠠᠶᠢᠨᠠ | ᠲᠡᠭᠦᠨ ᠠᠴᠠ ᠳᠤᠤᠷᠠᠳᠠᠬᠤ ᠤᠴᠢᠷ ᠦᠭᠡᠢ ᠭᠡᠳ | ᠲᠦᠭᠦᠰᠢ ᠪᠠᠨ ᠵᠠᠭᠤᠭᠠᠳ ᠶᠠᠷᠢᠵᠤ ᠯᠠ ᠪᠠᠶᠢᠨᠠ | ᠵᠢᠷᠠᠨ ᠨᠢᠭᠡᠨ ᠤ ᠪᠠᠶᠠᠷ ᠯᠠ ᠭᠡᠳ | ᠵᠠᠬᠠ ᠠᠴᠠ ᠨᠢ ᠠᠪᠤᠭᠠᠳ ᠵᠠᠯᠠᠵᠤ ᠯᠠ ᠪᠠᠶᠢᠨᠠ | ᠵᠤᠭᠤᠰ ᠮᠦᠩᠭᠦ ᠨᠢ ᠭᠦᠢᠴᠡᠯᠳᠦᠬᠦ ᠦᠭᠡᠢ ᠴᠤ | ᠵᠢᠭᠡᠯᠡᠵᠦ ᠪᠠᠶᠢᠭᠠᠳ ᠡᠷᠬᠢᠯᠡᠵᠦ ᠪᠠᠶᠢᠨᠠ | ᠳᠠᠯᠠᠨ ᠭᠤᠷᠪᠠᠨ ᠤ ᠪᠠᠶᠠᠷ ᠯᠠ ᠭᠡᠳ | ᠳᠠᠪᠠᠭᠤ ᠬᠦᠭᠵᠢᠶᠡᠨᠲᠡᠢ ᠲᠣᠬᠢᠷᠠᠭᠤᠯᠵᠤ ᠪᠠᠶᠢᠨᠠ | ᠲᠡᠭᠦᠨ ᠠᠴᠠ ᠶᠠᠭᠠᠬᠢᠪᠠᠴᠤ ᠳᠠᠪᠠᠭᠤᠯᠤᠨᠠ ᠭᠡᠳ | ᠲᠠᠭᠠ ᠦᠭᠡᠢ ᠨᠢᠭᠡ ᠲᠠᠢ ᠪᠠᠨ ᠠᠲᠠᠭᠠᠷᠬᠠᠵᠤ ᠪᠠᠶᠢᠨᠠ | ᠨᠠᠶᠠᠨ ᠲᠠᠪᠤᠨ ᠤ ᠪᠠᠶᠠᠷ ᠯᠠ ᠭᠡᠳ | ᠨᠡᠷᠭᠢᠶᠡᠨ ᠶᠡᠬᠡᠲᠡᠢ ᠡᠷᠬᠢᠯᠡᠵᠦ ᠪᠠᠶᠢᠨᠠ | ᠨᠠᠭᠠᠳᠤᠮ ᠤᠷᠤᠯᠳᠤᠭᠠᠨ ᠲᠠᠢ ᠤᠶᠠᠯᠳᠤᠭᠤᠯᠤᠭᠠᠳ | ᠨᠠᠶᠢᠷ ᠢ ᠤᠷᠭᠢᠯ ᠳᠤ ᠬᠦᠷᠭᠡᠵᠦ ᠪᠠᠶᠢᠨᠠ | ᠦᠨᠳᠦᠷ ᠨᠠᠰᠤᠨ ᠤ ᠪᠠᠶᠠᠷ ᠯᠠ ᠭᠡᠳ | ᠦᠯᠡᠮᠵᠢ ᠪᠠᠶᠠᠷ ᠪᠣᠯᠭᠠᠵᠤ ᠪᠠᠶᠢᠨᠠ | ᠡᠷᠦᠬᠡ ᠪᠣᠯᠭᠠᠨ ᠢ ᠵᠠᠯᠠᠭᠠᠳ ᠬᠦᠢ | ᠦᠨᠡᠬᠡᠷ ᠨᠠᠶᠢᠷᠯᠠᠯᠳᠤᠨ ᠪᠠᠶᠠᠰᠤᠯᠴᠠᠵᠤ ᠪᠠᠶᠢᠨᠠ | ᠦᠭᠭᠦᠭᠰᠡᠨ ᠵᠤᠭᠤᠰ ᠢᠶᠠᠨ ᠡᠷᠭᠢᠭᠦᠯᠦᠶᠡ ᠭᠡᠳ | ᠡᠯᠳᠡᠪ ᠤᠨ ᠨᠠᠶᠢᠷ ᠪᠠᠰᠠ ᠡᠷᠬᠢᠯᠡᠵᠦ ᠪᠠᠶᠢᠨᠠ | ᠦᠨᠢᠶᠡ ᠨᠢ ᠢᠬᠡᠷᠯᠡᠭᠰᠡᠨ ᠪᠠᠶᠠᠷ ᠯᠠ ᠭᠡᠳ | ᠦᠯᠡᠳᠡᠭᠡᠯ ᠦᠭᠡᠢ ᠵᠠᠯᠠᠵᠤ ᠯᠠ ᠪᠠᠶᠢᠨᠠ | ᠮᠡᠭᠡᠵᠢ ᠨᠢ ᠠᠷᠪᠢᠨ ᠲᠤᠷᠤᠶᠢᠯᠠᠯᠠ ᠭᠡᠳ | ᠮᠡᠭᠡ ᠵᠢᠭᠲᠡᠢ ᠠᠭᠠᠰᠢᠯᠠᠵᠤ ᠪᠠᠶᠢᠨᠠ | ᠮᠦᠩᠭᠦ ᠵᠤᠭᠤᠰ ᠢ ᠨᠢ ᠬᠤᠷᠢᠶᠠᠨᠠ ᠭᠡᠳ | ᠮᠠᠶᠢᠮᠠᠢ ᠶᠢᠨ ᠲᠠᠷᠢᠬᠢ ᠬᠦᠳᠡᠯᠭᠡᠵᠦ ᠪᠠᠶᠢᠨᠠ | ᠰᠢᠷᠡᠭᠡ ᠳᠦᠭᠦᠷᠡᠩ ᠨᠤᠭᠤᠭᠠ ᠦᠷᠦᠭᠡᠳ | ᠱᠠᠯᠢᠨ ᠪᠦᠷᠢᠯᠭᠡᠬᠦ ᠬᠡᠴᠡᠭᠦᠳᠡᠵᠦ ᠪᠠᠶᠢᠨᠠ | ᠴᠢᠨᠡᠭᠡ ᠮᠡᠳᠡᠨ ᠠᠷᠢᠬᠢ ᠪᠠᠯᠭᠤᠭᠠᠳ | ᠱᠠᠯᠰᠢᠶᠠ ᠰᠤᠭᠲᠤᠭᠤ ᠤᠯᠠᠰᠢᠷᠠᠵᠤ ᠪᠠᠶᠢᠨᠠ | ᠵᠦᠳᠡᠵᠦ ᠣᠯᠤᠭᠰᠠᠨ ᠵᠤᠭᠤᠰ ᠢᠶᠠᠨ ᠳ᠋ᠡ | ᠵᠦᠪ ᠵᠦᠭᠡᠷ ᠦᠷᠦᠵᠦ ᠯᠠ ᠪᠠᠶᠢᠨᠠ | ᠬᠦᠳᠡᠯᠮᠦᠷᠢᠯᠡᠵᠦ ᠣᠯᠤᠭᠰᠠᠨ ᠮᠦᠩᠭᠦ ᠪᠠᠨ ᠬᠦᠢ | ᠬᠤᠭᠤᠯᠠᠨ ᠭᠡᠷ ᠲᠤ ᠪᠠᠨ ᠡᠷᠭᠦᠵᠦ ᠯᠠ ᠪᠠᠶᠢᠨᠠ | ᠵᠣᠴᠢᠨ ᠢᠶᠠᠨ ᠲᠡᠷᠭᠡ ᠪᠠᠷ ᠵᠦᠭᠡᠭᠡᠵᠦ ᠯᠠ ᠪᠠᠶᠢᠨᠠ | ᠵᠤᠭᠰᠤᠭᠠ ᠦᠭᠡᠢ ᠳᠠᠪᠬᠢᠵᠤ ᠯᠠ ᠪᠠᠶᠢᠨᠠ | ᠵᠤᠭᠤᠰ ᠢ ᠴᠠᠭᠠᠰᠤ ᠮᠡᠲᠦ ᠦᠵᠡᠭᠡᠳ ᠬᠦᠢ | ᠵᠠᠭᠤᠢ ᠪᠠᠶᠠᠨ ᠰᠢᠭ᠋ ᠠᠭᠠᠰᠢᠯᠠᠵᠤ ᠪᠠᠶᠢᠨᠠ | ᠡᠳᠦᠷ ᠲᠤ ᠬᠤᠶᠠᠷ ᠤᠳᠠᠭᠠ ᠨᠠᠶᠢᠷᠯᠠᠯᠳᠤᠨᠠ | ᠦᠩᠬᠦᠷᠢᠵᠦ ᠤᠨᠠᠲᠠᠯᠠ ᠰᠤᠭᠲᠤᠨᠠ ᠬᠦᠢ | ᠦᠬᠡᠷ ᠬᠤᠨᠢ ᠪᠠᠨ ᠬᠠᠮᠢᠶᠠᠷᠤᠯ ᠦᠭᠡᠢ | ᠦᠯᠢᠭᠡᠷᠲᠦ ᠳᠠᠭᠤᠤ ᠪᠠᠨ ᠬᠠᠩᠭᠢᠨᠠᠭᠤᠯᠤᠨᠠ | ᠨᠠᠶᠢᠷ ᠤᠨ ᠰᠢᠷᠡᠭᠡ ᠨᠢ ᠲᠠᠭᠤᠰᠲᠠᠯᠠ ᠬᠦᠢ | ᠨᠠᠭᠠᠳᠤᠮ ᠤᠨ ᠰᠢᠷᠡᠭᠡ ᠨᠢ ᠦᠷᠬᠦᠯᠵᠢᠯᠡᠵᠦ ᠪᠠᠶᠢᠨᠠ | ᠨᠠᠰᠤᠲᠠᠨ ᠵᠠᠯᠠᠭᠤ ᠦᠭᠡᠢ ᠶᠠᠭᠠᠷᠠᠯᠳᠤᠭᠠᠳ | ᠨᠠᠷᠭᠢᠶᠠᠨ ᠬᠦᠭᠵᠢᠶᠡᠨ ᠡᠭᠦᠰᠭᠡᠵᠦ ᠪᠠᠶᠢᠨᠠ | ᠠᠷᠪᠢᠨ ᠨᠠᠶᠢᠷ ᠲᠤ ᠵᠠᠯᠠᠭᠳᠠᠭᠰᠠᠭᠠᠷ ᠬᠦᠢ | ᠠᠮᠢᠨ ᠤ ᠪᠠᠨ ᠬᠢᠬᠦ ᠵᠠᠪ ᠦᠭᠡᠢ ᠯᠠᠢ ᠬᠦᠢ | ᠠᠷᠢᠬᠢᠨ ᠳᠤ ᠰᠤᠭᠲᠤᠵᠤ ᠶᠠᠪᠤᠭᠰᠠᠭᠠᠷ ᠬᠦᠢ | ᠠᠪᠠᠯᠢ ᠶᠢᠨ ᠡᠬᠡᠨᠡᠷ ᠢᠶᠠᠨ ᠠᠯᠳᠠᠴᠢᠬᠠᠵᠠᠢ | ᠠᠵᠢᠯ ᠠᠮᠢᠳᠤᠷᠠᠯ ᠢᠶᠠᠨ ᠬᠠᠶᠠᠴᠢᠬᠠᠭᠠᠳ ᠬᠦᠢ | ᠤᠳᠣ ᠶᠠᠭᠠᠬᠢᠵᠤ ᠴᠤ ᠠᠮᠢᠳᠤᠷᠠᠶᠠ ᠳ᠋ᠠ | ᠤᠨᠳᠤᠤ ᠬᠦᠮᠦᠨ ᠲᠠᠢ ᠰᠠᠭᠤᠴᠢᠬᠠᠭᠰᠠᠨ | ᠠᠮᠠᠷᠠᠭ ᠢᠶᠠᠨ ᠶᠠᠭᠠᠬᠢᠵᠤ ᠴᠤ ᠠᠪᠴᠢᠷᠠᠶᠠ ᠳ᠋ᠠ | ᠬᠤᠨᠢ ᠮᠠᠯ ᠨᠢ ᠤᠮᠳᠠ ᠲᠠᠰᠤᠷᠠᠭᠠᠳ | ᠬᠠᠲᠠᠵᠤ ᠦᠬᠦᠬᠦ ᠳᠤ ᠪᠠᠨ ᠣᠶᠢᠷᠠᠳᠴᠤ ᠪᠠᠶᠢᠨᠠ | ᠬᠠᠵᠠᠵᠤ ᠢᠳᠡᠬᠦ ᠶᠠᠭᠤᠮᠠ ᠤᠯᠬᠤ ᠦᠭᠡᠢ | ᠬᠠᠲᠠᠭᠠᠭᠰᠠᠨ ᠵᠢᠭᠠᠰᠤ ᠰᠢᠭ᠋ ᠳᠦᠷᠢᠯᠡᠵᠦ ᠪᠠᠶᠢᠨᠠ | ᠭᠠᠳᠠᠭᠰᠢ ᠪᠠᠨ ᠬᠠᠨᠳᠤᠭᠰᠠᠨ ᠡᠭᠦᠳᠡ ᠲᠠᠢ ᠰᠢᠤ | ᠭᠠᠷᠴᠤ ᠤᠷᠤᠬᠤ ᠨᠢ ᠲᠠᠭᠠᠷᠠᠨᠠ ᠭᠡᠳ | ᠭᠠᠳᠠᠨᠠ ᠪᠠᠨ ᠨᠢᠭᠤᠷ ᠲᠡᠮᠡᠴᠡᠵᠦ ᠪᠠᠶᠢᠨᠠ | ᠳᠤᠲᠤᠷᠠ ᠪᠠᠨ ᠠᠮᠢ ᠲᠡᠮᠡᠴᠡᠵᠦ ᠪᠠᠶᠢᠨᠠ | ᠪᠤᠷᠳᠤᠭᠠᠨ ᠤ ᠲᠦᠷᠦᠯ ᠨᠢ ᠠᠷᠪᠢᠳᠠᠭᠠᠳ ᠬᠦᠢ | ᠪᠣᠯᠣᠮᠠᠷ ᠢ ᠨᠢ ᠬᠡᠨ ᠴᠤ ᠮᠡᠳᠡᠬᠦ ᠦᠭᠡᠢ ᠯᠠᠢ ᠬᠦᠢ | ᠪᠤᠬᠠ ᠶᠢᠨ ᠦᠨᠡ ᠬᠠᠩᠰᠢ ᠨᠢ ᠪᠠᠭᠤᠷᠠᠭᠠᠳ | ᠪᠦᠬᠦᠯᠢ ᠪᠠᠷ ᠨᠢ ᠭᠡᠭᠡᠬᠦ ᠶᠢ ᠬᠦᠷᠬᠦ ᠦᠭᠡᠢ ᠯᠠᠢ ᠰᠢᠤ | ᠣᠯᠤᠭᠰᠠᠨ ᠪᠠᠭᠠ ᠰᠠᠭᠠ ᠵᠤᠭᠤᠰ ᠢᠶᠠᠨ ᠳ᠋ᠠ | ᠤᠷᠠᠯᠢᠭ ᠤᠨ ᠠᠩᠭᠢ ᠳᠤ ᠦᠭᠴᠦ ᠯᠠ ᠪᠠᠶᠢᠨᠠ | ᠤᠣᠭᠤᠵᠤ ᠢᠳᠡᠭᠰᠡᠨ ᠵᠤᠭᠤᠰ ᠯᠠ ᠭᠡᠳ | ᠤᠰᠣ ᠴᠠᠰᠤ ᠠᠳᠠᠯᠢ ᠵᠠᠷᠤᠵᠤ ᠯᠠ ᠪᠠᠶᠢᠨᠠ | ᠦᠢᠯᠡ ᠪᠠᠨ ᠦᠵᠡᠵᠦ ᠣᠯᠣᠭᠰᠠᠨ ᠮᠦᠩᠭᠦ ᠪᠠᠨ | ᠢᠳᠡᠵᠦ ᠤᠣᠭᠤᠬᠤ ᠳᠤ ᠪᠠᠨ ᠴᠢᠳᠬᠤᠵᠤ ᠯᠠ ᠪᠠᠶᠢᠨᠠ | ᠡᠷᠭᠢᠬᠦ ᠬᠠᠪᠤᠷ ᠤᠨ ᠵᠠᠷᠤᠳᠠᠯ ᠮᠦᠩᠭᠦ ᠪᠠᠨ | ᠢᠳᠡᠭᠡᠮᠵᠢ ᠶᠢᠨ ᠬᠤᠷᠰᠢᠶᠠ ᠠᠴᠠ ᠵᠢᠭᠡᠯᠡᠵᠦ ᠯᠠ ᠪᠠᠶᠢᠨᠠ | ᠪᠠᠶᠠᠷ ᠨᠠᠶᠢᠷ ᠨᠢ ᠣᠯᠠᠰᠢᠷᠠᠵᠤ ᠪᠠᠶᠢᠨᠠ | ᠪᠠᠶᠢᠳᠠᠭ ᠢᠶᠠᠨ ᠬᠦᠨᠳᠦᠷᠡᠭᠡᠳ ᠬᠤᠭᠤᠰᠤᠷᠠᠵᠤ ᠪᠠᠶᠢᠨᠠ | ᠪᠢ ᠴᠢᠨᠢ ᠪᠠᠰᠠ ᠪᠣᠯᠵᠤ ᠪᠠᠶᠢᠨᠠ ᠭᠡᠳ | ᠪᠠᠷᠳᠠᠮ ᠰᠠᠭᠰᠠᠭᠤ ᠠᠪᠤᠷᠢᠯᠠᠵᠤ ᠪᠠᠶᠢᠨᠠ | ᠠᠷᠢᠬᠢᠨ ᠰᠢᠷᠡᠭᠡᠨ ᠳᠤ ᠨᠢ ᠰᠠᠭᠤᠴᠢᠬᠠᠭᠠᠳ | ᠠᠮᠢ ᠪᠠᠷ ᠢᠶᠠᠨ ᠢᠳᠡᠬᠦ ᠨᠢ ᠭᠠᠶᠢᠭᠤᠢ ᠰᠢᠤ | ᠠᠯᠢ ᠪᠠᠶᠢᠭᠰᠠᠨ ᠢ ᠨᠢ ᠬᠠᠷᠠᠮᠠᠨᠯᠠᠭᠠᠳ ᠬᠦᠢ | ᠠᠶᠢᠯᠤᠤ ᠪᠣᠯᠵᠤ ᠪᠠᠶᠢᠨᠠ ᠮᠠᠨ ᠤ ᠬᠢᠨ ᠳ᠋ᠠ | ᠬᠤᠪᠳᠤᠭ ᠮᠠᠭᠤᠬᠠᠢ ᠵᠠᠩ ᠰᠤᠷᠲᠠᠯ ᠢᠶᠠᠨ | ᠬᠤᠷᠳᠤᠨ ᠲᠦᠷᠭᠡᠨ ᠬᠠᠶᠠᠭᠠᠷᠠᠢ | ᠬᠦᠮᠦᠨ ᠨᠢᠭᠤᠷ ᠲᠠᠢ ᠮᠤᠳᠤ ᠬᠠᠯᠢᠰᠤ ᠲᠠᠢ | ᠬᠤᠯᠠᠭᠠᠶᠢᠴᠢ ᠠᠴᠠ ᠳᠡᠭᠡᠷᠡ ᠦᠭᠡᠢ ᠠᠪᠳᠠᠯ ᠳ᠋ᠠ | ᠤᠯᠠᠮᠵᠢᠯᠠᠯᠲᠤ ᠰᠠᠶᠢᠬᠠᠨ ᠵᠠᠩᠰᠢᠯ ᠢᠶᠠᠷ ᠪᠣᠯ | ᠤᠷᠢᠳᠠᠪᠠᠷ ᠵᠢᠯ ᠢᠶᠠᠨ ᠤᠷᠤᠭᠤᠯᠳᠠᠭ ᠶᠤᠮ | ᠤᠤᠭᠤᠵᠤ ᠢᠳᠡᠬᠦ ᠯᠠ ᠤᠴᠢᠷ ᠪᠢᠰᠢ | ᠠᠭᠤᠯᠵᠠᠵᠤ ᠵᠣᠯᠭᠠᠬᠤ ᠨᠢ ᠴᠢᠬᠤᠯᠠ ᠶᠤᠮ | ᠨᠠᠶᠢᠷ ᠤᠨ ᠵᠤᠳ ᠠᠴᠠ ᠰᠡᠭᠡᠭᠡᠷᠡᠵᠦ ᠪᠣᠯᠣᠨᠠ | ᠨᠡᠶᠢᠲᠡ ᠲᠦᠮᠡᠨ ᠢᠶᠠᠨ ᠪᠤᠳᠤᠵᠤ ᠪᠣᠯᠣᠨᠠ | ᠨᠠᠨᠳᠢᠨ ᠮᠤᠷᠠᠯ ᠢ ᠳᠡᠯᠭᠡᠷᠡᠭᠦᠯᠦᠭᠡᠳ | ᠨᠡᠶᠢᠭᠡᠮ ᠤᠨ ᠰᠠᠬᠢᠯᠭᠠ ᠶᠢ ᠵᠢᠷᠤᠮᠯᠠᠵᠤ ᠪᠣᠯᠣᠨᠠ | ᠪᠠᠶᠠᠷ ᠨᠠᠶᠢᠷ ᠢ ᠪᠠᠭᠠ ᠬᠢᠶᠡ | ᠪᠣᠯᠪᠠᠰᠤᠨ ᠰᠠᠶᠢᠬᠠᠨ ᠠᠮᠢᠳᠤᠷᠠᠵᠠᠭᠠᠶᠠ | ᠪᠦᠷᠢᠯᠭᠡᠵᠦ ᠰᠦᠢᠳᠭᠡᠬᠦ ᠶᠢ ᠴᠡᠭᠡᠷᠯᠡᠵᠡᠭᠡᠶᠡ | ᠪᠦᠯᠬᠦᠮᠳᠡᠨ ᠨᠢᠭᠲᠠᠷᠠᠵᠤ ᠠᠵᠢᠯᠯᠠᠵᠠᠭᠠᠶᠠ | | | | 2024ᠣᠨ ᠤ 1 ᠰᠠᠷᠠ ᠶᠢᠨ 24 ᠤ ᠡᠳᠦᠷ | | |