| ᠵᠢᠯ ᠤᠷᠤᠬᠤ ᠭᠡᠳᠡᠭ ᠪᠤᠯ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠮᠤᠩᠭᠤᠯᠴᠤᠳ ᠤᠨ | ᠬᠦᠨᠳᠦᠳᠭᠡᠨ ᠦᠵᠡᠳᠡᠭ ᠮᠠᠰᠢ ᠴᠢᠬᠤᠯᠠ ᠨᠢᠭᠡ ᠶᠠᠪᠤᠳᠠᠯ ᠪᠤᠯᠤᠨᠠ᠃ | ᠡᠨᠡ ᠨᠢ ᠬᠤᠯᠤᠭᠠᠨᠠ᠂ ᠦᠬᠡᠷ᠂ ᠪᠠᠷᠰ᠂ ᠲᠠᠤᠯᠠᠢ᠂ ᠯᠤᠤ᠂ ᠮᠤᠭᠠᠢ᠂ ᠮᠤᠷᠢ᠂ ᠬᠤᠨᠢ᠂ ᠪᠡᠴᠢ᠂ ᠲᠠᠬᠢᠶᠠ᠂ | ᠨᠤᠬᠠᠢ᠂ ᠭᠠᠭ᠋ᠠᠢ ᠭᠡᠵᠤ ᠠᠯᠢ ᠡᠰᠢ ᠡᠷᠬᠡᠳᠡᠨ ᠳᠤ ᠲᠤᠬᠢᠶ᠋ᠯᠳᠤᠨ ᠲᠦᠷᠦᠭᠰᠡᠨ ᠪᠤᠯ ᠲᠡᠷᠡ ᠵᠢᠯ ᠲᠡᠭᠡᠷᠡ ᠪᠠᠨ ᠬᠦᠷᠴᠦ | ᠢᠷᠡᠪᠡᠯ ᠵᠢᠯ ᠤᠷᠤᠬᠤ ᠭᠡᠳᠡᠭ᠃ ᠡᠶᠢᠮᠦ ᠠᠴᠠ ᠡᠨᠡ ᠨᠢ ᠠᠷᠪᠠᠨ ᠬᠤᠶᠠᠷ ᠵᠢᠯ ᠢᠶᠠᠷ ᠡᠭᠡᠯᠵᠢᠯᠡᠳᠡᠭ ᠲᠤᠯᠠ ᠬᠦᠮᠦᠰ | ᠠᠷᠪᠠᠨ ᠭᠤᠷᠪᠠ᠂ ᠬᠤᠷᠢᠨ ᠲᠠᠪᠤ᠂ ᠭᠤᠴᠢᠨ ᠲᠤᠯᠤᠭᠠ᠂ ᠲᠦᠴᠢ ᠶᠢᠰᠦ᠂ ᠵᠢᠷᠠᠨ ᠨᠢᠭᠡ᠂ ᠲᠠᠯᠠᠨ ᠭᠤᠷᠪᠠ᠂ | ᠨᠠᠶᠠᠨ ᠲᠠᠪᠤ᠂ ᠶᠢᠷᠠᠨ ᠲᠤᠯᠤᠭᠠᠨ ᠨᠠᠰᠤᠨ ᠳᠤ ᠲᠤᠬᠢᠶᠠᠯᠳᠤᠳᠠᠭ᠃ ᠡᠶᠢᠮᠦ ᠵᠢᠯ ᠤᠨ ᠪᠠᠶᠢᠳᠠᠯ ᠢᠶᠠᠷ ᠦᠵᠡᠵᠦ | ᠲᠦᠷᠦᠯ ᠰᠠᠳᠤᠨ᠂ ᠠᠶᠢᠯ ᠠᠶᠢᠮᠠᠭ᠂ ᠨᠠᠶᠢᠵᠠ ᠨᠦᠬᠦᠳ ᠨᠢ ᠢᠷᠡᠵᠦ ᠵᠢᠯ ᠤᠷᠤᠭᠤᠯᠳᠠᠭ᠃ | ᠵᠢᠯ ᠤᠷᠤᠭᠰᠠᠨ ᠬᠦᠮᠦᠨ ᠨᠢ ᠤᠯᠠᠭᠠᠨ ᠪᠦᠰᠡ ᠪᠦᠰᠡᠯᠡᠵᠦ ᠵᠢᠯ ᠤᠷᠤᠵᠤ ᠪᠠᠶᠢᠭᠠ ᠪᠠᠨ ᠪᠡᠯᠭᠡᠯᠡᠨᠡ᠃ ᠵᠢᠯ | ᠤᠷᠤᠭᠤᠯᠬᠤ ᠬᠦᠮᠦᠨ ᠨᠢ ᠵᠢᠯ ᠤᠷᠤᠭᠤᠯᠬᠤ ᠪᠠᠷ ᠠᠪᠴᠢᠷᠠᠭᠰᠠᠨ ᠡᠳ᠋ ᠪᠤᠳᠠᠰ ᠤᠨ ᠪᠠᠭᠯᠠᠭᠠ ᠪᠠᠨ ᠤᠯᠠᠭᠠᠨ | ᠴᠠᠭᠠᠰᠤ ᠪᠠᠷ ᠭᠠᠳᠠᠷᠯᠠᠵᠤ᠂ ᠴᠠᠭᠠᠨ ᠠᠮᠠᠨ ᠬᠠᠳᠠᠭ ᠢᠶᠠᠨ ᠭᠤᠷᠪᠠᠯᠵᠢᠯᠠᠨ ᠨᠤᠭᠤᠯᠵᠤ᠂ ᠬᠠᠳᠠᠭ ᠢᠶᠠᠨ ᠡᠪᠦᠳᠦᠭ | ᠲᠡᠭᠡᠷᠡ ᠨᠢ ᠬᠠᠳᠠᠭ ᠤᠨ ᠡᠩ ᠢᠶᠠᠨ ᠡᠩᠭᠡᠷ ᠡᠰᠡᠷᠬᠦ ᠨᠢ ᠲᠠᠯᠪᠢᠵᠤ᠂ ᠲᠡᠬᠦᠨ ᠤ ᠦᠭᠡᠳᠡ ᠡᠰᠡᠷᠡᠭ ᠪᠠᠶᠢᠬᠤ ᠶᠢ | ᠪᠡᠯᠭᠡᠳᠡᠨ᠂ ᠠᠪᠴᠢᠷᠠᠭᠰᠠᠨ ᠪᠤᠳᠠᠰ ᠢᠶᠠᠨ ᠡᠮᠦᠨᠡ ᠨᠢ ᠲᠠᠯᠪᠢᠵᠤ᠂ ᠲᠠᠭᠤᠳᠠᠯᠭᠠ ᠪᠠᠨ ᠬᠡᠯᠡᠵᠦ᠂ ︽XXX ᠵᠢᠯ | ᠤᠷᠤᠭᠤᠯᠵᠤ ᠪᠠᠶᠢᠨᠠ︾ ᠭᠡᠵᠤ ᠭᠤᠷᠪᠠ ᠮᠦᠷᠭᠦᠭᠡᠳ ᠪᠤᠰᠤᠨᠠ᠃ ᠡᠬᠦᠨ ᠳᠤ ᠢᠷᠦᠭᠡᠯ ᠬᠠᠶᠢᠷᠠᠯᠠᠬᠤ ᠦᠭᠡᠢ᠂ | ᠤᠴᠢᠷ ᠨᠢ ᠡᠨᠡ ᠨᠢ ᠰᠢᠨᠡ ᠶᠢᠨ ᠵᠤᠯᠭᠠᠯᠳᠠ ᠪᠢᠰᠢ᠃ ᠰᠢᠨᠡ ᠶᠢᠨ ᠵᠤᠯᠭᠠᠯᠳᠠ ᠪᠠᠷ ᠮᠦᠷᠬᠦᠬᠦ ᠳᠡᠭᠡᠨ ᠵᠢᠯ | ᠤᠷᠤᠭᠤᠯᠬᠤ ᠶᠢ ᠲᠠᠪᠬᠤᠷᠯᠠᠨ ᠭᠦᠢᠴᠡᠳᠭᠡᠵᠦ ᠪᠤᠯᠬᠤ ᠦᠭᠡᠢ᠃ | ᠵᠢᠯ ᠤᠨ ᠬᠤᠪᠢᠶᠠᠷᠢ | ᠵᠢᠯ ᠢ ᠨᠠᠰᠤ ᠪᠠᠷ ᠨᠢ ᠦᠵᠡᠵᠦ ᠠᠷᠪᠠᠨ ᠭᠤᠷᠪᠠ᠂ ᠬᠤᠷᠢᠨ ᠲᠠᠪᠤ᠂ ᠭᠤᠴᠢᠨ ᠲᠤᠯᠤᠭᠠ ᠶᠢ ᠪᠠᠭᠠ ᠵᠢᠯ ᠭᠡᠵᠤ | ᠂ ᠲᠦᠴᠢ ᠶᠢᠰᠦ ᠶᠢ ᠲᠤᠮᠳᠠ ᠵᠢᠯ ᠭᠡᠵᠤ᠂ ᠵᠢᠷᠡᠨ ᠨᠢᠭᠡ᠂ ᠲᠠᠯᠠᠨ ᠭᠤᠷᠪᠠ᠂ ᠨᠠᠶᠠᠨ ᠲᠠᠪᠤ᠂ ᠶᠢᠷᠡᠨ ᠲᠤᠯᠤᠭᠠ ᠶᠢ | ᠦᠨᠳᠦᠷ ᠵᠢᠯ ᠭᠡᠨᠡ᠃ ᠦᠨᠳᠦᠷ ᠵᠢᠯ ᠤᠷᠤᠭᠰᠠᠨ ᠬᠦᠮᠦᠨ ᠵᠢᠯ ᠤᠨ ᠪᠠᠶᠠᠷ ᠬᠢᠵᠦ᠂ ᠵᠢᠯ ᠤᠷᠤᠭᠤᠯᠤᠭᠰᠠᠨ ᠬᠦᠮᠦᠰ | ᠪᠠ ᠲᠦᠷᠦᠯ ᠰᠠᠳᠤᠨ᠂ ᠨᠠᠶᠢᠵᠠ ᠨᠦᠬᠦᠳ ᠢᠶᠠᠨ ᠵᠠᠯᠠᠵᠤ ᠵᠤᠴᠢᠯᠠᠳᠠᠭ᠃ | ᠵᠢᠯ ᠤᠨ ᠦᠩᠭᠡ ᠪᠠᠷ ᠨᠢ ᠡᠩ ᠤᠨ ᠵᠢᠯ᠂ ᠠᠯᠳᠠᠨ ᠵᠢᠯ ᠭᠡᠵᠤ ᠬᠤᠶᠠᠷ ᠬᠤᠪᠢᠶᠠᠳᠠᠭ᠃ ᠬᠦᠬᠡ ᠬᠦᠬᠡᠭᠴᠢᠨ | ᠵᠢᠯ ᠳᠤ ᠲᠤᠬᠢᠶᠠᠯᠳᠤᠬᠤ ᠶᠢ ᠠᠯᠳᠠᠨ ᠵᠢᠯ ᠭᠡᠵᠤ᠂ ᠤᠯᠠᠭᠠᠨ ᠤᠯᠠᠭᠴᠢᠨ᠂ ᠰᠢᠷᠡ ᠰᠢᠷᠠᠭᠴᠢᠨ᠂ ᠴᠠᠭᠠᠨ | ᠴᠠᠭᠠᠭᠴᠢᠨ᠂ ᠬᠠᠷᠠ ᠬᠠᠷᠠᠭᠴᠢᠨ ᠵᠢᠯ ᠳᠤ ᠲᠤᠬᠢᠶᠠᠯᠳᠤᠬᠤ ᠶᠢ ᠡᠩ ᠤᠨ ᠵᠢᠯ ᠭᠡᠳᠡᠭ᠃ | ᠵᠠᠷᠢᠮ ᠬᠦᠮᠦᠨ ᠤ ᠨᠢᠭᠡ ᠨᠠᠰᠤᠨ ᠳᠤ ᠠᠯᠳᠠᠨ ᠵᠢᠯ ᠬᠤᠶᠠᠷ ᠤᠳᠠᠭᠠ ᠲᠤᠬᠢᠶᠠᠯᠳᠤᠳᠠᠭ᠂ ᠵᠠᠷᠢᠮ ᠬᠦᠮᠦᠨ ᠳᠤ | ᠭᠠᠭᠴᠠᠬᠠᠨ ᠤᠳᠠᠭᠠ ᠲᠤᠬᠢᠶᠠᠯᠳᠤᠳᠠᠭ ᠪᠠᠶᠢᠨᠠ᠃ ᠤᠴᠢᠷ ᠨᠢ ᠵᠢᠷᠡᠨ ᠵᠢᠯ ᠠᠯᠤᠰᠯᠠᠭᠠᠳ ᠰᠠᠶ᠋ᠢ ᠨᠢᠭᠡ | ᠡᠭᠡᠯᠵᠢᠯᠡᠳᠡᠭ᠃ | ᠬᠠᠷᠠ ᠬᠠᠷᠠᠭᠴᠢᠨ ᠵᠢᠯ ᠳᠤ ᠲᠦᠷᠦᠭᠰᠡᠨ ᠬᠦᠮᠦᠨ ᠠᠷᠪᠠᠨ ᠭᠤᠷᠪᠠ᠂ ᠲᠠᠯᠠᠨ ᠭᠤᠷᠪᠠᠨ ᠨᠠᠰᠤᠨ ᠳᠠᠭᠠᠨ | ᠠᠯᠳᠠᠨ ᠵᠢᠯ ᠲᠤᠬᠢᠶᠠᠯᠳᠤᠳᠠᠭ᠃ ᠴᠠᠭᠠᠨ ᠴᠠᠭᠠᠭᠴᠢᠨ ᠵᠢᠯ ᠳᠤ ᠲᠤᠬᠢᠶᠠᠯᠳᠤᠨ ᠲᠦᠷᠦᠭᠰᠡᠨ ᠬᠦᠮᠦᠨ ᠬᠤᠷᠢᠨ ᠲᠠᠪᠤ᠂ | ᠨᠠᠶᠠᠨ ᠲᠠᠪᠤᠨ ᠨᠠᠰᠤᠨ ᠳᠠᠭᠠᠨ ᠲᠤᠬᠢᠶᠠᠯᠳᠤᠳᠠᠭ᠃ ᠰᠢᠷᠠ ᠰᠢᠷᠠᠭᠴᠢᠨ ᠵᠢᠯ ᠳᠤ ᠲᠤᠬᠢᠶᠠᠯᠳᠤᠨ ᠲᠦᠷᠦᠭᠰᠡᠨ | ᠬᠦᠮᠦᠨ ᠭᠤᠴᠢᠨ ᠲᠤᠯᠤᠭᠠᠨ ᠨᠠᠰᠤᠨ ᠳᠠᠭᠠᠨ ᠠᠯᠳᠠᠨ ᠵᠢᠯ ᠲᠤᠬᠢᠶᠠᠯᠳᠤᠳᠠᠭ᠃ ᠤᠯᠠᠭᠠᠨ ᠤᠯᠠᠭᠴᠢᠨ ᠵᠢᠯ ᠳᠤ | ᠲᠤᠬᠢᠶᠠᠯᠳᠤᠨ ᠲᠦᠷᠦᠭᠰᠡᠨ ᠬᠦᠮᠦᠨ ᠲᠦᠴᠢ ᠶᠢᠰᠦᠨ ᠨᠠᠰᠤᠨ ᠳᠠᠭᠠᠨ ᠠᠯᠳᠠᠨ ᠵᠢᠯ ᠲᠤᠬᠢᠶᠠᠯᠳᠤᠨ᠂ ᠬᠦᠬᠡ | ᠬᠦᠬᠡᠭᠴᠢᠨ ᠵᠢᠯ ᠳᠤ ᠲᠦᠷᠦᠭᠰᠡᠨ ᠬᠦᠮᠦᠨ ᠵᠢᠷᠡᠨ ᠨᠢᠭᠡᠨ ᠨᠠᠰᠤᠨ ᠳᠠᠭᠠᠨ ᠠᠯᠳᠠᠨ ᠵᠢᠯ ᠲᠤᠬᠢᠶᠠᠯᠳᠤᠳᠠᠭ᠃ |