| ᠪᠤᠭᠤ ᠶᠢᠨ ᠵᠢᠷᠬᠢᠬᠡ | | ᠪᠤᠭᠤ ᠶᠢᠨ ᠵᠢᠷᠬᠢᠬᠡ ᠨᠢ ᠭᠡᠷ ᠭᠠᠳᠡᠨᠡ᠂ ᠴᠠᠭ ᠤᠯᠠᠷᠢᠯ᠂ ᠦᠳᠡᠯᠦᠭᠰᠡᠨ ᠵᠠᠯᠠᠭᠤ ᠢᠯᠭᠠᠯ ᠦᠭᠡᠢ ᠴᠦᠮ | ᠨᠠᠭᠠᠳᠴᠦ ᠪᠤᠯᠳᠠᠭ ᠨᠠᠭᠠᠳᠤᠮ ᠪᠤᠯᠤᠨᠠ᠃ | ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠦ ᠬᠤᠰᠢᠭᠤᠨ ᠤ ᠮᠤᠩᠭᠤᠯᠴᠦᠳ ᠤᠨ ᠲᠤᠮᠳᠡ ᠦᠷᠬᠡᠨ ᠢᠶᠠᠷ | ᠤᠯᠠᠮᠵᠢᠯᠠᠭᠳᠠᠵᠦ ᠪᠦᠬᠦᠢ ᠪᠤᠭᠤ ᠶᠢᠨ ᠵᠢᠷᠬᠢᠬᠡ ᠨᠢ ᠬᠤᠶᠠᠷ ᠪᠤᠭᠤ᠂ ᠬᠤᠷᠢᠨ ᠲᠦᠷᠪᠡᠨ ᠨᠤᠬᠠᠢ ᠪᠠᠷ ᠨᠠᠭᠠᠳᠬᠤ | ᠪᠤᠯᠤᠨᠠ᠃ ᠬᠦᠯᠬᠡ ᠨᠢ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ ᠵᠢᠷᠤᠬᠤ ᠳᠤ ᠠᠮᠡᠷ᠂ ᠬᠦᠨᠳᠡᠯᠡᠨ ᠭᠤᠤᠯᠳᠦ ᠲᠤᠰᠪᠤᠷᠢ | ᠲᠡᠪᠤᠨ ᠵᠢᠷᠤᠭᠠᠰᠦ ᠪᠠᠷ ᠪᠦᠳᠦᠵᠦ᠂ ᠨᠡᠶᠢᠳᠡ ᠬᠤᠷᠢᠨ ᠲᠠᠪᠤᠨ ᠤᠭᠳᠤᠯᠤᠯᠴᠡᠯ ᠤᠨ ᠴᠡᠭ᠂ ᠭᠤᠴᠢᠨ ᠲᠡᠪᠤᠨ | ᠰᠠᠭᠤᠳᠡᠯ ᠲᠠᠢ᠃ ᠬᠦᠯᠬᠡ ᠶᠢᠨ ᠬᠤᠶᠠᠷ ᠲᠠᠯᠠ ᠳᠤ ᠲᠤᠰᠪᠤᠷᠢ ᠨᠢᠬᠡ ᠠᠭᠤᠯᠠ ᠲᠠᠢ ᠪᠦᠭᠡᠳ ᠱᠤᠷᠤᠨ ᠤᠷᠤᠢ ᠲᠠᠢ | ᠶᠢ ᠨᠢ ᠭᠤᠵᠤᠭᠤᠷ ᠠᠭᠤᠯᠠ ᠭᠡᠵᠦ᠂ ᠲᠡᠭᠰᠢ ᠤᠷᠤᠢ ᠭᠤᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ ᠶᠢ ᠨᠢ ᠲᠡᠭᠰᠢ ᠠᠭᠤᠯᠠ ᠭᠡᠵᠤ | ᠨᠡᠷᠡᠯᠡᠳᠡᠭ᠃ ᠭᠤᠵᠤᠭᠤᠷ ᠠᠭᠤᠯᠠᠨ ᠳᠤ ᠲᠦᠷᠪᠡᠨ ᠰᠠᠭᠤᠳᠡᠯ ᠲᠠᠢ᠂ ᠲᠡᠭᠰᠢ ᠠᠭᠤᠯᠠᠨ ᠳᠤ ᠵᠢᠷᠭᠤᠭᠠᠨ ᠰᠠᠭᠤᠳᠡᠯ | ᠲᠠᠢ᠃ ᠬᠤᠶᠢᠳᠦ ᠬᠤᠰᠢᠭᠤᠨ ᠤ ᠮᠤᠩᠭᠤᠯᠴᠤᠳ ᠪᠤᠭᠤ ᠶᠢᠨ ᠵᠢᠷᠬᠢᠬᠡ ᠶᠢᠨ ᠰᠠᠭᠤᠳᠡᠯ ᠪᠦᠷᠢ ᠳᠤ ᠴᠦᠮ ᠲᠤᠰᠬᠠᠢ | ᠨᠡᠷᠡ ᠦᠭᠴᠦ᠂ ᠬᠦᠯᠬᠡ ᠶᠢᠨ ᠲᠦᠪ ᠢ ︽ᠭᠤᠤᠯ︾ ᠭᠡᠵᠤ᠂ ᠲᠡᠬᠦᠨ ᠢ ᠲᠤᠭᠤᠷᠢᠭᠰᠡᠨ ᠲᠦᠷᠪᠡᠯᠵᠢᠨ ᠤ ᠨᠠᠢᠮᠠᠨ | ᠰᠤᠯᠢᠪᠴᠡᠯ ᠲᠠᠢ ᠰᠠᠭᠤᠳᠡᠯ ᠢ ︽ᠨᠠᠢᠮᠠᠨ ᠤᠷᠤᠨ︾᠂ ᠲᠦᠷᠪᠡᠨ ᠦᠨᠴᠦᠭ ᠤᠨ ᠲᠤᠮᠳᠡᠬᠢ ᠲᠦᠷᠪᠡᠨ ᠰᠠᠭᠤᠳᠡᠯ ᠢ | ︽ᠲᠦᠷᠪᠡᠯᠵᠢᠨ ᠤᠷᠤᠨ︾ ᠭᠡᠵᠤ᠂ ᠲᠡᠬᠦᠨ ᠤ ᠭᠠᠳᠠᠭᠤᠷᠬᠢ ᠲᠦᠷᠪᠡᠯᠵᠢᠨ ᠤ ᠲᠦᠷᠪᠡᠨ ᠦᠨᠴᠦᠭ ᠤᠨ ᠰᠠᠭᠤᠳᠡᠯ | ᠤᠨ ᠬᠤᠶᠠᠷ ᠠᠭᠤᠯᠠ ᠲᠠᠢ ᠵᠠᠯᠭᠠᠯᠳᠤᠵᠦ ᠪᠠᠶᠢᠭᠠ ᠰᠠᠭᠤᠳᠡᠯ ᠢ ︽ᠠᠭᠤᠯᠠᠨ ᠵᠠᠯᠮᠠᠭᠠᠢ︾ ᠭᠡᠵᠤ᠂ ᠲᠡᠬᠦᠨ ᠤ | ᠬᠤᠶᠠᠷ ᠲᠠᠯᠠ ᠶᠢᠨ ᠰᠠᠭᠤᠳᠡᠯ ᠢ ︽ᠰᠦᠪᠡᠭᠡ︾ ᠭᠡᠵᠤ᠂ ᠬᠦᠯᠬᠡ ᠶᠢᠨ ᠨᠦᠬᠦᠬᠡ ᠬᠤᠶᠠᠷ ᠲᠠᠯᠠ ᠶᠢᠨ ᠲᠤᠮᠳᠡᠬᠢ | ᠰᠠᠭᠤᠳᠡᠯ ᠢ ︽ᠪᠦᠭᠳᠦᠷ︾ ᠭᠡᠵᠤ᠂ ᠲᠡᠬᠦᠨ ᠤ ᠬᠤᠶᠠᠷ ᠲᠡᠯᠡ ᠶᠢᠨ ᠰᠠᠭᠤᠳᠡᠯ ᠢ ︽ᠰᠤᠭᠤ︾ ᠭᠡᠵᠤ ᠨᠡᠷᠡᠯᠡᠳᠡᠭ᠃ | | ᠪᠤᠭᠤ ᠶᠢᠨ ᠵᠢᠷᠬᠢᠬᠡ ᠶᠢᠨ ᠬᠦᠯᠬᠡ ᠶᠢ ᠴᠠᠭᠠᠰᠦ᠂ ᠪᠦᠰ᠂ ᠮᠤᠳᠤᠨ ᠬᠠᠪᠳᠡᠰᠦ᠂ ᠭᠠᠵᠠᠷ ᠲᠡᠭᠡᠷᠡ ᠴᠦᠮ | ᠵᠢᠷᠦᠵᠦ ᠪᠤᠯᠤᠨᠠ᠃ ᠪᠤᠭᠤ ᠶᠢᠨ ᠵᠢᠷᠬᠢᠬᠡ ᠨᠠᠭᠠᠳᠬᠤ ᠬᠤᠶᠠᠷ ᠬᠦᠮᠦᠨ ᠤ ᠨᠢᠬᠡ ᠨᠢ ᠬᠤᠷᠢᠨ ᠲᠦᠷᠪᠡᠨ ᠨᠤᠬᠠᠢ | ᠠᠪᠴᠦ᠂ ᠨᠦᠬᠦᠬᠡ ᠨᠢ ᠬᠤᠶᠠᠷ ᠪᠤᠭᠤ ᠠᠪᠤᠨᠠ᠃ ᠪᠤᠭᠤ ᠨᠤᠬᠠᠢ ᠶᠢ ᠶᠡᠷᠦ ᠳᠡᠭᠡᠨ ᠬᠤᠨᠢ ᠢᠮᠠᠭᠠ ᠪᠤᠶᠤ ᠭᠠᠭ᠋ᠠᠢ | ᠶᠢᠨ ᠱᠠᠭᠠ ᠪᠠᠷ ᠤᠷᠤᠯᠠᠭᠤᠯᠵᠦ᠂ ᠨᠤᠬᠠᠢ ᠠᠪᠤᠭᠰᠠᠨ ᠬᠦᠮᠦᠨ ᠬᠦᠯᠬᠡ ᠶᠢᠨ ︽ᠨᠠᠢᠮᠠᠨ ᠤᠷᠤᠨ︾ ︽ᠲᠦᠷᠪᠡᠯᠵᠢᠨ | ᠤᠷᠤᠨ︾ ᠳᠤ ᠤᠷᠢᠳᠡᠪᠡᠷ ᠨᠠᠢᠮᠠᠨ ᠨᠤᠬᠠᠢ ᠪᠠᠨ ᠲᠡᠯᠪᠢᠨᠡ᠃ ᠪᠤᠭᠤ ᠠᠪᠤᠭᠰᠠᠨ ᠬᠦᠮᠦᠨ ᠨᠢ ᠬᠤᠶᠠᠷ ᠠᠭᠤᠯᠠᠨ ᠤ | ᠵᠠᠯᠮᠠᠭᠠᠢ ᠲᠡᠭᠡᠷᠡ ᠬᠤᠶᠠᠷ ᠪᠤᠭᠤ ᠪᠠᠨ ᠲᠠᠯᠪᠢᠨᠠ᠃ ᠪᠤᠭᠤ ᠠᠪᠤᠭᠰᠠᠨ ᠬᠦᠮᠦᠨ ᠨᠢ ᠤᠷᠢᠳᠡᠪᠡᠷ ᠬᠦᠳᠡᠯᠦᠨᠡ᠃ | ᠡᠬᠢᠯᠡᠵᠦ ᠬᠦᠳᠡᠯᠬᠦ ᠳᠡᠭᠡᠨ ᠠᠰ ᠱᠤᠭᠤᠮ ᠳᠤ ᠵᠡᠷᠭᠡᠴᠡᠭᠰᠡᠨ ᠭᠤᠷᠪᠡᠨ ᠰᠠᠭᠤᠳᠡᠯ ᠤᠨ ᠡᠨᠡ ᠰᠠᠭᠤᠳᠡᠯ ᠠᠴᠠ ᠨᠤᠬᠠᠢ | ᠶᠢᠨ ᠲᠡᠭᠡᠬᠦᠷ ᠦᠰᠦᠷᠴᠦ ᠲᠡᠷᠡ ᠰᠠᠭᠤᠳᠡᠯ ᠳᠤ ᠰᠠᠭᠤᠭᠠᠳ᠂ ᠡᠨᠡᠬᠦ ᠭᠤᠷᠪᠡᠨ ᠰᠠᠭᠤᠳᠡᠯ ᠤᠨ ᠲᠤᠮᠳᠡ ᠰᠠᠭᠤᠳᠡᠯ | ᠳᠤ ᠪᠠᠶᠢᠭᠰᠠᠨ ᠨᠤᠬᠠᠢ ᠶᠢ ︽ᠢᠳᠡᠪᠡ︾ ᠭᠡᠵᠤ ᠬᠦᠯᠬᠡ ᠲᠡᠭᠡᠷᠡ ᠠᠴᠠ ᠠᠪᠴᠦ ᠬᠠᠶᠠᠨᠡ᠃ ᠪᠤᠭᠤ ᠨᠢ ᠢᠳᠡᠰᠢ | ᠢᠳᠡᠬᠦ ᠦᠶᠡᠰ ᠲᠡᠭᠡᠨ ᠢᠳᠡᠬᠦ ᠨᠤᠬᠠᠢ ᠶᠢᠨ ᠲᠡᠭᠡᠬᠦᠷ ᠰᠠᠭᠤᠳᠡᠯ ᠠᠯᠤᠰᠯᠠᠨ ᠶᠠᠪᠤᠵᠦ᠂ ᠢᠳᠡᠰᠢ ᠤᠯᠵᠦ ᠢᠳᠡᠬᠦ | ᠦᠭᠡᠢ ᠦᠶᠡᠰ ᠲᠡᠭᠡᠨ ᠵᠦᠪᠬᠡᠨ ᠨᠢᠬᠡ ᠨᠢᠬᠡ ᠰᠠᠭᠤᠳᠡᠯ ᠢᠶᠠᠷ ᠶᠠᠪᠤᠨᠡ᠃ ᠪᠤᠭᠤ ᠨᠢᠬᠡ ᠬᠦᠳᠡᠯᠪᠡᠯ᠂ ᠨᠤᠬᠠᠢ | ᠠᠪᠤᠭᠰᠡᠨ ᠬᠦᠮᠦᠨ ᠨᠤᠬᠠᠢ ᠪᠠᠨ ᠪᠤᠭᠤ ᠳᠤ ᠢᠳᠡᠭᠳᠡᠬᠦ ᠦᠭᠡᠢ ᠪᠤᠶᠤ ᠪᠤᠭᠤ ᠢᠳᠡᠬᠦ ᠶᠢ ᠰᠡᠷᠬᠡᠶᠢᠯᠡᠵᠦ ᠲᠡᠶᠢᠯᠬᠦ | ᠰᠠᠭᠤᠳᠡᠯ ᠳᠤ ᠲᠠᠯᠪᠢᠨ᠂ ᠪᠤᠭᠤ ᠶᠢ ᠶᠠᠪᠤᠬᠤ ᠭᠠᠵᠠᠷ ᠦᠭᠡᠢ ᠪᠤᠯᠭᠠᠨ ᠬᠤᠷᠢᠬᠤ ᠪᠠᠷ ᠲᠡᠮᠡᠴᠡᠳᠡᠭ᠃ ᠨᠤᠬᠠᠢ | ᠠᠪᠤᠭᠰᠠᠨ ᠬᠦᠮᠦᠨ ᠨᠢ ᠭᠠᠷ ᠲᠤ ᠪᠠᠶᠢᠭᠠ ᠠᠷᠪᠠᠨ ᠵᠢᠷᠭᠤᠭᠠᠨ ᠨᠤᠬᠠᠢ ᠪᠠᠨ ᠲᠡᠯᠪᠢᠵᠦ ᠪᠠᠷᠡᠪᠡᠯ ᠬᠦᠯᠬᠡᠨ ᠲᠡᠭᠡᠷᠡᠬᠢ | ᠨᠤᠬᠠᠢ ᠪᠠᠨ ᠬᠦᠳᠡᠯᠬᠡᠨ ᠶᠠᠪᠤᠭᠤᠯᠵᠦ ᠪᠤᠭᠤ ᠶᠢ ᠬᠤᠷᠢᠬᠤ ᠪᠠᠷ ᠴᠢᠷᠮᠠᠶᠢᠳᠠᠭ᠃ ᠡᠨᠡ ᠮᠡᠳᠦ ᠪᠠᠷ ᠪᠤᠭᠤ ᠠᠪᠤᠭᠰᠠᠨ | ᠬᠦᠮᠦᠨ ᠨᠢ ᠨᠤᠬᠠᠢ ᠢᠳᠡᠬᠦ ᠪᠠᠷ ᠴᠢᠷᠮᠡᠶᠢᠵᠦ᠂ ᠨᠤᠬᠠᠢ ᠠᠪᠤᠭᠰᠠᠨ ᠬᠦᠮᠦᠨ ᠨᠢ ᠪᠤᠭᠤ ᠶᠢ ᠬᠤᠷᠢᠬᠤ ᠪᠠᠷ ᠲᠡᠮᠡᠴᠡᠨ᠂ | ᠨᠠᠭᠠᠳᠤᠮ ᠤᠨ ᠱᠦᠬᠦᠯᠴᠡᠬᠡᠨ ᠢ ᠢᠯᠭᠠᠷᠠᠭᠤᠯᠳᠠᠭ᠃ ᠬᠡᠬᠦ ᠳᠡᠭᠡᠨ ᠰᠠᠶᠢᠨ ᠨᠠᠭᠠᠳᠤᠳᠠᠭ ᠨᠤᠬᠠᠢ ᠠᠪᠤᠭᠰᠠᠨ ᠬᠦᠮᠦᠨ | ᠪᠤᠯ ᠭᠠᠷ ᠲᠠᠬᠢ ᠨᠤᠬᠠᠢ ᠪᠠᠨ ᠲᠠᠯᠪᠢᠵᠦ ᠪᠠᠷᠠᠬᠤ ᠠᠴᠠ ᠡᠮᠦᠨᠡ ᠪᠤᠭᠤ ᠶᠢ ᠠᠯᠢ ᠨᠢᠬᠡ ᠰᠠᠭᠤᠳᠡᠯ ᠲᠡᠭᠡᠷᠡ ᠨᠢ | ᠬᠤᠷᠢᠵᠦ᠂ ᠰᠠᠶᠢᠨ ᠨᠠᠭᠠᠳᠤᠳᠠᠭ ᠪᠤᠭᠤ ᠠᠪᠤᠭᠰᠠᠨ ᠬᠦᠮᠦᠨ ᠨᠢ ᠨᠤᠬᠠᠢ ᠶᠢ ᠬᠤᠭᠤᠰᠤᠷᠡᠳᠡᠯᠡ ᠢᠳᠡᠵᠦ᠂ ᠪᠤᠭᠤ ᠶᠢ | ᠬᠤᠷᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠤᠯᠭᠠᠳᠠᠭ᠃ ᠪᠤᠭᠤ ᠠᠪᠤᠭᠰᠠᠨ ᠬᠦᠮᠦᠨ ᠨᠢ ᠠᠮᠠᠨ ᠳᠤ ᠤᠷᠤᠮᠠᠷ ᠪᠠᠶᠢᠭᠠ ᠨᠤᠬᠠᠢ | ᠶᠢ ᠪᠠᠰᠠ ᠴᠦᠯᠳᠦ ᠮᠦᠯᠳᠦ ᠢᠳᠡᠵᠦ ᠪᠤᠯᠬᠤ ᠦᠭᠡᠢ᠂ ᠵᠠᠷᠢᠮ ᠳᠠᠭᠠᠨ ᠨᠢᠬᠡ ᠨᠤᠬᠠᠢ ᠶᠢ ᠢᠳᠡᠬᠦ ᠭᠡᠵᠤ ᠪᠠᠶᠢᠭᠰᠠᠭᠠᠷ | ᠠᠪ ᠠᠮᠠᠷᠬᠠᠨ ᠬᠤᠷᠢᠭᠳᠠᠬᠤ ᠦᠵᠡᠭᠳᠡᠯ ᠭᠠᠷᠳᠠᠭ᠃ ᠪᠤᠭᠤ ᠨᠢ ᠤᠯᠠᠩᠭᠢ ᠳᠠᠭᠠᠨ ᠠᠭᠤᠯᠠᠨ ᠤ ᠵᠠᠯᠮᠠᠭᠠᠢ᠂ ᠨᠠᠢᠮᠠᠨ | ᠤᠷᠤᠨ᠂ ᠭᠤᠤᠯ ᠲᠦᠪ ᠲᠤ ᠬᠤᠷᠢᠭᠳᠠᠳᠠᠭ᠃ | ᠪᠤᠭᠤ ᠶᠢᠨ ᠵᠢᠷᠬᠢᠬᠡ ᠨᠢ ᠬᠡᠷᠡᠭᠯᠡᠬᠦ ᠬᠡᠷᠡᠭᠰᠡᠯ ᠨᠢ ᠪᠡᠯᠡᠳᠬᠡᠬᠦ ᠳᠤ ᠠᠮᠠᠷᠬᠠᠨ᠂ ᠱᠠᠭᠠ ᠤᠯᠳᠠᠬᠤ ᠦᠭᠡᠢ | ᠦᠶᠡᠰ ᠲᠤ ᠬᠤᠨᠢ ᠢᠮᠠᠭᠠᠨ ᠤ ᠬᠤᠷᠭᠤᠤᠯ᠂ ᠴᠢᠯᠠᠭᠤ ᠰᠢᠷᠦᠢ ᠶᠢᠨ ᠬᠡᠮᠬᠡᠳᠡᠭ ᠵᠡᠷᠭᠡ ᠪᠠᠷ ᠴᠦᠮ ᠪᠤᠭᠤ ᠨᠤᠬᠠᠢ | ᠬᠢᠵᠦ ᠪᠤᠯᠬᠤ ᠪᠦᠬᠡᠳ ᠰᠤᠷᠬᠤ ᠳᠤ ᠠᠮᠠᠷᠬᠠᠨ᠂ ᠬᠡᠵᠢᠶᠡ ᠬᠠᠮᠢᠭᠠ ᠭᠡᠰᠡᠨ ᠦᠭᠡᠢ ᠪᠦᠷ ᠨᠠᠭᠠᠳᠴᠦ ᠪᠤᠯᠤᠨᠠ᠃ | ᠭᠡᠳᠦᠶᠢᠪᠡᠷ ᠰᠤᠷᠬᠤ ᠳᠤ ᠬᠢᠯᠪᠡᠷ ᠪᠤᠯᠪᠠᠴᠦ᠂ ᠤᠨᠢᠭᠠᠰᠦ ᠮᠡᠷᠬᠡᠵᠢᠯ ᠢ ᠡᠵᠡᠮᠰᠢᠬᠦ ᠳᠤ ᠬᠦᠴᠢᠷᠳᠡᠢ ᠪᠠᠶᠢᠵᠦ᠂ | ᠤᠳᠠᠭᠠᠨ ᠵᠢᠯ ᠨᠠᠭᠠᠳᠤᠭᠰᠠᠨ ᠲᠤᠷᠰᠢᠯᠭᠠ ᠲᠠᠢ ᠬᠦᠮᠦᠨ ᠢ ᠰᠠᠶ᠋ᠢ ᠰᠤᠷᠤᠭᠰᠡᠨ ᠬᠦᠮᠦᠨ ᠢᠯᠡᠵᠦ ᠲᠡᠶᠢᠯᠬᠦ ᠦᠭᠡᠢ | ᠶᠤᠮ᠃ ᠰᠤᠷᠬᠤ ᠳᠤ ᠠᠮᠠᠷ᠂ ᠲᠦᠬᠡᠮᠡᠯᠵᠢᠬᠦ ᠳᠤ ᠲᠦᠷᠭᠡᠨ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠪᠤᠭᠤ ᠶᠢᠨ ᠵᠢᠷᠬᠢᠬᠡ ᠨᠢ | ᠨᠠᠭᠠᠳᠤᠭᠴᠢᠳ ᠤᠨ ᠤᠶᠤᠨ ᠰᠠᠨᠠᠭᠠ ᠶᠢ ᠪᠠᠶᠠᠰᠬᠠᠨ᠂ ᠤᠶᠢᠳᠬᠠᠷ ᠶᠠᠳᠠᠷᠠᠭᠠ ᠶᠢ ᠠᠷᠢᠯᠭᠠᠵᠦ᠂ ᠤᠢ ᠪᠢᠯᠢᠭ ᠢ | ᠨᠡᠬᠡᠬᠡᠭᠳᠡᠬᠦᠯᠦᠨ᠂ ᠤᠬᠠᠭᠠᠨ ᠪᠤᠳᠤᠯ ᠢ ᠬᠤᠷᠴᠡᠳᠬᠠᠬᠤ ᠵᠡᠷᠭᠡ ᠤᠯᠠᠨ ᠠᠰᠢᠭ ᠲᠠᠢ ᠲᠠᠯᠠ ᠲᠠᠢ ᠪᠠᠶᠢᠳᠠᠭ᠃ |