ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠣᠶᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠠᠷᠪᠠᠨ ᠬᠤᠶᠠᠷ ᠵᠢᠷᠬᠢᠬᠡ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018/12/26
         ᠠᠷᠪᠠᠨ ᠬᠤᠶᠠᠷ ᠵᠢᠷᠬᠢᠬᠡ    ᠠᠷᠪᠠᠨ ᠬᠤᠶᠠᠷ ᠵᠢᠷᠬᠢᠬᠡ ᠪᠤᠯ ᠬᠤᠷᠴᠢᠨ ᠮᠤᠩᠭᠤᠯᠴᠤᠳ ᠤᠨ ᠲᠤᠮᠳᠡ ᠤᠳᠠᠭᠠᠨ ᠤᠯᠠᠮᠵᠢᠯᠠᠭᠳᠠᠨ ᠢᠷᠡᠭᠰᠡᠨ ᠪᠠᠰᠠ ᠨᠢᠬᠡ ᠵᠦᠢᠯ ᠤᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠲᠠᠢ ᠬᠦᠯᠬᠡᠳᠦ ᠨᠠᠭᠠᠳᠤᠮ ᠪᠤᠯᠤᠨ᠎ᠠ᠃ ᠮᠦᠨ ᠴᠦ ᠪᠤᠭᠤ ᠶᠢᠨ ᠵᠢᠷᠬᠢᠬᠡ ᠲᠠᠢ ᠠᠳᠠᠯᠢᠬᠠᠨ ᠬᠦᠮᠦᠰ ᠤᠨ ᠤᠷᠮ᠎ᠡ ᠪᠠᠬ᠎ᠠ ᠶᠢ ᠬᠦᠭᠵᠢᠬᠡᠨ᠂ ᠤᠬᠠᠭᠠᠨ ᠪᠢᠯᠢᠭ ᠢ ᠰᠤᠷᠢᠵᠦ᠂ ᠤᠶᠤᠨ ᠤᠬᠠᠭᠠᠨ ᠢ ᠪᠤᠯᠪᠠᠰᠤᠷᠠᠭᠤᠯᠤᠨ᠂ ᠤᠶᠢᠳᠬᠠᠷ ᠶᠠᠳᠠᠷᠠᠭ᠎ᠠ ᠶᠢ ᠲᠠᠶᠢᠯᠳᠠᠭ ᠵᠡᠷᠭᠡ ᠠᠰᠢᠭ ᠲᠠᠢ ᠪᠠᠶᠢᠳᠠᠭ᠃ ᠡᠷᠬᠢᠮ ᠲᠡᠭᠡᠳᠦ ᠡᠬᠡᠯ ᠲᠤᠤᠷᠡᠳᠦ᠂ ᠬᠦᠭᠰᠢᠳ ᠨᠠᠰᠤᠳᠡᠳ᠂ ᠬᠡᠦᠬᠡᠳ ᠪᠠᠭᠠᠴᠤᠳ ᠭᠡᠵᠤ ᠢᠯᠭᠠᠯ ᠦᠭᠡᠢ᠂ ᠡᠪᠤᠯ ᠵᠤᠨ ᠭᠡᠵᠤ ᠤᠯᠠᠷᠢᠯ ᠰᠤᠩᠭᠤᠬᠤ ᠦᠭᠡᠢ᠂  ᠴᠡᠭᠡᠷ ᠬᠤᠷᠢᠭ᠎ᠠ ᠭᠡᠵᠤ ᠦᠭᠡᠢ᠂ ᠭᠡᠷ ᠭᠠᠳᠠᠨ᠎ᠠ ᠬᠠᠮᠢᠭ᠎ᠠ ᠴᠦ ᠭᠡᠰᠡᠨ ᠪᠦᠷ ᠨᠠᠭᠠᠳᠴᠦ ᠪᠤᠯᠳᠠᠭ ᠤᠷᠳᠤ ᠤᠳᠠᠭᠠᠨ ᠲᠡᠦᠬᠡ ᠲᠠᠢ ᠰᠠᠶᠢᠬᠠᠨ ᠨᠠᠭᠠᠳᠤᠮ ᠪᠤᠯᠤᠨ᠎ᠠ᠃     ᠠᠷᠪᠠᠨ ᠬᠤᠶᠠᠷ ᠵᠢᠷᠬᠢᠬᠡ ᠨᠢ ᠨᠢᠬᠡ ᠬᠦᠯᠬᠡ᠂ ᠬᠤᠷᠢᠨ ᠲᠦᠷᠪᠡᠨ ᠨᠤᠬᠠᠢ ᠪᠠᠷ ᠨᠠᠭᠠᠳᠤᠳᠠᠭ᠃ ᠬᠦᠯᠬᠡ ᠶᠢ ᠴᠠᠭᠠᠰᠦ᠂ ᠪᠦᠰ᠂ ᠮᠤᠳᠤᠨ ᠬᠠᠪᠳᠡᠰᠦ᠂ ᠭᠠᠵᠠᠷ ᠬᠦᠰᠡᠷ ᠲᠡᠭᠡᠷ᠎ᠡ ᠴᠦᠮ ᠵᠢᠷᠦᠵᠦ ᠨᠠᠭᠠᠳᠴᠦ ᠪᠤᠯᠳᠠᠭ᠃ ᠬᠦᠯᠬᠡ  ᠨᠢ ᠭᠤᠷᠪᠡᠨ ᠲᠠᠪᠬᠤᠷ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠢᠶᠠᠷ ᠪᠦᠳᠦᠵᠦ᠂ ᠭᠤᠷᠪᠡᠨ ᠲᠠᠪᠬᠤᠷ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠤ ᠲᠦᠷᠪᠡᠨ ᠦᠨᠴᠦᠭ ᠪᠠ ᠲᠦᠷᠪᠡᠨ ᠲᠠᠯ᠎ᠠ ᠶᠢᠨ ᠲᠤᠮᠳᠡ ᠴᠡᠭ ᠢ ᠴᠦᠮ ᠠᠰ ᠱᠤᠭᠤᠮ ᠢᠶᠠᠷ ᠬᠤᠯᠪᠤᠵᠦ᠂ ᠬᠤᠷᠢᠨ ᠲᠦᠷᠪᠡᠨ ᠰᠠᠭᠤᠳᠡᠯ ᠲᠠᠢ ᠬᠦᠯᠬᠡ ᠪᠦᠳᠦᠭᠡᠨ᠎ᠡ᠃ ᠬᠤᠷᠢᠨ ᠲᠦᠷᠪᠡᠨ ᠨᠤᠬᠠᠢ ᠶᠢ ᠬᠤᠨᠢ ᠢᠮᠠᠭᠠᠨ ᠤ ᠱᠠᠭ᠎ᠠ ᠠᠴᠠ ᠭᠠᠳᠡᠨ᠎ᠡ᠂ ᠬᠤᠨᠢ ᠢᠮᠠᠭᠠᠨ ᠤ ᠬᠤᠷᠭᠤᠤᠯ᠂ ᠪᠤᠷᠴᠠᠭ᠂ ᠡᠷᠳᠡᠨᠢ ᠰᠢᠰᠢ ᠶᠢᠨ ᠮᠦᠬᠦᠯᠢᠭ ᠵᠡᠷᠭᠡ ᠪᠠᠷ ᠴᠦᠮ ᠤᠷᠤᠯᠠᠭᠤᠯᠵᠦ ᠪᠤᠯᠤᠨ᠎ᠠ᠃ ᠵᠦᠪᠬᠡᠨ ᠬᠤᠶᠠᠷ ᠲᠠᠯ᠎ᠠ ᠶᠢᠨ ᠨᠤᠬᠠᠢ ᠶᠢ ᠬᠤᠶᠠᠷ ᠠᠰᠳᠠᠭᠠᠨ ᠶᠠᠭᠤᠮ᠎ᠠ ᠪᠤᠶᠤ ᠬᠤᠶᠠᠷ ᠠᠳᠡᠯᠢ ᠦᠭᠡᠢ ᠦᠩᠭᠡ ᠲᠠᠢ ᠶᠠᠭᠤᠮ᠎ᠠ ᠪᠠᠷ ᠤᠷᠤᠯᠠᠭᠤᠯᠪᠠᠯ ᠪᠤᠯᠴᠢᠬᠠᠨ᠎ᠠ᠃     ᠠᠷᠪᠠᠨ ᠬᠤᠶᠠᠷ ᠵᠢᠷᠬᠢᠬᠡ ᠶᠢ ᠬᠤᠶᠠᠷ ᠬᠦᠮᠦᠨ ᠨᠠᠭᠠᠳᠤᠳᠠᠭ᠂ ᠬᠦᠮᠦᠨ ᠪᠦᠷᠢ ᠠᠷᠪᠠᠨ ᠬᠤᠶᠠᠷ ᠨᠤᠬᠠᠢ ᠬᠤᠪᠢᠶᠠᠨ ᠠᠪᠴᠦ᠂ ᠬᠦᠯᠬᠡᠨ ᠲᠡᠭᠡᠷ᠎ᠡ ᠪᠠᠨ ᠨᠤᠬᠠᠢ ᠲᠠᠯᠪᠢᠨ ᠵᠢᠷᠬᠢᠬᠡ ᠨᠠᠭᠠᠳᠤᠮ ᠢᠶᠠᠨ ᠡᠬᠢᠯᠡᠬᠦᠯᠦᠨ᠎ᠡ᠃ ᠲᠤᠰ ᠵᠢᠷᠬᠢᠬᠡ ᠨᠢ ᠮᠥᠨ ᠴᠦ ᠪᠤᠭᠤ ᠶᠢᠨ ᠵᠢᠷᠬᠢᠬᠡ ᠲᠠᠢ ᠠᠳᠡᠯᠢᠬᠠᠨ ᠤᠷᠢᠳᠡᠪᠡᠷ ᠨᠤᠬᠠᠢ ᠲᠠᠯᠪᠢᠨ᠂ ᠲᠠᠷᠠᠭ᠎ᠠ ᠨᠢ ᠨᠤᠬᠠᠢ ᠬᠦᠳᠡᠯᠬᠡᠬᠦ ᠬᠤᠶᠠᠷ ᠠᠯᠬᠤᠮ ᠢᠶᠠᠷ ᠨᠠᠭᠠᠳᠤᠨ᠎ᠠ᠃ ᠬᠤᠶᠠᠷ ᠲᠡᠯ᠎ᠡ ᠪᠠᠷ ᠢᠶᠠᠨ ᠴᠦᠮ ᠠᠯᠢ ᠠᠰᠢᠭᠳᠡᠢ ᠰᠠᠶᠢᠨ ᠭᠡᠵᠤ ᠪᠤᠳᠤᠭᠰᠠᠨ ᠬᠦᠯᠬᠡ ᠶᠢᠨ ᠰᠠᠭᠤᠳᠡᠯ ᠠᠴᠠ ᠡᠬᠢᠯᠡᠨ ᠨᠤᠬᠠᠢ ᠪᠠᠨ ᠲᠡᠯᠪᠢᠨ᠎ᠡ᠃ ᠡᠨᠡ ᠮᠡᠳᠦ ᠪᠠᠷ ᠬᠤᠶᠠᠷ ᠡᠳᠡᠬᠡᠳ  ᠢᠶᠠᠷ ᠢᠶᠠᠨ ᠡᠬᠡᠯᠵᠢᠯᠡᠨ ᠲᠠᠯᠪᠢᠵᠦ᠂ ᠨᠢᠬᠡ ᠲᠠᠯ᠎ᠠ ᠪᠠᠷ ᠠᠰ ᠱᠤᠭᠤᠮ ᠲᠡᠭᠡᠷ᠎ᠡ ᠭᠤᠷᠪᠡᠨ ᠨᠤᠬᠠᠢ ᠪᠠᠨ ᠵᠢᠷᠬᠢᠬᠦᠯᠬᠦ ᠪᠠᠷ ᠴᠢᠷᠮᠡᠶᠢᠨ᠂ ᠨᠦᠬᠦᠬᠡ ᠲᠠᠯ᠎ᠠ ᠪᠠᠷ ᠡᠰᠡᠷᠬᠦ ᠡᠳᠡᠭᠡᠳ ᠤᠨ ᠢᠶᠠᠨ ᠵᠢᠷᠬᠢᠬᠦ ᠶᠢ ᠰᠡᠷᠬᠡᠶᠢᠯᠡᠨ ᠬᠤᠷᠢᠭᠯᠠᠨ᠎ᠠ᠃ ᠬᠡᠨ ᠨᠢᠬᠡ  ᠨᠢ ᠠᠰ ᠱᠤᠭᠤᠮ ᠲᠡᠭᠡᠷ᠎ᠡ ᠭᠤᠷᠪᠡᠨ ᠨᠤᠬᠠᠢ ᠲᠠᠯᠪᠢᠨ ᠵᠢᠷᠬᠢᠵᠦ ᠠᠮᠵᠢᠪᠠᠯ᠂ ᠡᠰᠡᠷᠬᠦ ᠡᠳᠡᠭᠡᠳ ᠤᠨ ᠢᠶᠠᠨ ᠨᠤᠬᠠᠢ  ᠠᠴᠠ ᠨᠢᠬᠡ ᠶᠢ ᠠᠯᠠᠵᠦ ᠲᠠᠯᠪᠢᠨ᠎ᠠ᠃ ᠬᠡᠬᠦ ᠳᠡᠭᠡᠨ ᠡᠰᠡᠷᠬᠦ ᠡᠳᠡᠭᠡᠳ ᠤᠨ ᠢᠶᠠᠨ ᠨᠢᠬᠡᠨᠳᠡ ᠵᠢᠷᠬᠢᠭᠡᠳ ᠪᠠᠶᠢᠭ᠎ᠠ ᠨᠤᠬᠠᠢ ᠶᠢ ᠠᠯᠠᠵᠦ ᠪᠤᠯᠬᠤ ᠦᠭᠡᠢ᠃ ᠭᠠᠷ ᠲᠠᠬᠢ ᠨᠤᠬᠠᠢ ᠪᠠᠨ ᠲᠠᠯᠪᠢᠵᠦ ᠪᠠᠷᠠᠪᠠᠯ᠂ ᠬᠤᠶᠠᠷ ᠡᠳᠡᠭᠡᠳ ᠤᠨ ᠵᠢᠷᠬᠢᠬᠦ ᠦᠶᠡᠰ ᠲᠡᠭᠡᠨ ᠠᠯᠠᠵᠦ ᠲᠠᠯᠪᠢᠭᠰᠠᠨ ᠨᠤᠬᠠᠳ ᠢᠶᠠᠨ ᠠᠪᠴᠦ ᠬᠠᠶᠠᠨ᠂ ᠰᠤᠯᠠ ᠰᠠᠭᠤᠳᠡᠯ ᠭᠠᠷᠭᠠᠨ᠂ ᠬᠤᠶᠠᠷ ᠡᠳᠡᠭᠡᠳ ᠤᠨ ᠨᠤᠬᠠᠢ ᠪᠠᠨ ᠨᠠᠰᠢ ᠴᠠᠰᠢ ᠬᠦᠳᠡᠯᠬᠡᠵᠦ ᠡᠬᠢᠯᠡᠨ᠎ᠡ᠃ ᠬᠦᠳᠡᠯᠬᠦ ᠳᠡᠭᠡᠨ ᠬᠤᠶᠠᠷ ᠡᠳᠡᠭᠡᠳ ᠢᠶᠠᠷ ᠢᠶᠠᠨ ᠲᠤᠰ ᠲᠤᠰ ᠤᠨ ᠨᠤᠬᠠᠢ ᠪᠠᠨ ᠠᠯᠬᠤᠮ ᠠᠯᠬᠤᠮ ᠢᠶᠠᠷ ᠨᠡᠬᠦᠯᠬᠡᠨ᠂ ᠵᠢᠷᠬᠢᠬᠡ ᠵᠢᠷᠬᠢᠬᠦᠯᠦᠨ ᠡᠰᠡᠷᠬᠦ ᠡᠳᠡᠭᠡᠳ ᠤᠨ  ᠢᠶᠠᠨ ᠨᠤᠬᠠᠢ ᠶᠢ ᠢᠳᠡᠨ᠎ᠡ᠃ ᠢᠩᠭᠢᠵᠦ ᠵᠢᠷᠬᠢᠬᠦ ᠶᠢᠨ ᠲᠠᠭᠠᠤ ᠡᠰᠡᠷᠬᠦ ᠡᠳᠡᠭᠡᠳ ᠤᠨ ᠢᠶᠠᠨ ᠨᠤᠬᠠᠢ ᠶᠢ ᠢᠳᠡᠵᠦ᠂ ᠢᠳᠡᠭᠰᠡᠭᠡᠷ ᠪᠠᠶᠢᠵᠦ ᠬᠡᠨ ᠤ ᠬᠢᠨ ᠨᠤᠬᠠᠢ ᠨᠢ ᠠᠷᠪᠢᠨ ᠦᠯᠡᠳᠡᠪᠡᠯ ᠲᠡᠷᠡ ᠨᠢ ᠱᠦᠬᠦᠵᠦ᠂ ᠨᠤᠬᠠᠢ ᠪᠠᠨ ᠠᠷᠪᠢᠨ ᠢᠳᠡᠬᠦᠯᠦᠭᠰᠡᠨ ᠨᠢ ᠱᠦᠬᠦᠭᠳᠡᠵᠦ᠂ ᠨᠠᠭᠠᠳᠤᠮ ᠲᠡᠬᠦᠰᠦᠨ᠎ᠡ᠃     ᠠᠷᠪᠠᠨ ᠬᠤᠶᠠᠷ ᠵᠢᠷᠬᠢᠬᠡ ᠨᠢ ᠵᠢᠷᠬᠢᠬᠦ ᠶᠠᠪᠤᠴᠠ ᠳᠤ ᠲᠠᠩ ᠵᠢᠷᠬᠢᠬᠡ᠂  ᠬᠤᠯᠬᠢᠶ᠎ᠠ ᠵᠢᠷᠬᠢᠬᠡ ᠵᠡᠷᠭᠡ ᠦᠵᠡᠭᠳᠡᠯ ᠭᠠᠷᠳᠠᠭ᠃ ᠲᠠᠩ ᠵᠢᠷᠬᠢᠬᠡ ᠭᠡᠳᠡᠭ ᠨᠢ ᠠᠯᠢ ᠨᠢᠬᠡ ᠱᠤᠭᠤᠮ ᠲᠡᠭᠡᠷ᠎ᠡ ᠲᠠᠩ ᠪᠠᠷ ᠢᠶᠠᠨ ᠬᠤᠯᠪᠤᠯᠳᠤᠨ ᠵᠢᠷᠬᠢᠭᠰᠡᠨ ᠵᠢᠷᠬᠢᠬᠡ ᠶᠢ ᠬᠠᠯᠠᠨ᠎ᠠ᠂ ᠬᠤᠯᠬᠢᠶ᠎ᠠ ᠵᠢᠷᠬᠢᠬᠡ ᠭᠡᠳᠡᠭ ᠨᠢ ᠵᠡᠷᠭᠡᠯᠳᠡᠭᠡ ᠬᠤᠶᠠᠷ ᠱᠤᠭᠤᠮ ᠲᠡᠭᠡᠷᠡᠬᠢ ᠨᠢᠬᠡ ᠨᠤᠬᠠᠢ ᠨᠢ ᠬᠠᠮᠢᠭᠠᠰᠢ ᠪᠠᠨ  ᠬᠦᠳᠡᠯᠦᠭᠰᠡᠨ ᠴᠦ ᠬᠤᠶᠠᠷ ᠱᠤᠭᠤᠮ ᠢ ᠴᠦᠮ ᠵᠢᠷᠬᠢᠬᠡ ᠪᠤᠯᠭᠠᠵᠦ ᠴᠢᠳᠠᠬᠤ ᠶᠢ ᠬᠡᠯᠡᠨ᠎ᠡ᠃ ᠲᠠᠷᠠᠭᠠᠯᠠᠭᠰᠠᠨ ᠭᠤᠷᠪᠡᠨ ᠰᠠᠭᠤᠳᠡᠯ ᠢ ᠪᠦᠬᠦᠨ ᠢ ᠡᠵᠡᠯᠡᠵᠦ ᠪᠦᠳᠦᠭᠰᠡᠨ ᠭᠤᠷᠪᠡᠨ ᠵᠢᠷᠬᠢᠬᠡ ᠶᠢ ᠲᠡᠮᠦᠷ ᠵᠢᠷᠬᠢᠬᠡ ᠬᠡᠳᠡᠭ᠃     ᠠᠷᠪᠠᠨ ᠬᠤᠶᠠᠷ ᠵᠢᠷᠬᠢᠬᠡ ᠨᠠᠭᠠᠳᠬᠤ ᠲᠤᠮᠳᠡ᠂ ᠨᠤᠬᠠᠢ ᠪᠠᠨ ᠪᠦᠬᠦᠨ ᠢ ᠲᠠᠯᠪᠢᠵᠦ ᠪᠠᠷᠠᠭᠠᠳ ᠬᠤᠶᠠᠭᠤᠯᠠ  ᠪᠠᠨ ᠵᠢᠷᠬᠢᠵᠦ ᠴᠢᠳᠠᠬᠤ ᠦᠭᠡᠢ ᠪᠤᠯ ᠬᠠᠷᠢᠯᠴᠠᠨ ᠨᠢᠬᠡ ᠨᠢᠬᠡ ᠨᠤᠬᠠᠢ ᠠᠪᠴᠦ ᠬᠠᠶᠠᠨ᠂ ᠰᠠᠭᠤᠳᠡᠯ ᠭᠠᠷᠭᠠᠨ ᠡᠬᠢᠯᠡᠵᠦ ᠬᠦᠳᠡᠯᠳᠡᠭ᠃ ᠦᠯᠡᠳᠡᠭᠰᠡᠨ ᠨᠤᠬᠠᠳ ᠨᠢ ᠪᠠᠰᠠ ᠵᠢᠷᠬᠢᠵᠦ ᠲᠡᠶᠢᠯᠬᠦ ᠦᠭᠡᠢ ᠪᠤᠯ ᠬᠡᠨ ᠠᠯᠢᠨ ᠢᠶᠠᠨ ᠱᠦᠬᠦᠨ ᠱᠦᠬᠦᠭᠳᠡᠬᠦ ᠢᠯᠭᠠᠭᠤᠷᠢ ᠦᠭᠡᠢ ᠪᠤᠯᠵᠦ᠂ ᠲᠡᠬᠢᠨ ᠨᠠᠭᠠᠳᠤᠨ᠎ᠠ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠬᠤᠷᠴᠢᠨ ᠮᠤᠩᠭᠤᠯᠴᠤᠳ ᠤᠨ ᠦᠯᠦᠬᠡᠢ
ᠪᠤᠭᠤ ᠶᠢᠨ ᠵᠢᠷᠬᠢᠬᠡ
ᠱᠠᠭ᠎ᠠ ᠬᠠᠶᠠᠬᠤ ᠨᠠᠭᠠᠳᠤᠮ
ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠦ ᠬᠤᠰᠢᠭᠤᠨ ᠤ ᠮᠤᠩᠭᠤᠯᠴᠤᠳ ᠤᠨ ᠱᠠᠭ᠎ᠠ ᠨᠠᠭᠠᠳᠤᠮ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号