| | ᠬᠤᠷᠴᠢᠨ ᠮᠤᠩᠭᠤᠯᠴᠤᠳ ᠤᠨ ᠦᠯᠦᠬᠡᠢ | | ᠬᠤᠷᠴᠢᠨ ᠮᠤᠩᠭᠤᠯᠴᠤᠳ ᠤᠨ ᠦᠯᠦᠬᠡᠢ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠦᠯᠦᠬᠡᠢ ᠶᠢᠨ ᠨᠢᠬᠡ ᠲᠦᠷᠦᠯ ᠨᠢ | ᠪᠤᠯᠤᠨᠠ᠃ ᠤᠷᠳᠤ ᠬᠤᠭᠤᠴᠠᠭᠠᠨ ᠠᠴᠠ ᠨᠠᠰᠢ᠂ ᠦᠯᠦᠬᠡᠢ ᠬᠢᠬᠦ ᠤᠷᠡ ᠮᠡᠷᠬᠡᠵᠢᠯ ᠪᠤᠯᠤᠨ ᠬᠡᠷᠡᠭᠯᠡᠬᠦ ᠵᠠᠩᠰᠢᠯ ᠨᠢ | ᠤᠯᠠᠮᠵᠢᠯᠠᠭᠳᠠᠨ ᠬᠦᠭᠵᠢᠭᠰᠡᠭᠡᠷ ᠢᠷᠡᠵᠦ᠂ ᠢᠯᠡ ᠲᠤᠳᠤ ᠬᠤᠷᠴᠢᠨ ᠤ ᠤᠨᠴᠠᠯᠢᠭ ᠲᠠᠢ᠂ ᠲᠤᠳᠤᠭᠠᠳᠤ ᠠᠭᠤᠯᠬᠤᠨ | ᠢᠶᠠᠷ ᠡᠯᠪᠡᠭ ᠪᠦᠬᠦᠢ ᠮᠤᠩᠭᠤᠯ ︽ᠦᠯᠦᠬᠡᠢ︾ ᠶᠢᠨ ᠰᠤᠶᠤᠯ ᠢ ᠪᠦᠷᠢᠯᠳᠦᠬᠦᠯᠦᠭᠰᠡᠨ ᠪᠠᠶᠢᠨᠠ᠃ | ᠦᠯᠦᠬᠡᠢ ᠶᠢᠨ ᠤᠷᠢᠳᠡᠢ ᠬᠤᠶᠢᠳᠡᠢ ᠦᠵᠦᠬᠦᠷ ᠤᠨ ᠬᠠᠯᠬᠠᠪᠴᠢ ᠬᠠᠪᠳᠠᠰᠤ ᠶᠢ ᠲᠤᠰ ᠲᠤᠰ ᠨᠢᠬᠡ ᠬᠡᠰᠡᠭ | ᠤᠷᠳᠤ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ ᠪᠦᠬᠦᠯᠢ ᠮᠤᠳᠤᠨ ᠬᠠᠪᠳᠠᠰᠤ ᠪᠠᠷ ᠬᠢᠵᠦ᠂ ᠲᠤᠤᠷᠡ ᠦᠵᠦᠬᠦᠷ ᠢ ᠨᠢ | ᠴᠠᠪᠴᠢᠵᠤ ᠵᠤᠷᠭᠤᠬᠤ ᠪᠤᠶᠤ ᠬᠢᠷᠦᠭᠡᠳᠦᠨ ᠨᠤᠮᠤᠨ ᠬᠡᠯᠪᠡᠷᠢ ᠲᠠᠢ ᠪᠤᠯᠭᠠᠵᠤ᠂ ᠶᠠᠭ ᠯᠡ ᠲᠡᠷᠭᠡᠨ ᠬᠦᠷᠳᠦᠨ ᠤ ᠨᠢᠬᠡ | ᠬᠡᠰᠡᠭ ᠰᠢᠭ᠂ ᠡᠬᠦᠨ ᠢ ᠮᠤᠩᠭᠤᠯ ᠢᠶᠠᠷ ︽ᠮᠦᠬᠡᠷ︾ ᠭᠡᠳᠡᠭ᠂ ᠲᠡᠷᠭᠡᠨ ᠬᠦᠷᠳᠦ ᠬᠡᠰᠡᠨ ᠤᠳᠬᠠ ᠲᠠᠢ᠃ | ᠤᠷᠢᠳᠡᠢ ᠬᠤᠶᠢᠳᠡᠢ ᠬᠠᠯᠬᠠᠪᠴᠢ ᠬᠠᠪᠳᠠᠰᠤ ᠶᠢ ᠬᠤᠯᠪᠤᠭᠰᠠᠨ ᠬᠤᠶᠠᠷ ᠬᠠᠵᠠᠭᠤ ᠶᠢᠨ ᠬᠠᠪᠳᠠᠰᠤ ᠶᠢ ︽ᠠᠷᠠᠯ︾ | ᠬᠡᠳᠡᠭ᠂ ᠲᠡᠷᠭᠡᠨ ᠠᠷᠠᠯ ᠬᠡᠰᠡᠨ ᠤᠳᠬᠠ ᠲᠠᠢ᠃ ᠢᠷᠤᠭᠠᠷ ᠤᠨ ᠡᠷᠬᠦᠬᠦᠷ ᠬᠠᠪᠳᠠᠰᠤ ᠶᠢ ︽ᠭᠤᠤᠯᠳᠤ | ᠬᠤᠯᠪᠤᠭᠠᠰᠤ︾ ᠬᠡᠳᠡᠭ᠃ ᠬᠤᠶᠠᠷ ᠬᠠᠵᠠᠭᠤ ᠶᠢᠨ ᠬᠠᠪᠳᠠᠰᠤ ᠶᠢᠨ ᠤᠷᠢᠳᠡᠢ ᠦᠵᠦᠬᠦᠷ ᠲᠤ ᠲᠤᠰᠪᠤᠷᠢ ᠨᠢᠬᠡ | ᠵᠢᠵᠢᠭ ᠨᠦᠬᠡ ᠴᠤᠭᠤᠯᠤᠨ᠂ ᠪᠦᠳᠦᠬᠦᠨ ᠨᠠᠷᠢᠨ ᠨᠢ ᠲᠤᠬᠢᠷᠠᠮᠵᠢᠳᠡᠢ ᠬᠤᠩᠭᠤᠷᠴᠤᠭᠳᠤ ᠮᠤᠳᠤᠨ ᠰᠠᠯᠠᠭᠠ ᠶᠢ | ᠮᠠᠳᠠᠷᠠᠭᠤᠯᠤᠨ᠂ ᠨᠤᠮᠤᠨ ᠬᠡᠯᠪᠡᠷᠢ ᠲᠠᠢ ᠪᠤᠯᠭᠠᠵᠤ᠂ ᠬᠤᠶᠠᠷ ᠦᠵᠦᠬᠦᠷ ᠤᠨ ᠵᠢᠵᠢᠭ ᠨᠦᠬᠡᠨ ᠳᠤ ᠬᠠᠳᠬᠤᠨ᠂ | ᠤᠯᠠᠭᠠᠨ ᠪᠦᠰ ᠪᠤᠶᠤ ᠴᠠᠭᠠᠨ ᠪᠦᠰ ᠢᠶᠠᠷ ᠪᠦᠷᠢᠵᠦ᠂ ᠬᠠᠭᠠᠰ ᠲᠤᠭᠤᠷᠢᠭ ᠬᠡᠯᠪᠡᠷᠢ ᠲᠠᠢ ᠬᠠᠯᠬᠠᠪᠴᠢ ᠪᠤᠯᠭᠠᠨᠠ᠂ | ᠡᠬᠦᠨ ᠢ ︽ᠮᠠᠬᠠᠷᠠ︾ ᠭᠡᠳᠡᠭ᠃ ᠮᠠᠬᠠᠷᠠ ᠪᠤᠯᠤᠨ ᠤᠷᠢᠳᠡᠢ ᠦᠵᠦᠬᠦᠷ ᠤᠨ ᠬᠠᠯᠬᠠᠪᠴᠢ ᠬᠠᠪᠳᠠᠰᠤ ᠨᠢ ᠪᠦᠬᠦᠯᠢ | ᠲᠤᠭᠤᠷᠢᠭ ᠢ ᠪᠦᠷᠢᠯᠳᠦᠬᠦᠯᠦᠨ᠂ ᠨᠠᠷᠠ ᠬᠡᠰᠡᠨ ᠤᠳᠬᠠ ᠶᠢ ᠢᠯᠡᠳᠭᠡᠨᠡ︔ ᠬᠦᠯ ᠤᠨ ᠦᠵᠦᠬᠦᠷ ᠤᠨ ᠬᠠᠯᠬᠠᠪᠴᠢ | ᠬᠠᠪᠳᠠᠰᠤ ᠨᠢ ᠬᠠᠭᠠᠰ ᠲᠤᠭᠤᠷᠢᠭ ᠬᠡᠯᠪᠡᠷᠢ ᠲᠠᠢ᠂ ᠰᠡᠷᠡ ᠬᠡᠰᠡᠨ ᠤᠳᠬᠠ ᠶᠢ ᠢᠯᠡᠳᠭᠡᠵᠦ᠂ ᠨᠢᠷᠡᠢ ᠬᠡᠦᠬᠡᠳ ᠤᠨ | ᠲᠠᠷᠢᠬᠦᠨ ᠨᠢ ᠨᠡᠷᠡ ᠶᠢ ᠲᠤᠯᠵᠤ᠂ ᠬᠦᠯ ᠨᠢ ᠰᠡᠷᠡ ᠶᠢ ᠬᠢᠰᠬᠢᠬᠦ ᠤᠳᠬᠠ ᠶᠢ ᠢᠯᠡᠳᠭᠡᠨᠡ᠃ ᠮᠠᠬᠠᠷᠠ ᠶᠢᠨ ᠤᠷᠤᠢ | ᠪᠤᠯᠤᠨ ᠬᠦᠯ ᠤᠨ ᠦᠵᠦᠬᠦᠷ ᠤᠨ ᠬᠠᠯᠬᠠᠪᠴᠢ ᠬᠠᠪᠳᠠᠰᠤ ᠶᠢ ᠨᠢᠬᠡᠨ ᠲᠠᠬᠢᠶᠠᠨ ᠰᠡᠪᠡᠷ ᠤᠨ ᠬᠡᠯᠪᠡᠷᠢ ᠶᠢᠨ ᠭᠤᠷᠪᠡᠨ | ᠦᠵᠦᠬᠦᠷ ᠲᠠᠢ ᠠᠷᠠᠰᠤᠨ ᠲᠡᠭᠡᠰᠦ ᠪᠠᠷ ᠬᠤᠯᠪᠤᠵᠤ᠂ ᠲᠤᠮᠳᠡᠬᠢ ᠲᠡᠭᠡᠰᠦ ᠶᠢ ᠨᠢ ᠮᠠᠬᠠᠷᠠ ᠶᠢᠨ ᠠᠰ ᠲᠡᠭᠡᠷᠡ ᠲᠠᠯᠠ | ᠲᠤᠨᠢ ᠤᠶᠠᠵᠤ᠂ ᠨᠦᠬᠦᠭᠡ ᠬᠤᠶᠠᠷ ᠲᠡᠭᠡᠰᠦ ᠶᠢ ᠨᠢ ᠬᠤᠶᠠᠷ ᠲᠠᠯᠠ ᠲᠤᠨᠢ ᠤᠶᠠᠵᠤ᠂ ᠱᠠ ᠨᠡᠬᠡᠮᠡᠯ ᠡᠳ᠋ ᠪᠤᠶᠤ | ᠨᠢᠮᠬᠡᠨ ᠪᠦᠰ ᠪᠦᠳᠡᠬᠡᠬᠦ ᠳᠤ ᠬᠡᠷᠡᠭᠯᠡᠨ᠂ ᠢᠯᠠᠭᠠ ᠪᠠᠳᠠᠭᠠᠨᠠ ᠶᠢ ᠰᠡᠷᠬᠡᠶᠢᠯᠡᠵᠦ᠂ ᠨᠠᠷᠠᠨ ᠤ ᠬᠤᠷᠴᠠ ᠬᠡᠷᠡᠯ ᠢ | ᠬᠠᠯᠬᠠᠯᠠᠳᠠᠭ᠃ ᠠᠷᠠᠰᠤᠨ ᠲᠡᠭᠡᠰᠦ ᠪᠠᠨ ᠲᠤᠯᠤᠭᠠ ᠵᠠᠩᠭᠢᠳᠤᠨ᠂ ᠲᠤᠬᠢᠭᠤᠷ ᠲᠤᠯᠤᠭᠠᠨ ᠤᠳᠤ ᠠᠳᠠᠯᠢ ᠪᠤᠯᠭᠠᠵᠤ᠂ | ᠨᠠᠷᠠ ᠰᠠᠷᠠ ᠲᠠᠢ ᠪᠠᠨ ᠠᠪᠤᠴᠠᠯᠳᠤᠭᠤᠯᠤᠨ᠂ ᠨᠢᠷᠡᠢ ᠬᠡᠦᠬᠡᠳ ᠢᠶᠠᠨ ᠨᠠᠷᠠ ᠰᠠᠷᠠ ᠤᠳᠤᠨ ᠮᠡᠴᠢᠳ ᠰᠢᠭ | ᠮᠦᠩᠭᠡᠷᠡᠵᠤ᠂ ᠦᠨᠢ ᠡᠬᠦᠷᠢᠳᠡ ᠭᠡᠭᠡᠨ ᠰᠠᠷᠠᠭᠤᠯ ᠪᠠᠶᠢᠬᠤ ᠶᠢ ᠪᠡᠯᠭᠡᠳᠡᠳᠡᠭ᠃ | ᠦᠯᠦᠬᠡᠢ ᠶᠢ ᠶᠡᠷᠦ ᠳᠡᠭᠡᠨ ᠲᠦᠷᠬᠦᠮ ᠤᠨ ᠬᠦᠮᠦᠰ ᠨᠢ ᠬᠠᠷᠠ ᠴᠠᠭᠠᠨ ᠦᠷᠡ ᠬᠡᠦᠬᠡᠳ ᠲᠡᠭᠰᠢ᠂ ᠠᠮᠢᠳᠤᠷᠠᠯ | ᠨᠢ ᠪᠠᠶᠠᠨ ᠴᠢᠨᠡᠬᠡᠯᠢᠭ ᠮᠤᠳᠤᠨ ᠲᠠᠷᠬᠠᠨ ᠢᠶᠠᠷ ᠬᠢᠯᠬᠡᠵᠦ᠂ ᠵᠠᠷᠢᠮ ᠦᠯᠦᠬᠡᠢ ᠲᠡᠭᠡᠷᠡ ᠨᠢ ᠪᠠᠰᠠ ᠦᠯᠵᠡᠢ ᠪᠡᠯᠭᠡ ᠲᠠᠢ | ᠬᠡ ᠤᠭᠠᠯᠵᠠ ᠰᠡᠶᠢᠯᠳᠡᠭ᠃ ᠮᠠᠬᠠᠷᠠ ᠬᠢᠬᠦ ᠬᠤᠩᠭᠤᠷᠴᠤᠭᠳᠤ ᠮᠤᠳᠤᠨ ᠤ ᠰᠠᠯᠠᠭᠠ ᠶᠢ ᠵᠠᠪᠠᠯ ᠬᠡᠦᠭᠡᠳ ᠤᠨ | ᠨᠠᠭᠠᠴᠤ ᠠᠪᠤ ᠨᠢ ᠭᠡᠭᠡᠷᠡ ᠭᠠᠳᠠᠨᠠ ᠠᠴᠠ ᠰᠢᠯᠢᠵᠦ ᠠᠪᠴᠢᠷᠠᠨ᠂ ᠬᠡᠦᠬᠡᠳ ᠢ ᠦᠯᠦᠬᠡᠢ ᠲᠡᠭᠡᠷᠡ ᠤᠶᠠᠬᠤ | ᠤᠷᠢᠶᠠᠯᠳᠠ ᠶᠢ ᠲᠦᠷᠬᠦᠮ ᠤᠨ ᠬᠠᠳᠠᠮ ᠡᠬᠡᠴᠢ ᠪᠠ ᠲᠡᠬᠦᠦ ᠪᠡᠷᠢ ᠨᠢ ᠡᠯᠳᠡᠪ ᠦᠩᠭᠡ ᠶᠢᠨ ᠤᠳᠠᠰᠤ ᠪᠠᠷ ᠦᠯᠵᠡᠢ | ᠪᠡᠯᠭᠡᠳᠦ ᠡᠬᠦᠯᠡᠨ ᠤᠭᠠᠯᠵᠠ ᠬᠠᠳᠬᠤᠮᠠᠯᠯᠠᠨ ᠤᠶᠤᠵᠤ᠂ ᠡᠬᠦᠨ ᠢᠶᠠᠨ ︽ᠲᠠᠳᠠᠭᠤᠷ︾ ᠭᠡᠳᠡᠭ᠃ ᠦᠯᠦᠬᠡᠢ ᠪᠠᠨ | ᠬᠢᠵᠦ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ᠂ ᠨᠢᠷᠡᠢ ᠬᠡᠦᠬᠡᠳ ᠢ ᠮᠡᠨᠳᠦᠯᠡᠬᠦ ᠦᠶᠡᠰ ᠲᠦᠷᠬᠦᠮ ᠤᠨ ᠬᠦᠮᠦᠰ ᠨᠢ ᠬᠦᠷᠭᠡᠨ ᠢᠷᠡᠵᠦ | ᠂ ᠢᠷᠡᠬᠦ ᠵᠠᠮ ᠳᠠᠭᠠᠨ ᠬᠦᠰᠡᠷᠡ ᠤᠨᠠᠭᠠᠨ᠂ ᠰᠢᠪᠡᠷ ᠰᠢᠷᠦᠢ ᠬᠦᠷᠭᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ | ᠨᠢᠷᠡᠢ ᠬᠡᠦᠬᠡᠳ ᠢ ᠰᠠᠶ᠋ᠢ ᠦᠯᠦᠬᠡᠶᠢᠳᠡᠬᠦ ᠳᠡᠭᠡᠨ ᠪᠠᠰᠠ ᠲᠦᠬᠦᠮᠬᠡᠨ ᠶᠤᠰᠤᠯᠠᠯ ᠶᠠᠪᠤᠭᠤᠯᠵᠤ᠂ ᠵᠦᠪᠬᠡᠨ | ᠲᠦᠷᠬᠦᠮ ᠤᠨ ᠬᠦᠮᠦᠰ ᠪᠤᠯᠤᠨ ᠪᠠᠭᠠ ᠰᠠᠭᠠ ᠤᠶᠢᠷᠡ ᠰᠠᠳᠤᠨ ᠨᠢ ᠤᠷᠤᠯᠴᠠᠨᠠ᠂ ᠤᠷᠢᠳᠡᠪᠡᠷ ᠰᠢᠷᠡ ᠲᠤᠰᠤ ᠪᠠᠷ | ᠦᠯᠦᠬᠡᠢ ᠪᠠᠨ ᠮᠢᠯᠢᠶᠡᠵᠦ᠂ ᠵᠦᠩᠨᠡᠯ ᠪᠡᠯᠭᠡᠳᠡᠯ ᠢᠶᠠᠨ ᠢᠯᠡᠳᠭᠡᠨᠡ︔ ᠨᠢᠷᠡᠢ ᠬᠡᠦᠬᠡᠳ ᠨᠢ ᠦᠬᠢᠨ ᠪᠤᠯ ᠮᠠᠬᠠᠷᠠ | ᠲᠡᠭᠡᠷᠡ ᠪᠠᠨ ᠵᠢᠵᠢᠭ ᠲᠤᠯᠢ ᠡᠯᠬᠦᠨ᠂ ᠦᠬᠢᠨ ᠤ ᠪᠠᠨ ᠲᠤᠯᠢ ᠰᠢᠭ᠋ ᠴᠡᠪᠡᠷ ᠲᠤᠩᠭᠠᠯᠠᠭ ᠢ ᠪᠡᠯᠭᠡᠳᠡᠨᠡ︔ ᠬᠦᠦ | ᠪᠤᠯ ᠵᠢᠵᠢᠭ ᠨᠤᠮᠤ ᠰᠤᠮᠤ ᠪᠤᠯᠤᠨ ᠵᠢᠵᠢᠭ ᠬᠢᠳᠤᠭᠠ ᠡᠯᠬᠦᠵᠦ᠂ ᠮᠤᠷᠢ ᠤᠨᠤᠵᠤ ᠬᠠᠷᠪᠤᠵᠤ ᠨᠠᠮᠨᠠᠬᠤ ᠳᠠᠭᠠᠨ ᠰᠠᠶᠢᠨ | ᠡᠷᠡ ᠪᠤᠯᠵᠤ᠂ ᠤᠯᠤᠰ ᠭᠡᠷ ᠦᠨᠳᠦᠰᠦᠳᠡᠨ ᠤᠭᠰᠠᠭᠠᠳᠠᠨ ᠳᠠᠭᠠᠨ ᠭᠠᠪᠢᠶᠠ ᠵᠢᠳᠬᠦᠯ ᠦᠵᠡᠬᠦᠯᠬᠦ ᠶᠢ ᠪᠡᠯᠭᠡᠳᠡᠨᠡ᠃ | ᠪᠡᠰᠡ ᠬᠦᠦ ᠦᠬᠢᠨ ᠢᠯᠭᠠᠯ ᠦᠭᠡᠢ᠂ ᠮᠠᠬᠠᠷᠠ ᠲᠡᠭᠡᠷᠡ ᠪᠠᠨ ᠴᠦᠮ ᠨᠢᠬᠡ ᠬᠡᠯᠬᠢᠶᠡ ᠭᠠᠤᠯᠢᠨ ᠵᠤᠭᠤᠰ᠂ ᠤᠷᠳᠤ | ᠨᠠᠰᠤ ᠶᠢᠨ ᠤᠨᠢᠰᠤ ᠪᠤᠯᠤᠨ ᠵᠢᠵᠢᠭ ᠵᠢᠭᠠᠰᠤ ᠵᠡᠷᠭᠡ ᠶᠢ ᠡᠯᠬᠦᠵᠦ᠂ ᠬᠡᠦᠬᠡᠳ ᠤᠨ ᠢᠶᠠᠨ ᠤᠷᠳᠤ ᠨᠠᠰᠤᠯᠠᠨ᠂ | ᠤᠳᠠᠭᠠᠨ ᠵᠢᠷᠭᠠᠬᠤ ᠶᠢ ᠵᠦᠩᠨᠡᠳᠡᠭ᠃ | | |