ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠣᠶᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠬᠤᠷᠴᠢᠨ ᠲᠠᠷᠢᠶᠠᠴᠢᠳ ᠤᠨ ᠨᠠᠪᠳᠠᠬ ᠰᠠᠪᠳᠠᠬ ᠤᠨ ᠰᠢᠳᠦᠯᠭᠡ ︵ᠲᠡᠭᠡᠳᠦ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/6/24
         ᠬᠤᠷᠴᠢᠨ ᠲᠠᠷᠢᠶᠠᠴᠢᠳ ᠤᠨ ᠨᠠᠪᠳᠠᠬ ᠰᠠᠪᠳᠠᠬ ᠤᠨ ᠰᠢᠳᠦᠯᠭᠡ ︵ᠲᠡᠭᠡᠳᠦ︶  ᠮᠣᠩᠭᠤᠯᠴᠣᠳ ᠲᠦᠮᠡᠨ ᠪᠣᠳᠠᠰ ᠲᠤ ᠰᠦᠨᠡᠰᠦ ᠪᠣᠢ ᠭᠡᠬᠦ ᠦᠵᠡᠯ ᠢ ᠦᠨᠳᠦᠰᠦᠯᠡᠨ ᠪᠣᠢ ᠪᠦᠬᠦᠢ ᠭᠠᠵᠠᠷ ᠰᠢᠷᠣᠢ ᠴᠦᠮ ᠦᠯᠵᠡᠢ ᠪᠡᠯᠭᠡ ᠪᠠ ᠭᠠᠢ ᠪᠠᠷᠴᠢᠳ ᠤᠨ ᠬᠦᠴᠦᠨ ᠤ ᠬᠠᠷᠠᠭ᠎ᠠ ᠪᠠᠷ ᠠᠮᠢ ᠣᠷᠣᠵᠦ᠂ ᠨᠦᠭᠴᠢᠭᠰᠡᠨ ᠲᠡᠭᠡᠳᠦᠰ ᠤᠨ ᠪᠦᠷᠢᠯᠸ᠎ᠠ ᠪᠣᠯᠳᠠᠬ ᠭᠡᠵᠦ ᠦᠵᠡᠳᠡᠭ᠃ ᠮᠣᠩᠭᠤᠯ ᠰᠣᠶᠣᠯ ᠤᠨ ᠬᠦᠷᠦᠰᠦᠨ ᠳᠤ ᠰᠣᠶᠣᠭᠠᠯᠠᠨ ᠴᠡᠴᠡᠭᠯᠡᠭᠰᠡᠨ ᠬᠤᠷᠴᠢᠨᠴᠣᠳ ᠨᠢ ᠴᠦ ᠦᠶ᠎ᠡ ᠣᠯᠠᠷᠢᠨ ᠠᠮᠢᠳᠣᠷᠠᠨ ᠣᠷᠣᠰᠢᠬᠤ ᠳᠠᠭᠠᠨ ᠪᠠᠰᠠ ᠭᠠᠵᠠᠷ ᠲᠠᠷᠢᠶ᠎ᠠ᠂ ᠮᠦᠷᠡᠨ ᠭᠤᠣᠯ᠂ ᠠᠭᠤᠯᠠ ᠬᠠᠶᠢᠷᠬᠠᠨ᠂ ᠲᠠᠪᠠᠭ᠎ᠠ ᠨᠢᠷᠣᠭᠤ᠂ ᠨᠠᠭᠤᠷ ᠣᠰᠣᠨ ᠳᠤ ᠶᠠᠮᠠᠷ ᠨᠢᠭᠡᠨ ᠬᠦᠴᠦᠨ ᠪᠦᠬᠦᠢ ᠡᠵᠡᠳ ᠰᠠᠬᠢᠭᠤᠰᠣ ᠣᠷᠣᠰᠢᠵᠦ ᠪᠠᠶᠢᠨ᠎ᠠ ᠬᠡᠮᠡᠨ ᠦᠵᠡᠵᠦ ᠡᠭᠦᠨ ᠢᠶᠠᠨ ᠨᠠᠪᠳᠠᠬ ᠰᠠᠪᠳᠠᠬ ᠭᠡᠵᠦ ᠶᠠᠷᠢᠳᠠᠬ᠃ ᠬᠤᠷᠴᠢᠨᠴᠣᠳ ᠤᠨ ᠨᠠᠪᠳᠠᠬ ᠰᠠᠪᠳᠠᠬ ᠤᠨ ᠰᠢᠳᠦᠯᠭᠡ ᠨᠢ ᠪᠣᠰᠣᠳ ᠦᠨᠳᠦᠰᠦᠳᠡᠨ ᠶᠠᠰᠣᠳᠠᠨ ᠤ ᠰᠣᠶᠣᠯ ᠠᠴᠠ ᠣᠯᠠᠮᠵᠢᠯᠠᠬᠳᠠᠨ ᠣᠷᠣᠵᠦ ᠢᠷᠡᠭᠰᠡᠨ ᠪᠢᠰᠢ ᠬᠠᠷᠢᠨ ᠮᠣᠩᠭᠤᠯᠴᠣᠳ ᠤᠨ ᠣᠣᠭᠠᠯ ᠰᠤᠶᠤᠯ ᠠᠴᠠ ᠣᠯᠠᠮᠵᠢᠯᠠᠬᠳᠠᠵᠦ ᠢᠷᠡᠭᠰᠡᠨ ᠰᠢᠳᠦᠯᠭᠡ ᠪᠣᠯᠣᠨ᠎ᠠ᠃    ᠭᠠᠵᠠᠷ ᠡᠳᠦᠬᠡᠨ ᠤ ᠰᠢᠳᠦᠯᠭᠡ    ᠬᠤᠷᠴᠢᠨᠴᠣᠳ ᠤᠨ ᠨᠠᠪᠳᠠᠬ ᠰᠠᠪᠳᠠᠬ ᠤᠨ ᠰᠢᠳᠦᠯᠭᠡ ᠶᠢᠨ ᠲᠣᠬᠠᠢ ᠶᠠᠷᠢᠬᠤ ᠳᠤ ᠡᠩ ᠲᠡᠷᠢᠭᠦᠨ ᠳᠤ ᠮᠣᠩᠭᠤᠯᠴᠣᠳ ᠤᠨ ᠭᠠᠵᠠᠷ ᠡᠳᠦᠬᠡᠨ ᠤ ᠰᠢᠳᠦᠯᠭᠡ ᠶᠢᠨ ᠲᠣᠬᠠᠢ ᠶᠠᠷᠢᠬᠤ ᠴᠢᠬᠤᠯᠠᠳᠠᠢ᠃ ᠣᠴᠢᠷ ᠨᠢ ᠨᠠᠪᠳᠠᠬ ᠰᠠᠪᠳᠠᠬ ᠤᠨ ᠰᠢᠳᠦᠯᠭᠡ ᠨᠢ ᠭᠠᠵᠠᠷ ᠡᠳᠦᠬᠡᠨ ᠤ ᠰᠢᠳᠦᠯᠭᠡ ᠲᠠᠢ ᠨᠢᠬᠳᠠ ᠬᠤᠯᠪᠣᠭ᠎ᠠ ᠲᠠᠢ ᠶᠣᠮ᠃ ᠭᠠᠵᠠᠷ ᠡᠳᠦᠭᠡᠨ ᠤ ᠰᠢᠳᠦᠯᠭᠡ ᠭᠡᠳᠡᠭ ᠨᠢ ᠭᠠᠵᠠᠷ ᠲᠠᠷᠢᠶ᠎ᠠ᠂ ᠮᠦᠷᠡᠨ ᠭᠤᠣᠯ᠂ ᠠᠭᠤᠯᠠ ᠬᠠᠶᠢᠷᠬᠠᠨ᠂ ᠲᠠᠪᠠᠭ᠎ᠠ ᠨᠢᠷᠣᠭᠤ᠂ ᠨᠠᠭᠤᠷ ᠣᠰᠣᠨ ᠳᠤ ᠶᠠᠮᠠᠷ ᠨᠢᠭᠡᠨ ᠬᠦᠴᠦᠨ ᠪᠦᠬᠦᠢ ᠰᠠᠬᠢᠭᠤᠰᠣ ᠣᠷᠣᠰᠢᠵᠦ ᠪᠠᠶᠢᠨ᠎ᠠ ᠭᠡᠵᠦ ᠦᠵᠡᠭᠡᠳ ᠭᠠᠵᠠᠷ ᠢ ᠡᠬᠡ ᠭᠡᠵᠦ ᠬᠦᠨᠳᠦᠳᠭᠡᠨ ᠰᠢᠳᠦᠭᠰᠡᠨ ᠨᠡᠷ᠎ᠡ ᠪᠣᠯᠣᠨ᠎ᠠ᠃ ᠮᠣᠩᠭᠤᠯᠴᠣᠳ ᠭᠠᠵᠠᠷ ᠡᠳᠦᠭᠡᠨ ᠢ ᠰᠠᠬᠢᠭᠤᠰᠣ ᠪᠣᠯᠭᠠᠨ ᠰᠢᠳᠦᠵᠦ ᠪᠠᠶᠢᠬᠰᠠᠨ ᠢ ᠲᠣᠮᠳᠠᠳᠦ ᠵᠠᠭᠤᠨ ᠤ ᠦᠶ᠎ᠡ ᠶᠢᠨ ᠵᠢᠭᠤᠯᠴᠢᠯᠠᠬᠴᠢᠤᠠ ᠠᠯᠢ ᠡᠷᠳᠡ ᠲᠠᠨᠢᠯᠴᠠᠭᠤᠯᠵᠦ ᠦᠡᠭᠭᠡᠷᠡᠭᠰᠡᠨ ᠪᠢᠯᠡ᠃ ᠮᠠᠷᠺᠦ ᠫᠣᠯᠦ ᠶᠢᠨ ᠵᠢᠭᠤᠯᠴᠢᠯᠠᠯ ᠤᠨ ᠲᠡᠮᠳᠡᠭᠯᠡᠯ ᠳᠤ᠄ ︽ᠲᠡᠳᠡ ᠪᠠᠰᠠ ᠨᠢᠭᠡᠨ ᠨᠠᠳᠠᠭᠠᠢ ᠬᠡᠮᠡᠬᠦ ᠰᠠᠬᠢᠭᠤᠯᠰᠣᠨ ᠢ ᠲᠠᠬᠢᠮᠣᠢ᠃ ᠲᠡᠭᠦᠨ ᠤ ᠲᠦᠷᠢ ᠶᠢ ᠢᠨᠦ ᠢᠰᠡᠭᠡᠢ ᠪᠣᠶᠣ ᠪᠦᠰ ᠮᠡᠳᠦᠰ ᠤᠨ ᠶᠠᠭᠤᠮ᠎ᠠ ᠪᠠᠷ ᠪᠦᠳᠦᠭᠡᠵᠦ᠂ ᠠᠶᠢᠯ ᠪᠣᠯᠭᠠᠨ ᠳᠤ ᠲᠠᠬᠢᠵᠦ ᠠᠮᠣᠢ ᠁ ᠲᠡᠳᠡ ᠡᠨᠡ ᠰᠠᠬᠢᠭᠤᠯᠰᠣᠨ ᠢᠶᠠᠨ ᠲᠡᠳᠡᠨ ᠤ ᠦᠷ᠎ᠡ ᠬᠦᠪᠡᠭᠦᠳ ᠢ ᠬᠠᠮᠠᠭᠠᠯᠠᠨ ᠰᠠᠬᠢᠬᠤ ᠪᠦᠭᠡᠳ ᠢᠯᠠᠩᠭᠤᠶ᠎ᠠ ᠭᠠᠵᠠᠷ ᠨᠣᠳᠤᠬ᠂ ᠮᠠᠯ ᠲᠡᠵᠢᠭᠡᠪᠦᠷᠢ ᠲᠠᠷᠢᠶ᠎ᠠ ᠲᠦᠮᠦᠰᠦ ᠶᠢ ᠰᠠᠬᠢᠨ ᠬᠠᠷᠠᠮᠣᠢ ᠬᠡᠮᠡᠮᠦᠢ︾ ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠬ᠃ ᠡᠨᠡ ᠬᠦ ᠵᠢᠭᠤᠯᠴᠢᠯᠠᠯ ᠤᠨ ᠲᠡᠮᠳᠡᠭᠯᠡᠯ ᠳᠠᠬᠢ ᠨᠠᠳᠠᠭᠠᠢ ᠭᠡᠬᠦ ᠰᠢᠳᠦᠭᠡᠨ ᠢ ᠵᠠᠷᠢᠮ ᠡᠷᠳᠡᠮᠳᠡᠳ ᠠᠴᠠ ︽ᠮᠣᠩᠭᠤᠯᠴᠣᠳ ᠤᠨ ᠶᠡᠷᠦ ᠳᠡᠭᠡᠨ ᠰᠢᠳᠦᠵᠦ ᠪᠠᠶᠢᠬᠰᠠᠨ ᠵᠣᠯ ᠵᠠᠶᠠᠭᠠᠴᠢ ᠶᠢ ᠶᠠᠷᠢᠯ᠎ᠠ᠃ ᠵᠠᠶᠠᠭᠠᠴᠢ ᠨᠢ ᠪᠠᠰᠠ ᠭᠠᠭᠴᠠ ᠠᠳᠣᠭᠤ ᠮᠠᠯ ᠬᠠᠮᠢᠶᠠᠷᠬᠤ ᠠᠴᠠ ᠪᠠᠨ ᠬᠦᠮᠦᠨ ᠮᠠᠯ ᠢ ᠵᠡᠷᠭᠡ ᠪᠠᠷ ᠬᠠᠮᠠᠭᠠᠯᠠᠬᠤ ᠪᠣᠯᠵᠦ ᠴᠢᠨᠠᠬᠰᠢᠯᠠᠭᠠᠳ ᠣᠷᠣᠨ ᠰᠠᠭᠤᠴᠠ ᠲᠠᠷᠢᠶᠠᠯᠠᠩ ᠵᠡᠷᠭᠡ ᠨᠡᠩ ᠣᠯᠠᠨ ᠲᠠᠯ᠎ᠠ ᠶᠢ ᠬᠠᠮᠢᠶᠠᠷᠬᠤ ᠪᠣᠯᠵᠦ ᠬᠦᠭᠵᠢᠵᠡᠢ︾ ᠭᠡᠵᠦ ᠲᠣᠳᠣᠷᠬᠠᠢᠢᠯᠠᠵᠦ ᠦᠡᠭᠭᠡᠷᠡᠪᠡ᠃ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠫᠠᠯᠠ ᠺᠠᠷᠫᠠᠨᠢ ᠲᠡᠭᠦᠨ ᠢ ︽ᠢᠳᠤᠬ᠎ᠠ︾ ᠭᠡᠵᠦ ᠨᠡᠷᠡᠯᠡᠳᠡᠭ ᠭᠡᠵᠦ ᠲᠡᠮᠳᠡᠭᠯᠡᠭᠰᠨ ᠨᠢ ︽ᠪᠠᠨᠵᠠᠷᠣᠸ᠋ ᠤᠨ ᠪᠦᠷᠢᠨ ᠵᠣᠬᠢᠶᠠᠯ︾ ᠪᠣᠯᠣᠨ ︽ᠮᠣᠩᠭᠤᠯ ᠳᠤ ᠢᠯᠡᠴᠢᠯᠡᠭᠰᠡᠨ︾ ᠲᠡᠮᠳᠡᠭᠯᠡᠯ ᠳᠤ ᠪᠠᠶᠢᠭ᠎ᠠ ᠶᠣᠮ᠃ ᠡᠭᠦᠨ ᠢᠶᠠᠷ ᠦᠵᠡᠪᠡᠯ ᠵᠢᠭᠤᠯᠴᠢᠯᠠᠬᠴᠢᠤᠠ ᠤᠨ ᠲᠡᠮᠳᠡᠭᠯᠡᠭᠰᠡᠨ ︽ᠨᠠᠳᠠᠭᠠᠢ︾ ᠭᠡᠬᠦ ᠰᠢᠳᠦᠭᠡᠨ ᠨᠢ ᠮᠣᠩᠭᠤᠯᠴᠣᠳ ᠤᠨ ᠬᠡᠯᠡᠳᠡᠭ ᠡᠳᠦᠬᠡᠨ ᠡᠬᠡ ᠭᠡᠳᠡᠭ ᠰᠠᠬᠢᠭᠤᠯᠰᠣᠨ ᠪᠠᠶᠢᠬᠰᠠᠨ ᠪᠣᠯᠣᠯᠴᠠᠭ᠎ᠠ ᠶᠡᠭᠡ ᠪᠠᠶᠢᠨ᠎ᠠ᠃ ᠮᠣᠩᠭᠤᠯᠴᠣᠳ ᠤᠨ ᠱᠠᠰᠢᠨ ᠤ ᠨᠣᠮ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ ᠡᠳᠦᠬᠡᠨ ᠡᠬᠡ ᠶᠢ ᠠᠯᠳᠠᠨ ᠵᠢᠷᠦᠬᠡᠳᠦ ᠶᠢᠨ ᠣᠷᠣᠨ ᠤ ᠡᠵᠡᠯᠡᠭᠴᠢ ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠪᠦᠭᠡᠳ ᠡᠳᠦᠬᠡᠨ ᠡᠬᠡ ᠪᠠ ᠭᠠᠵᠠᠷ ᠤᠨ ᠰᠠᠬᠢᠭᠤᠯᠰᠣᠨ ᠤ ᠬᠤᠭᠤᠷᠣᠨᠳᠦ ᠪᠠᠰᠠ ᠡᠯᠪᠡᠭ ᠲᠡᠯᠪᠡᠭ ᠡᠳ᠋ ᠠᠭᠤᠷᠰᠣᠨ ᠲᠠᠢ ᠨᠢᠭᠡ ᠶᠢᠷᠳᠢᠨᠴᠦ ᠪᠠᠶᠢᠳᠠᠬ ᠪᠦᠭᠡᠳ ᠠᠯᠢᠪᠠ ᠪᠦᠬᠦᠨ ᠲᠡᠭᠦᠨ ᠠᠴᠠ ᠡᠭᠦᠰᠬᠦ ᠪᠣᠯᠬᠤᠷ ︽ᠲᠡᠭᠡᠷ᠎ᠡ ᠶᠡᠷᠡ ᠶᠢᠰᠦᠨ ᠲᠡᠭᠷᠢ᠂ ᠲᠣᠣᠷ᠎ᠠ ᠲᠠᠯᠠᠨ ᠲᠣᠯᠣᠭᠠᠨ ᠡᠳᠦᠬᠡᠨ ᠡᠬᠡ︾ ᠭᠡᠳᠡᠭ ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠠᠶᠢᠨ᠎ᠠ᠃ ᠲᠡᠭᠡᠷᠡᠬᠢ ᠪᠠᠷᠢᠮᠳᠠ ᠨᠤᠭᠤᠳ ᠠᠴᠠ ᠦᠵᠡᠪᠡᠯ ᠮᠣᠩᠭᠤᠯᠴᠣᠳ ᠤᠨ ᠭᠠᠵᠠᠷ ᠡᠳᠦᠬᠡᠨ ᠤ ᠰᠢᠳᠦᠯᠭᠡ ᠨᠢ ᠪᠠᠯᠠᠷ ᠡᠷᠳᠡᠨ ᠤ ᠴᠠᠬ ᠦᠶ᠎ᠡ ᠴᠢᠨᠠᠬᠰᠢᠯᠠᠭᠠᠳ ᠲᠡᠭᠦᠨ ᠠᠴᠠ ᠴᠦ ᠡᠷᠳᠡ ᠪᠣᠢ ᠪᠣᠯᠣᠬᠰᠠᠨ ᠰᠢᠳᠦᠯᠭᠡ ᠶᠢᠨ ᠨᠢᠭᠡ ᠲᠦᠷᠦᠯ ᠪᠣᠯᠣᠨ᠎ᠠ᠃ ᠡᠷᠳᠡᠮᠳᠡᠳ ᠤᠨ ᠰᠣᠳᠣᠯᠣᠬᠰᠠᠨ ᠢᠶᠠᠷ ︽ᠮᠣᠩᠭᠤᠯᠴᠣᠳ ᠤᠨ ᠬᠠᠮᠳᠦ ᠶᠢᠨ ᠱᠠᠰᠢᠨ ᠪᠣᠯᠬᠤ ᠪᠦᠭᠡ ᠶᠢᠨ ᠱᠠᠰᠢᠨ ᠨᠢ ᠶᠡᠭᠡ ᠲᠦᠯᠦᠪ ᠪᠠᠯᠠᠷ ᠡᠷᠳᠡᠨ ᠤ ᠦᠶ᠎ᠡ ᠳᠠᠬᠢ ᠡᠭᠡᠴᠢᠯᠡᠯ ᠤᠨ ᠨᠡᠶᠢᠭᠡᠮ ᠤᠨ ᠦᠶ᠎ᠡ ᠳᠤ ᠪᠣᠢ ᠪᠣᠯᠣᠬᠰᠠᠨ ᠮᠦᠷᠳᠡᠭᠡᠨ ᠡᠷᠡᠭᠳᠡᠢ ᠶᠢ ᠨᠢ ᠪᠦᠭᠡ ᠭᠡᠳᠡᠭ᠂ ᠡᠮᠡᠭᠳᠡᠢ ᠶᠢ ᠨᠢ ᠢᠳᠣᠭᠠᠨ ᠭᠡᠳᠡᠭ᠃ ᠪᠦᠭᠡ ᠮᠦᠷᠭᠦᠯ ᠠᠩᠬ᠎ᠠ ᠪᠣᠢ ᠪᠣᠯᠬᠤ ᠳᠤ ᠲᠡᠭᠦᠨ ᠤ ᠱᠠᠰᠢᠨ ᠤ ᠦᠢᠯᠡ ᠶᠢ ᠡᠷᠬᠢᠯᠡᠳᠡᠭ ᠨᠢ ᠪᠦᠷ ᠢᠳᠣᠭᠠᠨ ᠨᠠᠷ ᠪᠠᠶᠢᠵᠦ ᠬᠤᠵᠢᠮ ᠨᠢ ᠰᠠᠶ᠋ᠢ ᠡᠷᠡᠭᠳᠡᠢ ᠬᠦᠮᠦᠨ ᠪᠦᠭᠡ ᠡᠷᠬᠢᠯᠡᠬᠦ ᠪᠣᠯᠵᠠᠢ︾ ᠭᠡᠵᠡᠢ᠃ ᠡᠭᠦᠨ ᠤ ᠲᠣᠬᠠᠢ ᠭᠠᠳᠠᠰᠣ ᠠᠴᠠ᠄ ︽ᠢᠳᠣᠭᠠᠨ ᠪᠡ ᠡᠳᠦᠭᠡᠨ ᠭᠡᠳᠡᠭ ᠦᠭᠡ ᠨᠢ ᠦᠨᠡᠨ ᠳᠡᠭᠡᠨ ᠡᠬᠡ ᠪᠣᠶᠣ ᠡᠮᠡᠭᠳᠡᠢ ᠭᠡᠳᠡᠭ ᠦᠭᠡᠨ ᠠᠴᠠ ᠡᠭᠦᠰᠦᠯᠳᠡᠢ᠃ ᠡᠳᠦᠭᠡᠨ ᠢ ᠵᠠᠷᠢᠮ ᠨᠣᠮ ᠳᠤ ᠢᠳᠤᠬ᠎ᠠ ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠠᠶᠢᠨ᠎ᠠ᠃ ᠢᠳᠤᠬ᠎ᠠ ᠨᠢ ᠢᠳᠣᠭᠠᠨ ᠲᠠᠢ ᠨᠡᠯᠢᠶᠡᠳ ᠣᠢᠢᠷᠠᠯᠴᠠᠭ᠎ᠠ ᠦᠭᠡ ᠮᠦᠨ᠃ ︿ᠢᠳᠣᠭᠠᠨ﹀ ᠭᠡᠳᠡᠭ ᠨᠢ ᠪᠦᠭᠡ ᠮᠦᠷᠭᠦᠯ ᠤᠨ ᠲᠣᠳᠣᠷᠠᠬᠢ ᠡᠮᠡᠭᠳᠡᠢ ᠪᠦᠭᠡ ᠶᠢ ᠵᠢᠭᠠᠳᠠᠬ᠃ ︿ᠡᠳᠦᠭᠡᠨ﹀ ᠭᠡᠳᠡᠭ ᠦᠭᠡ ᠶᠢ ᠨᠠᠷᠢᠨ ᠰᠢᠨᠵᠢᠪᠡᠯ ᠡᠭᠦᠳᠦᠭᠰᠡᠨ᠂ ᠪᠦᠳᠦᠭᠡᠭᠰᠡᠨ ᠭᠡᠳᠡᠭ ᠦᠭᠡ ᠲᠠᠢ ᠣᠢᠢᠷᠠᠯᠴᠠᠭ᠎ᠠ ᠰᠢᠬ ᠰᠠᠨᠠᠬᠳᠠᠨ᠎ᠠ᠃ ᠲᠠᠷᠣᠢ ᠪᠠᠯᠠᠷ ᠡᠷᠳᠡᠨ ᠤ ᠬᠦᠮᠦᠰ ᠡᠮᠡᠭᠳᠡᠢ ᠬᠦᠮᠦᠨ ᠨᠢ ᠬᠦᠮᠦᠨ ᠢ ᠲᠦᠷᠦᠵᠦ ᠡᠭᠦᠳᠦᠭᠰᠡᠨ᠂ ᠭᠠᠵᠠᠷ ᠨᠢ ᠲᠦᠮᠡᠨ ᠪᠣᠳᠠᠰ ᠢ ᠡᠭᠦᠳᠦᠨ ᠪᠦᠳᠦᠭᠡᠭᠰᠡᠨ ᠭᠡᠵᠦ ᠦᠵᠡᠭᠡᠳ ᠭᠠᠵᠠᠷ ᠢ ︿ᠡᠭᠦᠳᠦᠭᠰᠡᠨ ᠡᠬᠡ﹀ ᠭᠡᠵᠦ ᠬᠦᠨᠳᠦᠳᠭᠡᠨ ᠰᠢᠳᠦᠭᠰᠡᠨ ᠠᠴᠠ ᠪᠣᠢ ᠪᠣᠯᠣᠬᠰᠠᠨ ᠦᠭᠡ ᠪᠣᠯᠣᠨ᠎ᠠ᠃ ᠣᠳᠣ ᠴᠦ ᠭᠡᠰᠡᠨ ᠮᠠᠨ ᠤ ᠮᠣᠩᠭᠤᠯᠴᠣᠳ ᠲᠡᠭᠷᠢ ᠶᠢ ᠡᠴᠢᠭᠡ ᠲᠡᠭᠷᠢ᠂ ᠭᠠᠵᠠᠷ ᠢ ᠡᠬᠡ ᠭᠠᠵᠠᠷ ᠭᠡᠵᠦ ᠬᠦᠨᠳᠦᠳᠭᠡᠨ ᠶᠠᠷᠢᠬᠰᠠᠭᠠᠷ ᠪᠠᠶᠢᠨ᠎ᠠ᠃ ᠢᠳᠣᠭᠠᠨ ᠪᠠ ᠡᠳᠦᠭᠡᠨ ᠭᠡᠳᠡᠭ ᠨᠢ ᠪᠦᠷ ᠡᠮᠡᠭᠳᠡᠢ᠂ ᠡᠭᠦᠳᠦᠭᠰᠡᠨ᠂ ᠪᠦᠳᠦᠭᠡᠭᠰᠡᠨ ᠭᠡᠰᠡᠨ ᠣᠳᠬ᠎ᠠ ᠲᠠᠢ ᠦᠭᠡ︾ ᠭᠡᠵᠡᠢ᠃    ᠮᠣᠩᠭᠤᠯ ᠤᠨ ᠡᠪᠦᠭᠡ ᠲᠡᠭᠡᠳᠦᠰ ᠡᠷᠳᠡ ᠦᠶ᠎ᠡ ᠠᠴᠠ ᠪᠠᠨ ᠪᠠᠶᠢᠭᠠᠯᠢ ᠶᠢ ᠰᠢᠳᠦᠨ ᠪᠢᠰᠢᠷᠡᠵᠦ ᠡᠬᠡ ᠲᠡᠯᠡᠬᠡᠢ ᠶᠢᠨ ᠲᠦᠮᠡᠨ ᠪᠣᠳᠠᠰ ᠲᠤ ᠡᠵᠡᠳ ᠣᠡᠭᠭᠤᠳ ᠲᠠᠢ ᠭᠡᠬᠦ ᠠᠩᠬᠠᠨ ᠤ ᠰᠦᠰᠦᠭ ᠪᠢᠰᠢᠷᠡᠯ ᠢ ᠪᠣᠢ ᠪᠣᠯᠭᠠᠵᠦ ᠲᠦᠮᠡᠨ ᠪᠣᠳᠠᠰ ᠨᠢ ᠭᠠᠯ᠂ ᠰᠢᠷᠣᠢ᠂ ᠲᠡᠮᠦᠷ᠂ ᠣᠰᠣ᠂ ᠮᠣᠳᠣ ᠭᠡᠬᠦ ᠲᠠᠪᠣᠨ ᠮᠠᠬᠠᠪᠣᠳ ᠢᠶᠠᠷ ᠪᠦᠳᠦᠯ᠎ᠡ ᠭᠡᠵᠦ ᠦᠵᠡᠵᠡᠢ᠃ ᠡᠨᠡ ᠬᠦ ᠲᠠᠪᠣᠨ ᠮᠠᠬᠠᠪᠣᠳ ᠤᠨ ᠲᠣᠳᠣᠷᠠᠬᠢ ᠰᠢᠷᠣᠢ ᠨᠢ ᠲᠠᠷᠣᠢ ᠪᠠᠶᠢᠭᠠᠯᠢ ᠶᠢᠨ ᠲᠦᠮᠡᠨ ᠪᠣᠳᠠᠰ ᠤᠨ ᠡᠬᠡ ᠪᠣᠯᠬᠤ ᠭᠠᠵᠠᠷ ᠢ ᠵᠢᠭᠠᠬᠰᠠᠨ ᠦᠭᠡ ᠪᠠᠶᠢᠵᠦ᠂ ᠰᠢᠷᠣᠢ ᠨᠢ ᠲᠠᠪᠣᠨ ᠮᠠᠬᠠᠪᠣᠳ ᠤᠨ ᠲᠣᠮᠳᠠ ᠪᠠᠶᠢᠷᠢᠰᠢᠳᠠᠬ ᠠᠴᠠ ᠭᠠᠵᠠᠷ ᠨᠢ ᠪᠣᠳᠠᠰ ᠤᠨ ᠰᠢᠳᠦᠯᠭᠡ ᠶᠢᠨ ᠲᠣᠳᠣᠷ᠎ᠠ ᠴᠦ ᠣᠷᠦ᠋ᠢᠯᠠᠬᠤ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ ᠪᠠᠶᠢᠬᠰᠠᠨ ᠢ ᠮᠡᠳᠡᠵᠦ ᠪᠣᠯᠣᠨ᠎ᠠ᠃ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠠᠴᠠ ᠪᠠᠶᠢᠭᠠᠯᠢ ᠶᠢᠨ ᠪᠣᠳᠠᠰ ᠢ ᠰᠢᠳᠦᠬᠦ ᠪᠣᠯᠣᠬᠰᠠᠨ ᠨᠢ ᠱᠠᠰᠢᠨ ᠪᠣᠢ ᠪᠣᠯᠬᠤ ᠠᠴᠠ ᠡᠮᠦᠨᠡᠬᠢ ᠣᠴᠢᠷ ᠶᠤᠮ᠃ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠠᠴᠠ ᠡᠬᠢᠯᠡᠨ ᠠᠮᠢᠳᠠᠨ ᠠᠷᠢᠶᠠᠳᠠᠨ ᠬᠦᠷᠳᠡᠯ᠎ᠡ ᠠᠮᠢ ᠨᠠᠰᠣ ᠶᠢ ᠣᠯᠣᠮᠠᠬᠴᠠ ᠲᠦᠷᠦᠭᠦᠯᠦᠭᠰᠡᠨ ᠡᠬᠡ ᠶᠢᠨ ᠢᠶᠠᠨ ᠣᠭᠤᠷᠠᠬ ᠰᠦᠨ ᠢᠶᠠᠷ ᠲᠣᠷᠨᠢᠵᠦ ᠡᠬᠡ ᠪᠠᠨ ᠰᠢᠳᠦᠨ ᠪᠢᠰᠢᠷᠡᠳᠡᠭ᠃ ᠨᠡᠩ ᠴᠢᠨᠠᠬᠰᠢᠯᠠᠭᠠᠳ ᠬᠦᠮᠦᠨ ᠤ ᠣᠢ ᠲᠠᠷᠢᠬᠢ ᠵᠢᠭᠠᠬᠠᠨ ᠬᠦᠭᠵᠢᠯᠳᠡ ᠪᠠᠨ ᠣᠯᠣᠮᠠᠬᠴᠠ ᠢᠳᠡᠰᠢ ᠣᠣᠭᠤᠰᠢ᠂ ᠣᠷᠣᠨ ᠰᠠᠭᠤᠴᠠ᠂ ᠠᠮᠢᠳᠣᠷᠠᠯ ᠤᠨ ᠬᠡᠷᠡᠭᠰᠡᠯ ᠁ ᠶᠠᠭᠤ ᠪᠦᠬᠦᠨ ᠢ ᠬᠠᠨᠭ᠍ᠭᠠᠳᠠᠬ ᠭᠠᠵᠠᠷ ᠢ ᠡᠬᠡ ᠬᠡᠮᠡᠨ ᠰᠢᠳᠦᠬᠦ ᠨᠢ ᠠᠶᠠᠨᠳᠠᠭᠠᠨ ᠤ ᠣᠴᠢᠷ ᠪᠣᠯᠣᠨ᠎ᠠ᠃ ︽ᠮᠠᠷᠺᠤ ᠫᠣᠯᠣ ᠶᠢᠨ ᠠᠶᠠᠯᠠᠯ ᠤᠨ ᠲᠡᠮᠳᠡᠭᠯᠡᠯ︾ ᠳᠤ ᠡᠬᠡ ᠨᠢ ᠠᠯᠢᠪᠠ ᠪᠦᠬᠦᠨ ᠢ ᠬᠠᠮᠠᠭᠠᠯᠠᠨ ᠰᠣᠶᠣᠷᠬᠠᠵᠦ ᠶᠠᠭᠤ ᠪᠦᠬᠦᠨ ᠢ ᠣᠯᠭᠤᠳᠠᠬ ᠪᠣᠯᠬᠤᠷ ᠮᠣᠩᠭᠤᠯᠴᠣᠳ ᠲᠡᠭᠦᠨ ᠢ ᠮᠠᠰᠢ ᠬᠦᠨᠳᠦᠳᠭᠡᠨ ᠲᠠᠬᠢᠳᠠᠬ ᠭᠡᠵᠦ ᠪᠢᠴᠢᠵᠡᠢ᠃ ᠲᠡᠦᠬᠡ ᠶᠢᠨ ᠪᠠᠷᠢᠮᠳᠠ ᠵᠢᠴᠢ ᠠᠷᠠᠳ ᠤᠨ ᠲᠣᠮᠳᠠᠬᠢ ᠦᠯᠢᠭᠡᠷ ᠲᠣᠮᠤᠬ ᠢ ᠦᠨᠳᠦᠰᠦᠯᠡᠪᠡᠯ ᠡᠳᠦᠭᠡᠨ ᠭᠡᠳᠡᠭ ᠦᠭᠡ ᠨᠢ ᠪᠦᠬᠡ ᠶᠢᠨ ᠱᠠᠰᠢᠨ ᠪᠣᠢ ᠪᠣᠯᠬᠤ ᠶᠢ ᠲᠠᠭᠠᠯᠳᠣᠨ ᠢᠳᠣᠭᠠᠨ ᠲᠠᠢ ᠠᠳᠠᠯᠢ ᠪᠠᠷ ᠡᠬᠡᠴᠢᠯᠡᠯ ᠤᠨ ᠨᠡᠶᠢᠭᠡᠮ ᠤᠨ ᠦᠶ᠎ᠡ ᠳᠤ ᠪᠣᠢ ᠪᠣᠯᠣᠬᠰᠠᠨ ᠪᠣᠯᠣᠯᠴᠠᠭ᠎ᠠ ᠶᠡᠭᠡ ᠪᠣᠯᠪᠠᠴᠦ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠠᠴᠠ ᠭᠠᠵᠠᠷ ᠪᠠ ᠣᠰᠣ᠂ ᠮᠣᠳᠣ ᠵᠡᠷᠭᠡ ᠶᠢᠨ ᠪᠣᠳᠠᠰ ᠢ ᠰᠢᠳᠦᠵᠦ ᠡᠬᠢᠯᠡᠭᠰᠡᠨ ᠨᠢ ᠡᠭᠦᠨ ᠠᠴᠠ ᠴᠦ ᠡᠷᠳᠡ ᠪᠣᠢ ᠪᠣᠯᠣᠬᠰᠠᠨ ᠣᠴᠢᠷ ᠪᠠᠶᠢᠵᠦ ᠲᠠᠭᠠᠷᠠᠨ᠎ᠠ᠃    ᠡᠬᠡ ᠡᠳᠦᠭᠡᠨ ᠢ ᠪᠠᠰᠠ ︽ᠬᠦᠷᠡᠩ ᠬᠤᠨᠢᠶᠠᠰᠣᠳᠦ ᠡᠳᠦᠬᠡᠨ ᠡᠬᠡ︾ ᠭᠡᠳᠡᠭ ᠪᠦᠭᠡᠳ ᠬᠦᠷᠡᠩ ᠬᠤᠨᠢᠶᠠᠰᠣ ᠲᠦᠭᠦᠷᠦᠭᠰᠡᠨ ᠠᠯᠳᠠᠨ ᠵᠢᠷᠦᠬᠡᠳᠦ ᠶᠢᠨ ᠣᠷᠣᠨ ᠭᠡᠳᠡᠭ ᠭᠡᠵᠦ ︽ᠣᠯᠠᠨᠰᠦ᠋ᠮ᠎ᠡ ᠠᠴᠠ ᠣᠯᠠᠳᠠᠬᠰᠠᠨ ᠮᠣᠩᠭᠤᠯ ᠬᠦᠰᠢᠶᠡᠨ ᠤ ᠪᠢᠴᠢᠭᠡᠰᠦ ᠪᠠ ᠬᠠᠭᠤᠯᠣᠮᠠᠯ ᠲᠡᠪᠳᠡᠷ ᠤᠨ ᠲᠠᠮᠳᠣᠷᠬᠠᠢ ᠨᠤᠭᠤᠳ︾ ᠭᠡᠬᠦ ᠨᠣᠮ ᠳᠤ ᠲᠡᠮᠳᠡᠭᠯᠡᠵᠦ ᠪᠠᠶᠢᠳᠠᠬ᠃ ᠯᠠᠮᠠ ᠶᠢᠨ ᠱᠠᠰᠢᠨ ᠨᠢ ᠮᠣᠩᠭᠤᠯ ᠣᠷᠣᠨ ᠳᠤ ᠣᠯᠠᠮᠵᠢᠯᠠᠬᠳᠠᠬᠰᠠᠨ ᠤ ᠲᠠᠷᠠᠭ᠎ᠠ ᠪᠦᠭᠡ ᠶᠢᠨ ᠱᠠᠰᠢᠨ ᠤ ᠵᠠᠷᠢᠮ ᠵᠦᠢᠯᠡᠰ ᠨᠢ ᠪᠣᠷᠬᠠᠨ ᠤ ᠱᠠᠰᠢᠨ ᠤ ᠦᠡᠭᠭᠡ ᠪᠣᠳᠤᠬ ᠲᠠᠢ ᠪᠣᠯᠣᠨ ᠬᠤᠪᠢᠷᠠᠵᠠᠢ᠃ ᠮᠣᠩᠭᠤᠯᠴᠣᠳ ᠤᠨ ᠭᠠᠵᠠᠷ ᠣᠰᠣᠨ ᠤ ᠰᠢᠳᠦᠯᠭᠡ ᠶᠢᠨ ᠵᠠᠷᠢᠮ ᠵᠦᠢᠯ ᠢ ᠴᠦ ᠯᠠᠮᠠ ᠶᠢᠨ ᠱᠠᠰᠢᠨ ᠨᠢ ᠠᠯᠢ ᠡᠷᠳᠡ ᠡᠵᠡᠮᠰᠢᠨ ᠠᠪᠣᠭᠠᠳ ᠱᠠᠰᠢᠨ ᠤ ᠣᠯᠠᠨ ᠰᠠᠬᠢᠭᠤᠯᠰᠣᠨ ᠢ ᠯᠠᠮᠠ ᠶᠢᠨ ᠱᠠᠰᠢᠨ ᠤ ᠰᠢᠰᠲ᠋ᠧᠮ ᠳᠡᠭᠡᠨ ᠣᠷᠣᠭᠤᠯᠣᠨ ᠠᠪᠴᠠᠢ᠃ ᠡᠨᠡ ᠨᠢ ᠮᠣᠩᠭᠤᠯ ᠳᠠᠬᠢ ᠯᠠᠮᠠ ᠶᠢᠨ ᠱᠠᠰᠢᠨ ᠤ ᠭᠡᠭᠡᠨ ᠬᠤᠪᠢᠯᠭᠠᠳ ᠤᠨ ᠠᠵᠢᠯᠯᠠᠭᠠᠨ ᠳᠤ ᠵᠢᠷᠣᠮᠯᠠᠬᠤ ᠬᠡᠪ ᠵᠠᠬᠪᠣᠷ ᠪᠣᠯᠣᠬᠰᠠᠨ ᠶᠣᠮ᠃ ᠠᠷᠪᠠᠨ ᠵᠢᠷᠭᠤᠳᠣᠭᠠᠷ ᠵᠠᠭᠤᠨ ᠤ ᠦᠶ᠎ᠡ ᠳᠤ ᠪᠢᠴᠢᠭᠳᠡᠭᠰᠡᠨ ᠡᠳᠦᠭᠡᠨ ᠰᠠᠬᠢᠭᠤᠯᠰᠣᠨ ᠪᠠ ᠭᠠᠯ ᠤᠨ ᠲᠠᠬᠢᠯᠭ᠎ᠠ ᠶᠢᠨ ᠡᠷᠳᠡᠨ ᠤ ᠰᠣᠳᠣᠷ ᠤᠳ ᠲᠤ ᠯᠠᠮᠠ ᠶᠢᠨ ᠱᠠᠰᠢᠨ ᠤ ᠨᠦᠯᠦᠭᠡ ᠮᠡᠷ ᠰᠡᠷ ᠮᠡᠳᠡᠭᠳᠡᠵᠦ ᠪᠠᠶᠢᠨ᠎ᠠ᠃   ᠬᠤᠷᠴᠢᠨ ᠲᠠᠷᠢᠶᠠᠴᠢᠳ ᠤᠨ ᠨᠠᠪᠳᠠᠬ ᠰᠠᠪᠳᠠᠬ ᠤᠨ ᠲᠣᠬᠠᠢ ᠣᠢᠢᠯᠠᠭᠠᠯᠳᠠ ᠮᠣᠩᠭᠤᠯᠴᠣᠳ ᠨᠢ ᠠᠯᠢ ᠡᠷᠳᠡᠨ ᠠᠴᠠ ᠪᠠᠶᠢᠭᠠᠯᠢ ᠶᠢᠨ ᠲᠦᠮᠡᠨ ᠪᠣᠳᠠᠰ ᠲᠤ ᠡᠵᠡᠳ ᠰᠠᠬᠢᠭᠤᠰᠣ ᠲᠠᠢ ᠭᠡᠵᠦ ᠦᠵᠡᠭᠡᠳ ᠠᠩᠬᠠᠨ ᠤ ᠰᠢᠳᠦᠯᠭᠡ ᠶᠢ ᠪᠣᠢ ᠪᠣᠯᠭᠠᠬᠰᠠᠨ ᠶᠣᠮ᠃ ᠨᠠᠪᠳᠠᠬ ᠰᠠᠪᠳᠠᠬ ᠭᠡᠳᠡᠭ ᠨᠢ ᠲᠠᠷᠣᠢ ᠭᠠᠵᠠᠷ ᠣᠰᠣᠨ ᠤ ᠡᠵᠡᠳ ᠰᠠᠬᠢᠭᠤᠰᠣ ᠶᠢ ᠵᠢᠭᠠᠵᠦ ᠪᠠᠶᠢᠭ᠎ᠠ ᠦᠭᠡ ᠪᠣᠯᠣᠨ᠎ᠠ᠃ ᠡᠭᠦᠨ ᠤ ᠲᠣᠬᠠᠢ ᠭᠠᠳᠠᠰᠣ ᠠᠴᠠ᠄ ︽ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠮᠣᠩᠭᠤᠯ ᠣᠷᠣᠨ ᠤ ᠭᠠᠵᠠᠷ ᠨᠣᠳᠤᠬ ᠢ ᠲᠤᠭ᠎ᠠ ᠲᠣᠮᠰᠢ ᠦᠭᠡᠢ ᠣᠯᠠᠨ ᠬᠡᠰᠡᠭᠯᠡᠨ ᠵᠠᠬᠢᠷᠣᠬᠰᠠᠨ ᠵᠢᠵᠢᠭ ᠰᠠᠬᠢᠭᠤᠯᠰᠣᠨ ᠨᠤᠭᠤᠳ ᠪᠠᠶᠢᠭ᠎ᠠ ᠶᠣᠮ᠃ ᠨᠠᠪᠳᠠᠬ ᠨᠢ ᠵᠠᠷᠢᠮ ᠳᠠᠭᠠᠨ ᠶᠡᠷᠦᠩᠬᠡᠶᠢᠯᠡᠭᠰᠡᠨ ᠰᠢᠳᠦᠭᠡᠨ ᠤ ᠨᠡᠷᠡᠶᠢᠳᠦᠯ ᠪᠣᠯᠵᠦ ᠡᠵᠡᠳ ᠪᠠ ᠯᠣᠣᠰ ᠢ ᠪᠠᠭᠳᠠᠭᠠᠳᠠᠬ᠃ ᠭᠡᠪᠡᠴᠦ ᠶᠡᠷᠦ ᠳᠡᠭᠡᠨ ᠲᠡᠳᠡᠭᠡᠷ ᠤᠨ ᠬᠤᠭᠤᠷᠣᠨᠳᠦ ᠨᠠᠷᠢᠨ ᠢᠯᠭᠠᠭ᠎ᠠ ᠲᠠᠢ᠃ ᠡᠵᠡᠳ ᠨᠢ ᠠᠭᠤᠯᠠ᠂ ᠣᠪᠣᠭ᠎ᠠ᠂ ᠮᠣᠳᠣ ᠵᠡᠷᠭᠡ ᠪᠣᠳᠠᠳᠠᠢ ᠪᠡᠶ᠎ᠡ ᠳᠤ ᠣᠷᠣᠰᠢᠵᠦ᠂ ᠯᠣᠣᠰ ᠨᠢ ᠭᠤᠣᠯ ᠮᠦᠷᠡᠨ᠂ ᠨᠠᠭᠤᠷ ᠪᠣᠯᠠᠬ᠂ ᠬᠤᠳᠳᠤᠬ ᠵᠡᠷᠭᠡ ᠪᠣᠳᠠᠳᠠᠢ ᠪᠡᠶ᠎ᠡ ᠳᠤ ᠣᠷᠣᠰᠢᠵᠦ ᠪᠠᠶᠢᠬᠤ ᠳᠤ᠂ ᠨᠠᠪᠳᠠᠬ ᠰᠠᠪᠳᠠᠬ ᠪᠣᠯ ᠬᠠᠷᠢᠨ ᠵᠠᠪᠠᠯ ᠪᠣᠳᠠᠳᠠᠢ ᠪᠣᠳᠠᠰ ᠲᠤ ᠣᠷᠤᠰᠢᠳᠠᠬ ᠪᠢᠰᠢ᠂ ᠭᠠᠵᠠᠷ ᠤᠨ ᠪᠠᠶᠢᠷᠢ ᠪᠠᠶᠢᠴᠠ ᠢᠯᠭᠠᠳᠠᠬ ᠦᠭᠡᠢ᠂ ᠭᠠᠵᠠᠷ ᠨᠣᠳᠤᠬ ᠪᠣᠯᠭᠠᠨ ᠳᠤ ᠡᠵᠡᠯᠡᠨ ᠰᠠᠭᠤᠵᠦ ᠪᠠᠶᠢᠳᠠᠬ᠃ ᠡᠶᠢᠮᠦ ᠠᠴᠠ ᠨᠠᠪᠳᠠᠬ ᠰᠠᠪᠳᠠᠬ ᠢ ᠪᠠᠰᠠ ᠭᠠᠵᠠᠷ ᠤᠨ ᠡᠵᠡᠨ ᠪᠣᠶᠣ ᠭᠠᠵᠠᠷ ᠡᠳᠦᠭᠡᠨ ᠭᠡᠳᠡᠭ᠃ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠬᠡᠳᠦᠢ ᠶᠡᠭᠡ ᠭᠠᠵᠠᠷ ᠢ ᠡᠷᠬᠡᠰᠢᠶᠡᠳᠡᠭ ᠪᠣᠢ ᠭᠡᠪᠡᠯ ᠶᠡᠷᠦᠩᠬᠡᠢ ᠳᠡᠭᠡᠨ ᠬᠤᠷᠢ ᠠᠴᠠ ᠲᠦᠴᠢᠨ ᠺᠢᠯᠣᠮᠧᠲᠷ ᠤᠨ ᠭᠠᠵᠠᠷ ᠲᠤ ᠨᠠᠪᠳᠠᠬ ᠰᠠᠪᠳᠠᠬ ᠤᠨ ᠡᠷᠬᠡᠰᠢᠶᠡᠯ ᠤᠨ ᠬᠦᠴᠦᠨ ᠲᠠᠢ ᠶᠠᠪᠣᠬᠳᠠᠳᠠᠬ ᠭᠡᠨ᠎ᠡ᠃ ᠭᠡᠪᠡᠴᠦ ᠡᠭᠦᠨ ᠳᠤ ᠨᠠᠷᠢᠨ ᠲᠣᠬᠳᠠᠭᠠᠯ ᠪᠠᠶᠢᠭ᠎ᠠ ᠦᠭᠡᠢ᠃ ᠨᠢᠭᠡ ᠡᠷᠦᠬᠡ ᠶᠢᠨ ᠭᠠᠵᠠᠷ ᠲᠤ ᠴᠦ ᠲᠣᠰᠬᠠᠢ ᠨᠠᠪᠳᠠᠬ ᠰᠠᠪᠳᠠᠬ ᠲᠠᠢ ᠪᠠᠶᠢᠵᠦ᠂ ᠡᠵᠡᠭᠦᠢ ᠭᠠᠵᠠᠷ ᠨᠢ ᠴᠦ ᠬᠡᠰᠡᠭ ᠬᠡᠰᠡᠭ ᠬᠤᠪᠢᠶᠠᠬᠳᠠᠨ ᠨᠡᠷᠡᠯᠡᠭᠳᠡᠭᠰᠡᠨ ᠲᠣᠰ ᠪᠦᠷᠢ ᠳᠡᠭᠡᠨ ᠨᠠᠪᠳᠠᠬ ᠰᠠᠪᠳᠠᠬ ᠲᠠᠢ ᠪᠠᠶᠢᠳᠠᠬ ᠠᠵᠢ︾ ᠭᠡᠵᠡᠢ᠃    ᠠᠯᠢ ᠡᠷᠳᠡᠨ ᠠᠴᠠ ᠮᠣᠩᠭᠤᠯᠴᠣᠳ ᠠᠭᠤᠯᠠ ᠬᠠᠶᠢᠷᠬᠠᠨ ᠲᠠᠪᠠᠭ᠎ᠠ ᠨᠢᠷᠣᠭᠤ ᠳᠤ ᠨᠠᠪᠳᠠᠬ ᠰᠠᠪᠳᠠᠬ ᠣᠷᠣᠰᠢᠵᠦ ᠪᠣᠢ ᠭᠡᠵᠦ ᠦᠵᠡᠭᠰᠡᠭᠡᠷ ᠢᠷᠡᠵᠡᠢ᠃ ᠲᠡᠳᠡ ᠪᠠᠰᠠ ᠠᠭᠤᠯᠠ ᠣᠰᠣᠨ ᠤ ᠨᠠᠪᠳᠠᠬ ᠨᠢ ᠬᠦᠮᠦᠨ ᠠᠮᠢᠳᠠᠨ ᠤ ᠬᠦᠭᠵᠢᠯ ᠪᠠᠳᠠᠷᠠᠯ ᠢ ᠢᠪᠡᠭᠡᠨ᠎ᠡ ᠭᠡᠵᠦ ᠪᠣᠳᠣᠳᠠᠬ᠃ ᠪ᠊ · ᠠ᠊ · ᠺᠠᠽᠡᠭᠧᠧᠴᠢ ︽ᠭᠠᠵᠠᠷ ᠤᠨ ᠨᠡᠷᠡᠰ ᠤᠨ ᠰᠢᠨᠵᠢᠯᠡᠭᠡᠨ︾ ᠭᠡᠬᠦ ᠨᠣᠮ ᠳᠠᠭᠠᠨ ︽ᠮᠣᠩᠭᠤᠯᠴᠣᠳ ᠠᠭᠤᠯᠠ ᠶᠢᠨ ᠰᠠᠪᠳᠠᠬ ᠠᠴᠠ ᠮᠠᠰᠢ ᠠᠶᠣᠨ ᠡᠮᠢᠶᠡᠵᠦ ᠨᠡᠷ᠎ᠡ ᠶᠢ ᠨᠢ ᠬᠦᠷᠳᠡᠯ᠎ᠡ ︿ᠬᠠᠶᠢᠷᠬᠠᠨ﹀ ︿ᠦᠨᠳᠦᠷ ᠪᠣᠬᠳᠠ﹀ ᠭᠡᠬᠦ ᠮᠡᠳᠦᠴᠢᠯᠡᠨ ᠲᠠᠭᠤᠳᠠᠳᠠᠬ︾ ᠭᠡᠰᠡᠨ ᠪᠠᠶᠢᠨ᠎ᠠ᠃ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠳᠤ ᠪᠠᠰᠠ ᠴᠢᠩᠬᠢᠰ ᠬᠠᠭᠠᠨ ᠠᠴᠠ ᠪᠣᠷᠬᠠᠨ ᠬᠠᠯᠳᠣᠨ ᠠᠭᠤᠯᠠ ᠶᠢ ᠰᠢᠳᠦᠵᠦ ᠪᠠᠶᠢᠬᠰᠠᠨ ᠢ ᠲᠡᠮᠳᠡᠭᠯᠡᠬᠦ ᠳᠡᠭᠡᠨ᠄ ︽ᠬᠠᠯᠳᠣᠨ ᠠᠭᠤᠯᠠᠨ ᠳᠤ ᠨᠢᠭᠤᠬᠳᠠᠵᠦ᠂ ᠬᠠᠷᠢᠶᠠᠴᠠᠢ ᠶᠢᠨ ᠲᠡᠳᠦᠢ ᠠᠮᠢ ᠪᠠᠨ ᠬᠠᠯᠬᠠᠯᠠᠨ ᠭᠠᠷᠪᠠ᠃ ᠮᠠᠰᠢ ᠠᠶᠣᠵᠦ ᠶᠡᠭᠡ ᠰᠠᠨᠳᠣᠷᠪᠠ᠃ ᠪᠣᠷᠬᠠᠨ ᠬᠠᠯᠳᠣᠨ ᠠᠭᠤᠯᠠ ᠶᠢ ᠦᠷᠯᠦᠭᠡ ᠪᠦᠷᠢ ᠮᠢᠯᠢᠶᠡᠶ᠎ᠡ︕ ᠡᠳᠦᠷ ᠡᠳᠦᠷ ᠦᠴᠢᠶ᠎ᠡ︕ ᠦᠶ᠎ᠡ ᠶᠢᠨ ᠦᠶ᠎ᠡ ᠳᠡᠭᠡᠨ ᠦᠨᠢᠳᠡ ᠲᠠᠬᠢᠶ᠎ᠠ ᠭᠡᠵᠡᠢ᠃ ᠢᠡᠭᠭᠢᠵᠦ ᠲᠠᠭᠠᠳᠬᠠᠬᠤ ᠳᠠᠭᠠᠨ ᠪᠦᠰᠡ ᠪᠠᠨ ᠬᠦᠵᠦᠭᠦᠨ ᠳᠡᠭᠡᠨ ᠡᠭᠡᠯᠳᠦᠷᠭᠡᠯᠡᠵᠦ᠂ ᠮᠠᠯᠠᠭᠠᠢ ᠪᠠᠨ ᠭᠠᠷ ᠲᠠᠭᠠᠨ ᠰᠡᠭᠡᠯᠳᠦᠷᠭᠡᠯᠡᠵᠦ᠂ ᠭᠠᠷ ᠢᠶᠠᠷ ᠢᠶᠠᠨ ᠡᠪᠴᠢᠭᠦᠦ ᠪᠠᠨ ᠲᠠᠷᠣᠵᠦ᠂ ᠨᠠᠷᠠ ᠦᠭᠡᠳᠡ ᠬᠠᠨᠳᠣᠨ ᠰᠦᠭᠦᠳᠴᠦ᠂ ᠶᠢᠰᠦᠨᠳᠡ ᠮᠦᠷᠭᠦᠵᠦ᠂ ᠰᠡᠷᠵᠢᠮ ᠡᠷᠭᠦᠵᠦ ᠵᠠᠯᠪᠠᠷᠢᠳᠠᠬ︾ ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠠᠶᠢᠳᠠᠬ᠃ ᠨᠠᠪᠳᠠᠬ ᠰᠠᠪᠳᠠᠬ ᠤᠨ ᠲᠣᠬᠠᠢ ᠬᠦᠷᠢᠶ᠎ᠡ ᠬᠤᠰᠢᠭᠤᠨ ᠤ ᠮᠠᠩᠬᠠᠨ ᠰᠣᠮᠣᠨ ᠤ ᠲᠠᠷᠢᠶᠠᠴᠢᠨ ᠪᠠᠢ ᠬᠤ᠋ ᠠᠴᠠ᠄ ︽ᠮᠠᠨ ᠤ ᠨᠣᠳᠤᠬ ᠲᠤ ᠢᠳᠡᠰᠢᠨ ᠮᠢᠬ᠎ᠠ ᠪᠠᠨ ᠢᠳᠡᠬᠦ ᠠᠴᠠ ᠪᠠᠨ ᠡᠮᠦᠨ᠎ᠡ ᠲᠡᠭᠡᠵᠢ ᠶᠢ ᠨᠢ ᠵᠠᠪᠠᠯ ᠪᠣᠷᠬᠠᠨ᠂ ᠡᠵᠡᠳ ᠰᠠᠬᠢᠭᠤᠯᠰᠣᠨ᠂ ᠲᠡᠭᠡᠳᠦᠰ᠂ ᠨᠠᠪᠳᠠᠬ ᠰᠠᠪᠳᠠᠬ ᠲᠤ ᠡᠷᠭᠦᠨ᠎ᠡ ᠭᠡᠵᠦ ᠡᠪᠴᠢᠭᠦᠦ ᠣᠭᠤᠴᠠ ᠠᠴᠠ ᠣᠬᠳᠣᠯᠣᠨ ᠠᠪᠴᠦ ᠭᠡᠷ ᠤᠨ ᠣᠷᠣᠢ ᠲᠡᠭᠡᠷ᠎ᠡ ᠪᠠᠨ ᠬᠠᠶᠠᠳᠠᠬ᠃ ᠵᠠᠷᠢᠮ ᠬᠦᠮᠦᠰ ᠪᠠᠰᠠ ᠬᠤᠨᠢ ᠭᠠᠷᠭᠠᠪᠠᠯ ᠵᠢᠷᠦᠬᠡ ᠶᠢ ᠨᠢ ᠡᠷᠭᠦᠳᠡᠭ᠃ ᠡᠳᠡᠭᠡᠷ ᠢᠳᠡᠭᠡᠨ ᠢ ᠱᠠᠭᠠᠵᠠᠭᠠᠢ ᠢᠳᠡᠪᠡᠯ ᠰᠠᠶᠢᠨ᠂ ᠬᠤᠨᠭ᠌ ᠬᠡᠷᠢᠶ᠎ᠡ ᠢᠳᠡᠪᠡᠯ ᠮᠠᠭᠤ ᠭᠡᠳᠡᠭ︾ ᠭᠡᠵᠡᠢ᠃    ᠬᠤᠷᠴᠢᠨ ᠳᠤ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠵᠠᠷᠢᠮ ᠦᠶᠡᠰ ᠪᠠᠰᠠ ᠠᠮᠢᠳᠠᠨ ᠤ ᠲᠦᠷᠰᠦ ᠲᠠᠢ ᠮᠡᠳᠦ ᠣᠢᠢᠯᠠᠭᠠᠬᠳᠠᠵᠦ ᠨᠠᠪᠳᠠᠬ ᠰᠠᠪᠳᠠᠬ ᠤᠨ ᠲᠣᠬᠠᠢ ᠦᠯᠢᠭᠡᠷ ᠲᠣᠮᠤᠬ ᠣᠯᠠᠮᠵᠢᠯᠠᠬᠳᠠᠬᠰᠠᠭᠠᠷ ᠪᠠᠶᠢᠨ᠎ᠠ᠃ ᠡᠭᠦᠨ ᠤ ᠲᠣᠬᠠᠢ ᠭᠠᠳᠠᠰᠣ ᠠᠴᠠ᠄ ︽ᠭᠠᠵᠠᠷ ᠭᠠᠵᠠᠷ ᠤᠨ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠬ᠃ ᠵᠠᠷᠢᠮ ᠭᠠᠵᠠᠷ ᠤᠨ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠲᠠᠦᠯᠠᠢ ᠪᠠᠶᠢᠬᠤ ᠳᠤ ᠵᠠᠷᠢᠮ ᠭᠠᠵᠠᠷ ᠤᠨ ᠬᠢᠨᠢ ᠴᠢᠨ᠋ᠸ᠎ᠠ ᠶᠢᠨ ᠬᠦᠳᠦᠯ᠂ ᠵᠠᠷᠢᠮ ᠠᠶᠢᠯ ᠤᠨ ᠬᠢᠨᠢ ᠬᠦᠷᠡᠭᠴᠢ ᠦᠨᠢᠶ᠎ᠡ᠂ ᠵᠠᠷᠢᠮ ᠠᠶᠢᠯ ᠤᠨ ᠬᠢᠨᠢ ᠰᠢᠷᠭ᠎ᠠ ᠠᠵᠢᠷᠭ᠎ᠠ᠂ ᠯᠣᠣᠰ ᠁ ᠭᠡᠬᠦ ᠮᠡᠳᠦ ᠪᠠᠷ ᠣᠯᠠᠨ ᠵᠦᠢᠯ ᠤᠨ ᠨᠠᠪᠳᠠᠬ ᠰᠠᠪᠳᠠᠬ ᠪᠠᠶᠢᠳᠠᠬ ᠶᠣᠮ᠃ ᠵᠢᠱᠢᠶᠡᠯᠡᠭᠡᠳ ᠬᠡᠯᠡᠪᠡᠯ᠂ ᠮᠠᠨ ᠤ ᠠᠶᠢᠯ ᠠᠴᠠ ᠪᠠᠷᠠᠭᠤᠨ ᠵᠦᠭ ᠲᠤ ᠠᠷᠪᠠᠭᠠᠳ ᠭᠠᠵᠠᠷ ᠤᠨ ᠠᠯᠣᠰ ᠲᠤ ᠨᠢᠭᠡ ᠬᠤᠸᠠ ᠠᠵᠢᠷᠭ᠎ᠠ ᠶᠢᠨ ᠲᠠᠯ᠎ᠠ ᠭᠡᠵᠦ ᠪᠠᠶᠢᠳᠠᠬ᠃ ᠵᠠᠷᠢᠮ ᠬᠦᠮᠦᠰ ᠤᠨ ᠬᠡᠯᠡᠬᠦ ᠪᠠᠷ ᠡᠨᠡ ᠲᠠᠯ᠎ᠠ ᠶᠢᠨ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠬᠤᠸᠠ ᠵᠢᠰᠣᠮ ᠤᠨ ᠠᠵᠢᠷᠭ᠎ᠠ ᠶᠣᠮ ᠭᠡᠨ᠎ᠡ᠃ ᠪᠠᠰᠠ ᠮᠠᠨ ᠤ ᠠᠶᠢᠯ ᠤᠨ ᠣᠷᠴᠢᠮ ᠢᠶᠠᠷ ᠲᠠᠣᠯᠠᠢ ᠶᠢᠨ ᠨᠠᠪᠳᠠᠬ ᠰᠠᠪᠳᠠᠬ ᠲᠠᠢ ᠭᠠᠵᠠᠷ ᠪᠠᠶᠢᠬᠰᠠᠨ ᠶᠣᠮ ᠭᠡᠨ᠎ᠡ᠃ ᠡᠶᠢᠮᠦᠷᠬᠦᠦ ᠭᠠᠵᠠᠷ ᠢ ᠪᠠᠰᠠ ᠮᠠᠨ ᠤ ᠨᠣᠳᠤᠬ ᠲᠤ ᠲᠠᠦᠯᠠᠢ ᠶᠢᠨ ᠵᠣ ᠭᠡᠵᠦ ᠶᠠᠷᠢᠳᠠᠬ᠃ ᠬᠦᠮᠦᠰ ᠲᠠᠦᠯᠠᠢ ᠶᠢᠨ ᠵᠣ ᠲᠡᠭᠡᠷ᠎ᠡ ᠭᠡᠷ ᠬᠤᠷᠤᠭ᠎ᠠ ᠪᠠᠷᠢᠵᠦ ᠨᠣᠳᠣᠬᠯᠠᠵᠦ ᠰᠠᠭᠤᠪᠠᠯ ᠶᠡᠬᠡᠯᠡ ᠦᠭᠡᠶᠢᠷᠡᠨ᠎ᠡ ᠭᠡᠳᠡᠭ᠃ ᠲᠠᠦᠯᠠᠢ ᠶᠢᠨ ᠵᠣ ᠶᠢᠨ ᠲᠣᠬᠠᠢ ᠮᠠᠨ ᠤ ᠨᠣᠳᠤᠬ ᠲᠤ ᠨᠢᠭᠡᠨ ᠮᠠᠰᠢ ᠰᠣᠨᠢᠷᠬᠠᠯᠳᠠᠢ ᠦᠯᠢᠭᠡᠷ ᠣᠯᠠᠮᠵᠢᠯᠠᠬᠳᠠᠬᠰᠠᠭᠠᠷ ᠪᠠᠶᠢᠨ᠎ᠠ᠃ ᠵᠠᠭᠤ ᠭᠠᠷᠣᠢ ᠵᠢᠯ ᠤᠨ ᠡᠮᠦᠨ᠎ᠡ ᠮᠠᠨ ᠤ ᠨᠣᠳᠤᠬ ᠢᠶᠠᠷ ᠡᠮᠦᠨ᠎ᠡ ᠭᠠᠵᠠᠷ ᠤᠨ ᠨᠣᠳᠤᠬ ᠰᠢᠨᠵᠢᠭᠡᠴᠢ ᠪᠠᠶᠢᠨ ᠲᠠᠬᠢᠨ ᠢᠷᠡᠳᠡᠭ ᠪᠠᠶᠢᠬᠰᠠᠨ ᠭᠡᠨ᠎ᠡ ᠃ ᠡᠭᠦᠨ ᠢ ᠨᠣᠳᠤᠬ ᠤᠨ ᠬᠦᠮᠦᠰ ᠨᠠᠨᠮᠠᠨᠽᠢ ᠭᠡᠵᠦ ᠶᠠᠷᠢᠳᠠᠬ᠃ ᠨᠢᠭᠡᠨ ᠵᠣᠨ ᠤ ᠡᠳᠦᠷ ᠤᠨ ᠭᠤᠣᠯ ᠦᠳᠡ ᠶᠢᠨ ᠬᠠᠯᠠᠭᠤᠨ ᠤ ᠦᠶ᠎ᠡ ᠪᠠᠷ ᠶᠠᠬ ᠨᠢᠭᠡᠨ ᠨᠠᠨᠮᠠᠨᠽᠢ ᠮᠠᠨ ᠤ ᠨᠣᠳᠤᠬ ᠢᠶᠠᠷ ᠦᠡᠭᠭᠡᠷᠡᠬᠦ ᠲᠠᠭᠠᠷᠠᠵᠦ ᠠᠩᠭᠠᠵᠦ ᠤᠮᠳᠠᠭᠠᠰᠤᠭᠠᠳ ᠣᠰᠣ ᠣᠯᠵᠦ ᠣᠣᠭᠤᠬᠤ ᠭᠡᠵᠦ ᠨᠢᠭᠡ ᠲᠠᠷᠢᠶᠠᠴᠢᠨ ᠤ ᠭᠡᠷ ᠲᠤ ᠣᠷᠣᠵᠦ ᠢᠷᠡᠭᠰᠡᠨ ᠭᠡᠨ᠎ᠡ᠃ ᠡᠨᠡ ᠲᠠᠷᠢᠶᠠᠴᠢᠨ ᠨᠢ ᠴᠣᠬᠤᠮ ᠶᠠᠮᠠᠷ ᠨᠡᠷ᠎ᠡ ᠲᠠᠢ ᠪᠠᠶᠢᠬᠰᠠᠨ ᠳᠤᠨᠢ ᠬᠦᠷᠳᠡᠯ᠎ᠡ ᠨᠣᠳᠤᠬ ᠤᠨ ᠪᠣᠭᠤᠷᠣᠯᠴᠣᠳ ᠬᠠᠭᠤᠴᠢᠯᠠᠵᠦ ᠪᠠᠶᠢᠬᠰᠠᠨ ᠶᠣᠮ᠃ ᠭᠡᠪᠡᠴᠦ ᠦᠯᠢᠭᠡᠷ ᠡᠭᠦᠰᠦᠭᠡᠳ ᠨᠡᠯᠢᠶᠡᠳ ᠵᠢᠯ ᠣᠳᠠᠴᠢᠬᠠᠬᠰᠠᠨ ᠪᠣᠯᠬᠤᠷ ᠨᠣᠳᠤᠬ ᠤᠨ ᠬᠦᠮᠦᠰ ᠴᠦ ᠮᠠᠷᠳᠠᠯ ᠪᠣᠯᠴᠢᠬᠠᠵᠠᠢ᠃ ᠮᠠᠨ ᠤ ᠨᠣᠳᠤᠬ ᠤᠨ ᠬᠦᠮᠦᠰ ᠠᠩᠭᠠᠬᠰᠠᠨ ᠬᠦᠮᠦᠨ ᠳᠤ ᠣᠰᠣ ᠪᠠᠨ ᠬᠠᠷᠠᠮᠨᠠᠪᠠᠯ ᠡᠷᠭᠢᠬᠦ ᠲᠦᠷᠦᠯ ᠳᠡᠭᠡᠨ ᠮᠡᠯᠡᠬᠡᠢ ᠪᠣᠯᠵᠦ ᠲᠦᠷᠦᠨ᠎ᠡ ᠭᠡᠵᠦ ᠦᠵᠡᠳᠡᠭ ᠠᠴᠠ ᠣᠰᠣ ᠴᠠᠢ ᠪᠠᠨ ᠪᠣᠰᠣᠳ ᠠᠴᠠ ᠬᠠᠷᠠᠮᠨᠠᠳᠠᠬ ᠦᠭᠡᠢ ᠶᠣᠰᠣ ᠪᠠᠶᠢᠳᠠᠬ᠃ ᠶᠠᠭᠤ ᠴᠦ ᠭᠡᠰᠡᠨ ᠭᠠᠳᠠᠨ᠎ᠠ ᠠᠴᠠ ᠠᠩᠭᠠᠬᠰᠠᠨ ᠬᠦᠮᠦᠨ ᠣᠷᠣᠵᠦ ᠢᠷᠡᠭᠰᠡᠨ ᠢ ᠦᠵᠡᠭᠡᠳ ᠭᠡᠷ ᠤᠨ ᠡᠵᠡᠭᠳᠡᠢ ᠶᠡᠭᠡ ᠯᠡ ᠦᠷᠦᠪᠳᠡᠵᠦ ᠬᠤᠯᠣ ᠪᠠᠷ ᠢᠶᠠᠨ ᠣᠰᠣ ᠬᠤᠳᠬᠤᠵᠦ ᠦᠭᠭᠦ ᠳᠡᠭᠡᠨ ᠲᠣᠳᠣᠷ᠎ᠠ ᠨᠢ ᠴᠢᠮᠬᠢ ᠰᠢᠷᠣᠢ ᠣᠷᠬᠢᠭᠠᠳ ᠦᠭᠭᠦᠭᠰᠡᠨ ᠶᠣᠮ ᠭᠡᠨ᠎ᠡ᠃ ᠡᠨᠡ ᠨᠢ ᠬᠡᠳᠦᠷᠬᠡᠢ ᠠᠩᠭᠠᠬᠰᠠᠨ ᠬᠦᠮᠦᠨ ᠣᠰᠣ ᠶᠢ ᠨᠢᠭᠡ ᠯᠡ ᠠᠮᠢᠰᠬᠤᠭ᠎ᠠ ᠪᠠᠷ ᠣᠣᠭᠤᠪᠠᠯ ᠬᠠᠭ᠋ᠠᠵᠦ ᠵᠠᠩᠭᠢᠷᠠᠭᠠᠳ ᠬᠠᠷᠠᠯᠠᠨ ᠣᠨᠠᠬᠤ ᠠᠴᠠ ᠬᠢᠴᠢᠶᠡᠭᠰᠡᠨ ᠠᠷᠭ᠎ᠠ ᠶᠣᠮ᠃ ᠬᠤᠯᠣ ᠲᠠᠢ ᠣᠰᠣᠨ ᠳᠤ ᠰᠢᠷᠣᠢ ᠶᠢ ᠪᠠᠭ᠎ᠠ ᠴᠢᠮᠬᠢᠵᠦ ᠠᠪᠣᠭᠠᠳ ᠬᠢᠪᠡᠯ ᠠᠩᠭᠠᠬᠰᠠᠨ ᠬᠦᠮᠦᠨ ᠰᠢᠷᠣᠢ ᠲᠠᠢ ᠣᠰᠣ ᠣᠣᠭᠤᠬᠤ ᠠᠴᠠ ᠬᠢᠴᠢᠶᠡᠨ ᠣᠰᠣᠨ ᠲᠡᠭᠡᠷ᠎ᠡ ᠲᠡᠭᠳᠡᠭᠰᠡᠨ ᠰᠢᠷᠣᠢ ᠶᠢ ᠨᠢ ᠦᠯᠢᠶᠡᠨ ᠪᠠᠭ᠎ᠠ ᠪᠠᠭ᠎ᠠ ᠪᠠᠷ ᠣᠰᠣ ᠶᠢ ᠨᠢ ᠣᠣᠭᠤᠳᠠᠬ ᠠᠴᠠ ᠬᠠᠭ᠋ᠠᠵᠦ ᠵᠠᠩᠭᠢᠷᠠᠬᠤ ᠠᠶᠣᠯ ᠦᠭᠡᠢ ᠪᠣᠯᠳᠠᠬ᠃ ᠭᠡᠳᠡᠯ᠎ᠡ ᠣᠰᠣ ᠶᠢ ᠨᠢ ᠲᠣᠰᠴᠦ ᠠᠪᠣᠬᠰᠠᠨ ᠨᠠᠨᠮᠠᠨᠽᠢ ᠡᠨᠡ ᠣᠴᠢᠷ ᠢ ᠮᠡᠳᠡᠬᠦ ᠦᠭᠡᠢ ᠪᠣᠯᠬᠤᠷ ᠭᠡᠷ ᠤᠨ ᠡᠵᠡᠭᠳᠡᠢ ᠶᠢ ᠣᠰᠣ ᠪᠠᠨ ᠬᠠᠷᠠᠮᠨᠠᠭᠠᠳ ᠲᠣᠳᠣᠷ᠎ᠠ ᠨᠢ ᠰᠢᠷᠣᠢ ᠬᠤᠯᠢᠯ᠎ᠠ ᠭᠡᠵᠦ ᠪᠣᠳᠣᠭᠠᠳ ᠬᠠᠷ᠎ᠠ ᠰᠠᠨᠠᠬᠤ ᠳᠠᠭᠠᠨ ᠣᠰᠣ ᠪᠠᠨ ᠬᠠᠷᠠᠮᠨᠠᠬᠰᠠᠨ ᠲᠠᠨ ᠢ ᠲᠣᠯᠣᠭᠠᠨ ᠵᠢᠯ ᠤᠨ ᠲᠣᠳᠣᠷ᠎ᠠ ᠲᠣᠯᠢᠶᠠᠬᠤ ᠶᠠᠭᠤᠮ᠎ᠠ ᠦᠭᠡᠢ ᠪᠣᠯᠳᠠᠯ᠎ᠠ ᠦᠭᠡᠶᠢᠷᠡᠭᠦᠯᠦᠨ᠎ᠡ ᠭᠡᠵᠦ ᠬᠠᠳᠠᠭᠤᠬᠠᠨ ᠪᠣᠳᠣᠬᠰᠠᠨ ᠪᠠᠶᠢᠵᠠᠢ᠃ ᠲᠡᠷᠡ ᠬᠤᠯᠣ ᠲᠠᠢ ᠣᠰᠣ ᠶᠢ ᠠᠶᠠᠷᠬᠠᠨ ᠣᠣᠭᠤᠵᠦ ᠣᠮᠳᠠ ᠪᠠᠨ ᠲᠠᠷᠣᠬᠰᠠᠨ ᠤ ᠲᠠᠷᠠᠭ᠎ᠠ ᠬᠡᠰᠡᠭ ᠣᠳᠠᠬᠰᠠᠨ ᠢᠶᠠᠨ ︿ᠵᠠ᠂ ᠣᠰᠣ ᠶᠢ ᠴᠢᠨᠢ ᠣᠣᠭᠤᠭᠠᠳ ᠣᠮᠳᠠ ᠬᠠᠷᠢᠭᠠᠳ ᠶᠡᠭᠡ ᠪᠠᠶᠠᠷᠯᠠᠯ᠎ᠠ᠃ ᠣᠰᠣᠨ ᠤ ᠴᠢᠨᠢ ᠬᠠᠷᠢᠭᠤ ᠳᠤ ᠲᠠᠨ ᠳᠤ ᠨᠣᠳᠤᠬ ᠦᠵᠡᠵᠦ ᠦᠭᠭᠦᠶ᠎ᠡ﹀ ᠭᠡᠵᠦ ᠶᠠᠷᠢᠬᠰᠠᠨ ᠢᠶᠠᠨ ᠭᠡᠷ ᠤᠨ ᠠᠷᠣ ᠶᠢᠨ ᠬᠢᠨᠢ ᠦᠨᠳᠦᠷ ᠵᠣ ᠶᠢ ᠵᠢᠭᠠᠵᠦ᠂ ︿ᠲᠠ ᠡᠨᠡ ᠵᠣ ᠲᠡᠭᠡᠷ᠎ᠡ ᠨᠣᠳᠣᠬᠯᠠᠪᠠᠯ ᠭᠤᠷᠪᠠᠨ ᠵᠢᠯ ᠳᠤ ᠯᠠᠪᠳᠠᠢ ᠶᠡᠭᠡ ᠪᠠᠶᠠᠨ ᠪᠣᠯᠣᠨ᠎ᠠ﹀ ᠭᠡᠵᠦ ᠬᠡᠯᠡᠭᠡᠳ ᠰᠡᠮᠬᠡᠨ ᠢᠨᠢᠶᠡᠭᠰᠡᠭᠡᠷ ᠶᠠᠪᠣᠬᠰᠠᠨ ᠭᠡᠨ᠎ᠡ᠃ ᠴᠠᠭᠠᠪᠣᠷ ᠰᠡᠳᠭᠢᠯ ᠲᠠᠢ ᠡᠷ᠎ᠡ ᠡᠮ᠎ᠡ ᠬᠤᠶᠠᠭᠤᠯᠠ ᠪᠠᠨ ᠨᠡᠬᠡᠷᠡᠨ ᠨᠠᠮᠨᠬᠽᠢ ᠶᠢᠨ ᠦᠭᠡ ᠶᠢ ᠢᠳᠡᠭᠡᠵᠦ ᠬᠡᠳᠦᠨ ᠡᠳᠦᠷ ᠤᠨ ᠬᠢᠨᠢ ᠲᠠᠷᠠᠭ᠎ᠠ ᠭᠡᠷ ᠡᠷᠦᠬᠡ ᠪᠠᠨ ᠪᠠᠭᠤᠯᠭᠠᠵᠦ ᠠᠷᠣ ᠶᠢᠨ ᠵᠣ ᠲᠡᠭᠡᠷ᠎ᠡ ᠪᠠᠨ ᠨᠣᠳᠤᠬ ᠰᠢᠯᠵᠢᠵᠦ ᠰᠠᠭᠤᠬᠰᠠᠨ ᠭᠡᠨ᠎ᠡ᠃ ᠣᠨ ᠵᠢᠯ ᠣᠷᠣᠰᠣᠬᠰᠠᠭᠠᠷ ᠠᠷᠪᠠ ᠰᠢᠬᠠᠮ ᠵᠢᠯ ᠦᠡᠭᠭᠡᠷᠡᠪᠡ᠃ ︿ᠭᠠᠵᠠᠷ ᠢ ᠪᠠᠷᠠᠵᠦ ᠭᠠᠭ᠋ᠠᠢ ᠶᠢᠨ ᠲᠣᠯᠣᠭᠠᠢ ᠬᠡᠮᠡᠯᠢᠵᠦ ᠶᠠᠪᠣᠬᠰᠠᠨ﹀ ᠨᠠᠨᠮᠠᠨᠽᠢ ᠭᠤᠸᠠᠢ ᠬᠠᠪᠴᠢᠬ ᠲᠠᠷᠢᠶᠠᠴᠢᠨ ᠤ ᠲᠠᠦᠯᠠᠢ ᠶᠢᠨ ᠵᠣ ᠳᠤ ᠨᠣᠳᠣᠬᠯᠠᠭᠠᠳ ᠬᠢᠷᠢ ᠵᠡᠷᠭᠡ ᠪᠠᠷ ᠦᠭᠡᠶᠢᠷᠡᠭᠰᠡᠨ ᠢ ᠨᠢ ᠬᠠᠷᠠᠶ᠎ᠠ ᠭᠡᠵᠦ ᠪᠣᠳᠣᠭᠠᠳ ᠪᠣᠴᠠᠵᠦ ᠢᠷᠡᠭᠰᠡᠨ ᠢᠶᠠᠨ ᠭᠠᠶᠢᠬᠠᠯ ᠪᠣᠯᠵᠦ ᠰᠣᠴᠢᠬᠤ ᠳᠠᠭᠠᠨ ᠪᠡᠶ᠎ᠡ ᠠᠴᠠ ᠨᠢ ᠬᠦᠢᠳᠡᠨ ᠬᠦᠯᠦᠰᠦ ᠴᠢᠳᠬᠤᠯᠠᠬᠰᠠᠨ ᠭᠡᠨ᠎ᠡ᠃ ᠣᠴᠢᠷ ᠨᠢ ᠲᠠᠦᠯᠠᠢ ᠶᠢᠨ ᠵᠣ ᠲᠡᠭᠡᠷ᠎ᠡ ᠨᠣᠳᠣᠬᠯᠠᠬᠰᠠᠨ ᠲᠠᠷᠢᠶᠠᠴᠢᠨ ᠬᠠᠷᠢᠨ ᠦᠭᠡᠶᠢᠷᠡᠭᠰᠡᠨ ᠦᠭᠡᠢ ᠮᠦᠷᠳᠡᠭᠡᠨ ᠲᠠᠷᠢᠶ᠎ᠠ ᠪᠣᠳᠠᠭ᠎ᠠ ᠨᠢ ᠰᠠᠩ ᠨᠢ ᠪᠠᠭᠳᠠᠬᠤ ᠦᠭᠡᠢ ᠪᠢᠯᠬᠠᠯᠠᠵᠦ᠂ ᠠᠳᠣᠭᠤ ᠮᠠᠯ ᠨᠢ ᠵᠣ ᠲᠦᠭᠦᠷᠳᠡᠯ᠎ᠡ ᠪᠡᠯᠴᠢᠭᠡᠳ ᠣᠢᠢᠷ᠎ᠠ ᠣᠷᠴᠢᠮ ᠳᠠᠭᠠᠨ ᠨᠡᠷᠡᠳᠦ ᠶᠡᠭᠡ ᠪᠠᠶᠠᠨ ᠪᠣᠯᠴᠢᠬᠠᠭᠠᠳ ᠪᠠᠶᠢᠵᠠᠢ᠃ ᠲᠠᠦᠯᠠᠢ ᠶᠢᠨ ᠵᠣ ᠳᠤ ᠨᠣᠳᠣᠬᠯᠠᠬᠰᠠᠨ ᠬᠦᠮᠦᠨ ᠵᠠᠪᠠᠯ ᠦᠭᠡᠶᠢᠷᠡᠬᠦ ᠶᠣᠰᠣᠳᠠᠢ ᠪᠠᠶᠢᠳᠠᠯ᠎ᠠ ᠡᠨᠡ ᠬᠠᠷᠠᠮᠴᠢ ᠶᠠᠭᠠᠬᠢᠭᠠᠳ ᠡᠳᠦᠢ ᠶᠡᠭᠡ ᠪᠠᠶᠠᠵᠢᠬᠰᠠᠨ ᠪᠣᠢ ᠭᠡᠵᠦ ᠰᠡᠵᠢᠭ ᠲᠦᠷᠦᠭᠰᠡᠨ ᠨᠠᠨᠮᠠᠨᠽᠢ ᠭᠤᠸᠠᠢ ᠲᠠᠷᠢᠶᠠᠴᠢᠨ ᠤ ᠬᠦᠷᠢᠶᠡᠨ ᠭᠠᠳᠠᠨ᠎ᠠ ᠨᠢ ᠬᠦᠷᠬᠦ ᠳᠤ ᠲᠠᠷᠢᠶᠠᠴᠢᠨ ᠤ ᠡᠬᠡᠨᠡᠷ ᠨᠢ ︿ᠬᠠᠷᠴᠠᠭᠠᠢ᠂ ᠪᠦᠷᠭᠦᠳ ᠡ ︕ ᠮᠢᠨᠦ ᠬᠡᠦᠬᠡᠳ ᠬᠤᠷᠳᠣᠨ ᠢᠷᠡᠵᠦ ᠬᠤᠭᠤᠯᠠ ᠪᠠᠨ ᠢᠳᠡ︕﹀ ᠭᠡᠵᠦ ᠬᠡᠦᠬᠡᠳ ᠢᠶᠠᠨ ᠲᠠᠭᠤᠳᠠᠵᠦ ᠪᠠᠶᠢᠬᠤ ᠶᠢ ᠨᠢ ᠰᠣᠨᠣᠰᠣᠭᠠᠳ ᠪᠠᠶᠠᠵᠢᠬᠰᠠᠨ ᠣᠴᠢᠷ ᠢ ᠨᠢ ᠮᠡᠳᠡᠵᠦ ︿ᠪᠣᠶᠠᠨ ᠲᠠᠢ ᠬᠦᠮᠦᠨ ᠢ ᠲᠠᠷᠣᠵᠦ ᠪᠣᠯᠬᠤ ᠦᠭᠡᠢ᠂ ᠪᠣᠯᠠᠬ ᠤᠨ ᠣᠰᠣ ᠶᠢ ᠬᠠᠰᠢᠵᠦ ᠪᠣᠯᠳᠠᠬ ᠦᠭᠡᠢ﹀ ᠭᠡᠳᠡᠭ ᠨᠢ ᠦᠨᠡᠨ ᠪᠠᠶᠢᠵᠠᠢ ᠭᠡᠵᠦ ᠶᠠᠷᠢᠬᠰᠠᠭᠠᠷ ᠡᠷᠭᠢᠵᠦ ᠬᠠᠷᠠᠯ ᠦᠭᠡᠢ ᠪᠣᠴᠠᠬᠰᠠᠨ ᠭᠡᠨ᠎ᠡ᠃ ᠬᠠᠷᠴᠠᠭᠠᠢ ᠪᠦᠷᠭᠦᠳ ᠭᠡᠳᠡᠭ ᠪᠣᠯ ᠲᠠᠦᠯᠠᠢ ᠶᠢᠨ ᠲᠠᠷᠣᠯᠭ᠎ᠠ ᠨᠢ ᠶᠣᠮ᠃ ᠲᠠᠷᠢᠶᠠᠴᠢᠨ ᠵᠦᠢᠷᠡᠢ ᠬᠦᠦ ᠳᠡᠭᠡᠨ ᠬᠠᠷᠴᠠᠭᠠᠢ᠂ ᠪᠦᠷᠭᠦᠳ ᠭᠡᠳᠡᠭ ᠨᠡᠷ᠎ᠡ ᠬᠠᠶᠢᠷᠠᠯᠠᠬᠰᠠᠨ ᠨᠢ ᠲᠠᠦᠯᠠᠢ ᠶᠢᠨ ᠵᠣ ᠶᠢᠨ ᠲᠠᠷᠣᠯᠭ᠎ᠠ ᠪᠣᠯᠣᠭᠠᠳ ᠦᠭᠡᠶᠢᠷᠡᠭᠰᠡᠨ ᠦᠭᠡᠢ ᠮᠦᠷᠳᠡᠭᠡᠳ ᠪᠠᠶᠠᠵᠢᠬᠰᠠᠨ ᠣᠴᠢᠷ ᠨᠢ ᠡᠨᠡ ᠪᠠᠶᠢᠵᠠᠢ︾ ᠭᠡᠪᠡ᠃      ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠬᠤᠷᠴᠢᠨ ᠠᠷᠠᠳ ᠤᠨ ᠲᠠᠭᠤᠣ ︽ᠵᠠᠭᠠᠨ᠎ᠠ ᠪᠠᠯᠵᠢᠨᠢᠮ᠎ᠠ︾ ᠳᠤ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠣᠨ ᠬᠤᠶᠢᠳᠦ ᠬᠤᠰᠢᠭᠤᠨ ᠤ ᠱᠣᠩᠬᠤᠷ ᠠᠭᠤᠯᠠᠨ ᠳᠤ ᠰᠣᠪᠣᠷᠭ᠎ᠠ ᠪᠣᠰᠬᠠᠬᠰᠠᠨ ᠲᠣᠬᠠᠢ ︽ᠠᠯᠳᠠᠨ ᠭᠤᠷᠭᠤᠤᠯᠳᠠᠢ ᠶᠢᠨ ᠲᠣᠩᠭᠤᠳᠣᠬᠰᠠᠨ ᠨᠠᠪᠳᠠᠬ ᠰᠠᠪᠳᠠᠬ ᠢ ᠨᠢ ᠲᠠᠷᠣᠨ᠎ᠠ ᠭᠡᠳ ᠠᠷᠪᠠᠨ ᠭᠤᠷᠪᠠᠨ ᠦᠶᠡᠳᠦ ᠠᠯᠳᠠᠨ ᠰᠣᠪᠣᠷᠭ᠎ᠠ ᠶᠢ ᠱᠣᠩᠬᠤᠷ ᠤᠨ ᠠᠭᠤᠯᠠᠨ ᠳᠤ ᠪᠣᠰᠬᠠᠯ᠎ᠠ︾ ᠭᠡᠵᠦ ᠲᠠᠭᠤᠯᠠᠳᠠᠬ᠃ ᠪᠠᠰᠠ ︽ᠲᠣᠬᠳᠠᠬᠤ︾ ᠭᠡᠬᠦ ᠠᠷᠠᠳ ᠤᠨ ᠲᠠᠭᠤᠣ ᠳᠤ ︽ᠲᠠᠬᠤ ᠶᠢᠨ ᠬᠤᠳᠠ ᠶᠢᠨ ᠨᠠᠪᠳᠠᠬ ᠰᠠᠪᠳᠠᠬ ᠢ ᠲᠠᠷᠣᠨ᠎ᠠ ᠭᠡᠳ ᠲᠠᠶᠢᠽᠦ᠋ᠡᠭ ᠬᠠᠭᠠᠨ ᠤ ᠮᠡᠷᠭᠡᠨ ᠪᠠᠭᠰᠢ ᠰᠢᠤᠢ ᠮᠣᠣ ᠭᠦᠡᠭ ᠠᠴᠠ ᠲᠠᠪᠣᠨ ᠦᠶᠡᠳᠦ ᠡᠷᠳᠡᠨᠢ ᠶᠢᠨ ᠰᠣᠪᠣᠷᠭ᠎ᠠ ᠪᠣᠰᠬᠠᠬᠰᠠᠨ ᠲᠣᠬᠠᠢ︾ ᠶᠠᠷᠢᠳᠠᠬ᠃ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠬᠦᠷᠢᠶ᠎ᠡ ᠬᠤᠰᠢᠭᠤᠨ ᠤ ᠮᠠᠩᠬᠠᠨ ᠰᠣᠮᠣᠨ ᠤ ᠰᠣᠪᠣᠷᠭᠠᠨᠳᠠᠯ᠎ᠠ ᠭᠡᠳᠡᠭ ᠠᠶᠢᠯ ᠳᠤ ᠰᠣᠪᠣᠷᠭ᠎ᠠ ᠪᠣᠰᠬᠠᠬᠰᠠᠨ ᠲᠣᠬᠠᠢ ᠠᠷᠠᠳ ᠤᠨ ᠲᠣᠮᠳᠠ ᠡᠶᠢᠮᠦ ᠨᠢᠭᠡ ᠦᠯᠢᠭᠡᠷ ᠣᠯᠠᠮᠵᠢᠯᠬᠠᠳᠠᠵᠦ ᠪᠠᠶᠢᠨ᠎ᠠ᠃ ︽ᠰᠣᠪᠣᠷᠭᠠᠨᠳᠠᠯ᠎ᠠ ᠭᠡᠳᠡᠭ ᠠᠶᠢᠯ ᠳᠤ ᠣᠣᠯ ᠨᠢ ᠴᠣᠬᠤᠷ ᠬᠠᠯᠬ᠎ᠠ ᠶᠢᠨ ᠬᠤᠰᠢᠭᠤᠨ ᠤ ᠵᠠᠬᠢᠷᠣᠬᠴᠢ ᠰᠠᠭᠤᠵᠦ ᠪᠠᠶᠢᠬᠰᠠᠨ ᠭᠡᠨ᠎ᠡ᠃ ᠰᠣᠪᠣᠷᠭᠠᠨᠳᠠᠯ᠎ᠠ ᠠᠶᠢᠯ ᠤᠨ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠨᠣᠭᠤᠭᠠᠨ ᠮᠣᠷᠢ ᠪᠣᠯᠬᠤᠷ ᠵᠠᠬᠢᠷᠣᠬᠴᠢ ᠶᠢᠨ ᠦᠬᠡᠷ ᠮᠠᠯ ᠨᠢ ᠦᠨᠢᠷ ᠦᠰᠴᠦ ᠠᠳᠣᠭᠤᠨ ᠤ ᠬᠢᠨᠢ ᠲᠣᠮᠳᠠ ᠠᠴᠠ ᠨᠢ ᠵᠢᠭᠦᠷᠳᠦ ᠬᠦᠯᠦᠭ ᠭᠠᠷᠣᠬᠰᠠᠨ ᠪᠠᠶᠢᠵᠠᠢ᠃ ᠵᠠᠬᠢᠷᠣᠬᠴᠢ ᠭᠤᠸᠠᠢ ᠮᠠᠨᠵᠦ ᠶᠢᠨ ᠬᠠᠭᠠᠨ ᠲᠠᠢ ᠪᠠᠷᠠᠭᠠᠳᠠᠬᠤ ᠭᠡᠪᠡᠯ ᠵᠢᠭᠦᠷᠳᠦ ᠬᠦᠯᠦᠭ ᠲᠡᠭᠡᠨ ᠮᠣᠷᠳᠠᠭᠠᠳ ᠭᠠᠷᠪᠠᠯ ᠪᠡᠭᠡᠵᠢᠩ ᠬᠤᠳᠠ ᠳᠤ ᠨᠠᠷᠠ ᠮᠠᠨᠳᠣᠬᠤ ᠠᠴᠠ ᠡᠮᠦᠨ᠎ᠡ ᠬᠦᠷᠴᠦ ᠬᠠᠭᠠᠨ ᠲᠠᠢ ᠪᠠᠷᠠᠭᠠᠳᠠᠨ ᠣᠴᠠᠷᠠᠭᠠᠳ ᠦᠳᠡ ᠶᠢᠨ ᠨᠠᠷᠠ ᠪᠣᠯᠬᠤ ᠠᠴᠠ ᠡᠮᠦᠨ᠎ᠡ ᠭᠡᠷ ᠲᠡᠭᠡᠨ ᠪᠣᠴᠠᠭᠠᠳ ᠢᠷᠡᠴᠢᠬᠡᠳᠡᠭ ᠭᠡᠨ᠎ᠡ᠃ ᠨᠢᠭᠡᠨ ᠡᠳᠦᠷ ᠵᠠᠬᠢᠷᠣᠬᠴᠢ ᠨᠣᠶᠠᠨ ᠢ ᠬᠠᠭᠠᠨ ᠲᠠᠢ ᠪᠠᠷᠠᠭᠠᠳᠠᠬᠤ ᠦᠶ᠎ᠡ ᠳᠤ ᠬᠠᠭᠠᠨ ᠤ ᠯᠣᠣ ᠶᠢᠨ ᠰᠢᠷᠡᠭᠡ ᠨᠢ ᠭᠡᠨᠡᠳᠳᠡ ᠲᠣᠯᠬᠢᠰᠣᠨ ᠬᠦᠳᠡᠯᠦᠭᠰᠡᠨ ᠳᠤ ᠡᠵᠡᠨ ᠬᠠᠭᠠᠨ ᠶᠡᠬᠡᠳᠡ ᠰᠣᠴᠢᠭᠠᠳ ᠵᠠᠬᠢᠷᠣᠬᠴᠢ ᠶᠢ ᠭᠠᠷᠣᠬᠰᠠᠨ ᠤ ᠲᠠᠷᠤᠭ᠎ᠠ ᠮᠡᠷᠭᠡᠨ ᠲᠦᠰᠢᠮᠡᠳ ᠠᠴᠠ ᠪᠠᠨ ᠠᠰᠠᠭᠤᠪᠠ᠃ ᠮᠡᠷᠭᠡᠨ ᠲᠦᠰᠢᠮᠡᠯ ᠨᠢ ᠬᠤᠷᠣᠭᠤ ᠲᠠᠷᠣᠵᠦ ᠬᠢᠮᠦᠰᠣ ᠨᠢᠰᠠᠯᠣᠬᠰᠠᠨ ᠢᠶᠠᠨ ︿ᠰᠣᠪᠣᠷᠭᠠᠨᠳᠠᠯ᠎ᠠ ᠶᠢᠨ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠨᠣᠭᠤᠭᠠᠨ ᠦᠡᠭᠭᠡᠳᠦ ᠬᠤᠪᠢᠯᠭᠠᠨ ᠮᠣᠷᠢ ᠪᠣᠯᠣᠨ᠎ᠠ᠃ ᠡᠵᠡᠨ ᠬᠠᠭᠠᠨ ᠬᠡᠷᠪᠡ ᠨᠠᠪᠳᠠᠬ ᠰᠠᠪᠳᠠᠬ ᠢ ᠨᠢ ᠲᠠᠷᠣᠵᠦ ᠰᠣᠪᠣᠷᠭ᠎ᠠ ᠪᠣᠰᠬᠠᠬᠤ ᠦᠭᠡᠢ ᠪᠣᠯ ᠡᠨᠡ ᠬᠦ ᠭᠠᠵᠠᠷ ᠠᠴᠠ ᠬᠠᠭᠠᠨ ᠲᠦᠷᠦ ᠶᠢ ᠪᠣᠯᠢᠶᠠᠬᠤ ᠬᠦᠴᠦᠳᠦ ᠡᠷ᠎ᠡ ᠭᠠᠷᠬᠤ ᠪᠣᠯᠣᠨ᠎ᠠ﹀ ᠭᠡᠵᠦ ᠮᠡᠳᠡᠭᠦᠯᠦᠭᠰᠡᠨ ᠠᠴᠠ ᠮᠠᠨᠵᠣ ᠶᠢᠨ ᠬᠠᠭᠠᠨ ᠶᠡᠬᠡᠳᠡ ᠰᠠᠨᠳᠣᠷᠴᠦ ᠠᠷᠪᠠᠨ ᠨᠠᠢᠮᠠᠨ ᠨᠠᠰᠣᠳᠠᠢ ᠬᠡᠦᠬᠡᠨ ᠢ ᠠᠮᠢᠳᠦ ᠪᠠᠷ ᠨᠢ ᠪᠣᠯᠠᠵᠦ ᠪᠠᠶᠢᠭᠠᠳ ᠨᠠᠪᠳᠠᠬ ᠰᠠᠪᠳᠠᠬ ᠢ ᠨᠢ ᠲᠠᠷᠣᠬᠤ ᠰᠣᠪᠣᠷᠭ᠎ᠠ ᠪᠣᠰᠬᠠᠬᠰᠠᠨ ᠭᠡᠨ᠎ᠡ᠃ ᠪᠠᠰᠠ ᠬᠦᠷᠢᠶ᠎ᠡ ᠬᠤᠰᠢᠭᠤᠨ ᠤ ᠭᠠᠭ᠋ᠠᠢ ᠶᠢᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠠᠷᠪᠠᠨ ᠬᠤᠶᠠᠷ ᠲᠣᠷᠣᠢ ᠲᠠᠢ ᠠᠯᠳᠠᠨ ᠭᠠᠭ᠋ᠠᠢ ᠭᠡᠬᠦ᠂ ᠲᠠᠯᠣ ᠶᠢᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠠᠯᠳᠠᠨ ᠪᠢᠯᠵᠣᠣᠬᠠᠢ ᠭᠡᠬᠦ ᠁ ᠮᠡᠳᠦ ᠶᠢᠨ ᠣᠯᠠᠨ ᠣᠯᠠᠨ ᠨᠠᠪᠳᠠᠭ ᠰᠠᠪᠳᠠᠬ ᠤᠨ ᠲᠣᠬᠠᠢ ᠦᠯᠢᠭᠡᠷ ᠲᠣᠮᠤᠬ ᠬᠤᠷᠴᠢᠨ ᠨᠣᠳᠤᠬ ᠲᠤ ᠶᠠᠷᠢᠬᠳᠠᠵᠦ᠂ ᠲᠠᠭᠤᠯᠠᠬᠳᠠᠵᠦ᠂ ᠣᠯᠠᠮᠵᠢᠯᠠᠬᠳᠠᠬᠰᠠᠭᠠᠷ ᠪᠠᠶᠢᠨ᠎ᠠ᠃ ᠬᠤᠷᠴᠢᠨ ᠤ ᠵᠠᠷᠢᠮ ᠭᠠᠵᠠᠷ ᠲᠤ ᠪᠠᠰᠠ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠬᠦᠮᠦᠨ ᠤ ᠲᠦᠷᠢ ᠪᠠᠷ ᠢᠯᠡᠷᠡᠳᠡᠭ᠃ ᠵᠢᠱᠢᠶᠡᠯᠡᠪᠡᠯ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠣᠨ ᠲᠣᠮᠳᠠᠳᠦ ᠬᠤᠰᠢᠭᠤᠨ ᠤ ᠪᠠᠯᠵᠣᠣᠷ ᠭᠡᠳᠡᠭ ᠠᠶᠢᠯ ᠨᠢ ᠪᠠᠯᠵᠣᠣᠷ ᠭᠡᠳᠡᠭ ᠪᠠᠶᠠᠨ ᠪᠣᠰᠤᠭ᠎ᠠ ᠪᠤᠡᠭ ᠪᠣᠰᠣᠭᠠᠳ ᠡᠨᠡ ᠭᠠᠵᠠᠷ ᠲᠠᠷᠣᠬᠰᠠᠨ ᠠᠴᠠ ᠡᠭᠦᠰᠦᠯᠳᠡᠢ ᠭᠡᠳᠡᠭ᠃    ᠦᠯᠢᠭᠡᠷ ᠲᠣᠮᠤᠬ ᠨᠢ ᠬᠡᠳᠦ᠋ᠢᠪᠡᠷ ᠪᠣᠳᠠᠳᠠᠢ ᠵᠦᠢᠯ ᠲᠠᠢ ᠨᠡᠶᠢᠴᠡᠬᠦ ᠦᠭᠡᠢ ᠵᠦᠢᠯ ᠣᠯᠠᠨ ᠪᠠᠶᠢᠭ᠎ᠠ ᠪᠣᠯᠪᠠᠴᠦ ᠦᠨᠡᠨ ᠣᠴᠢᠷ ᠠᠴᠠ ᠡᠭᠦᠰᠦᠯᠲᠠᠢ ᠭᠡᠳᠡᠭ᠃ ᠪᠢᠳᠡ ᠨᠣᠳᠤᠬ ᠣᠰᠣᠨ ᠤ ᠦᠯᠢᠭᠡᠷ ᠵᠢᠴᠢ ᠠᠷᠠᠳ ᠤᠨ ᠲᠠᠭᠤᠣ ᠵᠡᠷᠭᠡ ᠠᠴᠠ ᠨᠣᠳᠤᠬ ᠣᠰᠣᠨ ᠤ ᠵᠠᠩ ᠠᠭᠠᠯᠢ᠂ ᠠᠮᠢᠳᠣᠷᠠᠯ ᠤᠨ ᠠᠷᠭ᠎ᠠ ᠬᠡᠯᠪᠡᠷᠢ ᠵᠡᠷᠭᠡ ᠶᠢ ᠰᠢᠨᠵᠢᠨ ᠮᠡᠳᠡᠵᠦ ᠪᠣᠯᠣᠨ᠎ᠠ᠃    ᠶᠡᠷᠦᠩᠬᠡᠶᠢᠯᠡᠭᠡᠳ ᠬᠡᠯᠡᠪᠡᠯ᠂ ᠨᠠᠪᠳᠠᠬ ᠰᠠᠪᠳᠠᠬ ᠪᠣᠯ ᠡᠷᠳᠡᠨ ᠤ ᠭᠠᠵᠠᠷ ᠡᠳᠦᠭᠡᠨ ᠠᠴᠠ ᠡᠭᠦᠰᠦᠯᠲᠠᠢ ᠨᠢ ᠦᠨᠡᠨ ᠃ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠳᠤ ᠲᠡᠮᠳᠡᠭᠯᠡᠵᠦ ᠪᠠᠶᠢᠬᠤ ︽ᠭᠠᠵᠠᠷ ᠣᠰᠣᠨ ᠤ ᠡᠵᠡᠳ ᠬᠠᠭᠠᠳ︾ ᠭᠡᠳᠡᠭ ᠣᠢᠢᠯᠠᠭᠠᠯᠳᠠ ᠪᠣᠯᠣᠨ ᠯᠠᠮᠠ ᠶᠢᠨ ᠱᠠᠰᠢᠨ ᠤ ᠭᠠᠵᠠᠷ ᠤᠨ ᠡᠵᠡᠳ ᠢ ᠰᠢᠳᠦᠬᠦ ᠣᠢᠢᠯᠠᠭᠠᠯᠳᠠ ᠶᠢᠨ ᠣᠶᠣᠯᠳᠣᠯ ᠠᠴᠠ ᠨᠠᠪᠳᠠᠬ ᠰᠠᠪᠳᠠᠬ ᠤᠨ ᠭᠡᠳᠡᠭ ᠣᠢᠢᠯᠠᠭᠠᠯᠳᠠ ᠪᠣᠢ ᠪᠣᠯᠵᠠᠢ᠃    ᠬᠤᠷᠴᠢᠨ ᠲᠠᠷᠢᠶᠠᠴᠢᠳ ᠤᠨ ᠨᠠᠪᠳᠠᠬ ᠰᠠᠪᠳᠠᠬ ᠢ ᠰᠢᠳᠦᠬᠦ ᠶᠢᠨ ᠣᠴᠢᠷ  ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠬᠤᠷᠴᠢᠨ ᠮᠣᠩᠭᠤᠯᠴᠣᠳ ᠤᠨ ᠵᠠᠩ ᠦᠢᠯᠡ ᠳᠤ ᠦᠷᠭᠦᠯᠵᠢ ᠬᠤᠯᠪᠣᠬᠳᠠᠳᠠᠬ ᠰᠢᠳᠦᠭᠡᠨ ᠪᠣᠯᠣᠨ᠎ᠠ᠃ ᠭᠡᠪᠡᠴᠦ ᠬᠤᠷᠴᠢᠨᠴᠣᠳ ᠨᠠᠪᠳᠠᠬ ᠰᠠᠪᠳᠠᠬ ᠢ ᠪᠣᠰᠣᠳ ᠦᠨᠳᠦᠰᠦᠳᠡᠨ ᠤ ᠬᠢ ᠰᠢᠬ ︿ᠭᠠᠵᠠᠷ ᠤᠨ ᠡᠵᠡᠨ﹀ ᠤ ᠰᠦᠮ᠎ᠡ ᠪᠣᠰᠬᠠᠵᠦ ᠲᠠᠬᠢᠵᠦ ᠪᠠᠶᠢᠭ᠎ᠠ ᠨᠢ ᠣᠳᠣ ᠪᠣᠯᠳᠠᠯ᠎ᠠ ᠬᠠᠷᠠᠬᠳᠠᠭ᠎ᠠ ᠦᠭᠡᠢ ᠪᠠᠶᠢᠬᠰᠠᠭᠠᠷ᠃ ᠬᠤᠷᠴᠢᠨᠴᠣᠳ ᠨᠠᠪᠳᠠᠬ ᠰᠠᠪᠳᠠᠬ ᠢ ᠲᠠᠬᠢᠵᠦ ᠪᠠᠶᠠᠰᠬᠠᠬᠤ ᠳᠠᠭᠠᠨ ᠦᠪᠡᠷ ᠤᠨ ᠢᠶᠠᠨ ᠭᠡᠰᠡᠨ ᠵᠠᠩ ᠵᠠᠩᠰᠢᠯ ᠶᠣᠰᠣ ᠭᠤᠷᠢᠮ ᠪᠠᠶᠢᠳᠠᠬ᠃ ᠡᠭᠦᠨ ᠳᠤ ᠰᠢᠨ᠎ᠡ ᠨᠣᠳᠤᠬ ᠲᠤ ᠪᠠᠭᠤᠪᠠᠯ ᠨᠠᠪᠳᠠᠬ ᠰᠠᠪᠳᠠᠬ ᠲᠤ ᠴᠠᠭᠠᠨ ᠪᠠᠯᠢᠩ ᠡᠷᠭᠦᠳᠡᠭ᠃ ᠠᠶᠠᠨ ᠤ ᠬᠦᠮᠦᠰ ᠨᠠᠪᠳᠠᠬ ᠰᠠᠪᠳᠠᠬ ᠠᠴᠠ ᠡᠮᠢᠶᠡᠨ ᠵᠣᠣᠬᠠᠨ ᠨᠦᠬᠡ ᠪᠠᠨ ᠡᠷᠡᠭᠦᠯ ᠬᠦᠷᠦᠰᠦ ᠪᠠᠷ ᠨᠢ ᠡᠳᠡᠭᠡᠭᠡᠵᠦ ᠲᠠᠯᠪᠢᠳᠠᠬ᠃ ᠶᠠᠮᠠᠷ ᠴᠦ ᠦᠶ᠎ᠡ ᠬᠠᠮᠢᠶ᠎ᠠ ᠦᠭᠡᠢ ᠨᠦᠬᠡ ᠮᠠᠯᠳᠠᠬᠤ᠂ ᠭᠠᠵᠠᠷ ᠲᠤ ᠶᠠᠭᠤᠮ᠎ᠠ ᠵᠢᠷᠣᠬᠤ᠂ ᠭᠠᠵᠠᠷ ᠢ ᠲᠣᠬᠰᠢᠬᠤ᠂ ᠴᠢᠴᠢᠯᠡᠬᠦ᠂ ᠲᠠᠰᠢᠭᠤᠷᠳᠠᠬᠤ ᠨᠢ ᠴᠡᠭᠡᠷ ᠲᠠᠢ ᠪᠠᠶᠢᠳᠠᠬ᠃    ᠬᠤᠷᠴᠢᠨ ᠲᠠᠷᠢᠶᠠᠴᠢᠳ ᠠᠴᠠ ᠨᠠᠪᠳᠠᠬ ᠰᠠᠪᠳᠠᠬ ᠰᠠᠶᠢᠨ ᠭᠠᠵᠠᠷ ᠨᠣᠳᠣᠬᠯᠠᠬᠤ ᠪᠣᠶᠣ ᠬᠡᠭᠦᠷ ᠣᠡᠭᠭᠤᠨ ᠲᠠᠯᠪᠢᠪᠠᠯ ᠠᠮᠢᠳᠣᠷᠠᠯ ᠠᠬᠤᠢ ᠨᠢ ᠲᠡᠭᠡᠭᠰᠢᠯᠡᠵᠦ ᠦᠷ᠎ᠡ ᠬᠤᠶᠢᠴᠢᠰ ᠠᠴᠠ ᠨᠢ ᠡᠷᠳᠡᠮᠳᠡᠨ᠂ ᠮᠡᠷᠭᠡᠳ᠂ ᠨᠣᠶᠠᠳ᠂ ᠲᠦᠰᠢᠮᠡᠳ ᠴᠣᠯᠭᠤᠷᠠᠨ ᠭᠠᠷᠣᠨ᠎ᠠ ᠭᠡᠵᠦ ᠦᠵᠡᠳᠡᠭ ᠠᠴᠠ ᠨᠣᠳᠤᠬ ᠰᠢᠯᠵᠢᠬᠦ᠂ ᠣᠡᠭᠭᠤᠨ ᠲᠠᠯᠪᠢᠬᠤ ᠨᠠᠪᠳᠠᠬ ᠰᠠᠪᠳᠠᠬ ᠲᠤ ᠬᠦᠷᠳᠡᠯ᠎ᠡ ᠦᠵᠡᠭᠡᠴᠢ ᠲᠦᠯᠭᠡᠴᠢ ᠪᠠᠷ ᠰᠢᠨᠵᠢᠭᠦᠯᠵᠦ ᠠᠶᠢᠯᠠᠳᠣᠭᠤᠯᠬᠤ ᠶᠢ ᠡᠷᠬᠢᠮᠯᠡᠳᠡᠭ᠃ ᠵᠢᠱᠢᠶᠡᠯᠡᠪᠡᠯ ᠬᠦᠷᠢᠶ᠎ᠡ ᠬᠤᠰᠢᠭᠤᠨ ᠤ ᠮᠠᠩᠬᠠᠨ ᠰᠣᠮᠣᠨ ᠤ ᠴᠣᠬᠴᠢᠭᠦᠦ ᠭᠡᠬᠦ ᠠᠶᠢᠯ ᠤᠨ ᠡᠮᠦᠨ᠎ᠡ ᠵᠠᠬ᠎ᠠ ᠳᠤ ᠨᠢᠭᠡ ᠵᠢᠵᠢᠭ ᠠᠯᠠᠭᠠᠬ ᠭᠠᠵᠠᠷ ᠪᠠᠶᠢᠳᠠᠬ᠃ ᠨᠣᠳᠤᠬ ᠤᠨ ᠬᠦᠮᠦᠰ ᠤᠨ ᠶᠠᠷᠢᠬᠤ ᠪᠠᠷ ᠵᠢᠵᠢᠭ ᠠᠯᠠᠭᠠᠬ ᠤᠨ ᠨᠠᠪᠳᠠᠬ ᠨᠢ ᠠᠯᠠᠬ ᠱᠠᠭᠠᠵᠠᠭᠠᠢ ᠪᠣᠯᠬᠤᠷ ᠡᠨᠡ ᠭᠠᠵᠠᠷ ᠲᠤ ᠨᠣᠳᠣᠬᠰᠢᠪᠠᠯ ᠠᠯᠠᠬ ᠵᠢᠰᠦᠮ ᠤᠨ ᠮᠠᠯ ᠰᠠᠶᠢᠨ ᠦᠷᠡᠵᠢᠨ᠎ᠡ ᠭᠡᠳᠡᠭ᠃ ᠭᠡᠪᠡᠴᠦ ᠡᠨᠡ ᠠᠯᠠᠭᠠᠬ ᠲᠤ ᠦᠰᠦ ᠪᠠᠨ ᠣᠷᠢᠶᠠᠬᠰᠠᠨ ᠡᠬᠡᠨᠡᠷ ᠬᠦᠮᠦᠨ ᠭᠤᠷᠪᠠ ᠠᠴᠠ ᠢᠯᠡᠭᠦᠦ ᠰᠠᠭᠤᠵᠦ ᠲᠣᠬᠳᠠᠬᠤ ᠦᠭᠡᠢ ᠭᠡᠨ᠎ᠠ᠃    ᠬᠤᠷᠴᠢᠨᠴᠣᠳ ᠪᠠᠰᠠ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠲᠣᠬᠰᠢᠨ ᠭᠠᠵᠠᠷ ᠲᠤ ᠨᠣᠳᠣᠬᠯᠠᠬᠤ ᠠᠴᠠ ᠵᠠᠶᠢᠯᠠᠰᠭᠢᠵᠦ ᠡᠶᠢᠮᠦᠷᠬᠦᠤ ᠭᠠᠵᠠᠷ ᠲᠤ ᠡᠳ᠋ᠯᠡᠬᠦ ᠪᠣᠶᠠᠨ ᠲᠠᠢ ᠬᠦᠮᠦᠨ ᠰᠠᠶ᠋ᠢ ᠨᠣᠳᠣᠬᠯᠠᠵᠦ ᠪᠣᠯᠬᠤ ᠠᠴᠠ ᠪᠢᠰᠢ ᠡᠭᠡᠯ ᠬᠦᠮᠦᠨ ᠨᠣᠳᠣᠬᠯᠠᠪᠠᠯ ᠡᠪᠡᠳᠴᠢᠨ ᠵᠤᠪᠠᠯᠠᠩ ᠲᠠᠰᠣᠷᠠᠬᠤ ᠦᠭᠡᠢ ᠪᠣᠯᠬᠤ ᠪᠣᠶᠣ ᠦᠭᠡᠶᠢᠷᠡᠵᠦ ᠬᠤᠭᠤᠰᠣᠷᠠᠨ᠎ᠠ ᠭᠡᠳᠡᠭ᠃ ᠲᠣᠰ ᠠᠶᠢᠯ ᠤᠨ ᠪᠠᠷᠠᠭᠤᠨ ᠵᠠᠬ᠎ᠠ ᠳᠤ ᠣᠣᠯ ᠳᠠᠭᠠᠨ ᠬᠠᠨᠵᠦ ᠰᠢᠬ ᠲᠡᠭᠰᠢᠬᠡᠨ ᠠᠯᠠᠭᠠᠬ ᠭᠠᠵᠠᠷ ᠪᠠᠶᠢᠬᠰᠠᠨ ᠠᠴᠠ ᠬᠦᠮᠦᠰ ︽ᠬᠠᠨᠵᠦ ᠶᠢᠨ ᠠᠯᠠᠭᠠᠬ︾ ᠭᠡᠵᠦ ᠨᠡᠷᠡᠯᠡᠳᠡᠭ ᠪᠠᠶᠢᠬᠰᠠᠨ ᠭᠡᠨ᠎ᠡ᠃ ᠨᠣᠳᠤᠬ ᠤᠨ ᠪᠣᠭᠤᠷᠣᠯᠴᠣᠳ ᠤᠨ ᠬᠠᠭᠤᠴᠢᠯᠠᠬᠤ ᠪᠠᠷ᠄ ︽ᠬᠠᠨᠵᠣ ᠶᠢᠨ ᠠᠯᠠᠭᠠᠬ ᠤᠨ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠨᠠᠢᠮᠠᠨ ᠬᠦᠯᠢᠰ ᠤᠨ ᠲᠣᠮᠳᠠ ᠠᠷᠬᠢᠷᠠᠬᠰᠠᠨ ᠴᠠᠭᠠᠨ ᠪᠠᠷᠰ ᠪᠣᠯᠬᠤᠷ ᠶᠡᠭᠡ ᠲᠣᠬᠰᠢᠨ ᠶᠣᠮ᠃ ᠴᠢᠩ ᠣᠯᠣᠰ ᠤᠨ ᠰᠡᠭᠦᠯᠴᠢ ᠶᠢᠨ ᠦᠶ᠎ᠡ ᠪᠠᠷ ᠬᠠᠭᠠᠨ ᠡᠵᠡᠨ ᠤ ᠨᠣᠳᠤᠬ ᠰᠢᠨᠵᠢᠭᠡᠴᠢ ᠲᠦᠰᠢᠮᠡᠯ ᠨᠢ ᠬᠠᠨᠵᠦ ᠶᠢᠨ ᠠᠯᠠᠭᠠᠬ ᠢᠶᠠᠷ ᠦᠡᠭᠭᠡᠷᠡᠬᠦ ᠦᠶᠡᠰ ᠡᠨᠡ ᠭᠠᠵᠠᠷ ᠶᠡᠭᠡ ᠰᠠᠯᠬᠢ ᠲᠡᠭᠳᠡᠵᠦ ᠶᠠᠪᠣᠬᠤ ᠵᠠᠮ ᠳᠤᠨᠢ ᠬᠠᠷᠰᠢ ᠰᠠᠭᠠᠳ ᠣᠴᠡᠷᠡᠭᠤᠯᠣᠬᠰᠠ ᠭᠡᠨ᠎ᠡ᠃ ᠰᠢᠨᠵᠢᠭᠡᠴᠢ ᠠᠴᠠ ᠡᠨᠡ ᠭᠠᠵᠠᠷ ᠢ ᠨᠠᠷᠢᠨ ᠰᠢᠨᠵᠢᠭᠡᠳ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠠᠮᠠ ᠪᠠᠨ ᠠᠩᠭᠠᠢᠢᠬᠰᠠᠨ ᠴᠠᠭᠠᠨ ᠪᠠᠷᠰ ᠪᠣᠯᠬᠤ ᠶᠢ ᠮᠡᠳᠡᠭᠡᠳ ᠶᠡᠬᠡᠳᠡ ᠰᠣᠴᠢᠵᠦ ᠡᠵᠡᠨ ᠬᠤᠳᠠᠠ ᠳᠠᠭᠠᠨ ᠪᠣᠴᠠᠬᠰᠠᠨ ᠤ ᠪᠠᠨ ᠲᠠᠷᠠᠭ᠎ᠠ ︿ᠴᠣᠬᠤᠷ ᠬᠠᠯᠬ᠎ᠠ ᠶᠢᠨ ᠬᠠᠷᠢᠶᠠᠳᠦ ᠭᠠᠵᠠᠷ ᠲᠤ ᠴᠠᠭᠠᠨ ᠪᠠᠷᠰ ᠠᠮᠠ ᠪᠠᠨ ᠠᠩᠭᠠᠢᠢᠬᠰᠠᠨ ᠨᠠᠪᠳᠠᠬ ᠰᠠᠪᠳᠠᠬ ᠲᠠᠢ ᠬᠠᠨᠵᠦ ᠰᠢᠬ ᠲᠡᠭᠰᠢᠬᠡᠨ ᠭᠠᠵᠠᠷ ᠢ ᠬᠠᠷᠠᠯ᠎ᠠ᠃ ᠡᠨᠡ ᠭᠠᠵᠠᠷ ᠰᠦᠮ᠎ᠡ ᠪᠣᠰᠬᠠᠵᠦ ᠲᠠᠷᠣᠯᠭ᠎ᠠ ᠬᠢᠬᠦ ᠦᠬᠡᠢ ᠪᠣᠯ ᠵᠠᠭᠤᠨ ᠵᠢᠯ ᠤᠨ ᠲᠠᠷᠠᠭ᠎ᠠ ᠡᠨᠡ ᠨᠣᠳᠤᠬ ᠲᠤ ᠰᠦᠰᠦ ᠶᠡᠭᠡ ᠬᠦᠮᠦᠨ ᠲᠦᠷᠦᠵᠦ ᠬᠠᠭᠠᠨ ᠲᠦᠷᠦ ᠲᠠᠢ ᠬᠠᠷᠰᠢᠯᠳᠣᠬᠤ ᠲᠠᠶᠢᠰᠣᠨ ᠪᠣᠰᠬᠤ ᠪᠣᠯᠣᠨ᠎ᠠ﹀ ᠭᠡᠵᠦ ᠪᠣᠬᠳᠠ ᠡᠵᠡᠨ ᠳᠡᠭᠡᠨ ᠮᠡᠳᠡᠭᠦᠯᠦᠭᠰᠡᠨ ᠠᠴᠠ ᠣᠯᠣᠰ ᠤᠨ ᠰᠠᠩ ᠠᠴᠠ ᠡᠳ᠋ ᠮᠦᠡᠭᠬᠦ ᠭᠠᠷᠭᠠᠵᠦ ᠬᠠᠨᠵᠦ ᠶᠢᠨ ᠠᠯᠠᠭᠠᠬ ᠤᠨ ᠪᠠᠷᠠᠭᠤᠨ ᠬᠤᠶᠢᠳᠦ ᠲᠠᠯ᠎ᠠ ᠳᠤ ᠨᠢᠭᠡᠨ ᠨᠡᠢᠮᠠᠨ ᠲᠠᠯᠠᠳᠦ ᠰᠦᠮ᠎ᠡ ᠪᠣᠰᠬᠠᠬᠤ ᠪᠠᠷ ᠪᠣᠯᠵᠠᠢ᠃ ᠬᠠᠭᠠᠨ ᠤ ᠵᠠᠷᠯᠢᠬ ᠢᠶᠠᠷ ᠢᠷᠡᠭᠰᠡᠨ ᠪᠠᠷᠢᠯᠭᠠᠴᠢᠳ ᠠᠴᠠ ᠬᠤᠶᠠᠷ ᠭᠤᠷᠪᠠᠨ ᠰᠠᠷ᠎ᠠ ᠶᠢᠨ ᠬᠤᠭᠤᠴᠠᠭ᠎ᠠ ᠬᠡᠷᠡᠭᠰᠡᠵᠦ ᠰᠦᠮ᠎ᠡ ᠶᠢ ᠠᠷᠠᠢ ᠭᠡᠵᠦ ᠪᠣᠰᠬᠠᠭᠠᠳ ᠪᠠᠶᠢᠳᠠᠯ᠎ᠠ ᠭᠡᠨᠡᠳᠳᠡ ᠪᠠᠷ ᠬᠦᠷᠦᠰᠦᠳᠦ ᠭᠠᠵᠠᠷ ᠲᠣᠷᠭᠢᠨ ᠴᠡᠴᠡᠷᠡᠵᠦ ᠪᠣᠰᠬᠠᠬᠰᠠᠨ ᠨᠠᠢᠮᠠᠨ ᠲᠠᠯᠠᠳᠦ ᠰᠦᠮ᠎ᠡ ᠨᠢ ᠪᠦᠬᠦᠨ ᠢᠶᠠᠷ ᠢᠶᠠᠨ ᠶᠡᠭᠦᠷᠡᠵᠦ ᠣᠨᠠᠬᠰᠠᠨ ᠭᠡᠨ᠎ᠡ᠃ ᠬᠤᠶᠠᠳᠣᠭᠠᠷ ᠣᠳᠠᠭ᠎ᠠ ᠨᠢ ᠪᠠᠷᠢᠯᠭᠠᠴᠢᠳ ᠠᠴᠠ ᠰᠦᠮ᠎ᠡ ᠶᠢᠨ ᠬᠡᠷᠡᠮ ᠢ ᠬᠠᠭᠠᠰ ᠪᠣᠰᠬᠠᠭᠠᠳ ᠪᠠᠶᠢᠳᠠᠯ᠎ᠠ ᠶᠡᠭᠡ ᠰᠠᠯᠬᠢ ᠬᠦᠳᠡᠯᠵᠦ ᠪᠣᠰᠬᠠᠬᠰᠠᠨ ᠬᠡᠷᠡᠮ ᠢ ᠨᠢ ᠬᠤᠬ ᠲᠠᠰᠣ ᠬᠡᠶᠢᠰᠭᠡᠵᠦ ᠣᠷᠬᠢᠬᠰᠠᠨ ᠭᠡᠨ᠎ᠡ᠃ ᠭᠤᠷᠪᠠᠳᠣᠭᠠᠷ ᠣᠳᠠᠭ᠎ᠠ ᠨᠢ ᠰᠦᠮ᠎ᠡ ᠶᠢᠨ ᠰᠠᠭᠤᠷᠢ ᠶᠢ ᠠᠷᠠᠢ ᠭᠡᠵᠦ ᠲᠠᠯᠪᠢᠵᠦ ᠲᠠᠭᠤᠰᠳᠠᠯ᠎ᠠ ᠡᠯᠡᠰᠦᠨ ᠰᠢᠭᠤᠷᠭ᠎ᠠ ᠬᠤᠮᠠᠬ ᠰᠢᠷᠣᠢ ᠪᠣᠳᠠᠷᠠᠭᠠᠳ ᠰᠦᠮ᠎ᠡ ᠶᠢᠨ ᠰᠠᠭᠤᠷᠢ ᠶᠢ ᠪᠦᠬᠦᠨ ᠢᠶᠠᠷ ᠨᠢ ᠡᠯᠡᠰᠦ ᠰᠢᠷᠣᠢ ᠪᠠᠷ ᠲᠠᠷᠣᠵᠦ ᠬᠠᠶᠠᠭᠠᠳ ᠶᠡᠭᠡ ᠮᠠᠩᠬ᠎ᠠ ᠪᠣᠯᠭᠠᠬᠰᠠᠨ ᠠᠴᠠ ᠡᠨᠡ ᠭᠠᠵᠠᠷ ᠰᠦᠮ᠎ᠡ ᠪᠣᠰᠬᠠᠵᠦ ᠲᠡᠶᠢᠯᠦᠭᠰᠡᠨ ᠦᠭᠡᠢ ᠭᠡᠳᠡᠭ᠃ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠤ ᠲᠠᠷᠠᠭ᠎ᠠ ᠨᠢᠭᠡᠨ ᠰᠦᠰᠦ ᠪᠦᠳᠦᠭᠦᠨ ᠲᠠᠷᠢᠶᠠᠴᠢᠨ ᠡᠷ᠎ᠡ ᠪᠣᠰᠣᠳ ᠤᠨ ᠬᠤᠷᠢᠬᠯᠠᠬᠤ ᠶᠢ ᠰᠣᠨᠣᠰᠣᠯ ᠦᠭᠡᠢ ᠪᠠᠷ ᠡᠨᠡ ᠭᠠᠵᠠᠷ ᠲᠤ ᠨᠣᠳᠣᠬᠯᠠᠬᠤ ᠭᠡᠵᠦ ᠭᠡᠷ ᠪᠣᠰᠬᠠᠭᠠᠳ ᠠᠷᠠᠢ ᠬᠤᠶᠠᠷ ᠬᠤᠨᠣᠬᠰᠠᠨ ᠦᠭᠡᠢ ᠪᠠᠷ ᠡᠷᠦᠬᠡ ᠭᠡᠷ ᠤᠨ ᠬᠢᠨᠢ ᠡᠷᠡᠭᠳᠡᠢ ᠡᠮᠡᠭᠳᠡᠢ ᠢᠯᠭᠠᠯ ᠦᠭᠡᠢ ᠦᠰᠦ ᠨᠢ ᠪᠦᠬᠦᠨ ᠢᠶᠠᠷ ᠢᠶᠠᠨ ᠣᠨᠠᠭᠠᠳ ᠭᠢᠯᠠᠶᠢᠮ᠎ᠠ ᠬᠤᠵᠢᠭᠢᠷ ᠪᠣᠯᠣᠬᠰᠠᠨ ᠠᠴᠠ ᠶᠡᠬᠡᠯ᠎ᠡ ᠠᠶᠣᠵᠦ ᠨᠣᠳᠤᠬ ᠰᠢᠯᠵᠢᠭᠰᠡᠨ ᠶᠣᠮ ᠃ ᠮᠠᠨ ᠤ ᠠᠶᠢᠯ ᠤᠨ ᠬᠢᠨᠢ ᠣᠳᠣ ᠪᠣᠯᠳᠠᠯ᠎ᠠ ᠡᠨᠡ ᠭᠠᠵᠠᠷ ᠤᠨ ᠨᠠᠪᠳᠠᠬ ᠰᠠᠪᠳᠠᠬ ᠢ ᠲᠣᠬᠰᠢᠨ ᠭᠡᠳ ᠨᠣᠳᠣᠬᠯᠠᠬᠰᠠᠨ ᠬᠦᠮᠦᠨ ᠭᠠᠷᠤᠭ᠎ᠠ ᠦᠭᠡᠢ ᠪᠠᠶᠢᠬᠰᠠᠭᠠᠷ︾ ᠭᠡᠨ᠎ᠡ᠃ ᠪᠠᠰᠠ ︽ᠭᠠᠭ᠋ᠠᠢ ᠶᠢᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠠᠷᠪᠠᠨ ᠬᠤᠶᠠᠷ ᠲᠣᠷᠣᠢ ᠲᠠᠢ ᠠᠯᠳᠠᠨ ᠮᠡᠭᠡᠵᠢ ᠪᠣᠯᠬᠤᠷ ᠵᠠᠩᠵᠣᠨ ᠬᠦᠮᠦᠨ ᠲᠡᠭᠡᠷ᠎ᠡ ᠨᠢ ᠭᠠᠷᠪᠠᠯ ᠬᠡᠢ ᠮᠣᠷᠢ ᠨᠢ ᠬᠡᠪᠳᠡᠵᠦ ᠲᠠᠶᠢᠨ ᠳᠤ ᠢᠯᠠᠬᠳᠠᠨ᠎ᠠ᠃ ᠭᠡᠪᠡᠴᠦ ᠠᠭᠤᠯᠠ ᠶᠢᠨ ᠲᠡᠭᠡᠷᠡᠬᠢ ᠬᠠᠳᠠᠨ ᠤ ᠬᠠᠬ ᠢ ᠨᠢ ᠬᠠᠮᠣᠵᠦ ᠠᠪᠣᠭᠠᠳ ᠪᠣᠴᠠᠯᠣᠬᠰᠠᠨ ᠣᠰᠣ ᠪᠠᠷ ᠲᠠᠷᠣᠭᠤᠯᠵᠦ ᠣᠣᠭᠤᠪᠠᠯ ᠬᠦᠮᠦᠨ ᠤ ᠬᠦᠢᠳᠡᠨ ᠬᠡᠢ ᠡᠪᠡᠳᠴᠢᠨ ᠳᠤ ᠲᠣᠰᠠᠳᠠᠢ︾ ᠭᠡᠵᠦ ᠨᠠᠰᠣᠳᠠᠶᠢᠴᠣᠣᠯ ᠬᠠᠭᠤᠴᠢᠯᠠᠳᠠᠬ᠃    ᠬᠤᠷᠴᠢᠨᠴᠣᠳ ᠤᠨ ᠨᠣᠳᠤᠬ ᠣᠰᠣᠨ ᠤ ᠲᠣᠮᠤᠬ ᠲᠤ ᠡᠮᠦᠨ᠎ᠡ ᠭᠠᠵᠠᠷ ᠠᠴᠠ ᠢᠷᠡᠭᠰᠡᠨ ᠨᠣᠳᠤᠬ ᠣᠰᠣ ᠰᠢᠡᠵᠢᠭᠴᠢ᠂ ᠬᠤᠳᠠᠯᠳᠣᠭᠠᠴᠢᠳ ᠮᠣᠩᠭᠤᠯ ᠣᠷᠣᠨ ᠤ ᠨᠠᠪᠳᠠᠬ ᠰᠠᠪᠳᠠᠬ ᠢ ᠬᠤᠯᠠᠭᠠᠢᠢᠯᠠᠬᠤ᠂ ᠡᠵᠡᠯᠡᠬᠦ᠂ ᠰᠢᠯᠵᠢᠭᠦᠯᠬᠦ᠂ ᠲᠠᠷᠣᠬᠤ ᠦᠢᠯᠡ ᠶᠢ ᠣᠯᠠᠨ ᠦᠢᠯᠡᠳᠴᠡᠢ ᠭᠡᠳᠡᠭ᠃ ᠵᠢᠱᠢᠶᠡᠯᠡᠪᠡᠯ᠂ ᠬᠦᠷᠢᠶ᠎ᠡ ᠬᠤᠰᠢᠭᠤᠨ ᠤ ᠲᠠᠯᠣ ᠶᠢᠨ ᠠᠭᠤᠯᠠᠨ ᠤ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠠᠯᠳᠠᠨ ᠵᠢᠭᠦᠷᠳᠡᠢ ᠪᠢᠯᠵᠣᠣᠬᠠᠢ ᠶᠣᠮ ᠭᠡᠨ᠎ᠡ᠃ ᠡᠨᠡ ᠠᠭᠤᠯᠠᠨ ᠤ ᠨᠠᠪᠳᠠᠬ ᠰᠠᠪᠳᠠᠬ ᠢ ᠨᠢᠭᠡᠨ ᠨᠠᠨᠮᠠᠨᠽᠢ ᠰᠢᠨᠵᠢᠵᠦ ᠮᠡᠳᠡᠭᠡᠳ ᠬᠤᠯᠠᠭᠠᠢᠢᠯᠠᠵᠦ ᠠᠪᠠᠴᠢᠬᠤ ᠭᠡᠳ ᠴᠢᠳᠠᠯ ᠨᠢ ᠬᠦᠷᠦᠭᠰᠡᠨ ᠦᠭᠡᠢ ᠠᠭᠤᠯᠠᠨ ᠳᠤ ᠬᠤᠷᠢᠬᠳᠠᠵᠦ ᠦᠬᠦᠭᠰᠡᠨ ᠭᠡᠳᠡᠭ᠃ ᠣᠣᠯ ᠤᠨ ︽ᠪᠢᠡᠭᠳᠦ ᠶᠢᠨ ᠬᠤᠰᠢᠭᠤᠨ︾ ᠤ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠠᠯᠳᠠᠨ ᠣᠨᠠᠭ᠎ᠠ ᠶᠣᠮ ᠭᠡᠨ᠎ᠡ᠃ ᠡᠮᠦᠨ᠎ᠡ ᠭᠠᠵᠠᠷ ᠤᠨ ᠨᠠᠮᠨᠨᠽᠢ ᠢᠷᠡᠭᠡᠳ ᠠᠯᠳᠠᠨ ᠣᠨᠠᠭ᠎ᠠ ᠶᠢᠨ ᠲᠣᠬᠯᠠᠵᠦ ᠪᠠᠶᠢᠬᠰᠠᠨ ᠭᠠᠵᠠᠷ ᠢ ᠨᠢ ᠰᠢᠨᠵᠢᠵᠦ ᠮᠡᠳᠡᠭᠡᠳ ᠬᠤᠯᠠᠭᠠᠢᠢᠯᠠᠵᠦ ᠠᠪᠠᠴᠢᠬᠤ ᠭᠡᠳ ᠪᠦᠳᠦᠭᠰᠡᠨ ᠦᠭᠡᠢ ᠪᠣᠯᠬᠤᠷ ᠠᠯᠳᠠᠨ ᠣᠨᠠᠭᠠᠨ ᠤ ᠪᠣᠷᠣᠭᠤᠳᠠᠢ ᠲᠣᠭᠤᠷᠠᠢ ᠶᠢ ᠨᠢ ᠭᠡᠮᠳᠦᠭᠡᠭᠰᠡᠨ ᠶᠣᠮ ᠭᠡᠨ᠎ᠡ ᠁ ᠭᠡᠬᠦ ᠮᠡᠳᠦ᠃    ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠬᠦᠮᠦᠨ ᠠᠮᠢᠳᠠᠨ ᠳᠤ ᠬᠤᠣᠷᠯᠠᠯ ᠬᠢᠳᠡᠭ ᠣᠳᠠᠭ᠎ᠠ ᠲᠠᠢ ᠲᠣᠯᠠ ᠬᠤᠷᠴᠢᠨᠴᠣᠳ ᠤᠨ ᠲᠣᠮᠳᠠ ᠪᠠᠰᠠ ᠨᠠᠪᠳᠠᠬ ᠰᠠᠪᠳᠠᠬ ᠢ ᠠᠶᠣᠯᠭᠠᠨ ᠰᠦᠷᠳᠡᠭᠦᠯᠬᠦ ᠪᠣᠶᠣ ᠲᠠᠷᠣᠯᠭ᠎ᠠ ᠬᠢᠳᠡᠭ ᠪᠠᠶᠢᠪᠠ᠃ ᠵᠢᠱᠢᠶᠡᠯᠡᠪᠡᠯ᠂ ᠬᠡᠦᠬᠡᠨ ᠬᠦᠷᠭᠡᠬᠦ ᠬᠦᠮᠦᠰ ᠲᠡᠷᠭᠡᠨ ᠤ ᠪᠠᠨ ᠡᠮᠦᠨ᠎ᠡ ᠮᠡᠯᠡᠬᠡᠢ ᠶᠢᠨ ᠵᠢᠷᠤᠬ ᠡᠯᠭᠦᠵᠦ᠂ ᠲᠡᠭᠦᠨ ᠢ ᠪᠠᠨ ᠨᠠᠪᠳᠠᠬ ᠰᠠᠪᠳᠠᠬ ᠤᠨ ᠲᠠᠷᠣᠯᠭ᠎ᠠ ᠭᠡᠳᠡᠭ᠃ ᠠᠮᠢᠳᠣᠷᠠᠯ ᠨᠢ ᠦᠭᠡᠳᠡ ᠦᠭᠡᠢ᠂ ᠬᠢᠵᠢᠭ ᠲᠠᠬᠤᠯ᠂ ᠬᠡᠷᠡᠭᠦᠯ ᠱᠣᠣᠭᠢᠶᠠᠨ ᠲᠠᠰᠣᠷᠠᠬᠤ ᠦᠭᠡᠢ ᠪᠣᠯ ᠰᠠᠭᠤᠬᠰᠠᠨ ᠨᠣᠳᠤᠬ ᠤᠨ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠲᠣᠬᠰᠢᠨ ᠭᠡᠵᠦ ᠪᠦᠭᠡ ᠵᠠᠯᠠᠵᠦ ᠲᠠᠷᠣᠯᠭ᠎ᠠ ᠬᠢᠯᠭᠡᠳᠡᠭ ᠪᠠᠶᠢᠵᠠᠢ᠃ ᠪᠦᠭᠡ ᠨᠠᠷ ᠠᠴᠠ ︽ᠲᠠᠦᠯᠠᠢ ᠶᠢᠨ ᠬᠡᠪᠳᠡᠰᠢ︾ ᠳᠤ ᠰᠠᠭᠤᠬᠰᠠᠨ ᠬᠦᠮᠦᠨ ᠤ ᠨᠠᠪᠳᠠᠬ ᠰᠠᠪᠳᠠᠬ ᠲᠤ ᠲᠠᠷᠣᠯᠭ᠎ᠠ ᠬᠢᠬᠦ ᠳᠡᠭᠡᠨ ᠠᠯᠠᠵᠦ ᠢᠳᠡᠭᠰᠡᠨ ᠠᠳᠣᠭᠤᠰᠣ ᠠᠮᠢᠳᠠᠨ ᠤ ᠶᠠᠰᠣ ᠶᠢ ᠪᠠᠷᠠᠭᠤᠨ ᠬᠤᠶᠢᠳᠦ ᠵᠦᠭ ᠲᠤ ᠬᠠᠶᠠᠭᠤᠯᠳᠠᠬ᠃ ᠡᠷᠳᠡ ᠳᠡᠭᠡᠨ ᠶᠡᠭᠡ ᠵᠠᠮ ᠦᠡᠭᠭᠡᠷᠡᠵᠦ ᠪᠠᠶᠢᠬᠰᠠᠨ ᠪᠣᠶᠣ ᠭᠤᠣᠯ ᠣᠷᠣᠰᠴᠦ ᠪᠠᠶᠢᠬᠰᠠᠨ ᠭᠠᠵᠠᠷ ᠨᠣᠳᠣᠬᠯᠠᠬᠰᠠᠨ ᠬᠦᠮᠦᠨ ᠢ ︽ᠭᠦᠶᠦᠳᠡᠯ︾ ᠲᠡᠭᠡᠷ᠎ᠡ ᠰᠠᠭᠤᠬᠰᠠᠨ ᠪᠣᠯᠬᠤᠷ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠬᠠᠳᠠᠭᠤ ᠭᠡᠵᠦ ᠭᠡᠷ ᠤᠨ ᠢᠶᠠᠨ ᠬᠠᠵᠠᠭᠤ ᠪᠣᠶᠣ ᠠᠷᠣ ᠪᠠᠷ ᠨᠣᠶᠠᠨ ᠮᠣᠳᠣ ᠵᠠᠶᠢᠯᠠᠬᠤ ᠪᠣᠶᠣ ᠬᠠᠰᠢᠶ᠎ᠠ ᠰᠠᠷᠠᠪᠴᠢ ᠪᠣᠰᠬᠤ ᠮᠡᠳᠦ ᠶᠢᠨ ᠠᠷᠭ᠎ᠠ ᠪᠠᠷ ᠨᠠᠪᠳᠠᠬ ᠰᠠᠪᠳᠠᠬ ᠢ ᠨᠢ ᠵᠦᠬᠡᠯᠡᠷᠡᠭᠦᠯᠳᠡᠭ ᠶᠣᠮ᠃    ᠬᠤᠷᠴᠢᠨ ᠲᠠᠷᠢᠶᠠᠴᠢᠳ ᠠᠴᠠ ᠨᠠᠪᠳᠠᠬ ᠰᠠᠪᠳᠠᠬ ᠢ ᠲᠠᠷᠢᠶ᠎ᠠ ᠲᠦᠮᠦᠰᠦ᠂ ᠬᠤᠨᠢ ᠮᠠᠯ᠂ ᠡᠪᠡᠳᠴᠢᠨ ᠬᠢᠵᠢᠭ ᠁ ᠵᠡᠷᠭᠡ ᠶᠢᠨ ᠠᠮᠢᠳᠣᠷᠠᠯ ᠠᠬᠤᠢ ᠶᠢᠨ ᠲᠡᠭᠡᠭᠰᠢᠯᠡᠯᠳᠡ ᠳᠤ ᠣᠶᠣᠨ ᠰᠠᠨᠠᠭᠠᠨ ᠤ ᠲᠦᠰᠢᠭ ᠲᠣᠯᠭᠠᠭᠤᠷᠢ ᠪᠣᠯᠳᠠᠬ ᠰᠠᠬᠢᠭᠤᠰᠣ ᠭᠡᠵᠦ ᠦᠵᠡᠳᠡᠭ ᠠᠴᠠ ᠭᠡᠮᠳᠦᠭᠡᠬᠦ ᠪᠣᠶᠣ ᠲᠠᠷᠣᠯᠭ᠎ᠠ ᠬᠢᠬᠦ ᠠᠴᠠ ᠪᠠᠶᠠᠰᠬᠠᠬᠤ ᠪᠣᠶᠣ ᠬᠠᠶᠢᠷᠠᠯᠠᠵᠦ ᠬᠠᠮᠭᠠᠯᠠᠬᠤ ᠶᠢ ᠡᠷᠬᠢᠮ ᠪᠣᠯᠭᠠᠬᠰᠠᠭᠠᠷ ᠢᠷᠡᠵᠡᠢ᠃ ᠣᠯᠠᠩᠬᠢ ᠬᠤᠷᠴᠢᠨᠴᠣᠳ ᠠᠴᠠ ᠴᠠᠬ ᠪᠦᠷᠢ ᠶᠢᠨ ᠴᠠᠢ ᠶᠢᠨ ᠲᠡᠭᠡᠵᠢ ᠪᠠᠨ ᠨᠠᠪᠳᠠᠬ ᠰᠠᠪᠳᠠᠬ ᠲᠠᠭᠠᠨ ᠰᠠᠴᠣᠨ ᠡᠷᠭᠦᠬᠦ᠂ ᠠᠷᠢᠬᠢ ᠶᠢᠨ ᠢᠶᠠᠨ ᠲᠡᠭᠡᠵᠢ ᠶᠢ ᠢᠳᠠᠮ ᠬᠤᠷᠣᠭᠤ ᠪᠠᠷ ᠢᠶᠠᠨ ᠨᠣᠳᠤᠬ ᠣᠰᠣᠨ ᠤ ᠪᠠᠨ ᠨᠠᠪᠳᠠᠬ ᠰᠠᠪᠳᠠᠬ ᠲᠤ ᠰᠡᠷᠵᠢᠮᠯᠡᠨ ᠡᠷᠭᠦᠵᠦ᠂ ᠬᠦᠮᠦᠨ ᠮᠠᠯ ᠤᠨ ᠢᠶᠠᠨ ᠡᠷᠡᠭᠦᠯ ᠡᠩᠬᠡ ᠠᠯᠢᠪᠠ ᠰᠠᠶᠢᠨ ᠰᠠᠶᠢᠬᠠᠨ ᠪᠠᠶᠢᠬᠤ ᠪᠠᠨ ᠲᠠᠭᠠᠳᠬᠠᠳᠠᠬ᠃ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠬᠤᠷᠴᠢᠨ ᠲᠠᠷᠢᠶᠠᠴᠢᠳ ᠪᠠᠰᠠ ᠲᠠᠷᠢᠶ᠎ᠠ ᠲᠠᠷᠢᠬᠤ ᠠᠴᠠ ᠪᠠᠨ ᠡᠮᠦᠨ᠎ᠡ ᠡᠳᠦᠷ ᠰᠣᠳᠣᠷ ᠣᠷᠪᠠᠭᠤᠯᠵᠦ ᠠᠨᠵᠢᠰᠣ ᠬᠦᠳᠡᠯᠭᠡᠬᠦ ᠰᠠᠶᠢᠨ ᠡᠳᠦᠷ ᠢᠶᠠᠨ ᠦᠵᠡᠬᠦ ᠪᠦᠭᠡᠳ ᠬᠡᠷ ᠪᠠᠷᠢᠬᠤ᠂ ᠬᠡᠭᠦᠷ ᠲᠠᠯᠪᠢᠬᠤ᠂ ᠠᠳᠠᠷ ᠬᠠᠭᠠᠯᠪᠣᠷᠢᠯᠠᠬᠤ᠂ ᠭᠤᠣ ᠮᠠᠯᠳᠠᠬᠤ ᠵᠡᠷᠭᠡ ᠪᠠᠷ ᠰᠢᠷᠣᠢ ᠬᠦᠳᠡᠯᠭᠡᠬᠦ ᠦᠶ᠎ᠡ ᠳᠤ ᠨᠠᠪᠳᠠᠬ ᠰᠠᠪᠳᠠᠬ ᠢᠶᠠᠨ ᠪᠠᠶᠠᠰᠬᠠᠬᠤ ᠭᠡᠵᠦ ᠯᠠᠮᠠ ᠵᠠᠯᠠᠵᠦ ᠰᠠᠩ ᠣᠡᠭᠰᠢᠭᠤᠯᠳᠠᠬ ᠪᠠᠶᠢᠪᠠ᠃ ᠰᠠᠩ ᠣᠡᠭᠰᠢᠭᠤᠯᠬᠤ ᠭᠡᠳᠡᠭ ᠨᠢ ᠠᠷᠴᠠ ᠬᠦᠵᠢ ᠠᠰᠠᠭᠠᠵᠦ ᠯᠠᠮᠠ ᠠᠴᠠ ᠨᠣᠳᠤᠬ ᠣᠰᠣᠨ ᠤ ᠨᠠᠪᠳᠠᠬ ᠰᠠᠪᠳᠠᠬ ᠢ ᠪᠠᠶᠠᠰᠬᠠᠬᠤ ᠨᠣᠮ ᠣᠡᠭᠰᠢᠬᠤ ᠶᠠᠪᠣᠳᠠᠯ ᠪᠣᠯᠣᠨ᠎ᠠ᠃ ᠢᠡᠭᠭᠢᠵᠦ ᠲᠠᠬᠢᠵᠦ ᠪᠠᠶᠠᠰᠬᠠᠪᠠᠯ ᠡᠭᠦᠰᠦᠭᠰᠡᠨ ᠦᠢᠯᠡᠰ ᠨᠢ ᠦᠭᠡᠳᠡ ᠡᠰᠡᠷᠡᠭ ᠭᠠᠢ ᠪᠠᠷᠴᠢᠳ ᠦᠭᠡᠢ ᠪᠣᠯᠣᠨ᠎ᠠ ᠭᠡᠵᠦ ᠶᠠᠷᠢᠳᠠᠬ᠃ ᠶᠠᠮᠠᠷ ᠨᠢᠭᠡᠨ ᠨᠠᠶᠢᠷ ᠨᠠᠭᠠᠳᠣᠮ᠂ ᠲᠠᠬᠢᠯᠭ᠎ᠠ᠂ ᠪᠠᠶᠠᠷ ᠲᠣᠷᠠᠰᠬᠠᠯ ᠤᠨ ᠡᠳᠦᠷ᠂ ᠬᠤᠷᠢᠮ ᠬᠤᠷᠠᠯ ᠲᠡᠭᠡᠷ᠎ᠡ ᠭᠠᠵᠠᠷ ᠣᠰᠣᠨ ᠤ ᠨᠠᠪᠳᠠᠬ ᠰᠠᠪᠳᠠᠬ ᠢᠶᠠᠨ ᠵᠠᠯᠠᠵᠦ ᠡᠷᠭᠦᠴᠡ ᠲᠠᠬᠢᠯᠭ᠎ᠠ ᠡᠷᠭᠦᠬᠦ ᠪᠠᠨ ᠮᠠᠷᠳᠠᠪᠠᠯ ᠬᠡᠷᠡᠭᠦᠯ ᠱᠣᠣᠭᠢᠶᠠᠨ ᠪᠣᠯᠵᠦ ᠭᠠᠢ ᠪᠠᠷᠴᠢᠳ ᠡᠭᠦᠰᠦᠨ᠎ᠡ ᠭᠡᠳᠡᠭ᠃ ᠪᠠᠰᠠ ᠨᠠᠪᠳᠠᠬ ᠰᠠᠪᠳᠠᠬ ᠤᠨ ᠣᠷᠣᠰᠢᠵᠦ ᠰᠠᠭᠤᠳᠠᠬ ᠨᠣᠳᠤᠬ ᠣᠰᠣᠨ ᠤ ᠪᠠᠨ ᠮᠣᠳᠣ ᠰᠢᠭᠤᠢ ᠶᠢ ᠲᠣᠷ᠎ᠠ ᠪᠠᠷ ᠣᠬᠳᠣᠯᠵᠦ ᠰᠦᠢᠳᠭᠡᠳᠡᠭ ᠦᠭᠡᠢ᠃ ᠪᠣᠷᠭᠠᠰᠣ᠂ ᠰᠢᠪᠠᠬ᠂ ᠬᠠᠷᠭᠠᠨ᠎ᠠ᠂ ᠪᠣᠳᠠ᠂ ᠪᠣᠷᠣᠯᠵᠢ᠂ ᠴᠡᠴᠡᠭ ᠬᠤᠸᠠᠷ᠂ ᠵᠡᠷᠭᠡ ᠶᠢ ᠲᠣᠷ᠎ᠠ ᠪᠠᠷ ᠬᠠᠳᠣᠵᠦ᠂ ᠠᠳᠠᠷ ᠭᠠᠵᠠᠷ ᠢ ᠲᠣᠷ᠎ᠠ ᠪᠠᠷ ᠡᠪᠳᠡᠵᠦ ᠲᠠᠷᠢᠶᠠᠨ ᠭᠠᠵᠠᠷ ᠪᠣᠯᠭᠠᠬᠤ ᠨᠢ ᠨᠣᠳᠤᠬ ᠣᠰᠣᠨ ᠤ ᠨᠠᠪᠳᠠᠬ ᠰᠠᠪᠳᠠᠬ ᠢ ᠭᠡᠮᠳᠦᠭᠡᠵᠦ ᠪᠠᠶᠢᠨ᠎ᠠ ᠬᠡᠮᠡᠨ ᠦᠵᠡᠳᠡᠭ᠃ ᠨᠡᠩ ᠢᠯᠠᠩᠭᠤᠶ᠎ᠠ ᠲᠣᠪᠤ ᠲᠣᠪᠣᠴᠠᠬ᠂ ᠠᠮᠠᠷᠬᠠᠨ ᠰᠠᠯᠬᠢᠨ ᠳᠤ ᠬᠡᠶᠢᠰᠬᠦ ᠮᠠᠩᠬ᠎ᠠ ᠵᠣ ᠲᠡᠭᠡᠷ᠎ᠡ ᠣᠷᠭᠤᠵᠦ ᠪᠠᠶᠢᠭ᠎ᠠ ᠡᠪᠡᠰᠦ ᠮᠣᠳᠣ᠂ ᠣᠳᠠᠭᠠᠨ ᠵᠢᠯ ᠪᠣᠯᠣᠬᠰᠠᠨ ᠱᠠᠩᠰᠢ ᠵᠡᠷᠭᠡ ᠶᠢ ᠲᠣᠷ᠎ᠠ ᠪᠠᠷ ᠣᠬᠳᠣᠯᠵᠦ ᠬᠠᠳᠣᠪᠠᠯ ᠨᠣᠳᠤᠬ ᠣᠰᠣᠨ ᠤ ᠨᠠᠪᠳᠠᠬ ᠰᠠᠪᠳᠠᠬ ᠬᠢᠯᠢᠩᠨᠡᠬᠦ ᠪᠣᠶᠣ ᠪᠣᠰᠣᠳ ᠭᠠᠵᠠᠷ ᠲᠤ ᠵᠠᠶᠢᠯᠠᠨ᠎ᠠ ᠭᠡᠵᠦ ᠦᠵᠡᠳᠡᠭ ᠠᠴᠠ ᠨᠣᠳᠤᠭ ᠣᠰᠣᠨ ᠤ ᠪᠠᠨ ᠰᠢᠷᠬᠡᠭ ᠡᠪᠡᠰᠦ ᠮᠦᠬᠦᠯᠢᠭ ᠰᠢᠷᠣᠢ ᠳᠠᠭᠠᠨ ᠬᠦᠷᠳᠡᠯ᠎ᠡ ᠠᠮᠢ ᠪᠠᠨ ᠰᠢᠬ ᠬᠠᠶᠢᠷᠠᠯᠠᠵᠦ ᠬᠠᠮᠠᠭᠠᠯᠠᠬᠰᠠᠭᠠᠷ ᠢᠷᠡᠪᠡ᠃                                 ᠢᠷᠡᠯᠲᠡ᠄ ᠲᠦᠩᠯᠢᠶᠤᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
  
ᠢᠷᠡᠯᠲᠡ᠄ ᠲᠦᠩᠯᠢᠶᠤᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠤᠷᠤᠨ ᠤ ᠲᠡᠰ ᠤᠨ ᠬᠤᠯᠪᠤᠭ᠎ᠠ ᠶᠢᠨ ᠤᠯᠠᠮᠵᠢᠯᠠᠭᠴᠢ ᠬᠠᠶᠢᠴᠢᠩ ᠰᠢᠪᠠᠭᠤ ᠶᠢᠨ ᠲᠤᠪᠴᠢ ᠨᠠᠮᠳᠠᠷ
ᠤᠯᠠᠮᠵᠢᠯᠠᠯᠳᠤ ᠲᠠᠭᠤᠤᠷᠢᠯᠢᠭ — — ᠬᠤᠯᠪᠤᠭ᠎ᠠ
ᠤᠯᠠᠮᠵᠢᠯᠠᠯᠳᠤ ᠤᠷ᠎ᠠ ᠮᠡᠷᠭᠡᠵᠢᠯ — ᠮᠤᠷᠢᠨ ᠡᠮᠡᠬᠡᠯ ᠬᠢᠬᠦ ᠮᠡᠷᠬᠡᠵᠢᠯ
ᠮᠤᠩᠭᠤᠯ ᠦᠡᠳᠦᠰᠦᠳᠡᠨ ᠤ ᠤᠯᠠᠮᠵᠢᠯᠠᠯᠳᠤ ᠶᠠᠰᠤ ᠵᠠᠰᠠᠬᠤ ᠮᠡᠷᠭᠡᠵᠢᠯ
ᠵᠢᠯ ᠤᠷᠤᠭᠤᠯᠬᠤ ᠵᠠᠩᠰᠢᠯ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号