| | | ᠮᠣᠩᠭᠤᠯ ᠤᠨ ᠠᠷᠬᠢᠲ᠋ᠧᠺᠲ᠋ᠣᠷ ︵ᠪᠠᠷᠢᠯᠭᠠ ᠶᠢᠨ ᠵᠢᠷᠤᠭ ᠵᠦᠢᠴᠢ︶ ᠶᠢᠨ ᠮᠣᠩᠭᠤᠯᠴᠤᠳ ᠤᠨ ᠦᠨᠳᠦᠰᠦᠨ ᠤ | ᠭᠡᠷ ᠠᠰᠤᠷᠤ ᠶᠡᠭᠡ ᠡᠭᠦᠷᠭᠡ ᠭᠦᠢᠴᠡᠳᠬᠡᠵᠡᠢ᠃ ᠡᠨᠡ ᠨᠢ ᠮᠣᠩᠭᠤᠯ ᠭᠡᠷ ᠤᠨ ᠥᠪᠡᠷ ᠤᠨ ᠨᠥᠯᠥᠭᠡ ᠶᠢ | ᠮᠣᠩᠭᠤᠯ ᠤᠨ ᠠᠷᠬᠢᠲ᠋ᠧᠺᠲ᠋ᠣᠷ ᠲᠤ ᠠᠯᠢ ᠬᠢᠷᠢ ᠲᠤᠰᠬᠠᠭᠳᠠᠭᠰᠠᠨ ᠢᠶᠠᠷ ᠬᠡᠮᠵᠢᠭᠳᠡᠨᠡ᠃ | ᠮᠣᠩᠭᠤᠯ ᠤᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠲᠤ ᠨᠤᠲᠤᠭᠯᠠᠵᠤ ᠪᠠᠶᠢᠭᠰᠠᠨ ᠡᠷᠲᠡᠨ ᠤ ᠣᠪᠣᠭ ᠠᠶᠢᠮᠠᠭ ᠤᠳ ᠤᠨ ᠣᠷᠣᠨ | ᠰᠠᠭᠤᠴᠠ ᠪᠣᠯᠬᠤ ᠢᠰᠡᠭᠡᠢ ᠭᠡᠷ ᠤᠨ ᠲᠡᠦᠬᠡ ᠪᠣᠯ ᠮᠠᠨ ᠤ ᠣᠨ ᠲᠣᠭᠠᠯᠠᠯ ᠠᠴᠠ 500 ᠵᠢᠯ ᠤᠨ ᠲᠡᠷᠲᠡᠭᠡ ᠪᠤᠶᠤ | ᠢᠰᠡᠭᠡᠢ ᠬᠢᠵᠦ ᠭᠡᠷ ᠢᠶᠠᠨ ᠪᠦᠷᠢᠳᠡᠭ ᠪᠣᠯᠤᠭᠰᠠᠨ ᠴᠠᠭ ᠠᠴᠠ ᠡᠬᠢᠯᠡᠬᠦ ᠶᠤᠮ᠃ ᠡᠶᠢᠮᠦ ᠳᠤ ᠮᠣᠩᠭᠤᠯ ᠭᠡᠷ ᠤᠨ | ᠬᠥᠭᠵᠢᠯ ᠨᠢ 2500-3000 ᠵᠢᠯ ᠤᠨ ᠲᠡᠦᠬᠡ ᠲᠠᠢ᠃ | ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠮᠣᠩᠭᠤᠯ ᠭᠡᠷ᠂ ᠣᠷᠴᠢᠨ ᠦᠶᠡ ᠶᠢᠨ ᠮᠣᠩᠭᠤᠯ ᠭᠡᠷ ᠲᠠᠢ ᠨᠡᠯᠢᠶᠡᠳ | ᠲᠥᠰᠲᠡᠢ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠬᠠᠭᠤᠴᠢᠨ ᠨᠡᠶᠢᠭᠡᠮ ᠤᠨ ᠦᠶᠡ ᠳᠤ ᠨᠣᠶᠠᠳ ᠠᠷᠠᠳ ᠣᠯᠠᠨ ᠢ ᠵᠠᠬᠢᠷᠬᠤ᠂ ᠡᠷᠬᠡ | ᠮᠠᠲᠠᠯ ᠢᠶᠠᠨ ᠪᠠᠲᠤᠳᠬᠠᠬᠤ ᠦᠵᠡᠯ ᠰᠠᠨᠠᠭᠠ ᠶᠢ ᠢᠯᠡᠷᠬᠡᠶᠢᠯᠡᠬᠦ ᠶᠢᠨ ᠲᠤᠯᠠᠳᠠ ᠭᠡᠷ ᠤᠨ ᠭᠠᠳᠠᠭᠠᠳᠤ ᠪᠠᠶᠢᠳᠠᠯ ᠢ | ᠬᠦᠷᠲᠡᠯᠡ ᠡᠩ ᠤᠨ ᠠᠷᠠᠳ ᠤᠨ ᠬᠢ ᠠᠴᠠ ᠥᠭᠡᠷᠡ ᠪᠣᠯᠭᠠᠵᠤ᠂ ᠤᠯᠠᠭᠠᠨ ᠢᠶᠠᠷ ᠬᠠᠯᠵᠠᠯᠠᠭᠠᠳ ᠥᠷᠭᠦᠭᠡ ᠭᠡᠵᠦ | ᠨᠡᠷᠡᠯᠡᠬᠦ ᠪᠣᠯᠵᠠᠢ᠃ ᠨᠡᠭᠦᠳᠡᠯ ᠤᠨ ᠠᠮᠢᠳᠤᠷᠠᠯ ᠲᠠᠢ ᠠᠶᠢᠯ ᠤᠳ ᠤᠨ ᠭᠡᠷ ᠨᠢ ᠠᠴᠢᠵᠤ ᠨᠡᠭᠦᠬᠦ ᠳᠤ ᠠᠯᠢ ᠪᠣᠯᠬᠤ ᠪᠠᠷ | ᠬᠥᠩᠭᠡᠨ᠂ ᠪᠠᠷᠢᠬᠤ ᠳᠤ ᠬᠢᠯᠪᠠᠷ ᠪᠠᠶᠢᠳᠠᠯ ᠢ ᠬᠠᠷᠠᠭᠠᠯᠵᠠᠭᠰᠠᠨ ᠪᠠᠶᠢᠳᠠᠭ ᠪᠣᠯ ᠬᠤᠲᠠ ᠰᠠᠭᠤᠷᠢᠨ ᠠᠶᠢᠯ ᠤᠨ ᠭᠡᠷ ᠨᠢ | ᠲᠣᠬᠢᠯᠢᠭ᠋᠂ ᠭᠤᠶᠣᠮᠰᠤᠭ ᠪᠠᠶᠢᠳᠠᠯ ᠢ ᠡᠷᠬᠢᠮᠯᠡᠳᠡᠭ ᠤᠴᠢᠷ ᠠᠴᠠ ᠭᠡᠷ ᠤᠨ ᠬᠢᠴᠡ ᠬᠡᠰᠡᠭ ᠦᠦᠨ ᠮᠠᠰᠢ ᠨᠠᠷᠢᠨ | ᠠᠵᠢᠯᠯᠠᠭᠠ ᠲᠠᠢ ᠪᠣᠯᠵᠠᠢ᠃ ᠬᠤᠲᠠ ᠰᠠᠭᠤᠷᠢᠨ ᠭᠠᠵᠠᠷ ᠤᠨ ᠬᠥᠮᠥᠰ ᠭᠡᠷ ᠢ ᠪᠣᠷᠤᠭᠠ᠂ ᠴᠠᠰᠤᠨ ᠠᠴᠠ ᠬᠠᠮᠠᠭᠠᠯᠠᠵᠤ | ᠰᠠᠷᠠᠪᠴᠢ ᠪᠠᠷᠢᠬᠤ᠂ ᠱᠠᠯᠠᠨ ᠳᠡᠭᠡᠷᠡ ᠪᠠᠷᠢᠬᠤ᠂ ᠮᠥᠨ ᠬᠠᠲᠠᠪᠴᠢᠨ ᠳᠤ ᠭᠡᠭᠡᠪᠴᠢ ᠬᠢᠬᠦ ᠵᠡᠷᠭᠡ ᠪᠠᠷ ᠭᠡᠷ ᠤᠨ | ᠬᠢᠴᠡ ᠶᠢᠨ ᠬᠡᠰᠡᠭ ᠦᠦᠨ ᠢ ᠥᠭᠡᠷᠡᠴᠢᠯᠡᠵᠦ ᠢᠷᠡᠵᠡᠢ᠃ ᠡᠷᠲᠡ ᠳᠡᠭᠡᠷᠡ ᠦᠶᠡ ᠳᠤ ᠢᠰᠡᠭᠡᠢ ᠭᠡᠷ ᠢ ᠮᠣᠩᠭᠤᠯ ᠪᠠ | ᠲᠥᠷᠥᠭ ᠤᠨ ᠭᠡᠵᠦ ᠢᠯᠭᠠᠳᠠᠭ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ | ᠮᠣᠩᠭᠤᠯ ᠭᠡᠷ ᠪᠣᠯ ᠲᠥᠷᠥᠭ ᠦᠨᠳᠦᠰᠦᠲᠡᠨ ᠤ ᠭᠡᠷ ᠠᠴᠠ ᠬᠢᠯᠪᠠᠷ ᠪᠠ ᠬᠢᠴᠡ ᠪᠠᠷ ᠢᠶᠠᠨ ᠢᠯᠭᠠᠭᠳᠠᠨᠠ᠃ | ᠲᠥᠷᠥᠭ ᠭᠡᠷ ᠨᠢ ᠪᠦᠩᠬᠦᠭᠡᠷ ᠪᠥᠭᠡᠳ ᠵᠢᠵᠢᠭᠬᠡᠨ ᠲᠣᠭᠤᠨᠣ ᠲᠠᠢ᠂ ᠣᠨᠢ ᠨᠢ ᠤᠷᠲᠤ᠂ ᠰᠠᠭᠠᠯᠳᠤᠷᠭᠠ ᠲᠠᠢ ᠲᠠᠯᠠ ᠨᠢ | ᠲᠠᠬᠢᠷ᠂ ᠬᠠᠨᠠ ᠨᠢ ᠨᠠᠮᠬᠠᠨ ᠪᠠᠶᠢᠳᠠᠭ ᠪᠣᠯ ᠮᠣᠩᠭᠤᠯ ᠭᠡᠷ ᠨᠢ ᠲᠣᠮᠣ ᠲᠣᠭᠤᠨᠣ ᠲᠠᠢ᠂ ᠪᠣᠭᠤᠨᠢᠬᠠᠨ ᠰᠢᠯᠤᠭᠤᠨ | ᠣᠨᠢ ᠲᠠᠢ᠂ ᠬᠠᠨᠠ ᠨᠢ ᠥᠨᠳᠥᠷᠳᠡᠭᠦᠦ ᠪᠠᠶᠢᠳᠠᠭ᠃ ᠮᠣᠩᠭᠤᠯ ᠭᠡᠷ ᠨᠢ ᠬᠢᠭᠰᠡᠨ ᠮᠠᠲ᠋ᠧᠷᠢᠶᠠᠯ᠂ ᠭᠤᠶᠣᠯ ᠴᠢᠮᠡᠭᠯᠡᠯ | ᠵᠠᠷᠢᠮ ᠬᠢᠴᠡ ᠬᠡᠰᠡᠭ ᠤᠨ ᠬᠤᠪᠢ ᠳᠤ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠪᠠᠶᠢᠭᠰᠠᠨ ᠠᠴᠠ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ | ᠲᠣᠪᠴᠢᠶᠠᠨ ᠪᠠ ᠪᠤᠰᠤᠳ ᠨᠣᠮ ᠵᠣᠬᠢᠶᠠᠯ ᠳᠤ ᠶᠠᠩᠵᠤ ᠪᠦᠷᠢ ᠶᠢᠨ ᠨᠡᠷᠡ ᠪᠠᠷ ᠨᠡᠷᠡᠯᠡᠭᠳᠡᠨ ᠢᠷᠡᠵᠡᠢ᠃ ᠵᠢᠰᠢᠷᠡ ᠨᠢ᠂ | ᠬᠠᠷᠠᠴᠤ ᠶᠢᠨ ᠭᠡᠷ᠂ ᠴᠣᠷᠬᠠᠨ᠂ ᠲᠠᠷᠮᠠ᠂ ᠰᠣᠶᠣᠳᠠ ᠭᠡᠷ ᠭᠡᠬᠦ ᠮᠡᠲᠦ᠃ ᠭᠡᠷ ᠢ ᠲᠠᠷᠬᠠᠯᠲᠠ ᠶᠢᠨ ᠪᠠᠶᠢᠳᠠᠯ ᠢᠶᠠᠷ ᠨᠢ | ᠦᠵᠡᠪᠡᠯ ᠠᠷᠤ᠂ ᠥᠪᠥᠷ ᠮᠣᠩᠭᠤᠯ᠂ ᠪᠤᠷᠢᠶᠠᠳ᠂ ᠬᠠᠯᠢᠮᠠᠭ᠂ ᠠᠯᠲᠠᠶᠢᠴᠤᠳ᠂ ᠬᠠᠰᠠᠭ᠂ ᠺᠢᠷᠭᠢᠽᠤᠳ ᠤᠨ | ᠳᠤᠮᠳᠠ ᠳᠡᠯᠭᠡᠷᠡᠵᠡᠢ᠃ ᠭᠡᠷ ᠤᠨ ᠬᠤᠶᠢᠮᠤᠷ ᠢᠶᠠᠷ ᠬᠡ ᠤᠭᠠᠯᠵᠠ ᠪᠦᠬᠦᠢ ᠰᠢᠷᠢᠮᠡᠯ ᠰᠢᠷᠲᠡᠭ᠂ ᠢᠰᠡᠭᠡᠢ ᠳᠡᠪᠢᠰᠬᠡᠷ᠂ | ᠬᠡᠪᠢᠰ ᠳᠡᠪᠢᠰᠦᠨᠡ᠃ ᠪᠠᠰᠠ ᠬᠦᠨᠳᠦᠲᠦ ᠵᠣᠴᠢᠨ ᠳᠤ ᠣᠯᠪᠣᠭ ᠳᠡᠪᠢᠰᠳᠡᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠪᠠ᠃ | ᠪᠤᠳᠳᡁᠠ ᠶᠢᠨ ᠱᠠᠰᠢᠨ ᠳᠡᠯᠭᠡᠷᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠭᠡᠷ ᠤᠨ ᠬᠤᠶᠢᠮᠤᠷ ᠲᠤ ᠡᠷᠦᠬᠡ ᠶᠢᠨ ᠲᠡᠷᠢᠭᠦᠯᠡᠭᠴᠢ | ᠰᠠᠭᠤᠳᠠᠭ ᠭᠠᠵᠠᠷ ᠲᠤ ᠭᠦᠩᠭᠠᠷᠠᠸᠠ ᠲᠠᠢ ᠪᠤᠷᠬᠠᠨ ᠪᠠ ᠲᠠᠬᠢᠯ ᠤᠨ ᠬᠡᠷᠡᠭᠯᠡᠯ ᠲᠠᠯᠪᠢᠬᠤ ᠪᠣᠯᠵᠠᠢ᠃ ᠭᠡᠷ ᠪᠦᠯᠢ ᠶᠢᠨ | ᠬᠥᠮᠥᠰ ᠨᠢ ᠭᠡᠷ ᠤᠨ ᠵᠡᠭᠦᠨ ᠲᠠᠯᠠ ᠪᠠᠷ ᠰᠠᠭᠤᠵᠠᠭᠠᠵᠤ᠂ ᠪᠠᠷᠠᠭᠤᠨ ᠲᠠᠯᠠ ᠳᠤ ᠨᠢ ᠵᠣᠴᠢᠳ ᠰᠠᠭᠤᠳᠠᠭ ᠪᠠ | ᠬᠠᠮᠤᠭ ᠤᠨ ᠬᠦᠨᠳᠦ ᠲᠠᠢ ᠵᠣᠴᠢᠨ ᠨᠢ ᠪᠠᠷᠠᠭᠤᠨ ᠬᠤᠶᠢᠲᠤ ᠲᠠᠯᠠ ᠳᠤ ᠪᠤᠷᠬᠠᠨ ᠤ ᠣᠶᠢᠷᠠᠯᠴᠠᠭᠠ ᠰᠠᠭᠤᠳᠠᠭ ᠪᠣᠯᠵᠠᠢ | ᠃ ᠡᠷᠲᠡᠨ ᠤ ᠮᠣᠩᠭᠤᠯ ᠤᠨ ᠵᠠᠩᠰᠢᠯ ᠢᠶᠠᠷ ᠶᠠᠮᠠᠷ ᠨᠢᠭᠡᠨ ᠬᠥᠮᠥᠨ ᠤᠷᠢᠯᠭᠠ ᠦᠭᠡᠢ ᠪᠠᠷ ᠬᠤᠶᠢᠮᠤᠷ ᠲᠤ ᠰᠠᠭᠤᠬᠤ ᠶᠢ | ᠡᠶᠡᠯᠳᠡᠭ ᠪᠤᠰᠤ ᠵᠠᠩ ᠭᠡᠵᠦ ᠦᠵᠡᠳᠡᠭ ᠪᠠᠶᠢᠨᠠ᠃ | ᠮᠣᠩᠭᠤᠯ ᠭᠡᠷ ᠳᠤᠭᠤᠢ ᠬᠡᠯᠪᠡᠷᠢ ᠲᠠᠢ ᠪᠠᠶᠢᠳᠠᠭ ᠨᠢ ᠰᠠᠭᠤᠴᠠᠨ ᠤ ᠲᠠᠯᠠᠪᠠᠢ ᠶᠢ ᠪᠦᠷᠢᠨ ᠡᠵᠡᠮᠰᠢᠬᠦ ᠳᠤ | ᠠᠰᠢᠭᠲᠠᠢ᠂ ᠨᠠᠮᠬᠠᠨ ᠪᠠᠶᠢᠳᠠᠭ ᠨᠢ ᠰᠠᠯᠬᠢᠨ ᠳᠤ ᠲᠣᠭᠲᠠᠪᠤᠷᠢᠲᠠᠢ᠂ ᠢᠰᠡᠭᠡᠢ ᠪᠠᠷ ᠪᠦᠷᠢᠳᠡᠭ ᠨᠢ ᠳᠤᠯᠠᠭᠠᠨ᠂ | ᠲᠣᠭᠤᠨᠣᠨ ᠤ ᠨᠦᠬᠡ ᠨᠢ ᠰᠠᠯᠬᠢ ᠣᠷᠣᠭᠤᠯᠬᠤ᠂ ᠭᠡᠷᠡᠯᠲᠦᠭᠦᠯᠬᠦ ᠲᠠᠯᠠ ᠲᠠᠢ᠃ ᠮᠣᠩᠭᠤᠯ ᠳᠤ ᠵᠢᠯ ᠤᠨ 300 | ᠣᠷᠴᠢᠮ ᠡᠳᠦᠷ ᠨᠢ ᠨᠠᠷᠠ ᠲᠠᠢ ᠪᠠᠶᠢᠳᠠᠭ ᠠᠴᠠ ᠨᠠᠮᠤᠷ᠂ ᠡᠪᠦᠯ᠂ ᠬᠠᠪᠤᠷ ᠤᠨ ᠬᠦᠢᠲᠡᠨ ᠤᠯᠠᠷᠢᠯ ᠳᠤ ᠲᠣᠭᠤᠨᠣ ᠪᠠᠷ | ᠣᠷᠣᠵᠤ ᠪᠠᠶᠢᠭᠠ ᠨᠠᠷᠠᠨ ᠢᠯᠴᠢ ᠨᠢ ᠭᠡᠷ ᠳᠤᠯᠠᠭᠠᠴᠠᠭᠤᠯᠤᠨᠠ᠃ ᠮᠣᠩᠭᠤᠯᠴᠤᠳ ᠡᠷᠲᠡ ᠦᠶᠡ ᠠᠴᠠ ᠲᠣᠭᠤᠨᠣ ᠪᠠᠷ | ᠳᠤᠰᠤᠭᠰᠠᠨ ᠨᠠᠷᠠᠨ ᠤ ᠪᠠᠶᠢᠳᠠᠯ ᠢᠶᠠᠷ ᠡᠳᠦᠷ ᠤᠨ ᠴᠠᠭ ᠢ ᠲᠣᠳᠣᠷᠬᠠᠶᠢᠯᠠᠳᠠᠭ ᠪᠠᠶᠢᠵᠠᠢ᠃ ᠵᠢᠱᠢᠶᠡ ᠨᠢ᠂ ᠥᠷᠯᠥᠭᠡᠨ | ᠨᠠᠷᠠ ᠬᠠᠨᠠᠨ ᠤ ᠲᠣᠯᠣᠭᠠᠢ ᠳᠤ ᠲᠤᠰᠬᠤ ᠲᠤᠯᠠ ᠦᠳᠡ ᠠᠴᠠ ᠡᠮᠦᠨᠡ ᠴᠠᠭ ᠮᠥᠴᠡ ᠶᠢ ᠬᠠᠨᠠᠨ ᠤ ᠲᠣᠯᠣᠭᠠᠢ ᠪᠠᠷ | ᠲᠣᠭᠠᠯᠠᠵᠤ ᠭᠠᠷᠭᠠᠳᠠᠭ ᠪᠥᠭᠡᠳ ᠦᠳᠡ ᠠᠴᠠ ᠬᠤᠶᠢᠰᠢ ᠭᠡᠷ ᠤᠨ ᠵᠡᠭᠦᠨ ᠬᠤᠶᠢᠮᠤᠷ ᠳᠡᠪᠢᠰᠦᠭᠰᠡᠨ ᠰᠢᠷᠢᠮᠡᠯ ᠰᠢᠷᠲᠡᠭ | ᠳᠡᠭᠡᠷᠡ ᠳᠤᠰᠤᠭᠰᠠᠨ ᠪᠠᠶᠢᠷᠢᠯᠠᠯ ᠢᠶᠠᠷ ᠦᠳᠡᠰᠢ ᠬᠦᠷᠲᠡᠯᠡᠬᠢ ᠴᠠᠭ ᠢ ᠪᠠᠷᠢᠮᠵᠢᠶᠠ ᠪᠠᠷ ᠭᠠᠷᠭᠠᠳᠠᠭ᠃ ᠮᠥᠨ | ᠡᠭᠦᠨ ᠲᠠᠢ ᠬᠤᠯᠪᠣᠭᠳᠠᠭᠤᠯᠤᠨ ᠳᠤᠷᠠᠳᠬᠤ ᠳᠤ ᠰᠠᠶᠢᠨ ᠨᠣᠶᠠᠨ ᠬᠠᠨ ᠠᠶᠢᠮᠠᠭ ᠤᠨ ᠳᠠᠯᠠᠢ ᠴᠦᠢᠩᠬᠤᠷ ᠸᠠᠩ ᠤᠨ | ᠵᠠᠷᠢᠮ ᠤᠷᠠᠴᠤᠳ ᠬᠤᠶᠢᠮᠤᠷ ᠤᠨ ᠲᠠᠯᠠ ᠳᠤᠭᠤᠢ ᠰᠢᠷᠢᠮᠡᠯ ᠰᠢᠷᠲᠡᠭ ᠢ ᠨᠠᠷᠠᠨ ᠤ ᠴᠠᠭ ᠤᠨ ᠬᠤᠪᠢᠶᠠᠷᠢ ᠪᠠᠷ ᠰᠢᠷᠢᠵᠦ | ᠪᠠᠶᠢᠭᠰᠠᠨ ᠭᠡᠳᠡᠭ᠃ | ᠮᠣᠩᠭᠤᠯ ᠳᠤ ᠭᠡᠷ ᠤᠨ ᠪᠠᠭᠲᠠᠭᠠᠮᠵᠢ ᠶᠢ ᠬᠠᠨᠠ ᠶᠢᠨ ᠲᠤᠭᠠ ᠪᠠᠷ ᠲᠣᠭᠲᠠᠭᠠᠳᠠᠭ᠃ ᠳᠡᠭᠡᠷᠡ ᠦᠶᠡ ᠳᠤ ᠭᠡᠷ | ᠤᠨ ᠬᠠᠨᠠ ᠶᠢ ᠰᠣᠨᠳᠣᠭᠤᠢ ᠲᠤᠭᠠ ᠪᠠᠷ ᠲᠣᠭᠲᠠᠭᠠᠳᠠᠭ ᠪᠠᠶᠢᠭᠰᠠᠨ ᠪᠣᠯ ᠰᠡᠭᠦᠯ ᠤᠨ ᠦᠶᠡ ᠳᠤ ᠲᠡᠭᠰᠢ | ᠲᠤᠭᠠ ᠲᠠᠢ ᠬᠢᠳᠡᠭ ᠪᠣᠯᠵᠠᠢ᠃ ᠵᠢᠱᠢᠶᠡ ᠨᠢ᠂ ᠤᠲᠦ ᠶᠢᠨ ᠮᠣᠩᠭᠤᠯ ᠭᠡᠷ ᠤᠨ ᠪᠠᠭᠲᠠᠭᠠᠮᠵᠢ ᠨᠢ 4᠂ 6᠂ 8᠂ | 12 ᠬᠠᠨᠠ ᠲᠠᠢ ᠪᠠᠶᠢᠳᠠᠭ᠃ ᠬᠠᠮᠤᠭ ᠤᠨ ᠲᠣᠮᠣ ᠭᠡᠷ ᠲᠤ ᠬᠠᠨᠠ ᠲᠤᠲᠤᠮ ᠨᠢᠭᠡ ᠬᠥᠮᠥᠨ ᠣᠷᠣ | ᠬᠤᠭᠰᠢᠯ ᠲᠠᠢ ᠪᠠᠨ ᠪᠠᠭᠲᠠᠳᠠᠭ ᠭᠡᠵᠦ ᠦᠵᠡᠳᠡᠭ ᠪᠥᠭᠡᠳ ᠡᠭᠦᠪᠡᠷ ᠪᠣᠳᠣᠬᠤ ᠳᠤ ᠬᠠᠮᠤᠭ ᠲᠣᠮᠣ ᠭᠡᠷ ᠲᠤ 12 | ᠬᠥᠮᠥᠨ ᠣᠷᠣ ᠳᠡᠪᠢᠰᠬᠡᠷ᠂ ᠡᠳ᠋ ᠬᠤᠭᠰᠢᠯ ᠲᠠᠢ ᠪᠠᠨ ᠪᠠᠭᠲᠠᠬᠤ ᠶᠤᠮ᠃ | ᠮᠣᠩᠭᠤᠯ ᠭᠡᠷ ᠨᠢ ᠥᠪᠡᠷ ᠤᠨ ᠬᠥᠭᠵᠢᠯ ᠤᠨ ᠡᠴᠦᠰ ᠲᠤ ᠭᠤᠣᠯᠯᠠᠬᠤ ᠬᠢᠴᠡ ᠬᠡᠰᠡᠭ ᠦᠦᠨ ᠢᠶᠠᠷ ᠠᠮᠠᠷᠬᠠᠨ | ᠨᠡᠶᠢᠯᠡᠵᠦ ᠰᠠᠯᠭᠠᠬᠤ ᠪᠣᠯᠣᠮᠵᠢ ᠲᠠᠢ ᠪᠥᠭᠡᠳ ᠵᠥᠭᠡᠭᠡᠬᠦ᠂ ᠪᠠᠷᠢᠬᠤ᠂ ᠪᠠᠭᠤᠯᠭᠠᠬᠤ ᠳᠤ ᠬᠠᠮᠤᠭ ᠤᠨ ᠬᠢᠯᠪᠠᠷ ᠪᠣᠯᠵᠠᠢ᠃ | ᠵᠢᠯ ᠤᠨ ᠳᠥᠷᠪᠡᠨ ᠤᠯᠠᠷᠢᠯ ᠳᠤ ᠪᠣᠷᠤᠭᠠ᠂ ᠴᠠᠰᠤ᠂ ᠰᠠᠯᠬᠢ ᠰᠢᠭᠤᠷᠭᠠᠨ ᠠᠴᠠ ᠬᠠᠮᠠᠭᠠᠯᠠᠬᠤ᠂ ᠭᠡᠷ ᠤᠨ | ᠭᠡᠷᠡᠯᠲᠦᠭᠦᠯᠭᠡ ᠶᠢ ᠲᠣᠬᠢᠷᠠᠭᠤᠯᠬᠤ ᠵᠣᠷᠢᠯᠭᠠ ᠪᠠᠷ ᠲᠣᠭᠤᠨᠣ ᠶᠢ ᠪᠦᠲᠡᠭᠡᠬᠦ ᠡᠷᠦᠬᠡ ᠲᠠᠢ ᠪᠣᠯᠭᠠᠵᠠᠢ᠃ ᠳᠡᠭᠡᠷᠡ | ᠦᠶᠡ ᠶᠢᠨ ᠵᠠᠷᠢᠮ ᠮᠣᠩᠭᠤᠯᠴᠤᠳ ᠥᠪᠡᠷ ᠤᠨ ᠭᠡᠷ ᠤᠨ ᠢᠰᠡᠭᠡᠢ ᠪᠦᠷᠢᠶᠡᠰᠦ ᠶᠢ ᠬᠡ ᠤᠭᠠᠯᠵᠠ ᠪᠠᠷ ᠴᠢᠮᠡᠭᠯᠡᠳᠡᠭ | ᠪᠠᠶᠢᠭᠰᠠᠨ ᠪᠣᠯ ᠡᠳᠦᠭᠡ ᠭᠡᠷ ᠢ ᠭᠤᠣᠯᠳᠠᠭᠤ ᠴᠠᠭᠠᠨ ᠳᠠᠪᠤᠤ ᠪᠠᠷ ᠪᠦᠷᠢᠵᠦ᠂ ᠮᠥᠨ ᠬᠡ ᠤᠭᠠᠯᠵᠠ ᠪᠠᠷ ᠵᠡᠭᠡᠭᠯᠡᠳᠡᠭ | ᠪᠣᠯᠵᠠᠢ᠃ ᠮᠣᠩᠭᠤᠯ ᠭᠡᠷ ᠢ ᠪᠠᠷᠢᠬᠤ᠂ ᠪᠠᠭᠤᠯᠭᠠᠬᠤ ᠨᠢ ᠨᠠᠷᠢᠨ ᠳᠡᠰ ᠳᠠᠷᠠᠭᠠᠯᠠᠯ ᠲᠠᠢ ᠪᠠᠶᠢᠳᠠᠭ᠃ ᠡᠶᠢᠮᠦ ᠳᠤ ᠭᠡᠷ ᠢ | ᠪᠠᠷᠢᠬᠤ ᠳᠤ᠄ 1 ᠱᠠᠯᠠ ᠲᠠᠯᠪᠢᠬᠤ᠂ 2 ᠬᠠᠭᠠᠯᠭᠠ ᠪᠣᠰᠬᠠᠬᠤ᠂ 3 ᠬᠠᠨᠠ ᠳᠤᠭᠤᠶᠢᠯᠠᠬᠤ᠂ 4 ᠪᠦᠰᠡᠯᠡᠭᠦᠷ | ᠲᠠᠲᠠᠬᠤ᠂ 5 ᠲᠣᠭᠤᠨᠣ ᠪᠠ ᠪᠠᠭᠠᠨᠠ ᠪᠣᠰᠬᠠᠬᠤ᠂ 6 ᠣᠨᠢ ᠬᠠᠳᠬᠤᠬᠤ᠂ 7 ᠳᠣᠲᠣᠭᠤᠷ ᠪᠦᠷᠢᠶᠡᠰᠦ ᠲᠠᠯᠪᠢᠬᠤ᠂ | 8 ᠲᠤᠭᠤᠷᠭᠠ ᠨᠥᠮᠥᠷᠭᠡᠬᠦ᠂ 9 ᠴᠠᠪᠤᠭ ᠲᠠᠯᠪᠢᠬᠤ᠂ 10 ᠳᠡᠭᠡᠪᠦᠷ ᠲᠠᠯᠪᠢᠬᠤ᠂ 11 ᠭᠠᠳᠠᠭᠤᠷ ᠪᠦᠷᠢᠶᠡᠰᠦ | ᠨᠥᠮᠥᠷᠭᠡᠬᠦ 12 ᠡᠷᠦᠬᠡ ᠲᠠᠯᠪᠢᠬᠤ᠂ 13 ᠬᠠᠶᠠᠭᠠᠪᠴᠢ ᠲᠠᠲᠠᠬᠤ᠂ 14 ᠣᠭᠤᠰᠣᠷ ᠤᠳ ᠢ ᠪᠠᠬᠢᠯᠡᠬᠦ ᠵᠡᠷᠭᠡ | ᠳᠠᠷᠠᠭᠠᠯᠠᠯ ᠲᠠᠢ ᠪᠠᠶᠢᠳᠠᠭ ᠪᠠᠶᠢᠨᠠ᠃ | ᠢᠷᠡᠯᠲᠡ᠄ ︽ᠮᠣᠩᠭᠤᠯ ᠠᠮᠢᠳᠤᠷᠠᠯ︾ ᠸᠢᠴᠠᠲ ᠲᠠᠪᠴᠠᠩ |