| ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠦᠯᠢᠭᠡᠷᠳᠦ ᠠᠷᠠᠳ ᠤᠨ ᠲᠠᠭᠤᠤ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠳᠤ ᠪᠤᠢ ᠪᠤᠯᠵᠤ᠂ | ᠬᠤᠷᠴᠢᠨ ᠦᠯᠢᠭᠡᠷᠳᠦ ᠠᠷᠠᠳ ᠤᠨ ᠲᠠᠭᠤᠤ ᠴᠢᠩ ᠤᠯᠤᠰ ᠤᠨ ᠲᠤᠮᠳᠠᠴᠢ ᠰᠡᠬᠦᠯᠴᠢ ᠶᠢᠨ ᠦᠶᠡ ᠳᠤ ᠡᠬᠦᠰᠴᠦ᠂ | ᠴᠢᠩ ᠤᠯᠤᠰ ᠤᠨ ᠰᠡᠬᠦᠯᠴᠢ᠂ ᠢᠷᠭᠡᠨ ᠤᠯᠤᠰ᠂ ᠬᠠᠭᠤᠷᠮᠠᠭ ᠮᠠᠨᠵᠤ ᠶᠢᠨ ᠦᠶᠡ ᠳᠤ ᠦᠷᠭᠡᠨ ᠢᠶᠠᠷ ᠲᠠᠷᠬᠠᠵᠤ | ᠡᠬᠢᠯᠡᠪᠡ᠃ | ᠬᠤᠷᠴᠢᠨ ᠦᠯᠢᠭᠡᠷᠳᠦ ᠠᠷᠠᠳ ᠤᠨ ᠲᠠᠭᠤᠤ ᠤᠷᠤᠨ ᠨᠤᠳᠤᠭ ᠤᠨ ᠤᠨᠴᠠᠯᠢᠭ ᠢᠶᠠᠷ ᠲᠤᠪᠤᠶᠢᠮᠠ ᠪᠠᠶᠢᠳᠠᠭ᠃ | ᠤᠷᠴᠢᠨ ᠦᠶᠡ ᠶᠢᠨ ᠬᠤᠷᠴᠢᠨ ᠤ ᠲᠠᠯᠠ ᠨᠤᠳᠤᠭ ᠢᠶᠠᠷ ᠬᠦᠦᠷᠨᠢᠯ ᠤᠨ ᠠᠷᠤ ᠦᠵᠡᠭᠳᠡᠯ ᠪᠤᠯᠭᠠᠭᠰᠠᠨ ᠠᠭᠤᠯᠭᠠ | ᠪᠠᠷ ᠪᠠᠶᠠᠯᠢᠭ᠂ ᠵᠤᠬᠢᠶᠠᠯ ᠤᠨ ᠪᠠᠭᠠᠳᠤᠷ ᠤᠯᠠᠨ᠂ ᠵᠦᠴᠦᠭᠡᠯᠢᠭ ᠰᠢᠨᠵᠢ ᠪᠠᠷ ᠴᠢᠩᠭᠠ ᠤᠨᠴᠠᠯᠢᠭ ᠲᠠᠢ᠃ ᠦᠨᠡᠨ | ᠬᠦᠮᠦᠨ ᠦᠨᠡᠨ ᠭᠡᠷᠡᠭ ᠢᠶᠠᠷ ᠰᠡᠳᠦᠪᠯᠡᠵᠦ᠂ ᠪᠠᠭᠠᠳᠤᠷᠴᠤᠳ᠂ ᠢᠨᠠᠭ ᠲᠤᠷᠠᠯᠠᠯ ᠢ ᠮᠠᠭᠳᠠᠵᠤ᠂ ᠬᠦᠴᠢᠷ ᠪᠡᠷᠭᠡᠰᠢᠶᠡᠯ | ᠲᠠᠢ ᠠᠮᠢᠳᠤᠷᠠᠯ ᠢ ᠲᠡᠯᠭᠡᠵᠦ᠂ ᠠᠰᠪᠤᠷ ᠴᠠᠶᠢᠯᠭᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠰᠠᠶᠢᠰᠢᠶᠠᠨ᠂ ᠮᠠᠭᠤ ᠮᠠᠭᠤᠬᠠᠢ ᠶᠢ | ᠵᠠᠯᠭᠠᠬᠠᠨ ᠰᠢᠬᠦᠮᠵᠢᠯᠡᠬᠦ ᠪᠠᠷ ᠭᠤᠤᠯ ᠰᠡᠳᠦᠪ ᠪᠤᠯᠭᠠᠨᠠ᠃ ᠢᠯᠡᠳᠭᠡᠬᠦ ᠠᠷᠭᠠ ᠴᠢᠯᠦᠭᠡᠳᠡᠢ᠂ ᠨᠠᠶᠢᠷᠠᠭᠤᠯᠭᠠ ᠤᠷᠠᠨ᠂ | ᠬᠤᠭᠤᠷᠴᠢ ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ ᠢᠶᠠᠷ ᠬᠤᠭᠤᠷᠳᠠᠨ ᠲᠠᠭᠤᠯᠠᠳᠠᠭ᠃ ᠬᠤᠭᠤᠷᠴᠢ ᠨᠢᠭᠡᠨ ᠭᠤᠤᠯ ᠬᠦᠭ | ᠠᠶᠠᠰ ᠲᠤᠭᠳᠠᠭᠠᠵᠤ ᠭᠡᠯᠡᠨᠡ᠂ ᠲᠤᠮᠳᠠ ᠳᠤ ᠨᠢ ᠬᠠᠶᠠ ᠴᠠᠶᠠ ᠦᠪᠡᠷ ᠤᠨ ᠦᠭᠡ ᠪᠠᠷ ᠲᠠᠶᠢᠯᠪᠤᠷᠢ ᠬᠢᠳᠡᠭ᠂ | ᠲᠤᠤᠯᠢ ᠬᠠᠶᠢᠯᠠᠬᠤ᠂ ᠦᠯᠢᠭᠡᠷᠳᠤ ᠠᠷᠠᠳ ᠤᠨ ᠲᠠᠭᠤᠤ᠂ ᠬᠤᠯᠪᠤᠭᠠ᠂ ᠦᠯᠢᠭᠡᠷ ᠵᠡᠷᠭᠡ ᠤᠷᠠᠯᠢᠭ ᠤᠨ ᠭᠡᠯᠪᠡᠷᠢ ᠶᠢ | ᠪᠦᠳᠦᠭᠡᠯᠴᠢ ᠪᠠᠷ ᠠᠰᠢᠭᠯᠠᠭᠰᠠᠨ ᠲᠠᠭᠤᠤ ᠬᠦᠭᠵᠢᠮ ᠤᠨ ᠲᠦᠷᠦᠯ ᠵᠠᠨᠠᠷ ᠪᠤᠯᠬᠤ ᠶᠤᠮ᠃ ᠦᠯᠢᠭᠡᠷᠳᠦ ᠠᠷᠠᠳ ᠤᠨ | ᠲᠠᠭᠤᠤ ᠶᠢᠨ ᠲᠤᠮᠳᠠ ᠲᠦᠯᠦᠭᠡᠯᠡᠬᠦ ᠴᠢᠨᠠᠷ ᠲᠠᠢ ᠠᠴᠠ ︽ᠰᠡᠩᠭᠡᠷᠢᠨᠴᠢᠨ︾᠂ ︽ᠪᠢᠩᠲᠤ ᠸᠠᠩ︾᠂ ︽ᠳ᠋ᠦᠩ | ᠱᠠᠨ ᠭᠡ ᠭᠡ︾᠂ ︽ᠵᠠᠭᠠᠨᠠ ᠪᠠᠯᠵᠢᠨᠢᠮᠠ︾᠂ ︽ᠸᠠᠨ ᠯᠢ︾᠂ ︽ᠯᠦᠩ ᠮᠸᠢ︾ ᠵᠡᠷᠭᠡ ᠶᠢ ᠲᠤᠷᠠᠳᠴᠤ | ᠪᠤᠯᠤᠨᠠ᠃ | ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤ ᠪᠤᠯ ᠬᠤᠷᠴᠢᠨ ᠦᠯᠢᠭᠡᠷᠳᠦ ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ ᠭᠤᠤᠯ | ᠡᠬᠦᠰᠦᠭᠰᠡᠨ ᠤᠷᠤᠨ ᠤ ᠨᠢᠭᠡ ᠪᠦᠭᠡᠳ ᠴᠢᠬᠤᠯᠠ ᠲᠤᠭᠯᠠᠯᠳᠠ ᠶᠢᠨ ᠤᠷᠤᠨ ᠪᠤᠯᠤᠨᠠ᠃ ᠲᠤᠰ ᠬᠤᠰᠢᠭᠤᠨ ᠤ | ᠠᠭᠤᠯᠠ ᠪᠠᠯᠭᠠᠰᠤ ᠨᠢ 1997 ᠳᠤ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠰᠤᠶᠤᠯ ᠤᠨ ᠲᠢᠩᠬᠢᠮ ᠤᠨ ︽ᠬᠤᠷᠴᠢᠨ ᠤ | ᠦᠯᠢᠭᠡᠷᠳᠤ ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ ᠨᠤᠳᠤᠭ︾ ᠢᠶᠠᠷ ᠨᠡᠷᠡᠶᠢᠳᠦᠭᠳᠡᠵᠦ᠂2009 ᠤᠨ ᠳᠤ ᠤᠯᠤᠰ ᠤᠨ ᠰᠤᠶᠤᠯ | ᠤᠨ ᠶᠠᠮᠤᠨ ᠤ ︽ᠲᠤᠮᠳᠠᠳᠤ ᠤᠯᠤᠰ ᠤᠨ ᠠᠷᠠᠳ ᠤᠨ ᠰᠤᠶᠤᠯ ᠤᠷᠠᠯᠢᠭ ᠤᠨ ᠨᠤᠳᠤᠭ︾ ᠢᠶᠠᠷ ᠴᠤᠯᠠᠯᠠᠭᠳᠠᠪᠠ᠃ | 2011 ᠤᠨ ᠳᠤ ᠬᠤᠳᠠ ᠶᠢᠨ ᠲᠡᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠤᠨ ᠬᠠᠮᠠᠭᠠᠯᠠᠯᠳᠠ ᠶᠢᠨ | ᠨᠡᠷᠡᠰ ᠤᠨ ᠪᠦᠷᠢᠳᠭᠡᠯ ᠳᠤ ᠤᠷᠤᠪᠠ᠃ |