ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠣᠶᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠡᠯ᠎ᠡ ᠵᠦᠢᠯ ᠤᠨ ᠪᠤᠷᠭᠠᠰᠤᠨ ᠬᠦᠷᠦᠮᠡᠯ ᠤᠨ ᠮᠡᠷᠭᠡᠵᠢᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2024/4/10
   ᠢᠵᠠᠭᠤᠷ ᠡᠷᠳᠡᠨ ᠠᠴᠠ ᠪᠠᠨ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠭᠰᠡᠬᠡᠷ ᠦᠨᠦ ᠬᠦᠷᠴᠤ ᠢᠷᠡᠭᠰᠡᠨ ᠬᠦᠷᠦᠮᠡᠯ ᠤᠶᠠᠮᠠᠯ ᠪᠤᠯ ᠨᠡᠶᠢᠳᠡ ᠮᠤᠩᠭᠤᠯᠴᠤᠳ ᠤᠨ ᠡᠪᠦᠭᠡ ᠳᠡᠭᠡᠳᠤᠰ ᠤᠨ ᠮᠢᠨᠢ ᠦᠪᠡᠷ ᠤᠨ ᠤᠶᠤᠨ ᠤᠬᠠᠭᠠᠨ ᠪᠠ ᠤᠷ᠎ᠠ ᠮᠡᠷᠭᠡᠵᠢᠯ  ᠢᠶᠠᠷ ᠪᠦᠳᠦᠬᠡᠵᠦ ᠦᠯᠡᠳᠡᠭᠡᠭᠰᠡᠨ ᠤᠯᠠᠮᠵᠢᠯᠠᠯᠳᠤ ᠭᠠᠷ ᠤᠷᠠᠯᠠᠯ ᠤᠨ ᠪᠦᠳᠦᠬᠡᠯ ᠪᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠮᠠᠨ  ᠤ ᠦᠨᠳᠦᠰᠦᠳᠡᠨ ᠤ ᠡᠷᠬᠢᠮ ᠨᠠᠨᠳᠢᠨ ᠦᠪ ᠰᠤᠶᠤᠯ ᠪᠤᠯᠬᠤ ᠨᠢ ᠭᠠᠷᠴᠠᠭ᠎ᠠ ᠦᠭᠡᠢ ᠶᠤᠮ᠃    ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠮᠤᠩᠭᠤᠯᠴᠤᠳ ᠮᠠᠯᠵᠢᠯ ᠦᠢᠯᠡᠳᠪᠤᠷᠢᠯᠡᠯ ᠤᠨ ᠡᠳᠤᠷ ᠳᠤᠳᠤᠮ ᠤᠨ ᠬᠡᠷᠡᠭᠴᠡᠭᠡ ᠪᠠ ᠬᠡᠷᠡᠭᠯᠡᠬᠡᠨ ᠠᠴᠠ ᠪᠠᠨ ᠪᠤᠯᠵᠤ᠂ ᠪᠤᠳᠠ ᠪᠤᠷᠭᠠᠰᠤ ᠪᠠ ᠮᠤᠳᠤᠨ ᠤ ᠰᠠᠯᠠᠭ᠎ᠠ ᠨᠠᠮᠠᠭ᠎ᠠ᠂ ᠦᠨᠳᠦᠰᠦ ᠡᠪᠡᠰᠤ ᠪᠠᠷ ᠳᠤᠩ ᠪᠦᠭᠡ ᠳᠡᠰᠪᠤᠷᠢᠳᠠᠢ᠂ ᠮᠠᠰᠢ ᠭᠤᠶᠤ ᠦᠵᠡᠮᠵᠢ ᠲᠠᠢ ᠤᠯᠠᠨ ᠲᠦᠷᠦᠯ ᠵᠤᠶᠢᠯ ᠤᠨ ᠬᠦᠷᠦᠮᠡᠯ ᠤᠶᠠᠮᠠᠯ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢ ᠤᠷᠠᠯᠠᠨ ᠪᠦᠳᠦᠬᠡᠵᠦ ᠡᠳ᠋ᠯᠡᠨ ᠬᠡᠷᠡᠭᠯᠡᠬᠦ ᠪᠤᠯᠪᠠ᠃    ᠰᠠᠭᠰᠤ ᠰᠠᠪᠠ    ᠬᠦᠬᠡ ᠪᠤᠷᠭᠠᠰᠤ ︵ᠪᠤᠷᠤ ᠪᠤᠷᠭᠠᠰᠤ︶᠂ ᠤᠯᠠᠭᠠᠨ ᠪᠤᠷᠭᠠᠰᠤ᠂ ᠰᠢᠷ᠎ᠠ ᠪᠤᠷᠭᠠᠰᠤ᠂ ᠢᠮᠠᠭᠠᠨ ᠡᠪᠡᠷ᠂ ᠬᠤᠨᠭ᠍ᠭᠤᠷᠴᠤᠭᠳᠤ ᠮᠤᠳᠤ᠂ ᠢᠯᠠᠮ᠎ᠠ᠂ ᠬᠠᠶᠢᠯᠠᠰᠤ᠂ ᠤᠳᠠ ᠮᠤᠳᠤᠨ ᠤ ᠨᠠᠷᠢᠨ ᠰᠠᠯᠠᠭ᠎ᠠ ᠵᠡᠷᠭᠡ ᠪᠠᠷ ᠬᠦᠷᠦᠭᠰᠡᠨ ᠰᠠᠭᠰᠤᠨ ᠳᠤ ᠤᠯᠠᠨ ᠲᠦᠷᠦᠯ ᠵᠤᠶᠢᠯ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ ᠠᠷᠭᠠᠯ ᠤᠨ ᠰᠠᠭᠰᠤ ︵ᠪᠠᠭᠠᠰᠤᠨ ᠰᠠᠭᠰᠤ︶᠂ ᠠᠷᠤᠭ ᠤᠨ ᠰᠠᠭᠰᠤ᠂ ᠲᠦᠡᠭᠰᠡᠨ ᠰᠠᠭᠰᠤ᠂ ᠡᠭᠡᠵᠢᠭ ᠤᠨ ᠰᠠᠭᠰᠤ᠂ ᠦᠨᠳᠡᠭᠡᠨ ᠰᠠᠭᠰᠤ ᠁ ᠵᠡᠷᠭᠡ ᠪᠠᠷ ᠬᠤᠪᠢᠶᠠᠨ ᠨᠡᠷᠡᠯᠡᠵᠦ᠂ ᠠᠳᠠᠯᠢ ᠪᠤᠰᠤ ᠪᠠᠷ ᠤᠷᠠᠯᠠᠨ ᠬᠦᠷᠦᠵᠦ ᠭᠡᠷᠡᠭᠯᠡᠳᠡᠭ᠃    ᠠᠷᠭᠠᠯ ᠤᠨ ᠰᠠᠭᠰᠤ   ᠠᠷᠭᠠᠯ ᠳᠡᠬᠦᠵᠦ᠂ ᠠᠷᠭᠠᠯ ᠵᠦᠭᠡᠭᠡᠪᠤᠷᠢᠯᠡᠳᠡᠭ ᠰᠠᠭᠰᠤ ᠶᠢ ᠠᠷᠭᠠᠯ ᠤᠨ ᠰᠠᠭᠰᠤ ᠭᠡᠳᠡᠭ᠃ ᠮᠦᠨᠴᠤ ᠬᠦᠯᠳᠡᠬᠦᠦ ᠨᠤᠶᠢᠳᠠᠨ ᠮᠠᠯ ᠤᠨ ᠪᠠᠭᠠᠰᠤ ᠶᠢ ᠵᠦᠬᠡᠬᠡᠪᠤᠷᠢᠯᠡᠨ ᠰᠢᠯᠵᠢᠬᠦᠯᠳᠡᠭ ᠰᠠᠭᠰᠤ ᠶᠢ ᠠᠷᠭᠠᠯ ᠤᠨ ᠰᠠᠭᠰᠤ ᠭᠡᠳᠡᠭ ᠶᠤᠮ᠃   ᠮᠠᠨ ᠤ ᠮᠤᠩᠭᠤᠯᠴᠤᠳ ᠦᠬᠡᠷ ᠤᠨ ᠪᠠᠭᠠᠰᠤ ᠪᠠᠨ ᠠᠷᠭᠠᠯ ᠭᠡᠵᠤ ᠬᠦᠨᠳᠦᠳᠬᠡᠨ ᠨᠡᠷᠡᠯᠡᠨ᠂ ᠶᠠᠭ ᠬᠠᠳᠠᠭᠰᠠᠨ ᠢ  ᠨᠢ ᠬᠠᠭᠤᠷᠠᠢ ᠠᠷᠭᠠᠯ᠂ ᠪᠠᠭ᠋ᠠᠨ ᠨᠤᠶᠢᠳᠠᠨ ᠢ ᠨᠢ ᠴᠢᠬᠢᠭᠳᠡᠢ ᠠᠷᠭᠠᠯ ᠭᠡᠵᠤ᠂ ᠰᠢᠨ᠎ᠠ ᠪᠠᠭᠠᠭᠰᠠᠨ ᠨᠤᠶᠢᠳᠠᠨ ᠠᠷᠭᠠᠯ ᠪᠤᠶᠤ ᠬᠦᠯᠳᠡᠭᠰᠡᠨ ᠠᠷᠭᠠᠯ ᠢ ᠦᠬᠡᠷ ᠤᠨ ᠪᠠᠭᠠᠰᠤ ᠪᠤᠶᠤ ᠦᠬᠡᠷ ᠤᠨ ᠬᠦᠯᠳᠡᠬᠦᠰᠦ ᠭᠡᠵᠤ ᠭᠡᠯᠡᠳᠡᠭ᠃ ᠳᠡᠶᠢᠮᠤᠷᠬᠦ ᠬᠠᠭᠤᠷᠠᠢ ᠠᠷᠭᠠᠯ ᠳᠤ ᠵᠠᠷᠤᠵᠤ ᠬᠡᠷᠡᠭᠯᠡᠬᠦ ᠰᠠᠭᠰᠤ ᠶᠢ ᠠᠷᠭᠠᠯ ᠤᠨ ᠰᠠᠭᠰᠤ ᠭᠡᠵᠤ᠂ ᠨᠤᠶᠢᠳᠠᠨ ᠬᠦᠯᠳᠡᠬᠦᠦ ᠠᠷᠭᠠᠯ  ᠳᠤ ᠵᠠᠷᠤᠵᠤ ᠬᠡᠷᠡᠭᠯᠡᠬᠦ ᠰᠠᠭᠰᠤ ᠶᠢ ᠪᠠᠭᠠᠰᠤᠨ ᠰᠠᠭᠰᠤ ᠭᠡᠳᠡᠭ᠃ ᠦᠨᠡᠨᠳᠡᠭᠡᠨ ᠨᠢᠬᠡ ᠯᠠ ᠠᠮᠢᠳᠠᠨ ᠤ ᠪᠠᠭᠠᠰᠤ ᠪᠤᠯᠪᠠᠴᠤ ᠬᠦᠮᠦᠰ ᠲᠤ ᠳᠠᠨᠢᠭᠳᠠᠬᠤ ᠨᠢ ᠬᠤᠶᠠᠷ ᠠᠰᠳᠠᠭᠠᠨ ᠪᠤᠳᠠᠰ ᠪᠤᠯᠵᠤ᠂ ᠬᠡᠷᠡᠭᠯᠡᠬᠡᠨ ᠢᠶᠠᠨ ᠴᠦ ᠬᠤᠪᠢᠶᠠᠷᠢᠯᠠᠵᠤ ᠵᠠᠷᠤᠬᠤ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃    ᠠᠷᠭᠠᠯ ᠤᠨ ᠰᠠᠭᠰᠤᠨ ᠤ ᠵᠠᠷᠤᠳᠠᠯ ᠬᠡᠷᠡᠭᠴᠡᠭᠡ ᠦᠷᠬᠡᠨ ᠳᠡᠯᠬᠡᠷ ᠠᠴᠠ ᠬᠦᠮᠦᠰ ᠠᠷᠭᠠᠯ ᠤᠨ ᠰᠠᠭᠰᠤ ᠭᠡᠵᠤ ᠳᠠᠭᠤᠳᠠᠵᠤ ᠬᠡᠯᠡᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠲᠦᠬᠦᠮᠴᠢᠯᠡᠬᠡᠳ ᠵᠦᠪᠬᠡᠨ ᠰᠠᠭᠰᠤ ᠭᠡᠵᠤ ᠳᠠᠭᠤᠳᠠᠵᠤ ᠬᠡᠯᠡᠬᠦ ᠪᠤᠯᠵᠤ᠂ ᠰᠠᠭᠰᠤ ᠭᠡᠭᠰᠡᠬᠡᠷ ᠠᠷᠭᠠᠯ ᠤᠨ ᠰᠠᠭᠰᠤ ᠶᠢ ᠬᠡᠯᠡᠵᠦ ᠪᠠᠶᠢᠭ᠎ᠠ ᠶᠢ ᠨᠡᠶᠢᠳᠡᠮ ᠳᠤ ᠪᠠᠨ ᠤᠶᠢᠯᠠᠭᠠᠬᠤ ᠪᠤᠯᠤᠭᠰᠠᠨ ᠶᠤᠮ᠃ ᠠᠷᠭᠠᠯ ᠤᠨ ᠰᠠᠭᠰᠤ ᠶᠢ ᠬᠦᠷᠦᠬᠦ ᠳᠤ ᠮᠥᠨ ᠨᠠᠷᠢᠨ ᠨᠢᠬᠳᠠ ᠠᠯᠬᠤᠮ ᠳᠠᠷᠠᠭ᠎ᠠ ᠶᠢ ᠦᠡᠭᠭᠡᠷᠡᠬᠡᠳᠡᠭ᠃ ᠰᠠᠭᠰᠤᠨ ᠪᠤᠷᠭᠠᠰᠤ ᠰᠤᠩᠭᠤᠬᠤ᠂ ᠰᠠᠭᠰᠤᠨ ᠢᠷᠤᠭᠠᠷ ᠭᠠᠷᠭᠠᠬᠤ᠂ ᠰᠠᠭᠰᠤᠨ ᠨᠤᠭᠤᠰᠤ ᠰᠠᠯᠭᠠᠬᠤ᠂ ᠰᠠᠭᠰᠤᠨ ᠬᠠᠨ᠎ᠠ ᠪᠤᠰᠬᠠᠬᠤ᠂ ᠰᠠᠭᠰᠤᠨ ᠰᠠᠨᠵᠢ ᠳᠠᠭᠠᠷᠠᠭᠤᠯᠬᠤ᠂ ᠰᠠᠭᠰᠤᠨ ᠤ ᠴᠡᠭᠡᠯ ᠭᠠᠷᠭᠠᠬᠤ᠂ ᠰᠠᠭᠰᠤᠨ ᠤ ᠢᠷᠮᠡᠭ ᠳᠠᠷᠤᠬᠤ ᠵᠡᠷᠭᠡ ᠠᠯᠬᠤᠮ ᠳᠠᠷᠠᠭ᠎ᠠ ᠪᠠᠷ ᠨᠢᠬᠡ ᠠᠷᠭᠠᠯ ᠤᠨ ᠰᠠᠭᠰᠤ ᠶᠢ ᠬᠦᠷᠦᠵᠦ ᠳᠠᠭᠤᠰᠬᠠᠳᠠᠭ᠃    ᠠᠷᠭᠠᠯ ᠤᠨ ᠰᠠᠭᠰᠤ ᠶᠢ ᠰᠠᠪᠬᠠᠨ ᠦᠵᠦᠬᠦᠷ ᠠᠴᠠ ᠨᠠᠷᠢᠨ ᠵᠤᠯᠵᠠᠭ᠎ᠠ ᠬᠦᠬᠡ ᠪᠤᠷᠭᠠᠰᠤ᠂ ᠵᠤᠯᠵᠠᠭ᠎ᠠ ᠰᠢᠷ᠎ᠠ ᠪᠤᠷᠭᠠᠰᠤ᠂ ᠢᠮᠠᠭᠠᠨ ᠡᠪᠡᠷ᠂ ᠢᠯᠠᠮ᠎ᠠ ᠶᠢᠨ ᠮᠤᠳᠤᠨ ᠤ ᠰᠠᠯᠠᠭ᠎ᠠ᠂ ᠬᠠᠶᠢᠯᠠᠰᠤᠨ ᠪᠤᠳᠠᠨ ᠤ ᠰᠠᠯᠠᠭ᠎ᠠ᠂ ᠤᠳᠠ ᠮᠤᠳᠤᠨ ᠤ ᠤᠭ ᠠᠴᠠ ᠭᠠᠷᠤᠭᠰᠠᠨ ᠰᠠᠯᠠᠭ᠎ᠠ᠂ ᠬᠤᠨᠭ᠍ᠭᠤᠷᠴᠤᠭᠳᠤ ᠮᠤᠳᠤᠨ ᠤ ᠨᠠᠷᠢᠨ ᠪᠡᠶ᠎ᠠ ᠵᠡᠷᠭᠡ ᠪᠠᠷ ᠬᠦᠷᠦᠨ᠎ᠠ᠃ ᠡᠶᠢᠮᠤᠷᠬᠦ ᠰᠤᠩᠭᠤᠵᠤ ᠠᠪᠤᠭᠰᠠᠨ ᠪᠤᠷᠭᠠᠰᠤ ᠮᠤᠳᠤ ᠪᠠᠨ ᠰᠠᠭᠰᠤᠨ ᠪᠤᠷᠭᠠᠰᠤ ᠭᠡᠬᠦ ᠰᠠᠭᠰᠤᠨ ᠬᠦᠷᠦᠯᠬᠡ ᠭᠡᠳᠡᠭ᠃   ᠡᠶᠢᠮᠤᠷᠬᠦ ᠰᠠᠭᠰᠤᠨ ᠪᠤᠷᠭᠠᠰᠤ ᠶᠢ ᠨᠠᠮᠤᠷ ᠤᠨ ᠠᠭᠤᠷ ᠤᠷᠤᠭᠰᠠᠨ ᠤ ᠳᠠᠷᠠᠭ᠎ᠠ ᠠᠴᠠ ᠢᠷᠡᠬᠦ ᠵᠢᠯ ᠤᠨ ᠬᠠᠪᠤᠷ  ᠤᠨ ᠶᠢᠰᠦ ᠶᠢ ᠪᠠᠷᠳᠠᠯᠠᠬᠢ ᠤᠷᠳᠤ ᠬᠤᠭᠤᠴᠠᠭᠠᠨ ᠳᠤ ᠰᠤᠩᠭᠤᠨ ᠠᠪᠴᠤ ᠬᠡᠷᠡᠭᠯᠡᠨ᠎ᠠ᠃ ᠶᠢᠰᠦ ᠪᠠᠷᠠᠭᠰᠠᠨ ᠡᠳᠤᠷ  ᠠᠴᠠ ᠡᠬᠢᠯᠡᠭᠡᠳ ᠨᠠᠮᠤᠷ ᠤᠨ ᠠᠭᠤᠷ ᠤᠷᠤᠬᠤ ᠬᠤᠭᠤᠴᠠᠭᠠᠨ ᠳᠤ ᠬᠦᠷᠦᠯᠬᠡ ᠠᠪᠴᠤ ᠰᠠᠭᠰᠤ ᠬᠦᠷᠦᠳᠡᠭ ᠦᠭᠡᠢ᠃ ᠤᠴᠢᠷ ᠨᠢ ᠪᠤᠯᠪᠠᠰᠤᠷᠠᠵᠤ ᠬᠦᠢᠴᠡᠭᠰᠡᠨ ᠦᠭᠡᠢ ᠪᠤᠷᠭᠠᠰᠤ ᠮᠤᠳᠤ ᠪᠠᠷ ᠰᠠᠭᠰᠤ ᠬᠦᠷᠦᠪᠡᠯ ᠵᠠᠷᠤᠳᠠᠯ ᠳᠠᠭᠠᠭᠠᠬᠤ ᠦᠭᠡᠢ ᠬᠡᠪᠡᠷᠡᠭ ᠪᠠᠶᠢᠳᠠᠭ᠃ ᠪᠤᠷᠭᠠᠰᠤ ᠮᠤᠳᠤ ᠶᠢ ᠡᠨᠡ ᠦᠶ᠎ᠠ ᠳᠤ ᠬᠠᠳᠤᠵᠤ ᠠᠪᠬᠤ ᠶᠢ ᠤᠨᠴᠠ ᠴᠠᠭᠠᠵᠠᠯᠠᠵᠤ ᠪᠠᠶᠢᠪᠠ᠃ ᠪᠤᠷᠭᠠᠰᠤ ᠮᠤᠳᠤᠨ ᠳᠤ ᠬᠦᠨᠦᠬᠡᠯ ᠶᠡᠭᠡ ᠲᠠᠢ ᠭᠡᠳᠡᠭ᠃   ᠰᠠᠭᠰᠤᠨ ᠪᠤᠷᠭᠠᠰᠤ ᠪᠠᠨ ᠨᠢᠬᠡ ᠯᠠ ᠳᠠᠩ ᠤᠨ ᠦᠨᠳᠦᠷ ᠪᠦᠬᠡᠳ ᠨᠠᠷᠢᠨ ᠪᠦᠳᠦᠬᠦᠨ ᠢᠶᠠᠷ ᠰᠤᠩᠭᠤᠨ ᠳᠡᠬᠦᠵᠦ ᠂ ᠬᠠᠳᠤᠵᠤ ᠠᠪᠴᠢᠷᠠᠭᠠᠳ ᠨᠠᠪᠴᠢ ᠨᠠᠮᠠᠭ᠎ᠠ ᠶᠢ ᠨᠢ ᠱᠤᠯᠤᠵᠤ ᠠᠷᠢᠯᠭᠠᠨ᠎ᠠ᠃ ᠬᠠᠳᠤᠭᠤᠷ ᠬᠢᠳᠤᠭ᠎ᠠ ᠪᠠᠷ ᠤᠭᠳᠤᠯᠵᠤ ᠠᠪᠬᠤ ᠴᠢᠬᠤᠯᠠ ᠲᠠᠢ ᠪᠤᠯ ᠬᠠᠳᠤᠭᠤᠷ ᠬᠢᠳᠤᠭ᠎ᠠ ᠪᠠᠨ ᠰᠠᠶᠢᠨ ᠢᠷᠯᠡᠵᠦ᠂ ᠨᠠᠷᠢᠨ ᠨᠠᠮᠠᠭ᠎ᠠ ᠶᠢᠨ ᠡᠰᠡᠷᠬᠦᠦ ᠠᠴᠠ ᠨᠢ ᠳᠠᠭᠠᠯᠭᠠᠵᠤ ᠠᠪᠤᠨ᠎ᠠ᠃ ᠢᠡᠭᠭᠢᠵᠦ ᠠᠪᠤᠪᠠᠯ ᠬᠦᠷᠦᠬᠦ ᠳᠤ ᠭᠠᠷ ᠲᠤ ᠬᠤᠤᠷ ᠦᠭᠡᠢ ᠪᠠᠶᠢᠳᠠᠭ᠃   ᠠᠷᠢᠯᠭᠠᠨ ᠴᠡᠪᠡᠷᠯᠡᠭᠰᠡᠨ ᠰᠠᠭᠰᠤᠨ ᠪᠤᠷᠭᠠᠰᠤ ᠶᠢᠨ ᠢᠶᠠᠨ ᠳᠤᠳᠤᠷ᠎ᠠ ᠠᠴᠠ ᠦᠯᠦ ᠮᠡᠳᠡᠭᠳᠡᠮ᠎ᠠ ᠪᠦᠳᠦᠬᠦᠨ ᠰᠢᠭ  ᠢ ᠨᠢ ᠰᠤᠩᠭᠤᠨ ᠭᠠᠷᠭᠠᠵᠤ᠂ ᠰᠠᠭᠰᠤᠨ ᠤ ᠪᠠᠨ ᠨᠤᠭᠤᠰᠤ ᠬᠢᠬᠦ ᠪᠠᠷ ᠪᠡᠯᠡᠳᠭᠡᠨ᠎ᠠ᠃ ᠰᠠᠭᠰᠤᠨ ᠪᠤᠷᠭᠠᠰᠤ ᠶᠢᠨ  ᠢᠶᠠᠨ ᠨᠠᠷᠢᠨ ᠦᠵᠦᠬᠦᠷ ᠢ ᠬᠦᠷᠦᠯᠬᠡ ᠶᠢᠨ ᠤᠷᠤᠢ ᠭᠡᠵᠤ᠂ ᠪᠦᠳᠦᠬᠦᠨ ᠦᠵᠦᠬᠦᠷ ᠢ ᠬᠦᠷᠦᠯᠬᠡ ᠶᠢᠨ ᠪᠦᠭᠰᠡ ᠭᠡᠳᠡᠭ᠃   ᠲᠦᠷᠪᠡ ᠲᠦᠷᠪᠡᠨ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢᠨ ᠪᠦᠭᠰᠡ ᠶᠢ ᠨᠢ ᠬᠠᠭᠠᠰ ᠳᠤᠬᠤᠢ ᠢᠯᠡᠬᠦᠦ ᠵᠦᠷᠢᠬᠦᠯᠵᠦ᠂ ᠨᠢᠬᠡ ᠨᠢᠬᠡ ᠠᠯᠤᠰᠯᠠᠨ ᠵᠡᠷᠭᠡᠯᠡᠵᠦ ᠭᠠᠵᠠᠷ ᠳᠠᠷᠤᠭᠠᠳ᠂ ᠳᠠᠬᠢᠨ ᠳᠤᠰ ᠶᠠᠩᠵᠤ ᠪᠠᠷ ᠬᠢ ᠨᠢᠬᠡ ᠢᠵᠢ ᠶᠢ ᠭᠤᠤᠯ ᠳᠤᠮᠳᠠᠭᠤᠷ ᠨᠢ ᠳᠤᠨᠤᠯᠵᠠᠭᠤᠯᠤᠨ ᠳᠠᠷᠤᠨ᠎ᠠ᠃ ᠡᠨᠡ ᠮᠡᠳᠤ ᠪᠠᠷ ᠪᠠᠰᠠ ᠬᠤᠶᠠᠷ ᠢᠵᠢ ᠶᠢ ᠨᠠᠢᠮᠠᠨ ᠵᠤᠪᠬᠢᠰ ᠢ ᠴᠢᠭᠯᠡᠬᠦᠯᠵᠦ ᠳᠠᠪᠬᠤᠷᠯᠠᠨ ᠳᠠᠷᠤᠵᠤ ᠬᠢᠰᠬᠢᠬᠡᠳ᠂ ᠰᠠᠭᠤ ᠰᠠᠶᠢᠬᠠᠨ ᠨᠢᠬᠡ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢ ᠦᠵᠦᠬᠦᠷ  ᠠᠴᠠ ᠨᠢ ᠡᠬᠢᠯᠡᠵᠦ ᠡᠷᠴᠢᠮᠯᠡᠨ᠂ ᠳᠤᠷᠰᠢ ᠳᠤ ᠨᠢ ᠪᠠᠯᠪᠠᠷᠠᠭᠤᠯᠤᠨ ᠮᠤᠰᠬᠢᠭᠠᠳ᠂ ᠢᠰᠬᠢᠵᠦ ᠪᠠᠶᠢᠭ᠎ᠠ ᠲᠦᠷᠪᠡᠨ ᠢᠵᠢ ᠨᠤᠭᠤᠰᠤᠨ ᠤ ᠪᠠᠨ ᠬᠠᠮᠤᠭ ᠳᠤᠤᠷᠠᠬᠢ ᠶᠢ ᠡᠷᠬᠦᠨ ᠡᠬᠢᠯᠡᠵᠦ᠂ ᠨᠢᠬᠡ ᠡᠷᠬᠦᠨ ᠨᠢᠬᠡ ᠳᠠᠷᠤᠬᠤ ᠠᠷᠭ᠎ᠠ ᠪᠠᠷ ᠨᠢᠬᠡ ᠳᠤᠭᠤᠷᠢᠭᠤᠯᠤᠨ ᠤᠷᠢᠶᠠᠨ᠎ᠠ᠃ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢᠨ ᠢᠶᠠᠨ ᠦᠨᠳᠦᠷ ᠤᠨ ᠭᠡᠮᠵᠢᠶ᠎ᠠ ᠪᠠᠷ ᠬᠤᠶᠠᠷ  ᠠᠴᠠ ᠭᠤᠷᠪᠠ ᠤᠷᠢᠶᠠᠳᠠᠭ᠃ ᠡᠬᠦᠨ ᠢᠶᠠᠨ ᠳᠠᠩ ᠳᠤᠱᠠᠯᠳᠠᠨ ᠬᠡᠨ᠎ᠠ᠃ ᠳᠠᠬᠢᠭᠠᠳ ᠨᠢᠬᠡ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ  ᠶᠢ ᠪᠠᠯᠪᠠᠷᠠᠭᠤᠯᠤᠨ ᠮᠤᠰᠬᠢᠭᠠᠳ᠂ ᠳᠠᠩ ᠳᠤᠱᠠᠯᠳᠠ ᠶᠢᠨ ᠡᠷᠬᠦᠭᠰᠡᠨ ᠢ ᠨᠢ ᠳᠠᠷᠤᠵᠤ᠂ ᠳᠠᠷᠤᠭᠰᠠᠨ ᠢ ᠨᠢ ᠡᠷᠬᠦᠨ ᠳᠤᠭᠤᠷᠢᠭᠤᠯᠤᠨ ᠤᠷᠢᠶᠠᠨ᠎ᠠ᠃ ᠡᠬᠦᠨ ᠢᠶᠠᠨ ᠳᠠᠪᠬᠤᠷ ᠳᠤᠱᠠᠯᠳᠠ ᠭᠡᠳᠡᠭ᠃    ᠡᠶᠢᠮᠤᠷᠬᠦ ᠲᠦᠷᠪᠡᠨ ᠵᠦᠭ ᠨᠠᠢᠮᠠᠨ ᠵᠤᠪᠬᠢᠰ ᠢ ᠵᠢᠭᠠᠭᠰᠠᠨ ᠰᠠᠭᠰᠤᠨ ᠤ ᠡᠬᠢᠯᠡᠯᠳᠡ ᠪᠠᠨ ᠰᠠᠭᠰᠤᠨ ᠢᠷᠤᠭᠠᠷ ︵ᠢᠷᠤᠭᠠᠯ᠂ ᠰᠠᠭᠰᠤᠨ ᠪᠤᠬᠤᠷ︶ ᠭᠡᠵᠤ᠂ ᠬᠦᠷᠦᠯᠬᠡ ᠶᠢᠨ ᠢᠶᠠᠨ ᠨᠢᠷᠤᠭᠤ ᠰᠤᠳᠠᠰᠤ ᠪᠤᠯᠤᠭᠰᠠᠨ ᠪᠤᠷᠭᠠᠰᠤ ᠶᠢ ᠰᠠᠭᠰᠤᠨ ᠨᠤᠭᠤᠰᠤ ᠭᠡᠳᠡᠭ᠃ ᠰᠠᠭᠰᠤᠨ ᠤ ᠪᠠᠨ ᠨᠤᠭᠤᠰᠤ ᠶᠢ ᠰᠦᠯᠵᠢᠨ ᠭᠡᠯᠬᠢᠵᠦ ᠬᠦᠷᠦᠬᠦ ᠪᠤᠷᠭᠠᠰᠤ ᠶᠢ ᠬᠦᠷᠦᠯᠬᠡ ᠭᠡᠬᠦ ᠪᠤᠶᠤ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠭᠡᠳᠡᠭ᠃    ᠰᠠᠭᠰᠤᠨ ᠢᠷᠤᠭᠠᠷ ᠢᠶᠠᠷ ᠳᠠᠪᠬᠤᠷ ᠳᠤᠱᠠᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠳᠡᠬᠦᠨ ᠠᠴᠠ ᠪᠠᠨ ᠨᠠᠷᠢᠨ ᠪᠦᠬᠡᠳ ᠤᠬᠤᠷ ᠪᠤᠷᠭᠠᠰᠤ ᠪᠠᠷ ᠬᠦᠷᠦᠵᠦ ᠡᠬᠢᠯᠡᠨ᠎ᠠ᠃ ᠨᠢᠬᠡ ᠰᠠᠭᠤᠷᠢ ᠨᠤᠭᠤᠰᠤᠨ ᠤ ᠪᠠᠷᠠᠭᠤᠨ ᠦᠨᠴᠦᠭ ᠳᠡᠭᠡᠷᠡᠬᠢ ᠡᠷᠬᠦᠵᠦ ᠭᠠᠷᠤᠭᠰᠠᠨ ᠬᠦᠷᠦᠯᠬᠡ ᠶᠢᠨ ᠢᠶᠠᠨ ᠳᠤᠤᠷ᠎ᠠ ᠵᠠᠪᠰᠠᠷ ᠢᠶᠠᠷ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢᠨ ᠢᠶᠠᠨ ᠪᠦᠭᠰᠡ ᠦᠵᠦᠬᠦᠷ ᠢ ᠱᠠᠭᠠᠵᠤ ᠤᠷᠤᠭᠤᠯᠤᠭᠠᠳ᠂ ᠪᠠᠷᠠᠭᠤᠨ ᠳᠠᠯ᠎ᠠ ᠶᠢᠨ ᠰᠠᠭᠤᠷᠢ ᠨᠤᠭᠤᠰᠤ ᠶᠢ ᠳᠠᠷᠤᠵᠤ ᠬᠦᠷᠦᠨ᠎ᠠ᠃ ᠨᠢᠬᠡ ᠡᠷᠬᠢᠬᠡᠳ ᠪᠦᠭᠰᠡ ᠶᠢᠨ ᠬᠢᠨᠢ ᠳᠡᠭᠡᠷ᠎ᠠ ᠳᠠᠪᠬᠤᠷᠯᠠᠭᠠᠳ ᠵᠤᠭᠰᠤᠨ᠎ᠠ᠃ ᠳᠠᠬᠢᠭᠠᠳ ᠨᠤᠭᠤᠰᠤ ᠳᠠᠷᠠᠭᠠᠯᠠᠭᠠᠳ ᠬᠦᠷᠦᠨ᠎ᠠ᠃ ᠳᠡᠮᠡᠢ ᠬᠡᠳᠤᠨ ᠮᠦᠷ ᠬᠦᠷᠦᠬᠦ ᠦᠭᠡᠢ ᠨᠤᠭᠤᠰᠤ ᠪᠠᠨ ᠡᠬᠢᠯᠡᠵᠦ ᠰᠠᠯᠭᠠᠨ᠎ᠠ᠃ ᠨᠢᠬᠡ ᠰᠠᠭᠤᠷᠢ ᠨᠤᠭᠤᠰᠤ ᠪᠦᠷᠢ ᠶᠢ ᠬᠤᠶᠠᠷ ᠰᠠᠭᠤᠷᠢ ᠨᠤᠭᠤᠰᠤ ᠪᠤᠯᠭᠠᠨ᠎ᠠ᠃ ᠨᠤᠭᠤᠰᠤ ᠪᠠᠨ ᠰᠠᠯᠭᠠᠬᠤ ᠶᠢᠨ ᠳᠠᠭᠠᠤ ᠨᠤᠭᠤᠰᠤ  ᠪᠠᠨ ᠨᠡᠮᠡᠨ᠎ᠠ᠃ ᠨᠤᠭᠤᠰᠤ ᠨᠡᠮᠡᠨ᠎ᠠ ᠭᠡᠭᠴᠢ ᠨᠢ ᠳᠠᠷᠤᠢ ᠰᠠᠭᠤᠷᠢ ᠪᠦᠷᠢ ᠶᠢᠨ ᠨᠤᠭᠤᠰᠤᠨ ᠪᠤᠷᠭᠠᠰᠤ ᠶᠢᠨ ᠳᠤᠭ᠎ᠠ ᠶᠢ ᠪᠠᠭ᠎ᠠ ᠪᠠᠭ᠎ᠠ ᠪᠠᠷ ᠵᠠᠪᠰᠠᠷ ᠢ ᠦᠵᠡᠨ ᠨᠡᠮᠡᠵᠦ᠂ ᠭᠤᠷᠪᠠᠨ ᠪᠤᠷᠭᠠᠰᠤ ᠲᠠᠢ ᠪᠤᠯᠭᠠᠨ᠎ᠠ᠃    ᠨᠤᠭᠤᠰᠤᠨ ᠤ ᠪᠠᠨ ᠵᠠᠢ ᠶᠢ ᠡᠷᠭᠡᠪᠰᠢ ᠳᠠᠩ ᠲᠠᠢ ᠰᠠᠶᠢᠬᠠᠨ ᠭᠠᠷᠭᠠᠬᠤ ᠶᠢ ᠡᠷᠬᠢᠮᠯᠡᠬᠦ ᠪᠦᠬᠡᠳ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢᠨ ᠰᠠᠭᠤᠳᠠᠯ ᠢ ᠴᠢᠩᠭᠠᠷᠠᠭᠤᠯᠤᠨ ᠦᠵᠡᠮᠵᠢ ᠲᠠᠢ ᠰᠠᠶᠢᠬᠠᠨ ᠢᠷᠤᠭᠠᠷ ᠭᠠᠷᠭᠠᠬᠤ ᠶᠢ ᠪᠠᠷᠢᠮᠳᠠᠯᠠᠳᠠᠭ᠃    ᠰᠠᠭᠰᠤᠨ ᠢᠷᠤᠭᠠᠷ ᠢ ᠶᠡᠷᠤᠩᠭᠡᠢ ᠳᠤ ᠪᠠᠨ ᠳᠤᠭᠤᠷᠢᠭ ᠤᠨ ᠤᠭᠳᠤᠯᠤᠭᠠᠰᠤ ᠨᠢ ᠨᠢᠬᠡ ᠳᠤᠬᠤᠢ ᠪᠠᠷ ᠬᠡᠮᠵᠢᠶ᠎ᠠ ᠪᠤᠯᠭᠠᠵᠤ ᠬᠦᠷᠦᠳᠡᠭ᠃ ᠳᠡᠶᠢᠮᠤᠷᠬᠦ ᠬᠡᠮᠵᠢᠶᠠᠨ ᠳᠤ ᠬᠦᠷᠦᠮᠡᠭᠴᠡ ᠪᠠᠨ ᠰᠠᠭᠰᠤᠨ ᠢᠷᠤᠭᠠᠷ ᠢᠶᠠᠨ ᠬᠦᠷᠪᠡᠬᠦᠯᠦᠨ ᠭᠤᠤᠷᠰᠤ ᠶᠢ ᠨᠢ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ᠎ᠠ᠃ ᠭᠤᠤᠷᠰᠤ ᠭᠡᠭᠴᠢ ᠨᠢ ᠳᠠᠷᠤᠢ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢᠨ ᠱᠠᠭᠠᠵᠤ ᠤᠷᠤᠭᠤᠯᠤᠭᠰᠠᠨ ᠪᠦᠭᠰᠡᠨ ᠦᠵᠦᠬᠦᠷ ᠢ ᠬᠡᠯᠡᠨ᠎ᠠ᠃   ᠨᠢᠬᠡ ᠬᠦᠯ ᠢᠶᠠᠷ ᠢᠶᠠᠨ ᠰᠠᠭᠰᠤᠨ ᠤ ᠢᠷᠤᠭᠠᠷ ᠳᠡᠭᠡᠷ᠎ᠠ ᠢᠰᠬᠢᠵᠦ᠂ ᠬᠤᠯᠪᠤᠭᠠᠰᠤ ᠲᠠᠢ ᠰᠠᠯᠵᠢ ᠪᠠᠨ ᠬᠠᠭᠠᠰ ᠳᠤᠭᠠᠨ ᠤ ᠰᠢᠷᠭᠤᠭᠤᠯᠤᠨ ᠤᠷᠤᠭᠤᠯᠤᠨ᠎ᠠ᠃ ᠪᠦᠬᠦᠳᠡ ᠨᠤᠭᠤᠰᠤᠨ ᠤ ᠦᠵᠦᠬᠦᠷ ᠢ ᠨᠢᠬᠡ ᠨᠢᠬᠡ ᠰᠠᠭᠤᠷᠢ ᠪᠠᠷ ᠨᠢ ᠮᠠᠳᠠᠨ ᠠᠪᠴᠢᠷᠠᠵᠤ ᠪᠤᠭᠤᠮᠢ ᠪᠠᠷ ᠨᠢ ᠤᠶᠠᠨ᠎ᠠ᠃   ᠰᠠᠭᠰᠤ ᠬᠦᠷᠦᠭᠴᠢ ᠭᠠᠵᠠᠷ ᠰᠠᠭᠤᠳᠠᠯ ᠳᠤ ᠰᠠᠭᠤᠵᠤ᠂ ᠰᠠᠭᠰᠤᠨ ᠤ ᠢᠷᠤᠭᠠᠷ ᠢ ᠬᠦᠨᠳᠡᠯᠡᠨ ᠠᠳᠬᠤᠨ᠂ ᠬᠦᠷᠦᠯᠬᠡ ᠶᠢᠨ ᠠᠯᠬᠤᠮ ᠳᠠᠷᠠᠭ᠎ᠠ ᠪᠠᠨ ᠤᠯᠵᠤ ᠵᠠᠯᠭᠠᠨ ᠬᠦᠷᠦᠨ᠎ᠠ᠃ ᠡᠬᠢᠯᠡᠵᠦ ᠬᠦᠷᠦᠬᠦ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ  ᠪᠠᠷ ᠢᠶᠠᠨ ᠰᠠᠭᠰᠤᠨ ᠰᠠᠨᠵᠢ ᠪᠠᠨ ᠤᠷᠤᠨ ᠳᠠᠬᠢ ᠨᠤᠭᠤᠰᠤ ᠲᠠᠢ ᠨᠢ ᠨᠢᠬᠡ ᠤᠷᠢᠶᠠᠵᠤ ᠬᠦᠷᠦᠨ᠎ᠠ᠃ ᠰᠠᠨᠵᠢ ᠪᠠᠨ ᠡᠷᠭᠡᠪᠰᠢ ᠰᠠᠭᠰᠤᠨ ᠢᠷᠤᠭᠠᠷ ᠢᠶᠠᠨ ᠭᠤᠤᠯᠳᠠᠭᠤᠯᠵᠤ ᠳᠠᠭᠠᠷᠠᠭᠤᠯᠤᠨ᠎ᠠ᠃    ᠰᠠᠭᠰᠤᠨ ᠰᠠᠨᠵᠢ ᠶᠢ ᠰᠠᠭᠰᠤ ᠬᠦᠷᠦᠬᠦ ᠠᠴᠠ ᠪᠠᠨ ᠡᠮᠤᠨ᠎ᠠ ᠪᠡᠯᠡᠳᠭᠡᠳᠡᠭ᠃ ᠰᠠᠭᠰᠤ ᠶᠢᠨ ᠰᠠᠨᠵᠢ ᠶᠢ ᠨᠠᠷᠢᠨ ᠬᠠᠶᠢᠯᠠᠰᠤᠨ ᠮᠤᠳᠤ᠂ ᠨᠠᠷᠢᠨ ᠮᠠᠩᠬᠠᠨ ᠤᠳᠠ᠂ ᠪᠤᠳᠠᠯᠠᠵᠤ ᠭᠠᠷᠤᠭᠰᠠᠨ ᠢᠯᠠᠮ᠎ᠠ ᠶᠢᠨ ᠮᠤᠳᠤ᠂ ᠳᠠᠯᠳᠤ ᠶᠢᠨ ᠮᠤᠳᠤ ᠵᠡᠷᠭᠡ ᠪᠠᠷ ᠨᠠᠷᠢᠨ ᠦᠵᠦᠬᠦᠷ ᠢ ᠨᠢ ᠡᠷᠬᠢ ᠬᠤᠷᠤᠭᠤ ᠠᠴᠠ ᠪᠠᠭ᠎ᠠ ᠪᠦᠳᠦᠬᠦᠨ ᠨᠢᠬᠡ ᠠᠯᠳᠠ ᠮᠤᠳᠤ ᠶᠢ ᠮᠡᠳᠡᠵᠦ ᠬᠢᠳᠡᠭ᠃ ᠬᠠᠯᠢᠰᠤ ᠶᠢ ᠨᠢ ᠳᠡᠷᠡ ᠳᠠᠷᠤᠢ ᠱᠠᠭᠠᠯᠵᠤ᠂ ᠪᠦᠳᠦᠬᠦᠨ ᠦᠵᠦᠬᠦᠷ ᠢ ᠨᠢ ᠨᠠᠮᠢᠯᠵᠠᠳᠠᠯ᠎ᠠ ᠬᠢᠰᠬᠢᠵᠦ᠂ ᠪᠦᠳᠦᠬᠦᠨ ᠰᠢᠭ ᠪᠤᠯ ᠳᠤᠳᠤᠷ ᠳᠠᠯ᠎ᠠ ᠠᠴᠠ ᠨᠢ ᠵᠤᠷᠬᠢᠵᠦ ᠴᠠᠪᠴᠢᠨ ᠠᠪᠴᠤ᠂ ᠪᠦᠭᠰᠡᠨ ᠳᠡᠬᠡᠷ᠎ᠠ ᠨᠢ ᠳᠤᠷᠭᠤᠭᠠᠯ ᠦᠯᠡᠳᠡᠭᠡᠵᠦ᠂ ᠡᠷᠡᠵᠦ ᠤᠶᠠᠬᠤ ᠤᠶᠠᠭᠠᠰᠤ ᠶᠢᠨ ᠤᠷᠤᠮ ᠢ ᠭᠠᠷᠭᠠᠨ᠂ ᠨᠠᠷᠢᠨ ᠪᠦᠳᠦᠬᠦᠨ ᠦᠵᠦᠬᠦᠷ ᠤᠨ ᠬᠤᠭᠤᠷᠤᠨᠳᠤ ᠳᠤᠬᠤᠢ ᠵᠠᠢ ᠦᠯᠡᠳᠡᠭᠡᠵᠦ ᠬᠤᠯᠪᠤᠨ ᠤᠶᠠᠨ᠎ᠠ᠃ ᠨᠠᠷᠠ ᠰᠠᠯᠬᠢ ᠳᠡᠬᠡᠷ᠎ᠠ ᠬᠠᠳᠠᠭᠠᠬᠤ ᠳᠤ ᠪᠠᠨ ᠳᠤᠭᠤᠢ ᠲᠦᠷᠰᠦ ᠨᠢ ᠡᠪᠳᠡᠷᠡᠬᠦ ᠠᠴᠠ ᠬᠢᠴᠢᠶᠡᠵᠦ᠂ ᠪᠤᠷᠭᠠᠰᠤᠨ ᠳᠡᠬᠡᠰᠤ ᠪᠠᠷ ᠬᠡᠳᠤᠨ ᠳᠡᠰᠢ ᠪᠠᠨ ᠳᠠᠳᠠᠵᠤ ᠤᠶᠠᠭᠠᠳ ᠬᠠᠳᠠᠭᠠᠳᠠᠭ᠃    ᠡᠪᠤᠯ ᠤᠨ ᠴᠠᠭ ᠲᠤ ᠰᠠᠭᠰᠤᠨ ᠰᠠᠨᠵᠢ ᠮᠡᠳᠠᠵᠤ ᠳᠠᠯᠪᠢᠬᠤ ᠳᠤ ᠪᠠᠨ ᠳᠤᠯᠤᠭᠠᠨ ᠬᠡᠷ ᠲᠤ ᠪᠠᠨ ᠡᠰᠢ ᠮᠤᠳᠤ ᠶᠢ ᠠᠪᠴᠢᠷᠠᠵᠤ ᠭᠡᠰᠭᠡᠭᠰᠡᠨ ᠤ ᠳᠠᠷᠠᠭ᠎ᠠ ᠵᠠᠰᠠᠵᠤ ᠮᠠᠳᠠᠳᠠᠭ᠃ ᠪᠦᠳᠦᠬᠦᠨ ᠰᠢᠭ ᠡᠰᠢᠨ ᠤ ᠪᠦᠭᠰᠡ ᠨᠢ ᠮᠠᠳᠠᠬᠤ ᠳᠤ ᠬᠦᠴᠢᠷ ᠪᠤᠯ ᠪᠤᠳᠠᠭ᠎ᠠ ᠬᠦᠬᠡᠬᠡᠯᠬᠡᠬᠦ ᠶᠢ ᠳᠠᠪᠬᠤᠮᠳᠠᠭᠤᠯᠤᠨ ᠬᠠᠯᠠᠭᠤᠨ ᠪᠤᠳᠠᠭᠠᠨ ᠳᠤ ᠵᠦᠬᠡᠯᠡᠷᠡᠬᠦᠯᠬᠦ ᠪᠤᠶᠤ ᠭᠠᠯ ᠳᠤᠳᠤᠷ᠎ᠠ ᠠᠬᠢᠨ ᠳᠠᠬᠢᠨ ᠭᠤᠯᠤᠮᠳᠠᠵᠤ ᠵᠦᠬᠡᠯᠡᠷᠡᠬᠦᠯᠦᠬᠡᠳ ᠵᠠᠰᠠᠵᠤ ᠮᠠᠳᠠᠨ᠎ᠠ᠃ ᠮᠦᠨᠬᠦ ᠬᠡᠳᠤᠨ ᠳᠡᠰᠢ ᠳᠠᠳᠠᠨ ᠤᠶᠠᠵᠤ᠂ ᠬᠠᠯᠢᠰᠤ ᠲᠠᠢ ᠨᠢ ᠨᠠᠷᠠ ᠰᠠᠯᠬᠢᠨ ᠳᠤ ᠬᠠᠳᠠᠭᠠᠨ᠎ᠠ᠃ ᠰᠠᠭᠰᠤ ᠪᠠᠨ ᠬᠦᠷᠦᠬᠦ ᠦᠶ᠎ᠠ ᠳᠤ ᠬᠠᠯᠢᠰᠤ ᠶᠢ ᠱᠠᠭᠠᠯᠠᠵᠤ ᠠᠪᠳᠠᠭ᠃ ᠬᠠᠯᠢᠰᠤ ᠲᠠᠢ ᠡᠰᠢ ᠶᠡᠷᠤ ᠳᠤ ᠪᠠᠨ ᠬᠤᠷᠤᠬᠠᠶᠢᠳᠠᠬᠤ ᠳᠤᠷ᠎ᠠ ᠲᠠᠢ ᠪᠠᠶᠢᠳᠠᠭ ᠳᠤᠯᠠ ᠮᠡᠳᠡᠬᠦ ᠬᠦᠮᠦᠰ ᠬᠡᠵᠢᠶᠡᠳᠡ ᠬᠠᠯᠢᠰᠤ ᠲᠠᠢ ᠡᠰᠢ ᠬᠢᠳᠡᠭ ᠦᠭᠡᠢ᠃   ᠰᠠᠭᠰᠤᠨ ᠤ ᠨᠤᠭᠤᠰᠤ ᠪᠠᠨ ᠳᠡᠭᠡᠭᠰᠢ ᠪᠤᠰᠬᠠᠨ ᠬᠦᠷᠦᠵᠦ ᠡᠬᠢᠯᠡᠭᠰᠡᠨ ᠤ ᠳᠠᠷᠠᠭ᠎ᠠ᠂ ᠰᠠᠨᠵᠢ ᠶᠢᠨ ᠢᠶᠠᠨ ᠶᠠᠩᠵᠤ  ᠶᠢ ᠦᠵᠡᠵᠦ ᠰᠠᠭᠰᠤᠨ ᠬᠠᠨ᠎ᠠ ᠪᠠᠨ ᠵᠠᠰᠠᠵᠤ ᠬᠦᠷᠦᠨ᠎ᠠ᠃ ᠦᠬᠡᠷ᠎ᠠ ᠪᠠᠷ ᠬᠡᠯᠡᠪᠡᠯ ᠰᠠᠨᠵᠢ ᠨᠢ ᠠᠰ ᠪᠤᠰᠤᠭ᠎ᠠ ᠪᠤᠯ ᠠᠰ ᠪᠤᠰᠤᠭ᠎ᠠ ᠬᠦᠷᠦᠵᠦ᠂ ᠪᠦᠮᠪᠦᠬᠡᠷ ᠪᠤᠯ ᠪᠦᠮᠪᠦᠬᠡᠷ ᠬᠦᠷᠦᠨ᠎ᠠ᠃ ᠡᠬᠦᠨ ᠢᠶᠠᠨ ᠨᠤᠭᠤᠰᠤᠨ ᠤ ᠦᠵᠦᠬᠦᠷ ᠤᠨ ᠤᠶᠠᠭᠠᠰᠤ ᠪᠠᠨ ᠠᠯᠳᠠᠷᠭᠠᠨ᠂ ᠨᠤᠭᠤᠰᠤ ᠶᠢ ᠴᠢᠩᠭᠠᠵᠤ ᠤᠶᠠᠬᠤ ᠪᠤᠶᠤ ᠰᠤᠯᠠᠯᠠᠵᠤ ᠤᠶᠠᠬᠤ ᠠᠷᠭ᠎ᠠ ᠪᠠᠷ ᠳᠤᠬᠢᠷᠠᠭᠤᠯᠤᠨ᠎ᠠ᠃   ᠰᠠᠭᠰᠤᠨ ᠨᠤᠭᠤᠰᠤ ᠪᠠᠨ ᠪᠤᠰᠬᠠᠨ ᠨᠢᠬᠡ ᠳᠤᠭᠤᠷᠢᠭᠤᠯᠵᠤ ᠬᠦᠷᠦᠭᠰᠡᠨ ᠤ ᠳᠠᠷᠠᠭ᠎ᠠ᠂ ᠰᠠᠭᠰᠤᠨ ᠨᠤᠭᠤᠰᠤ ᠨᠢ ᠬᠤᠯᠠᠳᠠᠵᠤ ᠪᠠᠶᠢᠪᠠᠯ ᠰᠠᠭᠰᠤᠨ ᠨᠤᠭᠤᠰᠤ ᠶᠢᠨ ᠢᠶᠠᠨ ᠨᠢᠬᠡ ᠨᠤᠭᠤᠰᠤ ᠠᠯᠤᠰᠯᠠᠭᠠᠳ ᠨᠢᠬᠡ ᠰᠠᠯᠭᠠᠨ᠎ᠠ᠃ ᠡᠰᠡᠬᠦᠯ᠎ᠠ ᠨᠤᠭᠤᠰᠤ ᠪᠦᠷᠢ ᠶᠢ ᠨᠢᠬᠡ ᠰᠠᠯᠭᠠᠨ᠎ᠠ᠃   ᠳᠤᠮᠳᠠ ᠶᠢᠨ ᠪᠤᠷᠭᠠᠰᠤ ᠪᠠᠷ ᠬᠦᠷᠦᠪᠡᠯ ᠶᠡᠷᠤᠳᠡᠬᠡᠨ ᠬᠤᠷᠢᠨ ᠲᠦᠷᠪᠡᠨ ᠰᠠᠭᠤᠷᠢ ᠨᠤᠭᠤᠰᠤ ᠲᠠᠢ ᠪᠤᠯ ᠶᠡᠭᠡ ᠳᠤᠬᠢᠷᠠᠮᠵᠢᠳᠠᠢ ᠪᠠᠶᠢᠳᠠᠭ᠃ ᠨᠠᠷᠢᠨ ᠪᠤᠷᠭᠠᠰᠤ ᠪᠠᠷ ᠬᠦᠷᠦᠭᠰᠡᠨ ᠪᠠᠶᠢᠪᠠᠯ ᠭᠤᠴᠢᠨ ᠬᠤᠶᠠᠷ ᠨᠤᠭᠤᠰᠤ ᠲᠠᠢ ᠪᠤᠯ ᠳᠤᠬᠢᠷᠠᠮᠵᠢᠳᠠᠢ ᠪᠠᠶᠢᠳᠠᠭ᠃ ᠨᠤᠭᠤᠰᠤ ᠰᠠᠯᠭᠠᠬᠤ ᠨᠢ ᠦᠨᠡᠨ ᠳᠤ ᠪᠠᠨ ᠨᠤᠭᠤᠰᠤᠨ ᠪᠤᠷᠭᠠᠰᠤ ᠶᠢᠨ ᠨᠠᠷᠢᠨ ᠪᠦᠳᠦᠬᠦᠨ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠳᠠᠨ᠎ᠠ᠃   ᠰᠠᠭᠰᠤᠨ ᠤ ᠪᠠᠨ ᠨᠤᠭᠤᠰᠤ ᠶᠢ ᠨᠢ ᠰᠠᠯᠭᠠᠬᠤ ᠶᠢᠨ ᠳᠠᠭᠠᠤ ᠳᠤ ᠳᠡᠭᠡᠭᠰᠢ ᠬᠦᠷᠦᠵᠦ᠂ ᠪᠠᠰᠠ ᠪᠠᠶᠢᠨ ᠳᠠᠬᠢᠨ ᠬᠦᠷᠦᠭᠰᠡᠨ ᠭᠡᠰᠡᠭ ᠢᠶᠠᠨ ᠮᠤᠳᠤᠨ ᠬᠠᠪᠳᠠᠰᠤ ᠶᠢ ᠳᠠᠯᠪᠢᠨ ᠰᠦᠬᠡ ᠪᠠᠷ ᠳᠤᠷᠤᠭᠰᠢ ᠴᠤᠬᠢᠵᠦ᠂ ᠭᠦᠷᠦᠯᠭᠡ ᠶᠢ ᠴᠢᠩᠭ᠎ᠠ ᠰᠠᠭᠤᠯᠭᠠᠨ᠎ᠠ᠃ ᠢᠡᠭᠬᠢᠪᠡᠯ ᠰᠠᠭᠰᠤ ᠨᠢ ᠪᠦᠬᠡ ᠰᠠᠭᠰᠤ ᠪᠤᠯᠵᠤ᠂ ᠨᠠᠶᠢᠭᠤᠵᠤ ᠰᠠᠵᠢᠯᠯᠠᠬᠤ ᠦᠭᠡᠢ ᠪᠠᠶᠢᠳᠠᠭ ᠃ ᠢᠡᠭᠭᠢᠬᠦ ᠶᠢᠨ ᠳᠠᠭᠠᠤ ᠪᠠᠰᠠ ᠰᠠᠭᠰᠤᠨ ᠰᠠᠨᠵᠢ ᠪᠠᠨ ᠬᠦᠷᠦᠯᠭᠡ ᠪᠠᠷ ᠢᠶᠠᠨ ᠨᠢᠬᠡ ᠬᠤᠶᠠᠷ ᠮᠦᠷ ᠠᠯᠤᠰᠯᠠᠬᠤ ᠪᠦᠷᠢ ᠨᠢᠬᠡ ᠤᠷᠢᠶᠠᠵᠤ ᠬᠦᠷᠦᠬᠦ ᠶᠢ ᠡᠷᠭᠡᠪᠰᠢ ᠪᠠᠷᠢᠮᠳᠠᠯᠠᠨ᠎ᠠ᠃ ᠢᠡᠭᠭᠢᠵᠦ ᠬᠦᠷᠦᠪᠡᠯ ᠬᠤᠵᠢᠮ ᠤᠨ ᠬᠡᠷᠡᠭᠯᠡᠬᠡᠨ ᠳᠤ ᠰᠠᠨᠵᠢ ᠰᠠᠵᠢᠯᠯᠠᠬᠤ ᠦᠭᠡᠢ ᠴᠢᠩᠭ᠎ᠠ ᠵᠠᠷᠤᠳᠠᠯ ᠤᠨ ᠰᠠᠭᠰᠤ ᠪᠤᠯᠳᠠᠭ᠃   ᠰᠠᠭᠰᠤᠨ ᠤ ᠢᠷᠤᠭᠠᠷ ᠠᠴᠠ ᠳᠡᠭᠡᠭᠰᠢ ᠪᠤᠰᠬᠤ ᠬᠡᠰᠡᠭ ᠢ ᠰᠠᠭᠰᠤᠨ ᠤ ᠬᠠᠨ᠎ᠠ ᠭᠡᠳᠡᠭ᠃ ᠰᠠᠭᠰᠣᠨ ᠤ ᠬᠠᠨ᠎ᠠ  ᠶᠢᠨ ᠪᠤᠰᠤᠭ᠎ᠠ ᠳᠤᠭᠤᠷᠢᠭ ᠢ ᠰᠠᠭᠰᠤᠨ ᠤ ᠪᠠᠭᠳᠠᠭᠠᠮᠵᠢ ᠭᠡᠵᠤ᠂ ᠰᠠᠭᠰᠤᠨ ᠤ ᠬᠠᠨ᠎ᠠ ᠶᠢᠨ ᠬᠦᠨᠴᠡ ᠶᠢ ᠰᠠᠭᠰᠤᠨ  ᠤ ᠴᠡᠭᠡᠯ ᠭᠡᠳᠡᠭ᠃   ᠰᠠᠭᠰᠤᠨ ᠤ ᠪᠤᠰᠤᠭ᠎ᠠ ᠴᠢᠭᠯᠡᠯ ᠨᠢ ᠰᠠᠨᠵᠢ ᠲᠠᠢ ᠪᠠᠨ ᠵᠤᠬᠢᠴᠠᠵᠤ ᠪᠠᠶᠢᠪᠠᠯ ᠬᠦᠷᠦᠯᠭᠡ ᠶᠢ ᠵᠤᠭᠰᠤᠭᠠᠨ᠎ᠠ᠃ ᠬᠦᠷᠦᠯᠬᠡ ᠪᠠᠨ ᠵᠤᠭᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠨᠤᠭᠤᠰᠤ ᠶᠢ ᠢᠷᠮᠡᠭᠯᠡᠨ ᠬᠦᠪᠡᠭᠡᠯᠡᠵᠦ ᠪᠠᠬᠢᠯᠡᠬᠦ ᠶᠢ ᠢᠷᠮᠡᠭ ᠳᠠᠷᠤᠨ᠎ᠠ ᠭᠡᠳᠡᠭ᠃   ᠰᠠᠭᠰᠤᠨ ᠤ ᠢᠷᠮᠡᠭ ᠢ ᠭᠤᠷᠪᠠᠨ ᠮᠦᠰᠦᠯᠡᠨ ᠳᠠᠷᠤᠨ᠎ᠠ᠃ ᠡᠩ ᠤᠨ ᠪᠠᠶᠢᠳᠠᠯ ᠳᠤᠤᠷ᠎ᠠ ᠰᠠᠨᠵᠢᠨ ᠤ ᠪᠠᠨ ᠪᠦᠳᠦᠬᠦᠨ ᠨᠠᠷᠢᠨ ᠳᠠᠯ᠎ᠠ ᠶᠢᠨ ᠪᠠᠷᠠᠭᠤᠨ ᠲᠦᠷᠪᠡ ᠳᠠᠪᠤᠳᠤᠭᠠᠷ ᠨᠤᠭᠤᠰᠤ ᠠᠴᠠ ᠡᠬᠢᠯᠡᠵᠦ ᠳᠠᠷᠤᠳᠠᠭ᠃ ᠡᠬᠢᠨ ᠤ ᠨᠢᠬᠡ ᠰᠠᠭᠤᠷᠢ ᠨᠤᠭᠤᠰᠤ ᠪᠠᠨ ᠬᠤᠭᠤᠯᠠᠯ ᠦᠭᠡᠢ ᠪᠠᠷ ᠬᠦᠡᠭᠭᠡᠨ ᠵᠦᠬᠡᠯᠡᠨ ᠨᠠᠷᠠᠨ ᠵᠦᠪ ᠢᠶᠠᠷ ᠮᠤᠰᠬᠢᠨ ᠪᠠᠷᠠᠭᠤᠨ ᠳᠠᠯ᠎ᠠ ᠶᠢᠨ ᠬᠤᠶᠠᠷ ᠰᠠᠭᠤᠷᠢ ᠨᠤᠭᠤᠰᠤ ᠶᠢᠨ ᠭᠠᠳᠠᠭᠤᠷ ᠨᠠᠭᠠᠯᠳᠤᠳᠠᠯ᠎ᠠ ᠳᠠᠷᠤᠵᠤ᠂ ᠰᠠᠭᠰᠤ ᠶᠢᠨ ᠴᠡᠭᠡᠯ ᠤᠷᠤᠭᠤ ᠳᠠᠷᠤᠵᠤ ᠤᠷᠤᠭᠤᠯᠤᠨ᠎ᠠ᠃ ᠬᠤᠶᠠᠳᠤᠭᠠᠷ᠂ ᠭᠤᠷᠪᠠᠳᠤᠭᠠᠷ ᠨᠤᠭᠤᠰᠤ ᠶᠢ ᠴᠦᠮ ᠳᠤᠰ ᠶᠠᠪᠤᠴᠠ ᠪᠠᠷ ᠳᠠᠷᠤᠨ᠎ᠠ᠃ ᠲᠦᠷᠪᠡᠳᠤᠬᠡᠷ ᠨᠤᠭᠤᠰᠤᠨ ᠳᠡᠭᠡᠷ᠎ᠠ ᠬᠦᠷᠴᠤ ᠢᠷᠡᠪᠡᠯ ᠤᠷᠢᠳᠡᠪᠡᠷ ᠳᠤᠳᠤᠭᠰᠢ ᠳᠠᠷᠤᠵᠤ ᠤᠷᠤᠭᠤᠯᠤᠭᠰᠠᠨ ᠨᠢᠬᠡᠳᠤᠬᠡᠷ ᠨᠤᠭᠤᠰᠤ ᠶᠢ ᠲᠦᠷᠪᠡᠳᠤᠬᠡᠷ ᠨᠤᠭᠤᠰᠤ ᠶᠢᠨ ᠪᠠᠷᠠᠭᠤᠨ ᠳᠠᠯ᠎ᠠ ᠪᠠᠷ ᠳᠠᠳᠠᠨ ᠭᠠᠷᠭᠠᠵᠤ᠂ ᠲᠦᠷᠪᠡᠳᠤᠬᠡᠷ ᠰᠠᠭᠤᠷᠢ ᠨᠤᠭᠤᠰᠤ ᠲᠠᠢ ᠨᠡᠶᠢᠯᠡᠬᠦᠯᠵᠦ ᠮᠤᠰᠬᠢᠨ᠂ ᠳᠤᠷᠤᠭᠰᠢ ᠴᠢᠩᠭ᠎ᠠ ᠳᠠᠷᠤᠵᠤ᠂ ᠵᠢᠷᠭᠤᠳᠤᠭᠠᠷ ᠨᠤᠭᠤᠰᠤ ᠶᠢᠨ ᠠᠷᠤ ᠪᠠᠷ ᠳᠤᠳᠤᠭᠰᠢ ᠳᠠᠷᠤᠵᠤ ᠤᠷᠤᠭᠤᠯᠤᠨ᠎ᠠ᠃ ᠳᠠᠪᠤᠳᠤᠭᠠᠷ ᠪᠠ ᠵᠢᠷᠭᠤᠳᠤᠭᠠᠷ ᠨᠤᠭᠤᠰᠤ ᠶᠢ ᠮᠥᠨ ᠳᠡᠭᠡᠷᠡᠬᠢ ᠠᠯᠬᠤᠮ ᠳᠠᠷᠠᠭ᠎ᠠ ᠪᠠᠷ ᠳᠠᠷᠤᠨ᠎ᠠ᠃   ᠳᠤᠯᠤᠳᠤᠭᠠᠷ ᠨᠤᠭᠤᠰᠤ ᠠᠴᠠ ᠡᠬᠢᠯᠡᠵᠦ ᠳᠤᠳᠤᠷ᠎ᠠ ᠳᠠᠯ᠎ᠠ ᠶᠢᠨ ᠳᠠᠷᠤᠵᠤ ᠤᠷᠤᠭᠤᠯᠤᠭᠰᠠᠨ ᠨᠤᠭᠤᠰᠤ ᠠᠴᠠ ᠰᠠᠯᠠᠭ᠎ᠠ ᠦᠭᠡᠢ᠂ ᠬᠤᠭᠤᠷᠬᠠᠢ ᠦᠭᠡᠢ᠂ ᠰᠠᠶᠢᠬᠠᠨ ᠠᠴᠠ ᠨᠢ ᠵᠦᠪᠬᠡᠨ ᠭᠤᠷᠪᠠ ᠶᠢ ᠳᠠᠳᠠᠨ ᠭᠠᠷᠭᠠᠵᠤ᠂ ᠪᠤᠰᠤᠭ᠎ᠠ ᠨᠤᠭᠤᠰᠤ ᠲᠠᠢ ᠪᠠᠨ ᠨᠡᠶᠢᠯᠡᠬᠦᠯᠦᠨ ᠳᠡᠭᠡᠷᠡᠬᠢ ᠠᠷᠭ᠎ᠠ ᠪᠠᠷ ᠮᠤᠰᠬᠢᠨ ᠳᠠᠷᠤᠨ᠎ᠠ᠃ ᠢᠡᠭᠭᠢᠵᠦ ᠳᠠᠷᠤᠪᠠᠯ ᠰᠠᠭᠰᠤᠨ ᠤ ᠢᠷᠮᠡᠭ ᠪᠦᠳᠦᠬᠦᠷᠡᠵᠦ ᠦᠵᠡᠭᠳᠡᠬᠦ ᠦᠭᠡᠢ ᠪᠦᠬᠡᠳ ᠰᠠᠭᠰᠤᠨ ᠳᠤ ᠪᠠᠨ ᠴᠦ ᠬᠦᠡᠭᠭᠡᠨ ᠪᠠᠶᠢᠳᠠᠭ᠃   ᠬᠠᠮᠤᠭ ᠰᠡᠬᠦᠯᠴᠢ ᠶᠢᠨ ᠭᠤᠷᠪᠠᠨ ᠠᠳᠬᠤ ᠨᠤᠭᠤᠰᠤ ᠪᠠᠨ ᠡᠬᠢᠨ ᠤ ᠭᠤᠷᠪᠠᠨ ᠨᠤᠭᠤᠰᠤ ᠶᠢᠨ ᠳᠤᠤᠭᠤᠷ ᠰᠢᠷᠭᠤᠭᠤᠯᠵᠤ ᠭᠠᠷᠭᠠᠨ᠂ ᠴᠢᠩᠭ᠎ᠠ ᠳᠠᠳᠠᠵᠤ ᠳᠤᠷᠤᠭᠰᠢ ᠰᠠᠭᠤᠯᠭᠠᠨ᠎ᠠ᠃ ᠡᠬᠢᠯᠡᠭᠰᠡᠨ ᠬᠤᠶᠠᠳᠤᠭᠠᠷ ᠭᠤᠷᠪᠠᠳᠤᠭᠠᠷ ᠰᠠᠭᠤᠷᠢ ᠨᠤᠭᠤᠰᠤ ᠶᠢᠨ ᠬᠤᠭᠤᠷᠤᠨᠳᠤ ᠡᠬᠢ ᠰᠡᠬᠦᠯ ᠨᠤᠭᠤᠰᠤ ᠶᠢ ᠳᠠᠷᠤᠵᠤ ᠦᠨᠳᠦᠷ ᠰᠢᠭ ᠪᠤᠷᠭᠠᠰᠤ ᠶᠢ ᠪᠤᠯᠪᠠᠷᠠᠭᠤᠯᠤᠨ ᠮᠤᠰᠬᠢᠵᠦ ᠤᠷᠢᠶᠠᠵᠤ ᠤᠶᠠᠵᠤ ᠳᠡᠬᠦᠰᠬᠡᠨ᠎ᠠ᠃   ᠰᠠᠭᠰᠤᠨ ᠤ ᠢᠷᠮᠡᠭ ᠢ ᠳᠠᠷᠤᠬᠤ ᠳᠤ ᠪᠠᠨ ᠨᠤᠭᠤᠰᠤ ᠪᠠᠨ ᠰᠠᠶᠢᠳᠤᠷ ᠮᠤᠰᠬᠢᠨ ᠳᠠᠷᠤᠵᠤ᠂ ᠰᠠᠭᠰᠤᠨ ᠤ ᠪᠠᠨ ᠬᠠᠨ᠎ᠠ ᠲᠠᠢ ᠵᠠᠭᠠᠭ ᠵᠠᠪᠰᠠᠷ ᠦᠭᠡᠢ ᠪᠤᠯᠳᠠᠯ᠎ᠠ ᠨᠠᠭᠠᠯᠳᠤᠭᠤᠯᠬᠤ ᠬᠡᠷᠡᠭᠳᠡᠢ᠃ ᠢᠡᠭᠭᠢᠪᠡᠯ ᠦᠵᠡᠬᠦ ᠳᠤ ᠦᠵᠡᠮᠵᠢᠳᠠᠢ᠂ ᠵᠠᠷᠤᠬᠤ ᠳᠤ ᠪᠦᠬᠡ ᠪᠠᠶᠢᠳᠠᠭ᠃ ᠬᠠᠰᠢ ᠶᠠᠰᠢ ᠪᠠᠷ ᠬᠤᠷᠳᠤᠨ ᠳᠠᠷᠤᠬᠤ ᠶᠢ ᠶᠠᠭᠠᠷᠠᠪᠠᠯ᠂ ᠰᠠᠭᠰᠤᠨ ᠢᠷᠮᠡᠭ ᠨᠢ ᠬᠠᠨ᠎ᠠ ᠠᠴᠠ ᠪᠠᠨ ᠰᠠᠯᠤᠨ ᠳᠡᠭᠳᠡᠵᠦ᠂ ᠦᠵᠡᠬᠦ ᠳᠤ ᠦᠵᠡᠮᠵᠢ ᠦᠭᠡᠢ ᠮᠦᠷᠳᠡᠭᠡᠨ ᠵᠠᠷᠤᠳᠠᠯ ᠳᠠᠭᠠᠭᠠᠬᠤ ᠦᠭᠡᠢ ᠰᠤᠪᠤᠷᠠᠵᠤ ᠤᠷᠷᠠᠭᠳᠠᠳᠠᠭ᠃   ᠰᠠᠭᠰᠤᠨ ᠤ ᠪᠠᠨ ᠢᠷᠮᠡᠭ ᠢ ᠳᠠᠷᠤᠵᠤ ᠪᠠᠷᠠᠭᠰᠠᠨ ᠤ ᠪᠠᠨ ᠳᠠᠷᠠᠭ᠎ᠠ ᠬᠦᠷᠦᠯᠬᠡ ᠪᠤᠯᠤᠨ ᠨᠤᠭᠤᠰᠤᠨ ᠤ ᠪᠠᠨ ᠤᠷᠤᠢ ᠶᠢ ᠳᠠᠰᠤᠳᠠᠨ ᠠᠪᠤᠨ᠎ᠠ᠃ ᠰᠠᠭᠰᠤᠨ ᠤ ᠪᠠᠨ ᠰᠠᠨᠵᠢ ᠶᠢᠨ ᠭᠤᠤᠯ ᠠᠴᠠ ᠳᠡᠬᠦᠵᠢᠯᠡᠨ ᠦᠵᠡᠵᠦ᠂ ᠨᠢᠬᠡ ᠳᠡᠰᠢ ᠬᠠᠵᠠᠶᠢᠵᠦ ᠬᠠᠶᠢᠪᠠᠶᠢᠵᠤ ᠪᠠᠶᠢᠪᠠᠯ ᠬᠢᠰᠬᠢᠨ ᠳᠠᠳᠠᠵᠤ ᠳᠡᠩᠴᠡᠬᠦᠷᠢᠳᠠᠢ ᠪᠤᠯᠭᠠᠭᠠᠳ ᠨᠠᠷᠠᠨ ᠳᠤ ᠡᠯᠬᠦᠵᠦ ᠬᠠᠳᠠᠭᠠᠨ᠎ᠠ᠃   ᠠᠷᠭᠠᠯ ᠤᠨ ᠰᠠᠭᠰᠤ ᠶᠢ ᠵᠠᠷᠢᠮ ᠬᠦᠮᠦᠨ ᠡᠳᠤᠷ ᠲᠤ ᠬᠤᠶᠠᠷ ᠢ ᠠᠭᠠᠵᠢᠭᠤᠬᠠᠨ ᠤᠶᠠᠴᠢᠬᠠᠳᠠᠭ᠃ ᠬᠠᠰᠢᠷ ᠭᠠᠷ ᠪᠤᠯ ᠡᠳᠤᠷ ᠲᠤ ᠭᠤᠷᠪᠠ ᠶᠢ ᠤᠶᠠᠨ᠎ᠠ ᠭᠡᠳᠡᠭ᠃   ᠠᠷᠭᠠᠯ ᠤᠨ ᠰᠠᠭᠰᠤ ᠶᠢᠨ ᠶᠡᠭᠡ ᠪᠠᠭ᠎ᠠ ᠨᠢ ᠮᠥᠨ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ᠃ ᠠᠷᠭᠠᠯ ᠤᠨ ᠤᠪᠤᠭ᠎ᠠ ᠠᠴᠠ ᠪᠠᠨ ᠠᠷᠭᠠᠯ ᠵᠦᠭᠡᠭᠡᠬᠦ ᠳᠤ ᠬᠡᠷᠡᠭᠯᠡᠬᠦ ᠰᠠᠭᠰᠤ ᠨᠢ ᠳᠠᠷᠤᠢ ᠨᠢᠬᠡ ᠠᠯᠳᠠ ᠦᠨᠳᠦᠷ ᠮᠤᠳᠤ ᠪᠠᠷ ᠰᠠᠨᠵᠢ ᠬᠢᠭᠰᠡᠨ ᠰᠠᠭᠰᠤ ᠪᠠᠶᠢᠵᠦ᠂ ᠭᠡᠭᠡᠷ᠎ᠠ ᠳᠠᠯ᠎ᠠ ᠠᠴᠠ ᠬᠠᠭᠤᠷᠠᠢ ᠠᠷᠭᠠᠯ ᠢ ᠳᠠᠮᠨᠠᠬᠤ ᠳᠤ ᠬᠡᠷᠡᠭᠯᠡᠬᠦ ᠠᠷᠭᠠᠯ ᠤᠨ ᠰᠠᠭᠰᠤ ᠶᠢ ᠵᠢᠷᠭᠤᠭᠠᠨ ᠳᠤᠬᠤᠢ ᠦᠨᠳᠦᠷ ᠮᠤᠳᠤ ᠪᠠᠷ ᠳᠠᠨᠵᠢ ᠬᠢᠵᠦ ᠬᠦᠷᠦᠳᠡᠭ᠃   ᠠᠷᠭᠠᠯ ᠤᠨ ᠰᠠᠭᠰᠤ ᠶᠢ ᠪᠠᠰᠠ ᠬᠡᠳᠤᠨ ᠶᠠᠩᠵᠤ ᠪᠠᠷ ᠬᠦᠷᠦᠳᠡᠭ᠃ ᠵᠢᠱᠢᠶᠡᠯᠡᠪᠡᠯ᠄ ᠮᠤᠬᠤᠷ ᠰᠠᠭᠰᠤ ︵ᠰᠠᠨᠵᠢ ᠦᠭᠡᠢ︶᠂ ᠨᠡᠮᠡᠬᠦᠷᠢ ᠰᠠᠨᠵᠢ ᠲᠠᠢ ᠰᠠᠭᠰᠤ᠂ ᠮᠤᠬᠤᠷ ᠲᠦᠷᠪᠡᠯᠵᠢᠨ ᠰᠠᠭᠰᠤ᠂ ᠪᠠᠭᠠᠰᠤᠨ ᠰᠠᠭᠰᠤ ᠵᠡᠷᠭᠡ ᠪᠠᠶᠢᠳᠠᠭ᠃ ᠮᠤᠬᠤᠷ ᠰᠠᠭᠰᠤ ᠶᠢ ᠮᠥᠨ ᠳᠡᠭᠡᠷᠡᠬᠢ ᠠᠷᠭ᠎ᠠ ᠪᠠᠷ ᠬᠦᠷᠦᠨ᠎ᠠ᠃ ᠰᠡᠨᠵᠢ ᠬᠢᠬᠦ ᠦᠭᠡᠢ ᠪᠠᠷ ᠬᠦᠷᠦᠭᠰᠡᠨ ᠠᠴᠠ ᠮᠤᠬᠤᠷ ᠰᠠᠭᠰᠤ ᠶᠢᠨ ᠨᠡᠷ᠎ᠠ ᠤᠯᠤᠭᠰᠠᠨ ᠶᠤᠮ᠃ ᠮᠤᠬᠤᠷ ᠰᠠᠭᠰᠤ ᠶᠢ ᠬᠦᠷᠦᠬᠦ ᠳᠤ ᠰᠡᠨᠵᠢ ᠲᠠᠢ ᠰᠠᠭᠰᠤ ᠠᠴᠠ  ᠪᠠᠨ ᠠᠮᠠᠷ ᠪᠠᠶᠢᠳᠠᠭ᠃ ᠵᠠᠷᠤᠳᠠᠯ ᠦᠭᠡᠢ ᠦᠶ᠎ᠠ ᠳᠤ ᠬᠤᠷᠢᠶᠠᠬᠤ ᠳᠤ ᠴᠡᠪᠡᠷᠬᠡᠨ᠂ ᠰᠤᠭᠰᠤᠷᠠᠭᠤᠨ ᠳᠠᠯᠪᠢᠬᠤ ᠳᠤ ᠭᠠᠵᠠᠷ ᠳᠡᠮᠡᠢ ᠡᠵᠡᠯᠡᠬᠦ ᠦᠭᠡᠢ ᠪᠠᠶᠢᠳᠠᠭ᠃   ᠮᠤᠬᠤᠷ ᠰᠠᠭᠰᠤ ᠶᠢ ᠭᠤᠤᠯᠳᠠᠭᠤ᠂ ᠳᠡᠪᠢᠬᠦᠷᠯᠡᠭᠰᠡᠨ ᠠᠷᠭᠠᠯ ᠢ ᠴᠢᠳᠬᠤᠵᠤ ᠳᠡᠷᠭᠡᠨ ᠳᠤ ᠳᠡᠭᠡᠭᠡᠬᠦ᠂ ᠬᠠᠭᠤᠷᠠᠢ ᠠᠷᠭᠠᠯ ᠢ ᠪᠤᠷᠤᠭᠠᠨ ᠠᠴᠠ ᠳᠠᠯᠳᠠᠯᠠᠵᠤ ᠰᠠᠪᠠᠯᠠᠵᠤ ᠬᠤᠷᠢᠶᠠᠬᠤ᠂ ᠳᠤᠯᠭ᠎ᠠ ᠶᠢᠨ ᠬᠠᠵᠠᠭᠤ ᠳᠤ ᠠᠷᠭᠠᠯ ᠰᠠᠪᠠᠯᠠᠵᠤ ᠬᠡᠷᠡᠭᠯᠡᠬᠦ ᠳᠤ ᠬᠡᠷᠡᠭᠯᠡᠳᠡᠭ᠃ ᠨᠡᠮᠡᠬᠦᠷᠢ ᠰᠡᠨᠵᠢ ᠲᠠᠢ ᠰᠠᠭᠰᠤ ᠭᠡᠳᠡᠭ ᠨᠢ ᠳᠠᠷᠤᠢ ᠰᠠᠭᠰᠤ ᠪᠠᠨ ᠮᠤᠬᠤᠷ ᠢᠶᠠᠷ ᠬᠦᠷᠦᠬᠡᠳ ᠬᠤᠵᠢᠮ ᠨᠢ ᠰᠠᠶ᠋ᠢ ᠰᠡᠨᠵᠢ ᠳᠠᠭᠠᠷᠠᠭᠤᠯᠤᠭᠰᠠᠨ ᠰᠠᠭᠰᠤ ᠶᠢ ᠬᠡᠯᠡᠳᠡᠭ᠃   ᠰᠠᠭᠰᠤᠨ ᠰᠡᠨᠵᠢ ᠪᠠᠨ ᠪᠡᠯᠡᠳᠬᠡᠵᠦ ᠠᠪᠴᠢᠷᠠᠭᠠᠳᠤᠢ ᠪᠤᠶᠤ ᠮᠠᠳᠠᠭᠠᠳᠤᠢ ᠦᠶ᠎ᠠ ᠳᠤ ᠰᠠᠭᠰᠤᠨ ᠪᠤᠷᠭᠠᠰᠤ ᠪᠠᠨ ᠨᠢᠬᠡᠨᠳᠡ ᠰᠤᠩᠭᠤᠵᠤ ᠠᠪᠴᠢᠷᠠᠭᠰᠠᠨ ᠪᠠᠶᠢᠪᠠᠯ ᠪᠤᠷᠭᠠᠰᠤ ᠪᠠᠨ ᠬᠠᠳᠠᠭᠠᠵᠤ ᠭᠡᠭᠡᠭᠦ ᠪᠠᠨ ᠬᠠᠶᠢᠷᠠᠯᠠᠵᠤ᠂ ᠤᠷᠢᠳᠡᠪᠡᠷ ᠮᠤᠬᠤᠷ ᠰᠠᠭᠰᠤ ᠪᠠᠨ ᠤᠶᠠᠴᠢᠬᠠᠳᠠᠭ᠃ ᠰᠡᠬᠦᠯᠡᠷ ᠨᠢ ᠰᠡᠨᠵᠢ ᠪᠠᠨ ᠵᠠᠰᠠᠵᠤ᠂ ᠰᠠᠭᠰᠤᠨ ᠤ ᠪᠠᠨ ᠨᠤᠭᠤᠰᠤ ᠪᠠᠨ ᠳᠤᠭᠠᠯᠠᠨ ᠬᠤᠶᠠᠷ ᠬᠠᠭᠠᠰᠠᠯᠠᠵᠤ᠂ ᠭᠤᠤᠯ ᠬᠤᠶᠠᠷ ᠨᠤᠭᠤᠰᠤ ᠶᠢ ᠳᠠᠭᠠᠭᠤᠯᠵᠤ᠂ ᠰᠡᠨᠵᠢ ᠪᠠᠨ ᠪᠠᠷᠢᠵᠦ ᠤᠶᠠᠳᠠᠭ᠃   ᠰᠡᠨᠵᠢ ᠲᠠᠢ ᠰᠠᠭᠰᠤ ᠶᠢᠨ ᠰᠡᠨᠵᠢ ᠨᠢ ᠨᠢᠬᠡᠨᠳᠡ ᠬᠤᠭᠤᠷᠠᠴᠢᠬᠠᠭᠰᠠᠨ ᠪᠠᠶᠢᠪᠠᠯ ᠮᠥᠨ ᠨᠡᠮᠡᠬᠦᠷᠢ ᠰᠠᠨᠵᠢ ᠭᠡᠵᠤ ᠬᠡᠷᠡᠭᠯᠡᠳᠡᠭ᠃   ᠲᠦᠷᠪᠡᠯᠵᠢᠨ ᠠᠷᠭᠠᠯ ᠤᠨ ᠰᠠᠭᠰᠤ ᠶᠢ ᠠᠷᠤᠭ ᠤᠨ ᠰᠠᠭᠰᠤ ᠲᠠᠢ ᠠᠳᠠᠯᠢ ᠪᠠᠷ ᠢᠷᠤᠭᠠᠷ ᠢ ᠨᠢ ᠭᠠᠷᠭᠠᠵᠤ᠂ ᠭᠡᠷᠡᠭᠴᠡᠭᠡ ᠶᠢᠨ ᠢᠶᠠᠨ ᠬᠡᠮᠵᠢᠶ᠎ᠠ ᠪᠠᠷ ᠶᠡᠭᠡ ᠪᠠᠭ᠎ᠠ ᠪᠠᠨ ᠳᠤᠭᠳᠠᠭᠠᠵᠤ ᠬᠦᠷᠦᠳᠡᠭ᠃ ᠲᠦᠷᠪᠡᠯᠵᠢᠨ ᠠᠷᠭᠠᠯ ᠤᠨ ᠰᠠᠭᠰᠤ ᠶᠢ ᠭᠤᠤᠯᠳᠠᠭᠤ ᠬᠡᠷ ᠡᠷᠤᠬᠡ ᠳᠤᠳᠤᠷᠠᠬᠢ ᠬᠢᠰᠠ ᠵᠤᠤᠬᠠᠨ ᠤ ᠪᠠᠨ ᠳᠡᠷᠭᠡᠳᠡ ᠠᠷᠭᠠᠯ ᠬᠢᠵᠦ ᠳᠠᠯᠪᠢᠬᠤ ᠳᠤ ᠬᠡᠷᠡᠭᠯᠡᠳᠡᠭ᠃ ᠳᠤᠳᠤᠷ᠎ᠠ ᠠᠴᠠ ᠨᠢ ᠦᠬᠡᠷ ᠤᠨ ᠰᠢᠩᠭᠡᠨ ᠪᠠᠭᠠᠰᠤ ᠪᠠᠷ ᠬᠡᠳᠤ ᠤᠳᠠᠭ᠎ᠠ ᠰᠢᠪᠠᠵᠤ ᠬᠠᠳᠠᠭᠠᠭᠠᠳ ᠵᠠᠷᠤᠪᠠᠯ ᠳᠤᠩ ᠴᠡᠪᠡᠷ ᠪᠠᠶᠢᠳᠠᠭ᠃   ᠦᠬᠡᠷ ᠤᠨ ᠨᠤᠶᠢᠳᠠᠨ ᠪᠠᠭᠠᠰᠤ ᠶᠢ ᠰᠠᠪᠠᠯᠠᠵᠤ ᠵᠦᠭᠡᠭᠡᠪᠤᠷᠢᠯᠡᠬᠦ ᠰᠠᠭᠰᠤ ᠶᠢ ᠬᠦᠮᠦᠰ ᠪᠠᠭᠠᠰᠤᠨ ᠰᠠᠭᠰᠤ ᠭᠡᠵᠤ ᠠᠷᠭᠠᠯ ᠤᠨ ᠰᠠᠭᠰᠤ ᠠᠴᠠ ᠪᠠᠨ ᠵᠢᠵᠢᠭᠬᠡᠨ ᠬᠦᠷᠦᠵᠦ ᠬᠡᠷᠡᠭᠯᠡᠳᠡᠭ᠃ ᠬᠢᠳᠡᠳ ᠤᠨ ᠬᠡᠷᠡᠭᠯᠡᠳᠡᠭ ᠰᠢᠷᠤᠢ ᠶᠢᠨ ᠰᠠᠭᠰᠤ  ᠠᠴᠠ ᠪᠠᠭ᠎ᠠ ᠶᠡᠬᠡᠬᠡᠨ ᠰᠢᠭ ᠢᠶᠠᠷ ᠪᠦᠳᠦᠬᠦᠨ ᠪᠤᠷᠭᠠᠰᠤ ᠪᠠᠷ ᠬᠦᠷᠦᠨ᠎ᠠ᠃   ᠪᠠᠭᠠᠰᠤᠨ ᠰᠠᠭᠰᠤᠨ ᠤ ᠰᠡᠨᠵᠢ ᠶᠢ ᠮᠥᠨ ᠨᠢᠬᠡ ᠠᠯᠳᠠ ᠦᠨᠳᠦᠷ ᠮᠤᠳᠤ ᠪᠠᠷ ᠵᠠᠰᠠᠵᠤ ᠬᠢᠳᠡᠭ ᠪᠤᠯᠪᠠᠴᠤ ᠠᠷᠭᠠᠯ  ᠤᠨ ᠰᠠᠭᠰᠤ ᠶᠢᠨ ᠢᠶᠠᠨ ᠪᠦᠳᠦᠬᠦᠨ ᠢᠶᠠᠷ ᠮᠠᠳᠠᠵᠤ ᠬᠢᠨ᠎ᠠ᠃ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢ ᠮᠥᠨ ᠠᠷᠭᠠᠯ ᠤᠨ ᠰᠠᠭᠰᠤ ᠶᠢᠨ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠠᠴᠠ ᠬᠤᠯᠠ ᠪᠦᠳᠦᠬᠦᠨ᠂ ᠰᠠᠪᠬᠠᠨ ᠤ ᠳᠤᠮᠳᠠ ᠦᠵᠦᠬᠦᠷ ᠤᠨ ᠬᠢᠷᠢ ᠪᠦᠳᠦᠬᠦᠨ ᠪᠤᠷᠭᠠᠰᠤ ᠪᠠᠷ ᠬᠦᠷᠦᠳᠡᠭ᠃   ᠪᠠᠭᠠᠰᠤᠨ ᠰᠠᠭᠰᠤ ᠶᠢ ᠬᠦᠷᠦᠬᠦ ᠳᠤ ᠨᠢᠯᠬ᠎ᠠ ᠪᠤᠷᠭᠠᠰᠤ ᠪᠤᠶᠤ ᠰᠠᠯᠠᠭ᠎ᠠ ᠪᠠᠷ ᠬᠦᠷᠦᠳᠡᠭ ᠦᠭᠡᠢ᠂ ᠬᠠᠷᠢᠨ ᠨᠠᠷᠢᠨ ᠪᠢᠷᠠᠭᠤᠨ ᠬᠦᠬᠡ ᠪᠤᠷᠭᠠᠰᠤ᠂ ᠤᠯᠠᠭᠠᠨ ᠪᠤᠷᠭᠠᠰᠤ᠂ ᠰᠢᠷ᠎ᠠ ᠪᠤᠷᠭᠠᠰᠤ᠂ ᠬᠠᠶᠢᠯᠠᠰᠤᠨ ᠪᠤᠳᠠ ᠶᠢᠨ ᠰᠠᠯᠠᠭ᠎ᠠ᠂ ᠭᠡᠶᠢᠰᠪᠤᠷᠢ ᠭᠠᠷᠤᠭᠰᠠᠨ ᠵᠤᠯᠵᠠᠭ᠎ᠠ ᠤᠳᠠ᠂ ᠢᠯᠠᠮ᠎ᠠ ᠶᠢᠨ ᠰᠠᠯᠠᠭ᠎ᠠ᠂ ᠢᠮᠠᠭᠠᠨ ᠡᠪᠡᠷ᠂ ᠬᠤᠨᠭ᠍ᠭᠤᠷᠴᠤᠭᠳᠤ ᠮᠤᠳᠤ ᠵᠡᠷᠭᠡ ᠪᠠᠷ ᠬᠦᠷᠦᠨ᠎ᠠ᠃   ᠪᠠᠭᠠᠰᠤᠨ ᠰᠠᠭᠰᠤ ᠶᠢᠨ ᠢᠷᠤᠭᠠᠷ ᠢ ᠠᠷᠭᠠᠯ ᠤᠨ ᠰᠠᠭᠰᠤ ᠶᠢᠨ ᠢᠷᠤᠭᠠᠷ ᠰᠢᠭ᠋ ᠲᠦᠷᠪᠡᠨ ᠢᠵᠢ ᠨᠤᠭᠤᠰᠤ ᠶᠢ ᠳᠠᠪᠬᠤᠷᠯᠠᠵᠤ ᠬᠦᠷᠦᠬᠦ ᠨᠢ ᠴᠦᠬᠡᠨ᠃ ᠪᠤᠷᠭᠠᠰᠤ ᠨᠢ ᠪᠦᠳᠦᠬᠦᠨ ᠤᠴᠢᠷ ᠠᠴᠠ ᠢᠷᠤᠭᠠᠷ ᠵᠤᠵᠠᠭᠠᠷᠠᠬᠤ ᠠᠴᠠ ᠬᠢᠴᠢᠶᠡᠵᠦ᠂ ᠬᠤᠶᠠᠷ ᠢᠵᠢ ᠨᠤᠭᠤᠰᠤ ᠶᠢ ᠰᠤᠯᠢᠪᠴᠠᠭᠤᠯᠤᠨ ᠳᠠᠪᠬᠤᠷᠯᠠᠵᠤ ᠤᠷᠢᠶᠠᠭᠠᠳ᠂ ᠳᠡᠷᠡ ᠳᠠᠷᠤᠢ ᠨᠤᠭᠤᠰᠤ  ᠪᠠᠨ ᠰᠠᠯᠭᠠᠨ ᠬᠦᠷᠦᠵᠦ ᠡᠬᠢᠯᠡᠳᠡᠭ᠃   ᠪᠠᠭᠠᠰᠤᠨ ᠰᠠᠭᠰᠤᠨ ᠤ ᠨᠤᠭᠤᠰᠤ ᠨᠢ ᠶᠠᠷᠤ ᠠᠴᠠ ᠠᠷᠪᠠᠨ ᠵᠢᠷᠭᠤᠭᠠᠨ ᠨᠤᠭᠤᠰᠤ ᠠᠴᠠ ᠭᠡᠳᠦᠷᠡᠬᠦ ᠦᠭᠡᠢ ᠪᠠᠶᠢᠳᠠᠭ᠃ ᠢᠷᠤᠭᠠᠷ ᠤᠨ ᠳᠠᠯᠠᠪᠠᠢ ᠶᠢᠨ ᠬᠦᠨᠳᠡᠯᠡᠨ ᠤᠭᠳᠤᠯᠤᠭᠠᠰᠤ ᠶᠢᠨ ᠤᠷᠳᠤ ᠶᠢ ᠨᠢᠬᠡ ᠳᠤᠬᠤᠢ ᠪᠠᠶᠢᠯᠭᠠᠵᠤ᠂ ᠨᠠᠯᠤᠪᠴᠢ ᠪᠤᠰᠤᠭ᠎ᠠ ᠬᠠᠨ᠎ᠠ ᠶᠢᠨ ᠦᠨᠳᠦᠷ ᠨᠢ ᠲᠦᠬᠡ ᠢᠯᠡᠬᠦᠦ ᠪᠤᠯ ᠪᠤᠯᠴᠢᠬᠠᠳᠠᠭ᠃    ᠪᠠᠭᠠᠰᠤᠨ ᠰᠠᠭᠰᠤᠨ ᠤ ᠢᠷᠮᠡᠭ ᠢ ᠠᠷᠭᠠᠯ ᠤᠨ ᠰᠠᠭᠰᠤᠨ ᠤ ᠢᠷᠮᠡᠭ ᠲᠠᠢ ᠠᠳᠠᠯᠢ ᠳᠠᠷᠤᠳᠠᠭ ᠦᠭᠡᠢ᠃ ᠨᠢᠬᠡ ᠤᠷᠳᠤ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠪᠠᠷ ᠨᠤᠭᠤᠰᠤ ᠪᠤᠯᠭᠠᠨ ᠲᠠᠢ ᠳᠠᠮᠤᠵᠤ ᠬᠦᠷᠦᠨ᠎ᠠ᠃ ᠭᠡᠪᠡᠴᠤ ᠬᠤᠶᠠᠳᠤᠭᠠᠷ ᠨᠤᠭᠤᠰᠤ ᠠᠴᠠ ᠡᠬᠢᠯᠡᠭᠡᠳ ᠡᠮᠤᠨᠡᠬᠢ ᠨᠤᠭᠤᠰᠤ ᠪᠠᠨ ᠳᠤᠳᠤᠭᠰᠢ ᠮᠤᠰᠬᠢᠨ ᠳᠠᠷᠤᠵᠤ ᠬᠠᠶᠠᠭᠠᠳ᠂ ᠪᠤᠰᠤᠭ᠎ᠠ ᠨᠤᠭᠤᠰᠤ ᠲᠠᠢ ᠪᠠᠨ ᠳᠠᠮᠤᠵᠤ ᠤᠷᠢᠶᠠᠨ᠂ ᠤᠷᠤᠢ ᠶᠢ ᠳᠤᠳᠤᠭᠰᠢ ᠬᠠᠨᠳᠤᠭᠤᠯᠤᠨ ᠬᠠᠶᠠᠭᠠᠳ ᠶᠠᠪᠤᠳᠠᠭ᠃ ᠶᠠᠭ ᠯᠠ ᠤᠯᠠᠨ ᠮᠦᠰᠦ ᠲᠠᠢ ᠳᠡᠭᠡᠰᠤ ᠰᠢᠭ ᠤᠷᠢᠶᠠᠯᠳᠤᠨ ᠦᠵᠡᠭᠳᠡᠳᠡᠭ᠃ ᠠᠷᠭᠠᠯ ᠤᠨ ᠰᠠᠭᠰᠤ ᠶᠢᠨ ᠢᠷᠮᠡᠭ ᠰᠢᠭ ᠳᠠᠷᠤᠪᠠᠯ ᠰᠠᠭᠰᠤᠨ ᠤ ᠢᠷᠮᠡᠭ ᠨᠢ ᠨᠢᠬᠡᠮᠦᠰᠦᠨ ᠪᠦᠳᠦᠷᠡᠭᠡᠳ ᠦᠵᠡᠮᠵᠢ ᠦᠭᠡᠢ ᠰᠠᠭᠰᠤ ᠪᠤᠯᠳᠠᠭ᠃   ᠪᠠᠭᠠᠰᠤᠨ ᠰᠠᠭᠰᠤ ᠪᠠᠷ ᠭᠤᠤᠯᠳᠠᠭᠤ ᠰᠢᠨ᠎ᠠ ᠪᠠᠭᠠᠰᠤ᠂ ᠨᠤᠶᠢᠳᠠᠨ ᠪᠠᠭᠠᠰᠤ ᠶᠢ ᠵᠦᠭᠡᠭᠡᠵᠦ ᠭᠠᠷᠭᠠᠬᠤ ᠳᠤ ᠬᠡᠷᠡᠭᠯᠡᠳᠡᠭ᠃   ᠠᠷᠤᠭ ᠤᠨ ᠰᠠᠭᠰᠤ   ᠠᠷᠤ ᠳᠡᠬᠡᠷ᠎ᠠ ᠪᠠᠨ ᠡᠬᠦᠷᠴᠤ᠃ ᠠᠷᠭᠠᠯ ᠳᠡᠬᠦᠨ ᠰᠠᠪᠠᠯᠠᠳᠠᠭ᠂ ᠳᠡᠭᠡᠭᠰᠢ ᠪᠠᠨ ᠰᠠᠷᠪᠠᠭ᠂ ᠳᠤᠷᠤᠭᠰᠢ ᠪᠠᠨ ᠱᠤᠳᠤᠭ ᠲᠦᠷᠪᠡᠯᠵᠢᠨ ᠰᠠᠭᠰᠤ ᠶᠢ ᠠᠷᠤᠭ ᠤᠨ ᠰᠠᠭᠰᠤ ᠭᠡᠳᠡᠭ᠃   ᠠᠷᠤᠭ ᠤᠨ ᠰᠠᠭᠰᠤᠨ ᠤ ᠢᠷᠤᠭᠠᠷ ᠨᠢ ᠤᠷᠳᠤ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ ᠪᠠᠶᠢᠳᠠᠭ᠃ ᠢᠷᠤᠭᠠᠷ ᠤᠨ ᠦᠷᠬᠡᠨ  ᠨᠢ ᠨᠢᠬᠡ ᠳᠤᠬᠤᠢ᠂ ᠤᠷᠳᠤ ᠨᠢ ᠳᠤᠬᠤᠢ ᠬᠠᠭᠠᠰ ᠪᠠᠶᠢᠳᠠᠭ᠃ ᠳᠡᠬᠡᠷ᠎ᠠ ᠠᠮᠠᠰᠠᠷ ᠨᠢ ᠢᠷᠤᠭᠠᠷ ᠢᠶᠠᠨ ᠶᠡᠬᠡᠰᠭᠡᠭᠰᠡᠨ ᠤᠷᠳᠤ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ᠃ ᠳᠡᠭᠡᠷ᠎ᠠ ᠠᠮᠠᠰᠠᠷ ᠤᠨ ᠤᠷᠳᠤ ᠨᠢ ᠨᠢᠬᠡ ᠮᠧᠲᠷ᠂ ᠦᠷᠬᠡᠨ ᠨᠢ ᠬᠤᠶᠠᠷ ᠳᠤᠬᠤᠢ ᠪᠠᠶᠢᠵᠦ᠂ ᠪᠤᠰᠤᠭ᠎ᠠ ᠴᠡᠭᠡᠯ ᠤᠨ ᠬᠦᠨ ᠨᠢ ᠨᠢᠬᠡ ᠮᠧᠲᠷ ᠪᠠᠶᠢᠳᠠᠭ᠃   ᠠᠷᠤᠭ ᠤᠨ ᠰᠠᠭᠰᠤ ᠶᠢᠨ ᠢᠷᠤᠭᠠᠷ ᠢ ᠠᠷᠭᠠᠯ ᠤᠨ ᠰᠠᠭᠰᠤ ᠢ ᠰᠢᠭ᠋ ᠨᠤᠭᠤᠰᠤ ᠶᠢ ᠳᠠᠪᠬᠤᠷᠯᠠᠨ ᠬᠤᠯᠪᠤᠵᠤ ᠬᠦᠷᠦᠵᠦ ᠭᠠᠷᠭᠠᠬᠤ ᠪᠢᠰᠢ ᠬᠠᠷᠢᠨ ᠨᠤᠭᠤᠰᠤ ᠶᠢ ᠠᠳᠠᠯᠢ ᠵᠠᠢ ᠪᠠᠷ ᠵᠡᠷᠭᠡᠴᠡᠬᠦᠯᠦᠨ ᠬᠡᠯᠬᠢᠵᠦ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠪᠠᠨ ᠰᠢᠷᠭᠤᠭᠤᠯᠤᠨ ᠬᠦᠷᠦᠵᠦ ᠭᠠᠷᠭᠠᠨ᠎ᠠ᠃    ᠶᠠᠭᠤᠨ ᠤ ᠡᠮᠤᠨ᠎ᠠ ᠨᠢᠬᠡ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢ ᠪᠠᠯᠪᠠᠷᠠᠭᠤᠯᠤᠨ ᠮᠤᠰᠬᠢᠵᠦ᠂ ᠠᠷᠤᠭ ᠤᠨ ᠰᠠᠭᠰᠤ ᠶᠢᠨ ᠢᠷᠤᠭᠠᠷ ᠤᠨ ᠤᠷᠳᠤ ᠶᠢᠨ ᠬᠡᠮᠵᠢᠶ᠎ᠠ ᠪᠠᠷ ᠬᠦᠶᠦᠯᠬᠡᠨ ᠳᠠᠮᠤᠵᠤ ᠭᠠᠵᠠᠷ ᠳᠠᠯᠪᠢᠨ᠎ᠠ᠃ ᠪᠢᠳᠡᠬᠦᠦ ᠭᠤᠭᠴᠤᠭ᠎ᠠ ᠸᠴᠠ  ᠨᠢ ᠡᠬᠢᠯᠡᠭᠡᠳ ᠰᠤᠩᠭᠤᠨ ᠭᠠᠷᠭᠠᠭᠰᠠᠨ ᠨᠤᠭᠤᠰᠤ ᠪᠤᠷᠭᠠᠰᠤ ᠠᠴᠠ ᠲᠦᠷᠪᠡ ᠶᠢ ᠰᠤᠩᠭᠤᠵᠤ᠂ ᠬᠤᠶᠠᠷ ᠢ ᠨᠢ ᠤᠷᠢᠳᠡᠪᠡᠷ ᠪᠦᠭᠰᠡ ᠪᠠᠷ ᠨᠢ ᠰᠢᠷᠭᠤᠭᠤᠯᠵᠤ ᠤᠷᠤᠭᠤᠯᠤᠨ᠎ᠠ᠃ ᠳᠠᠬᠢᠭᠠᠳ ᠬᠤᠶᠠᠷ ᠨᠤᠭᠤᠰᠤᠨ ᠪᠤᠷᠭᠠᠰᠤ ᠶᠢᠨ ᠢᠶᠠᠨ ᠪᠦᠭᠰᠡ ᠶᠢ ᠡᠰᠡᠷᠬᠦᠯᠡᠨ ᠵᠦᠷᠢᠬᠦᠯᠵᠦ ᠵᠠᠭᠠᠭᠯᠠᠨ ᠰᠢᠷᠭᠤᠭᠤᠯᠵᠤ ᠵᠡᠷᠭᠡᠴᠡᠬᠦᠯᠦᠨ᠎ᠠ᠃ ᠨᠤᠭᠤᠰᠤᠨ ᠪᠤᠷᠭᠠᠰᠤ ᠶᠢᠨ ᠵᠦᠷᠢᠬᠦᠯᠬᠦ ᠭᠡᠮᠵᠢᠶ᠎ᠠ ᠶᠢ ᠳᠠᠷᠤᠢ ᠢᠷᠤᠭᠠᠷ ᠤᠨ ᠦᠷᠬᠡᠨ ᠤ ᠨᠢᠭᠡ ᠳᠤᠬᠤᠢ ᠪᠠᠷ ᠬᠡᠮᠵᠢᠶᠡᠯᠡᠳᠡᠭ᠃   ᠳᠠᠷᠠᠭ᠎ᠠ ᠶᠢᠨ ᠢᠵᠢ ᠨᠤᠭᠤᠰᠤ ᠶᠢ ᠮᠥᠨ ᠳᠤᠰ ᠠᠷᠭ᠎ᠠ ᠪᠠᠷ ᠨᠢᠬᠡ ᠬᠤᠷᠤᠭᠤ ᠵᠠᠶᠢᠴᠢᠯᠠᠵᠤ ᠳᠤᠬᠢᠷᠠᠭᠤᠯᠤᠨ᠎ᠠ᠃ ᠪᠠᠷᠤᠭ ᠠᠷᠪᠠ ᠠᠴᠠ ᠠᠷᠪᠠᠨ ᠬᠤᠶᠠᠷ ᠢᠵᠢ ᠨᠤᠭᠤᠰᠤ ᠤᠷᠤᠳᠠᠭ᠃ ᠳᠠᠤᠬᠤᠷ ᠳᠤᠭ᠎ᠠ ᠪᠠᠷ ᠨᠤᠭᠤᠰᠤᠯᠠᠨ᠎ᠠ᠃    ᠨᠤᠭᠤᠰᠤ ᠪᠠᠨ ᠰᠢᠷᠭᠤᠭᠤᠯᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠨᠤᠭᠤᠰᠤ ᠶᠢᠨ ᠭᠡᠯᠬᠢᠶᠡᠰᠤ ᠶᠢ ᠳᠠᠭᠠᠭᠤᠯᠵᠤ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠪᠠᠷ ᠢᠶᠠᠨ ᠬᠦᠷᠦᠨ᠎ᠠ᠃ ᠮᠦᠨᠴᠤ ᠨᠢᠬᠡ ᠡᠷᠬᠦᠵᠦ ᠨᠢᠬᠡ ᠳᠠᠷᠤᠬᠤ ᠠᠷᠭ᠎ᠠ ᠪᠠᠷ ᠭᠡᠯᠬᠢᠶᠡᠰᠤ  ᠶᠢᠨ ᠬᠤᠶᠠᠷ ᠳᠠᠯ᠎ᠠ ᠶᠢ ᠬᠦᠬᠡᠬᠡᠵᠦ ᠬᠦᠷᠦᠨ᠎ᠠ᠃ ᠨᠢᠬᠡ ᠳᠠᠯ᠎ᠠ ᠶᠢ ᠬᠦᠷᠦᠵᠦ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠨᠤᠭᠤᠰᠤᠨ  ᠤ ᠭᠡᠯᠬᠢᠶᠡᠰᠤ ᠶᠢ ᠠᠪᠴᠤ ᠬᠠᠶᠠᠭᠠᠳ ᠬᠦᠷᠦᠯᠬᠡ ᠶᠢᠨ ᠵᠢᠮ ᠢᠶᠠᠷ ᠢᠶᠠᠨ ᠬᠦᠷᠦᠳᠡᠭ᠃    ᠬᠠᠮᠤᠭ ᠡᠬᠢᠨ ᠤ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢᠨ ᠢᠶᠠᠨ ᠪᠦᠭᠰᠡ ᠶᠢ ᠭᠡᠯᠬᠢᠶᠡᠰᠤ ᠶᠢᠨ ᠦᠵᠦᠬᠦᠷ ᠭᠤᠭᠴᠤᠭ᠎ᠠ  ᠶᠢᠨ ᠨᠤᠭᠤᠰᠤᠨ ᠤ ᠳᠡᠭᠡᠷ᠎ᠠ ᠳᠠᠷᠤᠭᠤᠯᠵᠤ᠂ ᠬᠤᠶᠠᠳᠤᠭᠠᠷ ᠨᠤᠭᠤᠰᠤ ᠶᠢ ᠡᠷᠬᠦᠨ ᠬᠦᠷᠦᠬᠡᠳ᠂ ᠨᠦᠬᠦᠬᠡ ᠵᠠᠬ᠎ᠠ ᠶᠢᠨ ᠨᠤᠭᠤᠰᠤ ᠶᠢ ᠨᠢᠬᠡ ᠤᠷᠢᠶᠠᠭᠠᠳ ᠬᠡᠳᠡᠷᠬᠦᠦ ᠪᠠᠨ ᠬᠦᠷᠦᠵᠦ᠂ ᠪᠦᠭᠰᠡ ᠶᠢᠨ ᠢᠶᠠᠨ ᠳᠠᠷᠤᠵᠤ ᠪᠠᠶᠢᠭ᠎ᠠ ᠨᠤᠭᠤᠰᠤ ᠶᠢᠨ ᠳᠤᠤᠭᠤᠷ ᠰᠤᠩᠭᠠᠵᠤ ᠭᠠᠷᠭᠠᠨ᠎ᠠ᠃ ᠬᠤᠶᠠᠳᠤᠭᠠᠷ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢ ᠪᠠᠰᠠᠳᠤᠰ ᠳᠠᠯ᠎ᠠ ᠠᠴᠠ ᠡᠬᠢᠯᠡᠬᠦ ᠪᠤᠯᠪᠠᠴᠤ ᠤᠷᠢᠶᠠᠵᠤ ᠠᠪᠴᠢᠷᠠᠬᠤ ᠦᠭᠡᠢ᠂ ᠳᠤᠷᠰᠢ ᠳᠤ ᠨᠢ ᠭᠠᠷᠭᠠᠨ᠎ᠠ᠂ ᠭᠤᠷᠪᠠᠳᠤᠭᠠᠷ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ  ᠶᠢ ᠨᠦᠬᠦᠬᠡ ᠳᠠᠯ᠎ᠠ ᠠᠴᠠ ᠵᠠᠬ᠎ᠠ ᠶᠢᠨ ᠨᠤᠭᠤᠰᠤ ᠶᠢ ᠳᠠᠷᠤᠭᠤᠯᠤᠨ ᠬᠦᠷᠦᠵᠦ᠂ ᠪᠠᠰᠠ ᠤᠷᠢᠶᠠᠵᠤ ᠠᠪᠴᠢᠷᠠᠬᠤ ᠦᠭᠡᠢ ᠪᠠᠷ ᠳᠤᠷᠰᠢ ᠳᠤ ᠨᠢ ᠭᠠᠷᠭᠠᠨ᠎ᠠ᠃ ᠲᠦᠷᠪᠡᠳᠤᠬᠡᠷ ᠢ ᠮᠥᠨ ᠳᠤᠷᠰᠢ ᠳᠤ ᠨᠢ ᠭᠠᠷᠭᠠᠭᠰᠠᠨ ᠤ ᠳᠠᠷᠠᠭ᠎ᠠ ᠳᠠᠪᠤᠳᠤᠭᠠᠷ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢ ᠤᠷᠢᠶᠠᠵᠤ ᠠᠪᠴᠢᠷᠠᠭᠠᠳ ᠡᠬᠢᠯᠡᠭᠰᠡᠨ ᠳᠠᠯ᠎ᠠ ᠳᠤ ᠨᠢ ᠭᠠᠷᠭᠠᠨ᠎ᠠ᠃   ᠡᠨᠡ ᠮᠡᠳᠤ ᠪᠠᠷ ᠵᠤᠬᠢᠰ ᠢ ᠦᠵᠡᠵᠦ ᠬᠦᠷᠦᠬᠦ ᠨᠢ ᠳᠠᠷᠤᠢ ᠬᠦᠷᠦᠯᠭᠡ ᠶᠢᠨ ᠪᠤᠷᠭᠠᠰᠤ ᠪᠠᠨ ᠪᠤᠰᠬᠠᠵᠤ ᠨᠤᠭᠤᠰᠤ ᠪᠤᠯᠭᠠᠭᠤ ᠳᠤ ᠵᠠᠢ ᠨᠢ ᠳᠠᠩᠴᠡᠬᠦᠷᠢᠳᠠᠢ᠂ ᠬᠤᠶᠠᠷ ᠲᠤ ᠤᠷᠢᠶᠠᠵᠤ ᠪᠠᠶᠢᠭ᠎ᠠ ᠨᠢ ᠢᠷᠤᠭᠠᠷ ᠤᠨ ᠡᠷᠴᠢᠮ ᠢᠳᠡ ᠶᠢ ᠴᠢᠩᠭᠠᠷᠠᠭᠤᠯᠵᠤ ᠪᠠᠶᠢᠭ᠎ᠠ ᠶᠠᠪᠤᠳᠠᠯ ᠪᠤᠯᠤᠨ᠎ᠠ᠃   ᠭᠡᠯᠬᠢᠶᠡᠰᠤ ᠶᠢᠨ ᠨᠢᠬᠡ ᠳᠠᠯ᠎ᠠ ᠶᠢ ᠬᠦᠷᠦᠵᠦ ᠪᠠᠷᠠᠭᠰᠠᠨ ᠤ ᠳᠠᠷᠠᠭ᠎ᠠ ᠳᠤᠰ ᠭᠡᠯᠬᠢᠶᠡᠰᠤ ᠪᠠᠨ ᠠᠪᠤᠭᠠᠳ ᠬᠠᠶᠠᠴᠢᠬᠠᠳᠠᠭ᠃ ᠳᠡᠭᠡᠭᠡᠳ ᠳᠤᠮᠳᠠ ᠠᠴᠠ ᠨᠢ ᠨᠠᠰᠢ ᠬᠦᠷᠦᠯᠬᠡ ᠶᠢᠨ ᠵᠢᠮ ᠢᠶᠠᠨ ᠠᠯᠳᠠᠯ ᠦᠭᠡᠢ ᠬᠦᠷᠦᠵᠦ ᠳᠠᠭᠤᠰᠬᠠᠨ ᠢᠷᠤᠭᠠᠷ ᠢᠶᠠᠨ ᠭᠠᠷᠭᠠᠨ᠎ᠠ᠃   ᠠᠷᠤᠭ ᠤᠨ ᠰᠠᠭᠰᠤ ᠶᠢᠨ ᠢᠷᠤᠭᠠᠷ ᠢ ᠠᠷᠭᠠᠯ ᠤᠨ ᠰᠠᠭᠰᠤ ᠶᠢᠨ ᠢᠷᠤᠭᠠᠷ ᠰᠢᠭ᠋ ᠬᠦᠷᠪᠡᠬᠦᠯᠵᠦ ᠪᠠᠶᠢᠭᠠᠳ ᠨᠤᠭᠤᠰᠤ ᠶᠢ ᠨᠢ ᠪᠤᠰᠬᠠᠬᠤ ᠦᠭᠡᠢ᠃ ᠰᠢᠭᠤᠳ ᠨᠤᠭᠤᠰᠤ ᠪᠠᠨ ᠳᠡᠭᠡᠭᠰᠢ ᠪᠤᠰᠬᠠᠨ ᠳᠤᠭᠤᠷᠢᠭᠤᠯᠤᠨ ᠬᠦᠷᠦᠨ᠎ᠠ᠃    ᠲᠦᠷᠪᠡᠨ ᠳᠠᠯ᠎ᠠ ᠶᠢᠨ ᠨᠤᠭᠤᠰᠤ ᠶᠢ ᠳᠡᠭᠡᠭᠰᠢ ᠪᠤᠰᠬᠠᠨ ᠬᠤᠶᠠᠷ ᠬᠤᠶᠠᠷ ᠢᠶᠠᠷ ᠬᠤᠯᠪᠤᠨ ᠤᠶᠠᠨ᠎ᠠ᠃ ᠰᠠᠭᠤᠷᠢ ᠨᠤᠭᠤᠰᠤ ᠶᠢᠨ ᠬᠤᠭᠤᠷᠠᠬᠤ ᠠᠴᠠ ᠬᠢᠴᠢᠶᠡᠵᠦ᠂ ᠨᠢᠬᠡ ᠨᠢᠬᠡ ᠰᠠᠭᠤᠷᠢ ᠪᠠᠷ ᠨᠤᠬᠤᠯᠠᠨ ᠰᠢᠪᠳᠤᠷᠴᠤ᠂ ᠳᠠᠰᠬᠠᠵᠤ ᠪᠤᠰᠬᠠᠳᠠᠭ᠃   ᠠᠷᠤᠭ ᠤᠨ ᠨᠤᠭᠤᠰᠤ ᠪᠠᠨ ᠪᠤᠰᠬᠠᠵᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭ᠎ᠠ ᠨᠢᠭᠡ ᠦᠨᠴᠦᠭ ᠠᠴᠠ ᠨᠢ ᠡᠬᠢᠯᠡᠵᠦ ᠬᠦᠷᠦᠯᠬᠡ  ᠶᠢᠨ ᠪᠤᠷᠭᠠᠰᠤ ᠶᠢᠨ ᠢᠶᠠᠨ ᠪᠦᠭᠰᠡ ᠶᠢ ᠳᠤᠳᠤᠭᠰᠢ ᠬᠠᠳᠬᠤᠨ ᠬᠦᠷᠦᠵᠦ ᠡᠬᠢᠯᠡᠨ᠎ᠠ᠃ ᠮᠦᠨᠴᠤ ᠠᠷᠭᠠᠯ ᠤᠨ ᠰᠠᠭᠰᠤ ᠬᠦᠷᠦᠬᠦ ᠲᠠᠢ ᠠᠳᠠᠯᠢ ᠨᠢᠬᠡ ᠡᠷᠬᠦᠨ ᠨᠢᠬᠡ ᠳᠠᠷᠤᠵᠤ ᠳᠤᠭᠤᠷᠢᠭᠤᠯᠤᠨ ᠬᠦᠷᠦᠨ᠎ᠠ᠃ ᠨᠢᠬᠡ ᠮᠦᠷ ᠬᠦᠷᠦᠵᠦ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠠᠷᠤᠭ ᠤᠨ ᠰᠠᠭᠰᠤ ᠶᠢᠨ ᠶᠠᠩᠵᠤ ᠲᠦᠯᠦᠪ ᠨᠢ ᠭᠠᠷᠴᠢᠬᠠᠳᠠᠭ᠃ ᠮᠤᠳᠤᠨ ᠬᠠᠪᠳᠠᠰᠤ  ᠶᠢ ᠬᠤᠶᠠᠷ ᠨᠤᠭᠤᠰᠤ ᠶᠢᠨ ᠬᠤᠭᠤᠷᠤᠨᠳᠤ ᠳᠠᠯᠪᠢᠵᠦ᠂ ᠰᠦᠬᠡ ᠪᠠᠷ ᠢᠶᠠᠨ ᠳᠠᠷᠤᠵᠤ ᠴᠤᠬᠢᠨ ᠬᠦᠷᠦᠯᠬᠡ ᠶᠢᠨ ᠰᠠᠭᠤᠳᠠᠯ ᠢ ᠴᠢᠩᠭᠠᠷᠠᠭᠤᠯᠤᠨ᠎ᠠ᠃ ᠰᠠᠭᠤᠷᠢ ᠨᠤᠭᠤᠰᠤ ᠪᠤᠯᠭᠠᠨ ᠢ ᠴᠦᠮ ᠭᠤᠷᠪᠠ ᠭᠤᠷᠪᠠᠨ ᠪᠤᠷᠭᠠᠰᠤ ᠲᠠᠢ ᠪᠤᠯᠭᠠᠨ ᠴᠡᠭᠴᠡᠯᠡᠨ᠎ᠠ᠃ ᠳᠡᠭᠡᠭᠰᠢ ᠳᠤᠬᠤᠢ ᠬᠠᠭᠠᠰ ᠬᠦᠷᠦᠭᠰᠡᠨ ᠤ ᠳᠠᠷᠠᠭ᠎ᠠ ᠪᠠᠭ᠎ᠠ ᠪᠠᠭ᠎ᠠ ᠪᠠᠷ ᠲᠦᠷᠪᠡᠨ ᠳᠡᠰᠢ ᠪᠠᠨ ᠰᠠᠷᠪᠠᠶᠢᠯᠭᠠᠨ ᠬᠦᠷᠦᠨ᠎ᠠ᠃ ᠬᠡᠯᠡᠯᠬᠡᠨ ᠦᠭᠡᠢ ᠨᠤᠭᠤᠰᠤ ᠰᠠᠯᠭᠠᠵᠤ ᠬᠦᠷᠦᠨ᠎ᠠ᠃ ᠳᠡᠭᠡᠭᠰᠢ ᠨᠢᠬᠡ ᠮᠧᠲᠷ ᠪᠤᠰᠤᠭ᠎ᠠ ᠬᠦᠷᠦᠪᠡᠯ ᠳᠠᠷᠤᠢ ᠬᠦᠷᠦᠯᠬᠡ ᠪᠠᠨ ᠵᠤᠭᠰᠤᠵᠤ ᠠᠷᠤᠭ ᠤᠨ ᠰᠠᠭᠰᠤ ᠶᠢᠨ ᠢᠷᠮᠡᠭ  ᠢ ᠳᠠᠷᠤᠨ᠎ᠠ᠃ ᠡᠩ ᠤᠨ ᠪᠠᠶᠢᠳᠠᠯ ᠳᠤᠤᠷ᠎ᠠ ᠠᠷᠤᠭ ᠤᠨ ᠢᠷᠮᠡᠭ ᠢ ᠴᠦᠮ ᠳᠠᠪᠬᠤᠷ ᠳᠠᠷᠤᠳᠠᠭ᠃   ᠲᠦᠡᠭᠰᠡᠨ ᠰᠠᠭᠰᠤ   ᠬᠠᠷ᠎ᠠ ᠪᠤᠳᠠᠭ᠎ᠠ ᠰᠠᠪᠠᠯᠠᠳᠠᠭ ᠳᠤᠮᠤ ᠭᠡᠭᠴᠢ ᠶᠢᠨ ᠬᠦᠷᠦᠮᠡᠯ ᠮᠤᠬᠤᠷ ᠰᠠᠭᠰᠤ ᠶᠢ ᠲᠦᠡᠭᠰᠡᠨ ᠰᠠᠭᠰᠤ ᠭᠡᠳᠡᠭ᠃ ᠲᠦᠨᠵᠡ ᠮᠤᠳᠤ ᠬᠡᠯᠪᠡᠷᠢ ᠲᠠᠢ ᠰᠠᠭᠰᠤ ᠭᠡᠵᠤ᠂ ᠲᠦᠨᠵᠢᠨ ᠰᠠᠭᠰᠤ ᠭᠡᠵᠤ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠲᠦᠡᠭᠰᠡ ᠪᠤᠯᠵᠤ ᠬᠡᠯᠡᠭᠳᠡᠵᠦ ᠵᠠᠩᠰᠢᠪᠠ᠃ ᠲᠦᠡᠭᠰᠡᠨ ᠰᠠᠭᠰᠤ ᠶᠢᠨ ᠪᠠᠭᠳᠠᠭᠠᠮᠵᠢ ᠶᠢ ᠳ᠋ᠠᠨ ᠪᠤᠳᠠᠭᠠᠨ ᠤ᠂ ᠬᠤᠶᠠᠷ ᠳ᠋ᠠᠨ ᠪᠤᠳᠠᠭᠠᠨ ᠤ᠂ ᠭᠤᠷᠪᠠᠨ ᠳ᠋ᠠᠨ ᠪᠤᠳᠠᠭᠠᠨ ᠤ ᠭᠡᠬᠦᠴᠢᠯᠡᠨ ᠬᠦᠷᠦᠨ᠎ᠠ᠃ ᠦᠪᠤᠡᠭ᠂ ᠬᠦᠮᠦᠷᠬᠡ ᠶᠢᠨ ᠢᠶᠠᠨ ᠡᠬᠦᠳᠡ ᠨᠢ ᠪᠠᠭᠳᠠᠬᠤ ᠦᠭᠡᠢ ᠪᠤᠯ ᠴᠤᠩᠬᠤ ᠪᠠᠷ ᠨᠢ ᠤᠷᠤᠭᠤᠯᠬᠤ ᠶᠠᠩᠵᠤ ᠪᠠᠷ ᠬᠦᠷᠦᠵᠦ᠂ ᠡᠬᠦᠳᠡ ᠴᠤᠩᠬᠤ ᠨᠢ ᠪᠦᠷ ᠪᠠᠭᠳᠠᠬᠤ ᠦᠭᠡᠢ ᠪᠤᠯ ᠬᠠᠪᠳᠠᠭᠠᠶᠢᠯᠠᠨ ᠬᠦᠷᠦᠨ᠎ᠠ᠃ ᠦᠬᠡᠷ᠎ᠠ ᠪᠠᠷ ᠬᠡᠯᠡᠪᠡᠯ ᠲᠦᠡᠭᠰᠡᠨ ᠰᠠᠭᠰᠤ ᠶᠢ ᠬᠤᠶᠠᠷ ᠶᠠᠩᠵᠤ ᠪᠠᠷ ᠬᠦᠷᠦᠨ᠎ᠠ᠃ ᠨᠢᠬᠡ ᠨᠢ ᠪᠦᠬᠡᠷᠡᠩᠭᠡᠢ ᠲᠦᠡᠭᠰᠡᠨ ᠰᠠᠭᠰᠤ᠂ ᠨᠦᠬᠦᠬᠡ ᠨᠢᠬᠡ ᠨᠢ ᠲᠦᠷᠪᠡᠯᠵᠢᠨ ᠲᠦᠡᠭᠰᠡᠨ ᠰᠠᠭᠰᠤ ᠪᠤᠯᠤᠨ᠎ᠠ᠃   ᠪᠦᠬᠡᠷᠡᠩᠭᠡᠢ ᠲᠦᠡᠭᠰᠡᠨ ᠰᠠᠭᠰᠤ ᠶᠢᠨ ᠢᠷᠤᠭᠠᠷ ᠢ ᠠᠷᠭᠠᠯ ᠤᠨ ᠰᠠᠭᠰᠤ ᠶᠢᠨ ᠢᠷᠤᠭᠠᠷ ᠲᠠᠢ ᠠᠯᠢ ᠬᠦᠷᠦᠨ᠎ᠠ᠃ ᠳᠡᠬᠦᠨ ᠢᠶᠠᠨ ᠶᠡᠬᠡᠰᠬᠡᠨ ᠬᠦᠷᠦᠬᠦ ᠳᠤᠳᠤᠮ ᠢᠶᠠᠨ ᠨᠤᠭᠤᠰᠤ ᠶᠢ ᠨᠢ ᠰᠠᠯᠭᠠᠵᠤ ᠬᠦᠷᠦᠨ᠎ᠠ᠃ ᠢᠷᠤᠭᠠᠷ ᠤᠨ ᠳᠤᠭᠤᠷᠢᠭ ᠤᠨ ᠬᠦᠨᠳᠡᠯᠡᠨ ᠤᠭᠳᠤᠯᠤᠭᠠᠰᠤ ᠶᠢᠨ ᠤᠷᠳᠤ ᠨᠢ ᠬᠤᠶᠠᠷ ᠳᠤᠬᠤᠢ ᠪᠤᠯᠪᠠᠯ ᠵᠢᠵᠢᠭ ᠲᠦᠡᠭᠰᠡ ᠰᠠᠭᠰᠤᠨ  ᠤ ᠢᠷᠤᠭᠠᠷ ᠤᠨ ᠬᠡᠮᠵᠢᠶ᠎ᠠ ᠬᠦᠷᠴᠤ᠂ ᠬᠦᠷᠴᠤ ᠪᠠᠶᠢᠭᠰᠠᠨ ᠢᠷᠤᠭᠠᠷ ᠢᠶᠠᠨ ᠨᠢᠬᠡ ᠬᠦᠷᠪᠡᠬᠦᠯᠵᠦ᠂ ᠨᠤᠭᠤᠰᠤ ᠶᠢ ᠨᠢ ᠪᠤᠰᠬᠠᠨ ᠬᠦᠷᠦᠨ᠎ᠠ᠃   ᠨᠤᠭᠤᠰᠤ ᠶᠢ ᠪᠤᠰᠬᠠᠬᠤ ᠳᠤ ᠪᠠᠨ ᠬᠡᠳᠤ ᠬᠡᠳᠤᠨ ᠨᠤᠭᠤᠰᠤ ᠶᠢᠨ ᠤᠷᠤᠢ ᠶᠢ ᠨᠡᠶᠢᠯᠡᠬᠦᠯᠦᠨ ᠤᠶᠠᠵᠤ᠂ ᠡᠰᠡᠷᠬᠦᠦ ᠳᠠᠯ᠎ᠠ ᠶᠢᠨ ᠨᠤᠭᠤᠰᠤ ᠲᠠᠢ ᠬᠤᠯᠪᠤᠨ ᠤᠶᠠᠵᠤ ᠪᠤᠰᠬᠠᠬᠤ ᠠᠷᠭ᠎ᠠ ᠶᠢ ᠬᠡᠷᠡᠭᠯᠡᠨ᠎ᠠ᠃    ᠨᠢᠬᠡ ᠳᠤᠭᠤᠷᠢᠵᠦ ᠬᠦᠷᠦᠬᠡᠳ ᠢᠷᠡᠪᠡᠯ ᠪᠠᠷᠤᠭ ᠲᠦᠷᠪᠡᠨ ᠬᠤᠷᠤᠭᠤ ᠮᠦᠷ ᠦᠰᠳᠡᠭ᠃ ᠡᠨᠡ ᠦᠶ᠎ᠠ ᠳᠤ ᠨᠤᠭᠤᠰᠤ ᠪᠠᠨ ᠰᠠᠶᠢᠳᠤᠷ ᠳᠠᠩᠰᠠᠯᠠᠵᠤ ᠴᠡᠭᠴᠡᠯᠡᠨ᠂ ᠵᠦᠪ ᠪᠤᠷᠤᠭᠤ ᠳᠡᠰᠢ ᠨᠠᠶᠢᠭᠤᠭᠰᠠᠨ ᠢ ᠵᠠᠰᠠᠨ ᠡᠷᠭᠡᠪᠰᠢ ᠠᠰ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠬᠤ ᠶᠢ ᠱᠠᠭᠠᠷᠳᠠᠨ᠎ᠠ᠃ ᠨᠠᠷᠢᠳᠠᠭᠰᠠᠨ ᠨᠤᠭᠤᠰᠤ ᠶᠢᠨ ᠬᠠᠵᠠᠭᠤ ᠪᠠᠷ ᠪᠦᠳᠦᠬᠦᠨ ᠨᠤᠭᠤᠰᠤ ᠱᠠᠭᠠᠵᠤ᠂ ᠬᠤᠶᠠᠷ ᠨᠤᠭᠤᠰᠤ ᠶᠢᠨ ᠬᠤᠭᠤᠷᠤᠨᠳᠤ ᠮᠤᠳᠤᠨ ᠬᠠᠪᠳᠠᠰᠤ ᠳᠠᠯᠪᠢᠵᠦ ᠰᠦᠬᠡ ᠪᠠᠷ ᠢᠶᠠᠨ ᠴᠤᠬᠢᠨ ᠬᠦᠷᠦᠯᠬᠡ ᠶᠢᠨ ᠰᠠᠭᠤᠳᠠᠯ ᠢ ᠴᠢᠩᠭᠠᠷᠠᠭᠤᠯᠤᠨ᠎ᠠ᠃ ᠨᠢᠬᠡ ᠳᠤᠭᠤᠷᠢᠭᠤᠯᠵᠤ ᠬᠦᠷᠦᠪᠡᠯ ᠨᠢᠬᠡ ᠤᠳᠠᠭ᠎ᠠ ᠬᠦᠷᠦᠯᠬᠡ  ᠪᠠᠨ ᠴᠤᠬᠢᠵᠦ ᠴᠢᠩᠭᠠᠷᠠᠭᠤᠯᠪᠠᠯ ᠰᠠᠭᠤᠷᠢ ᠬᠠᠨ᠎ᠠ ᠴᠢᠩᠭ᠎ᠠ ᠪᠠᠬᠢ ᠰᠠᠭᠰᠤ ᠪᠤᠯᠳᠠᠭ᠃    ᠶᠠᠮᠠᠷᠴᠤ ᠲᠦᠡᠭᠰᠡᠨ ᠰᠠᠭᠰᠤ ᠶᠢ ᠳᠠᠪᠤᠨ ᠳᠤᠬᠤᠢ ᠠᠴᠠ ᠳᠡᠭᠡᠭᠰᠢ ᠬᠦᠷᠦᠳᠡᠭ ᠦᠭᠡᠢ᠃ ᠪᠠᠷᠤᠭ ᠴᠦᠮ ᠲᠦᠷᠪᠡᠨ ᠳᠤᠬᠤᠢ ᠪᠤᠶᠤ ᠲᠦᠷᠪᠡᠨ ᠳᠤᠬᠤᠢ ᠬᠠᠭᠠᠰ ᠦᠨᠳᠦᠷ ᠬᠦᠷᠦᠵᠦ ᠬᠡᠷᠡᠭᠯᠡᠳᠡᠭ᠃ ᠳᠡᠷᠡ ᠮᠠᠳᠠᠢ ᠬᠤᠳᠠᠢ  ᠲᠠᠢ ᠪᠤᠳᠠᠭ᠎ᠠ ᠡᠬᠦᠷᠴᠤ ᠴᠢᠳᠬᠤᠬᠤ ᠶᠢ ᠪᠤᠳᠤᠯᠬᠢᠯᠠᠵᠤ ᠪᠠᠶᠢᠭ᠎ᠠ ᠬᠡᠷᠡᠭ ᠶᠤᠮ᠃   ᠡᠶᠢᠮᠤᠷᠬᠦ ᠲᠦᠡᠭᠰᠡ ᠰᠠᠭᠰᠤᠨ ᠤ ᠢᠷᠮᠡᠭ ᠢ ᠤᠯᠠᠩᠭᠢ ᠬᠦᠮᠦᠰ ᠳᠠᠪᠬᠤᠷ ᠳᠠᠷᠤᠳᠠᠭ᠃ ᠳᠡᠷᠡ ᠨᠢ ᠰᠠᠮᠰᠠᠷᠠᠵᠤ ᠤᠷᠠᠭᠳᠠᠬᠤ ᠠᠴᠠ ᠬᠢᠴᠢᠶᠡᠵᠦ ᠰᠠᠭᠰᠤ ᠪᠠᠨ ᠬᠠᠶᠢᠷᠠᠯᠠᠵᠤ ᠪᠠᠶᠢᠭ᠎ᠠ ᠶᠠᠪᠤᠳᠠᠯ ᠪᠤᠯᠤᠨ᠎ᠠ᠃    ᠳᠠᠪᠬᠤᠷ ᠢᠷᠮᠡᠭ ᠭᠡᠳᠡᠭ ᠨᠢ ᠳᠠᠷᠤᠢ ᠬᠤᠶᠠᠷ ᠳᠠᠪᠬᠤᠷ ᠢᠷᠮᠡᠭ ᠳᠠᠷᠤᠬᠤ ᠶᠢ ᠭᠡᠯᠡᠵᠦ ᠪᠠᠶᠢᠨ᠎ᠠ᠃ ᠰᠠᠭᠰᠤᠨ ᠤ  ᠪᠠᠨ ᠨᠤᠭᠤᠰᠤ ᠶᠢ ᠬᠤᠶᠠᠷ ᠬᠠᠭᠠᠰᠯᠠᠵᠤ᠂ ᠤᠷᠢᠳᠡᠪᠡᠷ ᠨᠢᠬᠡ ᠬᠠᠭᠠᠰ ᠢᠶᠠᠷ ᠨᠢ ᠭᠤᠷᠪᠠᠨ ᠮᠦᠰᠦᠯᠡᠨ ᠢᠷᠮᠡᠭ ᠢᠶᠠᠨ ᠳᠠᠷᠤᠵᠤ ᠳᠠᠭᠤᠰᠬᠠᠨ᠎ᠠ᠃ ᠦᠯᠡᠳᠡᠭᠡᠵᠦ ᠳᠠᠯᠪᠢᠭᠰᠠᠨ ᠪᠤᠰᠤᠭ᠎ᠠ ᠨᠤᠭᠤᠰᠤ ᠪᠠᠨ ᠪᠠᠰᠠ ᠭᠤᠷᠪᠠᠨ ᠮᠦᠰᠦᠯᠡᠨ᠂ ᠳᠠᠩ ᠢᠷᠮᠡᠭ ᠤᠨ ᠢᠶᠠᠨ ᠳᠡᠬᠡᠷ᠎ᠠ ᠨᠢ ᠡᠷᠴᠢᠮᠯᠡᠨ ᠳᠠᠷᠤᠨ᠎ᠠ᠃   ᠳᠠᠪᠬᠤᠷ ᠢᠷᠮᠡᠭ ᠲᠠᠢ ᠰᠠᠭᠰᠤ ᠨᠢ ᠪᠠᠷᠤᠭᠳᠠᠢ ᠲᠦᠬᠦᠷᠡᠩ ᠪᠤᠳᠠᠭᠠᠨ ᠳᠤ ᠳᠡᠯᠪᠡᠷᠡᠳᠡᠭ ᠦᠭᠡᠢ᠂ ᠰᠠᠭᠰᠤᠨ ᠤ ᠲᠦᠷᠰᠦ ᠬᠤᠪᠢᠷᠠᠳᠠᠭ ᠦᠭᠡᠢ ᠶᠤᠮ᠃   ᠲᠦᠡᠭᠰᠡᠨ ᠰᠠᠭᠰᠤ ᠪᠠᠨ ᠬᠦᠷᠦᠵᠦ ᠪᠠᠷᠠᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠳᠤᠳᠤᠷ᠎ᠠ ᠦᠯᠡᠳᠡᠭᠰᠡᠨ ᠬᠦᠷᠦᠯᠬᠡ ᠶᠢᠨ ᠦᠵᠦᠬᠦᠷ  ᠢ ᠤᠭᠳᠤᠯᠤᠨ ᠴᠡᠪᠡᠷᠯᠡᠵᠦ ᠠᠪᠤᠭᠠᠳ᠂ ᠵᠢᠰᠢᠬᠦᠦ ᠬᠠᠵᠠᠭᠠᠢ ᠶᠢ ᠨᠢ ᠦᠵᠡᠵᠦ ᠵᠠᠯᠠᠵᠤ ᠵᠠᠰᠠᠨ ᠨᠠᠷᠠᠨ ᠳᠤ ᠬᠠᠳᠠᠭᠠᠨ᠎ᠠ᠃   ᠲᠦᠡᠭᠰᠡ ᠰᠠᠭᠰᠤᠨ ᠤ ᠨᠤᠭᠤᠰᠤ ᠪᠠ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠨᠢ ᠬᠦᠢᠴᠡᠳ ᠬᠠᠳᠠᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠦᠬᠡᠷ ᠤᠨ ᠰᠢᠩᠭᠡᠨ ᠪᠠᠭᠠᠰᠤ ᠪᠠᠷ ᠳᠤᠳᠤᠷ᠎ᠠ ᠳᠠᠯ᠎ᠠ ᠠᠴᠠ ᠨᠢ ᠪᠢᠯᠳᠡᠵᠦ ᠬᠠᠳᠠᠭᠠᠨ᠎ᠠ᠃ ᠠᠭᠠᠷᠠᠵᠤ ᠬᠠᠳᠠᠭᠰᠠᠨ ᠤ ᠳᠠᠷᠠᠭ᠎ᠠ ᠳᠠᠬᠢᠨ ᠨᠢᠬᠡ ᠤᠳᠠᠭ᠎ᠠ ᠵᠠᠭᠠᠭ ᠵᠠᠪᠰᠠᠷ ᠦᠭᠡᠢ ᠪᠤᠯᠳᠠᠯ᠎ᠠ ᠨᠠᠷᠢᠨ ᠨᠢᠬᠳᠠ ᠪᠢᠯᠳᠠᠵᠤ ᠰᠢᠪᠠᠨ᠎ᠠ᠃   ᠦᠬᠡᠷ ᠤᠨ ᠪᠠᠭᠠᠰᠤ ᠪᠠᠷ ᠲᠦᠡᠭᠰᠡᠨ ᠰᠠᠭᠰᠤ ᠪᠠᠨ ᠪᠢᠯᠳᠡᠵᠦ ᠰᠢᠪᠡᠪᠠᠯ ᠨᠢᠬᠡ ᠳᠤ ᠶᠠᠮᠠᠷᠴᠤ ᠬᠠᠷ᠎ᠠ ᠪᠤᠳᠠᠭ᠎ᠠ ᠰᠠᠪᠠᠯᠠᠭᠰᠠᠨ ᠴᠦ ᠭᠤᠭᠤᠵᠢᠬᠤ ᠦᠭᠡᠢ ᠪᠦᠬᠡᠳ ᠬᠤᠶᠠᠷ ᠲᠤ ᠶᠠᠮᠠᠷᠴᠤ ᠪᠤᠳᠠᠭ᠎ᠠ ᠰᠠᠪᠠᠯᠠᠭᠰᠠᠨ ᠴᠦ ᠬᠤᠷᠤᠬᠠᠶᠢᠳᠠᠬᠤ ᠦᠭᠡᠢ ᠪᠠᠶᠢᠳᠠᠭ᠃   ᠡᠬᠦᠨ ᠠᠴᠠ ᠶᠡᠭᠡ ᠲᠦᠡᠭᠰᠡᠨ ᠰᠠᠭᠰᠤ ᠶᠢ ᠴᠦ ᠳᠡᠭᠡᠷᠡᠬᠢ ᠲᠠᠢ ᠨᠢᠬᠡ ᠯᠠ ᠠᠳᠠᠯᠢ ᠪᠠᠷ ᠬᠦᠷᠦᠳᠡᠭ᠃ ᠭᠡᠪᠡᠴᠤ ᠬᠡᠳᠤᠢ ᠶᠡᠭᠡ ᠲᠦᠡᠭᠰᠡᠨ ᠰᠠᠭᠰᠤ ᠤᠶᠠᠪᠠᠯ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠪᠠᠨ ᠳᠡᠳᠤᠢ ᠪᠠᠷ ᠪᠦᠳᠦᠬᠦᠨ ᠢ ᠨᠢ ᠰᠤᠩᠭᠤᠳᠠᠭ᠃   ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠲᠦᠡᠭᠰᠡᠨ ᠰᠠᠭᠰᠤ ᠪᠠᠨ ᠬᠦᠮᠦᠰ ᠪᠠᠰᠠ ᠬᠠᠪᠳᠠᠭᠠᠢ ᠲᠦᠡᠭᠰᠡᠨ ᠰᠠᠭᠰᠤ ᠭᠡᠳᠡᠭ ᠶᠤᠮ᠃ ᠬᠠᠪᠳᠠᠭᠠᠢ ᠲᠦᠡᠭᠰᠡᠨ ᠰᠠᠭᠰᠤ ᠶᠢᠨ ᠢᠷᠤᠭᠠᠷ ᠢ ᠠᠷᠤᠭ ᠤᠨ ᠰᠠᠭᠰᠤᠨ ᠨᠢᠷᠤᠭᠠᠷ ᠲᠠᠢ ᠨᠢᠬᠡ ᠯᠠ ᠠᠳᠠᠯᠢ ᠡᠬᠢᠯᠡᠵᠦ ᠬᠦᠷᠦᠳᠡᠭ᠃   ᠬᠡᠳᠤᠢ ᠤᠷᠳᠤ ᠬᠡᠳᠤᠢ ᠦᠷᠬᠡᠨ ᠢᠶᠠᠷ ᠬᠦᠷᠦᠶ᠎ᠠ ᠭᠡᠵᠤ ᠪᠤᠳᠤᠵᠤ ᠪᠠᠶᠢᠪᠠᠯ ᠬᠡᠳᠤᠢ ᠤᠷᠳᠤ ᠪᠠᠨ ᠬᠤᠶᠠᠷ ᠪᠤᠷᠭᠠᠰᠤ ᠶᠢ ᠡᠷᠴᠢᠮᠯᠡᠨ ᠮᠤᠰᠬᠢᠵᠦ᠂ ᠦᠷᠬᠡᠨ ᠤ ᠭᠡᠮᠵᠢᠶ᠎ᠠ ᠪᠠᠷ ᠢᠶᠠᠨ ᠨᠤᠭᠤᠰᠤ ᠶᠢᠨ ᠢᠶᠠᠨ ᠪᠦᠭᠰᠡ ᠶᠢ ᠰᠤᠯᠢᠪᠴᠠᠭᠤᠯᠤᠨ ᠮᠤᠰᠬᠢᠶ᠎ᠠ ᠬᠡᠯᠬᠢᠶᠡᠰᠤᠨ ᠳᠤ ᠪᠠᠨ ᠰᠢᠷᠭᠤᠭᠤᠯᠤᠨ᠎ᠠ᠃ ᠬᠡᠯᠬᠢᠶᠡᠰᠤ ᠪᠤᠷᠭᠠᠰᠤ ᠶᠢᠨ ᠦᠨᠳᠦᠷ ᠨᠢ ᠬᠦᠢᠴᠡᠬᠦ ᠦᠭᠡᠢ ᠪᠤᠯ ᠪᠤᠷᠭᠠᠰᠤ ᠵᠠᠯᠭᠠᠵᠤ ᠬᠦᠷᠦᠨ᠎ᠠ᠃   ᠭᠡᠯᠬᠢᠶᠡᠰᠦᠯᠡᠭᠰᠡᠨ ᠨᠤᠭᠤᠰᠤ ᠲᠠᠢ ᠢᠷᠤᠭᠠᠷ ᠢᠶᠠᠨ ᠬᠦᠷᠦᠵᠦ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠬᠡᠳᠤᠨ ᠪᠤᠷᠭᠠᠰᠤ  ᠪᠠᠷ ᠲᠦᠷᠪᠡᠨ ᠳᠡᠰᠢ ᠠᠩᠭᠢᠯᠠᠭᠰᠠᠨ ᠨᠤᠭᠤᠰᠤ ᠶᠢ ᠳᠤᠭᠤᠷᠢᠭᠤᠯᠤᠨ ᠳᠤᠱᠠᠵᠤ ᠬᠦᠷᠦᠬᠡᠳ ᠨᠤᠭᠤᠰᠤ ᠪᠠᠨ ᠪᠤᠰᠬᠠᠨ᠎ᠠ᠃ ᠬᠦᠷᠦᠬᠦ ᠠᠷᠭ᠎ᠠ ᠨᠢ ᠳᠠᠷᠤᠢ ᠠᠷᠤᠭ ᠤᠨ ᠰᠠᠭᠰᠤ ᠲᠠᠢ ᠠᠳᠠᠯᠢ᠃ ᠨᠤᠭᠤᠰᠤ ᠶᠢᠨ ᠵᠠᠢ ᠪᠠᠨ ᠬᠤᠯᠠᠳᠠᠭᠤᠯᠬᠤ ᠦᠭᠡᠢ ᠯᠠ ᠪᠤᠯ ᠪᠠᠬᠢ ᠲᠦᠡᠭᠰᠡᠨ ᠰᠠᠭᠰᠤ ᠪᠤᠯᠳᠠᠭ ᠭᠡᠭᠴᠢ ᠶᠢ ᠬᠦᠮᠦᠰ ᠴᠦᠮ ᠰᠠᠶᠢᠨ ᠮᠡᠳᠡᠬᠦ ᠤᠴᠢᠷ ᠠᠴᠠ ᠨᠤᠭᠤᠰᠤ ᠪᠠᠨ ᠶᠡᠷᠤ ᠨᠢ ᠬᠤᠯᠠᠳᠠᠭᠤᠯᠤᠨ ᠵᠠᠶᠢᠳᠠᠭᠤᠯᠬᠤ ᠦᠭᠡᠢ ᠪᠦᠭᠡᠳ ᠠᠰᠬᠠᠨ ᠰᠠᠭᠤᠯᠭᠠᠨ ᠬᠦᠷᠦᠬᠦ ᠶᠢ ᠡᠷᠬᠢᠮᠯᠡᠳᠡᠭ᠃   ᠡᠶᠢᠮᠤᠷᠬᠦ ᠶᠡᠭᠡ ᠲᠦᠡᠭᠰᠡᠨ ᠰᠠᠭᠰᠤ ᠶᠢ ᠰᠤᠯᠢᠭᠠᠢ ᠡᠷᠴᠢ ᠲᠠᠢ ᠬᠦᠷᠦᠪᠡᠯ ᠪᠠᠬᠢ ᠭᠡᠵᠤ ᠵᠠᠷᠢᠮ ᠬᠦᠮᠦᠰ ᠰᠤᠯᠢᠭᠠᠢ  ᠪᠠᠷ ᠬᠦᠷᠦᠳᠡᠭ᠃ ᠦᠬᠡᠷ᠎ᠠ ᠪᠠᠷ ᠬᠡᠯᠡᠪᠡᠯ ᠰᠤᠯᠢᠭᠠᠢ ᠭᠠᠷ ᠢᠶᠠᠷ ᠢᠶᠠᠨ ᠰᠤᠯᠢᠭᠠᠢ ᠭᠠᠷ ᠤᠨ ᠴᠢᠭᠯᠡᠯ ᠢᠶᠠᠷ ᠬᠦᠷᠦᠳᠡᠭ᠃ ᠵᠠᠷᠢᠮ ᠬᠦᠮᠦᠰ ᠪᠠᠰᠠ ᠰᠤᠯᠢᠭᠠᠢ ᠪᠠᠷ ᠨᠢᠬᠡ ᠳᠤᠭᠤᠷᠢᠭᠤᠯᠵᠤ ᠬᠦᠷᠦᠪᠡᠯ ᠪᠠᠷᠠᠭᠤᠨ ᠢᠶᠠᠷ ᠨᠢᠬᠡ ᠳᠤᠭᠤᠷᠢᠭᠤᠯᠤᠨ ᠬᠦᠷᠦᠳᠡᠭ᠃ ᠢᠡᠭᠭᠢᠵᠦ ᠬᠦᠷᠦᠪᠡᠯ ᠨᠤᠭᠤᠰᠤ ᠵᠡᠬᠦᠨᠰᠢ ᠪᠠᠷᠠᠭᠤᠨᠰᠢ ᠨᠠᠶᠢᠭᠤᠬᠤ ᠦᠭᠡᠢ ᠪᠠᠶᠢᠵᠦ᠂ ᠲᠦᠡᠭᠰᠡᠨ ᠰᠠᠭᠰᠤ ᠨᠢ ᠢᠳᠡᠷᠡᠬᠦᠨ ᠪᠦᠭᠡ ᠪᠤᠯᠳᠠᠭ᠃   ᠡᠶᠢᠮᠤᠷᠬᠦ ᠬᠠᠪᠳᠠᠭᠠᠢ ᠲᠦᠡᠭᠰᠡᠨ ᠰᠠᠭᠰᠤ ᠶᠢᠨ ᠢᠶᠠᠨ ᠢᠷᠮᠡᠭ ᠢ ᠤᠯᠠᠩᠭᠢ ᠬᠦᠮᠦᠰ ᠴᠦᠮ ᠳᠠᠪᠬᠤᠷ ᠳᠠᠪᠬᠤᠷ ᠳᠠᠷᠤᠳᠠᠭ᠃ ᠬᠦᠷᠦᠵᠦ ᠳᠠᠭᠤᠰᠤᠭᠰᠠᠨ ᠤ ᠪᠠᠨ ᠳᠠᠷᠠᠭ᠎ᠠ ᠳᠤᠳᠤᠷᠠᠬᠢ ᠶᠢ ᠨᠢ ᠴᠡᠪᠡᠷᠯᠡᠬᠦ᠂ ᠬᠠᠳᠠᠭᠠᠬᠤ᠂ ᠰᠢᠪᠠᠭ᠋ᠤ  ᠳᠤ ᠬᠦᠷᠳᠡᠯ᠎ᠠ ᠪᠦᠬᠡᠷᠡᠩᠭᠡᠢ ᠲᠦᠡᠭᠰᠡᠨ ᠰᠠᠭᠰᠤ ᠲᠠᠢ ᠡᠬᠡᠬᠡ ᠠᠳᠠᠯᠢ ᠠᠯᠬᠤᠮ ᠢ ᠠᠪᠤᠨ᠎ᠠ᠃ ᠬᠡᠪᠡᠴᠤ ᠪᠤᠳᠠᠭ᠎ᠠ ᠰᠠᠪᠠᠯᠠᠬᠤ ᠠᠴᠠ ᠪᠠᠨ ᠡᠮᠤᠨ᠎ᠠ ᠬᠠᠪᠳᠠᠭᠠᠢ ᠡᠭᠴᠡ ᠬᠤᠶᠠᠷ ᠳᠠᠯ᠎ᠠ ᠶᠢ ᠠᠰ ᠪᠤᠰᠤᠭ᠎ᠠ ᠵᠠᠢ ᠶᠢ ᠨᠢ ᠬᠤᠪᠢᠷᠠᠭᠤᠯᠤᠯ ᠦᠭᠡᠢ ᠪᠠᠷ ᠬᠡᠳᠤ ᠬᠤᠯᠪᠤᠨ ᠤᠶᠠᠳᠠᠭ᠃ ᠳᠡᠷᠡ ᠨᠢ ᠬᠤᠶᠠᠷ ᠢᠷᠮᠡᠭ ᠠᠴᠠ ᠤᠶᠠᠵᠤ ᠬᠤᠯᠪᠤᠬᠤ ᠪᠢᠰᠢ ᠬᠠᠷᠢᠨ ᠢᠷᠮᠡᠭ ᠠᠴᠠ ᠳᠤᠷᠤᠭᠰᠢ ᠨᠢᠬᠡ ᠲᠦᠬᠡ ᠶᠢᠨ ᠵᠠᠢ ᠳᠤ ᠭᠠᠳᠠᠷ ᠳᠠᠯ᠎ᠠ ᠳᠤ ᠨᠢ ᠴᠢᠬᠳᠠ ᠬᠠᠪᠴᠢᠭᠤᠯᠵᠤ ᠬᠤᠯᠪᠤᠨ᠎ᠠ᠃   ᠡᠬᠡᠵᠢᠭ ᠤᠨ ᠰᠠᠭᠰᠤ   ᠳᠠᠷᠤᠭᠰᠠᠨ ᠡᠭᠡᠵᠢᠭ ᠢᠶᠠᠨ ᠬᠦᠪᠢᠵᠦ ᠳᠠᠯᠪᠢᠬᠤ ᠪᠤᠶᠤ ᠡᠰᠡᠬᠦᠯ᠎ᠠ ᠡᠬᠡᠷᠡᠭᠰᠡᠨ ᠡᠭᠡᠵᠢᠭ ᠢᠶᠠᠨ ᠬᠠᠵᠠᠭᠤᠯᠠᠨ ᠪᠤᠰᠬᠠᠵᠤ᠂ ᠡᠯᠬᠦᠨ ᠬᠠᠳᠠᠭᠠᠬᠤ ᠰᠠᠭᠰᠤ ᠶᠢ ᠡᠭᠡᠵᠢᠭ ᠤᠨ ᠰᠠᠭᠰᠤ ᠭᠡᠳᠡᠭ᠃   ᠡᠬᠡᠵᠢᠭ ᠤᠨ ᠰᠠᠭᠰᠤ ᠨᠢ ᠤᠷᠳᠤ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢᠳᠠᠢ᠃ ᠬᠠᠨ᠎ᠠ ᠶᠢᠨ ᠪᠤᠰᠤᠭ᠎ᠠ ᠨᠢ ᠳᠠᠪᠤᠨ ᠬᠤᠷᠤᠭᠤ  ᠠᠴᠠ ᠳᠠᠪᠠᠭ᠋ᠤ ᠦᠭᠡᠢ᠃ ᠤᠷᠳᠤ ᠬᠤᠶᠠᠷ ᠳᠠᠯ᠎ᠠ ᠶᠢᠨ ᠭᠤᠤᠯ ᠳᠤᠮᠳᠠ ᠨᠢ ᠮᠠᠳᠠᠭᠰᠠᠨ ᠰᠠᠨᠵᠢ ᠪᠠᠨ ᠳᠠᠭᠠᠷᠠᠭᠤᠯᠳᠠᠭ ᠃   ᠡᠭᠡᠵᠢᠭ ᠤᠨ ᠰᠠᠭᠰᠤᠨ ᠤ ᠢᠷᠤᠭᠠᠷ ᠢ ᠬᠠᠪᠳᠠᠭᠠᠢ ᠲᠦᠡᠭᠰᠡᠨ ᠰᠠᠭᠰᠤ ᠶᠢᠨ ᠢᠷᠤᠭᠠᠷ ᠲᠠᠢ ᠨᠢᠬᠡ ᠯᠠ ᠠᠳᠠᠯᠢ ᠬᠦᠷᠦᠨ᠎ᠠ᠃ ᠡᠩ ᠤᠨ ᠡᠭᠡᠵᠢᠭ ᠤᠨ ᠰᠠᠭᠰᠤᠨ ᠤ ᠢᠷᠤᠭᠠᠷ ᠤᠨ ᠦᠷᠬᠡᠨ ᠨᠢ ᠨᠢᠬᠡ ᠳᠤᠬᠤᠢ᠂ ᠤᠷᠳᠤ ᠨᠢ ᠬᠤᠶᠠᠷ ᠳᠤᠬᠤᠢ ᠪᠠᠶᠢᠳᠠᠭ᠃ ᠰᠠᠭᠠᠯᠢ ᠠᠷᠪᠢᠨ ᠠᠶᠢᠯ ᠤᠨ ᠬᠢᠨᠢ ᠡᠬᠦᠨ ᠠᠴᠠ ᠪᠠᠭ᠎ᠠ ᠶᠡᠭᠡ ᠰᠢᠭ ᠬᠦᠷᠦᠳᠡᠭ᠃   ᠡᠭᠡᠵᠢᠭ ᠤᠨ ᠰᠠᠭᠰᠤ ᠶᠢ ᠬᠤᠶᠠᠷ ᠶᠠᠩᠵᠤ ᠶᠢᠨ ᠪᠤᠷᠭᠠᠰᠤ ︵ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ︶ ᠪᠠᠷ ᠬᠦᠷᠦᠳᠡᠭ᠃ ᠨᠢᠬᠡ ᠨᠢ ᠬᠠᠯᠢᠰᠤ ᠲᠠᠢ ᠬᠦᠷᠦᠯᠬᠡ᠂ ᠨᠦᠬᠦᠬᠡ ᠨᠢ ᠬᠠᠯᠢᠰᠤ ᠦᠭᠡᠢ ᠴᠢᠭᠠᠮᠠᠯ ᠬᠦᠷᠦᠯᠬᠡ᠃   ᠰᠠᠭᠰᠤᠨ ᠪᠤᠷᠭᠠᠰᠤ ᠪᠠᠨ ᠠᠪᠤᠭᠠᠳ ᠨᠢᠬᠡᠨᠳᠡ ᠴᠠᠭ ᠨᠢ ᠤᠳᠠᠵᠤ ᠬᠠᠯᠢᠰᠤ ᠶᠢ ᠨᠢ ᠱᠠᠭᠠᠯᠠᠬᠤ ᠳᠤ ᠬᠦᠴᠢᠷ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠪᠠᠯ ᠬᠠᠯᠢᠰᠤ ᠲᠠᠢ ᠨᠢ ᠬᠦᠷᠦᠵᠦ᠂ ᠰᠢᠨᠡᠬᠡᠨ ᠠᠪᠴᠢᠷᠠᠵᠤ ᠳᠠᠷᠤᠢ ᠳᠤ ᠨᠢ ᠬᠦᠷᠦᠬᠦ ᠭᠡᠵᠤ ᠪᠠᠶᠢᠪᠠᠯ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢᠨ ᠢᠶᠠᠨ ᠨᠠᠪᠴᠢ ᠨᠠᠬᠢᠶ᠎ᠠ ᠶᠢ ᠨᠢ ᠠᠷᠢᠯᠭᠠᠮᠠᠭᠴᠠ ᠬᠠᠯᠢᠰᠤ ᠶᠢ ᠨᠢ ᠱᠠᠭᠠᠯᠤᠭᠠᠳ ᠬᠦᠷᠦᠨ᠎ᠠ᠃   ᠬᠠᠯᠢᠰᠤ ᠶᠢ ᠨᠢ ᠱᠠᠭᠠᠯᠤᠭᠰᠠᠨ ᠬᠦᠷᠦᠯᠬᠡ ᠪᠠᠷ ᠡᠬᠡᠵᠢᠭ ᠤᠨ ᠰᠠᠭᠰᠤ ᠬᠦᠷᠦᠪᠡᠯ ᠡᠬᠡᠵᠢᠭ ᠤᠨ ᠰᠠᠭᠰᠤ ᠨᠢ ᠤᠨᠴᠠ ᠴᠡᠪᠡᠷ ᠴᠡᠮᠴᠡᠬᠡᠷ ᠪᠦᠭᠡᠳ ᠳᠤᠩ ᠰᠠᠶᠢᠬᠠᠨ ᠦᠵᠡᠭᠳᠡᠳᠡᠭ᠃   ᠡᠭᠡᠵᠢᠭ ᠤᠨ ᠰᠠᠭᠰᠤᠨ ᠤ ᠢᠷᠮᠡᠭ ᠢ ᠬᠤᠶᠠᠷ ᠶᠠᠩᠵᠤ ᠪᠠᠷ ᠳᠠᠷᠤᠨ᠎ᠠ᠃ ᠨᠢᠬᠡ ᠨᠢ ᠠᠷᠭᠠᠯ ᠤᠨ ᠰᠠᠭᠰᠤᠨ ᠤ ᠢᠷᠮᠡᠭ ᠰᠢᠭ ᠭᠤᠷᠪᠠᠨ ᠮᠦᠰᠦᠯᠡᠨ ᠮᠤᠰᠬᠢᠨ ᠳᠠᠷᠤᠨ᠎ᠠ᠃ ᠨᠦᠬᠦᠬᠡ ᠨᠢᠬᠡ ᠨᠢ ᠡᠬᠦᠯᠡᠨ ᠬᠤᠸᠠᠷ᠂ ᠦᠯᠵᠠᠢ ᠵᠠᠩᠬᠢᠶ᠎ᠠ  ᠶᠢᠨ ᠬᠤᠸᠠᠷ ᠭᠠᠷᠭᠠᠵᠤ ᠰᠦᠯᠵᠢᠨ ᠳᠠᠷᠤᠨ᠎ᠠ᠃   ᠡᠬᠦᠯᠡᠨ ᠬᠤᠸᠠᠷ ᠭᠠᠷᠭᠠᠵᠤ ᠳᠠᠷᠤᠨ᠎ᠠ ᠭᠡᠭᠴᠢ ᠨᠢ ᠳᠠᠷᠤᠢ ᠳᠤᠷ᠎ᠠ ᠶᠢᠨ ᠨᠢᠬᠡ ᠰᠠᠭᠤᠷᠢ ᠨᠤᠭᠤᠰᠤ ᠪᠠᠨ ᠮᠤᠰᠬᠢᠬᠤ ᠦᠭᠡᠢ ᠪᠠᠷ ᠬᠦᠪ ᠬᠦᠡᠭᠭᠡᠨ ᠢᠶᠠᠷ ᠵᠡᠷᠭᠡᠯᠡᠨ ᠮᠠᠳᠠᠵᠤ᠂ ᠪᠠᠷᠠᠭᠤᠨ ᠳᠠᠯ᠎ᠠ ᠶᠢᠨ ᠨᠤᠭᠤᠰᠤ ᠶᠢᠨ ᠳᠤᠳᠤᠷ᠎ᠠ ᠳᠠᠯ᠎ᠠ ᠪᠠᠷ  ᠨᠢ ᠤᠷᠤᠭᠤᠯᠤᠨ ᠭᠠᠳᠠᠭᠰᠢ ᠪᠠᠨ ᠴᠢᠩᠭᠠᠨ ᠭᠠᠷᠭᠠᠨ᠎ᠠ᠃ ᠳᠠᠬᠢᠭᠠᠳ ᠬᠤᠶᠠᠳᠤᠭᠠᠷ ᠨᠤᠭᠤᠰᠤ ᠪᠠᠨ ᠳᠤᠰ ᠠᠷᠭ᠎ᠠ  ᠪᠠᠷ ᠮᠠᠳᠠᠵᠤ ᠴᠢᠩᠭᠠᠨ ᠭᠠᠷᠭᠠᠨ᠎ᠠ᠃ ᠡᠨᠡ ᠮᠡᠳᠤ ᠪᠠᠷ ᠪᠦᠬᠦ ᠨᠤᠭᠤᠰᠤ ᠶᠢ ᠴᠦᠮ ᠮᠡᠳᠡᠨ ᠳᠠᠷᠤᠵᠤ᠂ ᠬᠠᠮᠤᠭ ᠰᠡᠬᠦᠯᠴᠢ ᠶᠢᠨ ᠨᠤᠭᠤᠰᠤ ᠶᠢ ᠬᠠᠮᠤᠭ ᠡᠬᠢᠨ ᠤ ᠳᠠᠷᠤᠭᠰᠠᠨ ᠨᠤᠭᠤᠰᠤ ᠶᠢᠨ ᠳᠤᠳᠤᠷ᠎ᠠ ᠠᠴᠠ ᠨᠢ ᠭᠠᠳᠠᠭᠰᠢ ᠰᠢᠷᠭᠤᠭᠤᠯᠤᠨ ᠭᠠᠷᠭᠠᠵᠤ ᠳᠠᠳᠠᠨ᠎ᠠ᠃   ᠳᠠᠬᠢᠭᠠᠳ ᠳᠤᠷ᠎ᠠ ᠶᠢᠨ ᠨᠢᠬᠡ ᠨᠤᠭᠤᠰᠤ ᠠᠴᠠ ᠪᠠᠨ ᠡᠬᠢᠯᠡᠵᠦ ᠪᠠᠷᠠᠭᠤᠨ ᠳᠠᠯ᠎ᠠ ᠶᠢᠨ ᠨᠤᠭᠤᠰᠤ ᠶᠢᠨ ᠢᠶᠠᠨ ᠳᠤᠤᠭᠤᠷ ᠨᠢ ᠤᠷᠤᠭᠤᠯᠵᠤ ᠳᠡᠭᠡᠭᠰᠢ ᠪᠠᠨ ᠵᠢᠰᠢᠬᠦᠯᠦᠨ ᠳᠠᠳᠠᠵᠤ ᠭᠠᠷᠭᠠᠨ᠎ᠠ᠃ ᠬᠤᠶᠠᠳᠤᠭᠠᠷ ᠨᠤᠭᠤᠰᠤ ᠪᠠᠨ ᠮᠥᠨ ᠢᠡᠭᠭᠢᠵᠦ ᠳᠠᠳᠠᠵᠤ ᠭᠠᠷᠭᠠᠨ᠎ᠠ᠃ ᠪᠦᠬᠦ ᠨᠤᠭᠤᠰᠤ ᠪᠠᠨ ᠳᠠᠬᠢᠨ ᠴᠦᠮ ᠢᠡᠭᠭᠢᠵᠦ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠮᠠᠳᠠᠵᠤ᠂ ᠬᠠᠮᠤᠭ ᠰᠡᠬᠦᠯᠴᠢ ᠶᠢᠨ ᠨᠤᠭᠤᠰᠤ ᠶᠢ ᠬᠠᠮᠤᠭ ᠡᠬᠢᠨ ᠤ ᠳᠠᠷᠤᠭᠰᠠᠨ ᠨᠤᠭᠤᠰᠤ ᠶᠢᠨ ᠳᠤᠤᠷ᠎ᠠ ᠳᠠᠯ᠎ᠠ ᠪᠠᠷ ᠨᠢ ᠳᠡᠭᠡᠭᠰᠢ ᠰᠢᠷᠭᠤᠭᠤᠯᠤᠨ ᠭᠠᠷᠭᠠᠵᠤ᠂ ᠡᠬᠦᠯᠡᠨ ᠬᠤᠸᠠᠷ ᠤᠨ ᠢᠷᠮᠡᠭ ᠢᠶᠠᠨ ᠳᠡᠬᠦᠰᠬᠡᠨ᠎ᠠ᠃ ᠨᠤᠭᠤᠰᠤ ᠨᠢ ᠮᠥᠨ ᠳᠤᠩ ᠦᠨᠳᠦᠷ ᠪᠠᠶᠢᠪᠠᠯ ᠪᠠᠰᠠ ᠨᠢᠬᠡ ᠤᠳᠠᠭ᠎ᠠ ᠳᠤᠰ ᠠᠷᠭ᠎ᠠ ᠪᠠᠷ ᠢᠶᠠᠨ ᠳᠠᠷᠤᠭᠠᠳ᠂ ᠳᠠᠪᠬᠤᠷ ᠡᠬᠦᠯᠡᠨ ᠬᠤᠸᠠᠷ ᠲᠠᠢ ᠢᠷᠮᠡᠭ ᠳᠠᠷᠤᠳᠠᠭ᠃ ᠦᠨᠳᠡᠭᠡᠨ ᠰᠠᠭᠰᠤ ᠳᠠᠬᠢᠶᠠᠨ ᠦᠨᠳᠡᠭᠡ ᠴᠤᠭᠯᠠᠭᠤᠯᠬᠤ ᠪᠤᠶᠤ ᠳᠠᠬᠢᠶᠠᠨ ᠦᠨᠳᠡᠭᠡ ᠪᠠᠨ ᠰᠠᠪᠠᠯᠠᠨ ᠵᠦᠭᠡᠭᠡᠪᠤᠷᠢᠯᠡᠬᠦ ᠳᠤ ᠬᠡᠷᠡᠭᠯᠡᠬᠦ ᠵᠢᠵᠢᠭ ᠰᠠᠭᠰᠤ ᠶᠢ ᠦᠨᠳᠡᠭᠡᠨ ᠰᠠᠭᠰᠤ ᠭᠡᠳᠡᠭ᠃ ᠦᠨᠳᠡᠭᠡᠨ ᠰᠠᠭᠰᠤ ᠶᠢ ᠨᠠᠷᠢᠨ ᠪᠤᠷᠭᠠᠰᠤ ︵ᠨᠠᠷᠢᠨ ᠬᠦᠬᠡ ᠪᠤᠷᠭᠠᠰᠤ᠂ ᠨᠠᠷᠢᠨ ᠤᠯᠠᠨ ᠪᠤᠷᠭᠠᠰᠤ᠂ ᠨᠠᠷᠢᠨ ᠰᠢᠷ᠎ᠠ ᠪᠤᠷᠭᠠᠰᠤ᠂ ᠬᠠᠯᠢᠰᠤᠨ ᠮᠤᠳᠤᠨ ᠤ ᠨᠠᠷᠢᠨ ᠰᠠᠯᠠᠭ᠎ᠠ᠂ ᠢᠯᠠᠮ᠎ᠠ ᠶᠢᠨ ᠮᠤᠳᠤᠨ ᠤ ᠨᠠᠷᠢᠨ ᠰᠠᠯᠠᠭ᠎ᠠ︶ ᠪᠠᠷ ᠬᠦᠷᠦᠨ᠎ᠠ᠃ ᠦᠨᠳᠡᠬᠡᠨ ᠰᠠᠭᠰᠤᠨ ᠤ ᠢᠷᠤᠭᠠᠷ ᠢ ᠮᠥᠨ ᠠᠷᠭᠠᠯ ᠤᠨ ᠰᠠᠭᠰᠤᠨ ᠤ ᠢᠷᠤᠭᠠᠷ ᠲᠠᠢ ᠠᠳᠠᠯᠢ ᠭᠠᠷᠭᠠᠬᠤ ᠪᠦᠬᠡᠳ ᠵᠤᠬᠢᠷᠠᠭᠰᠠᠨ ᠰᠠᠶᠢᠬᠠᠨ ᠰᠠᠨᠵᠢ ᠳᠠᠭᠠᠷᠠᠭᠤᠯᠵᠤ ᠬᠦᠷᠦᠳᠡᠭ᠃ ᠦᠨᠳᠡᠭᠡᠨ ᠰᠠᠭᠰᠤᠨ ᠤ ᠢᠷᠤᠭᠠᠷ ᠢ ᠪᠠᠭ᠎ᠠ ᠵᠢᠵᠢᠭ ᠰᠢᠭ ᠭᠠᠷᠭᠠᠵᠤ᠂ ᠰᠠᠭᠰᠤᠨ ᠤ ᠪᠠᠨ ᠬᠠᠨ᠎ᠠ ᠪᠠᠨ ᠪᠠᠭ᠎ᠠ ᠰᠠᠷᠪᠠᠭ ᠮᠦᠷᠳᠡᠭᠡᠨ ᠪᠦᠮᠪᠦᠬᠡᠷ ᠬᠦᠷᠦᠳᠡᠭ᠃   ᠦᠨᠳᠡᠬᠡᠨ ᠰᠠᠭᠰᠤ ᠶᠢ ᠮᠥᠨ ᠬᠤᠶᠠᠷ ᠶᠠᠩᠵᠤ ᠶᠢᠨ ᠪᠤᠷᠭᠠᠰᠤ ᠪᠠᠷ ᠬᠦᠷᠦᠨ᠎ᠠ᠃ ᠨᠢᠬᠡ ᠨᠢ ᠬᠠᠯᠢᠰᠤ ᠲᠠᠢ ᠪᠤᠷᠭᠠᠰᠤ᠂ ᠨᠦᠬᠦᠬᠡ ᠨᠢ ᠬᠠᠯᠢᠰᠤ ᠶᠢ ᠨᠢ ᠱᠠᠭᠠᠯᠠᠭᠰᠠᠨ ᠪᠤᠷᠭᠠᠰᠤ᠂ ᠶᠠᠮᠠᠷ ᠪᠤᠷᠭᠠᠰᠤ ᠪᠠᠷ ᠬᠦᠷᠦᠭᠰᠡᠨ ᠴᠦ ᠳᠡᠷᠡ ᠨᠤᠭᠤᠰᠤ ᠶᠢ ᠵᠤᠬᠢᠰ ᠲᠠᠢ ᠰᠠᠶᠢᠬᠠᠨ ᠰᠠᠯᠭᠠᠳᠠᠭ᠃ ᠬᠦᠷᠦᠯᠬᠡ ᠶᠢᠨ ᠳᠤᠮᠳᠠ ᠪᠠᠨ ᠮᠥᠨ ᠰᠠᠨᠵᠢ ᠪᠠᠨ ᠤᠷᠢᠶᠠᠵᠤ ᠬᠦᠷᠦᠬᠦ ᠶᠢ ᠤᠮᠠᠷᠳᠠᠯ ᠦᠭᠡᠢ ᠪᠠᠶᠢᠵᠦ᠂ ᠰᠠᠨᠵᠢ ᠨᠠᠶᠢᠭᠤᠬᠤ ᠶᠢ ᠰᠡᠷᠭᠡᠶᠢᠯᠡᠳᠡᠭ᠃   ᠦᠨᠳᠡᠭᠡᠨ ᠰᠠᠭᠰᠤᠨ ᠤ ᠢᠷᠮᠡᠭ ᠢ ᠪᠠᠰᠠ ᠬᠤᠶᠠᠷ ᠶᠠᠩᠵᠤ ᠪᠠᠷ ᠳᠠᠷᠤᠨ᠎ᠠ᠃ ᠨᠢᠬᠡ ᠨᠢ ᠭᠤᠷᠪᠠᠨ ᠮᠦᠰᠦ ᠪᠠᠷ ᠮᠤᠰᠬᠢᠨ ᠳᠠᠷᠤᠵᠤ᠂ ᠨᠦᠬᠦᠬᠡ ᠨᠢᠬᠡ ᠤᠭᠠᠯᠵᠠᠯᠠᠨ ᠳᠠᠷᠤᠨ᠎ᠠ᠃ ᠳᠠᠷᠤᠬᠤ ᠠᠷᠭ᠎ᠠ ᠨᠢ ᠬᠡᠪᠡᠯ ᠳᠠᠷᠤᠢ ᠡᠭᠡᠵᠢᠭ ᠤᠨ ᠰᠠᠭᠰᠤᠨ ᠤ ᠢᠷᠮᠡᠭ ᠳᠠᠷᠤᠬᠤ ᠲᠠᠢ ᠠᠳᠠᠯᠢ ᠪᠠᠶᠢᠳᠠᠭ᠃   ᠦᠨᠳᠡᠭᠡᠨ ᠰᠠᠭᠰᠤ ᠶᠢ ᠪᠠᠰᠠ ᠮᠤᠳᠤᠨ ᠰᠠᠨᠵᠢ ᠦᠭᠡᠢ ᠪᠠᠷ ᠬᠦᠷᠦᠵᠦ᠂ ᠭᠡᠳᠤᠨ ᠨᠤᠭᠤᠰᠤ ᠪᠠᠷ ᠢᠶᠠᠨ ᠰᠠᠨᠵᠢ ᠪᠤᠯᠭᠠᠨ ᠤᠷᠠᠯᠠᠳᠠᠭ᠃ ᠳᠠᠷᠤᠢ ᠦᠨᠳᠡᠭᠡᠨ ᠰᠠᠭᠰᠤᠨ ᠤ ᠬᠠᠨ᠎ᠠ ᠪᠠᠨ ᠬᠦᠷᠦᠵᠦ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠢᠷᠮᠡᠭ ᠳᠠᠷᠤᠬᠤ ᠳᠤ ᠪᠠᠨ ᠡᠰᠡᠷᠬᠦᠯᠡᠨ ᠭᠤᠤᠯᠳᠠᠵᠤ ᠪᠠᠶᠢᠭ᠎ᠠ ᠬᠤᠶᠠᠷ ᠳᠠᠯ᠎ᠠ ᠶᠢᠨ ᠭᠤᠷᠪᠠᠨ ᠰᠠᠭᠤᠷᠢ ᠨᠤᠭᠤᠰᠤ ᠠᠴᠠ ᠪᠠᠨ ᠬᠤᠶᠠᠷ ᠬᠤᠶᠠᠷ ᠨᠤᠭᠤᠰᠤ ︵ᠪᠤᠷᠭᠠᠰᠤ︶ ᠦᠯᠡᠳᠡᠭᠡᠨ᠎ᠠ᠃ ᠡᠰᠡᠷᠬᠦᠦ ᠳᠡᠰᠡᠷᠬᠦᠦ ᠵᠢᠷᠭᠤᠭᠠᠨ ᠨᠤᠭᠤᠰᠤ ︵ᠪᠤᠷᠭᠠᠰᠤ ︶ ᠪᠠᠨ ᠬᠠᠷᠢᠯᠴᠠᠨ ᠰᠦᠯᠵᠢᠨ ᠳᠠᠮᠤᠭᠠᠳ᠂ ᠦᠵᠦᠬᠦᠷ ︵ᠤᠷᠤᠢ︶ ᠠᠴᠠ ᠨᠢ ᠢᠷᠮᠡᠭ ᠤᠨ ᠭᠠᠳᠠᠷ ᠳᠠᠯ᠎ᠠ ᠠᠴᠠ ᠳᠤᠳᠤᠷ ᠳᠠᠯ᠎ᠠ ᠤᠷᠤᠬᠤ ᠰᠢᠷᠭᠤᠭᠤᠯᠤᠨ ᠤᠷᠤᠭᠤᠯᠵᠤ᠂ ᠨᠢᠬᠡ ᠨᠢᠬᠡ ᠪᠠᠷ ᠬᠤᠭᠤᠯᠤᠯ ᠦᠭᠡᠢ ᠪᠠᠷ ᠪᠠᠯᠪᠠᠷᠠᠭᠤᠯᠤᠨ ᠮᠤᠰᠬᠢᠵᠦ ᠪᠠᠰᠠ ᠨᠢᠬᠡ ᠤᠷᠢᠶᠠᠭᠠᠳ᠂ ᠳᠠᠬᠢᠨ ᠳᠠᠮᠤᠭᠰᠠᠨ ᠰᠡᠨᠵᠢ ᠶᠢᠨ ᠳᠡᠭᠡᠷ᠎ᠠ ᠪᠠᠨ ᠤᠷᠢᠶᠠᠨ᠎ᠠ᠃ ᠳᠤᠰ ᠤᠷᠢᠶᠠᠯᠳᠠ ᠪᠠᠨ ᠵᠢᠭᠳᠡ ᠰᠠᠶᠢᠬᠠᠨ ᠤᠷᠢᠶᠠᠭᠰᠠᠨ ᠪᠠᠶᠢᠪᠠᠯ ᠬᠤᠶᠠᠷ ᠪᠤᠭᠤᠮᠢ ᠳᠡᠬᠡᠷ᠎ᠠ ᠨᠢ ᠤᠷᠢᠶᠠᠨ ᠤᠶᠠᠬᠤ  ᠠᠴᠠ ᠪᠢᠰᠢ ᠦᠬᠡᠷ᠎ᠠ ᠵᠠᠰᠠᠯᠳᠠ ᠬᠢᠬᠦ ᠦᠭᠡᠢ᠃ ᠭᠡᠷᠪᠡ ᠳᠠᠮᠤᠭᠰᠠᠨ ᠰᠠᠨᠵᠢ ᠨᠢ ᠦᠵᠡᠮᠵᠢ ᠦᠭᠡᠢ ᠪᠠᠶᠢᠪᠠᠯ ᠬᠡᠳᠤᠨ ᠪᠤᠷᠭᠠᠰᠤ ᠶᠢ ᠪᠠᠯᠪᠠᠷᠠᠭᠤᠯᠤᠨ ᠮᠤᠰᠬᠢᠵᠦ᠂ ᠪᠦᠬᠦᠨ ᠢ ᠨᠢᠬᠡ ᠤᠳᠠᠭ᠎ᠠ ᠳᠤᠷᠰᠢ ᠳᠤ ᠨᠢ ᠵᠠᠯᠭᠠᠵᠤ ᠤᠷᠢᠶᠠᠨ᠎ᠠ᠃   ᠵᠠᠷᠢᠮ ᠬᠦᠮᠦᠰ ᠦᠨᠳᠡᠬᠡᠨ ᠰᠠᠭᠰᠤᠨ ᠤ ᠪᠠᠨ ᠢᠷᠮᠡᠭ ᠢ ᠤᠭᠠᠯᠵᠠᠯᠠᠨ ᠳᠠᠷᠤᠭᠰᠠᠨ ᠪᠠᠶᠢᠪᠠᠯ ᠢᠷᠤᠭᠠᠷ ᠢ ᠨᠢ ᠪᠠᠰᠠ ᠭᠦᠪᠡᠬᠡᠯᠡᠨ ᠤᠭᠠᠯᠵᠠᠯᠠᠨ᠎ᠠ᠃ ᠢᠡᠭᠭᠢᠪᠡᠯ ᠵᠢᠵᠢᠭ ᠦᠨᠳᠡᠭᠡᠨ ᠰᠠᠭᠰᠤ ᠨᠢ ᠨᠡᠩ ᠦᠵᠡᠮᠵᠢ ᠲᠠᠢ ᠪᠤᠯᠳᠠᠭ᠃   ᠬᠦᠷᠦᠵᠦ ᠪᠠᠷᠠᠭᠰᠠᠨ ᠦᠨᠳᠡᠭᠡᠨ ᠰᠠᠭᠰᠤ ᠶᠢᠨ ᠢᠶᠠᠨ ᠢᠷᠤᠭᠠᠷ ᠢ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠪᠠᠬᠢᠯᠡᠵᠦ᠂ ᠢᠷᠤᠭᠠᠷ  ᠤᠨ ᠬᠦᠪᠡᠭᠡ ᠶᠢ ᠳᠤᠭᠤᠷᠢᠭᠤᠯᠤᠨ ᠨᠤᠭᠤᠰᠤ ᠶᠢ ᠳᠠᠭᠠᠭᠤᠯᠵᠤ᠂ ᠳᠤᠬᠤᠢ ᠢᠯᠡᠬᠦᠦ ᠬᠤᠶᠠᠷ ᠳᠤᠬᠤᠢ ᠶᠢᠨ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢ ᠨᠤᠭᠤᠰᠤ ᠪᠤᠯᠭᠠᠨ ᠱᠠᠭᠠᠵᠤ ᠤᠷᠤᠭᠤᠯᠤᠨ᠎ᠠ᠃ ᠳᠠᠷᠠᠭ᠎ᠠ ᠨᠢ ᠳᠠᠷᠤᠢ ᠳᠠᠷᠤᠢ ᠡᠬᠦᠯᠡᠨ ᠬᠤᠸᠠᠷ ᠲᠠᠢ ᠤᠭᠠᠯᠵᠠᠨ ᠢᠷᠮᠡᠭ ᠳᠠᠷᠤᠬᠤ ᠠᠷᠭ᠎ᠠ ᠪᠠᠷ ᠢᠶᠠᠨ ᠰᠦᠯᠵᠢᠨ ᠬᠦᠷᠦᠨ᠎ᠠ᠃    ᠫᠤᠯᠤ   ᠬᠠᠭᠤᠷᠤᠭᠰᠠᠨ ᠪᠤᠳᠠᠭ᠎ᠠ ᠪᠠᠨ ᠳᠡᠯᠬᠡᠬᠡᠨ ᠬᠠᠳᠠᠭᠠᠬᠤ ᠪᠤᠶᠤ ᠢᠡᠭ ᠬᠦᠯᠦᠵᠦ ᠪᠤᠳᠠᠭ᠎ᠠ ᠴᠠᠶᠢᠯᠭᠠᠬᠤ ᠳᠤ ᠠᠭ᠎ᠠ ᠳᠡᠪᠢᠬᠦᠷᠳᠡᠬᠦ ᠳᠤᠮᠤ ᠫᠢᠯᠳᠠᠭᠠᠷ ᠰᠠᠪᠠ ᠶᠢ ᠫᠤᠯᠤ ᠭᠡᠳᠡᠭ᠃    ᠫᠤᠯᠤ ᠶᠢ ᠬᠤᠶᠠᠷ ᠶᠠᠩᠵᠤ ᠪᠠᠷ ᠬᠦᠷᠦᠬᠦ ᠪᠤᠶᠤ ᠤᠶᠠᠳᠠᠭ᠃    ᠫᠤᠯᠤ ᠬᠦᠷᠦᠬᠦ ᠪᠤᠷᠭᠠᠰᠤ ᠶᠢ ᠠᠷᠭᠠᠯ ᠤᠨ ᠰᠠᠭᠰᠤ ᠪᠤᠶᠤ ᠲᠦᠡᠭᠰᠡᠨ ᠰᠠᠭᠰᠤ ᠬᠦᠷᠦᠬᠦ ᠪᠤᠷᠭᠠᠰᠤ ᠲᠠᠢ ᠠᠳᠠᠯᠢᠭᠠᠨ ᠢ ᠬᠡᠷᠡᠭᠯᠡᠨ᠎ᠠ᠃ ᠫᠤᠯᠤ ᠶᠢᠨ ᠢᠷᠤᠭᠠᠷ ᠢ ᠮᠥᠨ ᠠᠳᠠᠯᠢᠬᠠᠨ ᠢᠶᠠᠷ ᠬᠦᠷᠦᠵᠦ᠂ ᠶᠡᠬᠡᠰᠬᠡᠬᠦ ᠳᠤᠳᠤᠮ ᠢᠶᠠᠨ ᠨᠤᠭᠤᠰᠤ ᠪᠠᠨ ᠵᠠᠢ ᠶᠢ ᠨᠢ ᠦᠵᠡᠵᠦ ᠰᠠᠯᠭᠠᠨ ᠬᠦᠷᠦᠨ᠎ᠠ᠃ ᠨᠢᠬᠡ ᠮᠧᠲᠷ ᠤᠨ ᠳᠤᠭᠤᠷᠢᠭ ᠪᠦᠬᠦᠢ ᠢᠷᠤᠭᠠᠷ ᠲᠠᠢ ᠫᠤᠯᠤ ᠪᠤᠯ ᠳᠤᠮᠳᠠ ᠶᠢᠨ ᠫᠤᠯᠤ ᠪᠠᠶᠢᠵᠦ᠂ ᠶᠡᠭᠡᠨᠭᠬᠢ ᠠᠶᠢᠯ ᠡᠷᠤᠬᠡ ᠶᠢᠨ ᠵᠠᠷᠤᠳᠠᠭ ᠫᠤᠯᠤ ᠪᠠᠶᠢᠳᠠᠭ᠃ ᠬᠠᠶᠠ ᠵᠠᠷᠢᠮ ᠬᠦᠮᠦᠰ ᠶᠡᠭᠡ ᠫᠤᠯᠤ ᠶᠢ ᠵᠠᠷᠤᠬᠤ ᠳᠤᠷᠠᠳᠠᠢ ᠭᠡᠬᠦ ᠳᠤ ᠪᠠᠰᠠ ᠵᠠᠷᠢᠮ ᠨᠢ ᠠᠪᠴᠤ ᠶᠠᠪᠤᠬᠤ ᠳᠤ ᠲᠦᠬᠦᠮ ᠭᠡᠵᠤ ᠪᠠᠭ᠎ᠠ ᠰᠢᠭ᠋ ᠢ ᠨᠢ ᠬᠡᠷᠡᠭᠯᠡᠬᠦ ᠳᠤᠷ᠎ᠠ ᠲᠠᠢ ᠪᠠᠶᠢᠳᠠᠭ᠃ ᠫᠤᠯᠤ ᠶᠢᠨ ᠢᠷᠤᠭᠠᠷ ᠢ ᠬᠦᠷᠦᠵᠦ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠳᠡᠬᠦᠨ ᠢᠶᠠᠨ ᠨᠢᠬᠡ ᠬᠦᠷᠪᠡᠬᠦᠯᠵᠦ᠂ ᠨᠤᠭᠤᠰᠤ ᠶᠢ  ᠨᠢ ᠳᠡᠭᠡᠭᠰᠢ ᠪᠠᠭ᠎ᠠ ᠳᠠᠰᠢᠭᠤᠯᠤᠨ ᠪᠤᠰᠬᠠᠨ᠎ᠠ᠃ ᠨᠠᠰᠢ ᠴᠠᠰᠢ ᠬᠡᠯᠬᠢᠨ ᠤᠶᠠᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠳᠡᠬᠡᠷ᠎ᠠ ᠰᠢᠭ ᠰᠠᠭᠤᠳᠠᠯ ᠳᠤ ᠰᠠᠭᠤᠵᠤ ᠳᠤᠭᠤᠷᠢᠭᠤᠯᠤᠨ ᠬᠦᠷᠦᠨ᠎ᠠ᠃ ᠲᠦᠬᠡ ᠦᠨᠳᠦᠷ ᠪᠤᠶᠤ ᠪᠠᠭ᠎ᠠ ᠢᠯᠡᠬᠦᠦ ᠰᠢᠭ᠋ ᠬᠦᠷᠦᠮᠡᠭᠴᠡ ᠪᠠᠨ ᠬᠦᠷᠦᠬᠦ ᠪᠠᠨ ᠵᠤᠭᠰᠤᠵᠤ᠂ ᠢᠷᠮᠡᠭ ᠳᠠᠷᠤᠨ᠎ᠠ᠃ ᠠᠷᠭᠠᠯ ᠤᠨ ᠰᠠᠭᠰᠤ ᠲᠠᠢ ᠨᠢᠬᠡ ᠯᠠ ᠠᠳᠠᠯᠢ ᠭᠤᠷᠪᠠᠨ ᠮᠦᠰᠦᠯᠡᠨ ᠮᠤᠰᠬᠢᠨ ᠳᠠᠷᠤᠨ᠎ᠠ᠃   ᠬᠦᠷᠦᠯᠬᠡ ᠶᠢᠨ ᠤᠷᠤᠢ ᠪᠠᠨ ᠴᠡᠪᠡᠷᠯᠡᠵᠦ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠬᠡᠳᠤᠨ ᠡᠳᠤᠷ ᠨᠠᠷᠠᠨ ᠳᠤ ᠬᠠᠳᠠᠭᠠᠭᠠᠳ ᠦᠬᠡᠷ ᠤᠨ ᠰᠢᠩᠭᠡᠨ ᠪᠠᠭᠠᠰᠤ ᠪᠠᠷ ᠬᠤᠶᠠᠷ ᠤᠳᠠᠭ᠎ᠠ ᠰᠢᠭᠯᠡᠨ ᠰᠢᠪᠠᠨ᠎ᠠ᠃    ᠫᠤᠯᠤ ᠶᠢ ᠪᠠᠰᠠ ᠪᠦᠳᠦᠬᠦᠨ ᠪᠤᠷᠭᠠᠰᠤ ᠪᠠᠷ ᠤᠶᠠᠳᠠᠭ᠃ ᠰᠠᠪᠬᠠᠨ ᠴᠢᠨᠡᠭᠡ ᠪᠦᠳᠦᠬᠦᠨ ᠰᠠᠯᠠᠭ᠎ᠠ ᠨᠠᠮᠠᠭ᠎ᠠ ᠪᠠᠭ᠎ᠠ ᠪᠢᠷᠠᠭᠤᠨ ᠬᠦᠬᠡ ᠪᠤᠷᠭᠠᠰᠤ ᠪᠠᠷ ᠤᠶᠠᠨ᠎ᠠ᠃ ᠫᠤᠯᠤ ᠶᠢᠨ ᠪᠤᠷᠭᠠᠰᠤ ᠪᠠᠨ ᠰᠤᠩᠭᠤᠨ ᠠᠪᠴᠢᠷᠠᠭᠰᠠᠨ ᠤ ᠳᠠᠷᠠᠭ᠎ᠠ ᠬᠤᠶᠠᠷ ᠠᠷᠭ᠎ᠠ ᠪᠠᠷ ᠠᠮᠠᠷᠬᠠᠨ ᠬᠤᠭᠤᠷᠠᠬᠤ ᠶᠢ ᠰᠢᠢᠳᠪᠤᠷᠢᠯᠡᠨ᠎ᠠ᠃ ᠨᠢᠬᠡ ᠠᠷᠭ᠎ᠠ ᠨᠢ ᠤᠰᠤᠨ ᠳᠤ ᠳᠡᠪᠳᠦᠬᠡᠨ᠎ᠠ᠃ ᠳᠠᠪᠤ ᠠᠴᠠ ᠳᠤᠯᠤᠭᠠᠨ ᠡᠳᠤᠷ ᠪᠤᠷᠭᠠᠰᠤ ᠶᠢ ᠤᠰᠤᠨ ᠳᠤ ᠳᠡᠪᠳᠦᠬᠡᠭᠰᠡᠨ ᠤ ᠳᠠᠷᠠᠭ᠎ᠠ ᠪᠤᠷᠭᠠᠰᠤ ᠨᠢ ᠪᠠᠷᠤᠭ ᠵᠦᠬᠡᠯᠡᠨ ᠰᠤᠷ ᠰᠢᠭ᠋ ᠨᠠᠮᠢᠯᠵᠠᠮ᠎ᠠ ᠪᠤᠯᠴᠢᠬᠠᠳᠠᠭ᠃   ᠨᠦᠬᠦᠬᠡ ᠨᠢᠬᠡ ᠠᠷᠭ᠎ᠠ ᠨᠢ ᠬᠡᠪᠡᠯ ᠪᠤᠷᠭᠠᠰᠤ ᠪᠠᠨ ᠶᠡᠭᠡ ᠳᠤᠭᠤᠭ᠎ᠠ ᠲᠠᠢ ᠤᠰᠤᠨ ᠳᠤ ᠬᠢᠵᠦ ᠴᠢᠨᠠᠨ᠎ᠠ᠃ ᠰᠠᠶᠢᠨ ᠬᠡᠳᠤᠨ ᠴᠠᠭ ᠴᠢᠨᠠᠭᠰᠠᠨ ᠤ ᠳᠠᠷᠠᠭ᠎ᠠ ᠳᠤᠭᠤᠯ ᠪᠤᠷᠭᠠᠰᠤ ᠨᠢ ᠭᠠᠷ ᠤᠨ ᠠᠶ᠎ᠠ ᠪᠠᠷ ᠨᠠᠮᠢᠯᠵᠠᠬᠤ ᠵᠦᠬᠡᠯᠡᠨ ᠪᠤᠷᠭᠠᠰᠤ ᠪᠤᠯᠳᠠᠭ᠃   ᠫᠤᠯᠤ ᠪᠠᠨ ᠤᠶᠠᠬᠤ ᠦᠶ᠎ᠠ ᠳᠤ ᠪᠤᠷᠭᠠᠰᠤ ᠪᠠᠨ ᠪᠠᠭ᠎ᠠ ᠡᠬᠡᠷᠡᠬᠦᠯᠦᠭᠡᠳ ᠶᠠᠭ ᠤᠶᠠᠬᠤ ᠦᠶᠡᠰ ᠲᠤ ᠪᠠᠨ ᠬᠠᠯᠢᠰᠤ  ᠶᠢ ᠨᠢ ᠱᠠᠭᠠᠯᠤᠨ᠎ᠠ᠃   ᠫᠤᠯᠤ ᠪᠠᠨ ᠤᠶᠠᠬᠤ ᠳᠡᠭᠰᠢ ᠭᠠᠵᠠᠷ ᠢᠶᠠᠨ ᠰᠤᠩᠭᠤᠭᠰᠠᠨ ᠤ ᠳᠠᠷᠠᠭ᠎ᠠ ᠫᠤᠯᠤ ᠶᠢᠨ ᠢᠷᠤᠭᠠᠷ ᠤᠨ ᠬᠡᠮᠵᠢᠶ᠎ᠠ ᠪᠠᠷ ᠳᠤᠭᠤᠷᠢᠭ ᠵᠢᠷᠤᠵᠤ᠂ ᠵᠢᠷᠤᠭᠠᠰᠤᠨ ᠳᠡᠬᠡᠷ᠎ᠠ ᠪᠠᠨ ᠫᠤᠯᠤ ᠶᠢᠨ ᠬᠠᠨ᠎ᠠ ᠶᠢᠨ ᠶᠠᠩᠵᠤ ᠪᠠᠷ ᠪᠠᠭ᠎ᠠ ᠳᠠᠰᠢᠭᠤᠯᠤᠨ ᠭᠠᠳᠠᠰᠤ ᠭᠠᠳᠠᠨ᠎ᠠ᠃ ᠭᠠᠳᠠᠰᠤ ᠶᠢᠨ ᠢᠶᠠᠨ ᠪᠤᠰᠤᠭ᠎ᠠ ᠶᠢ ᠮᠥᠨ ᠫᠤᠯᠤ ᠶᠢᠨ ᠬᠠᠨ᠎ᠠ ᠶᠢᠨ ᠪᠤᠰᠤᠭ᠎ᠠ ᠲᠠᠢ ᠳᠡᠩᠴᠡᠬᠦᠯᠦᠨ᠎ᠠ᠃ ᠬᠠᠮᠤᠭ ᠠᠴᠠ ᠡᠮᠤᠨ᠎ᠠ ᠳᠤᠭᠤᠷᠢᠭ ᠤᠨ ᠭᠤᠤᠯ ᠤᠭᠳᠤᠯᠤᠭᠠᠰᠤ ᠶᠢᠨ ᠬᠤᠶᠠᠷ ᠭᠠᠳᠠᠰᠤ ᠶᠢ ᠤᠶᠠᠭᠠᠰᠤ ᠪᠠᠷ ᠢᠶᠠᠨ ᠬᠤᠯᠪᠤᠨ ᠤᠶᠠᠨ᠎ᠠ᠃ ᠤᠶᠠᠬᠤ ᠠᠷᠭ᠎ᠠ ᠨᠢ ᠬᠡᠪᠡᠯ ᠨᠢᠬᠡ ᠭᠠᠳᠠᠰᠤ ᠶᠢᠨ ᠢᠶᠠᠨ ᠤᠷᠤᠢ ᠳᠡᠬᠡᠷ᠎ᠠ ᠠᠴᠠ ᠤᠷᠢᠶᠠᠨ ᠴᠢᠩᠭ᠎ᠠ ᠤᠶᠠᠭᠠᠳ᠂ ᠤᠶᠠᠭᠠᠰᠤ ᠪᠠᠨ ᠭᠠᠳᠠᠰᠤ ᠶᠢ ᠳᠠᠭᠠᠭᠤᠯᠤᠨ ᠳᠤᠷᠤᠭᠰᠢ ᠬᠦᠶᠦᠯᠬᠡᠬᠡᠳ᠂ ᠭᠠᠳᠠᠰᠤ ᠶᠢᠨ ᠰᠠᠭᠤᠷᠢ ᠳᠡᠬᠡᠷ᠎ᠠ ᠤᠶᠠᠭᠠᠰᠤ ᠪᠠᠨ ᠪᠤᠰᠤᠳ ᠤᠶᠠᠳᠠᠯ ᠢᠶᠠᠷ ᠴᠢᠩᠭ᠎ᠠ ᠬᠤᠯᠪᠤᠨ ᠤᠶᠠᠨ᠎ᠠ᠃ ᠳᠠᠬᠢᠭᠠᠳ ᠤᠷᠳᠤ ᠤᠶᠠᠭᠠᠰᠤ ᠪᠠᠨ ᠭᠠᠵᠠᠷ ᠲᠠᠢ ᠨᠢᠭᠤᠷᠳᠠᠭᠤᠯᠤᠨ ᠨᠦᠬᠦᠬᠡ ᠭᠠᠳᠠᠰᠤ ᠶᠢᠨ ᠰᠠᠭᠤᠷᠢ ᠳᠡᠬᠡᠷ᠎ᠠ ᠦᠬᠡᠷ᠎ᠠ ᠤᠶᠠᠭᠠᠰᠤ ᠪᠠᠷ ᠤᠶᠠᠭᠤᠯᠤᠭᠠᠳ ᠭᠠᠳᠠᠰᠤ ᠶᠢ ᠳᠠᠭᠠᠵᠤ ᠤᠷᠤᠢ ᠳᠡᠬᠡᠷ᠎ᠠ ᠨᠢ ᠭᠤᠭᠴᠤᠭᠠᠯᠠᠨ᠎ᠠ᠃   ᠫᠤᠯᠤ ᠶᠢᠨ ᠤᠶᠠᠭᠠᠰᠤ ᠶᠢ ᠰᠠᠶᠢᠨ ᠤᠯᠤᠰᠤ ᠪᠠᠷ ᠬᠢᠳᠡᠭ᠃ ᠤᠯᠤᠰᠤ ᠪᠠᠨ ᠤᠷᠢᠳᠡᠪᠡᠷ ᠬᠡᠳᠤ ᠬᠡᠳᠤᠨ ᠰᠢᠷᠬᠡᠭ  ᠢᠶᠠᠷ ᠰᠢᠳᠠᠮᠰᠦᠯᠡᠬᠡᠳ ᠤᠯᠤᠰᠤᠨ ᠤᠳᠠᠰᠤᠨ ᠤ ᠬᠢᠷᠢ ᠪᠠᠷ ᠴᠢᠷᠭᠠᠭᠤᠯ ᠢᠶᠠᠷ ᠢᠶᠠᠨ ᠴᠢᠷᠭᠠᠭᠤᠯᠳᠠᠵᠤ ᠴᠢᠩᠭ᠎ᠠ ᠡᠷᠴᠢᠮ ᠤᠷᠤᠭᠤᠯᠤᠨ ᠤᠷᠢᠶᠠᠵᠤ ᠠᠪᠤᠭᠠᠳ ᠪᠡᠯᠡᠳᠭᠡᠳᠡᠭ᠃ ᠶᠠᠷᠤ ᠶᠢᠨ ᠪᠠᠶᠢᠳᠠᠯ ᠳᠤᠤᠷ᠎ᠠ ᠨᠢᠬᠡ ᠫᠤᠯᠤ ᠶᠢ ᠬᠦᠷᠦᠵᠦ ᠪᠠᠷᠢᠳᠠᠯ᠎ᠠ ᠵᠠᠯᠭᠠᠰᠤ ᠦᠭᠡᠢ ᠪᠠᠶᠢᠬᠤ ᠶᠢ ᠪᠠᠷᠢᠮᠳᠠᠯᠠᠳᠠᠭ᠃    ᠫᠤᠯᠤ ᠶᠢᠨ ᠭᠤᠤᠯ ᠤᠳᠠᠰᠤ ᠪᠠᠨ ᠳᠠᠳᠠᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠭᠤᠭᠴᠤᠭᠠᠯᠠᠵᠤ ᠳᠠᠯᠪᠢᠭᠰᠠᠨ ᠳᠠᠯ᠎ᠠ  ᠠᠴᠠ ᠡᠬᠢᠯᠡᠵᠦ ᠪᠤᠷᠭᠠᠰᠤ ᠪᠠᠨ ᠰᠢᠷᠭᠤᠭᠤᠯᠵᠤ ᠵᠡᠷᠭᠡᠯᠡᠨ᠎ᠠ᠃ ᠭᠠᠳᠠᠰᠤ ᠶᠢᠨ ᠤᠷᠤᠢ ᠠᠴᠠ ᠤᠬᠤᠷ᠂ ᠤᠬᠤᠷ ᠠᠴᠠ  ᠪᠠᠨ ᠢᠳᠡᠭ ᠢᠳᠡᠭ ᠢᠶᠠᠷ ᠤᠷᠳᠤ ᠶᠢ ᠵᠡᠷᠭᠡᠯᠡᠵᠦ᠂ ᠬᠠᠮᠤᠭ ᠭᠤᠤᠯ ᠳᠤ ᠬᠠᠮᠤᠭ ᠦᠨᠳᠦᠷ ᠢ ᠤᠷᠤᠭᠤᠯᠤᠭᠠᠳ ᠳᠠᠬᠢᠨ ᠢᠳᠡᠭ ᠢᠳᠡᠭ ᠢᠶᠠᠷ ᠪᠤᠭᠤᠨᠢᠰᠬᠠᠨ ᠨᠦᠬᠦᠬᠡ ᠭᠠᠳᠠᠰᠤ ᠶᠢᠨ ᠤᠷᠤᠢ ᠳᠡᠬᠡᠷ᠎ᠠ ᠬᠠᠮᠤᠭ ᠤᠬᠤᠷ ᠪᠤᠷᠭᠠᠰᠤ ᠶᠢ ᠰᠢᠷᠭᠤᠭᠤᠯᠤᠨ᠎ᠠ᠃ ᠭᠤᠭᠴᠤᠭᠠᠯᠠᠭᠰᠠᠨ ᠤᠶᠠᠭᠠᠰᠤ ᠪᠠᠨ ᠠᠯᠳᠠᠷᠭᠠᠨ ᠠᠪᠴᠤ᠂ ᠦᠬᠡᠷ᠎ᠠ ᠤᠶᠠᠳᠠᠯ ᠢᠶᠠᠷ ᠤᠶᠠᠭᠠᠰᠤ  ᠪᠠᠨ ᠤᠶᠠᠵᠤ ᠳᠠᠯᠪᠢᠭᠠᠳ ᠤᠶᠠᠭᠠᠰᠤ ᠪᠠᠷ ᠢᠶᠠᠨ ᠡᠬᠢᠨ ᠤ ᠪᠤᠷᠭᠠᠰᠤ ᠶᠢ ᠬᠤᠶᠠᠷ ᠤᠷᠢᠶᠠᠨ᠂ ᠨᠢᠬᠡ ᠡᠷᠬᠦᠨ ᠨᠢᠬᠡ ᠳᠠᠷᠤᠬᠤ ᠬᠦᠷᠦᠯᠬᠡ ᠶᠢᠨ ᠠᠷᠭ᠎ᠠ ᠪᠠᠷ ᠫᠤᠯᠤ ᠶᠢᠨ ᠪᠤᠷᠭᠠᠰᠤ ᠪᠠᠨ ᠰᠦᠯᠵᠢᠨ ᠳᠠᠳᠠᠨ᠎ᠠ᠃ ᠪᠤᠷᠭᠠᠰᠤ ᠪᠠᠨ ᠵᠠᠭᠠᠭ ᠦᠭᠡᠢ ᠴᠢᠩᠭ᠎ᠠ ᠵᠡᠷᠭᠡᠯᠡᠵᠦ ᠤᠶᠠᠭᠠᠰᠤ ᠪᠠᠨ ᠴᠢᠩᠭᠠᠭᠠᠳ ᠨᠦᠬᠦᠬᠡ ᠭᠠᠳᠠᠰᠤ ᠶᠢᠨ ᠤᠷᠤᠢ ᠳᠡᠬᠡᠷ᠎ᠠ ᠨᠢ ᠬᠦᠷᠦᠨ᠎ᠠ᠃   ᠪᠤᠷᠭᠠᠰᠤ ᠪᠠᠨ ᠵᠡᠷᠭᠡᠯᠡᠬᠦ ᠳᠤ ᠪᠠᠨ ᠡᠷᠭᠡᠪᠰᠢ ᠪᠤᠷᠭᠠᠰᠤ ᠶᠢᠨ ᠳᠤᠯᠤᠭᠠᠢ ᠪᠦᠭᠰᠡ ᠶᠢ ᠳᠠᠷᠠᠭᠠᠯᠠᠨ ᠰᠤᠯᠢᠬᠤ ᠶᠢ ᠤᠨᠴᠠ ᠠᠩᠬᠠᠷᠳᠠᠭ᠃ ᠤᠶᠠᠳᠠᠯ ᠤᠨ ᠪᠤᠷᠭᠠᠰᠤ ᠪᠠᠨ ᠨᠢᠬᠡ ᠯᠠ ᠤᠳᠠᠭ᠎ᠠ ᠳᠤ ᠵᠡᠷᠭᠡᠯᠡᠨ ᠭᠡᠯᠬᠢᠪᠡᠯ ᠳᠠᠬᠢᠵᠦ ᠰᠤᠯᠢᠵᠦ ᠳᠡᠶᠢᠯᠬᠦ ᠦᠭᠡᠢ ᠪᠤᠯᠳᠠᠭ᠃ ᠡᠶᠢᠮᠤ ᠠᠴᠠ ᠬᠦᠷᠦᠮᠡᠯ ᠤᠨ ᠪᠤᠷᠭᠠᠰᠤ ᠪᠠᠨ ᠡᠬᠢᠨ ᠠᠴᠠ ᠨᠢ ᠳᠡᠬᠦᠰᠳᠡᠯ᠎ᠠ ᠠᠯᠬᠤᠨ ᠳᠠᠷᠠᠭ᠎ᠠ ᠲᠠᠢ ᠪᠦᠬᠡᠳ ᠵᠢᠭᠳᠡ ᠰᠠᠶᠢᠬᠠᠨ ᠢᠶᠠᠷ ᠴᠢᠩᠭ᠎ᠠ ᠵᠡᠷᠭᠡᠴᠡᠬᠦᠯᠬᠦ ᠶᠢ ᠪᠠᠷᠢᠮᠳᠠᠯᠠᠳᠠᠭ ᠶᠤᠮ᠃   ᠫᠤᠯᠤ ᠶᠢᠨ ᠢᠷᠤᠭᠠᠷ ᠢ ᠡᠬᠢᠯᠡᠩᠬᠦᠳᠡ ᠪᠠᠨ ᠳᠠᠷᠤᠢ ᠬᠠᠨ᠎ᠠ ᠲᠠᠢ ᠪᠠᠨ ᠭᠠᠷᠬᠤ ᠶᠠᠩᠵᠤ ᠲᠦᠯᠦᠪ ᠨᠢ ᠢᠯᠡᠷᠡᠳᠡᠭ ᠳᠤᠯᠠ ᠬᠤᠶᠠᠷ ᠭᠤᠷᠪᠠᠳᠤᠭᠠᠷ ᠬᠦᠶᠦᠯᠬᠡᠨ ᠤᠶᠠᠭᠠᠰᠤ ᠪᠠᠨ ᠭᠡᠯᠬᠢᠬᠦ ᠳᠤ ᠬᠤᠶᠠᠷ ᠤᠶᠠᠭᠠᠰᠤ ᠶᠢᠨ ᠠᠰ ᠱᠤᠭᠤᠮ  ᠤᠨ ᠬᠤᠭᠤᠷᠤᠨᠳᠤᠬᠢ ᠵᠠᠢ ᠶᠢ ᠨᠢᠬᠡ ᠯᠠ ᠬᠤᠷᠤᠭᠤ ᠶᠢᠨ ᠦᠷᠬᠡᠨ ᠢᠶᠠᠷ ᠱᠠᠭᠠᠷᠳᠠᠳᠠᠭ᠃ ᠪᠠᠷᠤᠭ ᠯᠠ ᠨᠢᠬᠡ ᠵᠤᠷᠪᠤᠰ ᠤᠶᠠᠭᠠᠰᠤ ᠳᠠᠳᠠᠬᠤ ᠪᠦᠷᠢ ᠳᠤ ᠨᠢᠬᠡ ᠤᠶᠠᠭᠠᠰᠤᠨ ᠤ ᠪᠤᠷᠭᠠᠰᠤ ᠶᠢᠨ ᠦᠵᠦᠬᠦᠷ ᠢ ᠬᠠᠶᠠᠭᠠᠳ ᠶᠠᠪᠤᠳᠠᠭ ᠳᠤᠯᠠ ᠢᠷᠮᠡᠭ ᠳᠡᠬᠡᠷ᠎ᠠ ᠬᠦᠷᠪᠡᠯ ᠬᠤᠶᠠᠷ ᠤᠷᠢᠶᠠᠬᠤ ᠪᠤᠶᠤ ᠳᠤᠭᠤᠷᠢᠭ ᠤᠨ ᠭᠠᠳᠠᠰᠤ ᠶᠢᠨ ᠰᠠᠭᠤᠷᠢ ᠳᠡᠬᠡᠷ᠎ᠠ ᠬᠦᠷᠪᠡᠯ ᠭᠠᠳᠠᠰᠤ ᠳᠤ ᠳᠠᠳᠠᠵᠤ ᠤᠶᠠᠬᠤ ᠶᠢ ᠮᠠᠷᠳᠠᠯ ᠦᠭᠡᠢ ᠪᠡᠶᠡᠯᠡᠬᠦᠯᠵᠦ ᠤᠶᠠᠭᠠᠰᠤ ᠪᠠᠨ ᠴᠢᠩᠭᠠᠯᠠᠵᠤ ᠶᠠᠪᠤᠳᠠᠭ᠃ ᠳᠤᠰ ᠶᠠᠩᠵᠤ ᠪᠠᠷ ᠢᠶᠠᠨ ᠤᠶᠠᠭᠰᠠᠭᠠᠷ ᠫᠤᠯᠤ ᠶᠢᠨ ᠬᠠᠭᠠᠰ ᠢ ᠤᠶᠠᠵᠤ᠂ ᠬᠠᠭᠠᠰ ᠢᠷᠮᠡᠭ ᠢ ᠳᠡᠩᠴᠡᠬᠦᠷᠢᠳᠠᠢ ᠪᠤᠯᠭᠠᠭᠠᠳ ᠳᠠᠬᠢᠭᠠᠳ ᠭᠤᠤᠯ ᠠᠴᠠ ᠨᠢ ᠨᠦᠬᠦᠬᠡ ᠬᠠᠭᠠᠰ ᠳᠠᠯ᠎ᠠ ᠶᠢ ᠭᠠᠳᠠᠭᠰᠢ ᠬᠦᠬᠡᠬᠡᠵᠦ ᠳᠠᠳᠠᠨ᠎ᠠ᠃   ᠡᠨᠡ ᠦᠶ᠎ᠠ ᠳᠤ ᠭᠤᠤᠯ ᠤᠶᠠᠭᠠᠰᠤᠨ ᠤ ᠡᠬᠢᠨ ᠤ ᠤᠶᠠᠭᠠᠰᠤ ᠶᠢ ᠠᠯᠳᠠᠷᠭᠠᠨ᠂ ᠨᠦᠬᠦᠬᠡ ᠳᠠᠯ᠎ᠠ ᠶᠢᠨ ᠭᠠᠳᠠᠰᠤ  ᠠᠴᠠ ᠭᠠᠳᠠᠭᠰᠢ ᠰᠦᠯᠵᠢᠵᠦ᠂ ᠳᠤᠰ ᠭᠠᠳᠠᠰᠤᠨ ᠳᠡᠭᠡᠷ᠎ᠠ ᠪᠠᠨ ᠢᠷᠡᠪᠡᠯ ᠤᠶᠠᠭᠠᠰᠤ ᠪᠠᠨ ᠵᠠᠯᠭᠠᠵᠤ ᠨᠦᠬᠦᠬᠡ ᠬᠠᠭᠠᠰ ᠳᠠᠯ᠎ᠠ ᠶᠢᠨ ᠤᠶᠠᠭᠠᠰᠤ ᠰᠢᠭ᠋ ᠢᠶᠠᠷ ᠤᠶᠠᠵᠤ ᠳᠠᠭᠤᠰᠬᠠᠨ᠎ᠠ᠃   ᠢᠡᠭᠭᠢᠵᠦ ᠤᠶᠠᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠳᠤᠭᠤᠷᠢᠭ ᠤᠨ ᠭᠠᠳᠠᠰᠤ ᠶᠢᠨ ᠢᠶᠠᠨ ᠦᠵᠦᠬᠦᠷ ᠢᠶᠠᠷ ᠳᠤᠭᠤᠷᠢᠭ ᠤᠳᠠᠰᠤ ᠳᠠᠳᠠᠵᠤ᠂ ᠤᠳᠠᠰᠤᠨ ᠠᠴᠠ ᠳᠡᠭᠡᠭᠰᠢ ᠭᠠᠷᠤᠭᠰᠠᠨ ᠤᠶᠠᠭᠠᠰᠤ ᠶᠢᠨ ᠪᠤᠷᠭᠠᠰᠤ ᠶᠢ ᠪᠦᠬᠦᠨ ᠢ ᠳᠠᠩ ᠲᠠᠢ ᠰᠠᠶᠢᠬᠠᠨ ᠬᠠᠶᠢᠴᠢᠯᠠᠨ ᠠᠪᠤᠨ᠎ᠠ᠃    ᠳᠠᠷᠠᠭ᠎ᠠ ᠳᠤ ᠨᠢ ᠨᠠᠷᠢᠨ ᠪᠦᠳᠦᠬᠦᠨ ᠦᠵᠦᠬᠦᠷ ᠢ ᠨᠢ ᠰᠤᠯᠢᠭᠰᠠᠨ ᠬᠤᠶᠠᠷ ᠬᠤᠶᠠᠷ ᠪᠤᠷᠭᠠᠰᠤ ᠪᠠᠷ ᠭᠠᠳᠠᠭᠤᠷ  ᠨᠢ ᠨᠢᠬᠡ ᠳᠤᠳᠤᠭᠤᠷ ᠨᠢ ᠨᠢᠬᠡ ᠬᠦᠪᠡᠭᠡᠯᠡᠵᠦ᠂ ᠢᠷᠮᠡᠭ ᠤᠨ ᠳᠡᠭᠡᠷ᠎ᠠ ᠤᠷᠤᠢ ᠳᠡᠭᠡᠬᠦᠷ ᠨᠢ ᠪᠦᠳᠦᠬᠦᠨ ᠰᠢᠭ ᠨᠢᠬᠡ ᠪᠤᠷᠭᠠᠰᠤ ᠶᠢ ᠳᠤᠭᠤᠷᠢᠭᠤᠯᠤᠨ ᠳᠠᠷᠤᠵᠤ ᠳᠤᠪᠬᠢᠨ᠎ᠠ᠃ ᠳᠠᠷᠠᠭ᠎ᠠ ᠳᠤ ᠨᠢ ᠭᠠᠳᠠᠰᠤ ᠶᠢᠨ ᠢᠷᠤᠭᠠᠷ ᠲᠤ ᠬᠢ ᠪᠤᠢ ᠪᠦᠬᠦᠢ ᠤᠶᠠᠳᠠᠯ ᠢ ᠠᠯᠳᠠᠷᠭᠠᠨ ᠠᠪᠤᠨ᠎ᠠ᠃    ᠳᠠᠪᠤᠨ ᠪᠤᠷᠭᠠᠰᠤᠨ ᠤ ᠰᠠᠭᠤᠳᠠᠯ᠂ ᠢᠷᠮᠡᠭ ᠤᠨ ᠭᠠᠳᠠᠨ᠎ᠠ ᠳᠤᠳᠤᠨ᠎ᠠ ᠪᠠ ᠳᠡᠭᠡᠷ᠎ᠠ ᠤᠷᠤᠢ ᠶᠢ ᠳᠤᠩ ᠰᠠᠶᠢᠬᠠᠨ ᠬᠠᠪᠴᠢᠵᠦ ᠳᠠᠭᠠᠷᠠᠭᠰᠠᠨ ᠪᠠᠶᠢᠪᠠᠯ ᠢᠷᠮᠡᠭ ᠢ ᠨᠢᠬᠡ ᠳᠠᠯ᠎ᠠ ᠠᠴᠠ ᠨᠢ ᠰᠢᠷᠢ ᠪᠠᠷ ᠴᠢᠩᠭ᠎ᠠ ᠤᠷᠢᠶᠠᠨ᠎ᠠ᠃ ᠤᠷᠢᠶᠠᠬᠤ  ᠳᠤ ᠪᠠᠨ ᠤᠶᠠᠭᠠᠰᠤ ᠶᠢᠨ ᠪᠤᠷᠭᠠᠰᠤ ᠪᠦᠷᠢ ᠶᠢ ᠰᠢᠪᠦᠬᠡᠳᠡᠵᠦ ᠨᠦᠬᠡ ᠭᠠᠷᠭᠠᠨ ᠰᠢᠯᠵᠢᠵᠦ ᠰᠠᠯᠤᠰᠢ ᠦᠭᠡᠢ ᠪᠠᠷ ᠪᠠᠳᠤ ᠪᠠᠬᠢ ᠤᠷᠢᠶᠠᠬᠤ ᠶᠢ ᠡᠷᠬᠢᠮᠯᠡᠳᠡᠭ᠃   ᠢᠡᠭᠭᠢᠵᠦ ᠤᠶᠠᠭᠰᠠᠨ ᠫᠤᠯᠤ ᠪᠠᠨ ᠠᠶᠢᠯ ᠡᠷᠤᠬᠡ ᠦᠪᠡᠷ ᠲᠤ ᠪᠠᠨ ᠯᠠ ᠵᠠᠷᠤᠵᠤ ᠬᠡᠷᠡᠭᠯᠡᠬᠦ ᠠᠴᠠ ᠪᠢᠰᠢ ᠦᠬᠡᠷ᠎ᠠ ᠪᠤᠰᠤᠳ ᠠᠶᠢᠯ ᠡᠷᠤᠬᠡ ᠳᠤ ᠵᠢᠭᠡᠯᠡᠬᠦᠯᠳᠡᠭ ᠦᠭᠡᠢ᠃   ᠰᠤᠯᠠ ᠬᠡᠷᠡᠭᠰᠡᠯ   ᠡᠳᠤᠷ ᠳᠤᠳᠤᠮ ᠤᠨ ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠰᠡᠯ ᠳᠤᠳᠤᠷ᠎ᠠ ᠪᠤᠷᠭᠠᠰᠤ᠂ ᠡᠪᠡᠰᠤ᠂ ᠦᠨᠳᠦᠰᠦ ᠵᠡᠷᠭᠡ ᠪᠠᠷ ᠬᠢᠭᠰᠡᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠦᠨᠡᠨ ᠮᠤᠩ ᠦᠭᠡᠢ᠃ ᠡᠨᠡ ᠨᠢ ᠮᠦᠨᠴᠤ ᠬᠡᠴᠤᠨᠡᠨ ᠤᠷᠳᠤ ᠳᠡᠤᠬᠡᠨ ᠶᠠᠪᠤᠴᠠ ᠶᠢ ᠦᠡᠭᠭᠡᠷᠡᠭᠰᠡᠨ  ᠢ ᠦᠯᠦ ᠮᠡᠳᠡᠨ᠎ᠠ᠃ ᠤᠳᠤ ᠪᠤᠯᠳᠠᠯ᠎ᠠ ᠪᠤᠯᠪᠠᠰᠤᠨ ᠡᠳ᠋ᠯᠡᠯ ᠢᠶᠠᠷ ᠬᠦᠮᠦᠰ ᠲᠤ ᠦᠵᠡᠭᠳᠡᠨ ᠳᠠᠨᠢᠭᠳᠠᠵᠤ᠂ ᠳᠠᠭᠠᠰᠢᠶᠠᠯ ᠪᠠᠭ᠋ᠠᠷᠬᠠᠯ ᠢ ᠨᠢ ᠤᠯᠤᠭᠰᠠᠭᠠᠷ ᠪᠠᠶᠢᠨ᠎ᠠ᠃   ᠬᠦᠷᠦᠮᠡᠯ ᠤᠶᠠᠮᠠᠯ ᠤᠨ ᠰᠤᠯᠠ ᠬᠡᠷᠡᠭᠰᠡᠯ ᠤᠨ ᠳᠤᠳᠤᠷ᠎ᠠ ᠳᠡᠪᠦᠬᠦᠷ᠂ ᠬᠠᠷᠮᠠᠭᠤᠯ᠂ ᠰᠠᠶᠢᠵᠠ᠂ ᠪᠦᠷᠬᠦᠬᠡᠰᠤ᠂ ᠠᠳᠠᠷ᠂ ᠵᠢᠩᠨᠡᠬᠦᠷ᠂ ᠳᠤᠭᠤᠭᠠᠨ ᠱᠦᠬᠦᠷ᠂ ᠵᠤᠤᠯᠢ᠂ ᠡᠪᠡᠰᠤᠨ ᠮᠠᠯᠠᠭᠠᠢ᠂ ᠴᠤᠪᠠ ᠁ ᠵᠡᠷᠭᠡ ᠨᠢ ᠨᠡᠶᠢᠳᠡᠯᠢᠭ ᠵᠢᠱᠢᠶ᠎ᠠ ᠪᠤᠯᠤᠨ᠎ᠠ᠃    ᠳᠠᠪᠦᠬᠦᠷ    ᠳᠠᠪᠦᠬᠦᠷ ᠭᠡᠭᠴᠢ ᠨᠢ ᠳᠠᠷᠤᠢ ᠪᠤᠳᠠᠭᠠᠨ ᠤ ᠠᠯᠢ ᠪᠤᠶᠤ ᠠᠭᠠᠭ ᠬᠡᠪᠡᠭ ᠢ ᠰᠠᠯᠬᠢ ᠳᠠᠳᠠᠨ ᠠᠷᠢᠯᠭᠠᠬᠤ ᠪᠠᠭᠠᠵᠢ ᠬᠡᠷᠡᠭᠯᠡᠬᠦᠷ ᠮᠥᠨ᠃ ᠪᠠᠰᠠ ᠵᠢᠪᠡᠭᠡ ᠭᠡᠳᠡᠭ᠃ ᠪᠤᠳᠠᠭ᠎ᠠ ᠢᠡᠭᠳᠡᠵᠦ ᠴᠠᠶᠢᠯᠭᠠᠬᠤ ᠳᠤ ᠳᠤᠳᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠤᠴᠢᠷ ᠠᠴᠠ ᠠᠶᠢᠯ ᠡᠷᠤᠬᠡ ᠪᠦᠬᠦᠨ ᠳᠡᠪᠦᠬᠦᠷ ᠢᠶᠠᠷ ᠳᠤᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠪᠠᠶᠢᠳᠠᠭ᠃    ᠳᠡᠪᠦᠬᠦᠷ ᠢ ᠮᠥᠨ ᠬᠤᠶᠠᠷ ᠶᠠᠩᠵᠤ ᠪᠠᠷ ᠬᠦᠷᠦᠵᠦ᠂ ᠤᠶᠠᠵᠤ ᠵᠤᠬᠢᠶᠠᠨ ᠪᠦᠳᠦᠬᠡᠳᠡᠭ᠃    ᠳᠠᠪᠦᠬᠦᠷ ᠬᠦᠷᠦᠬᠦ ᠳᠤ ᠠᠷᠭᠠᠯ ᠤᠨ ᠰᠠᠭᠰᠤᠨ ᠤ ᠨᠠᠷᠢᠨ ᠪᠤᠷᠭᠠᠰᠤ ᠶᠢ ᠭᠡᠷᠡᠭᠯᠡᠨ᠎ᠠ᠃ ᠳᠡᠪᠦᠬᠦᠷ ᠢ ᠡᠬᠢᠯᠡᠵᠦ ᠬᠦᠷᠦᠬᠦ ᠶᠢ ᠳᠡᠪᠦᠬᠦᠷ ᠤᠨ ᠡᠯᠢᠬᠡ ᠭᠠᠷᠭᠠᠬᠤ ᠭᠡᠳᠡᠭ᠃ ᠳᠡᠪᠦᠬᠦᠷ ᠤᠨ ᠡᠯᠢᠬᠡ ᠶᠢ ᠡᠭᠡᠵᠢᠭ ᠤᠨ ᠰᠠᠭᠰᠤᠨ ᠤ ᠢᠷᠤᠭᠠᠷ ᠲᠠᠢ ᠠᠳᠠᠯᠢ ᠪᠠᠷ ᠡᠬᠢᠯᠡᠬᠦ ᠪᠤᠯᠪᠠᠴᠤ ᠳᠡᠪᠦᠬᠦᠷ ᠤᠨ ᠳᠤᠭᠳᠤᠢ ᠦᠬᠡᠳᠡ ᠪᠠᠨ ᠮᠤᠬᠤᠭᠤ ᠦᠨᠴᠦᠭᠳᠠᠢ ᠪᠠᠷ ᠪᠦᠬᠡᠷᠡᠩᠭᠡᠶᠢᠯᠡᠨ ᠬᠦᠷᠦᠨ᠎ᠠ᠃ ᠠᠩᠬᠠᠨ ᠤ ᠨᠤᠭᠤᠰᠤ ᠬᠤᠯᠪᠤᠬᠤ ᠨᠢ ᠡᠬᠡᠬᠡ ᠠᠳᠠᠯᠢ᠃ ᠡᠯᠢᠬᠡ ᠶᠢᠨ ᠭᠤᠤᠯ ᠬᠡᠯᠬᠢᠶᠠᠰᠤ ᠨᠢ ᠬᠤᠶᠠᠷ ᠳᠤᠬᠤᠢ᠂ ᠡᠯᠢᠬᠡ ᠶᠢᠨ ᠦᠷᠬᠡᠨ ᠨᠢ ᠳᠤᠬᠤᠢ ᠬᠠᠭᠠᠰ᠃ ᠭᠡᠯᠬᠢᠶᠡᠰᠤ ᠶᠢᠨ ᠪᠢᠳᠡᠬᠦᠦ ᠭᠤᠭᠴᠤᠭ᠎ᠠ ᠶᠢᠨ ᠳᠠᠯ᠎ᠠ ᠶᠢ ᠳᠡᠬᠦᠪᠦᠷ ᠤᠨ ᠭᠡᠯᠡ ᠭᠡᠳᠡᠭ᠃ ᠡᠶᠢᠮᠤᠷᠬᠦ ᠳᠡᠪᠦᠬᠦᠷ ᠤᠨ ᠡᠯᠢᠬᠡ ᠨᠢ ᠬᠡᠯᠡ ᠵᠦᠭ ᠢᠶᠠᠨ ᠰᠠᠷᠪᠠᠭ᠂ ᠳᠤᠭᠳᠤᠢ ᠵᠦᠭ ᠢᠶᠠᠨ ᠳᠤᠭᠤᠷᠢᠭ ᠪᠠᠶᠢᠳᠠᠭ᠃    ᠪᠠᠷᠢᠮᠵᠢᠶ᠎ᠠ ᠶᠤᠰᠤᠭᠠᠷ ᠳᠡᠪᠦᠭᠦᠷ ᠤᠨ ᠬᠡᠯᠡ ᠶᠢ ᠢᠷᠮᠡᠭᠯᠡᠨ ᠬᠦᠷᠦᠵᠦ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠨᠦᠬᠦᠬᠡ ᠭᠤᠷᠪᠠᠨ ᠳᠠᠯ᠎ᠠ ᠶᠢᠨ ᠨᠤᠭᠤᠰᠤ ︵ᠪᠢᠳᠡᠬᠦᠦ ᠳᠠᠯ᠎ᠠ ᠶᠢᠨ ᠬᠦᠷᠦᠯᠬᠡ ᠶᠢᠨ ᠦᠵᠦᠬᠦᠷ ᠢ ᠨᠤᠭᠤᠰᠤ ᠪᠤᠯᠭᠠᠨ᠎ᠠ︶ ᠶᠢ ᠳᠡᠭᠡᠭᠰᠢ ᠪᠤᠰᠬᠠᠵᠤ ᠳᠤᠭᠤᠷᠢᠭᠤᠯᠤᠨ ᠬᠦᠷᠦᠨ᠎ᠠ᠃ ᠳᠡᠪᠦᠬᠦᠷ ᠤᠨ ᠭᠤᠷᠪᠠᠨ ᠳᠠᠯ᠎ᠠ ᠶᠢᠨ ᠪᠤᠰᠤᠭ᠎ᠠ ᠭᠡᠰᠡᠭ ᠢ ᠮᠥᠨ ᠳᠡᠪᠦᠬᠦᠷ ᠤᠨ ᠬᠠᠨ᠎ᠠ ᠭᠡᠳᠡᠭ᠃ ᠳᠡᠪᠦᠬᠦᠷ ᠤᠨ ᠬᠠᠨ᠎ᠠ ᠶᠢᠨ ᠪᠤᠰᠤᠭ᠎ᠠ ᠨᠢ ᠪᠠᠷᠤᠭ ᠳᠠᠪᠤᠨ ᠬᠤᠷᠤᠭᠤ ᠪᠠᠶᠢᠳᠠᠭ᠃    ᠳᠡᠪᠤᠬᠦᠷ ᠤᠨ ᠬᠠᠨ᠎ᠠ ᠶᠢ ᠬᠦᠷᠦᠵᠦ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠳᠡᠪᠦᠬᠦᠷ ᠤᠨ ᠢᠷᠮᠡᠭ ᠢ ᠳᠠᠷᠤᠨ᠎ᠠ᠃ ᠳᠡᠪᠤᠬᠦᠷ ᠤᠨ ᠢᠷᠮᠡᠭ ᠢ ᠬᠤᠶᠠᠷ ᠳᠠᠯ᠎ᠠ ᠠᠴᠠ ᠨᠢ ᠳᠠᠷᠤᠳᠠᠭ᠃ ᠳᠠᠷᠤᠢ ᠳᠡᠪᠦᠬᠦᠷ ᠤᠨ ᠬᠡᠯᠡᠨ ᠤ ᠪᠠᠷᠠᠭᠤᠨ ᠬᠠᠨ᠎ᠠ  ᠠᠴᠠ ᠰᠤᠯᠢᠭᠠᠢ ᠪᠠᠷ ᠭᠤᠷᠪᠠᠨ ᠮᠦᠰᠦᠯᠡᠨ ᠨᠤᠭᠤᠰᠤ ᠶᠢ ᠳᠠᠷᠤᠵᠤ᠂ ᠳᠡᠪᠦᠬᠦᠷ ᠤᠨ ᠳᠤᠬᠤᠨ ᠤ ᠭᠤᠤᠯ ᠳᠤ ᠵᠤᠭᠰᠤᠨ᠎ᠠ᠃ ᠳᠠᠬᠢᠭᠠᠳ ᠳᠡᠪᠦᠬᠦᠷ ᠤᠨ ᠬᠡᠯᠡᠨ ᠤ ᠵᠡᠬᠦᠨ ᠳᠠᠯ᠎ᠠ ᠶᠢᠨ ᠬᠠᠨ᠎ᠠ ᠠᠴᠠ ᠪᠠᠷᠠᠭᠤᠨ ᠢᠶᠠᠷ ᠭᠤᠷᠪᠠᠨ ᠮᠦᠰᠦᠯᠡᠨ ᠨᠤᠭᠤᠰᠤ ᠶᠢ ᠳᠠᠷᠤᠵᠤ᠂ ᠳᠡᠪᠦᠬᠦᠷ ᠤᠨ ᠳᠤᠬᠤᠨ ᠤ ᠭᠤᠤᠯ ᠳᠤ ᠵᠤᠭᠰᠤᠨ᠎ᠠ᠃ ᠳᠡᠪᠦᠬᠦᠷ ᠤᠨ ᠳᠤᠬᠤᠨ  ᠤ ᠭᠤᠤᠯ ᠳᠤ ᠬᠤᠶᠠᠷ ᠳᠠᠯ᠎ᠠ ᠶᠢᠨ ᠨᠤᠭᠤᠰᠤᠨ ᠤ ᠦᠵᠦᠬᠦᠷ ᠢ ᠵᠦᠷᠢᠬᠦᠯᠦᠨ ᠴᠢᠩᠭ᠎ᠠ ᠤᠶᠠᠵᠤ ᠢᠷᠮᠡᠭ ᠢ ᠳᠠᠷᠤᠵᠤ ᠳᠠᠭᠤᠰᠬᠠᠨ᠎ᠠ᠃   ᠡᠶᠢᠮᠤᠷᠬᠦ ᠳᠡᠪᠦᠬᠦᠷ ᠢ ᠬᠦᠷᠦᠵᠦ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠰᠠᠶᠢᠳᠤᠷ ᠬᠠᠳᠠᠭᠠᠨ ᠦᠬᠡᠷ ᠤᠨ ᠰᠢᠩᠭᠡᠨ ᠪᠠᠭᠠᠰᠤ  ᠪᠠᠷ ᠪᠢᠯᠳᠠᠵᠤ ᠰᠢᠪᠠᠵᠤ ᠬᠠᠳᠠᠭᠠᠭᠠᠳ ᠵᠠᠷᠤᠵᠤ ᠬᠡᠷᠡᠭᠯᠡᠳᠡᠭ᠃    ᠳᠡᠪᠦᠬᠦᠷ ᠢ ᠪᠠᠰᠠ ᠪᠦᠳᠦᠬᠦᠨ ᠪᠤᠷᠭᠠᠰᠤ ᠪᠠᠷ ᠤᠶᠠᠳᠠᠭ᠃ ᠳᠠᠷᠤᠢ ᠰᠠᠪᠬᠠᠨ ᠴᠢᠨᠡᠭᠡ ᠪᠦᠳᠦᠬᠦᠨ ᠪᠢᠷᠠᠭᠤᠨ ᠬᠦᠬᠡ ᠪᠤᠷᠭᠠᠰᠤ ᠪᠠᠷ ᠤᠶᠠᠨ᠎ᠠ᠃ ᠳᠡᠪᠦᠬᠦᠷ ᠤᠨ ᠪᠤᠷᠭᠠᠰᠤ ᠶᠢ ᠫᠤᠯᠤ ᠶᠢᠨ ᠪᠤᠷᠭᠠᠰᠤ ᠲᠠᠢ ᠠᠳᠠᠯᠢ ᠪᠠᠷ ᠰᠢᠢᠳᠪᠤᠷᠢᠯᠡᠳᠡᠭ᠃    ᠳᠡᠪᠦᠬᠦᠷ ᠤᠶᠠᠬᠤ ᠠᠴᠠ ᠪᠠᠨ ᠡᠮᠤᠨ᠎ᠠ ᠤᠷᠢᠳᠡᠪᠡᠷ ᠲᠦᠷᠪᠡᠨ ᠬᠤᠷᠤᠭᠤ ᠦᠷᠬᠡᠨ ᠬᠠᠭᠠᠰ ᠬᠤᠷᠤᠭᠤ ᠵᠤᠵᠠᠭᠠᠨ ᠂ ᠬᠤᠶᠠᠷ ᠳᠤᠬᠤᠢ ᠬᠠᠭᠠᠰ ᠤᠨ ᠤᠷᠳᠤ ᠮᠤᠳᠤᠨ ᠬᠠᠪᠳᠠᠰᠤ ᠶᠢ ᠪᠡᠯᠡᠳᠭᠡᠳᠡᠭ᠃ ᠳᠡᠬᠦᠨ ᠢᠶᠠᠨ ᠳᠡᠪᠦᠬᠦᠷ ᠤᠨ ᠢᠶᠠᠨ ᠦᠵᠦᠬᠦᠷ ᠳᠡᠬᠡᠷ᠎ᠠ ᠪᠠᠨ ᠪᠠᠬᠢᠯᠡᠨ ᠤᠶᠠᠵᠤ ᠳᠤᠷᠭᠤᠭᠠᠨ᠎ᠠ᠃ ᠳᠡᠬᠦᠨ ᠢᠶᠠᠨ ᠳᠡᠪᠦᠬᠦᠷ ᠤᠨ ᠬᠡᠯᠡ ᠭᠡᠳᠡᠭ᠃ ᠳᠡᠪᠦᠬᠦᠷ  ᠤᠨ ᠬᠡᠯᠡ ᠪᠠᠨ ᠤᠷᠢᠳᠡᠰᠠ ᠬᠤᠶᠠᠷ ᠦᠵᠦᠬᠦᠷ ᠢ ᠨᠢ ᠳᠡᠭᠡᠭᠰᠢ ᠳᠠᠰᠢᠭᠤᠯᠤᠨ ᠮᠡᠳᠠᠵᠤ ᠳᠤᠰᠬᠠᠵᠤ ᠳᠠᠯᠪᠢᠳᠠᠭ᠃ ᠬᠤᠶᠠᠷ ᠮᠠᠳᠠᠭᠰᠠᠨ ᠳᠠᠯ᠎ᠠ ᠶᠢ ᠳᠡᠪᠦᠬᠦᠷ ᠤᠨ ᠵᠡᠬᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠵᠠᠪᠢᠵᠢ ᠭᠡᠳᠡᠭ᠃    ᠳᠡᠪᠦᠬᠦᠷ ᠬᠦᠷᠦᠬᠦ ᠳᠤ ᠪᠠᠨ ᠭᠠᠵᠠᠷ ᠳᠡᠬᠡᠷ᠎ᠠ ᠭᠠᠳᠠᠰᠤ ᠭᠠᠳᠠᠵᠤ᠂ ᠳᠡᠪᠦᠬᠦᠷ ᠤᠨ ᠬᠡᠯᠡ ᠪᠠᠨ ᠪᠠᠬᠢᠯᠡᠵᠦ ᠤᠶᠠᠭᠠᠳ᠂ ᠳᠠᠬᠢᠨ ᠳᠡᠪᠦᠬᠦᠷ ᠤᠨ ᠳᠤᠭᠳᠤᠢ ᠶᠢᠨ ᠬᠡᠮᠵᠢᠶᠠᠨ ᠳᠤ ᠬᠡᠳᠤᠨ ᠭᠠᠳᠠᠰᠤ ᠶᠢ ᠭᠠᠳᠠᠭᠠᠳ᠂ ᠳᠡᠪᠦᠬᠦᠷ  ᠤᠨ ᠬᠡᠯᠡ ᠶᠢᠨ ᠭᠤᠤᠯ ᠳᠤᠮᠳᠠ ᠠᠴᠠ ᠳᠤᠭᠳᠤᠢ ᠶᠢᠨ ᠭᠤᠤᠯ ᠳᠤᠮᠳᠠᠬᠢ ᠭᠠᠳᠠᠰᠤ ᠶᠢ ᠪᠡᠯᠡᠳᠭᠡᠭᠰᠡᠨ ᠤᠯᠤᠰᠤᠨ ᠤᠶᠠᠭᠠᠰᠤ ᠪᠠᠷ ᠢᠶᠠᠨ ᠴᠢᠩᠭ᠎ᠠ ᠳᠠᠳᠠᠨ ᠬᠤᠯᠪᠤᠵᠤ᠂ ᠳᠠᠬᠢᠭᠠᠳ ᠳᠤᠭᠳᠤᠢ ᠶᠢᠨ ᠭᠠᠳᠠᠰᠤ ᠶᠢᠨ ᠪᠡᠶ᠎ᠠ ᠶᠢ ᠳᠡᠭᠡᠭᠰᠢ ᠳᠠᠭᠠᠭᠤᠯᠤᠨ ᠳᠠᠳᠠᠭᠠᠳ᠂ ᠭᠠᠳᠠᠰᠤ ᠶᠢᠨ ᠤᠷᠤᠢ ᠳᠤ ᠭᠤᠭᠴᠤᠭᠠᠯᠠᠨ᠎ᠠ᠃ ᠳᠤᠰ ᠭᠠᠳᠠᠰᠤ ᠶᠢᠨ ᠤᠶᠠᠭᠠᠰᠤ ᠠᠴᠠ ᠡᠬᠢᠯᠡᠵᠦ ᠤᠶᠠᠯᠭ᠎ᠠ ᠶᠢᠨ ᠪᠤᠷᠭᠠᠰᠤ ᠪᠠᠨ ᠪᠤᠭᠤᠨᠢ ᠠᠴᠠ ᠤᠷᠳᠤ ᠪᠠᠷ ᠳᠤᠯᠤᠭᠠᠢ ᠪᠦᠭᠰᠡ ᠶᠢ ᠨᠢ ᠰᠤᠯᠢᠵᠦ ᠵᠡᠷᠭᠡᠴᠡᠬᠦᠯᠦᠨ᠂ ᠭᠤᠭᠴᠤᠭᠠᠯᠠᠭᠰᠠᠨ ᠤᠶᠠᠭᠠᠰᠤ ᠪᠠᠨ ᠠᠯᠳᠠᠷᠭᠠᠨ ᠬᠠᠮᠤᠭ ᠡᠬᠢᠨ ᠤ ᠪᠤᠷᠭᠠᠰᠤ ᠶᠢ ᠬᠤᠶᠠᠷ ᠤᠷᠢᠶᠠᠭᠠᠳ ᠰᠦᠯᠵᠢᠨ ᠤᠶᠠᠵᠤ᠂ ᠳᠡᠪᠦᠬᠦᠷ ᠤᠨ ᠬᠡᠯᠡ ᠶᠢᠨ ᠴᠤᠭᠤᠯᠤᠭᠰᠠᠨ ᠨᠦᠬᠡ ᠪᠠᠷ ᠰᠢᠷᠭᠤᠭᠤᠯᠤᠨ ᠭᠠᠷᠭᠠᠵᠤ ᠳᠠᠳᠠᠨ᠎ᠠ᠃    ᠳᠠᠬᠢᠭᠠᠳ ᠤᠶᠠᠭᠠᠰᠤ ᠪᠠᠨ ᠳᠡᠪᠦᠬᠦᠷ ᠤᠨ ᠬᠡᠯᠡᠨ ᠤ ᠪᠠᠷᠠᠭᠤᠨ ᠳᠠᠯ᠎ᠠ ᠶᠢᠨ ᠨᠦᠬᠡ ᠪᠠᠷ ᠰᠢᠷᠭᠤᠭᠤᠯᠤᠨ ᠭᠠᠷᠭᠠᠵᠤ᠂ ᠳᠡᠪᠦᠬᠦᠷ ᠤᠨ ᠳᠤᠭᠳᠤᠢ ᠤᠷᠤᠭᠤ ᠰᠦᠯᠵᠢᠨ ᠤᠶᠠᠨ᠎ᠠ᠃ ᠬᠤᠶᠠᠷ ᠵᠤᠷᠪᠤᠰ ᠤᠶᠠᠭᠠᠰᠤ ᠶᠢᠨ ᠬᠤᠭᠤᠷᠤᠨᠳᠤᠬᠢ ᠵᠠᠢ ᠶᠢ ᠮᠥᠨ ᠨᠢᠬᠡ ᠬᠤᠷᠤᠭᠤ ᠠᠴᠠ ᠵᠠᠶᠢᠳᠠᠢ ᠪᠠᠶᠢᠯᠭᠠᠵᠤ ᠪᠤᠯᠬᠤ ᠦᠭᠡᠢ᠃    ᠳᠡᠪᠦᠬᠦᠷ ᠤᠨ ᠵᠡᠬᠦᠨ ᠪᠠᠷᠠᠭᠤᠨ ᠳᠠᠯ᠎ᠠ ᠳᠤ᠂ ᠳᠡᠪᠦᠬᠦᠷ ᠤᠨ ᠬᠡᠯᠪᠡᠷᠢ ᠪᠠᠷ ᠢᠶᠠᠨ ᠭᠠᠵᠠᠷ ᠭᠠᠳᠠᠰᠤ ᠭᠠᠳᠠᠵᠤ᠂ ᠪᠤᠷᠭᠠᠰᠤ ᠪᠠᠨ ᠰᠦᠯᠵᠢᠨ ᠤᠶᠠᠬᠤ ᠶᠢᠨ ᠳᠠᠭᠠᠤ ᠳᠤ ᠤᠶᠠᠭᠠᠰᠤ ᠪᠤᠯᠤᠨ ᠪᠤᠷᠭᠠᠰᠤ ᠶᠢ ᠳᠠᠳᠠᠵᠤ ᠤᠶᠠᠨ᠎ᠠ᠃ ᠳᠡᠪᠦᠬᠦᠷ ᠤᠨ ᠨᠢᠬᠡ ᠳᠠᠯ᠎ᠠ ᠶᠢ ᠤᠶᠠᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠳᠠᠬᠢᠭᠠᠳ ᠨᠦᠬᠦᠬᠡ ᠳᠠᠯ᠎ᠠ ᠶᠢ ᠠᠳᠠᠯᠢ ᠶᠤᠰᠤᠭᠠᠷ ᠰᠦᠯᠵᠢᠨ ᠤᠶᠠᠨ᠎ᠠ᠃    ᠳᠡᠪᠦᠬᠦᠷ ᠤᠨ ᠬᠡᠯᠪᠡᠷᠢ ᠪᠠᠷ ᠢᠶᠠᠨ ᠳᠡᠪᠦᠬᠦᠷ ᠢᠶᠠᠨ ᠤᠶᠠᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠬᠤᠶᠠᠷ ᠵᠠᠪᠢᠵᠢ ᠶᠢᠨ ᠳᠡᠬᠡᠷ᠎ᠠ ᠤᠷᠤᠢ ᠪᠤᠶᠤ ᠳᠡᠪᠦᠬᠦᠷ ᠤᠨ ᠭᠤᠤᠯ ᠳᠤᠬᠤᠨ ᠤ ᠤᠷᠤᠢ ᠶᠢ ᠳᠤᠭᠤᠷᠢᠭᠤᠯᠤᠨ ᠤᠳᠠᠰᠤ ᠳᠠᠳᠠᠵᠤ᠂ ᠢᠯᠡᠬᠦᠦ ᠭᠠᠷᠤᠭᠰᠠᠨ ᠪᠤᠷᠭᠠᠰᠤ ᠶᠢ ᠳᠠᠩ ᠲᠠᠢ ᠰᠠᠶᠢᠬᠠᠨ ᠬᠠᠶᠢᠴᠢᠯᠠᠨ ᠠᠪᠤᠨ᠎ᠠ᠃ ᠳᠠᠷᠠᠭ᠎ᠠ ᠳᠤ ᠨᠢ ᠨᠠᠷᠢᠨ ᠪᠦᠳᠦᠬᠦᠨ ᠦᠵᠦᠬᠦᠷ ᠢ ᠨᠢ ᠰᠤᠯᠢᠭᠰᠠᠨ ᠬᠤᠶᠠᠷ ᠤᠷᠳᠤ ᠪᠤᠷᠭᠠᠰᠤ ᠪᠠᠷ ᠳᠡᠪᠦᠬᠦᠷ ᠤᠨ ᠢᠷᠮᠡᠭ ᠤᠨ ᠳᠤᠳᠤᠷ᠎ᠠ ᠨᠢ ᠨᠢᠬᠡ᠂ ᠭᠠᠳᠠᠭᠤᠷ ᠨᠢ ᠨᠢᠬᠡ ᠳᠤᠭᠤᠷᠢᠭᠤᠯᠤᠨ᠂ ᠳᠡᠭᠡᠷ᠎ᠠ ᠢᠷᠮᠡᠭ ᠢᠶᠠᠷ ᠨᠢ ᠪᠦᠳᠦᠬᠦᠨ ᠰᠢᠭ ᠪᠤᠷᠭᠠᠰᠤ ᠪᠠᠷ ᠳᠤᠭᠤᠷᠢᠭᠤᠯᠤᠨ᠂ ᠠᠳᠡ ᠳᠡᠨᠳᠡ ᠲᠦᠬᠦᠮ ᠳᠤᠪᠬᠢᠨ᠎ᠠ᠃   ᠳᠡᠬᠦᠨ ᠤ ᠪᠠᠨ ᠳᠠᠷᠠᠭ᠎ᠠ ᠳᠤ ᠨᠢ ᠰᠠᠶ᠋ᠢ ᠡᠬᠢᠯᠡᠬᠦ ᠠᠴᠠ ᠤᠶᠠᠵᠤ ᠪᠠᠷᠠᠳᠠᠯᠠᠬᠢ ᠭᠠᠳᠠᠰᠤ ᠲᠠᠢ ᠬᠤᠯᠪᠤᠭᠰᠠᠨ ᠤᠶᠠᠳᠠᠯ ᠢ ᠳᠠᠶᠢᠯᠵᠦ᠂ ᠦ ᠰᠡᠪᠡ ᠶᠢ ᠨᠢ ᠵᠠᠰᠠᠭᠠᠳ᠂ ᠳᠡᠪᠦᠬᠦᠷ ᠤᠨ ᠢᠷᠮᠡᠭ ᠢᠶᠠᠨ ᠳᠡᠪᠦᠬᠦᠷ ᠤᠨ ᠬᠡᠯᠡᠨ ᠤ ᠨᠢᠬᠡ ᠰᠡᠵᠢᠬᠦᠷ ᠠᠴᠠ ᠡᠬᠢᠯᠡᠵᠦ ᠳᠡᠪᠦᠬᠦᠷ ᠤᠨ ᠢᠷᠮᠡᠭ ᠢᠶᠠᠨ ᠰᠢᠷᠢ ᠪᠠᠷ ᠴᠢᠩᠭ᠎ᠠ ᠪᠠᠬᠢᠯᠡᠨ ᠤᠷᠢᠶᠠᠨ᠎ᠠ᠃ ᠭᠡᠬᠦ ᠳᠤ ᠪᠠᠨ ᠫᠤᠯᠤ ᠶᠢᠨ ᠢᠷᠮᠡᠭ ᠢ ᠤᠶᠠᠬᠤ ᠲᠠᠢ ᠨᠢᠬᠡ ᠯᠠ ᠠᠳᠠᠯᠢ ᠪᠠᠷ ᠪᠤᠷᠭᠠᠰᠤ ᠶᠢᠨ ᠦᠵᠦᠬᠦᠷ ᠢ ᠰᠢᠪᠦᠭᠡᠳᠡᠵᠦ ᠴᠤᠭᠤᠯᠤᠨ ᠴᠢᠩᠭ᠎ᠠ ᠤᠶᠠᠨ᠎ᠠ᠃   ᠤᠶᠠᠵᠤ ᠪᠠᠷᠠᠭᠰᠠᠨ ᠳᠡᠪᠦᠬᠦᠷ ᠤᠨ ᠢᠶᠠᠨ ᠡᠪ ᠶᠠᠩᠵᠤ ᠶᠢ ᠨᠢ ᠦᠵᠡᠵᠦ᠂ ᠬᠡᠷᠪᠡ ᠵᠤᠬᠢᠮᠵᠢ ᠠᠶᠠᠳᠠᠢ ᠪᠤᠯ ᠰᠢᠷᠤᠢ ᠬᠢᠵᠦ ᠳᠤᠰᠬᠠᠬᠤ ᠪᠤᠶᠤ ᠤᠶᠠᠵᠤ ᠬᠦᠯᠢᠵᠦ ᠳᠠᠰᠬᠠᠬᠤ ᠠᠷᠭ᠎ᠠ ᠶᠢ ᠬᠡᠷᠡᠭᠯᠡᠵᠦ ᠰᠢᠢᠳᠪᠤᠷᠢᠯᠡᠨ᠎ᠠ᠃    ᠬᠠᠷᠮᠠᠭᠤᠯ    ᠬᠠᠭᠤᠷᠤᠭᠰᠠᠨ ᠪᠤᠳᠠᠭ᠎ᠠ ᠪᠠᠨ ᠬᠠᠯᠠᠭᠤᠨ ᠳᠤᠭᠠᠨ ᠠᠴᠠ ᠰᠢᠷᠤᠢ ᠲᠠᠢ ᠨᠢ ᠬᠠᠷᠮᠠᠨ ᠠᠪᠬᠤ ᠳᠤᠰᠬᠠᠢ ᠡᠳ᠋ᠯᠡᠯ ᠢ ᠬᠠᠷᠮᠠᠭᠤᠯ ᠬᠡᠨ᠎ᠠ᠃    ᠬᠠᠷᠮᠠᠭᠤᠯ ᠢ ᠪᠠᠰᠠ ᠬᠠᠷᠮᠠᠭᠤᠷ ᠭᠡᠳᠡᠭ᠃ ᠪᠢᠷᠠᠭᠤᠨ ᠬᠦᠬᠡ ᠪᠤᠷᠭᠠᠰᠤ᠂ ᠤᠯᠠᠭᠠᠨ ᠪᠤᠷᠭᠠᠰᠤ᠂ ᠴᠠᠭᠠᠨ ᠪᠤᠷᠭᠠᠰᠤ ᠪᠠᠷ ᠤᠶᠠᠨ᠎ᠠ᠃    ᠨᠠᠢᠮᠠᠨ ᠢᠮᠠᠬᠤ ᠤᠷᠳᠤ ᠪᠠᠷᠢᠮ᠎ᠠ ᠠᠳᠬᠤᠭᠤᠷ ᠤᠨ ᠴᠢᠨᠡᠭᠡ ᠨᠠᠷᠢᠨ ᠮᠤᠳᠤ ᠪᠠᠷ ᠡᠰᠢ ᠬᠢᠨ᠎ᠠ᠃ ᠮᠤᠳᠤᠨ ᠤ  ᠪᠠᠨ ᠬᠤᠶᠠᠷ ᠦᠵᠦᠬᠦᠷ ᠢ ᠳᠤᠰ ᠪᠦᠷᠢ ᠨᠢᠬᠡ ᠬᠤᠷᠤᠭᠤ ᠦᠯᠡᠳᠡᠭᠡᠵᠦ᠂ ᠳᠤᠳᠤᠷ᠎ᠠ ᠭᠡᠰᠡᠭ ᠢ ᠨᠢ ᠪᠠᠭ᠋ᠠᠨ ᠵᠤᠷᠭᠤᠵᠤ ᠠᠪᠤᠨ᠎ᠠ᠃ ᠪᠤᠷᠭᠠᠰᠤ ᠪᠠᠨ ᠬᠤᠶᠠᠷ ᠲᠤᠬᠤᠢ ᠬᠤᠶᠠᠷ ᠢᠮᠠᠬᠤ ᠪᠠᠷ ᠪᠦᠬᠦᠨ ᠢ ᠤᠭᠳᠤᠯᠵᠤ᠂ ᠪᠤᠷᠭᠠᠰᠤᠨ ᠤ ᠪᠠᠨ ᠭᠤᠤᠯ ᠳᠤᠮᠳᠠ ᠨᠢ ᠪᠠᠯᠪᠠᠷᠠᠭᠤᠯᠤᠨ ᠮᠤᠰᠬᠢᠵᠦ᠂ ᠮᠤᠳᠤ ᠪᠠᠨ ᠡᠮᠬᠦᠬᠦᠵᠦ᠂ ᠨᠢᠬᠡ ᠳᠠᠯ᠎ᠠ ᠠᠴᠠ ᠨᠢ ᠡᠷᠴᠢᠮ ᠤᠷᠤᠭᠤᠯᠤᠭᠰᠠᠨ ᠤᠯᠤᠰᠤᠨ ᠤᠶᠠᠭᠠᠰᠤ ᠪᠠᠷ ᠢᠶᠠᠨ ᠰᠦᠯᠵᠢᠨ ᠤᠶᠠᠨ᠎ᠠ᠃ ᠡᠰᠢ ᠮᠤᠳᠤᠨ ᠳᠡᠬᠡᠷ᠎ᠠ ᠪᠠᠨ ᠪᠤᠷᠭᠠᠰᠤ  ᠶᠢᠨ ᠪᠠᠭᠳᠠᠬᠤ ᠬᠢᠷᠢ ᠪᠠᠷ ᠰᠢᠬᠠᠨ ᠴᠢᠩᠭ᠎ᠠ ᠳᠠᠳᠠᠵᠤ ᠤᠶᠠᠭᠠᠳ᠂ ᠨᠦᠬᠦᠬᠡ ᠦᠵᠦᠬᠦᠷ ᠨᠢ ᠭᠠᠷᠤᠭᠰᠠᠨ ᠤ ᠳᠠᠷᠠᠭ᠎ᠠ ᠂ ᠤᠶᠠᠭᠠᠰᠤ ᠪᠠᠨ ᠵᠠᠬᠠᠨ ᠤ ᠪᠤᠷᠭᠠᠰᠤ ᠶᠢ ᠨᠢᠬᠡ ᠤᠷᠢᠶᠠᠵᠤ᠂ ᠳᠠᠬᠢᠨ ᠭᠡᠳᠡᠷᠬᠦᠦ ᠪᠠᠨ ᠪᠤᠷᠭᠠᠰᠤ ᠪᠠᠨ ᠨᠢᠬᠡ ᠡᠷᠬᠦᠨ ᠨᠢᠬᠡ ᠳᠠᠷᠤᠬᠤ ᠠᠷᠭ᠎ᠠ ᠪᠠᠷ ᠰᠦᠯᠵᠢᠨ ᠤᠶᠠᠵᠤ᠂ ᠵᠠᠬ᠎ᠠ ᠳᠡᠬᠡᠷ᠎ᠠ ᠪᠠᠨ ᠬᠦᠷᠦᠨ᠎ᠠ᠃   ᠪᠤᠷᠭᠠᠰᠤ ᠪᠠᠨ ᠵᠡᠷᠭᠡᠴᠡᠬᠦᠯᠬᠦ ᠳᠤ ᠪᠠᠨ ᠮᠥᠨ ᠳᠤᠯᠤᠭᠠᠢ ᠪᠦᠭᠰᠡ᠂ ᠳᠤᠯᠤᠭᠠᠢ ᠪᠦᠭᠰᠡ ᠶᠢᠨ ᠳᠡᠰ ᠳᠠᠷᠠᠭᠠᠯᠠᠯ  ᠢᠶᠠᠷ ᠵᠢᠬᠰᠠᠭᠠᠨ᠎ᠠ᠃ ᠡᠨᠡ ᠨᠢ ᠵᠢᠵᠢᠭ ᠭᠠᠷ ᠡᠳ᠋ᠯᠡᠯ ᠤᠴᠢᠷ ᠠᠴᠠ ᠪᠤᠷᠭᠠᠰᠤ ᠪᠠᠨ ᠳᠡᠪᠳᠦᠬᠡᠨ ᠵᠦᠬᠡᠯᠡᠷᠡᠬᠦᠯᠬᠦ ᠦᠭᠡᠢ ᠳᠤ ᠪᠤᠯᠴᠢᠬᠠᠬᠤ ᠮᠦᠷᠳᠡᠭᠡᠨ ᠬᠠᠯᠢᠰᠤ ᠶᠢ ᠨᠢ ᠠᠪᠳᠠᠭ ᠦᠭᠡᠢ᠃   ᠤᠶᠠᠭᠠᠰᠤ ᠪᠠᠨ ᠶᠠᠪᠤᠬᠤ ᠳᠤᠳᠤᠮ ᠢᠶᠠᠨ ᠴᠢᠩᠭᠠᠷᠠᠭᠤᠯᠵᠤ᠂ ᠨᠢᠬᠡ ᠳᠤᠬᠤᠢ ᠶᠢᠨ ᠦᠵᠦᠬᠦᠷ ᠬᠦᠷᠬᠦ ᠦᠶ᠎ᠠ ᠳᠤ ᠬᠠᠷᠮᠠᠭᠤᠯ ᠤᠨ ᠦᠵᠦᠬᠦᠷ ᠢᠶᠠᠨ ᠬᠠᠭᠠᠰ ᠳᠤᠭᠤᠷᠢᠭ ᠤᠨ ᠬᠡᠯᠪᠡᠷᠢ ᠲᠠᠢ ᠪᠤᠯᠭᠠᠨ ᠤᠶᠠᠳᠠᠭ᠃ ᠬᠠᠷᠮᠠᠭᠤᠯ ᠤᠨ ᠦᠵᠦᠬᠦᠷ ᠤᠨ ᠬᠠᠭᠠᠰ ᠳᠤᠭᠤᠷᠢᠭ ᠬᠡᠯᠪᠡᠷᠢ ᠲᠠᠢ ᠪᠠᠶᠢᠳᠠᠭ ᠤᠨ ᠰᠢᠯᠳᠠᠭᠠᠨ ᠨᠢ ᠬᠡᠪᠡᠯ ᠳᠠᠷᠤᠢ ᠳᠤᠭᠤᠭᠠᠨ ᠢᠷᠤᠭᠠᠷ  ᠠᠴᠠ ᠬᠠᠷᠮᠠᠭᠤᠯ ᠤᠨ ᠦᠵᠦᠬᠦᠷ ᠢᠶᠠᠷ ᠢᠶᠠᠨ ᠬᠠᠷᠮᠠᠬᠤ ᠳᠤ ᠵᠤᠬᠢᠷᠠᠳᠠᠭ᠃   ᠤᠶᠠᠵᠤ ᠳᠠᠭᠤᠰᠤᠭᠰᠠᠨ ᠬᠠᠷᠮᠠᠭᠤᠯ ᠤᠨ ᠢᠶᠠᠨ ᠦᠵᠦᠬᠦᠷ ᠢ ᠳᠤᠤᠷ᠎ᠠ ᠳᠠᠯ᠎ᠠ ᠠᠴᠠ ᠨᠢ ᠢᠷ ᠰᠠᠶᠢᠳᠠᠢ ᠬᠢᠳᠤᠭ᠎ᠠ  ᠪᠠᠷ ᠠᠳᠠᠯᠢ ᠳᠡᠭᠰᠢ ᠪᠠᠷ ᠵᠤᠷᠭᠤᠨ ᠠᠪᠳᠠᠭ᠃   ᠡᠶᠢᠮᠤᠷᠬᠦ ᠦᠵᠦᠬᠦᠷ ᠨᠢ ᠢᠶᠠᠷ ᠲᠠᠢ ᠪᠦᠬᠡᠳ ᠳᠤᠳᠤᠭᠰᠢ ᠪᠠᠨ ᠬᠤᠮᠢᠭᠠᠷ᠂ ᠳᠤᠮᠳᠠ ᠪᠠᠨ ᠴᠠᠭᠡᠯ ᠬᠡᠳᠡᠰᠤ ᠲᠠᠢ ᠬᠠᠷᠮᠠᠭᠤᠯ ᠨᠢ ᠬᠠᠭᠤᠷᠤᠭᠰᠠᠨ ᠪᠤᠳᠠᠭ᠎ᠠ ᠶᠢ ᠰᠢᠷᠤᠢ ᠲᠠᠢ ᠨᠢ ᠦᠳᠳᠡᠷ ᠲᠦᠷᠬᠡᠨ ᠢᠶᠠᠷ ᠳᠤᠭᠤᠭᠠᠨ ᠠᠴᠠ ᠤᠳᠬᠤᠨ ᠬᠠᠷᠮᠠᠵᠤ ᠠᠪᠬᠤ ᠳᠤ ᠡᠳ᠋ ᠤᠨ ᠶᠠᠭᠤᠮ᠎ᠠ ᠪᠠᠶᠢᠭ᠎ᠠ ᠶᠤᠮ᠃   ᠰᠠᠶᠢᠵᠠ   ᠨᠠᠷᠢᠨ ᠶᠠᠭᠤᠮ᠎ᠠ ᠶᠢ ᠭᠤᠭᠤᠵᠢᠭᠤᠯᠵᠤ ᠪᠦᠳᠦᠬᠦᠨ ᠢ ᠨᠢ ᠦᠯᠡᠳᠡᠭᠡᠵᠦ ᠠᠪᠳᠠᠭ ᠢᠷᠤᠭᠠᠷ ᠲᠤ ᠪᠠᠨ ᠰᠡᠶᠢᠮᠡᠬᠡᠢ ᠰᠦᠪᠡ ᠲᠠᠢ ᠰᠠᠵᠢᠯᠯᠠᠨ ᠬᠡᠷᠡᠭᠯᠡᠳᠡᠭ ᠬᠡᠷᠡᠭᠰᠡᠯ ᠢ ᠰᠠᠶᠢᠵᠠ ᠭᠡᠳᠡᠭ᠃ ᠵᠠᠷᠢᠮ ᠳᠤ ᠪᠠᠨ ᠪᠠᠰᠠ ᠡᠯᠬᠡᠭ ᠭᠡᠳᠡᠭ᠃   ᠪᠤᠳᠠᠭ᠎ᠠ ᠰᠠᠶᠢᠵᠠᠳᠠᠬᠤ ᠪᠤᠶᠤ ᠯᠠᠢ ᠰᠠᠶᠢᠵᠠᠳᠠᠬᠤ ᠰᠠᠶᠢᠵᠠ ᠶᠢ ᠮᠤᠩᠭᠤᠯᠴᠤᠳ ᠪᠤᠷᠭᠠᠰᠤ ᠪᠠᠷ ᠤᠶᠠᠳᠠᠭ᠃ ᠨᠢᠬᠡ  ᠨᠢ ᠨᠠᠷᠢᠨ ᠪᠤᠷᠭᠠᠰᠣ᠂ ᠨᠦᠬᠦᠬᠡ ᠨᠢ ᠬᠠᠭᠠᠯᠤᠭᠰᠠᠨ ᠪᠤᠷᠭᠠᠰᠤ ᠪᠠᠷ ᠰᠠᠶᠢᠵᠠᠨ ᠤ ᠪᠠᠨ ᠲᠤᠤᠷ ᠬᠢᠳᠡᠭ᠃   ᠰᠠᠶᠢᠵᠠᠨ ᠤ ᠳᠤᠤᠷ ᠢ ᠬᠤᠶᠠᠷ ᠬᠤᠶᠠᠷ ᠪᠤᠷᠭᠠᠰᠤ ᠪᠠᠷ ᠬᠦᠨᠳᠡᠯᠡᠨ ᠭᠤᠤᠯᠳᠤ ᠪᠠᠷ ᠳᠡᠭᠰᠢ ᠲᠦᠷᠪᠡᠯᠵᠢᠨ ᠵᠢᠵᠢᠭ ᠨᠦᠬᠡ ᠭᠠᠷᠭᠠᠨ ᠰᠦᠯᠵᠢᠨ᠎ᠠ᠃ ᠰᠦᠯᠵᠢᠶᠡᠨ ᠤ ᠪᠤᠷᠭᠠᠰᠤ ᠪᠠᠨ ᠨᠢᠭᠡ ᠡᠷᠬᠦᠵᠦ᠂ ᠨᠢᠬᠡ ᠳᠠᠷᠤᠬᠤ ᠠᠷᠭ᠎ᠠ ᠪᠠᠷ ᠡᠷᠳᠡᠨᠢ ᠰᠢᠰᠢ ᠶᠢᠨ ᠮᠦᠬᠦᠯᠢᠭ ᠭᠤᠭᠤᠵᠢᠵᠦ ᠭᠠᠷᠬᠤ ᠬᠡᠮᠵᠢᠶ᠎ᠠ ᠪᠠᠷ ᠪᠠᠷᠢᠮᠵᠢᠶ᠎ᠠ ᠪᠤᠯᠭᠠᠵᠤ ᠳᠤᠮᠳᠠ ᠠᠴᠠ ᠨᠢ ᠡᠬᠢᠯᠡᠵᠦ ᠰᠦᠯᠵᠢᠵᠦ ᠭᠠᠷᠭᠠᠨ᠎ᠠ᠃ ᠳᠤᠤᠷᠯᠠᠭᠰᠠᠨ ᠳᠠᠯᠠᠪᠠᠢ ᠶᠢ ᠳᠡᠭᠰᠢ ᠲᠦᠷᠪᠡᠯᠵᠢᠨ ᠨᠢᠬᠡ ᠳᠤᠬᠤᠢ ᠬᠤᠶᠠᠷ ᠢᠮᠠᠬᠤ ᠶᠢᠨ ᠭᠡᠮᠵᠢᠶ᠎ᠠ ᠪᠠᠷ ᠰᠦᠯᠵᠢᠭᠰᠡᠨ ᠤ ᠳᠠᠷᠠᠭ᠎ᠠ ︵ᠪᠤᠷᠭᠠᠰᠤ ᠪᠠᠨ ᠬᠠᠭᠠᠯᠵᠤ ᠰᠦᠯᠵᠢᠭᠰᠡᠨ ᠪᠠᠶᠢᠪᠠᠯ︶ ᠳᠡᠬᠦᠨ  ᠢᠶᠠᠨ ᠨᠢᠬᠡ ᠬᠦᠷᠪᠡᠬᠦᠯᠦᠬᠡᠳ᠂ ᠬᠤᠶᠠᠷ ᠬᠤᠶᠠᠷ ᠪᠦᠳᠦᠬᠦᠨ ᠰᠢᠭ ᠪᠤᠷᠭᠠᠰᠤ ᠪᠠᠷ ᠲᠦᠷᠪᠡᠨ ᠬᠤᠷᠤᠭᠤ ᠪᠠᠷ ᠵᠠᠶᠢᠴᠢᠯᠠᠨ ᠳᠡᠭᠰᠢ ᠲᠦᠷᠪᠡᠯᠵᠢᠨ ᠢᠶᠠᠷ ᠳᠤᠤᠷᠯᠠᠵᠤ᠂ ᠰᠠᠶᠢᠵᠠᠨ ᠤ ᠪᠠᠨ ᠨᠠᠷᠢᠨ ᠳᠤᠤᠷ ᠤᠨ ᠬᠠᠪᠰᠤᠷᠤᠭᠴᠢ ᠪᠤᠯᠭᠠᠵᠤ ᠬᠦᠨᠳᠡᠯᠡᠨ ᠭᠤᠤᠯᠳᠤ ᠰᠢᠷᠬᠡᠭ ᠲᠠᠢ ᠨᠢ ᠳᠡᠩᠴᠡᠬᠦᠯᠵᠦ ᠳᠠᠯᠪᠢᠨ᠎ᠠ᠃   ᠳᠠᠷᠠᠭ᠎ᠠ ᠳᠤ ᠨᠢ ᠵᠦᠬᠡᠯᠡᠨ ᠪᠤᠷᠭᠠᠰᠤ ᠪᠠᠷ ᠨᠢᠬᠡ ᠳᠠᠯ᠎ᠠ ᠠᠴᠠ ᠨᠢ ᠰᠠᠭᠰᠤᠨ ᠢᠷᠤᠭᠠᠷ ᠭᠠᠷᠭᠠᠬᠤ ᠶᠠᠩᠵᠤ ᠪᠠᠷ ᠳᠤᠭᠤᠷᠢᠭᠤᠯᠤᠨ ᠬᠦᠷᠦᠨ᠎ᠠ᠃ ᠳᠤᠭᠤᠷᠢᠭᠤᠯᠤᠨ ᠬᠦᠷᠦᠬᠦ ᠳᠤ ᠪᠠᠨ ᠬᠤᠶᠠᠷ ᠶᠠᠩᠵᠤ ᠶᠢᠨ ᠳᠤᠤᠷ ᠤᠨ ᠪᠤᠷᠭᠠᠰᠤ ᠶᠢ ᠵᠡᠷᠭᠡᠴᠡᠬᠦᠯᠦᠨ ᠳᠠᠷᠤᠵᠤ ᠬᠠᠮᠳᠤ ᠳᠤ ᠨᠢ ᠨᠤᠭᠤᠰᠤ ᠪᠤᠯᠭᠠᠬᠤ ᠤᠴᠢᠷ ᠠᠴᠠ ᠨᠤᠭᠤᠰᠤ ᠶᠢᠨ ᠵᠠᠢ ᠪᠠᠨ ᠴᠦ ᠰᠠᠶᠢᠳᠤᠷ ᠠᠩᠬᠠᠷᠬᠤ ᠬᠡᠷᠡᠭᠳᠡᠢ ᠪᠠᠶᠢᠳᠠᠭ᠃   ᠨᠢᠬᠡ ᠳᠤᠭᠤᠷᠢᠭᠤᠯᠤᠨ ᠬᠦᠷᠦᠭᠰᠡᠨ ᠤ ᠳᠠᠷᠠᠭ᠎ᠠ ᠰᠠᠶᠢᠵᠠᠨ ᠤ ᠢᠷᠤᠭᠠᠷ ᠨᠢ ᠭᠤᠷᠪᠠ ᠠᠴᠠ ᠲᠦᠷᠪᠡᠨ ᠬᠤᠷᠤᠭᠤ ᠦᠰᠳᠡᠭ᠃ ᠡᠨᠡ ᠦᠶ᠎ᠠ ᠪᠤᠯᠤᠮᠠᠭᠴᠠ ᠰᠠᠶᠢᠵᠠᠨ ᠢᠷᠤᠭᠠᠷ ᠢᠶᠠᠨ ᠳᠠᠬᠢᠨ ᠨᠢᠬᠡ ᠬᠦᠷᠪᠡᠬᠦᠯᠵᠦ᠂ ᠨᠤᠭᠤᠰᠤ ᠪᠠᠨ ᠳᠡᠭᠡᠭᠰᠢ ᠪᠤᠰᠬᠠᠨ ᠬᠦᠷᠦᠨ᠎ᠠ᠃ ᠬᠠᠨ᠎ᠠ ᠶᠢ ᠨᠢ ᠨᠢᠬᠡ ᠲᠦᠬᠡ ᠪᠤᠰᠬᠠᠨ ᠬᠦᠷᠦᠬᠡᠳ ᠢᠷᠮᠡᠭ ᠢᠶᠠᠨ ᠳᠠᠷᠤᠨ᠎ᠠ᠃ ᠢᠷᠮᠡᠭ ᠳᠠᠷᠤᠬᠤ ᠨᠢ ᠠᠷᠭᠠᠯ ᠤᠨ ᠰᠠᠭᠰᠤᠨ ᠤ ᠬᠢ ᠲᠠᠢ ᠠᠳᠠᠯᠢ ᠪᠠᠶᠢᠳᠠᠭ᠃   ᠪᠤᠷᠭᠠᠰᠤᠨ ᠰᠠᠶᠢᠵᠠ ᠶᠢᠨ ᠳᠤᠤᠷ ᠢᠶᠠᠨ ᠪᠦᠬᠦᠯᠢ ᠨᠠᠷᠢᠨ ᠪᠤᠷᠭᠠᠰᠤ ᠪᠠᠷ ᠰᠦᠯᠵᠢᠭᠰᠡᠨ ᠪᠠᠶᠢᠪᠠᠯ ᠳᠡᠬᠦᠨ ᠢᠶᠠᠨ ᠬᠦᠷᠪᠡᠬᠦᠯᠬᠦ ᠦᠭᠡᠢ ᠪᠠᠷ ᠰᠢᠭᠤᠳ ᠬᠠᠪᠰᠤᠷᠤᠭᠴᠢ ᠲᠤᠤᠷ ᠢᠶᠠᠨ ᠬᠠᠪᠰᠤᠷᠴᠤ᠂ ᠳᠤᠭᠤᠷᠢᠭᠤᠯᠤᠨ ᠨᠤᠭᠤᠰᠤ ᠭᠠᠷᠭᠠᠵᠤ ᠬᠦᠷᠦᠨ᠎ᠠ᠃   ᠬᠠᠪᠰᠤᠷᠤᠭᠴᠢ ᠳᠤᠤᠷ ᠬᠠᠳᠠᠵᠤ ᠪᠠᠶᠢᠭ᠎ᠠ ᠶᠢᠨ ᠤᠴᠢᠷ ᠨᠢ ᠬᠦᠨᠳᠦ ᠶᠠᠭᠤᠮ᠎ᠠ ᠰᠠᠪᠠᠯᠠᠬᠤ ᠳᠤ ᠰᠠᠶᠢᠵᠠ ᠶᠢᠨ ᠭᠤᠤᠯ ᠨᠢ ᠳᠠᠭᠠᠭᠠᠬᠤ ᠦᠭᠡᠢ ᠪᠤᠯᠵᠤ᠂ ᠰᠠᠶᠢᠵᠠᠨ ᠳᠤᠤᠷ ᠤᠨ ᠴᠦᠮᠦᠷᠡᠬᠦ ᠠᠴᠠ ᠬᠢᠴᠢᠶᠡᠨ ᠪᠠᠬᠢᠯᠡᠵᠦ ᠪᠠᠶᠢᠭ᠎ᠠ ᠶᠠᠪᠤᠳᠠᠯ ᠪᠤᠯᠤᠨ᠎ᠠ᠃   ᠪᠤᠷᠭᠠᠰᠤᠨ ᠰᠠᠶᠢᠵᠠ ᠶᠢ ᠶᠡᠷᠤ ᠠᠴᠠ ᠬᠦᠬᠡ ᠪᠤᠷᠭᠠᠰᠤ᠂ ᠰᠢᠷ᠎ᠠ ᠪᠤᠷᠭᠠᠰᠤ ᠪᠠᠷ ᠬᠦᠷᠦᠳᠡᠭ᠃ ᠪᠤᠷᠭᠠᠰᠤᠨ ᠰᠠᠶᠢᠵᠠ ᠨᠢ ᠮᠥᠨ ᠵᠠᠷᠤᠳᠠᠯ ᠶᠡᠭᠡ ᠲᠠᠢ ᠡᠳ᠋ ᠪᠠᠶᠢᠵᠦ᠂ ᠡᠷᠳᠡᠨᠢ ᠰᠢᠰᠢ ᠠᠪᠬᠤ᠂ ᠮᠤᠩᠭᠤᠯ ᠨᠠᠩᠭᠢ ᠠᠪᠬᠤ᠂ ᠡᠯ᠎ᠠ ᠵᠤᠶᠢᠯ ᠤᠨ ᠪᠤᠷᠴᠠᠭ ᠠᠪᠬᠤ ᠳᠤ ᠳᠤᠳᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠪᠠᠶᠢᠳᠠᠭ ᠪᠦᠬᠡᠳ ᠡᠯ᠎ᠠ ᠵᠤᠶᠢᠯ ᠤᠨ ᠳᠠᠷᠢᠶᠠᠨ ᠤ ᠡᠰᠢ ᠰᠦᠷᠡᠯ ᠠᠴᠠ ᠭᠠᠭ᠋ᠠᠢ ᠳᠡᠵᠢᠬᠡᠬᠦ ᠨᠠᠷᠢᠨ ᠯᠠᠢ ᠰᠠᠶᠢᠵᠠᠳᠠᠨ ᠠᠪᠬᠤ ᠳᠤ ᠤᠯᠳᠠᠰᠢ ᠦᠭᠡᠢ ᠬᠤᠪᠤᠷ ᠡᠳ᠋ ᠪᠠᠶᠢᠭ᠎ᠠ ᠶᠤᠮ᠃   ᠪᠤᠷᠭᠠᠰᠤᠨ ᠰᠠᠶᠢᠵᠠᠨ ᠤ ᠳᠤᠤᠷ ᠢ ᠬᠠᠭᠠᠯᠤᠭᠰᠠᠨ ᠪᠤᠷᠭᠠᠰᠤ ᠪᠠᠷ ᠰᠦᠯᠵᠢᠵᠦ ᠪᠠᠶᠢᠭ᠎ᠠ ᠰᠢᠯᠳᠠᠭᠠᠨ ᠨᠢ ᠬᠡᠪᠡᠯ ᠳᠠᠷᠤᠢ ᠪᠦᠬᠦᠯᠢ ᠪᠤᠷᠭᠠᠰᠤ ᠪᠠᠷ ᠳᠤᠤᠷ ᠰᠦᠯᠵᠢᠪᠠᠯ ᠬᠤᠳᠤᠭᠤᠷ ᠬᠦᠳᠦᠬᠦᠷ ᠤᠨ ᠵᠦᠷᠢᠶ᠎ᠠ ᠶᠡᠬᠡᠰᠴᠤ᠂ ᠰᠠᠶᠢᠵᠠᠨ ᠨᠦᠬᠡ ᠠᠮᠠᠷᠬᠠᠨ ᠪᠦᠭᠯᠡᠷᠡᠵᠦ᠂ ᠭᠤᠭᠤᠵᠢᠭᠤᠷ ᠤᠳᠠᠭᠠᠨ ᠪᠤᠯᠳᠠᠭ᠃ ᠪᠤᠷᠭᠠᠰᠤ ᠶᠢ ᠬᠠᠭᠠᠯᠵᠤ ᠬᠠᠪᠳᠠᠭᠠᠶᠢᠯᠠᠪᠠᠯ ᠰᠠᠶᠢᠵᠠᠨ ᠳᠤᠤᠷ ᠤᠨ ᠬᠤᠳᠤᠭᠤᠷ ᠬᠦᠳᠦᠬᠦᠷ ᠤᠨ ᠵᠦᠷᠢᠶ᠎ᠠ ᠪᠠᠭᠠᠰᠴᠤ᠂ ᠰᠠᠪᠠᠨ ᠤ ᠶᠠᠭᠤᠮ᠎ᠠ ᠶᠢᠨ ᠰᠢᠯᠵᠢᠬᠦ ᠨᠢ ᠲᠦᠷᠬᠡᠰᠴᠤ ᠭᠤᠭᠤᠵᠢᠭᠤᠷ ᠬᠤᠷᠳᠤᠰᠤᠨ᠎ᠠ᠃   ᠪᠤᠷᠭᠠᠰᠤᠨ ᠰᠠᠶᠢᠵᠠ ᠨᠢ ᠠᠶᠢᠯ ᠡᠷᠤᠬᠡ ᠪᠦᠬᠦᠨ ᠤ ᠬᠠᠶᠢᠷᠠᠳᠠᠢ ᠡᠳ᠋ᠯᠡᠯ ᠤᠨ ᠨᠢᠬᠡ ᠪᠠᠶᠢᠵᠦ᠂ ᠪᠤᠰᠤᠳ ᠲᠤ ᠶᠡᠷᠤ ᠠᠴᠠ ᠵᠢᠬᠡᠯᠡᠬᠦᠯᠬᠦ ᠳᠤᠷ᠎ᠠ ᠦᠭᠡᠢ ᠪᠠᠶᠢᠳᠠᠭ᠃   ᠪᠦᠷᠬᠦᠬᠡᠰᠤ   ᠮᠤᠩᠭᠤᠯᠴᠤᠳ ᠤᠨ ᠬᠡᠷ ᠤᠨ ᠰᠠᠪᠠ ᠬᠡᠷᠡᠭᠰᠡᠯ ᠪᠠᠷᠤᠭ ᠪᠦᠷ ᠪᠦᠷᠬᠦᠬᠡᠰᠤ ᠠᠮᠠᠰᠠᠷ ᠲᠠᠢ ᠪᠠᠶᠢᠳᠠᠭ᠃ ᠳᠡᠶᠢᠮᠤᠷᠬᠦ ᠶᠠᠮᠠᠷ ᠨᠢᠬᠡᠨ ᠰᠠᠪᠠ ᠬᠡᠷᠡᠭᠰᠡᠯ ᠤᠨ ᠠᠮᠠᠰᠠᠷ ᠢ ᠳᠠᠷᠤᠬᠤ ᠬᠦᠷᠦᠮᠡᠯ ᠤᠶᠠᠮᠠᠯ ᠪᠤᠶᠤ ᠤᠶᠤᠮᠠᠯ ᠬᠠᠪᠳᠠᠭᠠᠢ ᠡᠳ᠋ ᠢ ᠪᠦᠷᠬᠦᠬᠡᠰᠤ ᠭᠡᠳᠡᠭ᠃   ᠪᠦᠷᠬᠦᠬᠡᠰᠤ ᠶᠢ ᠤᠳᠤᠯᠢ ᠶᠢᠨ ᠭᠤᠤᠯ ︵ᠵᠡᠭᠡᠰᠦᠨ ᠭᠤᠤᠯ︶᠂ ᠰᠢᠰᠢ ᠶᠢᠨ ᠱᠤᠭᠠᠢ ᠶᠢᠨ ᠦᠵᠦᠬᠦᠷ᠂ ᠪᠤᠷᠭᠠᠰᠤ᠂ ᠮᠤᠳᠤᠨ ᠬᠠᠪᠳᠠᠰᠤ ᠪᠠᠷ ᠬᠢᠳᠡᠭ᠃ ᠪᠦᠷᠬᠦᠬᠡᠰᠤᠨ ᠤ ᠶᠡᠭᠡ ᠪᠠᠭ᠎ᠠ ᠳᠤ ᠬᠢᠵᠠᠭᠠᠷ ᠦᠭᠡᠢ᠂ ᠶᠠᠮᠠᠷ ᠶᠡᠭᠡ ᠠᠮᠠᠰᠠᠷ ᠢ ᠶᠠᠮᠠᠷ ᠶᠡᠭᠡ ᠪᠦᠷᠬᠦᠬᠡᠰᠤ ᠪᠠᠷ ᠪᠦᠳᠡᠭᠡᠨ᠎ᠠ᠃   ᠤᠳᠤᠯᠢ ᠶᠢᠨ ᠭᠤᠤᠯ ᠢᠶᠠᠷ ᠶᠠᠩᠵᠤ ᠪᠦᠷᠢ ᠶᠢᠨ ᠳᠤᠭᠤᠭ᠎ᠠ᠂ ᠭᠠᠨᠭ᠌ ᠰᠠᠪᠠ ᠶᠢᠨ ᠪᠦᠷᠬᠦᠬᠡᠰᠤ ᠤᠶᠤᠳᠠᠭ᠃   ᠤᠳᠤᠯᠢ ᠶᠢᠨ ᠭᠤᠤᠯ ᠢ ᠨᠠᠮᠤᠷ ᠤᠨ ᠰᠡᠭᠦᠯᠴᠢ ᠠᠴᠠ ᠢᠷᠡᠬᠦ ᠬᠠᠪᠤᠷ ᠤᠨ ᠡᠬᠢ ᠪᠤᠯᠳᠠᠯ᠎ᠠ ᠬᠠᠳᠤᠵᠤ ᠠᠪᠴᠢᠷᠠᠭᠠᠳ ᠠᠷᠢᠯᠭᠠᠨ ᠬᠡᠷᠡᠭᠯᠡᠳᠡᠭ᠃ ᠤᠳᠤᠯᠢ ᠶᠢᠨ ᠭᠤᠤᠯ ᠨᠢ ᠶᠠᠭ ᠯᠠ ᠤᠰᠤ ᠰᠢᠭ᠋ ᠢᠶᠠᠷ ᠦᠨᠦᠷ ᠦᠭᠡᠢ᠂ ᠠᠮᠳᠠ ᠦᠭᠡᠢ᠂ ᠬᠤᠤᠷ ᠦᠭᠡᠢ ᠪᠠᠶᠢᠳᠠᠭ᠃ ᠳᠡᠶᠢᠮᠤ ᠠᠴᠠ ᠬᠦᠮᠦᠰ ᠵᠠᠭᠤᠰᠢᠨ ᠨᠤᠭᠤᠭ᠎ᠠ ᠶᠢᠨ ᠢᠶᠠᠨ ᠳᠤᠭᠤᠭ᠎ᠠ  ᠶᠢᠨ ᠠᠮᠠᠰᠠᠷ ᠢᠶᠠᠨ ᠤᠶᠤᠵᠤ ᠬᠢᠳᠡᠭ᠃   ᠤᠳᠤᠯᠢ ᠶᠢᠨ ᠭᠤᠤᠯ ᠨᠢ ᠤᠭ ᠠᠴᠠ ᠪᠠᠨ ᠤᠷᠤᠢ ᠶᠢᠨ ᠳᠤᠯᠤᠭᠠᠢ ︵ᠫᠤᠷᠬᠢᠭᠤᠯ︶ ᠳᠤ ᠪᠠᠨ ᠬᠦᠷᠳᠡᠯ᠎ᠠ ᠦᠶ᠎ᠠ ᠦᠭᠡᠢ᠂ ᠠᠰᠬᠠᠨ ᠰᠢᠯᠤᠭᠤᠨ ᠪᠠᠶᠢᠳᠠᠭ᠃ ᠤᠳᠤᠯᠢ ᠶᠢᠨ ᠭᠤᠤᠯ ᠢᠶᠠᠷ ᠳᠤᠭᠤᠭ᠎ᠠ ᠰᠠᠪᠠ ᠶᠢᠨ ᠪᠦᠷᠬᠦᠬᠡᠰᠤ ᠬᠢᠬᠦ  ᠳᠤ ᠪᠠᠨ ᠤᠷᠢᠳᠡᠪᠡᠷ ᠬᠡᠳᠤᠢ ᠶᠡᠭᠡ ᠳᠤᠭᠤᠷᠢᠭ ᠲᠠᠢ ᠪᠠᠶᠢᠬᠤ ᠶᠢ ᠬᠡᠮᠵᠢᠨ ᠳᠤᠭᠳᠠᠭᠠᠵᠤ᠂ ᠭᠤᠤᠯ ᠳᠤᠮᠳᠠ ᠠᠴᠠ ᠨᠢ ᠡᠬᠢᠯᠡᠨ ᠤᠶᠤᠨ᠎ᠠ᠃   ᠬᠠᠮᠤᠭ ᠬᠤᠶᠠᠷ ᠦᠨᠳᠦᠷ ᠤᠳᠤᠯᠢ ᠶᠢᠨ ᠭᠤᠤᠯ ᠢᠶᠠᠨ ᠨᠡᠮᠡᠬᠦ ᠳᠡᠮᠳᠡᠭ ᠪᠤᠯᠭᠠᠨ ᠰᠤᠯᠢᠪᠴᠠᠭᠤᠯᠤᠨ ᠠᠳᠬᠤᠵᠤ᠂ ᠤᠯᠤᠰᠤᠨ ᠤᠳᠠᠰᠤᠨ ᠤ ᠪᠠᠨ ᠦᠵᠦᠬᠦᠷ ᠳᠡᠬᠡᠷ᠎ᠠ ᠨᠢ ᠵᠠᠩᠬᠢᠳᠤᠭᠠᠳ ᠳᠤᠤᠷ᠎ᠠ ᠳᠠᠯ᠎ᠠ ᠠᠴᠠ ᠨᠢ ᠳᠡᠭᠡᠭᠰᠢ ᠪᠠᠨ ᠬᠤᠶᠠᠷ ᠤᠳᠤᠯᠢ ᠶᠢᠨ ᠭᠤᠤᠯ ᠢ ᠰᠢᠪᠳᠤᠭᠤᠯᠤᠨ ᠬᠠᠳᠬᠤᠵᠤ᠂ ᠵᠡᠬᠦᠦ ᠤᠳᠠᠰᠤ ᠪᠠᠨ ᠳᠤᠯᠳᠠᠯ᠎ᠠ ᠳᠠᠳᠠᠵᠤ ᠭᠠᠷᠭᠠᠨ᠎ᠠ᠃ ᠳᠡᠭᠡᠷ᠎ᠠ ᠳᠠᠯ᠎ᠠ ᠳᠤ ᠪᠠᠰᠠ ᠨᠢᠬᠡ ᠤᠳᠤᠯᠢ ᠶᠢᠨ ᠭᠤᠤᠯ ᠢ ᠴᠢᠩᠭ᠎ᠠ ᠵᠡᠷᠭᠡᠴᠡᠬᠦᠯᠦᠨ ᠠᠳᠬᠤᠵᠤ ︵ᠳᠤᠯᠤᠭᠠᠢ ᠪᠦᠭᠰᠡ ᠶᠢ ᠨᠢ ᠰᠤᠯᠢᠵᠦ ᠵᠡᠷᠭᠡᠴᠡᠬᠦᠯᠦᠨ᠎ᠠ︶ ᠭᠤᠤᠯ ᠳᠤᠮᠳᠠ ᠠᠴᠠ ᠨᠢ ᠡᠬᠢᠨ ᠤ ᠵᠠᠩᠭᠢᠳᠤᠭᠠᠰᠤ ᠶᠢᠨ ᠨᠦᠬᠡ ᠪᠠᠷ ᠵᠡᠬᠦᠦ ᠪᠠᠨ ᠰᠢᠪᠳᠤᠯᠤᠨ ᠭᠠᠷᠭᠠᠵᠤ᠂ ᠤᠳᠠᠰᠤ ᠪᠠᠨ ᠨᠠᠭᠠᠯᠳᠤᠳᠠᠯ᠎ᠠ ᠴᠢᠩᠭᠠᠨ᠎ᠠ᠃ ᠳᠠᠬᠢᠭᠠᠳ ᠳᠤᠤᠷ᠎ᠠ ᠳᠠᠯ᠎ᠠ ᠶᠢᠨ ᠬᠦᠨᠳᠡᠯᠡᠨ ᠤᠳᠤᠯᠢ ᠶᠢᠨ ᠭᠤᠤᠯ ᠢ ᠳᠠᠭᠠᠭᠤᠯᠵᠤ ᠨᠢᠬᠡ ᠶᠢ ᠵᠡᠷᠭᠡᠴᠡᠬᠦᠯᠦᠬᠡᠳ᠂ ᠵᠡᠬᠦᠦ ᠪᠠᠷ ᠢᠶᠠᠨ ᠳᠤᠮᠳᠠ ᠠᠴᠠ ᠨᠢ ᠳᠡᠭᠡᠭᠰᠢ ᠬᠠᠳᠬᠤᠵᠤ᠂ ᠳᠡᠭᠡᠷ᠎ᠠ ᠳᠠᠯ᠎ᠠ ᠶᠢᠨ ᠳᠤᠷᠤᠭᠰᠢ ᠬᠠᠳᠬᠤᠭᠰᠠᠨ ᠨᠦᠬᠡ ᠪᠠᠷ ᠵᠡᠬᠦᠦ ᠪᠠᠨ ᠰᠢᠷᠭᠤᠭᠤᠯᠤᠨ ᠭᠠᠷᠭᠠᠵᠤ᠂ ᠤᠳᠠᠰᠤ ᠪᠠᠨ ᠳᠤᠯᠳᠠᠯ᠎ᠠ ᠴᠢᠩᠭ᠎ᠠ ᠳᠠᠳᠠᠨ᠎ᠠ᠃ ᠡᠨᠡ ᠮᠡᠳᠤ ᠪᠠᠷ ᠵᠢᠰᠢᠬᠦᠯᠦᠨ ᠤᠶᠤᠵᠤ ᠂ ᠬᠦᠨᠳᠡᠯᠡᠨ ᠭᠤᠤᠯᠳᠤ ᠵᠡᠷᠭᠡᠴᠡᠬᠦᠯᠦᠯ ᠤᠨ ᠪᠠᠷᠠᠭᠤᠨ ᠦᠨᠴᠦᠭ ᠲᠤ ᠬᠦᠷᠦᠭᠰᠡᠨ ᠤ ᠳᠠᠷᠠᠭ᠎ᠠ᠂ ᠶᠡᠷᠡᠨ ᠭᠷᠠᠳᠦ᠋ᠰ  ᠤᠨ ᠳᠡᠭᠰᠢ ᠦᠨᠴᠦᠭᠳᠤ ᠭᠠᠷᠭᠠᠵᠤ᠂ ᠤᠶᠤᠳᠠᠯ ᠤᠨ ᠳᠡᠷᠡ ᠶᠤᠰᠤᠭᠠᠷ ᠢᠶᠠᠨ ᠤᠶᠤᠭᠠᠳ ᠳᠡᠭᠡᠷᠡᠬᠢ ᠬᠦᠨᠳᠡᠯᠡᠨ ᠤᠳᠤᠯᠢ ᠶᠢᠨ ᠭᠤᠤᠯ ᠤᠨ ᠳᠤᠮᠳᠠ ᠬᠦᠷᠦᠭᠰᠡᠨ ᠤ ᠳᠠᠷᠠᠭ᠎ᠠ ᠤᠶᠤᠳᠠᠯ ᠢᠶᠠᠨ ᠪᠠᠰᠠ ᠳᠡᠭᠰᠢ ᠲᠦᠷᠪᠡᠯᠵᠢᠨ ᠦᠨᠴᠦᠭᠯᠡᠬᠦᠯᠵᠦ᠂ ᠳᠡᠭᠡᠷᠡᠬᠢ ᠪᠠᠨ ᠨᠢᠬᠡ ᠨᠢᠬᠡ ᠪᠠᠷ ᠵᠡᠷᠭᠡᠯᠡᠨ ᠳᠤᠤᠷᠠᠬᠢ ᠲᠠᠢ ᠪᠠᠨ ᠰᠦᠯᠵᠢᠨ ᠤᠶᠤᠨ᠎ᠠ᠃ ᠳᠤᠤᠷᠠᠬᠢ ᠭᠤᠤᠯ ᠲᠦᠪ ᠤᠨ ᠭᠤᠤᠯᠳᠤ ᠤᠳᠤᠯᠢ ᠶᠢᠨ ᠭᠤᠤᠯ ᠬᠦᠷᠦᠭᠰᠡᠨ ᠤ ᠳᠠᠷᠠᠭ᠎ᠠ ᠪᠠᠰᠠ ᠳᠡᠭᠰᠢ ᠦᠨᠴᠦᠭᠳᠤ ᠭᠠᠷᠭᠠᠵᠤ᠂ ᠳᠤᠤᠷᠠᠬᠢ ᠶᠢ ᠵᠡᠷᠭᠡᠯᠡᠨ ᠨᠡᠮᠡᠵᠦ᠂ ᠰᠦᠯᠵᠢᠨ ᠤᠶᠤᠭᠰᠠᠭᠠᠷ ᠨᠦᠬᠦᠬᠡ ᠦᠨᠴᠦᠭ ᠬᠦᠷᠬᠦ ᠳᠤ ᠨᠢᠬᠡᠨᠳᠡ ᠳᠡᠬᠡᠷ᠎ᠠ ᠳᠤᠤᠷᠠᠬᠢ ᠬᠦᠨᠳᠡᠯᠡᠨ ᠭᠤᠤᠯᠳᠤ ᠤᠳᠤᠯᠢ ᠶᠢᠨ ᠭᠤᠤᠯ ᠢ ᠵᠡᠷᠭᠡᠯᠡᠨ ᠳᠤᠪᠬᠢᠭᠠᠳ ᠳᠠᠭᠤᠰᠴᠢᠬᠠᠭᠰᠠᠨ ᠪᠠᠶᠢᠳᠠᠭ᠃ ᠬᠡᠪᠡᠴᠤ ᠳᠡᠷᠡ ᠦᠨᠴᠦᠭ ᠠᠴᠠ ᠪᠠᠨ ᠶᠡᠷᠡᠨ ᠭᠷᠠᠳᠦ᠋ᠰ ᠤᠨ ᠴᠢᠭᠯᠡᠯ ᠢᠶᠠᠷ ᠤᠶᠤᠵᠤ ᠢᠷᠮᠡᠭ ᠲᠤ ᠨᠢ ᠬᠦᠷᠬᠡᠨ᠎ᠠ᠃   ᠡᠨᠡ ᠮᠡᠳᠤ ᠪᠠᠷ ᠤᠶᠤᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠤᠳᠠᠰᠤᠨ ᠤ ᠨᠢᠬᠡ ᠦᠵᠦᠬᠦᠷ ᠲᠤ ᠵᠢᠵᠢᠭ ᠭᠠᠳᠠᠭ᠎ᠠ  ᠶᠢ ᠤᠶᠠᠵᠤ᠂ ᠭᠠᠳᠠᠭ᠎ᠠ ᠪᠠᠨ ᠪᠦᠷᠬᠦᠬᠡᠰᠤ ᠶᠢᠨ ᠭᠤᠤᠯ, ᠳᠤᠮᠳᠠ ᠨᠢ ᠭᠠᠳᠠᠭᠠᠳ᠂ ᠤᠳᠠᠰᠤᠨ ᠤ ᠪᠠᠨ ᠨᠦᠬᠦᠬᠡ ᠦᠵᠦᠬᠦᠷ ᠳᠡᠬᠡᠷ᠎ᠠ ᠬᠠᠭᠠᠰ ᠳᠤᠭᠤᠷᠢᠭ ᠤᠨ ᠬᠡᠮᠵᠢᠶ᠎ᠠ ᠶᠢ ᠬᠡᠮᠵᠢᠶᠡᠯᠡᠬᠡᠳ᠂ ᠨᠢᠬᠡᠨ ᠭᠠᠳᠠᠭ᠎ᠠ ᠪᠤᠶᠤ ᠵᠡᠬᠦᠦ ᠰᠢᠪᠦᠭᠡ  ᠶᠢᠨ ᠦᠵᠦᠬᠦᠷ ᠢ ᠤᠶᠠᠵᠤ ᠳᠤᠭᠤᠷᠢᠭᠤᠯᠤᠨ ᠡᠷᠬᠢᠬᠦᠯᠵᠦ᠂ ᠳᠤᠭᠤᠷᠢᠭ ᠪᠦᠷᠬᠦᠬᠡᠰᠤ ᠶᠢᠨ ᠵᠢᠷᠤᠭᠠᠰᠤ ᠳᠡᠮᠳᠡᠭ ᠬᠢᠨ᠎ᠠ᠃   ᠢᠷ ᠰᠠᠶᠢᠳᠠᠢ ᠬᠢᠳᠤᠭ᠎ᠠ ᠪᠠᠷ ᠳᠤᠭᠤᠷᠢᠭ ᠤᠨ ᠵᠷᠤᠭᠠᠰᠤ ᠪᠠᠷ ᠪᠦᠷᠬᠦᠬᠡᠰᠤ ᠶᠢᠨ ᠬᠦᠪᠡᠭᠡ ᠶᠢᠨ ᠢᠯᠡᠬᠦᠳᠡᠯ ᠢ ᠤᠭᠳᠤᠯᠤᠨ ᠠᠪᠤᠨ᠎ᠠ᠃ ᠪᠦᠷᠬᠦᠬᠡᠰᠤ ᠪᠠᠨ ᠢᠡᠭᠭᠢᠵᠦ ᠤᠶᠤᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠪᠦᠷᠬᠦᠬᠡᠰᠤ ᠶᠢᠨ ᠭᠠᠳᠠᠷ ᠳᠡᠬᠡᠷ᠎ᠠ ᠭᠤᠤᠯ ᠲᠦᠪ ᠲᠤ ᠨᠢ ᠢᠮᠠᠭ᠎ᠠ ᠬᠤᠨᠢᠨ ᠤ ᠱᠠᠭ᠎ᠠ ᠶᠢ ᠪᠦᠬᠦ ᠪᠠᠷ ᠨᠢ ᠪᠤᠰᠬᠠᠵᠤ ᠪᠠᠬᠢᠯᠡᠨ ᠤᠶᠤᠵᠤ ᠂ ᠪᠦᠷᠬᠦᠬᠡᠰᠤ ᠶᠢᠨ ᠪᠠᠷᠢᠭᠤᠯ ᠬᠢᠳᠡᠭ᠃   ᠰᠢᠰᠢ ᠶᠢᠨ ᠱᠤᠶᠢᠨᠢ ᠶᠢᠨ ᠤᠷᠤᠢ ᠪᠠᠷ ᠪᠦᠷᠬᠦᠬᠡᠰᠤ ᠤᠶᠤᠬᠤ ᠳᠤ ᠪᠠᠨ ᠮᠥᠨ ᠳᠡᠭᠡᠷᠡᠬᠢ ᠲᠠᠢ ᠠᠳᠠᠯᠢ ᠶᠠᠪᠤᠴᠠ  ᠪᠠᠷ ᠤᠶᠤᠳᠠᠭ᠃   ᠪᠤᠷᠭᠠᠰᠤᠨ ᠪᠦᠷᠬᠦᠬᠡᠰᠤ ᠶᠢ ᠭᠤᠤᠯᠳᠠᠭᠤ ᠲᠦᠡᠭᠰᠡᠨ ᠰᠠᠭᠰᠤ ᠰᠢᠭ᠋ ᠶᠡᠭᠡ ᠰᠠᠪᠠ ᠳᠤ ᠯᠠ ᠬᠦᠷᠦᠵᠦ ᠬᠡᠷᠡᠭᠯᠡᠳᠡᠭ᠃ ᠪᠤᠷᠭᠠᠰᠤᠨ ᠨᠦᠷᠬᠦᠬᠡᠰᠤ ᠶᠢ ᠫᠤᠯᠤ ᠶᠢᠨ ᠢᠷᠤᠭᠠᠷ ᠭᠠᠷᠭᠠᠬᠤ ᠰᠢᠭ᠋ ᠢᠶᠠᠷ ᠨᠤᠭᠤᠰᠤ ᠰᠠᠯᠭᠠᠨ ᠶᠡᠬᠡᠰᠬᠡᠨ ᠬᠦᠷᠦᠳᠡᠭ᠃ ᠳᠤᠭᠤᠷᠢᠭ ᠤᠨ ᠬᠡᠮᠵᠢᠶ᠎ᠠ ᠨᠢ ᠬᠦᠢᠴᠡᠭᠰᠡᠨ ᠤ ᠳᠠᠷᠠᠭ᠎ᠠ ᠬᠠᠪᠳᠠᠭᠠᠢ ᠪᠠᠷ ᠨᠢ ᠢᠷᠮᠡᠭ ᠢ ᠨᠢ ᠳᠠᠷᠤᠵᠤ ᠬᠡᠷᠡᠭᠯᠡᠨ᠎ᠠ᠃ ᠪᠤᠷᠭᠠᠰᠤᠨ ᠪᠦᠷᠬᠦᠬᠡᠰᠤ ᠶᠢ ᠭᠤᠤᠯᠳᠠᠭᠤ ᠪᠤᠳᠠᠭ᠎ᠠ ᠰᠠᠪᠠᠯᠠᠳᠠᠭ ᠰᠠᠪᠠᠨ ᠳᠤ ᠬᠤᠯᠤᠭᠠᠨ᠎ᠠ ᠪᠤᠶᠤ ᠳᠠᠬᠢᠶ᠎ᠠ ᠰᠢᠪᠠᠭᠤ ᠤᠷᠤᠵᠤ ᠳᠡᠶᠢᠳᠬᠦ ᠠᠴᠠ ᠰᠡᠷᠭᠡᠶᠢᠯᠡᠵᠦ ᠬᠡᠷᠡᠭᠯᠡᠳᠡᠭ᠃   ᠮᠤᠳᠤᠨ ᠬᠠᠪᠳᠠᠰᠤᠨ ᠪᠦᠷᠬᠦᠬᠡᠰᠤ ᠶᠢ ᠪᠠᠷᠤᠭᠳᠠᠢ ᠠᠶᠢᠯ ᠡᠷᠤᠬᠡ ᠤᠯᠵᠤ ᠬᠡᠷᠡᠭᠯᠡᠳᠡᠭ ᠦᠭᠡᠢ ᠪᠠᠶᠢᠪᠠ᠃ ᠮᠤᠳᠤ  ᠶᠢ ᠳᠤᠷ᠎ᠠ ᠪᠠᠷ ᠤᠭᠳᠤᠯᠵᠤ ᠠᠪᠬᠤ ᠶᠢ ᠬᠡᠯᠡᠬᠦ ᠦᠭᠡᠢ ᠵᠢᠷᠤᠬᠡ ᠴᠦ ᠠᠮᠠᠷ ᠤᠯᠳᠠᠳᠠᠭ ᠦᠭᠡᠢ᠃ ᠮᠤᠳᠤᠨ ᠳᠠᠷᠬᠠᠨ ᠪᠤᠶᠤ ᠮᠤᠳᠤᠨ ᠳᠠᠷᠬᠠᠨ ᠤ ᠤᠶᠢᠷ᠎ᠠ ᠲᠦᠷᠦᠯ ᠡᠰᠡᠬᠦᠯ᠎ᠠ ᠳᠤᠮᠤ ᠪᠠᠶᠠᠳ ᠨᠤᠶᠠᠳ ᠤᠨ ᠬᠡᠷ ᠪᠦᠯᠢ ᠯᠠ ᠰᠠᠶ᠋ᠢ ᠮᠤᠳᠤᠨ ᠬᠠᠪᠳᠠᠰᠤ ᠶᠢᠨ ᠪᠦᠷᠬᠦᠬᠡᠰᠤ ᠭᠢᠵᠦ ᠬᠡᠷᠡᠭᠯᠡᠳᠡᠭ᠃   ᠤᠳᠤᠯᠢ ᠶᠢᠨ ᠭᠤᠤᠯ ᠪᠤᠶᠤ ᠰᠢᠰᠢ ᠶᠢᠨ ᠱᠤᠶᠢᠨᠢ ᠪᠠᠷ ᠤᠶᠤᠭᠰᠠᠨ ᠪᠦᠷᠬᠦᠬᠡᠰᠤ ᠪᠠᠨ ᠳᠤᠰᠬᠠᠢ ᠪᠦᠷᠬᠦᠬᠡᠰᠤ ᠪᠢᠰᠢ ᠪᠤᠯᠭᠠᠵᠤ ᠵᠠᠷᠤᠵᠤ ᠬᠡᠷᠡᠭᠯᠡᠬᠦ ᠳᠤ ᠪᠠᠨ ᠠᠳᠠᠭᠠᠷ ᠭᠡᠵᠤ ᠨᠡᠷᠡᠯᠡᠳᠡᠭ᠃ ᠳᠡᠷᠡ ᠨᠢ ᠳᠠᠷᠤᠢ ᠬᠠᠪᠳᠠᠰᠤ ᠭᠡᠰᠡᠨ ᠠᠭᠤᠯᠭ᠎ᠠ ᠪᠠᠷ ᠯᠠ ᠬᠡᠯᠡᠵᠦ ᠪᠠᠶᠢᠭ᠎ᠠ ᠶᠠᠪᠤᠳᠠᠯ ᠪᠤᠯᠤᠨ᠎ᠠ᠃   ᠵᠢᠩᠨᠡᠬᠦᠷ   ᠪᠠᠩᠰᠢ ᠪᠤᠤᠪᠤ ᠮᠡᠳᠤ ᠶᠢᠨ ᠶᠠᠭᠤᠮ᠎ᠠ ᠶᠢ ᠵᠡᠷᠭᠡᠯᠡᠵᠦ ᠳᠠᠯᠪᠢᠭᠠᠳ ᠵᠢᠩᠨᠡᠵᠦ ᠢᠷᠡᠬᠦ ᠳᠤ ᠬᠡᠷᠡᠭᠯᠡᠬᠦ ᠠᠳᠠᠭᠠᠷ ᠢ ᠵᠢᠩᠨᠡᠬᠦᠷ ᠬᠡᠨ᠎ᠠ᠃   ᠵᠢᠩᠨᠡᠬᠦᠷ ᠢ ᠬᠤᠶᠠᠷ ᠵᠡᠷᠭᠡᠴᠡᠭᠡ ᠮᠤᠳᠤᠨ ᠳᠡᠭᠡᠷ᠎ᠠ ᠤᠳᠤᠯᠢ ᠶᠢᠨ ᠭᠤᠤᠯ ᠪᠤᠶᠤ ᠰᠢᠰᠢ ᠶᠢᠨ ᠱᠤᠭᠠᠢ ᠶᠢᠨ ᠤᠷᠤᠢ  ᠶᠢ ᠬᠦᠨᠳᠡᠯᠡᠨ ᠢᠶᠠᠷ ᠵᠡᠷᠭᠡᠯᠡᠨ ᠤᠶᠠᠭᠠᠳ᠂ ᠳᠤᠭᠤᠭᠠᠨ ᠤ ᠴᠡᠭᠡᠯ ᠤᠨ ᠳᠤᠮᠳᠠ ᠠᠰ ᠢᠶᠠᠷ ᠳᠤᠭᠳᠠᠬᠤ ᠶᠠᠩᠵᠤ ᠪᠠᠷ ᠳᠤᠭᠤᠷᠢᠭᠤᠯᠤᠨ ᠬᠢᠷᠪᠢᠵᠦ ᠠᠪᠤᠭᠠᠳ᠂ ᠳᠤᠤᠷ᠎ᠠ ᠬᠦᠪᠡᠭᠡ ᠪᠠᠷ ᠨᠢ ᠤᠷᠳᠤ ᠬᠦᠬᠡ ᠪᠤᠷᠭᠠᠰᠤ ᠶᠢ ᠮᠠᠳᠠᠵᠤ ᠳᠤᠭᠤᠷᠢᠭᠯᠠᠭᠤᠯᠤᠨ ᠪᠠᠬᠢᠯᠡᠵᠦ ᠤᠶᠠᠨ᠎ᠠ᠃   ᠬᠤᠶᠠᠷ ᠳᠤᠬᠤᠢ ᠶᠢᠨ ᠤᠷᠳᠤ᠂ ᠨᠢᠬᠡ ᠢᠮᠠᠬᠤ ᠶᠢᠨ ᠳᠡᠭᠰᠢ ᠲᠦᠷᠪᠡᠯᠵᠢᠨ ᠮᠤᠳᠤ ᠪᠤᠶᠤ ᠡᠰᠡᠬᠦᠯ᠎ᠠ ᠠᠳᠬᠤᠨ ᠨᠠᠷᠢᠨ ᠤᠯᠢᠶᠠᠰᠤ ᠮᠤᠳᠤᠨ ᠤ ᠬᠤᠶᠠᠷ ᠦᠵᠦᠬᠦᠷ ᠪᠠ ᠭᠤᠤᠯ ᠳᠤᠮᠳᠠ ᠨᠢ ᠲᠦᠬᠡ ᠬᠢᠷᠢ ᠶᠢᠨ ᠠᠳᠬᠤ ᠪᠦᠳᠦᠬᠦᠨ ᠮᠤᠳᠤ ᠪᠠᠷ ᠬᠤᠯᠪᠤᠨ ᠭᠠᠳᠠᠨ᠎ᠠ᠃ ᠳᠤᠰ ᠬᠤᠶᠠᠷ ᠵᠡᠷᠭᠡᠴᠡᠭᠡ ᠮᠤᠳᠤᠨ ᠤ ᠪᠠᠨ ᠭᠤᠤᠯ ᠳᠤᠮᠳᠠᠭᠤᠷ ᠬᠦᠨᠳᠡᠯᠡᠨ ᠢᠶᠠᠷ ᠪᠠᠷᠤᠭ ᠯᠠ ᠵᠠᠢ ᠵᠠᠪᠰᠠᠷ ᠦᠭᠡᠢ ᠪᠠᠷ ᠵᠡᠬᠦᠦ ᠤᠳᠠᠰᠤ ᠤᠷᠤᠬᠤ ᠨᠦᠬᠡ ᠴᠤᠭᠤᠯᠠᠨ᠎ᠠ᠃ ᠵᠡᠷᠭᠡᠴᠡᠭᠡ ᠮᠤᠳᠤᠨ ᠤ ᠪᠠᠨ ᠨᠢᠬᠡ ᠦᠵᠦᠬᠦᠷ ᠠᠴᠠ ᠡᠬᠢᠯᠡᠵᠦ ᠤᠳᠤᠯᠢ ᠶᠢᠨ ᠭᠤᠤᠯ ᠪᠤᠶᠤ ᠰᠢᠰᠢ ᠶᠢᠨ ᠱᠤᠭᠠᠢ ᠪᠠᠨ ᠪᠤᠭᠤᠨᠢ ᠠᠴᠠ ᠤᠷᠳᠤ  ᠪᠠᠷ ᠳᠠᠷᠠᠭᠠᠯᠠᠨ ᠵᠡᠷᠭᠡᠯᠡᠵᠦ᠂ ᠤᠯᠤᠰᠤᠨ ᠤᠳᠠᠰᠤ ᠪᠠᠷ ᠳᠤᠤᠷᠠᠬᠢ ᠵᠡᠷᠭᠡᠴᠡᠭᠡ ᠮᠤᠳᠤ ᠲᠠᠢ ᠪᠠᠨ ᠬᠤᠯᠪᠤᠨ ᠤᠶᠤᠨ᠎ᠠ᠃ ᠤᠳᠤᠯᠢ ᠶᠢᠨ ᠭᠤᠤᠯ ᠪᠤᠶᠤ ᠱᠤᠭᠠᠢ ᠪᠠᠨ ᠡᠷᠭᠡᠪᠰᠢ ᠴᠢᠩᠭ᠎ᠠ ᠨᠠᠭᠠᠯᠳᠤᠭᠤᠯᠤᠨ ᠵᠡᠷᠭᠡᠯᠡᠬᠦ ᠶᠢ ᠪᠠᠷᠢᠮᠳᠠᠯᠠᠨ᠎ᠠ᠃ ᠨᠢᠬᠡ ᠳᠠᠯ᠎ᠠ ᠶᠢ ᠨᠢ ᠤᠶᠤᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠨᠦᠬᠦᠬᠡ ᠦᠵᠦᠬᠦᠷ ᠠᠴᠠ ᠪᠠᠨ ᠭᠤᠤᠯ ᠪᠠ ᠱᠤᠭᠠᠢ  ᠪᠠᠨ ᠠᠰᠯᠠᠨ ᠵᠡᠷᠭᠡᠯᠡᠵᠦ ᠴᠢᠩᠭ᠎ᠠ ᠤᠶᠤᠵᠤ ᠪᠠᠬᠢᠯᠡᠨ᠎ᠠ᠃ ᠳᠠᠷᠠᠭ᠎ᠠ ᠳᠤ ᠨᠢ ᠳᠤᠭᠤᠷᠢᠭ ᠪᠤᠷᠭᠠᠰᠤ ᠶᠢᠨ ᠢᠶᠠᠨ ᠬᠤᠶᠠᠷ ᠦᠵᠦᠬᠦᠷ ᠢ ᠵᠡᠷᠭᠡᠴᠡᠭᠡ ᠮᠤᠳᠤᠨ ᠤ ᠦᠵᠦᠬᠦᠷ ᠳᠡᠬᠡᠷ᠎ᠠ ᠨᠦᠬᠡ ᠭᠠᠷᠭᠠᠨ ᠱᠠᠭᠠᠵᠤ ᠤᠷᠤᠭᠤᠯᠤᠨ ᠪᠠᠬᠢᠯᠡᠭᠡᠳ᠂ ᠵᠢᠩᠨᠡᠬᠦᠷ ᠤᠨ ᠬᠦᠪᠡᠭᠡ ᠶᠢ ᠤᠷᠢᠶᠠᠨ ᠤᠶᠠᠬᠤ ᠪᠦᠭᠡᠳ ᠤᠶᠤᠵᠤ ᠪᠠᠬᠢᠯᠡᠨ᠎ᠠ᠃    ᠵᠢᠩᠨᠡᠬᠦᠷ ᠲᠤ ᠰᠢᠷ᠎ᠠ ᠪᠤᠷᠭᠠᠰᠤ ︵ᠭᠠᠰᠢᠭᠤᠨ︶ ᠪᠤᠶᠤ ᠡᠯ᠎ᠠ ᠵᠤᠶᠢᠯ ᠤᠨ ᠦᠨᠦᠷ ᠠᠮᠳᠠ ᠲᠠᠢ ᠤᠷᠭᠤᠮᠠᠯ ᠤᠨ ᠵᠤᠶᠢᠯᠡᠰ ᠢ ᠤᠷᠤᠭᠤᠯᠳᠠᠭ ᠦᠭᠡᠢ᠃   ᠵᠢᠩᠨᠡᠬᠦᠷ ᠳᠡᠬᠡᠷ᠎ᠠ ᠪᠠᠨ ᠬᠦᠮᠦᠰ ᠪᠠᠰᠠ ᠵᠢᠩᠨᠡᠬᠦᠷ ᠤᠨ ᠪᠦᠰ ᠭᠡᠵᠤ ᠪᠤᠳᠤᠭ ᠦᠭᠡᠢ ᠴᠠᠭᠠᠨ ᠪᠦᠰ ᠢ ᠳᠤᠰᠬᠠᠶᠢᠯᠠᠨ ᠬᠡᠷᠡᠭᠯᠡᠳᠡᠭ᠃ ᠶᠠᠮᠠᠷ ᠴᠦ ᠶᠠᠭᠤᠮ᠎ᠠ ᠶᠢ ᠵᠢᠩᠨᠡᠬᠦ ᠭᠡᠭᠰᠡᠭᠡᠷ ᠳᠤᠰ ᠪᠦᠰ ᠢᠶᠠᠨ ᠤᠬᠢᠶᠠᠵᠤ ᠨᠤᠶᠢᠳᠠᠨ  ᠢᠶᠠᠷ ᠨᠢ ᠳᠡᠯᠬᠡᠵᠦ ᠳᠠᠯᠪᠢᠭᠠᠳ ᠰᠠᠶ᠋ᠢ ᠵᠡᠷᠭᠡᠯᠡᠬᠦ ᠶᠠᠭᠤᠮ᠎ᠠ ᠪᠠᠨ ᠵᠡᠷᠭᠡᠯᠡᠳᠡᠭ᠃   ᠵᠢᠩᠨᠡᠬᠦᠷ ᠤᠨ ᠢᠶᠠᠨ ᠬᠤᠶᠠᠷ ᠳᠠᠯ᠎ᠠ ᠳᠤ ᠨᠢ ᠪᠠᠰᠠ ᠬᠤᠶᠠᠷ ᠰᠡᠨᠵᠢ ᠳᠠᠭᠠᠷᠠᠭᠤᠯᠳᠠᠭ᠃ ᠳᠠᠷᠤᠢ ᠵᠡᠷᠭᠡᠴᠡᠭᠡ ᠬᠤᠶᠠᠷ ᠮᠤᠳᠤᠨ ᠤ ᠪᠠᠨ ᠬᠤᠶᠠᠷ ᠦᠵᠦᠬᠦᠷ ᠳᠡᠬᠡᠷ᠎ᠠ ᠪᠠᠬᠢᠯᠡᠨ᠎ᠠ᠃   ᠵᠤᠤᠯᠢ   ᠪᠤᠳᠠᠭ᠎ᠠ ᠱᠦᠬᠦᠬᠦ᠂ ᠪᠠᠩᠰᠢ ᠱᠦᠬᠦᠬᠦ ᠵᠡᠷᠭᠡ ᠱᠦᠬᠦᠬᠦ ᠳᠤ ᠬᠡᠷᠡᠭᠯᠡᠬᠦ ᠬᠠᠭᠠᠰ ᠬᠤᠯᠤ ᠶᠢᠨ ᠬᠡᠯᠪᠡᠷᠢᠳᠠᠢ ᠰᠡᠶᠢᠮᠡᠬᠡᠢ ᠬᠦᠷᠦᠮᠡᠯ ᠡᠳ᠋ ᠶᠢ ᠵᠤᠤᠯᠢ ᠭᠡᠳᠡᠭ᠃   ᠵᠤᠤᠯᠢ ᠶᠢ ᠬᠦᠬᠡ ᠪᠤᠷᠭᠠᠰᠤ᠂ ᠤᠯᠠᠭᠠᠨ ᠪᠤᠷᠭᠠᠰᠤ᠂ ᠰᠢᠷ᠎ᠠ ᠪᠤᠷᠭᠠᠰᠤ ᠪᠠᠷ ᠤᠶᠠᠨ᠎ᠠ᠃ ᠵᠤᠤᠯᠢ ᠳᠤ ᠶᠠᠩᠵᠤ ᠪᠦᠷᠢ ᠶᠢᠨ ᠬᠡᠷᠡᠭᠴᠡᠬᠡᠨ ᠤ ᠪᠠᠶᠢᠳᠠᠭ ᠪᠦᠬᠡᠳ ᠶᠡᠭᠡ ᠪᠠᠭ᠎ᠠ ᠨᠢ ᠴᠦ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ᠃ ᠵᠤᠤᠯᠢ ᠭᠡᠭᠴᠢ ᠨᠢ ᠳᠠᠷᠤᠢ ᠣᠰᠣ ᠰᠦᠮᠦᠰᠦ ᠠᠴᠠ ᠠᠭᠰᠢᠭᠤᠨ ᠢ ᠨᠢ ᠱᠦᠬᠦᠵᠦ ᠠᠪᠬᠤ ᠳᠤ ᠬᠡᠷᠡᠭᠯᠡᠬᠦ ᠪᠠᠭᠠᠵᠢ ᠮᠥᠨ᠃ ᠡᠶᠢᠮᠤ ᠠᠴᠠ ᠠᠶᠢᠯ ᠡᠷᠤᠬᠡ ᠪᠤᠯᠭᠠᠨ ᠵᠤᠤᠯᠢ ᠪᠠᠷ ᠳᠤᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠪᠠᠶᠢᠳᠠᠭ᠃   ᠵᠤᠤᠯᠢ ᠶᠢ ᠡᠭᠡᠵᠢᠭ ᠤᠨ ᠰᠠᠭᠰᠤ ᠶᠢᠨ ᠢᠷᠤᠭᠠᠷ ᠭᠠᠷᠭᠠᠬᠤ ᠲᠠᠢ ᠠᠳᠠᠯᠢ ᠪᠠᠷ ᠭᠦᠷᠦᠵᠦ ᠡᠬᠢᠯᠡᠳᠡᠭ᠃ ᠪᠠᠰᠠ ᠬᠠᠮᠤᠭ ᠤᠷᠢᠳᠡᠪᠡᠷ ᠨᠢᠬᠡ ᠪᠤᠷᠭᠠᠰᠤ ᠪᠠᠨ ᠭᠤᠤᠯ ᠢᠶᠠᠷ ᠨᠢ ᠨᠤᠭᠤᠯᠤᠨ ᠬᠦᠶᠦᠯᠬᠡᠨ ᠳᠠᠮᠤᠭᠠᠳ᠂ ᠳᠤᠯᠤᠭᠠᠢ ᠪᠦᠭᠰᠡ  ᠶᠢ ᠨᠢ ᠰᠤᠯᠢᠭᠰᠠᠨ ᠭᠤᠷᠪᠠᠨ ᠪᠤᠷᠭᠠᠰᠤ ᠪᠠᠷ ᠨᠢᠬᠡ ᠢᠵᠢ ᠨᠤᠭᠤᠰᠤ ᠪᠤᠯᠭᠠᠵᠤ ᠳᠠᠮᠤᠭᠰᠠᠨ ᠪᠤᠷᠭᠠᠰᠤᠨ ᠳᠡᠭᠡᠰᠤᠨ  ᠳᠤ ᠪᠠᠨ ᠰᠢᠷᠭᠤᠭᠤᠯᠤᠨ᠎ᠠ᠃ ᠳᠤᠮᠳᠠ ᠶᠢᠨ ᠵᠤᠤᠯᠢ ᠳᠤ ᠳᠠᠪᠤ ᠠᠴᠠ ᠳᠤᠯᠤᠭᠠᠨ ᠨᠤᠭᠤᠰᠤ ᠬᠢᠳᠡᠭ᠃ ᠭᠡᠪᠡᠴᠤ ᠢᠯᠡᠬᠦᠦ ᠨᠢᠬᠡ ᠢᠵᠢ ᠨᠤᠭᠤᠰᠤ ᠬᠢᠵᠦ ᠬᠦᠷᠦᠳᠡᠭ᠃ ᠨᠤᠭᠤᠰᠤ ᠶᠢᠨ ᠢᠶᠠᠨ ᠵᠠᠢ ᠶᠢ ᠵᠢᠭᠳᠡ ᠵᠤᠬᠢᠴᠠᠭᠤᠯᠤᠭᠰᠠᠨ ᠤ ᠳᠠᠷᠠᠭ᠎ᠠ ᠪᠤᠷᠭᠠᠰᠤᠨ ᠳᠡᠭᠡᠰᠤᠨ ᠤ ᠪᠠᠨ ᠨᠢᠬᠡ ᠳᠠᠯ᠎ᠠ ᠠᠴᠠ ᠨᠢ ᠨᠤᠭᠤᠰᠤ ᠪᠠᠨ ᠨᠢᠬᠡ ᠡᠷᠬᠦᠵᠦ᠂ ᠨᠢᠬᠡ ᠳᠠᠷᠤᠬᠤ ᠬᠦᠷᠦᠯᠬᠡ ᠶᠢᠨ ᠠᠷᠭ᠎ᠠ ᠪᠠᠷ ᠪᠤᠷᠭᠠᠰᠤ ᠪᠠᠨ ᠬᠦᠷᠦᠨ᠎ᠠ᠃ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢᠨ ᠢᠶᠠᠨ ᠪᠦᠭᠰᠡ ᠶᠢ ᠵᠤᠤᠯᠢ  ᠶᠢᠨ ᠢᠶᠠᠨ ᠡᠰᠢ ᠬᠢᠬᠦ ᠪᠠᠷ ᠦᠯᠡᠳᠡᠭᠡᠵᠦ᠂ ᠳᠡᠭᠡᠭᠰᠢ ᠰᠦᠯᠵᠢᠨ ᠬᠦᠷᠦᠬᠡᠳ ᠤᠷᠤᠢ ᠶᠢ ᠨᠢ ᠳᠤᠷᠰᠢ ᠦᠯᠡᠳᠡᠭᠡᠨ᠎ᠠ᠃ ᠳᠠᠬᠢᠭᠠᠳ ᠨᠦᠬᠦᠬᠡ ᠪᠤᠷᠭᠠᠰᠤ ᠪᠠᠨ ᠡᠬᠢᠨ ᠤ ᠪᠤᠷᠭᠠᠰᠤ ᠶᠢᠨ ᠢᠶᠠᠨ ᠡᠷᠬᠦᠭᠰᠡᠨ ᠢ ᠨᠢ ᠳᠠᠷᠤᠵᠤ᠂ ᠳᠠᠷᠤᠭᠰᠠᠨ ᠨᠤᠭᠤᠰᠤ ᠶᠢ ᠨᠢ ᠡᠷᠬᠦᠵᠦ ᠬᠦᠷᠦᠨ᠎ᠠ᠃ ᠡᠨᠡ ᠮᠡᠳᠤ ᠶᠢᠨ ᠭᠤᠤᠯ ᠤᠨ ᠪᠤᠷᠭᠠᠰᠤᠨ ᠳᠡᠭᠡᠰᠤᠨ ᠤ ᠨᠢᠬᠡ ᠳᠠᠯ᠎ᠠ ᠳᠤ ᠠᠷᠪᠠᠨ ᠵᠢᠷᠭᠤᠭᠠᠨ ᠪᠤᠷᠭᠠᠰᠤ ᠶᠢ ᠬᠦᠷᠦᠨ᠎ᠠ᠃    ᠳᠠᠬᠢᠭᠠᠳ ᠭᠤᠤᠯ ᠤᠨ ᠪᠤᠷᠭᠠᠰᠤᠨ ᠳᠡᠬᠡᠰᠤᠨ ᠤ ᠨᠦᠬᠦᠬᠡ ᠳᠠᠯ᠎ᠠ ᠶᠢ ᠬᠠᠮᠤᠭ ᠡᠬᠢᠨ ᠤ ᠬᠦᠷᠦᠭᠰᠡᠨ ᠪᠤᠷᠭᠠᠰᠤ  ᠶᠢᠨ ᠡᠷᠬᠦᠭᠰᠡᠨ ᠢ ᠨᠢ ᠳᠠᠷᠤᠵᠤ᠂ ᠳᠠᠷᠤᠭᠰᠠᠨ ᠨᠤᠭᠤᠰᠤ ᠶᠢ ᠡᠷᠬᠦᠨ᠂ ᠪᠤᠷᠭᠠᠰᠤ ᠶᠢᠨ ᠪᠦᠭᠰᠡ ᠪᠠᠨ ᠴᠠᠴᠠᠤᠯᠠᠨ ᠬᠦᠷᠦᠨ᠎ᠠ᠃ ᠪᠠᠰᠠ ᠨᠡᠶᠢᠳᠡ ᠠᠷᠪᠠᠨ ᠵᠢᠷᠭᠤᠭᠠᠨ ᠪᠤᠷᠭᠠᠰᠤ ᠶᠢ ᠬᠦᠷᠦᠵᠦ ᠳᠠᠭᠤᠰᠬᠠᠨ᠎ᠠ᠃   ᠢᠡᠭᠭᠢᠵᠦ ᠬᠦᠷᠦᠵᠦ ᠤᠶᠠᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠭᠤᠴᠢᠨ ᠬᠤᠶᠠᠷ ᠪᠤᠷᠭᠠᠰᠤ ᠶᠢᠨ ᠢᠶᠠᠨ ᠳᠡᠬᠡᠷ᠎ᠠ ᠤᠷᠤᠢ ᠶᠢ ᠨᠡᠶᠢᠳᠡ ᠲᠦᠷᠪᠡᠨ ᠭᠡᠰᠡᠭ ᠲᠤ ᠬᠤᠪᠢᠶᠠᠨ ᠤᠷᠤᠢ ᠶᠢᠨ ᠢᠷᠮᠡᠭ ᠢ ᠳᠠᠪᠬᠤᠷ ᠳᠠᠷᠤᠵᠤ ᠬᠦᠷᠦᠨ᠎ᠠ᠃ ᠲᠦᠷᠪᠡᠨ ᠭᠡᠰᠡᠭ ᠢᠶᠠᠨ ᠭᠤᠤᠯ ᠳᠤᠮᠳᠠᠬᠢ ᠭᠡᠯᠬᠢᠵᠦ ᠳᠠᠮᠤᠭᠰᠠᠨ ᠪᠤᠷᠭᠠᠰᠤ ᠠᠴᠠ ᠪᠠᠨ ᠪᠠᠷᠠᠭᠤᠨ ᠳᠠᠯ᠎ᠠ᠂ ᠵᠡᠬᠦᠨ ᠳᠠᠯ᠎ᠠ ᠭᠡᠵᠤ ᠬᠤᠪᠢᠶᠠᠨ᠂ ᠪᠠᠰᠠ ᠳᠡᠭᠡᠷ᠎ᠠ ᠨᠤᠭᠤᠰᠤ ᠠᠴᠠ ᠴᠠᠭᠠᠰᠢ ᠳᠠᠳᠠᠵᠤ ᠪᠠᠶᠢᠭ᠎ᠠ ᠶᠢ ᠨᠢ ᠪᠠᠷᠠᠭᠤᠨ ᠴᠠᠭᠠᠳᠠᠢ ᠳᠠᠯ᠎ᠠ᠂ ᠵᠡᠬᠦᠨ ᠴᠠᠭᠠᠳᠠᠢ ᠳᠠᠯ᠎ᠠ ᠭᠡᠵᠤ ᠠᠩᠭᠢᠯᠠᠨ᠎ᠠ᠃   ᠵᠤᠤᠯᠢ ᠶᠢᠨ ᠤᠷᠤᠢ ᠶᠢ ᠳᠠᠷᠤᠵᠤ ᠬᠦᠷᠦᠬᠦ ᠶᠢ ᠬᠦᠮᠦᠰᠬᠡ ᠳᠠᠷᠤᠨ᠎ᠠ ᠭᠡᠳᠡᠭ᠃ ᠬᠦᠮᠦᠰᠬᠡ ᠶᠢ ᠪᠠᠰᠠ ᠳᠤᠳᠤᠷ ᠬᠦᠮᠦᠰᠭᠡ᠂ ᠭᠠᠳᠠᠷ ᠬᠦᠮᠦᠰᠬᠡ ᠭᠡᠵᠤ ᠠᠩᠭᠢᠯᠠᠳᠠᠭ᠃   ᠬᠠᠮᠤᠭ ᠤᠨ ᠡᠮᠤᠨ᠎ᠠ᠂ ᠪᠠᠷᠠᠭᠤᠨ ᠳᠠᠯ᠎ᠠ ᠶᠢᠨ ᠬᠦᠷᠦᠮᠡᠯ ᠪᠤᠷᠭᠠᠰᠤ ᠶᠢᠨ ᠤᠷᠤᠢ ᠶᠢ ᠵᠡᠬᠦᠨ ᠳᠠᠯ᠎ᠠ ᠶᠢᠨ ᠬᠦᠷᠦᠮᠡᠯ ᠪᠤᠷᠭᠠᠰᠤ ᠶᠢᠨ ᠠᠷᠤ ᠪᠠᠷ᠂ ᠬᠠᠮᠤᠭ ᠳᠡᠬᠡᠷ᠎ᠠ ᠨᠤᠭᠤᠰᠤ ᠶᠢᠨ ᠠᠷᠤ ᠳᠡᠰᠢ ᠳᠠᠷᠤᠵᠤ᠂ ᠵᠡᠬᠦᠨ ᠴᠠᠭᠠᠳᠠᠢ ᠳᠠᠯ᠎ᠠ ᠶᠢᠨ ᠬᠦᠷᠦᠮᠡᠯ ᠪᠤᠷᠭᠠᠰᠤ ᠶᠢᠨ ᠤᠷᠤᠢ ᠶᠢ ᠳᠡᠬᠦᠨ ᠤ ᠪᠠᠨ ᠠᠷᠤ ᠪᠠᠷ ᠪᠠᠷᠠᠭᠤᠨᠰᠢ ᠳᠠᠷᠤᠵᠤ ᠠᠳᠬᠤᠭᠠᠳ᠂ ᠡᠬᠦᠨ ᠤ  ᠪᠠᠨ ᠳᠡᠬᠡᠬᠦᠷ᠂ ᠵᠡᠬᠦᠨ ᠳᠠᠯ᠎ᠠ ᠶᠢᠨ ᠬᠦᠷᠦᠮᠡᠯ ᠪᠤᠷᠭᠠᠰᠤ ᠶᠢᠨ ᠢᠶᠠᠨ ᠬᠠᠮᠤᠭ ᠵᠠᠬ᠎ᠠ ᠶᠢᠨ ᠪᠤᠷᠭᠠᠰᠤ ᠠᠴᠠ, ᠡᠬᠢᠯᠡᠵᠦ᠂ ᠬᠠᠮᠤᠭ ᠳᠡᠭᠡᠷ᠎ᠠ ᠨᠤᠭᠤᠰᠤᠨ ᠤ ᠪᠠᠨ ᠠᠷᠤ ᠪᠠᠷ ᠨᠢ ᠳᠠᠷᠤᠵᠤ᠂ ᠳᠤᠷᠤᠭᠰᠢ ᠨᠤᠭᠤᠰᠤ ᠶᠢ ᠳᠠᠭᠠᠵᠤ ᠳᠤᠷᠰᠢ ᠬᠦᠷᠦᠨ᠎ᠠ᠃ ᠳᠠᠬᠢᠭᠠᠳ ᠵᠡᠬᠦᠨ ᠳᠠᠯ᠎ᠠ ᠶᠢᠨ ᠴᠠᠭᠠᠳᠠᠢ ᠬᠦᠷᠦᠮᠡᠯ ᠤᠨ ᠪᠤᠷᠭᠠᠰᠤ ᠶᠢᠨ ᠵᠡᠬᠦᠨ ᠳᠠᠯ᠎ᠠ ᠠᠴᠠ ᠨᠢ ᠡᠬᠢᠯᠡᠵᠦ᠂ ᠳᠡᠬᠡᠷ᠎ᠠ ᠨᠤᠭᠤᠰᠤ ᠶᠢᠨ ᠨᠠᠭᠠᠳᠤ ᠳᠠᠯ᠎ᠠ ᠪᠠᠷ ᠳᠠᠷᠤᠵᠤ᠂ ᠳᠤᠷᠤᠭᠰᠢ ᠳᠤᠷᠰᠢ ᠬᠦᠷᠦᠨ᠎ᠠ᠃ ᠡᠨᠡ ᠮᠡᠳᠤ  ᠪᠠᠷ ᠳᠡᠭᠡᠷ᠎ᠠ ᠪᠠᠷᠠᠭᠤᠨ ᠬᠦᠮᠦᠰᠬᠡ ᠶᠢ ᠳᠠᠷᠤᠵᠤ ᠳᠠᠭᠤᠰᠬᠠᠨ᠎ᠠ᠃   ᠳᠠᠬᠢᠭᠠᠳ ᠵᠡᠬᠦᠨ ᠬᠦᠮᠦᠰᠬᠡ ᠶᠢ ᠳᠠᠷᠤᠨ᠎ᠠ᠃ ᠪᠠᠷᠠᠭᠤᠨ ᠳᠠᠯ᠎ᠠ ᠶᠢᠨ ᠬᠦᠷᠦᠮᠡᠯ ᠪᠤᠷᠭᠠᠰᠤ ᠶᠢᠨ ᠬᠠᠮᠤᠭ ᠪᠠᠷᠠᠭᠤᠨ ᠵᠠᠬ᠎ᠠ ᠠᠴᠠ ᠪᠤᠷᠭᠠᠰᠤ ᠶᠢ ᠳᠡᠬᠡᠷ᠎ᠠ ᠨᠤᠭᠤᠰᠤ ᠶᠢᠨ ᠠᠷᠤ ᠪᠠᠷ ᠳᠠᠷᠤᠵᠤ᠂ ᠳᠤᠷᠤᠭᠰᠢ ᠳᠤᠷᠰᠢ ᠬᠦᠷᠦᠨ᠎ᠠ᠃ ᠳᠠᠷᠠᠭ᠎ᠠ ᠳᠤ ᠨᠢ ᠪᠠᠷᠠᠭᠤᠨ ᠠᠷᠤ ᠳᠠᠯ᠎ᠠ ᠶᠢᠨ ᠬᠦᠷᠦᠮᠡᠯ ᠪᠤᠷᠭᠠᠰᠤ ᠶᠢᠨ ᠵᠠᠬ᠎ᠠ ᠶᠢᠨ ᠪᠤᠷᠭᠠᠰᠤ ᠶᠢ ᠳᠡᠬᠦᠨ ᠤ ᠪᠠᠨ ᠳᠡᠭᠡᠬᠦᠷ᠂ ᠳᠡᠭᠡᠷ᠎ᠠ ᠨᠤᠭᠤᠰᠤᠨ ᠤ ᠪᠠᠨ ᠨᠠᠭᠠᠭᠤᠷ ᠨᠢ ᠳᠠᠷᠤᠵᠤ᠂ ᠳᠤᠷᠤᠭᠰᠢ ᠨᠤᠭᠤᠰᠤ ᠶᠢ ᠳᠠᠭᠠᠵᠤ ᠳᠤᠷᠰᠢ ᠬᠦᠷᠦᠨ᠎ᠠ᠃ ᠳᠤᠰ ᠠᠯᠬᠤᠮ ᠳᠠᠷᠠᠭ᠎ᠠ ᠪᠠᠷ ᠪᠦᠬᠦ ᠬᠦᠷᠦᠮᠡᠯ ᠪᠤᠷᠭᠠᠰᠤ ᠶᠢ ᠬᠦᠷᠦᠵᠦ ᠳᠠᠭᠤᠰᠬᠠᠨ᠎ᠠ᠃    ᠪᠠᠷᠠᠭᠤᠨ ᠵᠡᠬᠦᠨ ᠬᠦᠮᠦᠰᠬᠡ ᠶᠢ ᠢᠡᠭᠭᠢᠵᠦ ᠠᠯᠬᠤᠮ ᠳᠠᠷᠠᠭ᠎ᠠ ᠲᠠᠢ ᠪᠦᠬᠡᠳ ᠴᠢᠩᠭ᠎ᠠ ᠳᠠᠳᠠᠵᠤ ᠳᠠᠷᠤᠵᠤ ᠳᠠᠭᠤᠰᠬᠠᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠳᠤᠷᠤᠭᠰᠢ ᠳᠠᠷᠤᠵᠤ ᠬᠦᠷᠦᠭᠰᠡᠨ ᠬᠦᠷᠦᠮᠡᠯ ᠪᠤᠷᠭᠠᠰᠤᠨ ᠤ ᠪᠠᠨ ᠦᠵᠦᠬᠦᠷ ᠢ ᠪᠠᠷᠠᠭᠤᠨ ᠵᠡᠬᠦᠨ ᠬᠤᠶᠠᠷ ᠳᠠᠯ᠎ᠠ ᠬᠤᠪᠢᠶᠠᠨ᠂ ᠬᠠᠮᠤᠭ ᠳᠤᠤᠷᠠᠬᠢ ᠨᠤᠭᠤᠰᠤ ᠶᠢ ᠠᠪᠴᠤ ᠬᠠᠶᠠᠭᠠᠳ᠂ ᠬᠦᠷᠦᠮᠡᠯ ᠪᠤᠷᠭᠠᠰᠤ ᠶᠢᠨ ᠪᠦᠭᠰᠡ ᠶᠢ ᠳᠡᠭᠡᠷ᠎ᠠ ᠳᠤᠤᠷ᠎ᠠ ᠬᠤᠶᠠᠷ ᠠᠩᠭᠢ ᠬᠤᠪᠢᠶᠠᠵᠤ᠂ ᠳᠡᠬᠦᠨ ᠤ ᠪᠠᠨ ᠬᠤᠭᠤᠷᠤᠨᠳᠤᠭᠤᠷ ᠬᠤᠶᠠᠷ ᠳᠡᠰᠢ ᠵᠦᠷᠢᠬᠦᠯᠦᠨ ᠴᠢᠩᠭᠠᠭᠠᠵᠤ᠂ ᠵᠤᠤᠯᠢ ᠶᠢᠨ ᠳᠤᠯᠤᠭᠠᠢ ᠶᠢ ᠬᠤᠮᠤᠶᠢᠯᠭᠠᠨ ᠳᠠᠳᠠᠭᠠᠳ᠂ ᠤᠶᠠᠭᠠᠰᠤ ᠪᠤᠷᠭᠠᠰᠤ ᠪᠠᠷ ᠰᠤᠯᠢᠪᠴᠠᠭᠤᠯᠤᠨ ᠤᠶᠠᠨ᠎ᠠ᠃ ᠡᠬᠦᠨ ᠢ ᠵᠤᠤᠯᠢ ᠶᠢᠨ ᠵᠠᠭᠠᠮ᠎ᠠ ᠭᠠᠷᠭᠠᠨ᠎ᠠ ᠭᠡᠳᠡᠭ᠃   ᠵᠠᠭᠠᠮ᠎ᠠ ᠭᠠᠷᠭᠠᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠬᠠᠵᠠᠭᠤ ᠢᠷᠮᠡᠭ ᠳᠠᠷᠤᠳᠠᠭ᠃ ᠪᠠᠷᠠᠭᠤᠨ ᠳᠠᠯ᠎ᠠ ᠠᠴᠠ ᠡᠬᠢᠯᠡᠪᠡᠯ ᠂ ᠬᠠᠮᠤᠭ ᠳᠡᠬᠡᠷ᠎ᠠ ᠨᠤᠭᠤᠰᠤ ᠶᠢ ᠬᠤᠶᠠᠳᠤᠭᠠᠷ ᠨᠤᠭᠤᠰᠤ ᠶᠢᠨ ᠨᠠᠭᠠᠭᠤᠷ ᠨᠢ ᠤᠷᠤᠭᠤᠯᠵᠤ᠂ ᠨᠢᠬᠡ ᠳᠠᠷᠤᠵᠤ᠂ ᠨᠢᠬᠡ ᠡᠷᠬᠦᠬᠦ ᠬᠦᠷᠦᠯᠬᠡ ᠶᠢᠨ ᠠᠷᠭ᠎ᠠ ᠪᠠᠷ ᠳᠤᠷᠤᠭᠰᠢ ᠳᠤᠷᠰᠢ ᠬᠦᠷᠦᠨ᠎ᠠ᠃ ᠳᠠᠬᠢᠭᠠᠳ ᠬᠤᠶᠠᠳᠤᠭᠠᠷ᠂ ᠭᠤᠷᠪᠠᠳᠤᠭᠠᠷ ᠨᠤᠭᠤᠰᠤ ᠶᠢ ᠳᠠᠷᠤᠵᠤ᠂ ᠠᠯᠬᠤᠮ ᠠᠯᠬᠤᠮ ᠢᠶᠠᠷ ᠪᠦᠬᠦᠨ ᠢ ᠳᠠᠷᠤᠨ᠎ᠠ᠃ ᠡᠬᠦᠨ ᠢᠶᠠᠨ ᠬᠤᠶᠠᠷ ᠠᠩᠭᠢ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢᠨ ᠢᠶᠠᠨ ᠬᠤᠭᠤᠷᠤᠨᠳᠤᠭᠤᠷ ᠵᠡᠬᠦᠨᠰᠢ ᠭᠠᠷᠭᠠᠵᠤ ᠬᠠᠶᠠᠭᠠᠳ᠂ ᠵᠡᠬᠦᠨ ᠳᠠᠯ᠎ᠠ  ᠶᠢᠨ ᠨᠤᠭᠤᠰᠤ ᠶᠢ ᠪᠠᠷᠠᠭᠤᠨ ᠳᠠᠯ᠎ᠠ ᠶᠢᠨ ᠬᠢ ᠰᠢᠭ᠋ ᠢᠶᠠᠷ ᠳᠠᠷᠤᠵᠤ ᠢᠷᠮᠡᠭ ᠢ ᠭᠠᠷᠭᠠᠨ᠎ᠠ᠃ ᠨᠤᠭᠤᠰᠤᠨ ᠤ ᠪᠠᠨ ᠦᠵᠦᠬᠦᠷ ᠢ ᠬᠤᠶᠠᠷ ᠠᠩᠭᠢ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢᠨ ᠬᠤᠭᠤᠷᠤᠨᠳᠤᠭᠤᠷ ᠪᠠᠷᠠᠭᠤᠨᠰᠢ ᠳᠠᠳᠠᠵᠤ᠂ ᠨᠦᠬᠦᠬᠡ ᠳᠠᠯ᠎ᠠ ᠶᠢᠨ ᠨᠤᠭᠤᠰᠤᠨ ᠦᠵᠦᠬᠦᠷ ᠲᠠᠢ ᠪᠠᠨ ᠰᠤᠯᠢᠪᠴᠠᠭᠤᠯᠤᠨ ᠴᠢᠩᠭᠠᠵᠤ ᠤᠶᠠᠭᠠᠳ᠂ ᠳᠠᠬᠢᠨ ᠳᠤᠷᠤᠭᠰᠢ ᠨᠤᠭᠤᠯᠤᠨ ᠬᠤᠶᠠᠷ ᠠᠩᠭᠢ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢᠨ ᠪᠦᠭᠰᠡ ᠲᠠᠢ ᠨᠡᠶᠢᠯᠡᠬᠦᠯᠵᠦ ᠡᠰᠢ ᠪᠤᠯᠭᠠᠨ᠎ᠠ᠃   ᠵᠤᠤᠯᠢ ᠶᠢᠨ ᠨᠤᠭᠤᠰᠤᠨ ᠪᠤᠷᠭᠠᠰᠤ ᠶᠢᠨ ᠤᠷᠤᠢ ᠪᠠᠨ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢᠨ ᠪᠦᠭᠰᠡ ᠶᠢᠨ ᠢᠶᠠᠨ ᠳᠤᠳᠤᠷ᠎ᠠ ᠨᠢ ᠤᠷᠤᠭᠤᠯᠵᠤ᠂ ᠵᠤᠤᠯᠢ ᠶᠢᠨ ᠡᠰᠢ ᠶᠢ ᠦᠵᠡᠮᠵᠢ ᠲᠠᠢ ᠰᠠᠶᠢᠬᠠᠨ ᠤᠶᠠᠨ᠎ᠠ᠃ ᠵᠤᠤᠯᠢ ᠶᠢᠨ ᠡᠰᠢᠨ ᠳᠤ ᠶᠡᠷᠤᠩᠭᠡᠢ ᠳᠤ ᠪᠠᠨ ᠭᠤᠷᠪᠠᠨ ᠤᠷᠢᠶᠠᠮᠠᠭ ᠤᠶᠠᠭᠠᠰᠤ ᠦᠭᠳᠡᠭ᠃ ᠵᠠᠭᠠᠮ᠎ᠠ ᠭᠠᠷᠭᠠᠵᠤ ᠤᠶᠠᠭᠰᠠᠨ ᠪᠠᠭᠠᠯᠵᠤᠷ ᠢ ᠵᠤᠤᠯᠢ ᠶᠢᠨ ᠪᠤᠭᠤᠮᠢ ᠭᠡᠳᠡᠭ᠃ ᠵᠤᠤᠯᠢ ᠶᠢᠨ ᠪᠤᠭᠤᠮᠢ ᠪᠠᠷ ᠨᠢᠬᠡ ᠤᠷᠢᠶᠠᠮᠠᠭ ᠤᠶᠠᠭᠠᠰᠤ ᠦᠭᠴᠤ᠂ ᠡᠰᠢᠨ ᠤ ᠦᠵᠦᠬᠦᠷ ᠪᠠ ᠳᠤᠮᠳᠠ ᠨᠢ ᠳᠤᠰ ᠪᠦᠷᠢ ᠨᠢᠬᠡ ᠤᠷᠢᠶᠠᠮᠠᠭ ᠤᠶᠠᠭᠠᠰᠤ ᠦᠭᠭᠦᠨ᠎ᠠ᠃   ᠵᠤᠤᠯᠢ ᠶᠢᠨ ᠢᠶᠠᠨ ᠤᠶᠠᠭᠠᠰᠤ ᠶᠢ ᠤᠶᠠᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠵᠤᠤᠯᠢ ᠶᠢᠨ ᠢᠶᠠᠨ ᠬᠤᠶᠠᠷ ᠳᠡᠰᠢ ᠭᠠᠷᠤᠭᠰᠠᠨ ᠵᠠᠭᠠᠮ᠎ᠠ ᠶᠢᠨ ᠦᠵᠦᠬᠦᠷ ᠢ ᠬᠠᠶᠢᠴᠢᠯᠠᠨ ᠠᠪᠴᠤ᠂ ᠡᠰᠢᠨ ᠤ ᠪᠠᠨ ᠦᠵᠦᠬᠦᠷ ᠢ ᠳᠤᠭᠤᠷᠢᠭᠯᠠᠨ ᠤᠭᠳᠤᠯᠵᠤ ᠠᠪᠤᠨ᠎ᠠ᠃   ᠵᠤᠤᠯᠢ ᠶᠢ ᠪᠠᠰᠠ ᠪᠦᠳᠦᠬᠦᠯᠢᠭ ᠬᠡᠷᠡᠭᠯᠡᠬᠡᠨ ᠳᠤ ᠬᠠᠯᠢᠰᠤ ᠲᠠᠢ ᠬᠦᠷᠦᠯᠬᠡ ᠪᠠᠷ ᠬᠦᠷᠦᠵᠦ᠂ ᠨᠠᠷᠢᠯᠢᠭ ᠬᠡᠷᠡᠭᠯᠡᠬᠡᠨ  ᠳᠤ ᠬᠠᠯᠢᠰᠤ ᠦᠭᠡᠢ ᠴᠠᠭᠠᠮᠠᠯ ᠢᠶᠠᠷ ᠬᠦᠷᠦᠳᠡᠭ᠃   ᠵᠤᠤᠯᠢ ᠶᠢ ᠬᠦᠮᠦᠨ ᠪᠦᠬᠦᠨ ᠭᠤᠶᠤ ᠰᠠᠶᠢᠬᠠᠨ ᠬᠦᠷᠦᠵᠦ ᠳᠡᠶᠢᠯᠳᠡᠭ ᠦᠭᠡᠢ ᠠᠴᠠ ᠮᠦᠨᠴᠤ ᠮᠤᠩᠭᠤᠯᠴᠤᠳ ᠤᠨ ᠬᠠᠶᠢᠷᠠᠳᠠᠢ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠤᠨ ᠨᠢᠬᠡ ᠪᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃    ᠳᠤᠭᠤᠭᠠᠨ ᠱᠦᠬᠦᠷ    ᠳᠤᠭᠤᠭᠠᠨ ᠤ ᠪᠤᠵᠠᠷ ᠪᠤᠷᠳᠠᠭ ᠢ ᠱᠦᠬᠦᠷᠳᠡᠨ ᠠᠷᠢᠯᠭᠠᠬᠤ ᠳᠤ ᠬᠡᠷᠡᠭᠯᠡᠬᠦ ᠯᠠᠭᠰᠠᠭᠠᠷ ᠦᠵᠦᠬᠦᠷ ᠲᠠᠢ ᠤᠶᠠᠮᠠᠯ ᠡᠳ᠋ ᠢ ᠱᠦᠬᠦᠷ ᠭᠡᠳᠡᠭ᠃    ᠳᠤᠭᠤᠭᠠᠨ ᠱᠦᠬᠦᠷ ᠢ ᠶᠡᠷᠤ ᠨᠠᠷᠢᠨ ᠨᠠᠮᠠᠭ᠎ᠠ ᠨᠢ ᠵᠤᠵᠠᠭᠠᠨ ᠯᠠᠭᠰᠠᠭᠠᠷ ᠵᠦᠬᠡᠯᠡᠨ ᠤᠯᠠᠭᠠᠨ ᠪᠤᠷᠭᠠᠰᠤ ᠪᠠᠷ ᠤᠶᠠᠳᠠᠭ ᠪᠦᠬᠡᠳ ᠳᠤᠤᠵᠤᠤ ᠶᠢᠨ ᠰᠢᠰᠢ᠂ ᠰᠢᠰᠢ ᠶᠢᠨ ᠳᠤᠯᠤᠭᠠᠢ᠂ ᠴᠠᠬᠢᠯᠳᠠᠭ ᠤᠨ ᠦᠨᠳᠦᠰᠦ ᠪᠠᠷ ᠤᠶᠠᠵᠤ ᠪᠤᠭᠤᠵᠤ ᠬᠢᠨ᠎ᠠ᠃    ᠤᠯᠠᠭᠠᠨ ᠪᠤᠷᠭᠠᠰᠤ ᠪᠠᠨ ᠬᠠᠳᠤᠵᠤ ᠠᠪᠴᠢᠷᠠᠭᠰᠠᠨ ᠤ ᠳᠠᠷᠠᠭ᠎ᠠ ᠰᠠᠯᠠᠭ᠎ᠠ ᠨᠠᠮᠠᠭ᠎ᠠ ᠶᠢ ᠨᠢ ᠵᠤᠬᠢᠴᠠᠭᠤᠯᠤᠨ ᠳᠡᠭᠰᠢᠯᠡᠵᠦ᠂ ᠠᠳᠬᠤ ᠪᠠᠭᠳᠠᠮ᠎ᠠ ᠪᠤᠯᠭᠠᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠲᠦᠬᠡ ᠢᠯᠡᠬᠦᠦ ᠤᠷᠤᠢ ᠶᠢ ᠨᠢ ᠦᠯᠡᠳᠡᠭᠡᠵᠦ᠂ ᠰᠦᠬᠦᠮ ᠬᠢᠷᠢ ᠶᠢᠨ ᠪᠠᠷᠢᠭᠤᠯ ᠢ ᠨᠢ ᠨᠠᠷᠢᠨ ᠤᠯᠠᠭᠠᠨ ᠪᠤᠷᠭᠠᠰᠤ ᠶᠢ ᠪᠠᠯᠪᠠᠷᠠᠭᠤᠯᠤᠨ ᠮᠤᠰᠬᠢᠵᠦ ᠭᠤᠷᠪᠠᠨ ᠤᠷᠢᠶᠠᠮᠠᠭ ᠤᠷᠢᠶᠠᠵᠤ ᠤᠶᠠᠨ᠎ᠠ᠃ ᠶᠠᠭᠠᠬᠢᠵᠦ ᠤᠷᠢᠶᠠᠭᠰᠠᠨ ᠴᠦ ᠤᠷᠢᠶᠠᠮᠠᠭ ᠨᠢ ᠪᠠᠰᠠ ᠰᠤᠯᠠᠪᠳᠤᠷ ᠰᠢᠭ᠋ ᠪᠤᠯ ᠡᠷᠡᠭᠡᠢ ᠬᠤᠷᠤᠭᠤ ᠠᠴᠠ ᠪᠠᠭ᠎ᠠ ᠨᠠᠷᠢᠨ ᠪᠤᠷᠭᠠᠰᠤ ᠶᠢ ᠮᠤᠬᠤᠷ ᠰᠦᠬᠦᠮ ᠤᠭᠳᠤᠯᠵᠤ᠂ ᠦᠵᠦᠬᠦᠷ ᠭᠠᠷᠭᠠᠨ ᠵᠤᠷᠭᠤᠭᠠᠳ᠂ ᠪᠠᠷᠢᠭᠤᠯ ᠤᠨ ᠤᠭ ᠠᠴᠠ ᠳᠤᠳᠤᠭᠰᠢ ᠪᠠᠨ ᠱᠠᠭᠠᠵᠤ ᠤᠷᠤᠭᠤᠯᠤᠨ᠎ᠠ᠃    ᠳᠤᠤᠵᠤᠤ ᠶᠢᠨ ᠰᠢᠰᠢ ᠶᠢᠨ ᠳᠤᠯᠤᠭᠠᠢ ᠨᠢ ᠤᠷᠳᠤ ᠳᠤᠯᠠ ᠦᠨᠳᠦᠷ ᠰᠢᠭ ᠢ ᠨᠢ ᠬᠠᠶᠢᠴᠢᠯᠠᠨ ᠠᠪᠴᠤ᠂ ᠠᠰ ᠰᠢᠭ᠋ ᠤᠷᠭᠤᠭᠰᠠᠨ ᠲᠠᠢ ᠨᠢ ᠨᠡᠶᠢᠯᠡᠬᠦᠯᠦᠨ ᠵᠤᠬᠢᠴᠠᠭᠤᠯᠵᠤ᠂ ᠳᠡᠭᠡᠷᠡᠬᠢ ᠤᠶᠠᠯᠭ᠎ᠠ ᠶᠢᠨ ᠠᠷᠭ᠎ᠠ ᠪᠠᠷ ᠤᠶᠠᠨ᠎ᠠ᠃ ᠰᠢᠰᠢ ᠶᠢᠨ ᠳᠤᠯᠤᠭᠠᠢ ᠪᠠᠷ ᠮᠥᠨ ᠢᠡᠭᠭᠢᠵᠦ ᠳᠤᠭᠤᠭᠠᠨ ᠱᠦᠬᠦᠷ ᠤᠶᠠᠳᠠᠭ ᠪᠤᠯᠪᠠᠴᠤ᠂ ᠤᠷᠢᠳᠡᠪᠡᠷ ᠤᠰᠤᠨ ᠳᠤ ᠳᠡᠪᠳᠦᠬᠡᠵᠦ ᠤᠶᠠᠳᠠᠭ᠃ ᠡᠰᠡ ᠳᠡᠶᠢᠮᠤ ᠪᠤᠯ ᠤᠶᠠᠵᠤ ᠪᠠᠶᠢᠳᠠᠯ᠎ᠠ ᠱᠤᠭᠠᠢ ᠨᠢ ᠠᠮᠠᠷᠬᠠᠨ ᠳᠠᠰᠤᠷᠠᠴᠢᠬᠠᠳᠠᠭ᠃    ᠡᠳᠡᠬᠡᠷ ᠵᠤᠶᠢᠯᠡᠰ ᠢᠶᠠᠷ ᠳᠤᠭᠤᠭᠠᠨ ᠱᠦᠬᠦᠷ ᠬᠢᠳᠡᠭ ᠨᠢ ᠳᠠᠷᠤᠢ ᠳᠤᠭᠤᠭᠠᠨ ᠵᠢᠪᠡ ᠭᠭᠢᠷ ᠢ ᠰᠠᠶᠢᠨ ᠭᠠᠷᠭᠠᠳᠠᠭ ᠪᠦᠬᠡᠳ ᠪᠤᠰᠤᠳ ᠵᠤᠶᠢᠯ ᠤᠨ ᠦᠨᠦᠷ ᠠᠮᠳᠠ ᠳᠠᠭᠠᠳᠠᠭ ᠦᠭᠡᠢ ᠠᠴᠠ ᠪᠤᠯᠤᠭᠰᠠᠨ ᠪᠠᠶᠢᠭ᠎ᠠ ᠶᠤᠮ᠃ ᠳᠤᠤᠵᠤᠤ ᠬᠡᠷ ᠡᠷᠤᠬᠡ ᠶᠢᠨ ᠳᠤᠳᠤᠷᠠᠬᠢ ᠭᠠᠵᠠᠷ ᠫᠠᠯᠡᠩ ᠪᠤᠶᠤ ᠬᠠᠨᠵᠤ ᠰᠢᠷᠳᠡᠭ ᠢ ᠱᠦᠬᠦᠷᠳᠡᠨ ᠠᠷᠢᠯᠭᠠᠬᠤ ᠠᠰ ᠳᠤᠷᠤᠭᠰᠢ ᠬᠠᠨᠳᠤᠭᠰᠠᠨ ᠨᠠᠷᠢᠨ ᠵᠦᠬᠡᠯᠡᠨ ᠦᠵᠦᠬᠦᠷ ᠲᠠᠢ ᠱᠦᠬᠦᠷ ᠢ ᠳᠤᠤᠵᠤᠤ ᠭᠡᠳᠡᠭ᠃ ᠳᠤᠤᠵᠤᠤ ᠶᠢ ᠵᠦᠬᠡᠯᠡᠨ ᠤᠯᠠᠭᠠᠨ ᠪᠤᠷᠭᠠᠰᠤ᠂ ᠳᠤᠤᠵᠤᠤ ᠶᠢᠨ ᠰᠢᠰᠢ ᠪᠤᠶᠤ ᠦᠨᠳᠦᠷ ᠳᠤᠯᠤᠭᠠᠢ ᠲᠠᠢ ᠰᠢᠰᠢ ᠶᠢᠨ ᠳᠤᠯᠤᠭᠠᠢ ᠪᠠᠷ ᠤᠶᠠᠳᠠᠭ᠃ ᠬᠠᠨᠵᠤ ᠶᠢᠨ ᠳᠤᠤᠵᠤᠤ ᠶᠢ ᠪᠠᠰᠠ ᠤᠯᠠᠯᠵᠢ ᠪᠠᠷ ᠤᠶᠠᠨ᠎ᠠ᠃   ᠨᠠᠮᠤᠷ ᠤᠨ ᠠᠭᠤᠷ ᠤᠷᠤᠭᠰᠠᠨ ᠤ ᠳᠠᠷᠠᠭ᠎ᠠ ᠵᠦᠬᠡᠯᠡᠨ ᠤᠷᠳᠤ ᠰᠠᠯᠠᠭ᠎ᠠ ᠨᠠᠮᠠᠭ᠎ᠠ ᠲᠠᠢ ᠨᠠᠷᠢᠨ ᠤᠯᠠᠭᠠᠨ ᠪᠤᠷᠭᠠᠰᠤ  ᠶᠢ ᠬᠠᠳᠤᠨ ᠠᠪᠴᠢᠷᠠᠭᠠᠳ ᠳᠡᠷᠡ ᠳᠠᠷᠤᠢ ᠳᠤᠤᠵᠤᠤ ᠤᠶᠠᠳᠠᠭ᠃    ᠳᠤᠤᠵᠤᠤ ᠶᠢ ᠰᠠᠮᠠ ᠰᠢᠭ᠋ ᠰᠢᠳᠤ ᠲᠠᠢ ᠤᠶᠠᠳᠠᠭ᠃ ᠨᠢᠬᠡ ᠳᠤᠤᠵᠤᠤ ᠶᠢ ᠶᠡᠷᠤ ᠠᠴᠠ ᠳᠠᠪᠤ ᠠᠴᠠ ᠳᠤᠯᠤᠭᠠᠨ ᠰᠢᠳᠤ ᠲᠠᠢ ᠤᠶᠠᠨ᠎ᠠ᠃ ᠳᠠᠪᠬᠤᠷ ᠳᠤᠭ᠎ᠠ ᠬᠡᠷᠡᠭᠯᠡᠳᠡᠭ ᠦᠭᠡᠢ᠃ ᠳᠤᠤᠵᠤᠤ ᠶᠢᠨ ᠢᠶᠠᠨ ᠳᠤᠷᠤᠭᠰᠢ ᠬᠠᠨᠳᠤᠭᠰᠠᠨ ᠦᠵᠦᠬᠦᠷ ᠢ ᠳᠤᠤᠵᠤᠤ ᠶᠢᠨ ᠢᠷ ᠭᠡᠵᠤ᠂ ᠡᠬᠢᠨ ᠤ ᠰᠢᠳᠤ ᠶᠢᠨ ᠳᠡᠬᠡᠷ᠎ᠠ ᠳᠤᠬᠤ ᠶᠢ ᠳᠤᠤᠵᠤᠤ ᠶᠢᠨ ᠬᠠᠮᠠᠷ ᠭᠡᠵᠤ᠂ ᠦᠨᠳᠦᠷ ᠪᠠᠷᠢᠭᠤᠯ ᠢ ᠨᠢ ᠡᠰᠢ ᠭᠡᠳᠡᠭ᠃    ᠳᠤᠤᠵᠤᠤ ᠶᠢᠨ ᠨᠢᠬᠡᠳᠤᠬᠡᠷ ᠰᠢᠳᠤ ᠪᠠᠨ ᠠᠰ ᠢᠶᠠᠷ ᠨᠢ ᠡᠬᠢᠯᠡᠵᠦ ᠤᠷᠢᠶᠠᠵᠤ ᠤᠶᠠᠭᠠᠳ᠂ ᠤᠶᠠᠭᠠᠰᠤ ᠶᠢᠨ ᠢᠶᠠᠨ ᠠᠷᠤ ᠪᠠᠷ ᠬᠤᠶᠠᠷ ᠳᠡᠰᠢ ᠬᠠᠭᠠᠯᠵᠤ᠂ ᠬᠤᠶᠠᠳᠤᠭᠠᠷ ᠰᠢᠳᠤ ᠶᠢ ᠰᠤᠯᠠ ᠪᠠᠷ ᠨᠢ ᠡᠮᠬᠦᠬᠦᠯᠵᠦ ᠬᠠᠮᠳᠤ ᠳᠤ ᠨᠢ ᠪᠠᠷᠢᠵᠦ ᠤᠷᠢᠶᠠᠵᠤ ᠤᠶᠠᠨ᠎ᠠ᠃ ᠳᠤᠰ ᠬᠤᠶᠠᠷ ᠰᠢᠳᠤ ᠪᠠᠨ ᠪᠠᠭ᠎ᠠ ᠳᠤᠷᠤᠭᠰᠢ ᠳᠤᠩᠭᠤᠶᠢᠯᠭᠠᠵᠤ᠂ ᠤᠷᠢᠶᠠᠯᠳᠠ ᠶᠢᠨ ᠠᠷᠤ ᠳᠤ ᠬᠤᠶᠠᠷ ᠳᠡᠰᠢ ᠬᠠᠭᠠᠯᠤᠨ᠂ ᠭᠤᠷᠪᠠᠳᠤᠭᠠᠷ ᠰᠢᠳᠤ ᠶᠢ ᠰᠤᠯᠠ ᠪᠠᠷ ᠨᠢ ᠬᠠᠪᠴᠢᠭᠤᠯᠵᠤ ᠬᠠᠮᠳᠤ ᠳᠤ ᠨᠢ ᠤᠷᠢᠶᠠᠵᠤ ᠤᠶᠠᠨ᠎ᠠ᠃ ᠳᠠᠬᠢᠭᠠᠳ ᠤᠷᠢᠶᠠᠯᠳᠠ ᠶᠢᠨ ᠠᠷᠤ ᠶᠢ ᠬᠤᠶᠠᠷ ᠳᠡᠰᠢ ᠬᠠᠭᠠᠯᠵᠤ ᠲᠦᠷᠪᠡᠳᠤᠬᠡᠷ ᠰᠢᠳᠤ ᠶᠢ ᠬᠠᠪᠴᠢᠭᠤᠯᠵᠤ ᠤᠶᠠᠨ᠎ᠠ᠃ ᠡᠨᠡ ᠦᠶ᠎ᠠ ᠳᠤ ᠨᠠᠯᠤᠪᠴᠢ ᠶᠢᠨ ᠬᠡᠮᠵᠢᠶ᠎ᠠ ᠨᠢ ᠪᠠᠭ᠋ᠠᠨ ᠪᠤᠰᠤᠭ᠎ᠠ ᠪᠤᠯᠵᠤ ᠪᠠᠶᠢᠭ᠎ᠠ ᠶᠤᠮ ᠃ ᠲᠦᠷᠪᠡᠳᠤᠬᠡᠷ ᠤᠷᠢᠶᠠᠯᠳᠠ ᠶᠢᠨ ᠠᠷᠤ ᠶᠢ ᠬᠤᠶᠠᠷ ᠳᠡᠰᠢ ᠬᠠᠭᠠᠯᠵᠤ ᠳᠠᠪᠤᠳᠤᠭᠠᠷ ᠰᠢᠳᠤ ᠶᠢ ᠬᠠᠪᠴᠢᠭᠤᠯᠤᠨ ᠤᠷᠢᠶᠠᠬᠤ ᠦᠶ᠎ᠠ ᠳᠤ ᠪᠠᠷᠤᠭ ᠰᠢᠳᠤ ᠨᠢ ᠡᠰᠢ ᠶᠢᠨ ᠬᠠᠨᠳᠤᠰᠢ ᠲᠠᠢ ᠠᠳᠠᠯᠢ ᠪᠤᠯᠳᠠᠭ᠃    ᠡᠶᠢᠮᠤᠷᠬᠦ ᠬᠡᠳᠤᠨ ᠰᠢᠳᠤ ᠲᠠᠢ ᠴᠦ ᠳᠡᠷᠡ ᠳᠤᠤᠵᠤᠤ ᠶᠢᠨ ᠢᠶᠠᠨ ᠶᠠᠩᠵᠤ ᠶᠢ ᠭᠠᠷᠭᠠᠵᠤ ᠤᠶᠠᠬᠤ ᠶᠢ ᠪᠠᠷᠢᠮᠳᠠᠯᠠᠨ᠎ᠠ᠃ ᠳᠠᠪᠤᠳᠤᠭᠠᠷ ᠰᠢᠳᠤ ᠠᠴᠠ ᠴᠢᠨᠠᠭᠰᠢᠳᠠ ᠨᠢᠬᠡᠨᠳᠡ ᠪᠠᠩᠬᠠᠶᠢᠭᠰᠠᠨ ᠪᠦᠳᠦᠬᠦᠨ ᠪᠤᠯᠳᠠᠭ ᠳᠤᠯᠠ ᠦᠬᠡᠷ᠎ᠠ ᠤᠷᠢᠶᠠᠮᠠᠭ ᠳᠡᠭᠡᠰᠤ ᠪᠠᠷ ᠴᠢᠩᠭᠠᠯᠠᠨ ᠤᠷᠢᠶᠠᠵᠤ ᠳᠠᠰᠬᠠᠭᠠᠳ ᠰᠠᠶ᠋ᠢ ᠤᠷᠢᠶᠠᠵᠤ ᠪᠠᠶᠢᠭ᠎ᠠ ᠤᠳᠠᠰᠤ ᠪᠠᠷ  ᠢᠶᠠᠨ ᠪᠠᠬᠢᠯᠡᠨ ᠤᠶᠠᠨ᠎ᠠ᠃ ᠡᠨᠡ ᠮᠡᠳᠤ ᠪᠠᠷ ᠳᠤᠬᠤᠢ ᠬᠠᠭᠠᠰ ᠤᠷᠳᠤ ᠳᠤᠤᠵᠤᠤ ᠶᠢᠨ ᠡᠰᠢ ᠶᠢ ᠬᠤᠶᠠᠷ ᠬᠤᠷᠤᠭᠤ  ᠶᠢ ᠠᠯᠤᠰᠯᠠᠬᠤ ᠪᠦᠷᠢ ᠨᠢᠬᠡ ᠤᠷᠢᠶᠠᠵᠤ ᠪᠠᠬᠢᠯᠡᠭᠡᠳ ᠤᠶᠠᠵᠤ ᠳᠠᠭᠤᠰᠬᠠᠨ᠎ᠠ᠃    ᠳᠤᠤᠵᠤᠤ ᠰᠢᠰᠢ᠂ ᠰᠢᠰᠢ ᠶᠢᠨ ᠳᠤᠯᠤᠭᠠᠢ ᠪᠤᠶᠤ ᠤᠯᠠᠯᠵᠢ ᠪᠠᠷ ᠤᠶᠠᠬᠤ ᠵᠢᠵᠢᠭ ᠳᠤᠤᠵᠤᠤ ᠶᠢ ᠴᠦᠮ ᠳᠤᠰ ᠠᠷᠭ᠎ᠠ ᠪᠠ ᠶᠠᠪᠤᠴᠠ ᠪᠠᠷ ᠤᠶᠠᠨ᠎ᠠ᠃     ᠱᠦᠬᠦᠷ ᠬᠠᠰᠢᠶ᠎ᠠ ᠬᠦᠷᠢᠶ᠎ᠠ ᠶᠢᠨ ᠯᠠᠢ ᠯᠤᠭ ᠢ ᠬᠤᠮᠢᠵᠦ ᠠᠷᠢᠯᠭᠠᠬᠤ ᠪᠤᠶᠤ ᠦᠳᠦᠷᠮ᠎ᠠ ᠶᠢᠨ ᠪᠤᠳᠠᠭᠠᠨ ᠤ ᠨᠠᠷᠢᠨ ᠪᠦᠳᠦᠬᠦᠨ ᠬᠡᠪᠡᠭ ᠰᠦᠷᠡᠯ ᠢ ᠭᠤᠶᠠᠳᠠᠨ ᠠᠷᠢᠯᠭᠠᠬᠤ ᠳᠤ ᠬᠡᠷᠡᠭᠯᠡᠳᠡᠭ ᠤᠷᠳᠤ ᠡᠰᠢ ᠲᠠᠢ ᠠᠷᠢᠯᠭᠠᠭᠤᠷ ᠪᠠᠭᠠᠵᠢ ᠶᠢ ᠱᠦᠬᠦᠷ ᠭᠡᠳᠡᠭ᠃    ᠱᠦᠬᠦᠷ ᠨᠢ ᠱᠦᠬᠦᠷ ᠤᠨ ᠦᠵᠦᠬᠦᠷ᠂ ᠱᠦᠬᠦᠷ᠂ ᠱᠦᠬᠦᠷ ᠤᠨ ᠪᠤᠭᠤᠮᠢ ᠪᠤᠶᠤ ᠡᠰᠢ ᠵᠡᠷᠭᠡ ᠭᠡᠰᠡᠭ ᠢᠶᠠᠷ ᠪᠦᠷᠢᠯᠳᠦᠨ᠎ᠠ᠃ ᠦᠨᠡᠨᠳᠡᠬᠡᠨ ᠦᠵᠡᠬᠦ ᠳᠤ ᠯᠠᠭᠰᠠᠭᠠᠷ ᠳᠤᠯᠤᠭᠠᠢ ᠶᠢᠨ ᠭᠡᠰᠡᠭ ᠢ ᠨᠢ ᠱᠦᠬᠦᠷ ᠭᠡᠵᠤ᠂ ᠦᠯᠡᠳᠡᠭᠰᠡᠨ  ᠢ ᠨᠢ ᠡᠰᠢ ᠭᠡᠳᠡᠭ ᠪᠤᠯᠪᠠᠴᠤ᠂ ᠯᠠᠭᠰᠠᠭᠠᠷ ᠳᠤᠯᠤᠭᠠᠢ ᠶᠢ ᠨᠢ ᠪᠠᠰᠠ ᠬᠠᠪᠳᠠᠭᠠᠶᠢᠯᠠᠨ ᠳᠠᠷᠤᠵᠤ ᠬᠡᠪᠰᠢᠬᠦᠯᠦᠬᠡᠳ᠂ ᠱᠦᠬᠦᠷ ᠤᠨ ᠦᠵᠦᠬᠦᠷ᠂ ᠱᠦᠬᠦᠷ ᠤᠨ ᠡᠯᠢᠬᠡ᠂ ᠵᠡᠬᠦᠨ ᠪᠠᠷᠠᠭᠤᠨ ᠵᠠᠪᠠᠵᠢ ᠭᠡᠵᠤ ᠢᠯᠭᠠᠨ ᠰᠠᠯᠭᠠᠨ ᠨᠡᠷᠡᠯᠡᠵᠦ ᠳᠠᠭᠤᠳᠠᠳᠠᠭ ᠪᠦᠬᠡᠳ ᠬᠤᠶᠠᠷ ᠵᠠᠪᠠᠵᠢ ᠰᠠᠯᠵᠤ ᠭᠠᠷᠬᠤ ᠭᠡᠰᠡᠭ ᠢ ᠱᠦᠬᠦᠷ ᠤᠨ ᠪᠠᠭᠠᠯᠵᠤᠷ ᠭᠡᠬᠦ ᠪᠤᠶᠤ ᠪᠤᠭᠤᠮᠢ ᠭᠡᠳᠡᠭ᠃ ᠱᠦᠬᠦᠷ ᠤᠨ ᠪᠤᠭᠤᠮᠢ ᠠᠴᠠ ᠪᠠᠨ ᠱᠦᠬᠦᠷ ᠤᠨ ᠡᠰᠢ ᠶᠢ ᠭᠤᠷᠪᠠᠨ ᠳᠤᠬᠤᠢ ᠰᠤᠩᠭᠠᠨ ᠤᠶᠠᠳᠠᠭ᠃   ᠱᠦᠬᠦᠷ ᠢ ᠠᠯᠳᠠᠭᠠᠨ᠎ᠠ ᠶᠢᠨ ᠦᠨᠳᠦᠰᠦ ᠪᠤᠶᠤ ᠪᠤᠷᠭᠠᠰᠤ ᠪᠠᠷ ᠤᠶᠠᠵᠤ ᠪᠤᠭᠤᠳᠠᠭ᠃ ᠱᠦᠬᠦᠷ ᠢ ᠪᠠᠰᠠ ᠬᠦᠷᠢᠶᠡᠨ ᠱᠦᠬᠦᠷ᠂ ᠦᠳᠦᠷᠮ᠎ᠠ ᠶᠢᠨ ᠱᠦᠬᠦᠷ ᠭᠡᠵᠤ ᠢᠯᠭᠠᠬᠤ ᠮᠦᠷᠳᠡᠭᠡᠨ ᠪᠦᠳᠦᠬᠦᠨ ᠱᠦᠬᠦᠷ᠂ ᠨᠠᠷᠢᠨ ᠱᠦᠬᠦᠷ ᠭᠡᠵᠤ ᠢᠯᠭᠠᠨ᠂ ᠡᠬᠢ ᠮᠠᠲ᠋ᠧᠷᠢᠶᠠᠯ ᠢᠶᠠᠷ ᠨᠢ ᠪᠤᠷᠭᠠᠰᠤᠨ ᠱᠦᠬᠦᠷ᠂ ᠠᠯᠳᠠᠭᠠᠨ᠎ᠠ ᠶᠢᠨ ᠱᠦᠬᠦᠷ᠂ ᠶᠠᠰᠢᠯ ᠤᠨ ᠱᠦᠬᠦᠷ᠂ ᠬᠠᠷᠠᠭᠠᠨ᠎ᠠ ︵ᠬᠡᠬᠡᠷ᠎ᠠ ᠶᠢᠨ ᠬᠦᠢᠯᠡᠰᠤ ᠶᠢ ᠬᠠᠷᠠᠭᠠᠨ᠎ᠠ ᠭᠡᠵᠤ ᠬᠡᠯᠡᠵᠦ ᠵᠠᠩᠰᠢᠪᠠ︶ ᠶᠢᠨ ᠱᠦᠬᠦᠷ᠂ ᠬᠤᠯᠤᠰᠤᠨ ᠱᠦᠬᠦᠷ ᠭᠡᠬᠦ ᠮᠡᠳᠤ ᠪᠠᠷ ᠨᠡᠷᠡᠯᠡᠬᠦ ᠪᠦᠬᠡᠳ ᠬᠡᠷᠡᠭᠰᠡᠯ ᠢᠶᠠᠷ ᠨᠢ ᠬᠤᠭ ᠤᠨ ᠱᠦᠬᠦᠷ᠂ ᠬᠤᠤᠷᠭᠤᠯ ᠤᠨ ᠱᠦᠬᠦᠷ᠂ ᠮᠦᠶᠡ ᠶᠢᠨ ᠱᠦᠬᠦᠷ᠂ ᠰᠢᠪᠠᠭᠠᠨ ᠱᠦᠬᠦᠷ᠂ ᠦᠳᠦᠷᠮ᠎ᠠ ᠶᠢᠨ ᠤᠯᠠ ᠶᠢᠨ ᠱᠦᠬᠦᠷ ᠭᠡᠬᠦ ᠵᠡᠷᠭᠡ ᠪᠠᠷ ᠢᠯᠭᠠᠨ ᠰᠠᠯᠭᠠᠵᠤ ᠳᠠᠭᠤᠳᠠᠳᠠᠭ ᠪᠠᠶᠢᠭ᠎ᠠ ᠶᠤᠮ᠃   ᠱᠦᠬᠦᠷ ᠢ ᠬᠡᠷᠡᠭᠯᠡᠬᠡᠨ ᠤ ᠱᠠᠭᠠᠷᠳᠠᠯᠭ᠎ᠠ ᠶᠤᠰᠤᠭᠠᠷ ᠤᠶᠠᠨ᠎ᠠ᠃ ᠮᠦᠨᠴᠤ ᠱᠦᠬᠦᠷ ᠪᠡᠶ᠎ᠠ ᠪᠤᠯᠤᠨ ᠡᠰᠢ ᠪᠡᠶ᠎ᠠ ᠶᠢ ᠳᠡᠩᠨᠡᠬᠦᠯᠦᠨ ᠤᠶᠠᠵᠤ᠂ ᠱᠦᠬᠦᠷ ᠪᠡᠶ᠎ᠠ ᠶᠢ ᠬᠦᠨᠳᠦ ᠪᠢᠰᠢ᠂ ᠬᠦᠡᠭᠭᠡᠨ ᠪᠢᠰᠢ᠂ ᠤᠷᠳᠤ ᠪᠢᠰᠢ᠂ ᠤᠬᠤᠷ ᠪᠢᠰᠢ ᠪᠠᠷ ᠤᠶᠠᠨ᠎ᠠ᠃ ᠡᠰᠢ ᠶᠢ ᠮᠥᠨ ᠱᠦᠬᠦᠷ ᠪᠡᠶ᠎ᠠ ᠶᠢᠨ ᠪᠠᠶᠢᠳᠠᠯ ᠳᠤ ᠵᠤᠬᠢᠴᠠᠭᠤᠯᠤᠨ ᠨᠠᠷᠢᠨ ᠴᠦ ᠪᠢᠰᠢ᠂ ᠪᠦᠳᠦᠬᠦᠨ ᠴᠦ ᠪᠢᠰᠢ ᠪᠠᠷ ᠵᠠᠰᠠᠵᠤ ᠤᠶᠠᠳᠠᠭ ᠶᠤᠮ᠃    ᠶᠠᠮᠠᠷ ᠴᠦ ᠮᠠᠲ᠋ᠧᠷᠢᠶᠠᠯ ᠢᠶᠠᠷ ᠤᠶᠠᠭᠰᠠᠨ ᠴᠦ ᠳᠡᠷᠡ᠂ ᠱᠦᠬᠦᠷ ᠪᠡᠶ᠎ᠠ ᠶᠢ ᠳᠠᠷᠤᠵᠤ ᠳᠠᠰᠬᠠᠳᠠᠭ᠃ ᠦᠵᠦᠬᠦᠷ ᠪᠡᠶ᠎ᠠ ᠶᠢ ᠨᠢ ᠪᠠᠭ᠋ᠠᠨ ᠡᠷᠳᠡᠭ᠂ ᠡᠯᠢᠬᠡ ᠪᠠᠷ ᠢᠶᠠᠨ ᠪᠠᠭ᠋ᠠᠨ ᠮᠢᠳᠠᠭᠠᠷ᠂ ᠬᠤᠶᠠᠷ ᠵᠠᠪᠠᠵᠢ ᠨᠢ ᠰᠡᠷᠪᠡᠭ᠂ ᠱᠦᠬᠦᠷ ᠪᠡᠶ᠎ᠠ  ᠪᠠᠷ ᠢᠶᠠᠨ ᠬᠠᠪᠳᠠᠭᠠᠢ ᠪᠤᠯᠭᠠᠨ ᠵᠠᠰᠠᠳᠠᠭ᠃ ᠡᠰᠢ ᠶᠢ ᠦᠵᠦᠬᠦᠷ ᠦᠬᠡᠳᠡ ᠪᠠᠨ ᠪᠠᠭ᠎ᠠ ᠱᠤᠪᠳᠤᠭ ᠰᠢᠭ᠋ ᠢᠶᠠᠷ ᠮᠤᠳᠤ ᠨᠡᠮᠡᠬᠦ ᠪᠤᠶᠤ ᠬᠠᠰᠤᠬᠤ ᠠᠷᠭ᠎ᠠ ᠪᠠᠷ ᠵᠠᠰᠠᠨ ᠤᠶᠠᠵᠤ᠂ ᠲᠦᠬᠡ ᠰᠦᠬᠦᠮ ᠵᠠᠢ ᠪᠠᠷ ᠡᠷᠡᠵᠦ ᠤᠶᠠᠨ᠎ᠠ᠃ ᠱᠦᠬᠦᠷ ᠤᠨ ᠭᠡᠰᠡᠭ ᠨᠠᠮᠢᠯᠵᠠᠬᠤ ᠠᠴᠠ ᠪᠢᠰᠢ ᠡᠰᠢ ᠨᠠᠮᠢᠯᠵᠠᠬᠤ ᠦᠭᠡᠢ ᠭᠡᠮᠵᠢᠶ᠎ᠠ ᠪᠠᠷᠢᠮᠵᠢᠶ᠎ᠠ ᠪᠠᠷ ᠤᠶᠠᠳᠠᠭ᠃    ᠱᠦᠬᠦᠷ ᠢᠶᠠᠨ ᠬᠡᠷᠡᠭᠯᠡᠬᠦ ᠦᠭᠡᠢ ᠦᠶ᠎ᠠ ᠳᠤ ᠬᠡᠷᠡᠮ ᠬᠠᠰᠢᠶ᠎ᠠ ᠶᠢᠨ ᠢᠶᠠᠨ ᠪᠤᠯᠤᠩ ᠳᠤ ᠱᠦᠬᠦᠷ ᠪᠡᠶ᠎ᠠ ᠶᠢ ᠨᠢ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠪᠤᠰᠬᠠᠵᠤ ᠳᠠᠯᠪᠢᠨ᠎ᠠ᠃ ᠬᠤᠷᠢᠶᠠᠵᠤ ᠬᠠᠳᠠᠭᠠᠯᠠᠪᠠᠯ ᠢᠯᠡᠬᠦᠦ ᠬᠡᠷ᠂ ᠦᠪᠤᠡᠭ ᠳᠤ ᠪᠠᠨ ᠬᠠᠨ᠎ᠠ ᠶᠢ ᠨᠢ ᠳᠠᠭᠠᠭᠤᠯᠤᠨ ᠬᠦᠨᠳᠡᠯᠡᠨ ᠢᠶᠠᠷ ᠬᠡᠪᠳᠡᠬᠦᠯᠦᠨ ᠡᠯᠬᠦᠵᠦ ᠳᠠᠯᠪᠢᠨ᠎ᠠ᠃ ᠮᠤᠩᠭᠤᠯᠴᠤᠳ ᠱᠦᠬᠦᠷ ᠢ ᠪᠤᠭ ᠴᠢᠳᠬᠦᠷ ᠤᠨ ᠳᠠᠷᠤᠯᠭ᠎ᠠ᠂ ᠠᠷᠢᠭᠤᠨ ᠴᠡᠪᠡᠷ ᠤᠨ ᠬᠦᠳᠦᠯᠦᠭᠴᠢ ᠪᠠᠷ ᠦᠵᠡᠳᠡᠭ᠃    ᠪᠠ ᠰᠦᠯᠵᠢᠶᠡᠰᠤ    ᠡᠷᠳᠡ ᠦᠶ᠎ᠠ ᠶᠢᠨ ᠡᠪᠦᠭᠡ ᠳᠡᠬᠡᠳᠤᠰ ᠠᠴᠠ ᠠᠪᠤᠭᠠᠳ ᠡᠪᠡᠰᠤ ᠮᠤᠳᠤ᠂ ᠦᠨᠳᠦᠰᠦ ᠳᠡᠭᠡᠰᠤ ᠪᠠᠷ ᠬᠦᠷᠦᠵᠦ ᠰᠦᠯᠵᠢᠨ ᠳᠤᠤᠷᠯᠠᠬᠤ ᠵᠡᠷᠭᠡ ᠠᠷᠭ᠎ᠠ ᠠᠪᠴᠠᠯ ᠢᠶᠠᠷ ᠪᠦᠳᠦᠬᠦᠯᠢᠭ ᠠᠮᠢᠳᠤᠷᠠᠯ ᠢᠶᠠᠨ ᠡᠷᠭᠡᠰᠢᠶᠡᠨ ᠠᠷᠭᠠᠴᠠᠵᠤ᠂ ᠠᠮᠢ ᠭᠤᠤᠯ ᠵᠢᠭᠤᠵᠤ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠠᠩᠨᠠᠵᠤ ᠠᠯᠠᠯᠳᠤᠬᠤ ᠵᠡᠪᠰᠡᠭ᠂ ᠤᠶᠠᠵᠤ ᠬᠦᠯᠢᠬᠦ ᠪᠠᠭᠠᠵᠢ᠂ ᠨᠠᠷᠠ ᠰᠠᠯᠬᠢ  ᠶᠢ ᠬᠠᠯᠬᠠᠯᠠᠬᠤ ᠮᠠᠶᠢᠬᠠᠨ ᠰᠠᠷᠠᠪᠴᠢ᠂ ᠬᠤᠷᠢᠵᠦ ᠬᠠᠰᠢᠶᠠᠯᠠᠬᠤ ᠳᠤᠤᠷ ᠰᠦᠯᠵᠢᠶᠡᠰᠤ ᠦᠢᠯᠡᠳᠬᠦ ᠵᠡᠷᠭᠡ ᠪᠠᠷ ᠠᠮᠢᠳᠤᠷᠠᠯ ᠤᠨ ᠰᠠᠯᠠᠭ᠎ᠠ ᠮᠦᠴᠢᠷ ᠢ ᠬᠤᠪᠢᠶᠠᠷᠢᠯᠠᠨ᠂ ᠤᠷᠳᠤ ᠬᠤᠭᠤᠴᠠᠭᠠᠨ ᠤ ᠴᠠᠭ ᠦᠶ᠎ᠠ ᠪᠠᠷ ᠠᠯᠬᠤᠮ ᠠᠯᠬᠤᠮ  ᠶᠢᠨ ᠰᠠᠶᠢᠵᠢᠷᠠᠭᠤᠯᠤᠭᠰᠠᠭᠠᠷ ᠠᠰ ᠳᠤᠰ ᠤᠨ ᠦᠷ᠎ᠠ ᠪᠦᠳᠦᠬᠡᠯ ᠢ ᠤᠯᠵᠤ᠂ ᠤᠶᠢᠷ᠎ᠠ ᠤᠷᠴᠢᠮ ᠤᠨ ᠱᠠᠳᠤ ᠦᠶ᠎ᠠ  ᠶᠢᠨ ᠰᠢᠨ᠎ᠠ ᠬᠦᠭᠵᠢᠯᠳᠡ ᠶᠢᠨ ᠱᠠᠳᠤᠨ ᠳᠤ ᠬᠦᠷᠴᠤ ᠢᠷᠡᠭᠰᠡᠨ ᠶᠤᠮ᠃   ᠤᠨᠴᠠᠭᠠᠶᠢᠯᠠᠨ ᠳᠤᠤᠷᠯᠠᠵᠤ ᠰᠦᠯᠵᠢᠬᠦ ᠤᠷ᠎ᠠ ᠮᠡᠷᠭᠡᠵᠢᠯ ᠢᠶᠠᠷ ᠠᠪᠴᠤ ᠬᠡᠯᠡᠭᠰᠡᠨ ᠴᠦ ᠮᠤᠳᠤ᠂ ᠦᠨᠳᠦᠰᠦ᠂ ᠳᠡᠭᠡᠰᠤ ᠪᠠᠷ ᠰᠠᠭᠠᠳ ᠬᠤᠷᠢᠭ ᠬᠢᠵᠦ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠠᠯᠬᠤᠮ ᠠᠯᠬᠤᠮ ᠢᠶᠠᠷ ᠠᠷᠭ᠎ᠠ ᠬᠡᠯᠪᠡᠷᠢ ᠪᠠᠨ ᠰᠠᠶᠢᠵᠢᠷᠠᠭᠤᠯᠤᠨ ᠨᠠᠷᠢᠯᠢᠭ ᠬᠢᠴᠠ ᠤᠷᠤᠭᠤ ᠰᠢᠯᠵᠢᠨ ᠤᠷᠤᠵᠤ᠂ ᠳᠤᠭᠳᠠᠩᠭᠤᠢ ᠰᠢᠪᠡᠬᠡᠨ ᠬᠠᠰᠢᠶ᠎ᠠ ᠬᠠᠪᠴᠢᠨ ᠪᠠᠷᠢᠬᠤ ᠪᠤᠶᠤ ᠰᠢᠯᠵᠢᠩᠭᠦᠢ ᠬᠦᠳᠡᠯᠦᠩᠭᠦᠢ ᠵᠡᠮᠪᠡ ᠶᠢᠨ ᠬᠠᠰᠢᠶ᠎ᠠ ᠪᠤᠰᠬᠠᠬᠤ ᠪᠤᠯᠤᠭᠰᠠᠨ ᠶᠤᠮ᠃ ᠵᠠᠮᠪᠠ ᠬᠦᠷᠦᠵᠦ ᠬᠠᠰᠢᠶ᠎ᠠ ᠪᠤᠰᠬᠠᠬᠤ ᠨᠢ ᠡᠬᠢ ᠮᠠᠲ᠋ᠧᠷᠢᠶᠠᠯ ᠳᠤ ᠠᠷᠪᠢᠳᠠᠢ ᠮᠦᠷᠳᠡᠭᠡᠨ ᠦᠷ᠎ᠠ ᠠᠰᠢᠭ ᠢᠶᠠᠷ ᠶᠡᠭᠡ᠂ ᠦᠵᠡᠮᠵᠢ ᠲᠠᠢ ᠰᠠᠶᠢᠬᠠᠨ ᠪᠠᠷᠠᠭ᠎ᠠ ᠪᠤᠯᠵᠤ ᠲᠦᠬᠡᠮᠡᠯ ᠳᠡᠯᠬᠡᠷᠡᠵᠦ ᠢᠷᠡᠭᠰᠡᠨ ᠶᠤᠮ᠃ ᠤᠨᠴᠠᠭᠠᠶᠢᠯᠠᠨ ᠳᠤᠷᠠᠳᠴᠤ ᠬᠡᠯᠡᠪᠡᠯ ᠮᠤᠩᠭᠤᠯ ᠬᠡᠷ ᠠᠴᠠ ᠪᠠᠨ ᠪᠠᠭ᠎ᠠ ᠪᠠᠭ᠎ᠠ ᠪᠠᠷ ᠪᠠᠶᠢᠰᠢᠩ ᠬᠡᠷ ᠪᠤᠯᠵᠤ ᠢᠷᠡᠬᠦ ᠦᠶ᠎ᠠ ᠳᠤ ᠵᠠᠮᠪᠠ ᠬᠦᠷᠦᠮᠡᠯ ᠨᠢ ᠬᠡᠷ ᠤᠨ ᠠᠳᠠᠭᠠᠷ ᠪᠤᠯᠵᠤ᠂ ᠪᠦᠬᠡ ᠡᠳ᠋ᠯᠡᠯ ᠪᠦᠬᠡᠳ ᠰᠠᠶᠢᠬᠠᠨ ᠡᠳ᠋ᠯᠡᠯ ᠤᠨ ᠳᠠᠩᠰᠠᠨ ᠳᠤ ᠳᠡᠮᠳᠡᠭᠯᠡᠭᠳᠡᠵᠦ ᠢᠷᠡᠭᠰᠡᠨ ᠶᠤᠮ᠃   ᠡᠶᠢᠮᠤ ᠠᠴᠠ ᠪᠠ ᠬᠦᠷᠦᠯᠬᠡ ᠨᠢ ᠠᠶᠢᠯ ᠡᠷᠤᠬᠡ ᠶᠢᠨ ᠠᠮᠢᠳᠤᠷᠠᠯ ᠢ ᠡᠷᠬᠦᠵᠦ ᠢᠷᠡᠭᠰᠡᠨ ᠭᠠᠷ ᠤᠷᠠᠯᠠᠯ ᠤᠨ ᠴᠢᠮᠡᠭ ᠡᠳ᠋᠂ ᠦᠵᠡᠮᠵᠢ ᠲᠠᠢ ᠡᠳ᠋᠂ ᠬᠠᠶᠢᠷᠠᠳᠠᠢ ᠡᠳ᠋ ᠪᠤᠯᠵᠤ ᠢᠷᠡᠭᠰᠡᠨ ᠶᠤᠮ᠃ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠮᠤᠩᠭᠤᠯᠴᠤᠳ᠂ ᠪᠤᠷᠭᠠᠰᠤ᠂ ᠬᠤᠨᠭ᠍ᠭᠤᠷᠴᠤᠭᠳᠤ ᠮᠤᠳᠤ᠂ ᠵᠤᠯᠵᠠᠭ᠎ᠠ ᠮᠤᠳᠤ ᠪᠤᠶᠤ ᠮᠤᠳᠤᠨ ᠤ ᠰᠠᠯᠠᠭ᠎ᠠ ᠪᠠᠷ ᠨᠤᠭᠤᠰᠤ ᠭᠠᠳᠠᠵᠤ ᠵᠠᠮᠪᠠ ᠬᠦᠷᠦᠬᠦ ᠪᠤᠶᠤ ᠴᠠᠬᠢᠷᠰᠤ ᠰᠢᠭ᠋ ᠳᠡᠪᠢᠰᠬᠡᠷᠯᠡᠨ ᠬᠠᠶᠢᠴᠢᠯᠠᠵᠤ ᠬᠦᠷᠦᠬᠦ ᠵᠠᠮᠪᠠ ᠪᠠᠨ ᠶᠡᠷᠤᠩᠭᠡᠶᠢᠯᠡᠬᠡᠳ ᠪᠠ ᠭᠡᠵᠤ ᠨᠡᠷᠡᠯᠡᠳᠡᠭ᠃ ᠪᠠ ᠶᠢᠨ ᠲᠦᠷᠦᠯ ᠳᠤ ᠳᠠᠯ᠎ᠠ ᠪᠠ᠂ ᠴᠢᠭᠢᠷᠰᠤᠨ ᠪᠠ᠂ ᠫᠠᠶᠢᠰᠠᠨ ︵ᠠᠳᠠᠭᠠᠷ ᠤᠨ︶ ᠪᠠ᠂ ᠤᠷᠢᠶᠠᠮᠠᠭ ᠪᠠ ᠭᠡᠬᠦ ᠵᠡᠷᠭᠡ ᠪᠠᠷ ᠬᠤᠪᠢᠶᠠᠷᠢᠯᠠᠬᠤ ᠪᠦᠬᠡᠳ ᠡᠬᠢ ᠮᠠᠲ᠋ᠧᠷᠢᠶᠠᠯ ᠢᠶᠠᠷ ᠨᠢ ᠪᠤᠷᠭᠠᠰᠤᠨ ᠪᠠ᠂ ᠮᠤᠳᠤᠨ ᠪᠠ᠂ ᠬᠠᠶᠢᠯᠠᠰᠤᠨ ᠪᠠ᠂ ᠬᠤᠨᠭ᠍ᠭᠤᠷᠴᠤᠭᠳᠤ ᠮᠤᠳᠤᠨ ᠪᠠ᠂ ᠬᠤᠯᠤᠰᠤᠨ ᠪᠠ ᠭᠡᠬᠦ ᠵᠡᠷᠭᠡ ᠪᠠᠷ ᠳᠤᠰᠬᠠᠷᠯᠠᠨ ᠨᠡᠷᠡᠯᠡᠳᠡᠭ᠃    ᠳᠠᠯ᠎ᠠ ᠪᠠ    ᠬᠦᠷᠦᠬᠦ ᠳᠠᠯ᠎ᠠ ᠨᠢ ᠦ ᠰᠡᠪᠡ ᠦᠭᠡᠢ ᠬᠦᠯᠢᠬᠡᠷ ᠰᠠᠶᠢᠬᠠᠨ᠂ ᠬᠦᠷᠦᠬᠦ ᠮᠦᠷ᠂ ᠬᠤᠸᠠᠷ ᠨᠢ ᠵᠤᠷᠪᠤᠰ ᠵᠤᠷᠪᠤᠰ  ᠢᠶᠠᠷ ᠵᠤᠷᠠᠶᠢᠭᠰᠠᠨ ᠪᠦᠬᠡᠳ ᠨᠦᠬᠦᠬᠡ ᠠᠷᠤ ᠳᠠᠯ᠎ᠠ ᠨᠢ ᠭᠤᠤᠷᠰᠤ ᠨᠢ ᠠᠷᠵᠠᠶᠢᠵᠦ᠂ ᠦᠵᠦᠬᠦᠷ ᠨᠠᠮᠠᠭ᠎ᠠ ᠨᠢ ᠡᠷᠪᠡᠶᠢᠵᠦ ᠰᠡᠷᠪᠡᠶᠢᠭᠰᠡᠨ ᠬᠤᠶᠠᠷ ᠶᠠᠩᠵᠤ ᠶᠢᠨ ᠨᠢᠭᠤᠷ ᠳᠠᠯ᠎ᠠ ᠲᠠᠢ ᠪᠠ ᠶᠢ ᠳᠠᠯ᠎ᠠ ᠪᠠ ᠬᠡᠨ᠎ᠠ᠃    ᠳᠠᠯ᠎ᠠ ᠪᠠ ᠶᠢ ᠨᠤᠭᠤᠰᠤ ᠭᠠᠳᠠᠵᠤ ᠪᠤᠰᠤᠭ᠎ᠠ ᠪᠠᠷ ᠬᠦᠷᠦᠳᠡᠭ᠃ ᠨᠤᠭᠤᠰᠤ ᠭᠡᠳᠡᠭ ᠨᠢ ᠳᠠᠷᠤᠢ ᠳᠠᠪᠤᠨ ᠬᠤᠷᠤᠭᠤ ᠶᠢᠨ ᠵᠠᠢ ᠳᠤ ᠨᠢᠬᠡ ᠢᠵᠢ ᠨᠤᠭᠤᠰᠤ ᠶᠢ ︵ᠨᠢᠬᠡ ᠢᠵᠢᠨᠢ ᠬᠤᠶᠠᠷ ᠠᠴᠠ ᠲᠦᠷᠪᠡᠨ ᠠᠰᠬᠠᠨ ᠪᠤᠷᠭᠠᠰᠤ  ᠶᠢ ᠵᠡᠷᠭᠡᠴᠡᠬᠦᠯᠬᠦ ᠶᠢ ᠬᠡᠯᠡᠨ᠎ᠠ︶ ᠪᠤᠰᠬᠠᠨ᠎ᠠ᠃ ᠪᠤᠰᠬᠠᠭᠰᠠᠨ ᠨᠤᠭᠤᠰᠤ ᠪᠠᠨ ᠨᠢᠬᠡ ᠶᠢ ᠲᠦᠯᠬᠢᠵᠦ᠂ ᠨᠢᠬᠡ ᠶᠢ ᠳᠠᠳᠠᠬᠤ ︵ᠦᠬᠡᠷ᠎ᠠ ᠪᠠᠷ ᠬᠡᠯᠡᠪᠡᠯ ᠰᠠᠭᠰᠤᠨ ᠤ ᠬᠦᠷᠦᠯᠬᠡ ᠶᠢᠨ ᠨᠢᠬᠡ ᠶᠢ ᠳᠠᠷᠤᠵᠤ᠂ ᠨᠢᠬᠡ ᠶᠢ ᠡᠷᠬᠦᠬᠦ ᠠᠷᠭ᠎ᠠ ᠶᠢ ᠬᠡᠯᠡᠨ᠎ᠠ︶ ᠠᠷᠭ᠎ᠠ ᠪᠠᠷ ᠬᠦᠷᠦᠳᠡᠭ᠃    ᠳᠠᠯ᠎ᠠ ᠪᠠ ᠬᠦᠷᠦᠬᠦ ᠳᠤ ᠪᠠᠨ ᠤᠷᠢᠳᠡᠪᠡᠷ ᠬᠡᠳᠤᠨ ᠵᠤᠶᠢᠯ ᠤᠨ ᠪᠡᠯᠡᠳᠬᠡᠯ ᠠᠵᠢᠯ ᠢ ᠬᠢᠵᠦ ᠬᠦᠢᠴᠡᠳᠬᠡᠳᠡᠭ᠃ ᠨᠢᠬᠡ ᠳᠤ᠂ ᠶᠠᠮᠠᠷ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠪᠠᠷ ᠬᠦᠷᠦᠬᠦ ᠪᠠᠨ ᠳᠤᠭᠳᠠᠭᠠᠵᠤ᠂ ᠬᠡᠳᠤᠢ ᠪᠤᠰᠤᠭ᠎ᠠ᠂ ᠭᠡᠳᠤᠢ ᠤᠷᠳᠤ ᠬᠦᠷᠦᠬᠦ ᠶᠠᠩᠵᠤ ᠪᠠᠷ ᠢᠶᠠᠨ ᠬᠡᠷᠡᠭᠯᠡᠬᠦ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠪᠤᠶᠤ ᠨᠤᠭᠤᠰᠤ ᠶᠢ ᠪᠡᠯᠡᠳᠬᠡᠨ ᠴᠤᠭᠯᠠᠭᠤᠯᠤᠨ᠎ᠠ᠃ ᠬᠤᠶᠠᠷ ᠲᠤ᠂ ᠨᠤᠭᠤᠰᠤ ᠶᠢ ᠵᠠᠰᠠᠨ ᠵᠠᠯᠠᠵᠤ ᠠᠰᠯᠠᠭᠠᠳ᠂ ᠪᠤᠭᠤᠵᠢᠯᠠᠵᠤ ᠤᠶᠠᠨ ᠳᠠᠰᠬᠠᠨ᠎ᠠ᠃ ᠭᠤᠷᠪᠠ ᠳᠤ᠂ ᠨᠤᠭᠤᠰᠤ ᠶᠢᠨ ᠨᠦᠬᠡ ᠶᠢ ᠭᠠᠵᠠᠷ ᠲᠤ ᠴᠤᠭᠤᠯᠵᠤ ᠨᠦᠬᠡ ᠭᠠᠷᠭᠠᠬᠤ ᠭᠠᠳᠠᠰᠤ ᠶᠢ ᠪᠡᠯᠡᠳᠭᠡᠨ᠎ᠠ᠃ ᠳᠡᠶᠢᠮᠤᠷᠬᠦ ᠭᠠᠳᠠᠰᠤ ᠶᠢ ᠪᠠᠭᠠᠳᠤᠷ ᠭᠡᠳᠡᠭ᠃ ᠬᠤᠶᠠᠷ ᠠᠴᠠ ᠭᠤᠷᠪᠠᠨ ᠪᠦᠳᠦᠬᠦᠨ ᠪᠤᠷᠭᠠᠰᠤ ᠶᠢᠨ ᠪᠦᠭᠰᠡ ᠶᠢ ᠪᠠᠭᠳᠠᠬᠤ ᠦᠷᠬᠡᠨ᠂ ᠨᠢᠬᠡ ᠲᠦᠬᠡ ᠶᠢᠨ ᠭᠠᠳᠠᠨ᠎ᠠ ᠬᠤᠶᠠᠷ ᠬᠤᠷᠤᠭᠤ ᠶᠢᠨ ᠦᠨᠳᠦᠷ ᠬᠠᠳᠠᠭᠤ ᠮᠤᠳᠤ ᠶᠢ ᠪᠦᠭᠰᠡᠨ ᠤ ᠬᠢᠨᠢ ᠦᠵᠦᠬᠦᠷ ᠤᠷᠴᠢᠮ ᠢᠶᠠᠷ ᠬᠡᠷᠴᠢᠯᠡᠭᠡᠰᠤ ᠭᠠᠷᠭᠠᠨ᠂ ᠰᠢᠷᠢ ᠪᠠᠷ ᠬᠡᠳᠤᠨ ᠳᠠᠪᠬᠤᠷ ᠰᠢᠷᠢᠳᠡᠵᠦ ᠤᠷᠢᠶᠠᠬᠤ ᠪᠤᠶᠤ ᠳᠠᠮᠤᠷ ᠤᠳᠠᠰᠤ ᠤᠯᠵᠤ ᠬᠡᠳᠤ ᠤᠷᠢᠶᠠᠵᠤ ᠪᠠᠬᠢᠯᠡᠨ᠎ᠠ᠃ ᠳᠡᠭᠡᠪᠡᠯ ᠰᠦᠬᠡᠨ ᠳᠤᠬᠤ ᠪᠠᠷ ᠤᠳᠠᠭᠠᠨ ᠴᠤᠬᠢᠬᠤ ᠳᠤ ᠬᠠᠭᠠᠷᠠᠬᠤ ᠦᠭᠡᠢ ᠪᠠᠶᠢᠳᠠᠭ᠃ ᠤᠷᠤᠢ ᠵᠦᠭ ᠲᠤ ᠨᠢ ᠬᠠᠪᠳᠠᠭᠠᠶᠢᠯᠠᠵᠤ ᠦᠵᠦᠬᠦᠷ ᠭᠠᠷᠭᠠᠨ᠎ᠠ᠃ ᠲᠦᠷᠪᠡ ᠳᠤ᠂ ᠨᠢᠬᠡ ᠳᠤᠬᠤᠢ ᠤᠷᠴᠢᠮ ᠤᠨ ᠬᠤᠶᠠᠷ ᠪᠦᠳᠦᠬᠦᠨ ᠪᠤᠷᠭᠠᠰᠤᠨ ᠭᠠᠳᠠᠰᠤ ᠪᠡᠯᠡᠳᠬᠡᠵᠦ᠂ ᠪᠠ ᠬᠦᠷᠦᠬᠦ ᠤᠷᠳᠤ ᠶᠢᠨ ᠬᠡᠮᠵᠢᠶᠠᠨ ᠤ ᠤᠳᠠᠰᠤ ᠳᠡᠭᠡᠰᠤ ᠶᠢᠨ ᠬᠤᠶᠠᠷ ᠦᠵᠦᠬᠦᠷ ᠲᠤ ᠪᠠᠬᠢᠯᠡᠵᠦ᠂ ᠤᠳᠠᠰᠤ ᠪᠠᠨ ᠭᠠᠵᠠᠷ ᠨᠠᠭᠠᠯᠳᠤᠳᠠᠯ᠎ᠠ ᠬᠤᠶᠠᠷ ᠳᠡᠰᠢ ᠪᠠᠨ ᠳᠠᠳᠠᠨ᠎ᠠ᠃    ᠳᠠᠯ᠎ᠠ ᠪᠠ ᠶᠢᠨ ᠨᠤᠭᠤᠰᠤ ᠶᠢ ᠵᠡᠬᠦᠨ ᠳᠠᠯ᠎ᠠ ᠠᠴᠠ ᠡᠬᠢᠯᠡᠵᠦ ᠭᠠᠳᠠᠨ᠎ᠠ᠃ ᠳᠠᠳᠠᠭᠰᠠᠨ ᠤᠳᠠᠰᠤ ᠶᠢᠨ ᠨᠢᠬᠡ ᠵᠠᠬ᠎ᠠ ᠶᠢᠨ ᠭᠠᠳᠠᠰᠤ ᠶᠢᠨ ᠬᠠᠪᠢ ᠳᠤ᠂ ᠤᠳᠠᠰᠤᠨ ᠤ ᠪᠠᠨ ᠨᠠᠭᠠᠳᠤ ᠳᠠᠯ᠎ᠠ ᠳᠤ ᠪᠠᠭᠠᠳᠤᠷ ᠤᠨ ᠦᠵᠦᠬᠦᠷ ᠢᠶᠠᠨ ᠳᠤᠷᠤᠭᠰᠢ ᠬᠠᠨᠳᠤᠭᠤᠯᠤᠨ ᠬᠡᠮᠵᠢᠶ᠎ᠠ ᠳᠤ ᠪᠠᠨ ᠳᠤᠯᠳᠠᠯ᠎ᠠ ᠭᠠᠳᠠᠭᠠᠳ᠂ ᠪᠠᠭᠠᠳᠤᠷ ᠤᠨ ᠳᠤᠯᠤᠭᠠᠢ ᠶᠢ ᠡᠰᠢ ᠳᠡᠰᠢ ᠰᠦᠭᠡ ᠪᠠᠷ ᠢᠶᠠᠨ ᠲᠤᠶ᠋ᠢᠵᠦ᠂ ᠰᠢᠷᠤᠢ ᠤᠷᠤᠭᠤᠯᠤᠯ ᠦᠭᠡᠢ ᠪᠠᠷ ᠬᠦᠡᠭᠭᠡᠭᠡᠨ ᠰᠤᠭᠤᠯᠤᠨ ᠠᠪᠤᠨ᠎ᠠ᠃ ᠰᠤᠩᠭᠤᠵᠤ ᠭᠠᠷᠭᠠᠭᠰᠠᠨ ᠵᠠᠬ᠎ᠠ ᠶᠢᠨ ᠢᠳᠡᠷᠡᠬᠦᠨ ᠨᠤᠭᠤᠰᠤ ᠶᠢ ᠪᠦᠭᠰᠡ ᠪᠠᠷ ᠨᠢ ᠬᠡᠮᠵᠢᠶᠡᠴᠢᠯᠡᠨ ᠬᠢᠵᠦ ᠤᠷᠤᠭᠤᠯᠤᠭᠠᠳ᠂ ᠬᠠᠭᠤᠷᠠᠢ ᠰᠢᠷᠤᠢ ᠬᠢᠵᠦ ᠰᠢᠯᠬᠡᠬᠡᠳ ᠡᠭᠴᠡ ᠪᠤᠰᠬᠠᠨ᠎ᠠ᠃ ᠵᠠᠬ᠎ᠠ ᠶᠢᠨ ᠨᠤᠭᠤᠰᠤ ᠶᠢᠨ ᠢᠶᠠᠨ ᠪᠠᠷᠠᠭᠤᠨ ᠳᠠᠯ᠎ᠠ ᠳᠤ ᠭᠠᠷ ᠤᠨ ᠠᠯᠠᠭ᠎ᠠ ᠪᠠᠨ ᠳᠡᠯᠬᠡᠬᠡᠨ ᠳᠤᠷᠤᠭᠰᠢ ᠬᠠᠨᠳᠤᠭᠤᠯᠤᠨ ᠳᠠᠯᠪᠢᠵᠦ ᠬᠡᠮᠵᠢᠶᠡᠯᠡᠨ᠂ ᠲᠦᠷᠪᠡ ᠠᠴᠠ ᠳᠠᠪᠤᠨ ᠬᠤᠷᠤᠭᠤ ︵ᠨᠠᠷᠢᠨ ᠪᠤᠷᠭᠠᠰᠤ ᠪᠠᠷ ᠬᠦᠷᠦᠬᠦ ᠭᠡᠵᠤ ᠪᠠᠶᠢᠪᠠᠯ ᠲᠦᠷᠪᠡᠨ ᠬᠤᠷᠤᠭᠤ᠂ ᠪᠦᠳᠦᠬᠦᠨ ᠪᠤᠷᠭᠠᠰᠤ ᠪᠠᠷ ᠬᠦᠷᠦᠬᠦ ᠭᠡᠵᠤ ᠪᠠᠶᠢᠪᠠᠯ ᠳᠠᠪᠤᠨ ᠬᠤᠷᠤᠭᠤ︶ ᠶᠢᠨ ᠵᠠᠢ ᠦᠯᠡᠳᠡᠭᠡᠨ᠂ ᠪᠠᠭᠠᠳᠤᠷ ᠢᠶᠠᠨ ᠭᠠᠳᠠᠵᠤ᠂ ᠨᠦᠬᠦᠬᠡ ᠨᠤᠭᠤᠰᠤ ᠪᠠᠨ ᠪᠤᠰᠬᠠᠨ᠎ᠠ᠃    ᠡᠨᠡ ᠮᠡᠳᠤ ᠪᠠᠷ ᠳᠠᠳᠠᠭᠰᠠᠨ ᠳᠡᠭᠡᠰᠤᠨ ᠤ ᠪᠠᠨ ᠦᠵᠦᠬᠦᠷ ᠢ ᠬᠦᠷᠳᠡᠯ᠎ᠠ ᠨᠢᠬᠡ ᠯᠠ ᠤᠳᠠᠰᠤᠨ ᠳᠡᠬᠡᠷ᠎ᠠ ᠨᠤᠭᠤᠰᠤ ᠪᠠᠨ ᠪᠤᠰᠬᠠᠵᠤ ᠳᠠᠭᠤᠰᠬᠠᠨ᠎ᠠ᠃    ᠨᠤᠭᠤᠰᠤ ᠪᠠᠨ ᠪᠤᠰᠬᠠᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠪᠠᠷᠠᠭᠤᠨ ᠬᠦᠮᠦᠨ ᠪᠤᠯ ᠵᠡᠬᠦᠨ ᠳᠠᠯ᠎ᠠ ᠠᠴᠠ᠂ ᠰᠤᠯᠢᠭᠠᠢ ᠬᠦᠮᠦᠨ ᠪᠤᠯ ᠪᠠᠷᠠᠭᠤᠨ ᠳᠠᠯ᠎ᠠ ᠠᠴᠠ ᠡᠬᠢᠯᠡᠨ ᠳᠤᠱᠠᠨ᠎ᠠ᠃ ᠳᠠᠯ᠎ᠠ ᠪᠠ ᠶᠢᠨ ᠡᠬᠢᠯᠡᠵᠦ ᠬᠦᠷᠦᠬᠦ ᠶᠢ ᠳᠤᠱᠠᠨ᠎ᠠ ᠭᠡᠳᠡᠭ᠃ ᠡᠩ ᠤᠨ ᠬᠦᠷᠦᠯᠬᠡ ᠲᠠᠢ ᠪᠠᠨ ᠳᠠᠭᠠᠷᠠᠬᠤ ᠦᠭᠡᠢ᠃ ᠳᠤᠮᠳᠠ ᠶᠢᠨ ᠵᠦᠬᠡᠯᠡᠨ ᠪᠤᠷᠭᠠᠰᠤ ︵ᠪᠠ ᠬᠦᠷᠦᠬᠦ ᠳᠤ ᠬᠡᠷᠡᠭᠯᠡᠬᠦ ᠪᠤᠷᠭᠠᠰᠤ ᠮᠤᠳᠤ᠂ ᠰᠠᠯᠠᠭ᠎ᠠ ᠵᠡᠷᠭᠡ ᠪᠠᠨ ᠨᠡᠷ᠎ᠠ ᠪᠠᠷ ᠨᠢ ᠬᠡᠯᠡᠳᠡᠭ ᠦᠭᠡᠢ᠂ ᠬᠦᠷᠦᠯᠬᠡ ᠴᠦ ᠭᠡᠵᠤ ᠬᠡᠯᠡᠳᠡᠭ ᠦᠭᠡᠢ᠂ ᠰᠢᠭᠤᠳ ᠪᠠ ᠶᠢᠨ ᠪᠤᠷᠭᠠᠰᠤ ᠬᠡᠳ ᠯᠠ ᠬᠡᠯᠡᠴᠢᠳᠡᠭ︶ ᠪᠤᠯ ᠭᠤᠷᠪᠠ ᠪᠠᠷ ᠬᠦᠷᠦᠯᠬᠡ ᠬᠢᠵᠦ᠂ ᠪᠦᠳᠦᠬᠦᠨ ᠰᠢᠭ ᠪᠤᠷᠭᠠᠰᠤ ᠪᠤᠯ ᠬᠤᠶᠠᠷ ᠢᠶᠠᠷ ᠬᠦᠷᠦᠯᠬᠡ ᠬᠢᠳᠡᠭ᠃ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠪᠠᠨ ᠪᠠᠰᠠ ᠬᠡᠳᠡᠭᠡᠳ ᠪᠤᠷᠭᠠᠰᠤ ᠭᠡᠳᠡᠭ᠃    ᠪᠠ ᠶᠢᠨ ᠨᠤᠭᠤᠰᠤ ᠪᠠᠨ ᠳᠤᠱᠠᠬᠤ ᠳᠤ ᠪᠠᠰᠠ ᠵᠢᠷᠤᠮ ᠭᠤᠷᠢᠮ ᠪᠠᠶᠢᠳᠠᠭ᠃ ᠵᠠᠬ᠎ᠠ ᠶᠢᠨ ᠨᠤᠭᠤᠰᠤᠨ ᠤ ᠪᠠᠨ ᠴᠠᠭᠠᠳᠤ ᠳᠠᠯ᠎ᠠ ᠳᠤ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤᠨ ᠤ ᠪᠠᠨ ᠪᠦᠭᠰᠡ ᠶᠢ ᠰᠢᠷᠭᠤᠭᠤᠯᠤᠨ ᠤᠷᠤᠭᠤᠯᠵᠤ᠂ ᠬᠤᠶᠠᠳᠤᠭᠠᠷ ᠨᠤᠭᠤᠰᠤ ᠶᠢ ᠳᠠᠷᠤᠭᠠᠳ᠂ ᠭᠤᠷᠪᠠᠳᠤᠭᠠᠷ ᠨᠤᠭᠤᠰᠤ ᠶᠢᠨ ᠠᠷᠤ ᠪᠠᠷ ᠤᠷᠤᠭᠤᠯᠵᠤ ᠭᠠᠵᠠᠷ ᠨᠠᠭᠠᠯᠳᠤᠭᠤᠯᠤᠨ ᠳᠠᠯᠪᠢᠨ᠎ᠠ᠃ ᠳᠠᠬᠢᠭᠠᠳ ᠬᠤᠶᠠᠳᠤᠭᠠᠷ ᠨᠤᠭᠤᠰᠤ ᠶᠢᠨ ᠠᠷᠤ ᠪᠠᠷ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢᠨ ᠪᠦᠭᠰᠡ ᠶᠢ ᠰᠢᠷᠭᠤᠭᠤᠯᠵᠤ᠂ ᠭᠤᠷᠪᠠᠳᠤᠭᠠᠷ ᠨᠤᠭᠤᠰᠤ ᠶᠢ ᠳᠠᠷᠤᠭᠠᠳ᠂ ᠲᠦᠷᠪᠡᠳᠤᠬᠡᠷ ᠨᠤᠭᠤᠰᠤ ᠶᠢᠨ ᠠᠷᠤ ᠪᠠᠷ ᠳᠠᠷᠤᠵᠤ ᠤᠷᠤᠭᠤᠯᠤᠨ᠂ ᠭᠠᠵᠠᠷ ᠨᠠᠭᠠᠯᠳᠤᠭᠤᠯᠤᠨ ᠬᠠᠶᠠᠨ᠎ᠠ᠃ ᠡᠨᠡ ᠮᠡᠳᠤ ᠪᠠᠷ ᠨᠦᠬᠦᠬᠡ ᠵᠠᠬ᠎ᠠ ᠶᠢᠨ ᠨᠤᠭᠤᠰᠤ ᠶᠢᠨ ᠠᠷᠤ  ᠪᠠᠷ ᠬᠠᠮᠤᠭ ᠰᠡᠬᠦᠯᠴᠢ ᠶᠢᠨ ᠬᠦᠷᠦᠯᠬᠡ ᠶᠢ ᠳᠠᠷᠤᠵᠤ᠂ ᠭᠠᠵᠠᠷ ᠨᠠᠭᠠᠯᠳᠤᠭᠤᠯᠵᠤ ᠳᠠᠭᠤᠰᠬᠠᠨ᠎ᠠ᠃    ᠡᠬᠦᠨ ᠢᠶᠠᠨ ᠬᠠᠭᠠᠰ ᠳᠤᠱᠠᠯᠳᠠ ᠭᠡᠳᠡᠭ᠃ ᠬᠠᠭᠠᠰ ᠳᠤᠱᠠᠯᠳᠠ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭ᠎ᠠ ᠳᠤᠰ ᠵᠠᠬ᠎ᠠ ᠶᠢᠨ ᠬᠤᠶᠠᠳᠤᠭᠠᠷ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢ ᠨᠤᠭᠤᠰᠤᠨ ᠤ ᠪᠠᠨ ᠪᠠᠷᠠᠭᠤᠨ ᠳᠠᠯ᠎ᠠ ᠪᠠᠷ ᠳᠠᠳᠠᠨ ᠭᠠᠷᠭᠠᠵᠤ᠂ ᠨᠢᠬᠡ ᠨᠢᠬᠡ ᠪᠤᠷᠭᠠᠰᠤ ᠪᠠᠷ ᠪᠠᠯᠪᠠᠷᠠᠭᠤᠯᠤᠨ ᠮᠤᠰᠬᠢᠵᠦ᠂ ᠵᠠᠬ᠎ᠠ ᠶᠢᠨ ᠨᠤᠭᠤᠰᠤ ᠶᠢ ᠤᠷᠢᠶᠠᠭᠠᠳ᠂ ᠵᠡᠬᠦᠨ ᠳᠠᠯ᠎ᠠ ᠪᠠᠷ ᠨᠢ ᠳᠠᠳᠠᠨ ᠭᠠᠷᠭᠠᠵᠤ᠂ ᠬᠤᠶᠠᠳᠤᠭᠠᠷ ᠨᠤᠭᠤᠰᠤ ᠶᠢ ᠳᠠᠷᠤᠵᠤ᠂ ᠭᠤᠷᠪᠠᠳᠤᠭᠠᠷ ᠨᠤᠭᠤᠰᠤ ᠶᠢᠨ ᠠᠷᠤ ᠪᠠᠷ ᠳᠠᠷᠤᠵᠤ ᠤᠷᠤᠭᠤᠯᠤᠨ᠎ᠠ᠃ ᠳᠠᠬᠢᠭᠠᠳ ᠵᠠᠬᠠᠨ ᠤ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢ ᠨᠢᠬᠡ ᠨᠢᠬᠡ ᠪᠠᠷ ᠪᠠᠯᠪᠠᠷᠠᠭᠤᠯᠤᠨ ᠮᠤᠰᠬᠢᠭᠠᠳ ᠂ ᠵᠠᠬ᠎ᠠ ᠶᠢᠨ ᠨᠤᠭᠤᠰᠤ ᠶᠢ ᠤᠷᠢᠶᠠᠵᠤ᠂ ᠬᠤᠶᠠᠳᠤᠭᠠᠷ ᠨᠤᠭᠤᠰᠤᠨ ᠤ ᠠᠷᠤ ᠪᠠᠷ ᠳᠠᠷᠤᠵᠤ᠂ ᠵᠡᠬᠦᠨ ᠳᠠᠯ᠎ᠠ ᠪᠠᠷ ᠨᠢ ᠳᠠᠳᠠᠨ ᠭᠠᠷᠭᠠᠵᠤ᠂ ᠭᠤᠷᠪᠠᠳᠤᠭᠠᠷ ᠨᠤᠭᠤᠰᠤ ᠶᠢ ᠳᠠᠷᠤᠭᠠᠳ᠂ ᠲᠦᠷᠪᠡᠳᠤᠬᠡᠷ ᠨᠤᠭᠤᠰᠤᠨ ᠤ ᠠᠷᠤ ᠪᠠᠷ ᠨᠢ ᠤᠷᠤᠭᠤᠯᠤᠨ᠎ᠠ᠃ ᠳᠠᠬᠢᠭᠠᠳ ᠭᠤᠷᠪᠠᠳᠤᠭᠠᠷ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢ ᠬᠤᠶᠠᠳᠤᠭᠠᠷ ᠨᠤᠭᠤᠰᠤ ᠶᠢᠨ ᠨᠠᠭᠠᠭᠤᠷ ᠳᠠᠳᠠᠨ ᠭᠠᠷᠭᠠᠵᠤ᠂ ᠨᠢᠬᠡᠳᠤᠬᠡᠷ ᠨᠤᠭᠤᠰᠤ ᠶᠢᠨ ᠠᠷᠤ ᠪᠠᠷ ᠨᠢ ᠤᠷᠤᠭᠤᠯᠤᠭᠠᠳ᠂ ᠨᠢᠬᠡ ᠨᠢᠬᠡ ᠪᠠᠷ ᠪᠠᠯᠪᠠᠷᠠᠭᠤᠯᠤᠨ ᠮᠤᠰᠬᠢᠭᠠᠳ ᠨᠢᠬᠡ ᠤᠷᠢᠶᠠᠵᠤ᠂ ᠬᠤᠶᠠᠳᠤᠭᠠᠷ ᠨᠤᠭᠤᠰᠤ ᠶᠢᠨ ᠠᠷᠤ ᠪᠠᠷ ᠨᠢ ᠭᠤᠷᠪᠠᠳᠤᠭᠠᠷ ᠨᠤᠭᠤᠰᠤ ᠶᠢᠨ ᠨᠠᠭᠠᠭᠤᠷ᠂ ᠲᠦᠷᠪᠡᠳᠤᠬᠡᠷ ᠨᠤᠭᠤᠰᠤ ᠶᠢᠨ ᠠᠷᠤ ᠪᠠᠷ ᠨᠢ ᠤᠷᠤᠭᠤᠯᠤᠨ᠎ᠠ᠃ ᠵᠠᠯᠭᠠᠭᠠᠳ ᠲᠦᠷᠪᠡᠳᠤᠬᠡᠷ᠂ ᠲᠠᠪᠤᠳᠤᠭᠠᠷ᠂ ᠵᠢᠷᠭᠤᠳᠤᠭᠠᠷ ᠭᠡᠵᠤ ᠡᠮᠬᠢ ᠳᠠᠷᠠᠭ᠎ᠠ ᠲᠠᠢ ᠪᠠᠷ ᠨᠠᠭᠠᠨ᠎ᠠ ᠠᠴᠠ ᠨᠢ ᠴᠠᠰᠢ ᠬᠦᠬᠡᠬᠡᠵᠦ ᠬᠦᠷᠦᠵᠦ ᠳᠠᠭᠤᠰᠬᠠᠬᠤ ᠶᠢ ᠳᠤᠱᠠᠵᠤ ᠳᠠᠭᠤᠰᠬᠠᠨ᠎ᠠ ᠭᠡᠳᠡᠭ᠃ ᠨᠠᠷᠢᠨ ᠨᠠᠮᠠᠭ᠎ᠠ ᠶᠢ ᠨᠢ ᠴᠦᠮ ᠴᠠᠭᠠᠨ᠎ᠠ ᠨᠢ ᠦᠯᠡᠳᠡᠭᠡᠨ᠎ᠠ᠃    ᠢᠡᠭᠭᠢᠵᠦ ᠳᠤᠱᠠᠵᠤ ᠳᠠᠭᠤᠰᠤᠭᠰᠠᠨ ᠤ ᠪᠠᠨ ᠳᠠᠷᠠᠭ᠎ᠠ ᠡᠬᠢᠯᠡᠵᠦ ᠳᠤᠱᠠᠭᠰᠠᠨ ᠳᠠᠯ᠎ᠠ ᠠᠴᠠ ᠬᠤᠶᠠᠷ ᠨᠤᠭᠤᠰᠤ  ᠶᠢᠨ ᠬᠤᠭᠤᠷᠤᠨᠳᠤᠭᠤᠷ ᠠᠯᠳᠠᠯ ᠦᠭᠡᠢ ᠪᠠᠷ ᠮᠤᠳᠤᠨ ᠬᠠᠪᠳᠠᠰᠤ ᠶᠢ ᠳᠠᠯᠪᠢᠵᠦ ᠰᠦᠬᠡ ᠪᠠᠷ ᠢᠶᠠᠨ ᠳᠤᠷᠤᠭᠰᠢ ᠴᠤᠬᠢᠵᠦ ᠴᠢᠩᠭᠠᠷᠠᠭᠤᠯᠤᠨ᠎ᠠ᠃    ᠳᠠᠬᠢᠭᠠᠳ ᠳᠤᠱᠠᠵᠤ ᠳᠡᠬᠦᠰᠦᠭᠰᠡᠨ ᠳᠠᠯ᠎ᠠ ᠠᠴᠠ ᠬᠦᠷᠦᠯᠬᠡ ᠡᠬᠢᠯᠡᠨ᠎ᠠ᠃ ᠳᠡᠬᠦᠨ ᠢᠶᠠᠨ ᠮᠦᠷ ᠡᠬᠢᠯᠡᠨ᠎ᠠ ᠭᠡᠳᠡᠭ ᠃ ᠭᠤᠷᠪᠠᠨ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢᠨ ᠢᠶᠠᠨ ᠪᠦᠭᠰᠡᠨ ᠦᠵᠦᠬᠦᠷ ᠢ ᠨᠢᠬᠡᠳᠤᠬᠡᠷ ᠨᠤᠭᠤᠰᠤᠨ ᠤ ᠠᠷᠤ ᠪᠠᠷ ᠴᠠᠴᠠᠤᠯᠠᠨ ᠭᠠᠷᠭᠠᠵᠤ᠂ ᠨᠢᠬᠡ ᠨᠤᠭᠤᠰᠤ ᠶᠢ ᠲᠦᠯᠬᠢᠨ᠂ ᠨᠢᠬᠡ ᠨᠤᠭᠤᠰᠤ ᠶᠢ ᠳᠠᠳᠠᠵᠤ ᠬᠦᠷᠦᠬᠦ ᠠᠷᠭ᠎ᠠ ᠪᠠᠷ ᠨᠠᠷᠢᠨ ᠨᠠᠮᠠᠭ᠎ᠠ ᠶᠢ ᠨᠢ ᠳᠤᠯᠳᠠᠯ᠎ᠠ ᠬᠦᠷᠦᠬᠡᠳ᠂ ᠨᠠᠷᠢᠨ ᠨᠠᠮᠠᠭ᠎ᠠ ᠶᠢ ᠨᠢ ᠴᠠᠭᠠᠳᠠᠢ ᠳᠠᠯ᠎ᠠ ᠳᠤ ᠨᠢ ᠭᠠᠷᠭᠠᠵᠤ ᠬᠠᠶᠠᠨ᠎ᠠ᠃ ᠳᠠᠬᠢᠭᠠᠳ ᠭᠤᠷᠪᠠᠨ ᠪᠤᠷᠭᠠᠰᠤ ᠶᠢᠨ ᠪᠦᠭᠰᠡᠨ ᠦᠵᠦᠬᠦᠷ ᠢ ᠬᠤᠶᠠᠳᠤᠭᠠᠷ ᠨᠤᠭᠤᠰᠤᠨ ᠤ ᠠᠷᠤ ᠪᠠᠷ ᠤᠷᠤᠭᠤᠯᠵᠤ᠂ ᠭᠤᠷᠪᠠᠳᠤᠭᠠᠷ ᠨᠤᠭᠤᠰᠤ ᠶᠢ ᠲᠦᠯᠬᠢᠵᠦ ᠳᠠᠷᠤᠭᠠᠳ᠂ ᠰᠦᠯᠵᠢᠨ ᠬᠦᠷᠦᠵᠦ᠂ ᠨᠠᠷᠢᠨ ᠨᠠᠮᠠᠭ᠎ᠠ ᠶᠢ ᠨᠢ ᠠᠷᠤ ᠳᠤ ᠨᠢ ᠭᠠᠷᠭᠠᠵᠤ ᠵᠤᠭᠰᠤᠨ᠎ᠠ᠃ ᠭᠤᠷᠪᠠᠳᠤᠭᠠᠷ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠪᠠᠨ ᠪᠦᠭᠰᠡ ᠶᠢ ᠨᠢ ᠴᠠᠴᠠᠤᠯᠠᠵᠤ᠂ ᠬᠤᠶᠠᠳᠤᠭᠠᠷ ᠨᠤᠭᠤᠰᠤ ᠶᠢᠨ ᠵᠡᠬᠦᠨ ᠬᠠᠪᠢ ᠶᠢᠨ ᠨᠢᠬᠡ᠂ ᠬᠤᠶᠠᠳᠤᠭᠠᠷ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤᠨ ᠤ ᠳᠤᠤᠭᠤᠷ  ᠨᠢ ᠰᠢᠷᠭᠤᠭᠤᠯᠤᠨ ᠤᠷᠤᠭᠤᠯᠤᠭᠠᠳ᠂ ᠲᠦᠷᠪᠡᠳᠤᠬᠡᠷ ᠨᠤᠭᠤᠰᠤ ᠶᠢ ᠲᠦᠯᠬᠢᠨ ᠳᠠᠷᠤᠵᠤ᠂ ᠰᠦᠯᠵᠢᠨ ᠬᠦᠷᠦᠨ᠎ᠠ᠃ ᠡᠨᠡ ᠮᠡᠳᠤ ᠪᠠᠷ ᠳᠠᠷᠠᠭᠠᠯᠠᠨ ᠬᠤᠸᠠᠷ ᠭᠠᠷᠭᠠᠵᠤ ᠬᠦᠷᠦᠭᠰᠡᠬᠡᠷ ᠨᠦᠬᠦᠬᠡ ᠵᠠᠬ᠎ᠠ ᠳᠤ ᠬᠦᠷᠴᠤ ᠤᠴᠢᠪᠠᠯ᠂ ᠬᠦᠷᠦᠯᠬᠡ  ᠶᠢᠨ ᠪᠤᠷᠭᠠᠰᠤ ᠨᠢᠬᠡ ᠤᠷᠢᠶᠠᠵᠤ ᠨᠤᠭᠤᠯᠤᠨ ᠳᠠᠷᠤᠬᠤ ᠪᠤᠯᠤᠭᠰᠠᠭᠠᠷ ᠳᠠᠷᠤᠢ ᠨᠤᠭᠤᠯᠤᠨ ᠤᠷᠢᠶᠠᠵᠤ᠂ ᠨᠠᠷᠢᠨ ᠨᠠᠮᠠᠭ᠎ᠠ  ᠶᠢ ᠴᠠᠭᠠᠨ᠎ᠠ ᠨᠢ ᠭᠠᠷᠭᠠᠵᠤ ᠬᠠᠶᠠᠨ᠎ᠠ᠃ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢᠨ ᠳᠤᠮᠳᠠ ᠪᠡᠶ᠎ᠠ ᠨᠢ ᠵᠠᠬ᠎ᠠ ᠳᠤ ᠬᠦᠷᠴᠤ ᠤᠴᠢᠪᠡᠯ᠂ ᠵᠠᠬ᠎ᠠ ᠶᠢᠨ ᠮᠦᠷ ᠤᠨ ᠦᠰᠬᠦ ᠨᠢ ᠤᠳᠠᠭᠠᠨ ᠪᠠᠶᠢᠪᠠᠯ᠂ ᠬᠦᠷᠦᠯᠭᠡ ᠶᠢᠨ ᠪᠤᠷᠭᠠᠰᠤ ᠪᠠᠨ ᠪᠠᠯᠪᠠᠷᠠᠭᠤᠯᠤᠨ ᠮᠤᠰᠬᠢᠵᠦ᠂ ᠵᠠᠬ᠎ᠠ ᠶᠢᠨ ᠨᠤᠭᠤᠰᠤ ᠶᠢ ᠬᠤᠶᠠᠷ ᠤᠷᠢᠶᠠᠭᠠᠳ ᠨᠤᠭᠤᠯᠤᠨ ᠳᠠᠷᠤᠵᠤ ᠬᠦᠷᠦᠳᠡᠭ᠃ ᠮᠦᠷ ᠤᠨ ᠳᠠᠷᠠᠭᠠᠯᠠᠯ ᠢᠶᠠᠷ ᠢᠶᠠᠨ ᠮᠦᠷ ᠢᠶᠠᠨ ᠬᠦᠢᠴᠡᠬᠡᠵᠦ ᠳᠠᠭᠤᠰᠪᠠᠯ᠂ ᠳᠠᠯ᠎ᠠ ᠪᠠ ᠶᠢᠨ ᠬᠦᠷᠦᠳᠡᠯ ᠤᠨ ᠬᠡᠮᠵᠢᠶ᠎ᠠ ᠨᠢ ᠳᠤᠷᠰᠢ ᠳᠡᠭᠰᠢ ᠪᠤᠯᠳᠠᠭ᠃ ᠳᠠᠯ᠎ᠠ ᠪᠠ ᠶᠢᠨ ᠨᠢᠬᠡ ᠡᠷᠬᠢᠵᠦ ᠬᠦᠷᠦᠬᠦ ᠶᠢ ᠮᠦᠷ ᠬᠦᠢᠴᠡᠴᠡᠨ᠎ᠠ ᠭᠡᠳᠡᠭ᠂ ᠳᠠᠬᠢᠭᠠᠳ ᠡᠬᠢᠯᠡᠬᠦ  ᠶᠢ ᠪᠠᠰᠠ ᠨᠢᠬᠡ ᠮᠦᠷ ᠡᠬᠢᠯᠡᠨ᠎ᠠ ᠭᠡᠳᠡᠭ᠃ ᠨᠢᠬᠡ ᠨᠢᠬᠡ ᠮᠦᠷ ᠢᠶᠠᠷ ᠪᠤᠳᠤᠪᠠᠯ ᠳᠠᠯ᠎ᠠ ᠪᠠ ᠶᠢ ᠶᠡᠷᠤ ᠠᠴᠠ ᠨᠠᠢᠮᠠᠨ  ᠠᠴᠠ ᠠᠷᠪᠠᠨ ᠮᠦᠷ ᠢᠶᠠᠷ ᠬᠦᠷᠦᠳᠡᠭ᠃ ᠪᠦᠳᠦᠬᠦᠨ ᠪᠤᠷᠭᠠᠰᠤ ᠪᠤᠯ ᠮᠦᠷ ᠤᠨ ᠳᠡᠭᠡᠭᠰᠢ ᠦᠰᠦᠯᠳᠡ ᠨᠢ ᠲᠦᠷᠬᠡᠨ ᠳᠤᠯᠠ ᠨᠠᠢᠮᠠᠨ ᠮᠦᠷ ᠤᠶᠠᠪᠠᠯ ᠳᠠᠯ᠎ᠠ ᠪᠠ ᠨᠢ ᠬᠦᠮᠦᠨ ᠴᠢᠨᠡᠭᠡ ᠪᠤᠯᠴᠢᠬᠠᠳᠠᠭ᠃ ᠨᠠᠷᠢᠨ ᠪᠤᠷᠭᠠᠰᠤ ᠪᠠᠷ ᠪᠤᠯ ᠠᠷᠪᠠᠨ ᠮᠦᠷ ᠬᠦᠷᠦᠮᠡᠨᠵᠢᠨ ᠰᠠᠶ᠋ᠢ ᠬᠡᠮᠵᠢᠶ᠎ᠠ ᠬᠦᠢᠴᠡᠨ᠎ᠠ᠃    ᠳᠠᠯ᠎ᠠ ᠪᠠ ᠶᠢᠨ ᠪᠤᠰᠤᠭ᠎ᠠ ᠶᠢ ᠶᠠᠷᠤ ᠠᠴᠠ ᠲᠦᠷᠪᠡᠨ ᠳᠤᠬᠤᠢ ᠠᠴᠠ ᠲᠦᠷᠪᠡᠨ ᠳᠤᠬᠤᠢ ᠬᠠᠭᠠᠰ ᠢᠶᠠᠷ ᠬᠦᠷᠦᠳᠡᠭ᠃ ᠳᠠᠯ᠎ᠠ ᠪᠠ ᠪᠠᠨ ᠬᠦᠷᠦᠵᠦ ᠪᠠᠷᠠᠮᠠᠭᠴᠠ ᠪᠠᠨ ᠬᠦᠷᠦᠵᠦ ᠪᠠᠶᠢᠭ᠎ᠠ ᠨᠢᠭᠤᠷ ᠳᠠᠯ᠎ᠠ ᠶᠢᠨ ᠭᠠᠵᠠᠷ ᠢ ᠳᠡᠭᠰᠢᠯᠡᠨ ᠴᠡᠪᠡᠷᠯᠡᠵᠦ᠂ ᠳᠠᠯ᠎ᠠ ᠪᠠ ᠪᠠᠨ ᠨᠢᠬᠡ ᠳᠠᠯ᠎ᠠ ᠠᠴᠠ ᠨᠢ ᠰᠤᠭᠤᠯᠤᠨ᠂ ᠨᠢᠭᠤᠷ ᠳᠠᠯ᠎ᠠ ᠪᠠᠷ ᠨᠢ ᠭᠠᠵᠠᠷ ᠬᠡᠪᠳᠡᠬᠦᠯᠵᠦ᠂ ᠬᠤᠳᠤᠭᠤᠷ ᠬᠦᠳᠦᠬᠦᠷ ᠭᠠᠵᠠᠷ ᠢ ᠨᠢ ᠬᠢᠰᠬᠢᠨ ᠵᠠᠰᠠᠵᠤ᠂ ᠡᠪ ᠦᠭᠡᠢ ᠭᠠᠵᠠᠷ ᠪᠤᠯᠭᠠᠨ ᠳᠤ ᠨᠢ ᠨᠤᠶᠢᠳᠠᠨ ᠰᠢᠷᠤᠢ ᠬᠠᠶᠠᠵᠤ ᠳᠠᠷᠤᠰᠢᠭᠤᠯᠤᠨ᠎ᠠ᠃    ᠳᠠᠯ᠎ᠠ ᠪᠠ ᠶᠢᠨ ᠨᠤᠭᠤᠰᠤᠨ ᠤ ᠤᠷᠤᠢ ᠶᠢ ᠬᠦᠷᠦᠯᠬᠡ ᠶᠢᠨ ᠮᠦᠷ ᠠᠴᠠ ᠪᠠᠨ ᠨᠢᠬᠡ ᠳᠤᠬᠤᠢ ᠦᠨᠳᠦᠷ ᠦᠯᠡᠳᠡᠬᠡᠵᠦ᠂ ᠳᠡᠪ ᠳᠡᠭᠰᠢ ᠪᠠᠷ ᠴᠠᠪᠴᠢᠨ ᠠᠪᠤᠨ᠎ᠠ᠃    ᠳᠠᠯ᠎ᠠ ᠪᠠ ᠪᠠᠷ ᠬᠦᠷᠢᠶ᠎ᠠ ᠬᠠᠰᠢᠶ᠎ᠠ ᠪᠠᠨ ᠲᠦᠷᠪᠡᠯᠵᠢᠯᠡᠨ ᠪᠠᠷᠢᠬᠤ ᠳᠤ ᠤᠨᠴᠠ ᠶᠢᠨ ᠲᠦᠬᠦᠮ ᠪᠠᠶᠢᠳᠠᠭ᠃ ᠳᠠᠷᠤᠢ ᠬᠡᠳᠤᠬᠡᠨ ᠪᠤᠯᠠᠭ᠎ᠠ ᠪᠤᠯᠵᠤ ᠬᠠᠪᠰᠤᠷᠭᠠᠨ ᠤᠶᠠᠪᠠᠯ ᠪᠤᠯᠴᠢᠬᠠᠳᠠᠭ᠃ ᠡᠬᠦᠨ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠬᠤᠷᠤᠭ᠎ᠠ ᠬᠠᠰᠢᠶ᠎ᠠ ᠪᠠᠷᠢᠵᠦ᠂ ᠤᠯᠠᠷᠢᠯ ᠢ ᠲᠠᠭᠠᠨ ᠰᠢᠯᠵᠢᠬᠦᠯᠦᠨ ᠳᠡᠪᠰᠢᠬᠦᠯᠬᠦ ᠳᠤ ᠳᠤᠶᠢᠯ ᠤᠨ ᠲᠦᠬᠦᠮ ᠪᠠᠷᠢᠯᠭ᠎ᠠ ᠶᠢᠨ ᠡᠳ᠋ ᠪᠤᠯᠳᠠᠭ᠃ ᠳᠠᠯ᠎ᠠ ᠪᠠ ᠪᠠᠷ ᠠᠷᠭᠠᠯ ᠤᠨ ᠬᠠᠰᠢᠶ᠎ᠠ ᠪᠠᠷᠢᠬᠤ ᠳᠤ ᠬᠡᠳᠤᠨ ᠪᠤᠯᠠᠭ᠎ᠠ ᠪᠠᠨ ᠪᠤᠯᠠᠵᠤ ᠪᠤᠰᠬᠠᠭᠠᠳ ᠤᠶᠠᠪᠠᠯ ᠳᠠᠷᠤᠢ ᠪᠤᠯᠴᠢᠬᠠᠳᠠᠭ᠃    ᠳᠠᠯ᠎ᠠ ᠪᠠ ᠶᠢ ᠪᠤᠷᠭᠠᠰᠤ ᠮᠤᠳᠤ ᠶᠢ ᠬᠠᠳᠤᠵᠤ᠂ ᠪᠤᠭᠤᠵᠢ ᠪᠤᠭᠤᠵᠢ ᠪᠠᠷ ᠨᠢ ᠪᠤᠰᠬᠠᠨ ᠪᠤᠯᠠᠵᠤ ᠬᠠᠰᠢᠶ᠎ᠠ ᠪᠠᠷᠢᠬᠤ ᠶᠢ ᠪᠤᠳᠤᠪᠠᠯ ᠪᠤᠷᠭᠠᠰᠤ ᠮᠤᠳᠤᠨ ᠳᠤ ᠪᠠᠨ ᠠᠷᠪᠢᠳᠠᠢ ᠪᠠᠷ ᠦᠯᠦ ᠪᠠᠷᠠᠨ ᠬᠠᠰᠢᠶ᠎ᠠ ᠬᠦᠷᠢᠶ᠎ᠠ ᠶᠢ ᠴᠦ ᠬᠤᠪᠢ  ᠶᠢᠨ ᠭᠠᠳᠠᠨ᠎ᠠ ᠦᠵᠡᠮᠵᠢ ᠲᠠᠢ ᠪᠤᠯᠭᠠᠳᠠᠭ᠃    ᠳᠠᠯ᠎ᠠ ᠪᠠ ᠪᠠᠷ ᠪᠠᠰᠠ ᠬᠠᠰᠢᠶ᠎ᠠ ᠬᠦᠷᠢᠶ᠎ᠠ ᠶᠢᠨ ᠡᠬᠦᠳᠡ᠂ ᠳᠤᠯᠤᠭᠠᠨ ᠬᠠᠰᠢᠶ᠎ᠠ ᠬᠤᠷᠤᠭ᠎ᠠ ᠶᠢᠨ ᠳᠠᠷᠤᠭ᠎ᠠ ᠬᠡᠳᠡᠭ ᠪᠦᠬᠡᠳ ᠦᠪᠤᠡᠭ ᠬᠡᠷ ᠪᠤᠰᠬᠠᠨ ᠪᠠᠷᠢᠳᠠᠭ ᠪᠤᠶᠤ ᠪᠠᠶᠢᠰᠢᠩ ᠬᠡᠷ ᠤᠨ ᠠᠳᠠᠭᠠᠷ ᠢᠶᠠᠨ ᠬᠢᠳᠡᠭ᠃    ᠳᠠᠯ᠎ᠠ ᠪᠠ ᠶᠢ ᠵᠠᠪᠠᠯ ᠬᠡᠳᠤᠢ ᠦᠷᠬᠡᠨ ᠢᠶᠠᠷ ᠬᠦᠷᠦᠵᠦ ᠤᠶᠠᠬᠤ ᠠᠯᠪᠠ ᠭᠡᠵᠤ ᠦᠭᠡᠢ᠃ ᠦᠪᠡᠷ ᠤᠨ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭ᠎ᠠ ᠪᠠᠷ ᠢᠶᠠᠨ ᠬᠡᠮᠵᠢᠶᠡᠯᠡᠵᠦ ᠬᠦᠷᠦᠳᠡᠭ ᠶᠤᠮ᠃ ᠵᠠᠷᠢᠮ ᠬᠦᠮᠦᠰ ᠬᠡᠷ ᠤᠨ ᠠᠳᠠᠭᠠᠷ ᠢᠶᠠᠨ ᠳᠤᠷᠰᠢ ᠳᠤ ᠨᠢ ᠬᠦᠷᠦᠬᠡᠳ ᠭᠠᠷᠭᠠᠴᠢᠬᠠᠳᠠᠭ᠃ ᠵᠠᠷᠢᠮ ᠬᠦᠮᠦᠰ ᠰᠤᠮᠤᠨ ᠭᠤᠤ ᠳᠠᠳᠠᠭᠠᠳ᠂ ᠭᠤᠤ ᠶᠢᠨ ᠤᠷᠤᠢ  ᠪᠠᠷ ᠢᠶᠠᠨ ᠳᠤᠷᠰᠢ ᠳᠤ ᠨᠢ ᠨᠤᠭᠤᠰᠤ ᠭᠠᠳᠠᠭᠠᠳ᠂ ᠭᠤᠤ ᠶᠢᠨ ᠪᠤᠰᠤᠭ᠎ᠠ ᠪᠠᠷ ᠳᠠᠯ᠎ᠠ ᠪᠠ ᠪᠠᠨ ᠳᠤᠷᠰᠢ ᠬᠦᠷᠦᠴᠢᠭᠡᠳᠡᠭ ᠶᠤᠮ᠃    ᠴᠢᠬᠢᠷᠰᠤᠨ ᠪᠠ    ᠴᠢᠬᠢᠷᠰᠤᠨ ᠬᠦᠷᠦᠮᠡᠯ ᠲᠠᠢ ᠠᠳᠠᠯᠢ ᠪᠠᠷ ᠬᠤᠸᠠᠷ ᠭᠠᠷᠭᠠᠵᠤ ᠬᠦᠷᠦᠬᠦ ᠪᠠ ᠶᠢ ᠴᠢᠬᠢᠷᠰᠤᠨ ᠪᠠ ᠭᠡᠳᠡᠭ᠃    ᠴᠢᠬᠢᠷᠰᠤᠨ ᠪᠠ ᠶᠢ ᠳᠠᠯ᠎ᠠ ᠪᠠ ᠠᠳᠠᠯᠢ ᠪᠤᠰᠬᠠᠨ ᠬᠦᠷᠦᠳᠡᠭ ᠦᠭᠡᠢ ᠬᠠᠷᠢᠨ ᠴᠢᠬᠢᠷᠰᠤ ᠬᠦᠷᠦᠬᠦ ᠮᠡᠳᠤ ᠭᠠᠵᠠᠷ  ᠤᠨ ᠨᠢᠭᠤᠷ ᠳᠡᠬᠡᠷ᠎ᠠ ᠬᠡᠪᠳᠡᠭᠡ ᠪᠠᠷ ᠰᠤᠩᠭᠠᠨ ᠬᠦᠷᠦᠵᠦ᠂ ᠪᠠᠭ᠋ᠠᠨ ᠤᠷᠳᠤ ᠪᠤᠯᠵᠤ ᠭᠠᠵᠠᠷ ᠡᠵᠡᠯᠡᠬᠦ ᠪᠤᠯᠤᠮᠠᠭᠴᠠ ᠠᠷᠤ ᠠᠴᠠ ᠨᠢ ᠡᠪᠬᠡᠨ ᠤᠷᠢᠶᠠᠵᠤ᠂ ᠬᠤᠶᠢᠰᠢ ᠳᠠᠳᠠᠭᠠᠳ ᠤᠭ ᠤᠨ ᠤᠷᠤᠨ ᠳᠤ ᠨᠢ ᠠᠪᠴᠢᠷᠠᠳᠠᠭ᠃ ᠳᠠᠯ᠎ᠠ ᠪᠠ  ᠲᠠᠢ ᠠᠳᠠᠯᠢ ᠳᠠᠯ᠎ᠠ ᠨᠢ ᠬᠡᠪᠡᠯ ᠨᠢᠭᠤᠷ ᠳᠠᠯ᠎ᠠ ᠨᠢ ᠦ ᠰᠡᠪᠡ ᠦᠭᠡᠢ᠂ ᠵᠤᠷᠠᠶᠢᠭᠰᠠᠨ ᠰᠠᠶᠢᠬᠠᠨ ᠳᠠᠤᠯᠠᠢ ᠶᠢᠨ ᠳᠠᠩᠨᠠᠢ  ᠶᠢᠨ ᠬᠤᠸᠠᠷ ᠲᠠᠢ᠂ ᠳᠡᠭᠡᠷ᠎ᠠ ᠳᠠᠯ᠎ᠠ ᠶᠢ ᠨᠢ ᠨᠢᠭᠤᠷ ᠳᠠᠯ᠎ᠠ ᠭᠡᠵᠤ᠂ ᠭᠠᠵᠠᠷ ᠨᠠᠭᠠᠯᠳᠤᠵᠤ ᠪᠠᠶᠢᠭ᠎ᠠ ᠳᠠᠯ᠎ᠠ ᠶᠢ ᠨᠢ ᠠᠷᠤ ᠳᠠᠯ᠎ᠠ ᠭᠡᠳᠡᠭ᠃ ᠠᠷᠤ ᠳᠠᠯ᠎ᠠ ᠳᠤ ᠨᠢ ᠠᠷᠵᠠᠶᠢᠭᠰᠠᠨ ᠭᠤᠤᠷᠰᠤ ᠪᠠ ᠦᠵᠦᠬᠦᠷ ᠨᠠᠮᠠᠭ᠎ᠠ ᠲᠦᠬᠦᠷᠡᠩ ᠦᠵᠡᠭᠳᠡᠳᠡᠭ᠃    ᠴᠢᠬᠢᠷᠰᠤᠨ ᠪᠠ ᠶᠢ ᠬᠤᠶᠠᠷ ᠶᠠᠩᠵᠤ ᠪᠠᠷ ᠡᠬᠢᠯᠡᠳᠡᠭ᠃ ᠨᠢᠬᠡ ᠨᠢ ᠪᠢᠳᠡᠬᠦᠦ ᠪᠠᠷ ᠡᠬᠢᠯᠡᠨ᠎ᠠ᠃ ᠪᠢᠳᠡᠬᠦᠦ ᠪᠠᠷ ᠡᠬᠢᠯᠡᠨ᠎ᠠ ᠭᠡᠭᠴᠢ ᠨᠢ ᠳᠠᠷᠤᠢ ᠬᠦᠷᠦᠯᠬᠡ ᠶᠢᠨ ᠪᠤᠷᠭᠠᠰᠤ ᠶᠢᠨ ᠢᠶᠠᠨ ᠳᠤᠮᠳᠠ ᠪᠡᠶ᠎ᠠ ᠪᠠᠷ ᠨᠢ ᠨᠤᠭᠤᠯᠵᠤ᠂ ᠪᠠᠷᠤᠭ ᠳᠡᠭᠰᠢ ᠦᠨᠴᠦᠭᠳᠤ ᠭᠠᠷᠭᠠᠭᠠᠳ ᠬᠤᠶᠠᠷ ᠳᠡᠰᠢ ᠪᠠᠨ ᠴᠦᠮ ︵ᠬᠤᠶᠠᠷ ᠳᠠᠷᠤᠵᠤ᠂ ᠬᠤᠶᠠᠷ ᠡᠷᠬᠦᠬᠦ︶ ᠠᠷᠭ᠎ᠠ ᠪᠠᠷ ᠵᠡᠷᠭᠡᠴᠡᠬᠦᠯᠦᠨ ᠤᠭᠰᠤᠷᠴᠤ ᠰᠦᠯᠵᠢᠨ᠎ᠠ᠃ ᠴᠢᠬᠢᠷᠰᠤᠨ ᠪᠠ ᠶᠢᠨ ᠬᠦᠷᠦᠵᠦ ᠰᠦᠯᠵᠢᠬᠦ ᠠᠳᠬᠤ ᠪᠤᠷᠭᠠᠰᠤ ᠶᠢ ᠬᠦᠯ ᠭᠡᠳᠡᠭ᠃ ᠵᠢᠱᠢᠶᠡᠯᠡᠪᠡᠯ ᠬᠡᠳᠤᠢ ᠦᠷᠬᠡᠨ ᠢᠶᠠᠷ ᠬᠦᠷᠦᠬᠦ᠂ ᠪᠠᠷᠠᠭᠤᠨ ᠭᠠᠷ ᠳᠠᠯ᠎ᠠ ᠶᠢᠨ ᠬᠡᠳᠤᠢ ᠬᠦᠯ ᠪᠤᠯ ᠵᠡᠬᠦᠨ ᠭᠠᠷ ᠳᠠᠯ᠎ᠠ ᠶᠢᠨ ᠬᠡᠳᠤᠢ ᠬᠦᠯ ᠲᠠᠢ ᠪᠠᠶᠢᠳᠠᠭ᠃ ᠪᠠᠷᠠᠭᠤᠨ ᠭᠠᠷ ᠤᠨ ᠬᠦᠯ ᠨᠢ ᠢᠷᠮᠡᠭ ᠢᠶᠠᠨ ᠬᠦᠷᠪᠡᠯ ᠳᠠᠬᠢᠭᠠᠳ ᠵᠡᠬᠦᠨ ᠭᠠᠷ ᠤᠨ ᠬᠦᠯ ᠪᠤᠯᠵᠤ᠂ ᠵᠡᠬᠦᠨ ᠭᠠᠷ ᠤᠨ ᠬᠦᠯ ᠨᠢ ᠢᠷᠮᠡᠭ ᠢᠶᠠᠨ ᠬᠦᠷᠪᠡᠯ ᠳᠠᠬᠢᠭᠠᠳ ᠪᠠᠷᠠᠭᠤᠨ ᠭᠠᠷ ᠤᠨ ᠬᠦᠯ ᠪᠤᠯᠳᠠᠭ᠃ ᠬᠦᠯ ᠤᠨ ᠦᠷᠬᠡᠨ ᠢ ᠶᠡᠷᠤ ᠠᠴᠠ ᠭᠤᠷᠪᠠᠨ ᠬᠤᠷᠤᠭᠤ ᠠᠴᠠ ᠦᠷᠬᠡᠨ ᠪᠠᠶᠢᠯᠭᠠᠳᠠᠭ ᠦᠭᠡᠢ᠃ ᠪᠠᠰᠠ ᠬᠤᠶᠠᠷ ᠬᠤᠷᠤᠭᠤ ᠠᠴᠠ ᠨᠠᠷᠢᠨ ᠪᠠᠶᠢᠯᠭᠠᠳᠠᠭ ᠦᠭᠡᠢ᠃    ᠨᠦᠬᠦᠬᠡ ᠨᠢᠬᠡ ᠨᠢ ᠤᠯᠠᠭᠠᠨ ᠪᠤᠷᠭᠠᠰᠤ ᠶᠢ ᠡᠷᠴᠢᠮ ᠤᠷᠤᠭᠤᠯᠤᠨ ᠮᠤᠰᠬᠢᠵᠦ᠂ ᠪᠠᠷᠠᠭᠤᠨ ᠵᠡᠬᠦᠨ ᠭᠠᠷ ᠤᠨ ᠬᠦᠯ ᠤᠨ ᠪᠤᠷᠭᠠᠰᠤ ᠶᠢ ᠬᠠᠮᠳᠤᠷᠠᠭᠤᠯᠤᠨ ᠤᠶᠠᠵᠤ᠂ ᠬᠦᠷᠦᠬᠡᠳ ᠭᠤᠷᠪᠠ ᠠᠴᠠ ᠲᠦᠷᠪᠡᠨ ᠬᠤᠷᠤᠭᠤ ᠵᠠᠢ ᠠᠯᠤᠰᠯᠠᠬᠤ ᠪᠦᠷᠢ ᠳᠤ ᠨᠢᠬᠡ ᠠᠳᠬᠤ ᠭᠡᠯᠬᠢᠨ ᠤᠶᠠᠵᠤ ᠳᠤᠷᠰᠢ ᠳᠤ ᠨᠢ ᠬᠤᠯᠪᠤᠵᠤ ᠳᠠᠭᠤᠰᠬᠠᠨ᠎ᠠ᠃    ᠢᠡᠭᠭᠢᠵᠦ ᠬᠤᠯᠪᠤᠵᠤ ᠳᠠᠭᠤᠰᠮᠠᠭᠴᠠ ᠪᠠᠨ ᠨᠢᠬᠡ ᠳᠠᠯ᠎ᠠ ᠠᠴᠠ ᠨᠢ ᠬᠦᠷᠦᠯᠬᠡ ᠡᠬᠢᠯᠡᠨ᠎ᠠ᠃ ᠳᠠᠷᠤᠢ ᠡᠬᠢᠯᠡᠨ ᠰᠦᠯᠵᠢᠨ᠎ᠠ᠃ ᠵᠡᠬᠦᠨ ᠭᠠᠷ ᠤᠨ ᠬᠦᠯ ᠢ ᠵᠡᠬᠦᠨᠰᠢ ᠰᠠᠯᠭᠠᠵᠤ᠂ ᠪᠠᠷᠠᠭᠤᠨ ᠭᠠᠷ ᠤᠨ ᠬᠦᠯ ᠢ ᠪᠠᠷᠠᠭᠤᠨᠰᠢ ᠰᠠᠯᠭᠠᠭᠠᠳ ᠂ ᠵᠡᠬᠦᠨ ᠠᠴᠠ ᠪᠠᠷᠠᠭᠤᠨᠰᠢ ᠡᠬᠢᠯᠡᠪᠡᠯ᠂ ᠪᠠᠷᠠᠭᠤᠨ ᠭᠠᠷ ᠤᠨ ᠬᠤᠶᠠᠷ ᠬᠦᠯ ᠢ ᠳᠠᠷᠤᠭᠤᠯᠤᠭᠠᠳ᠂ ᠵᠡᠬᠦᠨ ᠭᠠᠷ ᠤᠨ ᠨᠢᠬᠡ ᠬᠦᠯ ᠢ ᠳᠠᠳᠠᠨ ᠭᠠᠷᠭᠠᠬᠤ ᠬᠦᠷᠦᠯᠬᠡ ᠶᠢᠨ ᠠᠷᠭ᠎ᠠ ᠪᠠᠷ ᠳᠤᠷᠰᠢ ᠳᠤ ᠨᠢ ᠰᠦᠯᠵᠢᠵᠦ ᠭᠠᠷᠤᠨ᠎ᠠ᠃    ᠳᠠᠬᠢᠭᠠᠳ ᠪᠠᠷᠠᠭᠤᠨ ᠳᠠᠯ᠎ᠠ ᠠᠴᠠ ᠨᠢ ᠡᠰᠡᠷᠬᠦᠦ ᠪᠠᠷ ᠬᠦᠷᠦᠨ᠎ᠠ᠃ ᠴᠢᠬᠢᠷᠰᠤᠨ ᠪᠠ ᠶᠢ ᠬᠦᠷᠦᠬᠦ ᠳᠤ ᠬᠦᠷᠦᠯᠬᠡ ᠶᠢᠨ ᠬᠦᠯ ᠢ ᠠᠰ ᠱᠤᠭᠤᠮ ᠢᠶᠠᠷ ᠨᠢ ᠠᠯᠳᠠᠯ ᠦᠭᠡᠢ ᠰᠤᠩᠭᠠᠬᠤ ᠪᠤᠶᠤ ᠦᠷᠬᠡᠨ ᠨᠠᠷᠢᠨ ᠢ ᠨᠢ ᠳᠡᠩᠨᠡᠬᠦᠯᠦᠨ ᠪᠤᠷᠭᠠᠰᠤ ᠪᠠᠨ ᠨᠡᠮᠡᠬᠦ ᠨᠢ ᠬᠠᠮᠤᠭ ᠤᠨ ᠦᠨᠳᠦᠰᠦᠨ ᠵᠠᠩᠬᠢᠯᠠᠭ᠎ᠠ ᠪᠤᠯᠳᠠᠭ᠃    ᠪᠠᠷᠤᠭᠳᠠᠢ ᠬᠦᠮᠦᠰ ᠴᠢᠬᠢᠷᠰᠤᠨ ᠪᠠ ᠶᠢ ᠬᠦᠮᠦᠨ ᠤ ᠰᠠᠨᠠᠭᠠᠨ ᠳᠤ ᠬᠦᠷᠳᠡᠯ᠎ᠠ ᠢᠷᠠᠯᠵᠠᠳᠠᠯ᠎ᠠ ᠰᠠᠶᠢᠬᠠᠨ ᠬᠦᠷᠦᠵᠦ ᠴᠢᠳᠠᠳᠠᠭ ᠦᠭᠡᠢ᠂ ᠢᠷᠮᠡᠭ ᠲᠤ ᠨᠢ ᠬᠦᠷᠪᠡᠯ ᠪᠤᠷᠤᠭᠤ ᠮᠤᠰᠬᠢᠵᠦ ᠢᠷᠡᠬᠦ ᠦᠭᠡᠢ ᠪᠤᠯ ᠬᠦᠯ ᠤᠨ ᠵᠠᠢ ᠪᠤᠶᠤ ᠱᠤᠭᠤᠮ ᠢ ᠵᠦᠷᠢᠬᠦᠯᠵᠦ᠂ ᠡᠪ ᠬᠠᠪᠤ ᠦᠭᠡᠢ ᠶᠠᠭᠤᠮ᠎ᠠ ᠪᠤᠯᠭᠠᠴᠢᠬᠠᠳᠠᠭ᠃    ᠴᠢᠬᠢᠷᠰᠤᠨ ᠪᠠ ᠶᠢ ᠬᠤᠯᠤᠰᠤ ᠪᠠᠷ ᠬᠦᠷᠦᠵᠦ᠂ ᠬᠡᠷ ᠤᠨ ᠠᠳᠠᠭᠠᠷ ᠬᠢᠳᠡᠭ᠃ ᠡᠨᠡ ᠨᠢ ᠮᠥᠨ ᠳᠤᠬᠠᠢ ᠶᠢᠨ ᠦᠶᠡᠰ ᠤᠨ ᠭᠠᠷ ᠦᠵᠡᠬᠦᠯᠬᠡ ᠪᠤᠯᠵᠤ ᠪᠠᠶᠢᠭᠰᠠᠨ ᠪᠦᠬᠡᠳ ᠬᠡᠷ ᠪᠦᠯᠢ ᠶᠢᠨ ᠬᠦᠮᠦᠰ ᠤᠨ ᠤᠮᠤᠭᠰᠢᠯ ᠪᠤᠯᠵᠤ ᠪᠠᠶᠢᠭᠰᠠᠨ ᠶᠤᠮ᠃     ᠴᠢᠬᠢᠷᠰᠤᠨ ᠪᠠ ᠶᠢ ᠪᠠᠰᠠ ᠬᠡᠷᠡᠭᠴᠡᠬᠡᠨ ᠤ ᠪᠠᠨ ᠬᠢᠷᠢ ᠪᠠᠷ ᠨᠠᠷᠢᠨ ᠤᠷᠳᠤ ᠪᠠᠷ ᠬᠦᠷᠦᠵᠦ᠂ ᠠᠷᠭᠠᠯ ᠳᠡᠭᠡᠭᠡᠬᠦ ᠳᠡᠷᠭᠡᠨ ᠤ ᠤᠷᠢᠶᠠᠮᠠᠭ ᠪᠠ ᠪᠤᠯᠭᠠᠨ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠪᠦᠬᠡᠳ ᠬᠤᠷᠭᠤᠤᠯ ᠤᠨ ᠶᠡᠭᠡ ᠤᠪᠤᠭᠠᠨ ᠤ ᠤᠷᠢᠶᠠᠮᠠᠭ ᠪᠠ᠂ ᠭᠤᠤ ᠬᠦᠷᠢᠶ᠎ᠠ ᠶᠢᠨ ᠳᠡᠭᠡᠬᠦᠷ ᠬᠦᠶᠦᠯᠬᠡᠨ ᠪᠤᠰᠬᠠᠬᠤ ᠤᠷᠢᠶᠠᠮᠠᠭ ᠪᠠ ᠪᠤᠯᠭᠠᠨ ᠬᠡᠷᠡᠭᠯᠡᠭᠰᠡᠬᠡᠷ ᠢᠷᠡᠪᠡ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠨᠠᠭᠠᠳᠤᠮ ᠲᠤᠭᠯᠠᠭᠠᠮ — — ᠮᠤᠩᠭᠤᠯ ᠰᠢᠳᠠᠷ᠎ᠠ
ᠱᠤᠩᠬᠤᠷ ᠤᠨ ᠴᠤᠭᠯᠠᠭᠠᠨ
ᠬᠤᠷᠴᠢᠨ ᠦᠯᠢᠬᠡᠷᠳᠤ ᠠᠷᠠᠳ ᠤᠨ ᠲᠠᠭᠤᠤ
ᠤᠷᠤᠨ ᠤ ᠲᠡᠰ ᠤᠨ ᠬᠤᠯᠪᠤᠭ᠎ᠠ ᠶᠢᠨ ᠤᠯᠠᠮᠵᠢᠯᠠᠭᠴᠢ ᠬᠠᠶᠢᠴᠢᠩ ᠰᠢᠪᠠᠭᠤ ᠶᠢᠨ ᠲᠤᠪᠴᠢ ᠨᠠᠮᠳᠠᠷ
ᠤᠯᠠᠮᠵᠢᠯᠠᠯᠳᠤ ᠲᠠᠭᠤᠤᠷᠢᠯᠢᠭ — — ᠬᠤᠯᠪᠤᠭ᠎ᠠ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号