| ᠵᠢᠷᠭᠢᠭᠡ ᠨᠠᠭᠠᠳᠣᠮ ᠪᠣᠯ ᠨᠢᠭᠡᠨ ᠵᠦᠢᠯ ᠤᠨ ᠣᠯᠠᠮᠵᠢᠯᠠᠯᠳᠣ ᠬᠦᠯᠭᠡᠨ ᠨᠠᠭᠠᠳᠣᠮ ᠪᠣᠯᠬᠤ ᠶᠤᠮ᠃ ᠲᠡᠷᠡ ᠨᠢ | ᠡᠷᠳᠡᠨ ᠤ ᠮᠣᠩᠭᠤᠯᠴᠣᠳ ᠤᠨ ᠮᠠᠯ ᠮᠠᠯᠵᠢᠯ ᠪᠣᠯᠣᠨ ᠠᠩ ᠠᠩᠨᠠᠯ ᠤᠨ ᠠᠮᠢᠳᠣᠷᠠᠯ ᠲᠣᠮᠳᠠ ᠪᠠᠨ ᠡᠭᠦᠳᠦᠭᠰᠡᠨ | ᠦᠨᠳᠦᠰᠦᠳᠡᠨ ᠤ ᠣᠨᠴᠠᠯᠢᠭ ᠪᠦᠬᠦᠢ ᠨᠠᠭᠠᠳᠣᠮ ᠪᠣᠯᠣᠨᠠ᠃ | ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠪᠠᠭᠠᠴᠣᠳ ᠬᠡᠣᠬᠡᠳ ᠬᠦᠭᠰᠢᠨ ᠵᠠᠯᠠᠭᠤ ᠡᠷᠡᠭᠳᠡᠢ ᠡᠮᠡᠭᠳᠡᠢ | ᠢᠯᠭᠠᠯ ᠦᠭᠡᠢ ᠵᠢᠷᠭᠢᠭᠡ ᠨᠠᠭᠠᠳᠳᠠᠭ᠃ ᠵᠢᠷᠭᠢᠭᠡ ᠶᠢᠨ ᠲᠦᠷᠦᠯ ᠵᠦᠢᠯ ᠠᠯᠢ ᠣᠯᠠᠨ ᠪᠠᠶᠢᠳᠠᠭ ᠴᠦ ᠵᠦᠩᠳᠡᠭᠡᠨ | ᠨᠠᠭᠠᠳᠳᠠᠭ ᠨᠢ ᠪᠣᠭᠤ ᠶᠢᠨ ᠵᠢᠷᠬᠢᠭᠡ᠂ ᠠᠷᠪᠠᠨ ᠬᠤᠶᠠᠷ ᠵᠢᠷᠭᠢᠭᠡ᠂ ᠵᠠᠯᠭᠠᠯᠳᠣᠭᠰᠠᠨ ᠭᠤᠷᠪᠠᠨ ᠰᠢᠪᠠᠭᠠ ᠵᠢᠷᠭᠢᠭᠡ᠂ | ᠦᠮᠦᠳᠦᠨ ᠠᠯᠠ ᠶᠢᠨ ᠵᠢᠷᠭᠢᠭᠡ ᠵᠡᠷᠭᠡ ᠪᠣᠯᠣᠨᠠ᠃ | | ᠪᠣᠭᠤ ᠶᠢᠨ ᠵᠢᠷᠭᠢᠭᠡ | ᠪᠣᠭᠤ ᠶᠢᠨ ᠵᠢᠷᠬᠢᠭᠡ ᠭᠡᠵᠤ ᠬᠤᠶᠠᠷ ᠬᠦᠮᠦᠨ ᠨᠠᠭᠠᠳᠳᠠᠭ ᠣᠷᠠᠨ ᠮᠡᠷᠭᠡᠵᠢᠯ ᠣᠷᠣᠬᠤ ᠨᠠᠭᠠᠳᠣᠮ ᠶᠤᠮ᠃ | ᠬᠦᠮᠦᠨ ᠤ ᠰᠡᠳᠬᠢᠭᠦᠢ ᠴᠢᠳᠠᠪᠣᠷᠢ ᠶᠢ ᠨᠡᠮᠡᠭᠳᠡᠭᠦᠯᠬᠦ᠂ ᠲᠠᠷᠢᠬᠢ ᠶᠢ ᠰᠡᠷᠭᠡᠭ ᠪᠣᠯᠭᠠᠵᠣ᠂ ᠵᠠᠪᠰᠢᠶᠠᠨ ᠠᠯᠳᠠᠬᠤ ᠦᠭᠡᠢ | ᠡᠵᠡᠮᠰᠢᠵᠤ ᠴᠢᠳᠠᠬᠤ ᠴᠢᠳᠠᠪᠣᠷᠢ ᠶᠢ ᠪᠣᠯᠪᠠᠰᠣᠷᠠᠭᠤᠯᠳᠠᠭ᠃ ᠪᠣᠭᠤ ᠶᠢᠨ ᠵᠢᠷᠭᠢᠭᠡ ᠶᠢᠨ ᠨᠠᠭᠠᠳᠣᠮ ᠤᠨ ᠲᠠᠯᠠᠪᠠᠢ ᠳᠤ᠄ | ᠨᠠᠶᠠᠨ ᠵᠢᠷᠭᠤᠭᠠᠨ ᠵᠠᠮ ᠲᠠᠢ᠂ ᠠᠭᠤᠯᠠᠨ ᠣᠷᠣᠢ᠂ ᠠᠭᠤᠯᠠᠨ ᠭᠤᠣᠯ᠂ ᠠᠭᠤᠯᠠᠨ ᠰᠡᠵᠢᠭᠦᠷ᠂ ᠠᠭᠤᠯᠨᠨ | ᠬᠠᠵᠠᠭᠤ᠂ ᠠᠭᠤᠯᠠᠨ ᠵᠠᠯᠠᠮᠠᠭᠠᠢ᠂ ᠦᠨᠴᠦᠭ᠂ ᠵᠢᠷᠬᠢ ᠶᠢᠨ ᠭᠤᠣᠯ᠂ ᠰᠦᠪᠡᠭᠡ᠂ ᠰᠦᠯᠵᠢᠮᠠᠯ᠂ ᠡᠭᠡᠮ ᠬᠠᠪᠢᠷᠭᠠ | ᠬᠡᠭᠦ ᠮᠡᠳᠦ ᠶᠢᠨ ᠦᠷᠳᠡᠭᠡ ᠲᠠᠢ᠃ | ᠨᠠᠭᠠᠳᠬᠤ᠄ ᠨᠢᠭᠡ ᠬᠦᠮᠦᠨ ᠨᠢ ᠬᠤᠶᠠᠷ ᠪᠣᠭᠤ ᠪᠠᠨ ᠠᠭᠤᠯᠠᠨ ᠤ ᠵᠠᠯᠠᠮᠠᠭᠠᠢ ᠦᠷᠳᠡᠭᠡ ᠳᠤ ᠲᠣᠰ ᠲᠣᠰ | ᠲᠠᠯᠪᠢᠨᠠ᠃ ᠨᠦᠭᠦᠭᠡ ᠬᠦᠮᠦᠨ ᠨᠢ ᠬᠤᠷᠢᠨ ᠲᠦᠷᠪᠡᠨ ᠬᠦᠯᠦᠭ ᠲᠠᠢ᠂ ᠡᠭᠦᠨ ᠢᠶᠠᠨ ᠵᠢᠷᠬᠢᠭᠡ ᠶᠢᠨ ᠲᠠᠯᠠᠪᠠᠢ ᠶᠢᠨ | ᠢᠶᠠᠨ ᠡᠭᠡᠮ᠂ ᠰᠦᠯᠵᠢᠮᠠᠯ᠂ ᠰᠦᠪᠡᠭᠡ ᠦᠷᠳᠡᠭᠡ ᠳᠤ ᠨᠠᠢᠮᠠᠨ ᠬᠦᠯᠦᠭ ᠢᠶᠠᠨ ᠲᠣᠬᠢᠷᠠᠭᠤᠯᠵᠣ ᠲᠠᠯᠪᠢᠨᠠ᠃ | ᠨᠠᠭᠠᠳᠬᠤ ᠶᠣᠰᠣ᠄ | ᠬᠤᠶᠠᠷ ᠬᠦᠮᠦᠨ ᠡᠬᠡᠯᠵᠢᠯᠡᠨ ᠶᠠᠪᠣᠨᠠ᠂ ᠬᠡᠭᠦ ᠳᠤ ᠪᠠᠨ ᠪᠣᠭᠤ ᠠᠪᠣᠭᠰᠠᠨ ᠬᠦᠮᠦᠨ ᠣᠷᠢᠳᠠᠪᠠᠷ ᠶᠠᠪᠣᠨᠠ᠃ | ᠪᠣᠭᠤ ᠨᠦᠭᠦᠭᠡ ᠡᠳᠡᠭᠡᠳ ᠤᠨ ᠢᠶᠠᠨ ᠬᠦᠯᠦᠭ ᠢ ᠢᠳᠡᠬᠦ ᠦᠶᠡ ᠳᠤ ᠡᠮᠦᠨᠡ ᠵᠠᠮ ᠳᠠᠬᠢ ᠬᠦᠯᠦᠭ ᠤᠨ | ᠴᠠᠭᠠᠨᠠᠬᠢ ᠦᠷᠳᠡᠭᠡ ᠳᠤ ᠬᠦᠯᠦᠭ ᠦᠭᠡᠢ ᠦᠶᠡ ᠳᠤ ᠲᠡᠭᠡᠭᠦᠷ ᠨᠢ ᠭᠠᠷᠴᠣ᠂ ᠴᠠᠭᠠᠨᠠᠬᠢ ᠦᠷᠳᠡᠭᠡ ᠶᠢ ᠡᠵᠡᠯᠡᠨ | ᠠᠪᠴᠣ ᠲᠠᠷᠠ ᠦᠷᠳᠡᠭᠡ ᠶᠢᠨ ᠬᠦᠯᠦᠭ ᠢ ᠢᠳᠡᠵᠡᠢ ᠭᠡᠵᠤ ᠠᠪᠴᠣ ᠬᠠᠶᠠᠨᠠ᠃ | ᠡᠩ ᠤᠨ ᠦᠶᠡ ᠶᠢᠨ ᠪᠣᠭᠤ ᠠᠰ ᠵᠠᠮ ᠢᠶᠠᠷ ᠨᠢᠭᠡ ᠨᠢᠭᠡ ᠦᠷᠳᠡᠭᠡ ᠪᠠᠷ ᠶᠠᠪᠣᠨᠠ᠃ | ᠬᠦᠯᠦᠭ ᠠᠪᠣᠭᠰᠠᠨ ᠬᠦᠮᠦᠨ ᠬᠤᠭᠤᠰᠣᠨ ᠣᠷᠣ ᠪᠠᠨ ᠨᠦᠭᠦᠪᠦᠷᠢᠯᠡᠨ ᠲᠠᠯᠪᠢᠵᠣ᠂ ᠬᠤᠷᠢᠨ ᠲᠦᠷᠪᠡᠨ ᠬᠦᠯᠦᠭ | ᠲᠠᠯᠪᠢᠵᠣ ᠪᠠᠷᠠᠪᠠᠯ ᠲᠠᠯᠠᠪᠠᠢ ᠳᠤ ᠪᠠᠶᠢᠬᠤ ᠬᠦᠯᠦᠭ ᠢᠶᠠᠨ ᠠᠰ ᠵᠠᠮ ᠢᠶᠠᠷ ᠪᠣᠭᠤ ᠶᠢ ᠬᠤᠷᠢᠬᠤ ᠪᠠᠷ ᠨᠢᠭᠡ ᠨᠢᠭᠡ | ᠦᠷᠳᠡᠭᠡ ᠪᠠᠷ ᠶᠠᠪᠣᠨᠠ᠃ | ᠬᠡᠵᠢᠶᠡ ᠪᠣᠭᠤ ᠶᠢ ᠶᠠᠪᠣᠬᠤ ᠵᠠᠮ ᠦᠭᠡᠢ ᠪᠣᠯᠳᠠᠯᠠ ᠰᠢᠬᠠᠵᠣ ᠲᠠᠯᠪᠢᠪᠠᠯ ᠢᠯᠠᠭᠰᠠᠨ ᠢᠶᠠᠷ ᠪᠣᠳᠣᠨᠠ᠃ ᠭᠡᠷᠪᠡ | ᠬᠦᠯᠦᠭ ᠨᠢ ᠢᠳᠡᠭᠳᠡᠭᠰᠡᠭᠡᠷ ᠨᠦᠬᠦᠭᠡ ᠡᠳᠡᠭᠡᠳ ᠤᠨ ᠪᠣᠭᠤ ᠶᠢ ᠬᠤᠷᠢᠵᠣ ᠴᠢᠳᠠᠬᠤ ᠦᠭᠡᠢ ᠪᠣᠯᠣᠭᠰᠠᠨ ᠪᠠᠶᠢᠪᠠᠯ | ᠪᠣᠭᠤ ᠠᠪᠣᠭᠰᠨᠨ ᠬᠦᠮᠦᠨ ᠢ ᠢᠯᠠᠭᠳᠠᠭᠰᠠᠨ ᠢᠶᠠᠷ ᠪᠣᠳᠣᠨᠠ᠃ | ᠪᠣᠭᠤ ᠶᠢ ᠬᠤᠷᠢᠬᠤ ᠠᠷᠭᠠ᠄ | ᠨᠢᠭᠡᠯᠭᠡᠨ ᠠᠭᠤᠯᠠᠨ ᠳᠤ ᠬᠤᠶᠠᠷ ᠪᠣᠭᠤ ᠶᠢ ᠬᠠᠮᠳᠣ ᠪᠠᠷ ᠬᠤᠷᠢᠬᠤ | ᠬᠤᠶᠠᠷ ᠪᠣᠭᠤ ᠶᠢ ᠬᠤᠶᠠᠷ ᠠᠭᠤᠯᠠᠨ ᠳᠤ ᠲᠣᠰ ᠲᠣᠰ ᠬᠤᠷᠢᠬᠤ | ᠦᠭᠡᠷᠡ ᠦᠷᠳᠡᠭᠡ ᠳᠤ ᠰᠣᠯᠠ ᠬᠤᠷᠢᠬᠤ | ᠴᠢᠶᠠᠨᠳᠠᠰᠠᠯᠠᠨ ᠬᠤᠷᠢᠬᠤ᠂ ᠡᠨᠡ ᠨᠢ ᠬᠤᠶᠠᠷ ᠪᠣᠭᠤ ᠶᠢᠨ ᠬᠤᠭᠤᠷᠣᠨᠳᠣ ᠨᠢᠭᠡ ᠬᠦᠯᠦᠭ ᠣᠷᠣᠭᠰᠠᠨ ᠪᠠᠶᠢᠳᠠᠭ᠃ | ᠬᠠᠮᠤᠭ ᠤᠨ ᠣᠷᠠᠨ ᠣᠬᠠᠭᠠᠨ ᠲᠠᠢ ᠬᠦᠮᠦᠨ ᠪᠣᠯ ᠢᠩᠭᠢᠵᠣ ᠬᠤᠷᠢᠵᠣ ᠴᠢᠳᠠᠳᠠᠭ ᠪᠠᠶᠢᠨᠠ᠃ | | ᠠᠷᠪᠠᠨ ᠬᠤᠶᠠᠷ ᠵᠢᠷᠭᠢᠭᠡ | ᠠᠷᠪᠠᠨ ᠬᠤᠶᠠᠷ ᠵᠢᠷᠭᠢᠭᠡ ᠭᠡᠵᠤ ᠠᠭᠠᠯᠵᠢ ᠶᠢᠨ ᠲᠣᠣᠷ ᠰᠢᠭ᠋ ᠪᠦᠷᠢᠯᠳᠦᠭᠰᠡᠨ ᠲᠦᠴᠢᠨ ᠵᠠᠮ᠂ ᠬᠤᠷᠢᠨ ᠲᠦᠷᠪᠡᠨ | ᠦᠷᠳᠡᠭᠡ ᠲᠠᠢ᠂ ᠬᠤᠶᠠᠷ ᠬᠦᠮᠦᠨ ᠨᠠᠭᠠᠳᠬᠤ ᠪᠦᠭᠡᠳ ᠬᠦᠮᠦᠨ ᠪᠦᠷᠢ ᠠᠷᠪᠠᠨ ᠬᠤᠶᠠᠷ ᠬᠦᠯᠦᠭ ᠠᠪᠬᠤ ᠪᠠᠷ ᠨᠢ | ᠠᠷᠪᠠᠨ ᠬᠤᠶᠠᠷ ᠵᠢᠷᠬᠢᠭᠡ ᠭᠡᠰᠡᠨ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠬᠦᠮᠦᠨ ᠤ ᠣᠢ ᠪᠢᠯᠢᠭ ᠢ ᠬᠦᠭᠵᠢᠭᠦᠯᠦᠨ | ᠪᠠᠶᠠᠯᠢᠭᠵᠢᠭᠤᠯᠬᠤ᠂ ᠣᠶᠣᠨ ᠰᠠᠨᠠᠭᠠ ᠶᠢ ᠨᠡᠭᠡᠭᠡᠭᠳᠡᠭᠦᠯᠬᠦ ᠰᠣᠨᠢᠨ ᠭᠠᠶᠢᠬᠠᠯᠳᠠᠢ ᠨᠠᠭᠠᠳᠣᠮ ᠲᠣᠭᠯᠠᠭᠠᠮ ᠪᠣᠯᠣᠨᠠ᠃ | ᠨᠠᠭᠠᠳᠬᠤ ᠠᠷᠭᠠ ᠪᠠ ᠶᠣᠰᠣ | ᠬᠤᠷᠣᠭᠤ ᠵᠢᠮᠡᠯᠡᠬᠦ ᠪᠣᠶᠣ ᠰᠢᠪᠠᠭᠠ ᠲᠠᠳᠠᠵᠣ ᠡᠭᠡᠯᠵᠢ ᠪᠠᠨ ᠡᠬᠢᠯᠡᠨᠡ᠃ | ᠬᠡᠨ ᠤ ᠬᠢᠨᠢ ᠭᠤᠷᠪᠠᠨ ᠬᠦᠯᠦᠭ ᠨᠢ ᠨᠢᠭᠡ ᠱᠣᠭᠤᠮ ᠳᠠᠬᠢ ᠭᠤᠷᠪᠠᠨ ᠦᠷᠳᠡᠭᠡ ᠶᠢ ᠵᠠᠯᠭᠠᠯᠳᠣᠨ ᠡᠵᠡᠯᠡᠭᠰᠡᠨ | ᠪᠠᠶᠢᠪᠠᠯ ︿︿ᠵᠢᠷᠬᠢᠵᠠᠢ﹀﹀ ᠭᠡᠵᠤ ᠨᠦᠭᠦᠭᠡ ᠡᠳᠡᠭᠡᠳ ᠤᠨ ᠢᠶᠠᠨ ᠴᠢᠬᠤᠯᠠ ᠪᠠᠶᠢᠷᠢ ᠶᠢ ᠡᠵᠡᠯᠡᠵᠣ ᠪᠠᠶᠢᠭᠠ ᠬᠦᠯᠦᠭ ᠢ | ᠨᠢ ᠢᠳᠡᠵᠡᠢ ᠭᠡᠳ ᠠᠪᠴᠣ ᠦᠷᠳᠡᠭᠡ ᠶᠢᠨ ᠬᠠᠵᠠᠭᠤ ᠳᠤ ᠰᠢᠯᠵᠢᠭᠦᠯᠦᠨ ᠲᠠᠯᠪᠢᠨᠠ᠃ | ᠬᠦᠮᠦᠨ ᠪᠦᠷᠢ ᠠᠷᠪᠠᠨ ᠬᠤᠶᠠᠷ ᠬᠦᠯᠦᠭ ᠢᠶᠠᠨ ᠪᠦᠭᠦᠨ ᠢ ᠲᠠᠯᠪᠢᠵᠣ ᠪᠠᠷᠠᠪᠠᠯ᠂ ᠡᠨᠡᠬᠦ ᠢᠳᠡᠭᠳᠡᠭᠡᠳ ᠦᠷᠳᠡᠭᠡ | ᠶᠢᠨ ᠬᠠᠵᠠᠭᠤ ᠳᠠᠬᠢ ᠬᠦᠯᠦᠭ ᠤᠳ ᠢᠶᠠᠨ ᠠᠪᠴᠣ ᠬᠠᠶᠠᠭᠠᠳ ᠦᠯᠡᠳᠡᠵᠣ ᠪᠠᠶᠢᠭᠠ ᠬᠦᠯᠦᠭ ᠢᠶᠠᠷ ᠢᠶᠠᠨ ᠨᠢᠭᠡ ᠨᠢᠭᠡ | ᠦᠷᠳᠡᠭᠡ ᠪᠠᠷ ᠰᠢᠯᠵᠢᠭᠦᠯᠦᠨ ᠠᠪᠴᠢᠷᠠᠵᠣ ︿︿ᠵᠢᠷᠭᠢᠭᠡ﹀﹀ ᠪᠣᠯᠭᠠᠵᠣ ᠨᠦᠭᠦᠭᠡ ᠡᠳᠡᠭᠡᠳ ᠤᠨ ᠢᠶᠠᠨ ᠬᠦᠯᠦᠭ ᠳᠠᠬᠢ | ᠴᠢᠬᠤᠯᠠ ᠪᠠᠶᠢᠷᠢ ᠶᠢ ᠡᠵᠡᠯᠡᠵᠣ ᠪᠠᠶᠢᠭᠠ ᠬᠦᠯᠦᠭ ᠢ ᠢᠳᠡᠨᠡ᠃ | ᠬᠦᠮᠦᠨ ᠤ ︿︿ᠵᠢᠷᠬᠢᠭᠡ﹀﹀ ᠳᠠᠬᠢ ᠬᠦᠯᠦᠭ ᠢ ᠢᠳᠡᠵᠣ ᠪᠣᠯᠬᠤ ᠦᠭᠡᠢ᠃ | ᠬᠦᠮᠦᠨ ᠪᠦᠷᠢ ᠠᠷᠪᠠᠨ ᠬᠤᠶᠠᠷ ᠬᠦᠯᠦᠭ ᠢᠶᠠᠨ ᠲᠠᠯᠪᠢᠵᠣ ᠪᠠᠷᠠᠬᠤ ᠠᠴᠠ ᠡᠮᠦᠨᠡ ᠵᠢᠷᠭᠢᠭᠰᠡᠨ ᠬᠦᠯᠦᠭ ᠤᠨ | ᠣᠷᠣᠨ ᠳᠤ ᠰᠢᠨᠡ ᠬᠦᠯᠦᠭ ᠲᠠᠯᠪᠢᠵᠣ ᠪᠣᠯᠬᠤ ᠦᠭᠡᠢ᠃ | ᠠᠯᠢ ᠨᠢᠭᠡ ᠨᠢ ᠨᠦᠭᠦᠭᠡ ᠡᠳᠡᠭᠡᠳ ᠤᠨ ᠢᠶᠠᠨ ᠬᠦᠯᠦᠭ ᠢ ᠵᠢᠷᠭᠢᠬᠦ ᠲᠡᠩᠬᠡᠭᠡ ᠦᠭᠡᠢ ᠪᠣᠯᠳᠠᠯᠠ ᠢᠳᠡᠭᠰᠡᠨ | ᠪᠠᠶᠢᠪᠠᠯ ᠲᠡᠷᠡ ᠬᠦᠮᠦᠨ ᠢ ᠢᠯᠠᠭᠰᠠᠨ ᠢᠶᠠᠷ ᠪᠣᠳᠣᠨᠠ᠃ | | ᠵᠠᠯᠭᠠᠯᠳᠣᠭᠰᠨᠨ ᠭᠤᠷᠪᠠᠨ ᠰᠢᠪᠠᠭᠠ ᠵᠢᠷᠭᠢᠭᠡ | ᠵᠠᠯᠭᠠᠯᠳᠣᠭᠰᠠᠨ ᠭᠤᠷᠪᠠᠨ ᠰᠢᠪᠠᠭᠠ ᠵᠢᠷᠭᠢᠭᠡ ᠶᠢ ᠭᠤᠷᠪᠠᠨ ᠬᠦᠮᠦᠨ ᠨᠠᠭᠠᠳᠳᠠᠭ᠃ ᠮᠦᠨᠴᠦ ᠣᠷᠠᠨ ᠣᠬᠠᠭᠠᠨ᠂ | ᠰᠡᠳᠬᠢᠵᠣ ᠰᠢᠨᠵᠢᠬᠦ ᠮᠡᠷᠭᠡᠵᠢᠯ ᠢ ᠲᠡᠭᠡᠭᠰᠢᠯᠡᠭᠦᠯᠳᠡᠭ ᠣᠷᠠᠨ ᠲᠣᠭᠯᠠᠭᠠᠮ ᠪᠣᠯᠣᠨᠠ᠃ | ᠨᠠᠭᠠᠳᠬᠤ ᠠᠷᠭᠠ᠄ | ᠬᠦᠮᠦᠨ ᠪᠦᠷᠢ ᠳᠤ ᠭᠤᠷᠪᠠᠨ ᠰᠢᠪᠠᠭᠠ ᠲᠠᠢ᠂ ᠲᠠᠪᠣᠨ ᠦᠨᠳᠡᠭᠡ ᠲᠠᠢ ︵ᠨᠢᠭᠡ ᠵᠦᠢᠯ ᠤᠨ ᠶᠠᠭᠤᠮᠠ ᠪᠠᠷ | ᠣᠷᠣᠯᠠᠨᠠ︶᠃ | ᠨᠡᠶᠢᠳᠡ ᠶᠢᠰᠦᠨ ᠰᠢᠪᠠᠭᠠ ᠶᠢ ︵3.6.9︶᠂ ︵2.5.8︶᠂ ︵1.4.7︶ ᠭᠡᠵᠤ ᠭᠤᠷᠪᠠᠨ ᠪᠦᠯᠦᠭ | ᠬᠤᠪᠢᠶᠠᠵᠣ᠂ ᠭᠤᠷᠪᠠᠨ ᠬᠦᠮᠦᠨ ᠰᠢᠪᠠᠭᠠ ᠲᠠᠳᠠᠵᠣ ᠢᠯᠠᠭᠰᠠᠨ ᠲᠠᠷᠠᠭᠠ ᠪᠠᠷ ᠢᠶᠠᠨ ᠡᠨᠡᠬᠦ ᠭᠤᠷᠪᠠᠨ ᠪᠦᠯᠦᠭ ᠲᠤᠭᠠ | ᠶᠢ ᠢᠯᠭᠠᠵᠣ ᠠᠪᠣᠨᠠ᠃ | ᠲᠡᠭᠡᠭᠡᠳ ᠲᠣᠰ ᠪᠦᠷᠢ ᠪᠡᠶᠡ ᠪᠡᠶᠡ ᠶᠢᠨ ᠢᠶᠠᠨ ᠪᠠᠶᠢᠳᠠᠯ ᠲᠦᠯᠦᠪ᠂ ᠴᠢᠷᠠᠢ ᠶᠢᠨ ᠢᠯᠡᠷᠡᠯ ᠢ ᠦᠵᠡᠵᠣ ᠪᠠᠶᠢᠭᠠᠳ | ᠰᠢᠪᠠᠭᠠ ᠪᠠᠨ ᠭᠠᠷᠭᠠᠵᠣ᠂ ᠬᠠᠮᠳᠣ ᠪᠠᠷ ᠭᠠᠷ ᠢᠶᠠᠨ ᠲᠡᠯᠭᠡᠵᠣ᠂ ᠭᠤᠷᠪᠠᠨ ᠬᠦᠮᠦᠨ ᠤ ᠰᠢᠪᠠᠭᠠ ᠶᠢᠨ ᠲᠤᠭᠠ ᠶᠢᠨ | ᠨᠡᠶᠢᠯᠡᠪᠦᠷ ᠨᠢ ᠬᠡᠨ ᠬᠦᠮᠦᠨ ᠤ ᠬᠤᠪᠢᠶᠠᠨ ᠠᠪᠣᠭᠰᠠᠨ ᠲᠤᠭᠠ ᠲᠠᠢ ᠲᠣᠬᠢᠶᠠᠯᠳᠣᠭᠰᠠᠨ ᠪᠣᠯ ᠲᠡᠷᠡ ᠬᠦᠮᠦᠨ ᠬᠦᠯᠦᠭ | ᠢᠶᠠᠨ ᠨᠢᠭᠡ ᠦᠷᠳᠡᠭᠡ ᠶᠠᠪᠣᠨᠠ᠃ ᠨᠡᠶᠢᠳᠡ ᠠᠷᠪᠠᠨ ᠨᠢᠭᠡᠨ ᠦᠷᠳᠡᠭᠡ ᠪᠣᠯᠣᠨᠠ᠃ | ᠬᠡᠨ ᠬᠦᠮᠦᠨ ᠠᠭᠤᠯᠠᠨ ᠤ ᠣᠷᠣᠢ ᠲᠡᠭᠡᠷᠡ ᠣᠷᠢᠳᠴᠢᠯᠠᠨ ᠭᠠᠷᠪᠠᠯ ᠭᠡᠷ ᠲᠣᠳᠣᠷᠠ ᠪᠠᠨ ᠨᠢᠭᠡ ᠦᠨᠳᠡᠭᠡ | ᠲᠦᠷᠦᠨᠡ᠃ ᠦᠨᠳᠡᠭᠡ ᠪᠠᠨ ᠲᠦᠷᠦᠬᠦ ᠦᠶᠡ ᠳᠤ ᠪᠠᠨ ᠲᠠᠬᠢᠶᠠ ᠦᠨᠳᠡᠭᠡ ᠲᠦᠷᠦᠵᠣ ᠪᠠᠶᠢᠭᠠ ᠮᠡᠳᠦ ᠭᠤᠳᠠᠶᠢᠯᠠᠨᠠ | ᠃ | ᠬᠡᠨ ᠬᠦᠮᠦᠨ ᠤ ᠬᠦᠯᠦᠭ ᠨᠢ ᠣᠷᠣᠭᠰᠢ ᠶᠠᠪᠣᠵᠣ ᠪᠠᠶᠢᠭᠠᠳ ᠬᠤᠳᠳᠤᠭ ᠦᠷᠳᠡᠭᠡ ᠳᠤ ᠪᠠᠶᠢᠵᠣ ᠪᠠᠶᠢᠳᠠᠯᠠ | ᠦᠭᠡᠷᠡ ᠬᠦᠮᠦᠨ ᠤ ᠬᠦᠯᠦᠭ ᠨᠢ ᠰᠢᠯᠵᠢᠵᠣ ᠢᠷᠡᠭᠡᠳ ᠲᠡᠭᠦᠨ ᠲᠡᠭᠡᠷᠡ ᠨᠢ ᠲᠠᠪᠬᠤᠷᠯᠠᠪᠠᠯ ᠲᠡᠷᠡ ᠲᠠᠷᠣᠭᠳᠠᠭᠰᠠᠨ | ᠬᠦᠯᠦᠭ ᠨᠢ ᠨᠢᠭᠡ ᠡᠭᠡᠯᠵᠢ ᠬᠦᠯᠢᠶᠡᠨᠡ᠃ | ᠬᠡᠨ ᠬᠦᠮᠦᠨ ᠨᠢ ᠲᠠᠪᠣᠨ ᠦᠨᠳᠡᠭᠡ ᠪᠠᠨ ᠣᠷᠢᠳᠴᠢᠯᠠᠨ ᠲᠦᠷᠦᠵᠣ ᠪᠠᠷᠠᠪᠠᠯ ᠲᠡᠷᠡ ᠬᠦᠮᠦᠨ ᠨᠢ ᠢᠯᠠᠵᠣ | ᠨᠣᠶᠠᠨ ᠪᠣᠯᠣᠨᠠ᠃ | ᠣᠷᠢᠳᠴᠢᠯᠠᠨ ᠲᠦᠷᠦᠵᠣ ᠪᠠᠷᠠᠭᠰᠠᠨ ᠬᠦᠮᠦᠨ ᠤ ᠪᠠᠨ ᠰᠢᠪᠠᠭᠠ ᠪᠠ ᠬᠤᠪᠢᠶᠠᠨ ᠣᠯᠣᠭᠰᠠᠨ ᠲᠤᠭᠠ ᠶᠢ | ᠦᠯᠡᠳᠡᠭᠰᠡᠨ ᠬᠤᠶᠠᠷ ᠬᠦᠮᠦᠨ ᠨᠢ ᠬᠤᠪᠢᠶᠠᠨ ᠠᠪᠴᠣ ᠦᠷᠬᠦᠯᠵᠢᠯᠨᠨ ᠨᠠᠭᠠᠳᠴᠣ ᠢᠯᠠᠭᠰᠠᠨ ᠨᠢ ᠲᠦᠰᠢᠮᠡᠯ | ᠪᠣᠯᠣᠨᠠ᠂ ᠨᠦᠭᠦᠭᠡ ᠢ ᠪᠣᠭᠤᠯ ᠪᠣᠯᠣᠨᠠ᠃ | ᠨᠣᠶᠠᠨ ᠨᠢ ᠪᠣᠭᠤᠯ ᠢ ᠶᠠᠭᠠᠬᠢᠵᠣ ᠰᠢᠢᠳᠭᠡᠨᠡ ᠭᠡᠪᠡᠯ ᠲᠡᠷᠡ ᠶᠣᠰᠣ ᠪᠠᠷ ᠪᠡᠶᠡᠯᠡᠭᠦᠯᠦᠨᠡ᠃ ᠬᠡᠷᠪᠡ ᠭᠠᠷ ᠤᠨ | ᠠᠯᠠᠭᠠ ᠶᠢ ᠨᠢ ᠬᠡᠳᠦ ᠴᠣᠬᠢ ᠭᠡᠪᠡᠯ ᠲᠦᠰᠢᠮᠡᠯ ᠨᠢ ᠬᠡᠯᠡᠭᠰᠡᠨ ᠶᠣᠰᠣᠭᠠᠷ ᠭᠦᠢᠴᠡᠳᠭᠡᠨᠡ᠃ ᠢᠮᠠᠭᠠ ᠪᠣᠯ ᠭᠡᠪᠡᠯ | ᠢᠮᠠᠭᠠ ᠮᠡᠳᠦ ᠮᠠᠶᠢᠯᠠᠨᠠ᠃ ᠶᠠᠮᠠᠷ ᠠᠮᠢᠳᠠᠨ ᠪᠣᠯ ᠭᠡᠪᠡᠯ ᠶᠠᠮᠠᠷ ᠠᠮᠢᠳᠠᠨ ᠢ ᠲᠠᠭᠤᠷᠢᠶᠠᠨᠠ᠃ | | ᠦᠮᠦᠳᠦᠨ ᠠᠯᠠ ᠶᠢᠨ ᠵᠢᠷᠭᠢᠭᠡ | ᠦᠮᠦᠳᠦᠨ ᠠᠯᠠ ᠶᠢᠨ ᠵᠢᠷᠬᠢᠭᠡ ᠶᠢ ᠬᠤᠶᠠᠷ ᠬᠦᠮᠦᠨ ᠨᠠᠭᠠᠳᠳᠠᠭ᠃ ᠨᠢᠭᠡ ᠬᠦᠮᠦᠨ ᠬᠤᠶᠠᠷᠬᠠᠨ ᠬᠦᠯᠦᠭ ᠲᠠᠢ᠂ | ᠶᠠᠪᠣᠬᠤ ᠵᠠᠮ ᠨᠢ ᠲᠣᠯᠣᠭᠠᠬᠠᠨ ᠪᠣᠯᠪᠠᠴᠣ ᠮᠠᠰᠢ ᠨᠠᠷᠢᠨ ᠣᠬᠠᠭᠠᠨ ᠬᠡᠷᠡᠭᠯᠡᠨ ᠪᠠᠶᠢᠵᠣ ᠨᠦᠬᠦᠭᠡ ᠡᠳᠡᠭᠡᠳ ᠤᠨ ᠢᠶᠠᠨ | ᠬᠦᠯᠦᠭ ᠢ ᠬᠤᠷᠢᠵᠣ ᠲᠡᠶᠢᠯᠦᠨᠡ᠃ ᠪᠠᠰᠠ ᠴᠦ ᠬᠦᠮᠦᠰ ᠤᠨ ᠣᠶᠣᠨ ᠣᠬᠠᠭᠠᠨ ᠰᠡᠳᠬᠢᠬᠦ ᠴᠢᠳᠠᠪᠣᠷᠢ ᠶᠢ | ᠲᠡᠭᠡᠭᠰᠢᠯᠡᠭᠦᠯᠬᠦ ᠨᠠᠭᠠᠳᠣᠮ ᠲᠣᠭᠯᠠᠭᠠᠮ ᠪᠣᠯᠣᠨᠠ᠃ | ᠦᠮᠦᠳᠦᠨ ᠠᠯᠠ ᠶᠢᠨ ᠵᠢᠷᠬᠢᠭᠡ ᠶᠢ ᠨᠠᠭᠠᠳᠬᠤ ᠶᠣᠰᠣ᠄ | ᠬᠤᠶᠠᠷ ᠬᠦᠮᠦᠨ ᠵᠢᠷᠭᠢᠭᠡ ᠶᠢᠨ ᠢᠶᠠᠨ ᠬᠤᠶᠠᠷ ᠲᠠᠯᠠ ᠳᠤ ᠡᠰᠡᠷᠭᠦᠯᠡᠨ ᠰᠠᠭᠤᠵᠣ᠂ ᠬᠦᠯᠦᠭ ᠢᠶᠠᠨ ᠲᠣᠰ ᠲᠣᠰ | ᠵᠠᠬᠠ ᠦᠷᠳᠡᠭᠡ ᠪᠠ ᠴᠣᠷᠯᠠᠩ ᠦᠷᠳᠡᠭᠡ ᠳᠤ ᠲᠠᠯᠪᠢᠨᠠ᠃ | ᠬᠤᠷᠣᠭᠤ ᠵᠢᠮᠡᠯᠵᠣ ᠡᠬᠢᠯᠡᠨ ᠶᠠᠪᠣᠬᠤ ᠡᠭᠡᠯᠵᠢ ᠪᠠᠨ ᠰᠣᠩᠭᠤᠵᠣ ᠡᠭᠡᠯᠵᠢᠯᠡᠨ ᠶᠠᠪᠣᠨᠠ᠃ | ᠡᠬᠢᠯᠡᠨ ᠶᠠᠪᠣᠬᠤ ᠳᠤ ᠪᠠᠨ ᠵᠠᠪᠠᠯ ᠵᠠᠬᠠ ᠦᠷᠳᠡᠭᠡ ᠶᠢᠨ ᠬᠦᠯᠦᠭ ᠢᠶᠠᠨ ᠶᠠᠪᠣᠬᠤ ᠬᠡᠷᠡᠭᠳᠡᠢ᠃ | ᠬᠡᠨ ᠨᠢᠭᠡ ᠨᠢ ᠨᠦᠭᠦᠭᠡ ᠬᠦᠮᠦᠨ ᠤ ᠪᠠᠨ ᠬᠤᠶᠠᠷ ᠬᠦᠯᠦᠭ ᠢ ᠬᠠᠰᠢᠵᠣ᠂ ᠶᠠᠪᠣᠬᠤ ᠵᠠᠮ ᠦᠭᠡᠢ ᠪᠣᠯᠭᠠᠪᠠᠯ | ᠲᠡᠭᠦᠨ ᠢ ᠢᠯᠠᠭᠰᠠᠨ ᠢᠶᠠᠷ ᠪᠣᠳᠣᠨᠠ᠃ | | ᠯᠠᠩᠳᠣ ᠶᠢᠨ ᠵᠢᠷᠭᠢᠭᠡ | ᠯᠠᠩᠳᠣ ᠶᠢᠨ ᠵᠢᠷᠭᠢᠭᠡ ᠭᠡᠵᠤ ᠬᠤᠶᠠᠷ ᠬᠦᠮᠦᠨ ᠤ ᠨᠠᠭᠠᠳᠣᠮ ᠪᠣᠯᠣᠨᠠ᠃ ᠬᠦᠮᠦᠨ ᠪᠦᠷᠢ ᠳᠤ ᠭᠤᠷᠪᠠᠨ ᠬᠦᠯᠦᠭ | ᠲᠠᠢ᠂ ᠶᠠᠪᠣᠬᠤ ᠠᠴᠠ ᠵᠢᠷᠭᠤᠭᠠᠨ ᠦᠷᠳᠡᠭᠡ ᠲᠠᠢ ᠭᠤᠷᠪᠠᠨ ᠭᠡᠷ ᠭᠡᠵᠤ ᠪᠠᠶᠢᠳᠠᠭ᠃ ᠨᠡᠶᠢᠳᠡ ᠶᠢᠰᠦᠨ ᠵᠠᠮ ᠲᠠᠢ᠃ | ᠨᠠᠭᠠᠳᠬᠤ ᠠᠷᠭᠠ ᠢ᠄ ᠬᠤᠶᠠᠷ ᠬᠦᠮᠦᠨ ᠡᠰᠡᠷᠭᠦᠯᠡᠨ ᠰᠠᠭᠤᠵᠣ ᠵᠢᠷᠬᠢᠭᠡ ᠶᠢᠨ ᠢᠶᠠᠨ ᠬᠤᠶᠠᠷ ᠵᠠᠬᠠ ᠶᠢᠨ ᠵᠠᠭᠠᠮᠠ | ᠦᠷᠳᠡᠭᠡ᠂ ᠪᠦᠰᠡᠯᠡᠭᠦᠷ ᠦᠷᠳᠡᠭᠡ᠂ ᠭᠡᠷ ᠦᠷᠳᠡᠭᠡ ᠳᠤ ᠲᠣᠰ ᠲᠣᠰ ᠭᠤᠷᠪᠠᠨ ᠬᠦᠯᠦᠭ ᠢᠶᠠᠨ ᠲᠣᠬᠢᠷᠠᠭᠤᠯᠣᠨ | ᠲᠠᠯᠪᠢᠨᠠ᠃ | ᠠᠩᠬᠠ ᠣᠳᠠᠭᠠ ᠶᠢᠨ ᠨᠠᠭᠠᠳᠣᠮ ᠳᠤ ᠬᠤᠷᠣᠭᠤ ᠭᠠᠷᠭᠠᠵᠣ ᠢᠯᠠᠭᠰᠠᠨ ᠬᠦᠮᠦᠨ ᠨᠢ ᠣᠷᠢᠳᠠᠪᠠᠷ ᠶᠠᠪᠣᠨᠠ᠃ | ᠲᠠᠷᠠᠭᠠ ᠣᠳᠠᠭᠠ ᠶᠢᠨ ᠨᠠᠭᠠᠳᠣᠮ ᠳᠤ ᠲᠡᠶᠢᠯᠦᠭᠳᠡᠭᠰᠡᠨ ᠬᠦᠮᠦᠨ ᠣᠷᠢᠳᠠᠪᠠᠷ ᠶᠠᠪᠣᠨᠠ᠃ | ᠨᠠᠭᠠᠳᠬᠤ ᠶᠣᠰᠣ᠄ ᠬᠤᠶᠠᠷ ᠬᠦᠮᠦᠨ ᠡᠭᠡᠯᠵᠢᠯᠡᠨ ᠶᠠᠪᠣᠵᠣ ᠭᠡᠨ ᠨᠢᠭᠡ ᠨᠢ ᠨᠦᠭᠦᠭᠡ ᠡᠳᠡᠭᠡᠳ ᠤᠨ ᠢᠶᠠᠨ | ᠬᠦᠯᠦᠭ ᠢ ᠭᠡᠷ ᠦᠷᠳᠡᠭᠡ ᠳᠤ ᠰᠢᠬᠠᠨ ᠬᠤᠷᠢᠨᠠ᠃ ᠬᠡᠨ ᠨᠢᠭᠡ ᠨᠢ ᠨᠦᠭᠦᠭᠡ ᠡᠳᠡᠭᠡᠳ ᠤᠨ ᠢᠶᠠᠨ ᠭᠤᠷᠪᠠᠨ | ᠬᠦᠯᠦᠭ ᠢ ᠭᠡᠷ ᠦᠷᠳᠡᠭᠡ ᠳᠤ ᠰᠢᠬᠠᠨ ᠠᠪᠠᠴᠢᠵᠣ ᠬᠤᠷᠢᠵᠣ ᠲᠠᠯᠪᠢᠪᠠᠯ ᠲᠡᠷᠡ ᠬᠦᠮᠦᠨ ᠢ ᠢᠯᠠᠭᠰᠠᠨ ᠢᠶᠠᠷ ᠪᠣᠳᠣᠨᠠ | ᠃ | ᠬᠡᠳᠦᠶᠢᠪᠡᠷ ᠰᠣᠯᠠ ᠦᠷᠳᠡᠭᠡ ᠨᠢ ᠭᠤᠷᠪᠠᠭ᠋ᠠᠨ ᠪᠠᠶᠢᠳᠠᠭ ᠴᠦ ᠣᠷᠠᠨ ᠮᠡᠷᠭᠡᠵᠢᠯ ᠣᠷᠣᠬᠤ ᠶᠤᠮ᠃ | | |