| —— ᠲᠤ᠋ ᠬᠦᠭᠵᠢᠳᠦ | | | ᠦᠨᠦᠳᠦᠷ ᠪᠢ ︽ᠦᠨᠢᠷ ᠴᠡᠴᠡᠭ︾ ᠬᠤᠷᠢᠶᠠ ᠳᠤ ᠰᠤᠷᠤᠭᠴᠢ ᠶᠢᠨ ᠢᠶᠠᠨ ᠵᠤᠬᠢᠶᠠᠯ ᠢ ᠭᠤᠪᠢᠭᠤᠯᠬᠤ ᠪᠠᠷ | ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠶᠢᠳᠦ ᠬᠤᠰᠢᠭᠤᠨ ᠤ ︽ᠶᠤᠸᠠᠨ ᠲᠦᠩ︾ ᠲᠦᠷᠭᠡᠨ ᠬᠦᠷᠭᠡᠯᠳᠡ ᠶᠢᠨ ᠦᠷᠳᠡᠭᠡᠨ | ᠳᠤ ᠬᠦᠷᠦᠯᠡ᠂ ᠬᠢᠴᠢᠶᠡᠯᠯᠡᠬᠦ ᠴᠠᠭ ᠤᠨ ᠬᠢᠵᠠᠭᠠᠷᠯᠠᠯ ᠳᠤᠤᠷᠠ ᠪᠢ ᠶᠠᠭᠠᠷᠤᠨ ᠰᠠᠨᠳᠤᠷᠴᠦ ︽ᠡᠭᠦᠷᠭᠡ︾ ᠪᠠᠨ | ᠪᠡᠶᠡᠯᠡᠭᠦᠯᠦᠯᠡ᠃ ᠮᠠᠰᠢᠨ ᠤ ᠬᠤᠷᠳᠦ ᠶᠢ ᠲᠠᠷᠤᠭᠰᠠᠨ ᠲᠡᠭᠡᠷᠡ ᠨᠢ ᠲᠠᠷᠤᠵᠦ ᠡᠩᠬᠦᠯ ᠲᠤᠩᠬᠤᠯ ᠵᠠᠮ ᠢᠶᠠᠷ ᠠᠶᠠᠯᠠᠬᠤ | ᠲᠤᠮᠳᠠ ᠭᠡᠨᠡᠳᠳᠡ ᠭᠠᠷ ᠤᠲᠠᠰᠦ ᠮᠢᠨᠢ ᠲᠤᠤᠭᠠᠷᠤᠯᠠ᠂ ︽ᠪᠠᠰᠠ ᠯᠠ ᠠᠯᠢ ᠨᠢᠭᠡ ᠲᠠᠮᠰᠢᠭ ᠴᠢᠯᠦᠭᠡ ᠭᠤᠶᠤᠬᠤ ᠯᠠ | ᠪᠢᠯᠠ︾ ᠭᠡᠵᠦ ᠠᠭᠤᠷᠯᠠᠵᠦ ᠤᠲᠠᠰᠦ ᠨᠡᠭᠡᠭᠡᠳᠡᠯᠡ ︽ᠪᠢ ᠪᠤᠯ ᠶᠤᠸᠠᠨ ᠲᠤᠩ᠂ ᠲᠠᠨ ᠤ ᠭᠤᠴᠢᠨ ᠬᠤᠶᠠᠷ | ᠲᠦᠭᠦᠷᠢᠭ ᠢᠶᠠᠨ ᠠᠪᠠᠴᠢᠭᠠᠳᠤᠢ︾ ᠭᠡᠳᠡᠭ ᠢ ᠰᠤᠨᠤᠰᠤᠭᠠᠳ ᠪᠢ ᠴᠢᠨᠢ ᠮᠠᠰᠢᠨ ᠤ ᠪᠠᠨ ᠠᠯᠢ ᠶᠢ ᠨᠢ ᠲᠡᠮᠳᠡᠷᠢᠬᠦ | ᠪᠠᠨ ᠤᠯᠵᠦ ᠶᠠᠳᠠᠨ ᠶᠠᠮᠠᠷ ᠨᠢᠭᠡᠨ ᠬᠠᠯᠠᠭᠤᠨ ᠤᠷᠤᠰᠬᠠᠯ ᠨᠢᠷᠤᠭᠤᠨ ᠭᠤᠤᠯ ᠢᠶᠠᠷ ᠨᠢᠯ ᠭᠡᠪᠡ᠃ | ᠤᠷᠪᠠᠵᠦ ᠬᠠᠷᠠᠬᠤ ᠶᠢ ᠴᠦ ᠮᠡᠳᠡᠷᠡᠳᠡᠭ ᠦᠭᠡᠢ ᠶᠢᠷᠳᠡᠨᠴᠦ ᠭᠡᠵᠦ ᠪᠢ ᠦᠪᠡᠷ ᠢ ᠪᠠᠨ ᠡᠷᠢᠵᠦ ᠤᠯᠬᠤ ᠦᠭᠡᠢ | ᠴᠠᠭ ᠦᠶᠡ ᠳᠤ ᠨᠢᠷᠤᠭᠤᠨ ᠭᠤᠤᠯ ᠨᠢᠯ ᠭᠡᠬᠦ ᠤᠨᠴᠠᠭᠠᠢ ᠪᠢᠰᠢ᠃1990 ᠤᠨ ᠳᠤ ᠪᠢᠯᠡ᠃ ᠡᠴᠢᠭᠡ ᠮᠢᠨᠢ | ᠡᠪᠡᠳᠴᠢᠨ ᠬᠦᠨᠳᠦ ᠪᠠᠶᠢᠵᠦ᠂ ᠡᠵᠢ ᠮᠢᠨᠢ ᠬᠦᠳᠡᠭᠡ ᠠᠶᠢᠯ ᠤᠨ ᠪᠦᠰᠡᠭᠦᠢ ᠲᠤᠯᠠ ᠰᠢᠨᠡᠯᠡᠬᠦ ᠶᠢᠨ ᠦᠶᠡ ᠵᠤᠭᠤᠰ | ᠭᠡᠵᠦ ᠠᠷᠪᠠᠨ ᠲᠦᠭᠦᠷᠢᠭ ᠳᠤ ᠯᠠ ᠡᠷᠬᠢᠯᠳᠦᠵᠦ᠂ ᠰᠢᠨᠡᠯᠡᠬᠦ ᠶᠢ ᠪᠢᠳᠡ ᠪᠦᠭᠦᠳᠡᠭᠡᠷ ᠨᠢᠳᠦ ᠪᠠᠨ ᠠᠨᠢᠵᠦ ᠦᠩᠭᠡᠷᠭᠡᠬᠦ | ᠠᠴᠠ ᠪᠤᠴᠠᠬᠤ ᠦᠭᠡᠢ ᠪᠠᠶᠢᠯᠠ᠃ ᠨᠢᠭᠡ ᠡᠳᠦᠷ ᠡᠵᠢ ᠮᠢᠨᠢ ᠠᠶᠢᠯ ᠤᠨ ᠨᠠᠭᠠᠴᠦ ᠠᠪᠤ ᠠᠴᠠ ᠬᠤᠷᠢᠨ ᠲᠦᠭᠦᠷᠢᠭ | ᠵᠢᠭᠡᠯᠡᠵᠦ ᠰᠢᠨᠡ ᠵᠢᠯ ᠳᠤ ᠨᠡᠮᠡᠷᠢ ᠪᠤᠯᠭᠠᠬᠤ ᠪᠠᠷ ᠪᠤᠯᠤᠯᠠ᠃ ᠪᠢ ᠴᠢᠨᠢ ᠪᠠᠶᠠᠷᠯᠠᠵᠦ ᠬᠤᠷᠢᠨ ᠲᠦᠭᠦᠷᠢᠭ ᠪᠠᠨ | ᠡᠪᠦᠷᠯᠡᠵᠦ ᠠᠶᠢᠯ ᠳᠤ ᠪᠠᠶᠢᠭᠠ ᠴᠤᠷᠢ ᠶᠢᠨ ᠭᠠᠭᠴᠠ ᠲᠡᠯᠭᠡᠭᠦᠷ ᠳᠤ ᠬᠦᠷᠦᠯᠡ᠃ ᠪᠠᠶᠠᠷᠯᠠᠬᠤ ᠳᠠᠭᠠᠨ ᠠᠷᠪᠠᠨ | ᠲᠦᠭᠦᠷᠢᠭ ᠪᠠᠨ ᠭᠠᠷᠳᠠᠭᠤᠯᠵᠦ ᠰᠢᠲᠠᠭᠠᠬᠤ ᠴᠠᠭᠠᠰᠦ᠂ ᠰᠢᠬᠢᠷ ᠵᠡᠷᠭᠡ ᠠᠴᠠ ᠠᠷᠪᠠᠨ ᠲᠦᠭᠦᠷᠢᠭ ᠰᠢᠬᠠᠮ | ᠬᠤᠳᠠᠯᠳᠤᠨ ᠠᠪᠬᠤ ᠳᠤ ᠠᠶᠢᠯ ᠤᠨ ᠲᠠᠨᠢᠯ ᠶᠤᠮ ᠴᠢᠨᠢ ᠠᠪᠴᠢᠷᠠᠵᠦ ᠦᠭᠬᠦ ᠭᠡᠲᠡᠯᠡ ᠮᠢᠨᠦ ᠭᠠᠷ ᠲᠤ | ᠬᠤᠴᠤᠷᠤᠭᠰᠠᠨ ᠠᠷᠪᠠᠨ ᠲᠦᠭᠦᠷᠢᠭ ᠢ ᠬᠠᠷᠠᠭᠠᠳ ︽ᠴᠢ ᠴᠢᠨᠢ ᠵᠤᠭᠤᠰ ᠪᠠᠨ ᠦᠭᠭᠦᠭᠡᠳᠦᠢ ᠰᠢᠳᠡ︾ ᠭᠡᠵᠦ ᠬᠡᠯᠡᠬᠦ | ᠶᠢ ᠨᠢ ᠰᠤᠨᠤᠰᠤᠭᠠᠳ ᠪᠢ ᠴᠢᠨᠢ ᠠᠭᠤᠷᠯᠠᠬᠤ ᠶᠢᠨ ᠲᠤᠶᠢᠯ ᠬᠦᠷᠴᠦ ᠬᠡᠷᠡᠭᠦᠯ ᠪᠤᠯᠴᠢᠬᠠᠯᠠ᠃ ᠠᠶᠢᠯ ᠤᠨ ᠬᠦᠮᠦᠰ | ᠪᠦᠷ ᠴᠤᠭᠯᠠᠷᠠᠯᠠ᠂ ᠬᠡᠨ ᠨᠢ ᠵᠦᠪ ᠪᠤᠷᠤᠭᠤ ᠶᠢ ᠮᠡᠳᠡᠬᠦ ᠦᠭᠡᠢ ᠯᠡ ᠴᠠᠭ ᠲᠤ ᠬᠦᠮᠦᠰ ᠠᠯᠮᠠᠶᠢᠷᠠᠨ ᠬᠠᠷᠠᠬᠤ ᠠᠴᠠ | ᠠᠪᠤᠷᠠᠭᠰᠠᠨ ᠬᠦᠮᠦᠨ ᠦᠭᠡᠢ᠃ ᠡᠴᠦᠰ ᠲᠡᠭᠡᠨ ᠪᠢ ᠪᠠᠰᠠ ᠯᠠ ᠠᠯᠠᠭᠠᠨ ᠳᠠᠬᠢ ᠠᠷᠪᠠᠨ ᠲᠦᠭᠦᠷᠢᠭ ᠢᠶᠠᠨ | ᠲᠤᠰᠢᠶᠠᠯᠠ᠃ ᠮᠢᠨᠦ ᠠᠮᠢᠰᠬᠤᠯ ᠪᠦᠭᠯᠡᠷᠡᠬᠦ ᠰᠢᠬᠠᠯᠠ᠂ ᠬᠠᠮᠤᠭ ᠠᠩᠬᠠᠨ ᠤ ᠠᠮᠢᠳᠦ ᠶᠢᠨ ᠰᠡᠭᠦᠷᠡᠰᠦ ᠠᠯᠳᠠᠯᠠ᠂ | ᠤᠯᠠᠨ ᠠᠷᠪᠢᠨ ᠠᠰᠠᠭᠤᠯᠳᠠ ᠶᠢᠨ ᠲᠡᠮᠳᠡᠭ ᠮᠢᠨᠦ ᠤᠢ ᠪᠢᠯᠢᠭ ᠵᠦᠭ ᠴᠤᠪᠤᠷᠠᠯᠠ ᠁ | 1994 ᠤᠨ ᠤ ᠡᠪᠦᠯ ᠶᠤᠮᠰᠠᠨ᠃ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠡᠳ ᠠᠵᠢᠯ ᠬᠦᠯᠢᠶᠡᠵᠦ ᠬᠢᠳᠡᠯ ᠠᠯᠳᠠᠵᠦ | ᠪᠠᠶᠢᠭᠰᠠᠨ ᠨᠢᠴᠦᠭᠦᠨ ᠤᠨ ᠰᠠᠷᠠ ᠳᠤ ᠯᠢᠶᠤᠤᠾᠧ ᠭᠤᠤᠯ ᠢ ᠠᠯᠤᠰᠯᠠᠵᠦ ᠪᠠᠶᠢᠭᠠ ᠲᠦᠷᠪᠡᠳᠦᠭᠡᠷ ᠠᠨᠢᠶᠠ ᠶᠢᠨ ᠬᠢᠨ | ᠳᠠᠭᠠᠨ ᠲᠤᠭᠤᠷᠢᠨ ᠬᠦᠷᠬᠦ ᠪᠠᠷ ᠪᠤᠯᠤᠯᠠ᠃ ᠠᠨᠢᠶᠠ ᠮᠢᠨᠢ ᠵᠢᠵᠢᠭ ᠲᠡᠯᠭᠡᠭᠦᠷ ᠡᠷᠬᠢᠯᠡᠳᠡᠭ ᠢᠶᠠᠨ ᠮᠠᠩᠬᠠᠨ ᠨᠤᠳᠤᠭ | ᠤᠨ ᠮᠠᠨ ᠤ ᠠᠮᠢᠳᠤᠷᠠᠯ ᠠᠴᠠ ᠦᠩᠰᠢᠭ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ ᠶᠤᠮ᠃ ᠬᠦᠷᠦᠭᠰᠡᠨ ᠤ ᠬᠡᠳᠦᠨ ᠡᠳᠦᠷ ᠲᠤ ᠠᠨᠢᠶᠠ | ᠮᠢᠨᠢ ᠬᠠᠯᠠᠭᠤᠨ ᠲᠤᠳᠤᠨᠤᠰᠤᠭ ᠢᠶᠠᠷ ᠲᠠᠶᠢᠯᠡᠨ ᠬᠢᠬᠦ ᠠᠵᠢᠯ ᠦᠭᠡᠢ ᠬᠦᠢᠳᠡᠨ ᠰᠠᠨᠠᠭᠳᠠᠭᠰᠠᠨ ᠲᠡᠷᠡ ᠵᠢᠯ ᠤᠨ | ᠬᠠᠯᠠᠭᠤᠨ ᠲᠤᠷᠠᠳᠬᠠᠯ ᠪᠤᠯᠤᠨ ᠬᠤᠴᠤᠷᠠᠭᠰᠠᠨ ᠪᠠᠶᠢᠯᠠ᠃ ᠭᠡᠪᠡᠴᠦ ᠲᠡᠷᠡ ᠨᠢᠭᠡᠨ ᠬᠡᠷᠡᠭ ᠢ ᠪᠤᠳᠤᠭᠰᠠᠭᠠᠷ ᠪᠢ | ᠤᠳᠤ ᠪᠤᠯᠲᠠᠯᠠ ᠬᠠᠴᠠᠷ ᠮᠢᠨᠢ ᠤᠯᠠᠶᠢᠴᠢᠬᠠᠳᠠᠭ᠃ ᠤᠷᠤᠢ ᠶᠢᠨ ᠬᠤᠭᠤᠯᠠᠨ ᠠᠴᠠ ᠡᠮᠦᠨᠡ ᠠᠨᠢᠶᠠ ᠮᠢᠨᠢ ᠲᠡᠯᠭᠡᠭᠦᠷ | ᠲᠡᠭᠡᠨ ᠪᠠᠷᠠᠭᠠ ᠨᠡᠮᠡᠬᠦ ᠪᠠᠷ ᠵᠧᠩ ᠵᠢᠶᠠ ᠲᠦᠨ ᠠᠴᠠ ᠪᠤᠴᠠᠵᠦ ᠢᠷᠡᠯᠡ᠃ ᠪᠢ ᠡᠪᠦᠯ ᠤᠨ ᠨᠠᠮᠤᠭᠤᠬᠠᠨ ᠪᠦᠷᠦᠢ ᠶᠢ | ᠠᠮᠵᠢᠵᠦ᠂ ᠪᠠᠷᠠᠭᠠ ᠡᠳ᠋ ᠶᠢ ᠨᠢ ᠪᠠᠭᠤᠯᠭᠠᠵᠦ ᠬᠦᠯᠦᠰᠦ ᠴᠢᠬᠠᠷᠠᠳᠠᠯᠠ ᠵᠦᠭᠡᠭᠡᠵᠦ ᠬᠠᠪᠰᠤᠷᠤᠭᠰᠠᠨ ᠲᠤᠬᠢᠶᠠᠯ | ᠳᠠᠭᠠᠨ ᠰᠡᠮᠡᠬᠡᠷ ᠤᠮᠤᠭᠰᠢᠯ ᠪᠤᠯᠵᠦ ᠭᠠᠷᠤᠭᠰᠠᠨ ᠳᠤ ᠭᠡᠨᠡᠳᠳᠡ ᠠᠨᠢᠶᠠ ᠮᠢᠨᠢ ︽ᠬᠦᠶ᠋ᠢ︕ ᠵᠤᠭᠤᠰ ᠤᠨ ᠪᠤᠭᠴᠦ︾ | ᠭᠡᠵᠦ ᠪᠤᠭᠴᠦ ᠪᠠᠨ ᠡᠷᠢᠵᠦ ᠶᠠᠭᠠᠷᠠᠯ ᠪᠤᠯᠤᠯᠠ᠃ ᠪᠠᠷᠠᠭᠠ ᠪᠠᠭᠤᠯᠭᠠᠭᠰᠠᠨ ᠨᠢ ᠪᠢ ᠭᠠᠭᠴᠠᠭᠠᠷ ᠲᠤᠯᠠ ᠪᠢ ᠴᠦ | ᠦᠪᠡᠷ ᠢ ᠪᠠᠨ ᠠᠪᠴᠢᠬᠠᠭᠰᠠᠨ ᠪᠤᠯᠪᠠᠤ ᠭᠡᠵᠦ ᠢᠳᠡᠭᠡᠵᠦ ᠶᠡᠳᠡᠨ᠂ ᠶᠠᠭᠠᠬᠢᠵᠦ ᠪᠤᠳᠤᠭᠰᠠᠨ ᠴᠦ ᠦᠪᠡᠷ ᠢ ᠪᠠᠨ | ᠠᠪᠤᠭᠰᠠᠨ ᠦᠭᠡᠢ ᠪᠠᠶᠢᠬᠤ ᠪᠠᠨ ᠲᠠᠰᠦ ᠨᠤᠳᠠᠯᠠᠪᠠ᠃ ᠭᠡᠪᠡᠴᠦ ᠠᠨᠢᠶᠠ ᠮᠢᠨᠢ ᠵᠠᠮ ᠳᠠᠭᠠᠨ ᠭᠡᠭᠡᠭᠰᠡᠨ ᠭᠡᠵᠦ ᠨᠢᠭᠡᠴᠦ | ᠬᠡᠯᠡᠭᠰᠡᠨ ᠦᠭᠡᠢ ᠪᠦᠭᠡᠳ ᠮᠢᠨᠦ ᠪᠤᠳᠤᠯ ᠠᠴᠠ ᠪᠤᠯᠤᠭᠰᠠᠨ ᠴᠦ ᠪᠠᠶᠢᠬᠤᠪ ᠨᠠᠮᠠ ᠶᠢ ᠰᠡᠵᠢᠭᠯᠡᠭᠰᠡᠨ ᠢ ᠭᠠᠳᠠᠷᠯᠠᠭᠰᠠᠨ | ᠪᠠᠶᠢᠯᠠ᠃ ᠪᠢ ᠠᠵᠢᠯ ᠦᠭᠡᠢ ᠪᠠᠶᠢᠭᠰᠠᠨ ᠠᠴᠠ ᠵᠠᠷᠤᠳᠠᠯ ᠤᠨ ᠮᠦᠩᠭᠦ ᠲᠤᠳᠠᠬᠤ ᠨᠢ ᠯᠠᠪ᠂ ᠡᠭᠦᠨ ᠢ ᠠᠨᠢᠶᠠ ᠶᠢ | ᠪᠠᠭᠳᠠᠭᠠᠭᠰᠠᠨ ᠬᠦᠮᠦᠨ ᠪᠦᠷᠢ ᠪᠦᠷ ᠮᠡᠳᠡᠨᠡ᠃ ᠭᠡᠪᠡᠴᠦ ᠨᠠᠮᠠ ᠠᠴᠠ ᠦᠭᠡᠷᠡ ᠦᠪᠡᠷ ᠤᠨ ᠬᠢᠨ ᠳᠡᠭᠡᠨ | ᠴᠠᠭᠠᠳᠬᠠᠯ ᠬᠢᠬᠦ ᠠᠴᠠ ᠪᠤᠰᠤᠳᠲ᠋ᠠᠶᠢᠳᠬᠤᠷᠠᠯ ᠦᠨᠡᠭᠡᠷ ᠠᠯᠠᠭᠠ ᠪᠤᠯᠵᠠᠢ᠃ ᠡᠪᠦᠯ ᠤᠨ ᠵᠢᠭᠡᠬᠦᠨ ᠢ ᠲᠠᠭᠠᠵᠦ ᠦᠪᠡᠷ | ᠤᠨ ᠢᠯᠡᠭᠦᠬᠡᠨ ᠬᠡᠳᠦ ᠬᠤᠨᠤᠶᠠ ᠭᠡᠰᠡᠨ ᠪᠤᠳᠤᠯ ᠴᠦ ᠲᠠᠰᠦ ᠴᠠᠷᠴᠠᠭᠰᠠᠨ ᠪᠠᠶᠢᠯᠠ᠃ ᠮᠦᠩᠭᠦ ᠲᠠᠢ ᠮᠦᠩᠭᠦ ᠦᠭᠡᠢ | ᠶᠠᠪᠤᠭᠰᠠᠨ ᠬᠤᠵᠢᠮ ᠤᠨ ᠬᠦᠮᠦᠨ ᠤ ᠲᠤᠮᠳᠠ ᠤᠷᠴᠢᠵᠦ ᠵᠤᠷᠴᠢᠭᠰᠠᠨ ᠤᠨ ᠰᠠᠷᠠ ᠯᠠᠪ ᠭᠡᠷᠡᠴᠢᠯᠡᠵᠦ ᠲᠡᠶᠢᠯᠬᠦ ᠶᠤᠮ | ᠃ | ᠬᠤᠵᠢᠮ ᠨᠢ ᠪᠢ ᠬᠤᠰᠢᠭᠤ ᠪᠠᠯᠭᠠᠰᠤᠨ ᠤ ᠮᠤᠩᠭᠤᠯ ᠰᠤᠷᠭᠠᠭᠤᠯᠢ ᠳᠤ ᠡᠷᠬᠢᠯᠡᠭᠴᠢ ᠶᠢᠨ ᠠᠵᠢᠯ ᠲᠠᠢ | ᠪᠤᠯᠤᠭᠰᠠᠨ ᠪᠢ ᠬᠡᠨ ᠶᠠᠭᠤᠨ ᠤ ᠤᠰᠤᠯᠳᠤᠵᠦ ᠶᠠᠪᠤᠭᠠ ᠴᠦ ᠬᠡᠦᠬᠡᠳ ᠲᠤ ᠤᠰᠤᠯᠳᠠᠬᠤ ᠦᠭᠡᠢ ᠭᠡᠰᠡᠨ ᠬᠠᠳᠠᠭᠤ | ᠶᠠᠰᠦᠨ ᠳᠤ ᠰᠢᠩᠭᠡᠭᠰᠡᠨ ᠠᠪᠤᠷᠢ ᠶᠢ ᠮᠢᠨᠢ ᠬᠡᠨ ᠴᠦ ᠭᠡᠳ ᠤᠩᠰᠢᠵᠦ ᠮᠡᠳᠡᠳᠡᠭ ᠪᠤᠯᠵᠡᠢ᠃ ᠭᠡᠪᠡᠴᠦ ᠢᠯᠠᠭᠠ | ᠭᠠᠷᠪᠠᠯ ᠡᠮᠬᠦᠴᠢᠬᠡᠳᠡᠭ ᠬᠤᠪᠳᠤᠭ ᠬᠦᠮᠦᠨ ᠴᠢᠨᠡᠷ ᠤᠨ ᠡᠮᠦᠨᠡ ᠵᠠᠪᠰᠡᠷ ᠵᠠᠢ ᠯᠠ ᠪᠠᠶᠢᠪᠠᠯ ᠵᠦᠭᠡᠷ ᠬᠠᠷᠮᠠᠨ ᠨᠦᠬᠡ | ᠤᠷᠤᠭᠤ ᠪᠠᠨ ᠰᠠᠷᠮᠠᠭᠠᠳ ᠪᠠᠶᠢᠳᠠᠭ ᠬᠠᠵᠠᠭᠤ ᠬᠦᠮᠦᠰ ᠲᠤᠳᠠᠬᠤ ᠦᠭᠡᠢ ᠪᠠᠶᠢᠭᠰᠠᠨ ᠮᠢᠨᠢ ᠲᠡᠮᠡᠭᠡ ᠶᠠᠪᠤᠬᠤ ᠪᠠᠷ | ᠶᠠᠪᠤᠶᠠ ᠭᠡᠰᠡᠨ ᠪᠤᠳᠤᠯ ᠳᠤ ᠰᠢᠩᠭᠡᠷᠡᠳᠡᠭ ᠪᠠᠶᠢᠭᠰᠠᠨ ᠴᠦ ᠪᠢ ᠴᠦ ᠰᠡᠵᠢᠭᠯᠡᠯᠳᠦ ᠡᠳᠡᠭᠡᠳ ᠪᠤᠯᠤᠭᠰᠠᠨ ᠢᠶᠠᠨ ᠤᠯᠵᠦ | ᠮᠡᠳᠡᠭᠰᠡᠨ ᠦᠭᠡᠢ ᠪᠠᠶᠢᠯᠠ᠃ ᠲᠡᠷᠡ ᠨᠢ ᠨᠢᠭᠡᠨ ᠬᠤᠳᠠᠨ ᠤ ᠬᠤᠷᠠᠯ ᠠᠴᠠ ᠪᠤᠯᠤᠭᠰᠠᠨ ᠤᠳᠠᠭᠠ ᠪᠢᠯᠠ᠂ ᠪᠢ | ᠰᠤᠷᠭᠠᠭᠤᠯᠢ ᠶᠢᠨ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠦᠭᠡᠷᠡᠴᠢᠯᠡᠯᠳᠡ ᠶᠢᠨ ᠮᠠᠲ᠋ᠧᠷᠢᠶᠡᠯ ᠢ ᠡᠮᠬᠢᠳᠭᠡᠨᠡ ᠭᠡᠳ ᠬᠠᠭᠠᠰ ᠰᠠᠷᠠ | ᠵᠠᠷᠤᠴᠠᠭᠤᠯᠤᠮᠠᠨᠵᠢᠨ ᠠᠷᠠᠶᠢᠬᠠᠨ ᠲᠠᠭᠤᠰᠬᠠᠵᠦ ᠤᠳᠤᠷᠢᠳᠤᠯᠭᠠ ᠨᠠᠷ ᠢᠶᠠᠷ ᠬᠢᠨᠠᠭᠤᠯᠵᠦ ᠲᠠᠷᠤᠮᠯᠠᠬᠤ ᠪᠠᠷ ᠪᠤᠯᠤᠯᠠ᠃ | ᠵᠠᠬᠢᠷᠤᠯ ᠤᠨ ᠠᠯᠪᠠᠨ ᠭᠡᠷ ᠲᠤ ᠮᠠᠲ᠋ᠧᠷᠢᠶᠠᠯ ᠢᠶᠠᠨ ᠦᠵᠡᠭᠦᠯᠵᠦ ᠲᠠᠷᠤᠮᠯᠠᠬᠤ ᠲᠤᠬᠠᠢ ᠠᠰᠠᠭᠤᠭᠰᠠᠨ ᠳᠤ ᠵᠠᠬᠢᠷᠤᠯ | ᠮᠢᠨᠢ ︽ᠲᠠ ᠲᠠᠷᠤᠮᠯᠠᠬᠤ ᠬᠤᠳᠠᠯᠳᠤᠭᠠᠴᠢᠨ ᠲᠠᠢ ᠰᠠᠶᠢᠬᠠᠨ ᠬᠠᠩᠰᠢ ᠬᠡᠯᠡᠯᠴᠡ︕ ᠰᠠᠶᠢᠬᠠᠨ ᠬᠡᠯᠡᠯᠴᠡᠬᠦ ᠦᠭᠡᠢ ᠪᠤᠯ | ᠦᠨᠡᠳᠦᠭᠡᠳ ᠪᠠᠶᠢᠬᠤ ᠶᠤᠮ︾ ᠭᠡᠳ ᠨᠢᠭᠡ ᠤᠯᠠᠨ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠴᠢᠷᠳᠡᠯ ᠢ ᠶᠠᠷᠢᠵᠦ ᠭᠠᠷᠤᠯᠠ᠃ ᠪᠢ ᠴᠦ | ᠤᠤᠯ ᠠᠴᠠ ᠨᠣᠮᠤᠢ ᠲᠤᠩᠨᠢᠭᠤᠨ ᠪᠠᠶᠢᠳᠠᠭ ᠠᠴᠠ ᠶᠠᠭᠤ ᠶᠢ ᠨᠢ ᠤᠯᠤᠭᠰᠠᠨ ᠦᠭᠡᠢ ᠲᠤᠯᠤᠭᠠᠢ ᠶᠢ ᠭᠡᠬᠢᠯᠵᠡᠭᠰᠡᠨ | ᠲᠡᠭᠡᠷᠡ ᠬᠡᠬᠢᠯᠵᠡᠵᠦ ᠭᠠᠷᠤᠭᠰᠠᠨ ᠪᠠᠶᠢᠯᠠ᠃ ᠭᠡᠪᠡᠴᠦ ᠬᠠᠳᠠᠪᠴᠢ ᠠᠯᠬᠤᠨ ᠭᠠᠷᠴᠦ ᠢᠷᠡᠵᠦ ᠶᠠᠭᠤ ᠪᠤᠳᠤᠭᠰᠠᠨ ᠴᠦ | ᠵᠠᠬᠢᠷᠤᠯ ᠤᠨ ᠦᠭᠡ ᠤᠴᠢᠷᠲᠠᠢ ᠰᠢᠭ᠋ ᠰᠠᠨᠠᠭᠳᠠᠵᠦ᠂ ᠨᠢᠭᠡᠨ ᠰᠡᠳᠭᠢᠯ ᠲᠠᠭᠠᠷᠠᠭᠰᠠᠨ ᠨᠠᠶᠢᠵᠢ ᠲᠠᠢ ᠶᠠᠷᠢᠯᠴᠠᠬᠤ | ᠲᠤᠮᠳᠠ ᠭᠠᠷᠭᠠᠵᠦ ᠬᠡᠯᠡᠭᠰᠡᠨ ᠳᠤ᠄ ︽ᠲᠠ ᠢ ᠪᠢ ᠪᠠᠰᠠ ᠬᠤᠨᠵᠢᠪᠤᠷᠢ ᠤᠯᠵᠦ ᠪᠠᠶᠢᠨᠠ ᠭᠡᠵᠦ ᠪᠤᠳᠤᠭᠰᠠᠭᠠᠷ ᠶᠤᠮ᠂ | ᠴᠢᠨᠦ ᠡᠮᠦᠨᠡ ᠬᠤᠭᠤᠴᠠᠭᠠ ᠵᠤᠬᠢᠶᠠᠭᠰᠠᠨ ᠲᠡᠳᠡᠭᠡᠷ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠬᠡᠷᠡᠭᠯᠡᠭᠦᠷ ᠨᠤᠮ ᠢ ᠴᠢᠨᠢ ᠪᠦᠷ | ᠤᠨᠳᠤᠭᠤᠨ ᠰᠡᠳᠬᠢᠵᠦ ᠪᠠᠶᠢᠨᠠ ᠰᠢᠦ︾ ᠭᠡᠵᠦ ᠬᠡᠯᠡᠭᠰᠡᠨ ᠢ ᠨᠢ ᠰᠤᠨᠤᠰᠴᠦ᠂ ᠪᠢ ᠰᠠᠶ᠋ᠢ ᠵᠠᠬᠢᠷᠤᠯ ᠤᠨ ᠦᠭᠡ ᠶᠢᠨ | ᠭᠦᠨ ᠰᠠᠨᠠᠭᠠ ᠶᠢ ᠨᠢ ᠮᠡᠳᠡᠵᠦ᠂ ᠤᠭᠳᠠᠷᠭᠤᠢ ᠲᠡᠰᠢ ᠭᠦᠨ ᠰᠠᠨᠠᠭᠠ ᠠᠯᠳᠠᠯᠠ᠃ ᠤᠳᠦ ᠰᠠᠷᠠ ᠶᠢ ᠪᠠᠭᠳᠠᠭᠠᠪᠠᠴᠦ | ᠢᠳᠡᠭᠡᠯ ᠦᠨᠡᠨ ᠢ ᠪᠠᠭᠲᠠᠭᠠᠵᠦ ᠴᠢᠳᠠᠳᠠᠭ ᠦᠭᠡᠢ ᠨᠢ ᠡᠨᠡᠬᠦ ᠤᠷᠴᠢᠯᠠᠩ ᠪᠠᠶᠢᠭᠰᠠᠨ ᠶᠤᠮ᠃ ᠬᠦᠯᠦᠰᠦ | ᠤᠷᠤᠰᠬᠠᠵᠦ ᠬᠦᠮᠦᠵᠢᠯ ᠰᠤᠷᠭᠠᠯ ᠭᠡᠵᠦ ᠭᠦᠶᠦᠭᠰᠡᠨ ᠮᠢᠨᠢ ᠬᠠᠷᠮᠠᠨ ᠳᠠᠭᠠᠨ ᠮᠦᠩᠭᠦ ᠴᠤᠭᠯᠠᠭᠤᠯᠬᠤ ᠰᠡᠵᠢᠭᠯᠡᠯᠲᠡᠢ | ᠬᠦᠮᠦᠨ ᠤ ᠴᠠᠭᠠᠨ ᠨᠢᠳᠦ ᠪᠤᠯᠤᠭᠰᠠᠨ ᠪᠠᠶᠢᠵᠡᠢ᠃ | ᠦᠨᠦ ᠪᠢ ᠤᠷᠤᠢ ᠶᠢᠨ ᠤᠯᠠᠨ ᠲᠡᠷᠭᠡ ᠴᠤᠪᠤᠷᠠᠬᠤ ᠲᠤᠮᠳᠠ ᠭᠡᠨᠡᠳᠳᠡ32 ᠲᠦᠭᠦᠷᠢᠭ ᠢ ᠰᠠᠨᠠᠭᠠᠨ ᠳᠤ ᠮᠢᠨᠢ | ᠤᠷᠤᠵᠦ ᠶᠤᠸᠠᠨ ᠲᠦᠩ ᠲᠦᠷᠭᠡᠨ ᠬᠦᠷᠭᠡᠯᠳᠡ ᠶᠢᠨ ᠠᠷᠪᠠᠨ ᠺᠦᠸᠠᠳ᠋ ᠮᠧᠲᠷ ᠦᠷᠦᠭᠡᠨ ᠳᠤ ᠠᠯᠬᠤᠨ ᠤᠷᠤᠬᠤ | ᠳᠤ ︽ᠶᠤᠸᠠᠨ ᠲᠦᠩ︾ ᠤᠨ ᠠᠵᠢᠯᠴᠢᠳ ᠶᠠᠭᠠᠷᠠᠨ ᠠᠵᠢᠯᠯᠠᠵᠦ ᠪᠠᠶᠢᠭᠠ ᠳᠤ ᠲᠤᠬᠢᠶᠠᠯᠳᠤᠯᠠ᠃ ᠬᠡᠨ ᠨᠢ ᠴᠦ | ᠨᠠᠮᠠ ᠶᠢ ︽ᠠᠩᠵᠠᠭᠠᠷᠬᠤ︾ ᠦᠭᠡᠢ ᠦᠶᠠ ᠳᠤ ᠪᠢ ᠭᠤᠴᠢᠨ ᠬᠤᠶᠠᠷ ᠲᠦᠭᠦᠷᠢᠭ ᠢ ᠬᠡᠯᠡᠬᠦ ᠳᠤ ᠪᠦᠷ | ᠴᠡᠭᠡᠵᠢᠯᠡᠵᠦ ᠪᠠᠶᠢᠬᠤ ᠪᠦᠭᠡᠳ ᠮᠠᠰᠢ ᠲᠦᠷᠭᠡᠨ ᠪᠤᠴᠠᠭᠠᠨ ᠦᠭᠭᠦᠯᠡ᠃ ᠪᠢ ᠪᠡᠭᠳᠡᠷᠡᠨ᠄ ︽ᠪᠢ ᠭᠤᠴᠢᠨ ᠬᠤᠶᠠᠷ | ᠲᠦᠭᠦᠷᠢᠭ ᠲᠤᠲᠠᠵᠦ ᠪᠠᠶᠢᠭᠠ ᠪᠢᠰᠢ᠂ ᠬᠠᠷᠢᠨ ᠡᠨᠡᠬᠦ ᠢᠳᠡᠭᠡᠯ ᠪᠢᠯᠬᠠᠭᠰᠠᠨ ᠨᠡᠶᠢᠭᠡᠮ ᠳᠤ ᠠᠮᠢᠳᠤᠷᠠᠵᠦ ᠪᠠᠶᠢᠬᠤ | ᠳᠠᠭᠠᠨ ᠪᠢ ᠤᠮᠤᠭᠰᠢᠳᠠᠭ ᠶᠤᠮ︾ ᠭᠡᠰᠡᠨ ᠳᠤ ᠪᠦᠬᠦ ᠭᠡᠷ ᠬᠠᠯᠠᠭᠤᠨ ᠮᠦᠰᠢᠶᠡᠯ ᠢᠶᠠᠷ ᠲᠦᠭᠦᠷᠴᠦ ᠪᠢᠯᠡ᠃ ᠪᠢ | ᠴᠦ ᠬᠡᠯᠡᠬᠦ ᠪᠠᠷ ᠢᠶᠠᠨ ᠬᠡᠯᠡᠭᠰᠡᠨ ᠴᠦ ᠴᠢᠷᠠᠢ ᠮᠢᠨᠢ ᠤᠯᠠᠶᠢᠴᠢᠬᠠᠬᠤ ᠪᠤᠯᠴᠢᠬᠠᠯᠠ ᠁ | | |