| ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠡᠮᠡᠭᠳᠡᠶᠢᠴᠣᠳ ᠬᠠᠪᠣᠷ ᠵᠣᠨ ᠤ ᠬᠠᠯᠠᠭᠤᠨ ᠤ ᠣᠯᠠᠷᠢᠯ ᠳᠤ | ᠣᠯᠠᠭᠠᠨ᠂ ᠨᠣᠭᠤᠭᠠᠨ ᠬᠤᠷᠴᠠ ᠦᠩᠭᠡ ᠶᠢᠨ ᠲᠣᠷᠭᠠ ᠲᠣᠷᠳᠣᠩ ᠠᠯᠴᠢᠭᠤᠷ ᠪᠣᠭᠤᠵᠣ᠂ ᠡᠪᠦᠯ ᠤᠨ ᠬᠦᠢᠳᠡᠨ | ᠣᠯᠠᠷᠢᠯ ᠳᠤ ᠡᠷᠡᠭᠳᠡᠶᠢᠴᠣᠳ ᠤᠨ ᠦᠰᠦᠳᠡᠢ ᠮᠠᠯᠠᠭᠠᠢ ᠶᠢᠨ ᠲᠣᠬᠤ ᠰᠢᠭ᠋ ᠮᠠᠯᠠᠭᠠᠢ ᠶᠢ ᠡᠮᠦᠰᠳᠡᠭ᠃ ᠮᠠᠯᠠᠭᠠᠢ ᠶᠢᠨ | ᠢᠶᠠᠨ ᠠᠷᠣ ᠲᠠᠯᠠ ᠳᠤ ᠨᠢ ᠣᠯᠠᠨ ᠦᠩᠭᠡ ᠶᠢᠨ ᠫᠢᠶᠣᠣᠳᠠᠢ ᠬᠠᠳᠠᠬᠤ ᠪᠦᠭᠡᠳ ᠣᠯᠠᠭᠠᠨ ᠨᠣᠭᠤᠭᠠᠨ ᠴᠠᠴᠤᠭ ᠢᠶᠠᠷ | ᠴᠢᠮᠡᠵᠣ ᠡᠮᠦᠰᠳᠡᠭ᠃ | ᠬᠠᠪᠣᠷ ᠨᠠᠮᠣᠷ ᠤᠨ ᠰᠡᠷᠢᠭᠦᠨ ᠤ ᠦᠶᠡ ᠳᠤ ᠬᠦᠪᠦᠩ ᠲᠠᠢ ᠲᠡᠪᠡᠯ ᠡᠮᠦᠰᠴᠦ᠂ ᠵᠣᠨ ᠤ ᠣᠯᠠᠷᠢᠯ ᠳᠤ ᠲᠠᠩ | ᠴᠠᠮᠴᠠ ᠡᠮᠦᠰᠴᠦ ᠪᠠᠶᠢᠵᠠᠢ᠃ ᠭᠡᠪᠡᠴᠦ ᠵᠣᠨ ᠨᠠᠮᠣᠷ ᠤᠨ ᠠᠯᠢ ᠨᠢᠭᠡᠨ ᠣᠯᠠᠷᠢᠯ ᠳᠤ ᠴᠦ ᠦᠮᠦᠳᠦ ᠬᠠᠨᠳᠠᠭᠠᠰᠣ ᠪᠠᠷ | ᠶᠠᠪᠣᠳᠠᠭ ᠦᠭᠡᠢ᠂ ᠡᠷᠬᠡᠪᠡᠰᠢ ᠣᠷᠳᠣ ᠲᠡᠪᠡᠯ᠂ ᠣᠷᠳᠣ ᠴᠠᠮᠴᠠ ᠡᠮᠦᠰᠳᠡᠭ᠃ ᠬᠡᠭᠦ ᠳᠤ ᠪᠠᠨ ᠲᠣᠬᠠᠢ ᠶᠢᠨ ᠦᠶᠡ | ᠶᠢᠨ ᠠᠮᠢᠳᠣᠷᠠᠯ ᠤᠨ ᠨᠦᠬᠦᠴᠡᠯ ᠠᠴᠠ ᠪᠣᠯᠵᠣ ᠬᠠᠷᠠ ᠬᠦᠭᠡ᠂ ᠴᠡᠩᠭᠡᠷ ᠬᠦᠭᠡ ᠵᠡᠷᠭᠡ ᠦᠩᠭᠡ ᠶᠢᠨ ᠪᠦᠰᠣᠨ | ᠴᠠᠮᠴᠠ᠂ ᠪᠦᠰᠦᠨ ᠣᠭᠴᠣᠷ ᠬᠢᠵᠣ ᠡᠮᠦᠰᠴᠦ ᠪᠠᠶᠢᠪᠠ᠃ | ᠡᠮᠡᠭᠳᠡᠶᠢᠴᠣᠳ ᠵᠣᠨ ᠨᠠᠮᠣᠷ ᠤᠨ ᠲᠣᠯᠠᠭᠠᠨ ᠬᠠᠯᠠᠭᠤᠨ ᠤ ᠣᠯᠠᠷᠢᠯ ᠳᠤ ᠬᠡᠷ ᠵᠠᠭᠤᠷᠠ ᠪᠠᠨ ᠬᠠᠷᠠ᠂ ᠬᠦᠭᠡ | ᠦᠩᠭᠡ ᠶᠢᠨ ᠪᠦᠰ ᠢᠶᠠᠷ ᠬᠢᠭᠰᠡᠨ ᠲᠠᠩ᠂ ᠲᠠᠪᠬᠤᠷ ᠦᠮᠦᠳᠦ ᠡᠮᠦᠰᠴᠦ᠂ ᠪᠠᠶᠠᠳ ᠨᠣᠶᠠᠳ ᠤᠨ ᠡᠬᠡᠨᠡᠷ ᠬᠡᠣᠬᠡᠳ | ᠲᠣᠷᠭᠠᠨ ᠭᠠᠳᠠᠷ ᠲᠠᠢ ᠪᠦᠰ ᠲᠣᠳᠣᠷ ᠲᠠᠢ ᠵᠢᠶᠠ ᠦᠮᠦᠳᠦ ︵ᠲᠠᠪᠬᠤᠷ ᠦᠮᠦᠳᠦ︶ ᠡᠮᠦᠰᠳᠡᠭ᠃ ᠡᠪᠦᠯ ᠬᠠᠪᠣᠷ | ᠨᠢ ᠨᠢᠭᠤᠴᠠ ᠬᠠᠪᠠᠭᠠᠰᠣ ᠲᠠᠢ ᠬᠦᠪᠦᠩ ᠪᠣᠶᠣ ᠵᠠᠷᠢᠮ ᠳᠤ ᠪᠠᠨ ᠠᠷᠠᠰᠣᠨ ᠦᠮᠦᠳᠦ ᠴᠦ ᠡᠮᠦᠰᠳᠡᠭ ᠪᠠᠶᠢᠪᠠ᠃ | ᠬᠠᠪᠣᠷ ᠨᠠᠮᠣᠷ ᠤᠨ ᠣᠯᠠᠷᠢᠯ ᠳᠤ ᠬᠤᠩᠰᠢᠶᠠᠷ ᠪᠣᠷᠪᠢᠨ ᠳᠤ ᠪᠠᠨ ᠣᠭᠠᠯᠵᠠ ᠲᠠᠢ ᠪᠦᠰ ᠭᠤᠳᠣᠯ ᠡᠮᠦᠰᠴᠦ᠂ | ᠵᠣᠨ ᠦᠪᠡᠷ ᠢᠶᠠᠨ ᠬᠢᠭᠰᠡᠨ ᠪᠦᠰ ᠱᠠᠬᠠᠢ ᠡᠮᠦᠰᠦᠨᠡ᠃ ᠡᠪᠣᠯ ᠳᠤ ᠪᠠᠰᠠ ᠭᠤᠳᠣᠯ ᠡᠮᠦᠰᠴᠦ ᠪᠠᠶᠢᠪᠠ᠃ ᠭᠤᠳᠣᠯ | ᠤᠨ ᠢᠶᠠᠨ ᠲᠦᠷᠡᠢ ᠲᠡᠭᠡᠷᠡ ᠪᠠᠨ ᠨᠠᠪᠴᠢ ᠴᠡᠴᠡᠭ᠂ ᠭᠠᠷᠣᠳᠢ ᠭᠠᠯᠪᠢᠩᠭᠠ᠂ ᠡᠭᠦᠯᠡᠨ ᠬᠤᠸᠠᠷ ᠵᠡᠷᠭᠡ ᠪᠠᠷ ᠣᠷᠠᠯᠠᠨ | ᠬᠠᠳᠬᠤᠮᠠᠯᠯᠠᠳᠠᠭ᠃ | ᠮᠣᠩᠭᠤᠯ ᠡᠮᠡᠭᠳᠡᠶᠢᠴᠣᠳ ᠤᠨ ᠬᠤᠪᠴᠠᠰᠣ ᠵᠠᠰᠠᠯ ᠳᠤ ᠬᠡᠣᠬᠡᠨ ᠬᠦᠮᠦᠨ ᠤ ᠬᠤᠪᠴᠠᠰᠣ ᠵᠠᠰᠠᠯ ᠪᠠ ᠡᠬᠡᠨᠡᠷ | ᠬᠦᠮᠦᠨ ᠤ ᠬᠤᠪᠴᠠᠰᠣ ᠵᠠᠰᠠᠯ ᠨᠢ ᠦᠨᠳᠦᠰᠦᠨ ᠢᠯᠭᠠᠭᠠ ᠲᠠᠢ ᠪᠠᠶᠢᠳᠠᠭ᠃ ᠮᠣᠩᠭᠤᠯ ᠬᠡᠣᠬᠡᠨᠴᠣᠳ ᠪᠠᠷᠤᠭ | ᠠᠷᠪᠠᠨ ᠭᠤᠷᠪᠠᠨ ᠨᠠᠰᠣ ᠬᠦᠷᠳᠡᠯᠡ ᠬᠦᠣᠴᠣᠣᠯ ᠲᠠᠢ ᠨᠢᠭᠡ ᠯᠠ ᠠᠳᠠᠯᠢ ᠦᠰᠦ ᠬᠡᠵᠢᠭᠡ ᠪᠠᠨ ᠲᠠᠯᠪᠢᠨ ᠬᠠᠶᠠ | ᠣᠯᠠᠭᠠᠨ ᠨᠣᠭᠤᠭᠠᠨ ᠲᠣᠷᠭᠠ ᠲᠣᠷᠳᠣᠩ ᠢᠶᠠᠷ ᠣᠶᠠᠵᠣ ᠶᠠᠪᠣᠳᠠᠭ ᠠᠴᠠ ᠪᠢᠰᠢ ᠲᠡᠳᠦᠢ ᠶᠡᠭᠡ ᠵᠠᠰᠠᠵᠣ ᠴᠢᠮᠡᠳᠡᠭ | ᠦᠭᠡᠢ ᠪᠠᠶᠢᠪᠠ᠃ | ᠮᠣᠩᠭᠤᠯ ᠦᠬᠢᠳ ᠴᠢᠬᠢ ᠪᠠᠨ ᠴᠣᠭᠤᠯᠣᠭᠤᠯᠬᠤ ᠦᠭᠡᠢ ᠪᠣᠯ ᠬᠤᠵᠢᠮ ᠦᠰᠴᠦ ᠪᠡᠶᠡᠯᠡᠭᠡᠳ ᠬᠠᠷᠢ ᠳᠤ | ᠣᠴᠢᠭᠰᠠᠨ ᠤ ᠰᠡᠭᠦᠯᠡᠷ ᠡᠭᠡᠮᠦᠭ ᠰᠦᠢᠭᠡ ᠵᠡᠭᠦᠵᠣ᠂ ᠭᠤᠶᠣᠯᠠᠵᠣ ᠭᠠᠩᠭᠠᠯᠠᠵᠣ ᠴᠢᠳᠠᠬᠤ ᠦᠭᠡᠢ ᠪᠣᠯᠳᠠᠭ᠃ | ᠲᠡᠭᠡᠭᠡᠳ ᠦᠬᠢᠨ ᠬᠦᠮᠦᠨ ᠢ ᠠᠷᠪᠠᠭᠠᠳ ᠨᠠᠰᠣᠯᠠᠮᠠᠭᠴᠠ ᠪᠠᠨ ᠴᠢᠬᠢ ᠶᠢ ᠨᠢ ᠵᠠᠪᠠᠯ ᠴᠣᠭᠤᠯᠵᠣ ᠦᠭᠳᠡᠭ᠃ ᠦᠬᠢᠨ | ᠬᠦᠮᠦᠨ14 —15 ᠨᠠᠰᠣᠯᠠᠳᠠᠯᠠ ᠣᠷᠳᠣ ᠬᠡᠵᠢᠭᠡ ᠪᠠᠨ ᠭᠠᠭᠴᠠ ᠭᠦᠷᠦᠵᠣ᠂ ᠬᠡᠵᠢᠭᠡᠨ ᠣᠭ ᠪᠣᠶᠣ ᠦᠵᠦᠭᠦᠷ ᠲᠤ | ᠨᠢ ᠣᠯᠠᠭᠠᠨ ᠨᠣᠭᠤᠭᠠᠨ ᠲᠣᠷᠭᠠ ᠲᠣᠷᠳᠣᠩ ᠢᠶᠠᠷ ᠣᠷᠢᠶᠠᠵᠣ ᠱᠢᠷᠦ ᠰᠣᠪᠣᠳ ᠤᠨ ᠵᠦᠢᠯ ᠢ ᠣᠶᠠᠳᠠᠭ᠃ ᠦᠬᠢᠨ | ᠬᠦᠮᠦᠨ ᠤ ᠬᠡᠵᠢᠭᠡ ᠪᠠᠨ ᠭᠠᠭᠴᠠ ᠭᠦᠷᠦᠳᠡᠭ ᠨᠢ ᠬᠤᠷᠢᠮᠯᠠᠬᠤ ᠠᠴᠠ ᠪᠠᠨ ᠡᠮᠦᠨᠡ ᠪᠣᠯ ᠭᠠᠭᠴᠠ ᠪᠡᠶᠡ ᠪᠠᠷ ᠢᠶᠠᠨ | ᠭᠡᠰᠡᠨ ᠰᠠᠨᠠᠭᠠ ᠶᠢ ᠢᠯᠡᠳᠭᠡᠵᠣ ᠪᠠᠶᠢᠳᠠᠭ᠃ | ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠡᠮᠡᠭᠳᠡᠶᠢᠴᠣᠳ ᠤᠨ ᠡᠭᠡᠮᠣᠭ᠌ ᠰᠦᠢᠭᠡ ᠵᠡᠭᠦᠭᠦ ᠨᠢ ᠮᠥᠨ | ᠢᠯᠭᠠᠭᠠ ᠲᠠᠢ ᠪᠠᠶᠢᠳᠠᠭ᠃ ᠦᠬᠢᠨ ᠬᠦᠮᠦᠨ ᠡᠭᠡᠮᠦᠭ ᠵᠡᠭᠦᠵᠣ ᠪᠣᠯᠳᠠᠭ ᠠᠴᠠ ᠪᠢᠰᠢ ᠰᠦᠢᠭᠡ ᠵᠡᠭᠦᠵᠣ ᠪᠣᠯᠳᠠᠭ | ᠦᠭᠡᠢ᠃ ᠡᠬᠡᠨᠡᠷ ᠬᠦᠮᠦᠨ ᠰᠦᠢᠭᠡ ᠵᠡᠭᠦᠳᠡᠭ᠂ ᠡᠬᠡᠮᠦᠭ ᠵᠡᠭᠦᠵᠣ ᠶᠠᠪᠣᠳᠠᠭ ᠦᠭᠡᠢ᠃ ᠡᠭᠡᠮᠦᠭ ᠭᠡᠭᠴᠢ ᠴᠢᠬᠢᠨ | ᠨᠦᠭᠡᠨ ᠳᠤ ᠵᠡᠭᠦᠳᠡᠭ ᠭᠠᠷᠠᠬᠠ ᠶᠢ ᠬᠡᠯᠡᠳᠡᠭ᠃ ᠵᠡᠭᠦᠭᠰᠡᠨ ᠭᠠᠷᠠᠬᠠ ᠠᠴᠠ ᠶᠠᠩᠵᠣ ᠪᠦᠷᠢ ᠪᠠᠷ ᠣᠨᠵᠢᠭᠤᠯᠣᠭᠰᠠᠨ | ᠡᠳ᠋ ᠢ ᠰᠦᠢᠬᠡ ᠭᠡᠳᠡᠭ᠃ | ᠦᠬᠢᠨ ᠬᠦᠮᠦᠨ ᠪᠠᠭᠤᠣ ᠵᠡᠬᠦᠭᠦ ᠨᠢ ᠴᠦᠬᠡᠨ᠂ ᠣᠯᠠᠩᠬᠢ ᠳᠤ ᠪᠠᠨ ᠪᠡᠷᠢ ᠪᠣᠯᠣᠭᠰᠠᠨ ᠬᠦᠮᠦᠨ ᠪᠠᠭᠤᠣ ᠵᠡᠭᠦᠳᠡᠭ | ᠃ ᠬᠠᠷᠢᠨ ᠪᠦᠯᠠᠵᠡᠭ ᠢ ᠦᠬᠢᠨ ᠬᠦᠮᠦᠨ ᠵᠡᠭᠦᠵᠣ ᠪᠣᠯᠬᠤ ᠮᠦᠷᠳᠡᠭᠡᠨ ᠲᠣᠯᠣᠪᠣᠷ ᠬᠤᠷᠣᠭᠤᠨ ᠠᠴᠠ ᠪᠣᠰᠣᠳ | ᠬᠤᠷᠣᠭᠤᠨ ᠳᠤ ᠵᠡᠭᠦᠳᠡᠭ ᠦᠭᠡᠢ᠃ ᠬᠡᠭᠦ ᠳᠤ ᠪᠠᠨ ᠭᠠᠭᠴᠠᠬᠠᠨ ᠪᠦᠯᠠᠵᠡᠭ ᠢ ᠪᠣᠯ ᠬᠤᠶᠠᠷ ᠭᠠᠷ ᠤᠨ ᠭᠤᠣᠯ | ᠬᠤᠷᠣᠭᠤ ᠪᠠ ᠢᠳᠠᠮ ᠬᠤᠷᠣᠭᠤᠨ ᠤ ᠪᠠᠨ ᠠᠯᠢᠨ ᠳᠤ ᠴᠦ ᠪᠦᠷ ᠵᠡᠭᠦᠵᠣ ᠪᠣᠯᠳᠠᠭ᠃ ᠶᠡᠷᠦ ᠠᠴᠠ ᠣᠯᠠᠭᠠᠨ᠂ | ᠨᠣᠭᠤᠭᠠᠨ ᠣᠭ᠍ᠶᠣ᠂ ᠱᠢᠷᠦ ᠰᠣᠪᠣᠳ᠂ ᠲᠠᠨᠠ ᠰᠢᠬᠢᠳᠭᠡᠭᠰᠡᠨ ᠮᠦᠩᠬᠦ ᠪᠣᠶᠣ ᠬᠠᠰ ᠤᠨ ᠪᠦᠯᠠᠵᠡᠭ ᠵᠡᠭᠦᠳᠡᠭ | ᠵᠠᠩᠰᠢᠯ ᠲᠠᠢ᠃ | ᠪᠡᠷᠢ ᠪᠣᠯᠣᠭᠰᠠᠨ ᠬᠦᠮᠦᠨ ᠬᠡᠵᠢᠭᠡ ᠪᠠᠨ ᠡᠩ ᠤᠨ ᠦᠶᠡ ᠳᠤ ᠬᠤᠶᠠᠷ ᠰᠠᠯᠠᠭᠠᠯᠠᠨ ᠭᠦᠷᠦᠵᠣ᠂ ᠣᠭ ᠢ ᠨᠢ | ᠣᠯᠠᠭᠠᠨ ᠨᠣᠣᠰᠣᠨ ᠣᠳᠠᠰᠣ ᠪᠠᠷ ᠬᠤᠶᠠᠷ ᠬᠤᠷᠣᠭᠤ ᠬᠢᠷᠢ ᠦᠷᠭᠡᠨ ᠣᠷᠢᠶᠠᠨᠠ᠃ ᠨᠢᠭᠡᠨᠳᠡ ᠠᠶᠢᠯ ᠤᠨ ᠪᠡᠷᠢ | ᠪᠣᠯᠴᠢᠬᠠᠭᠰᠠᠨ ᠬᠦᠮᠦᠨ ᠭᠠᠭᠴᠠ ᠭᠦᠷᠦᠪᠡᠯ ︿︿ᠡᠷᠡ ᠨᠦᠭᠦᠷ ᠲᠠᠢ ᠪᠠᠶᠢᠭᠠᠳ ᠮᠠᠭᠤ ᠢᠷᠸᠠ ᠲᠠᠢ﹀﹀ ᠭᠡᠵᠤ | ᠦᠵᠡᠳᠡᠭ᠃ | ᠲᠠᠳᠠᠭᠤᠷ ᠪᠣᠯ ᠪᠦᠰᠡᠭᠦᠢ ᠬᠦᠮᠦᠨ ᠤ ᠱᠠᠩᠬᠤᠯᠠᠭᠰᠠᠨ ᠭᠡᠵᠢᠭᠡ ᠪᠠᠨ ᠲᠣᠭᠳᠠᠭᠠᠳᠠᠭ ᠱᠢᠷᠦᠨ ᠬᠡᠯᠬᠢᠶᠡᠰᠦ ᠮᠥᠨ᠃ | 3 —4 ᠮᠦᠷ ᠢᠶᠠᠷ ᠵᠡᠷᠭᠡᠴᠡᠭᠦᠯᠦᠨ ᠲᠠᠳᠠᠭᠰᠠᠨ ᠱᠢᠷᠦᠨ ᠬᠡᠯᠬᠢᠶᠡᠰᠦ ᠶᠢᠨ ᠢᠶᠠᠨ3 —5 ᠦᠷᠡᠯ ᠠᠯᠣᠰᠯᠠᠬᠤ ᠪᠦᠷᠢ | ᠳᠤ ᠨᠢᠭᠡ ᠣᠭ᠍ᠶᠣᠨ ᠮᠦᠭᠦᠯᠢᠭ ᠢ ᠠᠯᠠᠭᠯᠠᠨ ᠣᠷᠣᠭᠤᠯᠣᠭᠰᠠᠨ ᠪᠠᠶᠢᠳᠠᠭ᠃ ᠲᠡᠳᠡᠨᠠᠷ ᠢᠶᠠᠨ ᠲᠠᠳᠠᠭᠰᠨᠨ ᠤ ᠲᠠᠷᠠᠭᠠ | ᠲᠣᠮᠳᠠ ᠪᠠᠨ ᠮᠢᠳᠠᠭᠠᠷ ᠮᠦᠷᠳᠡᠭᠡᠨ ᠬᠤᠶᠠᠷ ᠬᠤᠷᠣᠭᠤ ᠦᠷᠭᠡᠨ᠂ ᠬᠤᠶᠠᠷ ᠦᠵᠦᠭᠦᠷ ᠨᠢ ᠭᠠᠳᠠᠷ ᠲᠠᠯᠠ ᠳᠤ ᠪᠠᠨ | ᠬᠤᠸᠠᠷᠳᠠᠢ ᠪᠦᠭᠡᠳ ᠲᠣᠮᠳᠠ ᠬᠡᠰᠡᠭ ᠠᠴᠠ ᠪᠠᠨ ᠪᠠᠭ᠋ᠠᠨ ᠦᠷᠭᠡᠨ ᠮᠦᠩᠭᠦᠨ ᠬᠠᠳᠬᠤᠭᠤᠷ ᠢ ᠬᠦᠨᠳᠡᠯᠡᠨ | ᠬᠠᠳᠬᠤᠵᠣ᠂ ᠲᠠᠳᠠᠭᠤᠷ ᠢᠶᠠᠨ ᠲᠣᠷᠭᠤᠳᠠᠭ ᠪᠠᠶᠢᠪᠠ᠃ ᠵᠣᠭᠤᠰ ᠲᠠᠢ ᠪᠠᠶᠠᠳ ᠨᠣᠶᠠᠳ ᠤᠨ ᠬᠠᠳᠣᠳ ᠠᠯᠳᠠᠨ | ᠬᠤᠳᠬᠤᠭᠤᠷ ᠬᠡᠷᠡᠭᠯᠡᠵᠣ ᠪᠠᠶᠢᠭᠰᠠᠨ ᠭᠡᠳᠡᠭ᠃ | ᠣᠨᠵᠢᠯᠭᠠ ᠭᠡᠵᠤ ᠬᠤᠶᠠᠷ ᠰᠠᠨᠴᠢᠭ ᠤᠨ ᠣᠷᠢᠶᠠᠭᠰᠠᠨ ᠦᠰᠦᠨ ᠲᠡᠭᠡᠷᠡ ᠪᠠᠨ ᠵᠡᠭᠦᠳᠡᠭ᠃ ᠣᠨᠵᠢᠯᠭᠠ ᠶᠢ | ᠭᠤᠯᠢᠶᠠ᠂ ᠴᠠᠷᠴᠠᠬᠠᠢ᠂ ᠡᠷᠪᠡᠬᠡᠢ᠂ ᠵᠢᠭᠠᠰᠣ ᠮᠡᠳᠦ ᠶᠢᠨ ᠠᠮᠢᠳᠠᠨ ᠤ ᠲᠦᠷᠰᠦ ᠶᠢ ᠣᠭ᠍ᠶᠣ᠂ ᠮᠦᠩᠬᠦ᠂ ᠬᠠᠰ ᠮᠡᠳᠦ | ᠶᠢᠨ ᠡᠷᠳᠡᠨᠢ ᠶᠢᠨ ᠵᠦᠢᠯᠡᠰ ᠢᠶᠠᠷ ᠲᠠᠭᠤᠷᠢᠶᠠᠨ ᠵᠣᠬᠢᠶᠠᠵᠣ ᠲᠣᠣᠷᠠ ᠬᠦᠪᠡᠭᠡ ᠶᠢ ᠨᠢ ᠨᠦᠬᠡᠯᠡᠵᠣ᠂ ᠲᠡᠭᠦᠨ ᠠᠴᠠ | ᠪᠠᠨ ᠦᠵᠦᠭᠦᠷ ᠲᠡᠭᠡᠷᠡ ᠪᠠᠨ ᠪᠦᠳᠦᠭᠦᠨ ᠣᠭ᠍ᠶᠣ ᠱᠢᠷᠦ ᠲᠠᠢ ᠱᠢᠷᠦᠨ ᠬᠡᠯᠬᠢᠶᠡᠰᠦ ᠶᠢ ᠲᠡᠭᠦᠵᠢᠯᠡᠨᠡ᠃ ᠨᠢᠭᠡ | ᠣᠨᠵᠢᠯᠭᠠ ᠠᠴᠠ ᠶᠡᠷᠦ ᠨᠢ3 —5 ᠬᠡᠯᠬᠢᠶᠡ ᠣᠭ᠍ᠶᠣ ᠱᠢᠷᠦ ᠲᠡᠭᠦᠵᠢᠯᠡᠭᠰᠡᠨ ᠪᠠᠶᠢᠳᠠᠭ᠃ | ᠡᠷᠡᠭᠳᠡᠢ ᠡᠮᠡᠭᠳᠡᠢ ᠦᠭᠡᠢ ᠪᠦᠷ ᠪᠠᠭᠤᠣ ᠵᠡᠭᠦᠵᠣ ᠶᠠᠪᠣᠳᠠᠭ ᠴᠦ ᠭᠤᠣᠯ ᠨᠢ ᠪᠡᠷᠢ ᠪᠣᠯᠣᠭᠰᠠᠨ ᠬᠦᠮᠦᠨ ᠢᠯᠡᠭᠦᠦ | ᠵᠡᠭᠦᠳᠡᠭ᠃ ᠬᠠᠳᠠᠮ ᠡᠵᠢ ᠶᠢᠨ ᠢᠶᠠᠨ ᠪᠠᠭᠤᠣ ᠶᠢ ᠬᠦᠦ ᠪᠡᠷᠢ ᠨᠢ ᠣᠯᠠᠮᠵᠢᠯᠠᠵᠣ ᠵᠡᠭᠦᠳᠡᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ᠃ | ᠣᠯᠠᠩᠬᠢ ᠳᠤ ᠪᠠᠨ ᠮᠦᠩᠭᠦᠨ ᠪᠠᠭᠤᠣ ᠵᠡᠭᠦᠳᠡᠭ᠃ ᠪᠠᠶᠠᠨ ᠠᠶᠢᠯ ᠤᠨ ᠪᠡᠷᠢ ᠠᠯᠳᠠᠨ ᠪᠠᠭᠤᠣ ᠵᠡᠭᠦᠳᠡᠭ᠃ ᠵᠠᠰ | ᠭᠠᠣᠯᠢᠨ ᠪᠠᠭᠤᠣ ᠶᠢ ᠨᠠᠰᠣᠳᠠᠶᠢᠴᠣᠳ ᠵᠡᠭᠦᠳᠡᠭ᠃ ᠡᠮᠡᠭᠳᠡᠶᠢᠴᠣᠳ ᠴᠦᠮ ᠪᠦᠯᠡᠵᠡᠭ ᠵᠡᠭᠦᠳᠡᠭ ᠵᠠᠩᠰᠢᠯ ᠲᠠᠢ᠃ | ᠪᠠᠶᠠᠳ ᠨᠣᠶᠠᠳ ᠤᠨ ᠬᠠᠳᠣᠳ ᠪᠡᠶᠡ ᠳᠤ ᠪᠠᠨ ︿︿ᠶᠢᠰᠦᠨ ᠡᠷᠳᠡᠨᠢ﹀﹀ ᠶᠢ ᠪᠦᠷᠢᠯᠳᠦᠭᠦᠯᠦᠨᠡ ᠭᠡᠵᠤ ᠠᠯᠳᠠ᠂ | ᠮᠦᠩᠬᠦ᠂ ᠣᠭ᠍ᠶᠣ᠂ ᠨᠣᠮᠢᠨ᠂ ᠱᠢᠷᠦ᠂ ᠰᠣᠪᠣᠳ᠂ ᠭᠠᠩ᠂ ᠵᠠᠰ᠂ ᠠᠯᠮᠠᠰ ᠵᠡᠷᠭᠡ ᠶᠢᠨ ᠵᠠᠰᠠᠯ ᠵᠢᠮᠰᠡᠭ ᠤᠨ ᠡᠳ᠋ᠯᠡᠯ ᠢ | ᠡᠷᠬᠢᠮᠯᠡᠳᠡᠭ᠃ | ᠰᠣᠨᠳᠣᠷ ᠪᠣᠯ ᠪᠦᠰᠡᠭᠦᠶᠢᠴᠣᠳ ᠤᠨ ᠬᠦᠵᠦᠭᠦᠦ ᠶᠢ ᠴᠢᠮᠡᠭᠯᠡᠳᠡᠭ ᠠᠯᠳᠠ ᠮᠦᠩᠬᠦ᠂ ᠡᠷᠳᠡᠨᠢ ᠶᠢᠨ ᠬᠤᠪᠣᠷ | ᠴᠢᠯᠠᠭᠤ ᠪᠠᠷ ᠪᠦᠷᠢᠯᠳᠦᠳᠡᠭ ᠴᠢᠮᠡᠭᠯᠡᠯ ᠡᠳ᠋ ᠪᠢᠯᠠ᠃ ᠮᠦᠩᠬᠦ ᠰᠣᠪᠣᠳ ᠬᠤᠶᠠᠷ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠰᠣᠨᠳᠣᠷ | ᠣᠯᠠᠨ ᠪᠠᠶᠢᠳᠠᠭ ᠴᠦ ᠠᠯᠳᠠ᠂ ᠣᠭ᠍ᠶᠣ᠂ ᠪᠠᠳᠮᠠᠷᠠᠭᠠ᠂ ᠠᠯᠮᠠᠰ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠨᠢ ᠴᠦ ᠴᠦᠬᠡᠨ ᠪᠣᠰᠣ | ᠪᠠᠶᠢᠳᠠᠭ᠃ ᠴᠦᠮ ᠠᠮᠢᠳᠣᠷᠠᠯ ᠤᠨ ᠢᠶᠠᠨ ᠬᠢᠷᠢ ᠬᠡᠮᠵᠢᠶᠡ ᠪᠠᠨ ᠦᠵᠡᠵᠣ ᠵᠡᠭᠦᠳᠡᠭ᠃ ᠰᠣᠨᠳᠣᠷ ᠤᠨ ᠪᠡᠶᠡ ᠶᠢ | ᠨᠠᠷᠢᠯᠢᠭ ᠰᠣᠪᠣᠳ ᠢᠶᠠᠷ ᠬᠡᠯᠬᠢᠵᠣ᠂ ᠪᠦᠳᠦᠭᠦᠨ ᠰᠢᠷᠭᠡᠭ ᠲᠠᠢ ᠪᠣᠯ ᠲᠠᠩ ᠢᠶᠠᠷ᠂ ᠨᠠᠷᠢᠨ ᠵᠢᠵᠢᠭ ᠰᠢᠷᠭᠡᠭ ᠲᠠᠢ ᠪᠣᠯ | ᠬᠤᠶᠠᠷ ᠭᠤᠷᠪᠠ ᠪᠠᠷ ᠲᠠᠪᠬᠤᠷᠯᠠᠨ ᠦᠵᠦᠭᠦᠷ ᠢ ᠨᠢ ᠰᠣᠨᠳᠣᠷ ᠤᠨ ᠵᠢᠷᠦᠬᠡᠨ ᠳᠤ ᠬᠤᠯᠪᠣᠨᠠ᠃ ᠰᠣᠨᠳᠣᠷ ᠤᠨ | ᠵᠢᠷᠦᠭᠡ ᠨᠢ ᠮᠦᠩᠭᠦᠨ ᠵᠣᠪᠬᠢᠨ ᠳᠤ ᠨᠠᠷᠠᠨ ᠰᠠᠷᠠᠨ ᠰᠢᠭᠢᠳᠭᠡᠭᠡ ᠭᠡᠵᠤ ᠢᠬᠢᠷᠡ ᠰᠢᠬᠢᠳᠭᠡᠭᠡ ᠰᠠᠭᠤᠯᠭᠠᠭᠰᠠᠨ | ᠣᠨᠢᠰᠣ ᠶᠢ ᠬᠡᠯᠡᠳᠡᠭ᠃ ᠮᠦᠩᠭᠦᠨ ᠵᠣᠪᠬᠢ ᠲᠠᠢ ᠣᠨᠢᠰᠣ ᠶᠢᠨ ᠢᠶᠠᠨ ᠲᠣᠣᠷᠠ ᠨᠢ ᠭᠤᠷᠪᠠ ᠪᠣᠶᠣ ᠲᠠᠪᠣᠨ ᠰᠠᠨᠵᠢ | ᠲᠠᠢ ᠲᠡᠭᠦᠨ ᠠᠴᠠ ᠲᠣᠷᠣᠭᠰᠢ ᠣᠯᠠᠭᠠᠨ ᠨᠣᠭᠤᠭᠠᠨ ᠬᠤᠷᠣᠬᠠᠢ ᠱᠢᠷᠦ ᠪᠠᠷ ᠪᠣᠶᠣ ᠰᠣᠪᠣᠳ ᠠᠯᠠᠭᠯᠠᠭᠤᠯᠣᠨ | ᠬᠡᠯᠬᠢᠵᠣ ᠣᠨᠵᠢᠭᠤᠯᠣᠭᠰᠠᠨ ᠪᠠᠶᠢᠳᠠᠭ᠃ ᠰᠣᠨᠳᠣᠷ ᠤᠨ ᠵᠣᠪᠬᠢᠨ ᠭᠤᠣᠯ ᠳᠤ ᠠᠮᠢᠳᠣᠷᠠᠯ ᠰᠠᠶᠢᠳᠠᠢ ᠠᠶᠢᠯ ᠭᠡᠷ ᠤᠨ | ᠬᠢᠨᠢ ᠨᠣᠭᠤᠭᠠᠨ ᠬᠠᠰ ᠪᠣᠶᠣ ᠭᠡᠷᠡᠯ ᠭᠠᠷᠳᠠᠭ ᠡᠷᠳᠡᠨᠢ ᠶᠢᠨ ᠴᠢᠯᠠᠭᠤ ᠶᠢ ᠬᠢᠭᠰᠡᠨ ᠴᠦ ᠪᠠᠶᠢᠳᠠᠭ᠃ ᠡᠨᠡ ᠨᠢ | ᠪᠦᠰᠡᠭᠦᠶᠢᠴᠣᠳ ᠤᠨ ᠦᠩᠭᠡ ᠬᠢᠯᠪᠡᠷ ᠢ ᠣᠯᠠᠮ ᠬᠤᠷᠴᠠᠯᠠᠨ ᠭᠤᠶᠣᠵᠢᠭᠤᠯᠳᠠᠭ᠃ | | ᠡᠮᠦᠰᠭᠡᠯ ᠵᠠᠰᠠᠯ ᠲᠠᠢ ᠬᠤᠯᠪᠣᠭᠳᠠᠬᠤ ᠴᠡᠭᠡᠷ ᠶᠣᠰᠣᠨ | ᠠᠶᠢᠯ ᠤᠨ ᠭᠡᠷ ᠲᠤ ᠣᠷᠣᠬᠤ ᠳᠤ ᠪᠠᠨ ᠬᠤᠪᠴᠠᠰᠣᠨ ᠵᠠᠭᠠᠮᠠ ᠬᠤᠭᠤᠯᠠᠶᠢᠪᠴᠢ ᠪᠠᠨ ᠵᠠᠰᠠᠵᠣ ᠲᠡᠭᠰᠢᠯᠡᠭᠦ ᠦᠭᠡᠢ | ᠪᠠᠶᠢᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠲᠣᠪᠴᠢ ᠪᠠᠨ ᠪᠣᠷᠣᠭᠤ ᠲᠣᠪᠴᠯᠠᠬᠤ ᠪᠣᠶᠣ ᠡᠩᠭᠡᠷ ᠰᠣᠯᠠ ᠲᠠᠯᠪᠢᠬᠤ ᠶᠢ ᠴᠡᠭᠡᠷᠯᠡᠨᠡ᠃ | ᠬᠤᠷᠮᠣᠢ ᠰᠢᠭᠤᠵᠣ ᠬᠠᠨᠴᠣᠢ ᠰᠢᠮᠡᠯᠡᠨ᠂ ᠬᠢᠳᠤᠭᠠ ᠪᠠᠨ ᠵᠡᠭᠦᠭᠰᠨᠨ ᠶᠠᠩᠵᠣ ᠪᠠᠷ ᠣᠷᠣᠬᠤ ᠶᠢ ᠴᠡᠭᠡᠷᠯᠡᠨᠡ᠃ | ᠮᠠᠯᠠᠭᠠᠢ ᠲᠠᠢ ᠪᠠᠶᠢᠭᠠᠳ ᠲᠣᠯᠣᠭᠠᠢ ᠨᠢᠴᠦᠭᠦᠨ ᠢᠶᠠᠷ ᠣᠷᠣᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠮᠠᠯᠠᠭᠠᠢ ᠶᠢᠨ ᠴᠢᠬᠢ ᠪᠠᠨ | ᠲᠠᠷᠣᠵᠣ ᠣᠶᠠᠭᠠᠳ ᠣᠷᠣᠬᠤ ᠶᠢ ᠴᠡᠭᠡᠷᠯᠡᠨᠡ᠃ | ᠠᠶᠢᠯ ᠭᠡᠷ ᠲᠤ ᠬᠤᠷᠮᠣᠢ ᠰᠢᠭᠤᠵᠣ ᠣᠷᠣᠬᠤ ᠶᠢ ᠶᠡᠬᠡᠳᠡ ᠴᠡᠭᠡᠷᠯᠡᠵᠣ ᠰᠡᠵᠢᠭᠯᠡᠳᠡᠭ᠃ ᠠᠶᠢᠯ ᠭᠡᠷ ᠲᠤ | ᠲᠣᠭᠤᠷᠢᠵᠣ ᠣᠷᠣᠭᠠᠳ ᠴᠠᠢ ᠠᠮᠰᠠᠬᠤ ᠦᠭᠡᠢ ᠪᠠᠷ ᠭᠠᠷᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠠᠶᠢᠯ ᠭᠡᠷ ᠲᠤ ᠣᠷᠣᠭᠠᠳ ᠮᠠᠯᠠᠭᠠᠢ | ᠪᠠᠨ ᠡᠷᠣᠢ ᠬᠤᠷᠣᠢ ᠦᠭᠡᠢ ᠬᠠᠶᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ | ᠠᠯᠢᠪᠠ ᠶᠣᠰᠣᠯᠠᠯ᠂ ᠠᠭᠤᠯᠵᠠᠯᠳᠠ ᠬᠢᠬᠦ ᠳᠤ ᠮᠠᠯᠠᠭᠠᠢ ᠦᠭᠡᠢ ᠪᠠᠶᠢᠬᠤ ᠶᠢ ᠴᠡᠭᠡᠷᠯᠡᠨᠡ᠃ | ᠡᠩ ᠤᠨ ᠬᠦᠮᠦᠰ ᠰᠢᠷᠠ ᠦᠩᠭᠡ ᠶᠢᠨ ᠲᠡᠪᠡᠯ ᠬᠤᠪᠴᠠᠰᠣ ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠨᠡᠩᠳᠡ ᠰᠢᠷᠠ ᠦᠩᠭᠡ | ᠶᠢᠨ ᠬᠦᠨᠵᠢᠯᠡ ᠲᠡᠪᠢᠰᠭᠡᠷ ᠡᠳ᠋ᠯᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠪᠣᠶᠠᠨ ᠨᠢ ᠲᠠᠭᠠᠭᠠᠬᠤ ᠦᠭᠡᠢ ᠭᠡᠳᠡᠭ᠃ | ᠡᠬᠡᠨᠡᠷ ᠬᠦᠮᠦᠨ ᠤ ᠦᠮᠦᠳᠦ ᠶᠢ ᠬᠡᠵᠢᠶᠡᠳᠡ ᠪᠣᠵᠠᠷ ᠭᠡᠵᠤ ᠦᠵᠡᠳᠡᠭ ᠲᠣᠯᠠ ᠶᠠᠮᠠᠷᠴᠦ ᠶᠠᠭᠤᠮᠠᠨ ᠤ ᠲᠡᠭᠡᠭᠦᠷ | ᠠᠪᠴᠣ ᠭᠠᠷᠬᠤ ᠶᠢ ᠲᠠᠰᠣ ᠴᠡᠭᠡᠷᠯᠡᠨᠡ᠃ ᠡᠯᠭᠦᠭᠡᠳ ᠪᠠᠶᠢᠬᠤ ᠦᠮᠦᠳᠦᠨ ᠲᠣᠣᠭᠤᠷ ᠨᠢ ᠬᠡᠣᠬᠡᠳ ᠰᠢᠷᠭᠤᠵᠣ | ᠭᠠᠷᠬᠤ ᠶᠢ ᠣᠨᠴᠠ ᠶᠡᠭᠡ ᠪᠠᠷ ᠴᠡᠭᠡᠷᠯᠡᠳᠡᠭ᠃ ᠡᠬᠡᠨᠡᠷ ᠬᠦᠮᠦᠨ ᠤ ᠬᠤᠪᠴᠠᠰᠣ ᠬᠤᠨᠠᠷ ᠢ ᠴᠦᠮ ᠡᠷᠡᠭᠳᠡᠢ ᠬᠦᠮᠦᠨ | ᠤ ᠬᠤᠪᠴᠠᠰᠣ ᠬᠤᠨᠠᠷ ᠤᠨ ᠲᠣᠣᠷᠠ ᠲᠠᠯᠠ ᠳᠤ ᠬᠤᠷᠢᠶᠠᠳᠠᠭ᠃ | ᠡᠮᠡᠭᠳᠡᠢ ᠬᠦᠮᠦᠨ ᠤ ᠰᠦᠢᠭᠡ ᠵᠡᠭᠦᠭᠦ ᠦᠭᠡᠢ ᠶᠠᠪᠣᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠬᠠᠷᠢ ᠳᠤ ᠮᠣᠷᠳᠠᠭᠠᠳᠣᠢ ᠬᠡᠣᠬᠡᠨ | ᠬᠦᠮᠦᠨ ᠤ ᠡᠴᠢᠭᠡ ᠡᠬᠡ ᠨᠢ ᠦᠬᠦᠪᠡᠯ ᠡᠭᠡᠮᠦᠭ ᠢᠶᠠᠨ ᠠᠪᠴᠣ᠂ ᠬᠠᠷᠢᠯᠠᠭᠰᠠᠨ ᠡᠮᠡᠭᠳᠡᠢ ᠶᠢᠨ ᠡᠷᠡ ᠨᠦᠬᠦᠷ ᠨᠢ | ᠦᠬᠦᠪᠡᠯ ᠰᠦᠢᠬᠡ ᠪᠠᠨ ᠠᠪᠣᠨᠠ ᠭᠡᠳᠡᠭ᠃ | ᠡᠮᠡᠭᠳᠡᠶᠢᠴᠣᠳ ᠪᠣᠰᠣᠳ ᠤᠨ ᠡᠮᠦᠨᠡ ᠣᠶᠢᠮᠣᠰᠣ ᠭᠤᠳᠣᠯ ᠢᠶᠠᠨ ᠲᠠᠶᠢᠯᠠᠬᠤ ᠶᠢ ᠣᠨᠴᠠ ᠴᠡᠭᠡᠷᠯᠡᠨᠡ᠃ ᠲᠡᠪᠡᠯ | ᠲᠡᠷᠯᠢᠭ ᠢᠶᠠᠨ ᠲᠣᠪᠴᠢᠯᠠᠬᠤ ᠦᠭᠡᠢ ᠪᠣᠶᠣ ᠨᠦᠮᠦᠬᠡᠨ ᠶᠠᠪᠣᠬᠤ ᠶᠢ ᠣᠨᠴᠠ ᠴᠡᠭᠡᠷᠯᠡᠳᠡᠭ᠃ ᠲᠡᠪᠡᠯ ᠲᠡᠷᠯᠢᠭ ᠢᠶᠠᠨ | ᠲᠣᠪᠴᠢᠯᠠᠬᠤ ᠦᠭᠡᠢ ᠪᠣᠶᠣ ᠨᠦᠮᠦᠬᠡᠨ ᠶᠠᠪᠣᠬᠤ ᠶᠢ ᠣᠨᠴᠠ ᠴᠡᠭᠡᠷᠯᠡᠳᠡᠭ᠃ ᠡᠮᠡᠭᠳᠡᠶᠢᠴᠣᠳ ᠶᠠᠮᠠᠷᠴᠦ ᠬᠦᠮᠦᠨ ᠤ | ᠡᠮᠦᠨᠡ ᠲᠡᠪᠡᠯ ᠲᠡᠷᠯᠢᠭ ᠢᠶᠠᠨ ᠰᠣᠯᠢᠬᠤ ᠶᠢ ᠴᠡᠭᠡᠷᠯᠡᠵᠣ᠂ ᠵᠠᠪᠠᠯ ᠲᠠᠯᠳᠠ ᠭᠠᠵᠠᠷ ᠰᠣᠯᠢᠳᠠᠭ᠃ | ᠡᠷᠡᠭᠳᠡᠶᠢᠴᠣᠳ ᠨᠦᠮᠦᠬᠡᠨ ᠢᠶᠠᠷ ᠭᠡᠷ ᠠᠴᠠ ᠭᠠᠷᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠵᠠᠪᠠᠯ ᠪᠦᠰᠡ ᠪᠠᠨ ᠪᠦᠰᠡᠯᠡᠭᠡᠳ | ᠭᠠᠷᠳᠠᠭ᠃ | ᠣᠨᠳᠠᠬᠤ ᠦᠶᠡ ᠳᠤ ᠲᠡᠪᠡᠯ ᠤᠨ ᠵᠠᠭᠠᠮᠠ ᠪᠠᠨ ᠪᠣᠰᠬᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠴᠢᠳᠭᠦᠷ ᠣᠷᠣᠨᠠ ᠭᠡᠳᠡᠭ᠃ | ᠪᠣᠰᠣᠳ ᠤᠨ ᠮᠠᠯᠠᠭᠠᠢ ᠳᠤ ᠭᠠᠷ ᠬᠦᠷᠬᠦ ᠶᠢ ᠴᠡᠭᠡᠷᠯᠡᠨᠡ᠃ | ᠪᠣᠰᠣᠳ ᠤᠨ ᠭᠡᠭᠡᠭᠰᠡᠨ ᠮᠠᠯᠠᠭᠠᠢ ᠶᠢ ᠠᠪᠬᠤ ᠶᠢ ᠴᠡᠭᠡᠷᠯᠡᠨᠡ᠂ ᠬᠡᠢ ᠮᠣᠷᠢ ᠬᠡᠪᠳᠡᠨᠡ ᠭᠡᠨᠡ᠃ | ᠪᠦᠰᠡ ᠪᠠᠨ ᠨᠠᠷᠠ ᠪᠣᠷᠣᠭᠤ ᠣᠷᠢᠶᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠪᠦᠰᠡ ᠪᠠᠨ ᠬᠦᠮᠦᠨ ᠲᠠᠢ ᠰᠣᠯᠢᠬᠤ ᠶᠢ ᠴᠡᠭᠡᠷᠯᠡᠨᠡ | ᠃ ᠪᠦᠰᠡ ᠶᠢ ᠵᠠᠩᠬᠢᠳᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠦᠵᠦᠭᠦᠷ ᠢ ᠨᠢ ᠬᠠᠪᠴᠢᠭᠤᠯᠣᠨᠠ᠃ | ᠪᠦᠰᠡᠭᠦᠶᠢᠴᠣᠳ ᠪᠦᠰᠡ ᠪᠦᠰᠡᠯᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠪᠦᠰᠡ ᠪᠦᠰᠡᠯᠡᠪᠡᠯ ᠪᠦᠰᠡᠭᠦᠢ ᠪᠢᠰᠢ ᠪᠣᠯᠣᠨᠠ ᠭᠡᠳᠡᠭ᠃ | | ᠬᠠᠷᠠ ᠦᠩᠭᠡ ᠶᠢᠨ ᠪᠦᠰ ᠢᠶᠠᠷ ᠲᠡᠪᠡᠯ ᠬᠤᠪᠴᠠᠰᠣ ᠬᠢᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠪᠡᠯᠭᠡ ᠦᠭᠡᠢ ᠭᠡᠳᠡᠭ᠃ | ᠬᠠᠷᠠ ᠬᠦᠮᠦᠨ ᠣᠯᠠᠭᠠᠨ ᠦᠩᠭᠡ ᠶᠢᠨ ᠭᠤᠳᠣᠯ ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠪᠡᠯᠭᠡ ᠦᠭᠡᠢ ᠣᠴᠢᠷ ᠲᠣᠬᠢᠶᠠᠨᠠ | ᠭᠡᠨᠡ᠃ | ᠬᠤᠪᠴᠠᠰᠣ ᠬᠤᠨᠠᠷ ᠢᠶᠠᠨ ᠲᠢᠭᠯᠡᠨ ᠬᠤᠷᠢᠶᠠᠬᠤ ᠳᠤ ᠪᠠᠨ ᠲᠣᠪᠴᠢ ᠶᠢ ᠨᠢ ᠲᠣᠪᠴᠢᠯᠠᠵᠣ ᠬᠤᠷᠢᠶᠠᠬᠤ ᠶᠢ | ᠴᠡᠭᠡᠷᠯᠡᠨᠡ᠃ | ᠬᠤᠪᠴᠠᠰᠣᠨ ᠤ ᠡᠩᠭᠡᠷ ᠢᠶᠠᠨ ᠬᠠᠵᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠡᠴᠢᠭᠡ ᠡᠬᠡ ᠪᠠᠨ ᠬᠠᠵᠠᠵᠣ ᠪᠠᠶᠢᠬᠤ ᠲᠠᠢ ᠠᠳᠠᠯᠢ | ᠭᠡᠳᠡᠭ᠃ | ᠬᠤᠪᠴᠠᠰᠣᠨ ᠤ ᠵᠠᠭᠠᠮᠠ ᠶᠢ ᠪᠣᠰᠬᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠴᠣᠣᠬᠢᠶᠠᠨ ᠳᠤ ᠲᠣᠬᠢᠶᠠᠯᠳᠣᠨᠠ ᠭᠡᠨᠡ᠃ | ᠬᠤᠶᠠᠷ ᠮᠠᠯᠠᠭᠠᠢ ᠶᠢ ᠲᠠᠪᠬᠤᠷᠯᠠᠨ ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠬᠤᠶᠠᠷ ᠡᠷᠡ ᠳᠤ ᠣᠴᠢᠬᠤ ᠶᠢᠨ ᠲᠡᠮᠳᠡᠭ ᠭᠡᠨᠡ | ᠃ | ᠬᠦᠮᠦᠨ ᠤ ᠰᠢᠨᠡ ᠬᠤᠪᠴᠠᠰᠣ ᠶᠢ ᠲᠣᠷᠰᠢᠵᠣ ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠢᠯᠡᠭᠦᠦ ᠨᠢᠭᠡ ᠵᠠᠬᠠ ᠬᠤᠪᠴᠠᠰᠣ | ᠡᠮᠦᠰᠪᠡᠯ ᠨᠠᠰᠣ ᠣᠬᠤᠷ ᠪᠣᠯᠣᠨᠠ ᠭᠡᠳᠡᠭ ᠪᠣᠶᠣ ᠡᠵᠡᠨ ᠤ ᠬᠢᠨᠢ ᠵᠣᠪᠠᠯᠠᠩ ᠢ ᠠᠮᠰᠠᠨᠠ ᠭᠡᠨᠡ᠃ | ᠭᠠᠷ ᠪᠠᠷᠢᠯᠴᠠᠬᠤ ᠳᠤ ᠪᠠᠨ ᠪᠡᠭᠡᠯᠡᠢ ᠲᠠᠢ ᠪᠠᠶᠢᠬᠤ ᠶᠢ ᠴᠡᠭᠡᠷᠯᠡᠵᠣ᠂ ᠵᠠᠪᠠᠯ ᠪᠡᠭᠡᠯᠡᠢ ᠪᠠᠨ ᠠᠪᠴᠣ ᠬᠠᠯᠭᠤᠮᠰᠤᠭ | ᠢᠶᠠᠨ ᠢᠯᠡᠳᠭᠡᠨᠡ᠃ | ᠭᠤᠳᠣᠯ ᠱᠠᠬᠠᠢ ᠪᠠᠨ ᠬᠦᠮᠦᠷᠢᠵᠣ ᠲᠠᠯᠪᠢᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠦᠬᠦᠭᠰᠡᠨ ᠬᠦᠮᠦᠨ ᠤ ᠭᠤᠳᠣᠯ ᠱᠠᠬᠠᠢ ᠶᠢ | ᠰᠠᠶ᠋ᠢ ᠬᠦᠮᠦᠷᠢᠵᠣ ᠲᠠᠯᠪᠢᠨᠠ᠃ | ᠮᠠᠯᠠᠭᠠᠢ ᠪᠠᠨ ᠪᠣᠷᠣᠭᠤ ᠬᠠᠨᠳᠣᠭᠤᠯᠵᠣ ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠴᠦᠯᠡᠭᠳᠡᠬᠦ ᠬᠦᠮᠦᠨ ᠤ ᠮᠠᠯᠠᠭᠠᠢ ᠶᠢ ᠨᠢ | ᠪᠣᠷᠣᠭᠤ ᠬᠠᠨᠳᠣᠭᠤᠯᠵᠣ ᠴᠦᠯᠡᠳᠡᠭ ᠭᠡᠳᠡᠭ᠃ | ᠮᠠᠯᠠᠭᠠᠢ ᠪᠠᠨ ᠵᠦᠷᠢᠭᠦᠦ᠂ ᠬᠠᠵᠠᠭᠠᠢ᠂ ᠬᠡᠯᠳᠡᠭᠡᠢ ᠵᠡᠭᠦᠭᠦ ᠶᠢ ᠴᠡᠭᠡᠷᠯᠡᠨᠡ᠃ ᠰᠣᠷᠳᠠᠯ ᠦᠭᠡᠢ ᠶᠢᠨ ᠲᠡᠮᠳᠡᠭ | ᠭᠡᠳᠡᠭ᠃ | ᠮᠠᠯᠠᠭᠠᠢ ᠪᠠᠷ ᠢᠶᠠᠨ ᠨᠠᠭᠠᠳᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠮᠣᠩᠬᠠᠭ ᠪᠣᠯᠣᠨᠠ ᠭᠡᠳᠡᠭ᠃ | ᠯᠠᠮᠠ ᠬᠦᠮᠦᠨ ᠡᠩ ᠤᠨ ᠬᠦᠮᠦᠨ ᠤ ᠦᠮᠦᠳᠦ ᠶᠢ ᠡᠮᠦᠰᠬᠦ ᠪᠣᠶᠣ ᠰᠢᠷᠠ᠂ ᠣᠯᠠᠭᠠᠨ᠂ ᠬᠦᠷᠡᠩ᠂ ᠪᠣᠷᠣ | ᠦᠩᠭᠡ ᠠᠴᠠ ᠪᠣᠰᠣᠳ ᠵᠦᠢᠯ ᠤᠨ ᠦᠩᠭᠡᠳᠡᠢ ᠬᠤᠪᠴᠠᠰᠣ ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠨᠡ᠃ | ᠲᠣᠪᠴᠢ ᠰᠢᠯᠪᠢ ᠦᠭᠡᠢ ᠬᠤᠪᠴᠠᠰᠣ ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠦᠬᠦᠭᠰᠡᠨ ᠬᠦᠮᠦᠨ ᠰᠠᠶ᠋ᠢ ᠡᠶᠢᠮᠦ | ᠬᠤᠪᠴᠠᠰᠣ ᠶᠢ ᠡᠮᠦᠰᠳᠡᠭ᠃ | ᠬᠡᠣᠬᠡᠳ ᠤᠨ ᠲᠡᠪᠡᠯ ᠤᠨ ᠲᠣᠪᠴᠢ ᠪᠠᠨ ᠡᠮᠬᠦᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠡᠵᠢ ᠨᠢ ᠦᠬᠦᠨᠡ ᠭᠡᠨᠡ᠃ | | |